•●انــا الــwـــر الـoـكنــ,,ـــوني,, ●•

[لحن المطر]

^_^


ولهت عليكم ..


بس مشغولين هاليومين...


لي عودة إن شاء الله...

ما كنت أدري أن التنبيه للتقاييم ما يشتغل ..
و أنا أقول ليش محد يقيمني ..
:a050:
آخرتها شفت الصفحة فيها وايد تقاييم لتحت و أنا ما شفتها فاللي ما رديت عليه ساعتها يعذرني لأني ما كنت أدري ..

و ياحيكم والله

 

[لحن المطر]

♥
♥
♥ السلام عليكم ورحمة الله وبركاته
اشحالكم عيال البرزة ..^^
عساكم طيبين يميع ..


له له شو صاير في البرزة ..؟؟
كل شي يديد و معدل حتى في الردود السريعة نقدر نعدل كل شي و نحط شو ما نبا ...

و قائمة آخر المشاركات رجعت ^_^

الله يديم هالحال ...



و جيه شفت التغيير قلت أكتب في مدونتي ..

و باجر عندي تست أدعولي أحل زين ...



و ياحيكم والله ..

و حبينا بس نسلم ..

و لنا عودة قريب و في أمان الله ..


♥
♥
♥

 

[لحن المطر]

♥
♥
♥

بسم الله الرحمن الرحيم

السلام عليكم ورحمة الله وبركاته عيال البرزة أخواني و خواتي الاعزاء و الكرام


أشحالكم و شخباركم يميع
عساكم طيبين ..
من زمان ما دخلت البرزة و تصفحت زين ..
عشان ظروف الدراسة هاليومين صرنا بس ندش و نشيك عالقسم و نرد كم مشاركة لكن أقترب السعد ..^^
قربنا نخلص و قلت اليوم آخذ بريك و ادش البرزة ..


وايد سوالف عندي لكن ما اعرف كيف أبدي ولا بشو ..


مرة كنت طالعة برة مكان أنا و ربيعتي نشم هوا ..
و المكان فاضي و خلي ..

و يلسنا على كرسي و لما نشيت ييت أشل كتابي من الكرسي..

شوفو شو شفت ....؟؟؟




^_^


و قلت أوووووووووه ..


كان وراي و انا ساندة عليه ...^^

غريييييييييييييييب ..


وعندي صورة ثانية براويكم اياها ..




حد يبا ..؟؟؟
:^^:

نفس هالولايم ما نلاقيها كل يوم....

^^
و البرصوووود .. يمي ..

أحين مشغولة شوي ..

بسير أرد على كم موضوع ثومة أنصرف إلى شغلي ..


و حياكم زوار مدونتي العزيزة ..

♥
♥
♥

 

[لحن المطر]

♥
♥
♥

للرفـــــــــــــــــــــــــــــــــــع

^_^

♥
♥
♥

 

[لحن المطر]

♥
♥
♥

السلام عليكم ورحمة الله وبركاته

اشحاااالكم عيال البرزة ..

شخباركم كلكم ..

عساكم بخير يميع..
امس دخلت المطبخ و استمتعت الصراحة ..^_^


و اليوم نزلت لكم موضوع في البرزة ...



للي حاب يدش ويشوف ..

من هنا


و جيه الدنيا ..

و حلوة الإجازة لحد أحين ..


و نحن حاليا في نهاية مسابقة الباحث المتميز ..
و عدد االمشاركين لا بأس به ..

و نتمنى التوفيق ..للكل

و ياحيكم ويا مرحبا بكم زوار مدونتي ..

و من اليوم و ساير لنا عودة ..^_^


و ياحيكم ..

♥
♥
♥

 

[لحن المطر]

♥
♥
♥
السلام عليكم ورحمة الله وبركاته

الإجازة لحد أحين ماشي حالها..
و معظم الوقت أحس نفسي في المطبخ ..^_^
كل يوم العصر أدش المطبخ و ايلس أدور و لازم أسوي شي ..

و أمس سويت ورق عنب ..
و في ناس اهني كلو منه ..
^_^

و هاذي الصور ..




و نفس المرة اللي طافت ..

كتبت الطريقة وصورت كل شي عل وعسى حد يستفيد ..^_^


و للي حاب يدش الموضوع يتفضل يغط على الرابط تحت

ورق عنب


و هاليومين الصغار كلهم وصلو من الشرق و الغرب ..
و خبلو بي خبال ..
لاتم باب ما رسمو عليه ..
ولا تم سيراميك ماصار كراسة رسم ..
ولا تمت أكواب ولا فنايين صاحية ..><

لكن مسوييين جو حلو ..^_^



صح نسينا نخبركم ..
طلعت الدرجات ..
الحمدلله.. الجريد أرتفع ..^_^

و الله كريم ..

و هاي كانت الأخبار .و نلاقيكم على خير مرة ثانية عيال البرزة ..

♥
♥
♥

 

[لحن المطر]

♥
♥
♥

السلام عليكم ورحمة الله وبركاته

كيفكون بناتات و شبابات البرزة .؟
شيبات و عيايزات ...^^

كلكم بخير ..؟
الحمدلله ..

:wrd:


الله يسلمكم اليوم ناوية أحكيلكم عن سوالف اليهال ..

عندي بنت أخت ... الميم اسمها ..

ما تعرف ترمس عدل حالها حال الناس ....

يعني بخبركم كم جملة أذكرها من جملها ..



1

أنا : ميمي شو هذا اللي عندج .
ميمي : دفترتي .
أنا : شو تسويين فيه .
ميمي : تكتب فيه

-----------------------

2


أنا و عندي جوتي لونه وردي و صغير و كيوت ..
لمنوو هااا.
ميمي : هاتي جوتيتي ..<~~~~~ خخخخ
هااااااتييييييه .. هذا بابا ياب لي ياه ..و تصيح ..^_^

-----------------------

2

أنا : ميمي ..لبسج وايد حلو .. من وين يبتيه ..
ميمي : من الكبتي ..؟؟<---- خخخخخ
أنا : هههههههههههههههههه

---------------------------------

3

ميمي : خالتي (-----) هاتي تلفونش .
أنا : ليش فديتج شو بتسوين فيه .
ميمي : بتشوفه شوي ..<----- ككككككككككك

:00cool:

-----------------------------

4

ميمي : ياية و أهي تصيييييييح ..
أمها : حياتي شوفيج .. ليش تصيحين .!!
ميمي : حمودي صب لبنتي عالأرض ..<---- كل شي عندها مؤنث ..


مرة دخلت الصالة و شفت أمي تكلم امها و حاطتنها سبيكر لأن أبوي و أخوي الصغير كانو اهناك ..
و اهي تصارخ .. هااااتي التلفوووووون ..
و آخر شي عطتها امها الفون . ..
ميمي : ألوووووو .<---- بكل رقة .
أمي : هلا والله .. هلا بميمي ..
ميمي : انتي منووووو .؟<------ عنبوج و صراخ تبين الفون لييش .. دامج ما تعرفين منو ..^^
أمي : أنا يدوووه(------)
ميمي : يدووووه (-----) ؟ على صيغة سؤال ..
أمي : هي فديتج .. ها ميمي متى بتيينا ..؟
ميمي : هااااااا
أمي : هههههه متى بتييينا (-----) ولهنا عليج
ميمي : هاااااااااا
أمي : ههههه ويه بلاها ..
ميمي فديتج ليش ما ييتي ويا بابا أمس .
ميمي : هاااااااااااا

و كلنا انبطينا من الضحك .. و آخرتها أمها خذت الفون و أهي صاحت ..

ولهت عليها ..
ولاّ يوم ترمس.........~~~~~> ولا أرق ..^^

فديت روحها ..

-------------------------


أول أمس بنات خالاتي يو عندنا ..
و كانو يايبين عيالهم وياهم .

خبلو بي بس حلويييين يحبون اللعب ..
وين ما تسيري وراج و يركضون ..
و صريخ و ضحك ..

كنت يالسة اصورهم .. و الصغير ياربي عليه حركااااات ..
دلوووووع يعني شوي يبتسم ابتسامة عجيبة و شوي يمد بوزه..^^

و هاي صفصف ..
تقولي صوري خاتمي ...^^




و برجع لكم ويا سوالف اليهال لأنها ما تخلص ..
بصور لكم البلاوي اللي يسوونها فبيتنا لما يوصولون ..


و نلاقيكم جريب ..

♥
♥
♥

 

[لحن المطر]

♥
♥
♥

[mark=#ff33cc]جفنــي جفــــــا ..~ [/mark]



جفني جـــفا ما غضت العين بنعاس اسهر مع كل النجـــوم المــراويـس

و اخــــط زينات المدايل بالأطراس على جداول دارجــــات الهواجــــــيس

قلبي شفوق اضنى به البعد و الياس اطلب رجا من لا رجا و الرجا ليس

ما ترحم المشتاق يا عذب الأجناس تسقيه من بعدك هموم و هواجيس

شفني كما غصن سواجيه يباس هل جيف ينبت و السواجي يوابــيــس

ولا كمــــا حر علـــى كف حباس يخـــفق و سبوقه قصـــار المحـــابيــس

مخلص لحبك و الركيزه على ساس لي ذاب لوده من غزار المــــقاييس

لو كان في وسط المعاليق عكاس لا شفت شخصك داخل الروح يليــس

انته هوا قلبي و روحي ولحساس و انت الذي لك في فوادي مداسيس

يا بو عيان دعج سود و نعاس سمر الهـــدب مثل الرماح المـــناجيـــس

و اسناد نوف كنه في حجرها ماس صـــوابها الا القـــلوب الأحاسيـــس

ريـــم تربـــا فـي فلا بر الأطعـــاس وين الضـــبا فيهـــا رتـــوع مجانـــيس

و العود مياس و غطس و غـــطاس غضــات تحفيها رهــاف الملافيـــس

كنـــه يشــع بنـــاعم الخـــد نبراس و الجـــاذبيه فيـــه مثـل الغناطـــيس

يميل و ان هبه من النود نسناس عوده يميد بريــف النســـمه يميـــس

و من الرمك ياخذ من الخــيل لفراس مضمرات مـــثل وصف المــقاوييس

ساطي وداده بين روحي و الأنفاس وسط الحشا بين الضلوع المغاريس

زورني فـــي هيعـــة النوم عســـاس يوم اتـــلاها و الخــوالي مناعيــس

ينام خالي القلب و ان صابه نعاس و انا و قلبــي بين هايــس و رميــس

لا باس يا جفن جفا النوم لا باس قلب يجسه في هوا الشوق جسيس

♥
♥
♥

cat)

 

[لحن المطر]

♥
♥
♥

بسم الله الرحمن الرحيم

أشحالكم عيال برزة الشحوح ..؟
أخباركم ... عساكم بخير يميع ...^^!
الحمدلله على كل حال .. لا تنسون دوم الحمدلله على كل حال ..
مثل ما يقولون العنقريز ...^^

It could be worse ^_^

يعني أكيد حالتك أحسن من غيرك ..:==:


من زمان ما دخلت مدونتي .. أهو أنا عادي أدخلها لكن ما يكون لي بارض أكتب ..
ما أعرف ليش .
و خاصة اني خذت صيفي .:eh_s(6):
يعني رجعت للدراسة مرة ثانية ..
وحدة من ربيعاتي لما خبرتها اني خذت صيفي تقولي .
( ما أعرف أبارك لج ولا أعزيج ..)
!!!

خخخخخخ

تصدقون .. أنا أعتبر نفسي حطمت رقم قياسي ..
ما أعتقد حد في تاريخ الجامعة مسوي مثل ما أنا سويت في الدراسة ..
و خاصة كليتنا ...^^ مال مذلة ..
أهو أكيد في لكن ما سمعت أنا ..
بس لو تعرفون أنا شو دارسة في هالسنة اللي طافت ..
ولو تعرفون شو سويت عشان آخذ الصيفي..
و حياتكم لآخر لحظة ماكان عندي ..
بس أنا أعتبر نفسي صاروخ .. سابقة الكل ..^^

أحسن أحسن ..


الصيفي مواد قليلة لكن ضغط .. ما تحس إلا تست 1 وصل ..
باجر تست .. و الثلاث تست .. و الأربعا أو الخميس وي ويل فلاي هوم ..^_^

ولهت على المطبخ

هذا آخر موضوع نزلته ..
البسبوسة ..
نسيت اني ما حطيت الرابط في المدونة ...^^
و هذا الموضوع ..

هالمرة بسبوسة بس ...^_^..

ودي أسير البيت و ادش المطبخ مرة ثانية ...
:eh_s(1):

قبل لا أيي كنت مسوية كفتة بالدجاج ..
لا تضحكو على شكلها .. جيه تطلع وياي .^^
أهم شي الطعم ..



........


و بالنسبة لمسابقتنا الباجث المتميز ترا وصلت للنهاية ..
باجي نرتب للموضوع و نجهز الجوايز و نعلن الفايزين ..^^
و بالتوفيق لكل المشاركين ..

.........................

كان معكم : لحن المطر ^_^
شرفتو المدونة ..



♥
♥
♥

 

[لحن المطر]

♥
♥
♥


السلام عليكم ورحمة الله وبركاته

أشحالكم عيال البرزة .. شبابها و بناتها , شيابها و عيايزها ..^^
عساكم كلكم بخير و صحة و عافية ...:122:


مدونتي واصلة الصفة الثالثة ما شاء الله ..^^



اممممم ..

مثلما خبرتكم اني خذت صيفي و مشغولة بالدراسة شوي ..
لأنه ضغط شوي .. و لأنه الجو ما يساعد شوي .....:212:

======================

صح نسيت أخبركم شي .

من خلصت الثانوية و بديت دراسة في الجامعة و الأمور كلها طيبة ..
لييين صارلي موقف محرج جداجدا جدا ويا أحد الأفاضل في الجامعة ..


الله يسلمكم أنا ما أستوفي شروط الحصول على صيفي .لأن اللي يتقدمون للصيفي وايد بحكم العدد الهائل للطلبة , و الدكاترة اللي يرضون يدرسون في الصيف قلائل ..
لكن ظليت في أول اسبوع للصيفي أحاول لأن آخر يوم تسجيل في مقعدين فاضيين في المادة اللي ابي أخلصها ..
و الكلية مب راضية تسجلني و العميد و مساعد العميد كانو في إجازة أصلا و دكتور ثاني مستلم المكتب و التسجيل و كان مشغول جدا و عنييييد ..


و في موظف هناك يساعدة يقولي ان مب مسموح نعطي طلبة مثل حالتج وماعرف شو .. عاد أنا شليت عمري و سرت لمكتب نائب رئيس الجامعة عشان أشتكي .
و أقول دام في مقاعد .. ليش ما تعطوني ...؟؟
طبعا انتظرت فترة لين دخلت عنده ..
لكن كان صيف و مافي ناس وايد ..

و أنا أشرح له الوضع و أكلمه .. و أهو يرد و يقول طيب يمكن إدارة الكلية كذا و ما أعرف شو ..
أهني لما رديت تعرفون شو قلت له ..

تابعو معي .:-


نائب رئيس الجامعة : أول شي انتي تقولين أنج مب متأخرة , و ثاني شي ما تستوفين الشروط يمكن هم عندهم طلبة أولى بهالمقاعد .

لحن المطر: بس أبلة أنا متابعة عدد(شششششششششششششششش)cat:mf_cracke
أهو ابتسم .. و أنا ايود حلجي .. و أبتسم .. قلت له عذرا دكتور ..

نائب الرئيس : كملي كملي ما مشكلة .
وجان يضحك الموظف اللي عداله ..
و أنا :g_chub:

خخخخخخخخخخخخخخخخخخخخخخخخ
عرفتو كيف ..
قلت له أبلة ...
من التعود عليها ترا ..صح كنت أغلط و أقولها لموجهين و ناس من المديرية قبل ..
بس ليش طلعت أحين مادري .يمكن لأن من وصلنا الجامعة و نحن ما رمسنا ويا دكاترة عرب..


على العموم كان موقف محرج جدا جدا جدا جدا...^^


===============================



صحيح اني سرت البيت كذا من مرة من خذت الصيفي ...
بس ولهت عليهم وايد اللي في البيت..

و خاصة هالثنتين .
:cry:
ربي يحفظهم . و خاصة اللي تحبي ..^^





cat)



و نتلاقى قريب لو الله راد في أخبار جديدة ..^^

و حكايات ..
♥
♥
♥