السلام عليكم ورحمة الله وبركاته
اشحالكم عيال البرزة ..^^
انا الحمدلله تمام و بخير و صحة و عافية ..
و الكلام اللي فوق هذا ..
الحمدلله خف ...^_^
لحن المطر... فرررررررررررررررررررررررررررررررررررحت من خاااااااااااطر..
لمن نزلت امطار ..
حسيت ان همومي انزاحت و انا تحت المطر ..
بفضل الله طبعا ..
ما اهتميت بشي ..
لا برد و لا غيره..
صح كنت ارتجف ..
بس كان رهيب الشعور يا عيال البرزة رهيب ...^_^
و انا اسمع ذاك اللحن اللي خاطري اسمعه من زمااااان ..
تميت اتمشى تحت الامطار و ادعي ..
و قطرات المطر تضرب فويهي ..
البنات يقولولي دشي بتمرضي ..
وأنا و لا مهتمة ..
حسيت بدفا رغم البرد ..
حسيت بشعور رهييب من زمان و دي أحس به ..
أقولكم لحن المطر رهييييب رهييييب ..
من أجمل ما خلق الله و من أعظم ما خلق المطر ^^
و ان شاء الله تكون أمطار رحمة ^^
^_^
:wrd:
و بعدها صورت لكم كم صورة..
دام ان نفسي كانت مفتوحة ..
لكن صورتهم بعدما خف المطر شوي ..
الحمدلله ما اخترب فوني ...^^
♥
♥
♥
الصراحة احس ان هذا أكثر شي خفف عني ..
لحن المطر و همسة..
مرة قريت في توقيع لغزالة الجبال ..
احب امشي تحت المطر.. لأن محد بيعرف اني يالسة أبكي ..<--- كان بالانجلش ..؟
رهيب ..
♥
♥
♥
♥
♥ السلام عليكم و رحمة الله و بركاته ...
ومرحبا الساع عيال البرزة..
اشحالك و شخباركم ...!
يعلكم بخير ان شاء الله .
^_^
اممممممممممممممم
اليوم مرت علي ربيعتي ..
و سرنا أنا و أهي ويا أختها العودة السوق ..
الصراحة خبال كان ..
استانست وايد ..
أول شي قلت لهم لازم اشتري شي لامايه ..
تدرون يابتني في تاريخ مميز ..
ولازم اشتري لها شي ...^^
خخخخخ
يلست ادور عشي تحبه ..
آخر شي أخترت اشتريلها بخور أو عود ..
أدري الحريم عوقهم البخور ..^_^
و بعد الحواطة عالخفيف عيبني هالعود ..
شريته من فزاع الملكي ..^^
رهيبة ريحته الصراحة ...^^
عود كمبودي مادري شو مادري شو..
اسم طويل ..
الصراحة فنان ..
و بعدها شرت المحلات المفضلة ..
الاكسسورارات و الجناط .. عوقي أنا الجناط..
و شرينا انا و ربيعتي نفس الشي ..
^^
و بعدها طلبنا لنا عشى .
و خذناه ويانا و سرنا تعشينا ابمكان يهبل ...^_^
و بعدها وصلوني البيت ..
و هم روحو ..
أنا ما احب طلعات السوق وايد ..
بس ما حبيت ارد ربيعتي ..
و آخرتها ما تندمت اني طلعت ..^^
بعدما رديت للمكينة يمكن مرتين..
كل مرة أقول خلاص تكفي و تزيد ..:012:
و ترد تخلص ..خخخخ
ان شاء الله تكونو كلكم بخير و صحة و سعادة يارب ...
الصراحة عندي وايد أشيا أبي أكتبها في مدونتي ..
لكن دايما ما أحصل فرصة ..
أكون مشغولة بشي أهم ..
لكن اليوم بما أن نفسيتي تعبانة شوي ..
و رجعت للملل اللي أكرهه و الوحدة اللي تقتل ..
قلت ادش مدونتي و أكتب اللي في فخاطري ..
اتعرفون يا عيال البرزة ..
انا لما أعصب لا لا مب لما أعصب لما احزن و أصيح بسبب شوي قوي ..
اطلع حرتي بأي شي ..
و آخر مة اللي هي خلال هاليومين ..
كنت مضايقة ..
و وحيدة فنفس الوقت ..
اولا بسبب اني ما تخيلت ان الناس ما يحسون باللي حواليهم ..
و يتخلون عن بعض و هم في أمس الحاجة لبعض ..
و ثانيا لأني ما أعرف الاسباب ..
يمكن أنا ميولي تختلف عنهم ..
و أحب أقرا و اتعلم أشيا هم ما يهتمون فيها .
بس هذا ما يمنع ان نكون مع بعض عشان كل حد يتعلم من الثاني ..
على العموم الوحدة بتظل بتظل ..
شو ما قلت ..
صح ارجع لكلامي ..
انا مريت بظرف شديد هاليومين ..
و اتعرفون يا عيال البرزة بشو طلعت حرتي ...؟؟؟؟؟؟
:cry:
بشعري ..
كان طويل..
و الف خط تحت كلمة كان طويل .. قصيته يا عيال البرزة ..
و أنا اللي كنت أفرح لما يزيد سانتي واحد ..
آآآآآآآآآآآه..
ربيته من و انا ياهل
و امي ما تخلنا نقصه ..
تقول حلاة البنت بشعرها ....--> الطويل ..
بس قصيته بدون علم أحد ..
بس افرغت كل شحنة الغضب و العصبية و الصياح الي كانت فيني ..
و ارتحت سبحان الله ..
ان شاء الله بيرد يطول ..
ان شاء الله ..
بعدني محتفظة بالخصلة الطويلة ..
و اصيح عليها اتعرفون وايد شعر ....
يالله ..
شو نسوي هذي حال الدنيا ..
و بعدين اهو مب قصير ذاك الزود ..
صار تحت الكتف بشوي .
و درجته..
شو أبي أقول بعد شو شو شو شو ..
في وايد أشيا أبي أقولها ..
بس أحين هالمشاركة كافية ..
و لي عودة ان الله راد ..و ظليت حية ..ب
و بصورها لكم الخصلة بس أول بسأل شو الحكم الشرعي ..
بما أنها خلاص ما عادت افراسي هل حلال تشوفوها أو لا ...^^
تصدقون . ودي أصيح .
بعمري ما تصورت أني اوصل مرحلة اني اكلم دبدوب..
هذا دبدوبي ..
كان مهمل في الغرفة ..
مرة تحت الكرسي و مرة تحت الطاولة تعرفون مب زين نخل عندنا دباديب ..
بس اليوم طلعته ..
و لبسته طوق ..
طوقين هم ...^^
خفاف من اللي البسهم طول الوقت ..
و يلست اكلمه ..
الصورة توني صورتها و الدليل ان مكان مشاركتي مبين فاللاب ..
^_^
ما علينا ..
قلت له احسن لك انك ما تحس ..
و ان ما عندك قلب ..
و حطيت صبعي على مكان قلبه ..
قلت ما عندك صح ..؟
و هو تم يطالع و يشوف .
قلت له حليلك .ما تقدر ترمس .. لو تقدر كنت بسمعك لين تخلص و تقول اللي في خاطرك ..
قلت له ..انت جماد .. لو كان عندك قلب ♥ يمكن تتعذب ..
لأن القلب يحب يحزن ..
و يعور يوم يحزن و يضايق ..
بعدين قلت اهو صح زين انه يكون عندك قلب و تحس بغيرك لكن بعد له مضار ..
مادري .. بس أكثر شي مضاره خطيره ..
ما أدري ..
تعرفون لاه..
صعب الانسان يقضي يومه بروحه من ينش لين يمسي ..
انا تعودت من سنين على هالشي ..
بس هالشي كل ماله و يصعب أكثر ..
خاصة ان الانسان يكبر ..
و يمر بظروف أكثر جديه محتاي فيها حد يكون وياه...
قبل لا ادش البرزة كنت اسولف للدب ..
كون ان انا و اهو برواحنا في الغرفة ..
و ما كان لي نفس ادش البرزة.
لكن قررت ادش .
لني لو مادشيت اعرف بصيح ..
و انا مالي نفس اصيح , تدرون مامنه فايدة الصياح .. حتى الصياح الانسان يمل منه ..
اممممممم
اتصدقون : استنتجت اني أعز عيال البرزة وايد ...^^
يمكن لأن نحن نتواصل ويا بعض عن طريق حروف لكن ترانا نتكلم ويا بعض يعني..
كلن بنك نيمه .
احس ان كل البنات مثل خواتي . و كل الشباب اخواني ...:ah:
انا مابي عالمي يكون بس النت .
لا . ابي النت يكون شي جانبي جيه في أوقات معينة . لكن الظاهر انه في يوم بيصير اهو عالمي و الباجي بيصير جانبي ..
