انا اول مره اعتمر :Afkr: كانت من أمنياتي الرئيسيه في حياتي اللي ابى اسويها قبل ما اموت . .
يوم الخميس في الليل كانت طيارتنا . .
توجهنا من مطار جده . . ومن جده براً الى مـكه المكرمه . .
العمره نفسها الحمدلله مافيها اي تعب احس الرحلة نفسها متعبه . . من المطار وطريج البر لين مكه . . الدرب مُتعب . .
أعضاء الرحلة : ابويه الله يطول بعمره - اختيه - اخويه الصغير - سلامـة اللي هي انا محدثتكم :ah:
وصلنا الفـندق . . كنّا ساكنين في رفلـز - قصر مكّه . .
ورفلز في دبي غني عن التعريف وصدق من اجمل الفنادق اللي احبهن . .
كنّا انا واختيه ماخذين سويت . . صاله وغرفه وابويه واخويه نفس الشي . .
طبعاً انا حاطين لي اكسترا بـيد . . لاني وايد اتحرك في الليل وبضيّج اخيته :3nb:
وهذا المنـظر اللي اطل عليه حجرتـنا . .
نحن نحط اغراضنا في الفندق اذن الفـير . . فـ بسرعه تمسحنا ونزلنا صلينا . .
وانا امشي بسرعه شفقانه ع شوفة الكعبة . . بس اول مادخلنا من باب الملك فهد . . ع طول الحريم قالن سيرن فوق ماشي مكان :cry:
صلينـا فوق وبعدها نزلنا تحت لتأدية مناسك العمره . .
اول ماشفت الكعبة تميت اصـيح . . صدق غيـيـر يوم تشوفها في التلفزيون وع الطبيعه مختلفه تماماً . . تحس برهبه . .
الحمدلله الإمور كانت مُـيسره . . بس في الطواف زحمه عفصونـي كل شوي اشوف ابويه مختفي . .
ويرد يسحبني يقول لي تعالي هني انتي مش ويه طواف لو في الحي شو بتسوين . .
اصلاً موسم ايرانيـين هم محتلين المكان كله ويدزوني :cm:
الكل كان يقول لي لاتودين الكاميرا بيشلونها عنج . .
وابويه قال بثجّل عليج في المناسك لا تودينها . . فـ اول يوم ماوديتها بس صورت بالآي فون . .
بس اشوف كل الناس تصور بالكاميرات الصغيره . . قلت الصلاة الياية بشلها . .
خلصنا المناسك ولله الحمد والمنّه وردينا الفندق وانا كنت وحده بموت من اليوع . .
رحت ع طول سبحت ورحنا نتريق في البوفيه . .
كان المطعم يطل ع الحرم من بعيد :
اقـربو حياكم :
ومامدانا رقدنا ساعتين ونزلنا عشان صلاة اليمعه . .
اجواء مختلفه تماماً مجرد انك تسمع صوت الآذان . . ويوم تنزل تشوف كل الناس متجهين للحرم . .
آه شعور ما اقدر اوصفـه ♥♥♥♥♥
تميت اشل الكاميرا خلاف معايه كل صلاه . .
وكتبت الموقف في موضوع التصوير :
في صلاة الجمعه فتشو والحمدلله ماكنت ماخذتنها . .
عصر الجمعه . . مستقويه بصور في الصحن تحت . . io:
اول ماوصلت شي شرطي يراقبني مادري ليش حاس فيّه وانا الحراميه لي كاشفه عمري :h015:
وين ما اتلفت يطالعني فجاه اختفى . . قلت يالله يا سلامة فرصتج تصورين من مكان قريب وواضح . .
توني بطلعها الا اشوفه ورايه . .
الشرطي : الكاميرا ممنوعة !! انا : الكل يصور . . الشرطي : لا هم جوال ولا كاميرا صغيرااا هادي كبيرااا !! انا : شو الفرق ترى كلهن كاميرات ~> لاحظ مستقوية ماتسكت بعد :3nb: الشرطي : لا هادي كبيراا دخليها اذا حد شافك بيصادرها عنك انا راح اسوي نفسي ماشفتها . .
صور مختلفه للحـرم :
لرؤية بقية الصور هُنـا :
http://alshohooh.ws/vb/showthread.php?t=96417
الوقت مر بسـرعه ماحسيت الا نحن نستعد انه نرد . .
وانا ريولي اللي كانت مكسورة ردت تعورني وانتفحت عليه :eh_s(6):
والشرطه مستغربه منهم جيه كله مال دفاشه . .
بس يروغون الناس . . يالله يا حاج . . انزين هو يصلي في الصحن يقول له يالله خلص يا حاج . . افكر في خاطريه يعني شو يختصر ركعه وحده يصلي :Afkr:
غرفتنا آخر يوم :
وفـير الأحد . . عُدنا إلى دار زايد :00100:
اول ماوصلت البلاد حسيت اني تولهت ع شوفة الحرم مره ثانيه . .
خاطريه اسير بس ايام الشتا يقولون ماشي هالزحمه وبيكون الجو افضل
عسى الرحمن يرزق كل من في خاطره عمره عاجلة غير آجله :00100:
من كثيرك ما أبي . . إلاّ قليل `
القناعه | كَنز | يا ريحة . . هَلي !*
♥ ;`
السَلام علَيكمْ ورحمة الله وبَركاته . .
مسّاكم الله بالخير والعافيه جميعاً :00100:
اشحالكم عساكم بخــير . . ؟
من زمـان ماسويت أبديت للـمدونه قلت أنزّل شي تنشيط لها فقط لاغير :Afkr:
طبعاً السالفه الرايده في البيت هاليومين شييين اللي هم : 1 .السـفر . . وابويه مب مخلنّا نسافر يقول بلاد الغرب ما طمّن كلها امراض :bad: 2 . عرس اخويه . . عقب رمضان مباشره . . لازم نخلص كل شي احينه لانه رمضان محد له بارض حق هالأشياء . .
انزين شو كنت بقول . . آخر واهم الأشياء لي استوت الفتره اللي طافت . .
♥ ;`
اخـويه سلـطان فديت خشمه كانت ملجته شهر 4 . . وطبعاً هذا الغالي وكل شي غير . .
وتحضريات الملجـه . .
اقول للشباب لاتعرسون . . صدق خساير :h015:
ومن غير الهدايا . . آآآآ اقصد لا لا عقبالكم ان شاءلله يا عزابيّة البرزه . .
♥ ;`
شهر 5 كان يوم ميلاد صديقتيه الصدوقه منـى . . فـ لازم اسوي لها شي سبيـشل :ah:
هي تحب التصوير شراتي فـ سويت لها كيكه ع شكل كانون . .
امممممممم . . من فتره قبل ماسير العمره بكم يـوم . .
سرت دبي يلست هناك يومين . . استانستا مع الصغاريه . . بس الجو مايساعد ابداً -_-"
أول مره اسير إلـها . . الكل شايفنها الا انا . .
ع قولتهم عقب ماشفتها احينه صرتي مواطنه خلاص :h015:
ويلست في لادوري ♥♥♥♥
وبعد بخبركم عن شي . . أحلى كيكة تـمر كلتها . .
كوفي اسمه joe's cafe . . في دبي مول طبعاً . .
عجيييبه صدق . . مابتندمون جربوها . .:eh_s(6):
♥ ;`
امممممممممممم بخبركم عن فندق وايد حلو في دبي . .
سواء للسكن في الغرف او للمطعم . . نحن سرنا نتغدى فيه . .
هو اسعار الغرف شوي غاليه بس يستاهل . .
اسمه : زعبيل سراي . . Jumeirah Zabeel Saray . . هو موجود في جزيرة النخلة . .
انا عرفته عن طريق امممم كنّا نبى نسوي فيه مؤتمر خاص في دوامنا . .
بس استبعدنا المكان . . ومنها دخلت دورت عليه وعيبني . . ستايله من العصر العثماني جيه شكل سرايا ونقوش تركيه . .
♥ ;`
وبمناسبة فوز البرسا سويت حق الدوام . .
♥ ;`
اممممممممم وايد رمست خلاص تعبت باقي آخر شي . .
يتني تقييمات وايد من فتره ع قولتكم بسكوت :3nb:
هذا مش بسكوت امممم ولا كيك . . مادري كيف اوصفه . .
المهم اسمه macarons . . مكرونز . .
ووايد سؤلوني وين يبيعونه . .
احلى مكان يسوي المكرونز هو الكوفي الفرنسي laduree . . اللي حطيت صورته فوق في دبي مول . .
طبعاً من بعد فرنسا هو اللي في دبي هو اول فرع في الشرق الأوسط . .
وهاي جيسته . .
اللي هو هذا :ah:
ويبيعونه بعد في vivel . .
وهذا هو :
ومن فتره قامو اييبونه في لابريوش . . وبعد شي منه في باول . .
وبس خلصنا :bt:
حطينا اغراضنا وريحنا لين عقب صلاة المغرب . .
خلاف قالو شو رايكم نجّرب الميترو . . يا الله ماعندي اي اشكال . . وبالفعل سرنا كلنا وركبنا الميترو 58g
وكانت وجهتنا لـ مول الإمارات . .
ماحطنا وايد لانه سايرين متأخر اصلاً . . تعشينا هناك وهالمطعم انا وايد احبه :t6t:
ومن بعدها ردينا الفندق . .
اسمعو اخواني والله مخبّل . .
قالو امس ماتمشينا عدل في مول الإمارات اليوم بنروحه مره ثانيه . . عفواً شو هي لعبه بتقيمونها :good:
قلت لهم سمعو انا وحده ماحب احوط في المول . .
لي حايات معينه كاتبتنهن . . باجر باخذهن من دبي مول بالمره . .
احينه بسير ايلس في بوردرز . .
تعرفونها المكتبه لي عدال السينما . . ؟ داخلها ستار بكس . .
بس فيه اجانب وهدوء . . انا يايبه معايه روايتي . . سرت هناك ويلست اقراها بكل هدوء . .
كنّا متفقين واخويه واعدني يدخلني السينما الفلم لي كنت ابى اشوفه . .
شيكّنا ع الوقت 4 ونص مناسب . .
تخيلو انا يالسه من الضحى بروحي لين 3 مابيّنو ولا لهـم حــس . .
خلاف اتصلو قالو يالله بنروح نتغدى . .
تغدينا في كرم بيروت . .
ومن بعدها هيّا إلى السينما وفلم مونتا كارلو wahh
خلاف ردينا الفندق . .
ارتاحو اخواني من الحواطه شوي . . :ili:
المغرب قالو بنروح الممشى . . هالمكان انا اكرهه . . زحمه اوف تعقدت منه . . قلت لهم اسمحولي انا مابروح بتم في الفندق . .
قبل مايروحون العشا نزلت ستار بكس اللي في الفندق تحت . .
وخذت لي وايت موكا وسرت حجرتيه يلست اطالع تلفزيون . .
يوم يـو من برع يايبين لي هديه . . OMG !! اختيه الكبيره موصتنهم . . هالساعه كانت في خاطريه . .
واااااااااااااايد استانست :ah:
الإثنين . . oo:
بالصبح قلت لهم مابى انزل اتريق . .
بس ييـبولي من ستار بكس . . طرشت واحد من الأولاد ويابو لي ~> ادمان :t6t:
تريقو وحطينا اغراضنا . .
وكنّا متفقين انه طول الوقت يوم الاثنين بيخلونه لدبي مول . .
وسوينا جيك آوت . .
يخوّف هاللفت مال الفندق . .
نحن ساكنين في الدور 24 يوم يطلع وينزل يطل ع خاري انا اموت من الخوف . .
ماحب الأماكن المرتفعه وهو ينزل بسرعه احس بيغمى عليه :ko::
هَذي أول سنـة أصومْ بوجودك . .
وهذي أول سنة بَدعي لك مَعاي ♥
السَلام عَليكم ورحمة الله وبـَركاته . .
صباحكم / مساكم . . خير ومغفره من رب العالمين sos3
مبارك عليكم الشهر اخواني وخواتي . .
وأعاننا الرحمن على صيامه وقيامه
:fafaf:
كالعاده متأخره بالأبديت مـالي . . بس مافيش وأت لـ حاجة خالص haah
باخذكم معايه دبـي . . كانت السيرة بالأربعاء والعودة الخميس . .
شردت من الدوام بدري انا واختيه . . اقصد استأذنا من وقت :t6t:
السيره كانت عباره عن تغيير جو قبل دخول اجواء رمضان . . وانهاء بعض الامور المتعلقة بالعرس المنتظر لـ اخويه الغالي . .
عرسة عقب رمضان مباشره . .
هالفترة كله مراكض عشانه -_-"
وهّيـا إلى دبي :qlb:
أول وجهه كانت وافي . . بنتلاقى مع المعرس عشان نسير الشارجة نخلص موضوع البطايق :gooddw:
السموحه أدري ابكم صيّام بس ماشي وقت انزل الأبديت المسا :awxc:
بعد الغدا افترقنا . . الشباب سارو دبي مول ونحن توجهنا إلى الشارقة . . وزحمة الشارجة اللتي لا تُطاق أبداً . .
خلصنا تقريباً موضوع البطايق بعد عناء . .
وانا طبعاً مايحتاي اقول لكم ابى جيه وابى جيه لا وغيري جيه . . وسلطان اهم شي مقتنع في ذوقنا :eh_s(6):
بعد ساعات طويلة . . وتوجهنا الى دبي مول نتلاقى مع الشباب . .
واحلى شي اني شفت النافورة من Joe's Café كافيه . . تجنن وايد احبها wahh
جولة سريعة في دبي مول من بعدها هيّا إلى الفندق . .
أول مره نسكن فيه اسمه روز ريحان - روتانا . . مرتب وحلو واسعار جداً ممتازة . .
ومن أطول الأبراج الفندقية . . فيه تقريباً شي وستين دور . .
بس عيبه حسيت الغرف شوي ضيقة . .
بخبركم معلومة عن louis vuitton . .
يوم تاخذون مثل هالشنط مال السفر ترومون تطبعون عليهم الحروف لي تبونهم 2 بس . .
طبعاً نحن محطين AD oo:
بصباح الخميس والناس مداومة وطفرانه 58g
و تحتنا ستار بكس . . اقترحت ع اختيه اريقها هناك بما انه اخواني حمد والكايد موطلين لين ينشون :yy:
لين مانشّو اخواني المفاليع . .
سوينا الجيك أوت . . وبعدها توجهنا لـ دبي مول مره اخرى :rqdah:
~> الشنطة الجفير :awxc:
تحوطنا لين تعبو استسلمو للغـداء . .
هذا مطعم ايطالي . . بس نصيحة من اختكم غناة البرزة محد ياكل فيه . . اكل هب حلو -_-"
ولازم نخطف ع لادوريه مره ثانيه :qlb:
قبل طريق العودة . . ولازم شيشة البترول . .
بعد ما وصلت البطايق وبدا التوزيع . .
من العين لين راس الخيمة . . بدا تركيب الليتات . . وهني حسيت فرحة غير . . وانّي احس بسعادة داخلية غريبه . .
كنت ايلس اطالعها وافكر بشعور سلطان وشعور العروس . .
يمكن ما اقدر اوصفه لانه مشاعرهم مختلفة عن الجميع . .
ليلة العيد كانت مهمتي اييب كل صواني الشوكليت لي حطيناهم قبل يومين . .
وكل المحلات زحمة من طلبيات العيد . . ماشي مكان تحط ريولك والاوردر بالأرقام :imok:
يوم العـرس - العين - 2 - 9 - 2011 :klolooosh:
طبعاً اهل المعرس كل الأضواء عليهم ولازم كل شي يكون بياض ويه . .