سعود دلك
๑ . . عضو إمبراطوري . . ๑
- التسجيل
- 14 ديسمبر 2004
- رقم العضوية
- 2656
- المشاركات
- 4,036
- مستوى التفاعل
- 488
- العمر
- 37
- الجنس
- الإقامة
- بين راك وعجمان على شارع الامارات..
لكل من يتابع يومياتي ..
سواء برسالة خاصة او برسالة زوار أو بتقييم او بمشاهدة ..
شكرا ً ..:20:
--------------
ياخي شو هـااااا !!!
دشيت آخر مشاركات لي .. ما حصلت آخر رد لي فالمدونة
دشيت المواضيع اللي كتبتها ، ما حصلت المدونة !؟
قلت يمكن حذفتوها ..
عــاد انجبرت ادورها قسم قسم ، موضوع موضوع
رد رد زنقا زنقا ..:eh_s(6):
سؤال موجه للإدارة ..
شو قصة هذا ؟ >>>> :syad:
كل ما ابى اكتب رد اشوفه يرقص !؟
شايلنه الهوى مثلا ً !؟
احسه يقول حطني فالموضوع !!! :00eek:
انزييين
هـاا الرد من فترة ابى اكتبه .. بس الفترة الاخيرة كنت وايد مشغول
دورات ومعهد وارهاق و بعد مباريات دوري ابطال اوروبا ..
كلها اسباب ادت إلى انشغالي :eh_s(6):
امممم .. بما ان معظم وقتي فالدوام
فـ بخبركم عن بعض المواقف المحرجة و المضحكة اللي تصير لي فالدوام ..
موقف محرج (1)
اولا ً شغلي بشكل عـام هو التصديق
سواء عقود شركات او وكالات او بيع او اي شي يحتاج التصديق عليه
طبعا ً طبقا ً للقانون وحسب الاجراءات .. يعني مب كل شي يتصدق
انزيين شي ثاني
انا مخبر ربعي فالدوام .. إذا يت اي وحدة منقبة لا تخلونها ادش مكتبي
خلوها دش المكتب الثاني اللي فيه المسؤولة ..
مب كره ولا شي .. بالعكس احترم المنقبات ..لأنهم متسترات ..
لكـن لازم عشان اتأكد من الصفة وان الشخص اللي عدالي هو نفسه
الشخص المكتوب اسمه بالاوارق .. لازم ترفع النقاب ..
وأنـا استحي اقول لوحدة رفعي النقاب
فـ تجنبا ً للمشاكل ما ابى وحدة منقبة ادش مكتبي عشان ما انحرج
وعشان ما اتهزء بعـد :eh_s(6):
الحيين بتييكم السالفة
مـرة ياني واحد وقال لي انا بتنازل عن رخصة لـ واحد بس ها الواحد بيي عقب ساعة
ومندوبه هو اللي بييب الطرف الثاني
شفت الاوراق و اسمائهم وقلت له ما عليه وقـع ..
بعدين شوي يــاني المندوب وقال لي يه الطرف الثاني..
وأتفاجأ لكم ان الطرف الثاني وحدة منقبة عندها وكالة من زوجها ..
يا نهار اسوييد ..:dontwanna
شو اسوي يمين يسار .. اونه قاعد ارتب الاوراق وافكر شو بقولها الحين !؟
ترا لازم إذا الطرف الاول يه عندي لازم الطرف الثاني يكمل عندي
يعني هي ما تقدر تسير عند المسؤولة وتقول بكمل عندج ..!
وفوق كل هذا احنا محلفين.. يعني ماشي مفر !
امري لله .. فلانة لازم ترفعين النقاب ابا أتأكد انج انتي فلانة !
قالت لي : نعم ؟ ليش ارفع النقاب ، عندك البطايق وشوف !
المهم عصبت وصارخت وبالاخير طلعت وانا بدوري كنسلت المعاملة !
واسير عند ربعي اقولهم انا شو مخبرنكم ؟ كيف ادخلون منقبة مكتبي !!!:212:
قاعدين يضحكون علي وقالوا لي ما كنا نعرف !!
عــاد من عقبها خلاص اي وحدة منقبة ادش المكتب
اقولها اسمحي لي اختي المكتب الثاني ..!
موقف محرج (2)
اعتبر ها الموقف اقوى شوي عن الأول يضحك ويخوف شوي ..
الله يسلمكم انا لمـا اسير الدوام دوم آخذ الآي باد وياي
وقت ما افضى العب فيه انا و الشباب ..
المهــم ، مرة من المرات التعيسة وبينما كنت العب فالاي باد
دش علي واحد من كبار الشخصيات بس انا ما عرفته ..
قال لي : مشغول ؟
قلت له : لااا فااضي قــاعد العب ..:eh_s(6):
وفعلا ً المكتب كان فاضي محد فيه ..
بس حسيت انه فهمها كأني قلت له :
يعني شو تشوف ؟ المكتب فاضي كيف بكون مشغول ؟
بس طلع ريال والنعم فيه ضحك وقعد عندي وما قال شي وعدى ها اليوم على خير :eh_s(6):
آخر الاخباار
ان البعض فوزارة العدل يحاولون يضمون كتـاب العدل لـ السلطة القضائية
يعني عادي عقب فترة يكون مسماي الوظيفي : قاضي توثيق
يعني الحلم اللي من يوم كنت صف خامس احلم فيه أخيرا ً بيتحقق :cry:
طبعا ً هذا كلام .. لكـن متى التطبيق ؟ الله اعلـم
وبس.. هاي اهـم الاحداث والاخبار اللي صارت بالفترة الاخيرة ..
وإن شاء الله نلقاكم في رد آخر واحداث يديدة :00100:
..
20
