M6r -alshehi

[الجلجلي]

رد: M6r -alshehi


15\2\2010

اليوم قمت من الصبح بطني توجعني

وأتحيس كمو التعلب...

يمكن من الكيما اللي كلينوه أمس بالمطعم


أمس بالليل حسيت بوجع لكن لكن ماشي كان اسهال

بس اليوم من الصبح وأونا مستلم الحمام,,

اسميني اهتلكت اووود..

ياخي دوم نتعشي من هالمطعم ما يستوي بينا شي

يمكن أمس الطبوخ متغير...

المهم بعد ما طلعت من السكن مشيت الكلية

وع طول صوب الحمام ...

وبعد الحمام وأحدر صوب العيادة اللي ف الكلية

وأقلهم فيني اسهال رهيب ووجع قوي ومغص شديد

وتطيني الممرضة حبتين و تقلني توكل

وأقلها هوما داااااا؟؟؟

تقلني حبوب!!!

أقلها جيبي ورقة موعد مع المستشفى ما أبغي حبوب مولكم

وتتنوفض وتفز وتعطيني ورقة موعد مع المستشفى

وامشيت المستشفى وأشوف العجب هنوووك

اسميه زحمة..

ويلست قدوم شيبة (ريال هزم )

وهالشيبه ييلس يشوفني محلو وأونا مستغرب

وفجأة يقلني

سعيد شو أخبار أبوك؟؟؟

رد من العمرة ولا بعده؟؟؟

وكيف النخل بعتوها ولا بعدكم؟؟؟

وش حال أمك للحين تضبط المكبوس؟؟

وأونا مرتقد أقول هووودا مولو بااا

وأقلو هوووي أونا ما سعيد

المهم بعدين دخلت ع الدكتور

ويقلني عندك ايييييه يا ابني؟؟؟

قليتوا فيني مغص واسهال شديد

ويقلني ومالو؟؟؟ ما كلنا عندنا مغص واسهال

وأونا مرتقد هالناس من وين طيلعين

وأقلو أخوي اوصف لي دوا خلصني

وبعدين رديت السكن وخديت لي منامة للعشا

لا صلاة ولا دين أخوي

ويوم قمت واصف الصلوات كلها ورا بعض

ورديت انخمدت

وهاي السوالف.

 

[الجلجلي]

رد: M6r -alshehi


25\2\2010

اليوم معي امتحان بزنز الله يستر..


قمت من الساعة 6 الصبح ع اساس أذاكر المادة

وقلت بفتح التلفزيون شوي بشوف ويش بيه؟؟

وأحصل مسلسل "الزير سالم" واتسمت أخوي

واسوي لي شوهي....

وبعد الزير حطيت مسلسل مصري اسمو "سوق الخضار"

بقناة المستقلة واتم اشوفو حتى الساعة 8 ونص

واتذكر ان معي امتحون...

واشل عليه وألبس الثوب والغترة وفوووووووووقه...

واوصل الكلية الساعة 9 ونص...

يعني وقت الامتحان مخلص ..

وأدعي على سلوم حداد"الزير سالم"

وفيفي عبدة لأنها البطلة بمسلسل "سوق الخضار"

المهم وأمشي للدكتور اتشيم بيه عشان يعيد لي الاختبار

وما طاع الهرم..

وأقلو اونا كنت مريض وتعبان وبعد رفض ...


وأشل روحي وامشي السكن وادمر بختو هوه وامتحونو...

 

[الجلجلي]

رد: M6r -alshehi

السلام عليكم

1/3/2010

اليوم بحكي ليكم سالفة الربع معاي بالسكن

أمس سمعت صراخهم الساعة 8 ف الليل ف الغرفة الثانية

اونا خفت قلت بنفسي مو استوي بأد؟؟؟؟

واركض صوب الغرفة الثانية بسرعة

ولا أشوفهم اللي ماسك مخمة بايده واللي ماسك

قب واللي ماسك دبة..

وأسألهم هأأأ وش صاير..

أشوف الربع يختلجون ويتنافضون

أقلهم ويش السالفة؟؟؟

يقلوني غوول غوول غوول!!!

وأقلهم غول؟؟؟

وخير ياطير !!!

أونا من سمعت صروخكم حسبت ان اللي

طيلع ليكم تنين ولا ديناصور!!

وأقلهم عطوني القب وأحدر على الغول

بضربة واحدة ع الراس ويتفنكل ع صوب

وانقضيت عليه كالصقر لما ينقض على الفريسة

كان طوله 3 أمتار ونص..

وأقتلو ويندبوا الربع..

ويصيح الكبكوب

وأحبش الجثة وأدفنها..

المهم من اليوم ورايح الربع سموني

"الغول"

وهذي صورة الغول

 

[الجلجلي]

رد: M6r -alshehi



10\3\2010

مساء الورد يا سكان دولة برزة الشحوح


أمس خلصنا امتحانات الميد تيرم

اسمييني غشيت ف الامتحانات "حمووووووس"

آخر امتحان سويت 15 برشومة بطن وظهر (وش وقفا)ع قولة المصريين

وأحطهم بالكيس ودشيت الامتحان كلي ثقة وغرور..

وأول ما أدش القاعة ولا شرع الهيد مو القسم ويهدد ويقول

اللي نحصل معو براشيم بيشوف شي ما شوفيه بحياته

واونا أقول بقلبي "هالله الله اللي يسمعوا يقول شيلا أحمد زويل بزمانه"

وأقول بقلبي "ادمر بختك خلصنا أخوي"

ويطلع واطلع أول برشومة وأحطها تحت الساعة

واللي يراقب هندي ما يدري الله وين حاطنه

تيلق حلقو ومغمض عينه وأقول حلو يلا "يابس يابس"

وتستوي اليولة بالقاعة..

وأفرش كل البراشيم وأتنقي

واونا فرحون طير من الفرحة

وأغش الاختبار كامل ...

شكلي بجيب a+ بهالمادة ان شاء الله

ياسلام ياسلام بس كل مرة بغش أخوي

مو الفايدة من المذاكرة الغش أحسن!!!!!

أدري ان الغش حرام لكن كي نسوي باااا؟؟ الله كريم

واليوم ركضت 5 كيلو من الفرحة كانت الباور فوووول

وكان بامكاني أركض أكثر بس خفت على بطني

قومت تقرقر ما أدري مولها؟؟؟

يلا مع السلامة شكلي رمست كود اليوم

باي...

 

[الجلجلي]

رد: M6r -alshehi

18\3\2010
السلام عليكم ورحمة الله وبركاته

اليوم بحكي ليكم ويش صار معي بالكلية

الاسبوع اللي طاف اي في الاسبوع المنصرم

يوم الاثنين ما أدري الثلاثاء... كنا نتمشى بالممرات

أونا والربع و كلنا شحوح بعد وشيلين الدنيا شل

بالممر ومسوين حشرة وكان واحد من الربع ينكت

ويقول ابتسامات وأونا اضحك وميت من الضحك

وجيت ابي اتكي ع الجدار من كثر الضحك

وكان البوكس مو الانذار مو الحرائق الصغير

ورا ظهري واتكي عليه من دون قصد وأونا

ما حاس بروحي ولا أكسر الزجاج مو البوكس

ويطوط ويصرخ الانذار مو الحرايق

وأونا بعدي اضحك ولا عارف شو السالفة

أقل الشباب خير شو صار اسمع جرس الفسحة دق؟؟

خلصنا محاضرات عاااد؟؟؟

ويسحبني واحد من الشباب يالحمار اركض كسرت

الانذار مو الحرايق

أقلو اونا أشم ريحة شي يحترق خخخخخخخخخخخ!!!!

ويقلني "ادمر بختك لا" واشوف السكيوريتي مشرع صوبنا

طر وهو متضايق وأوما محلي اضحك وهووجهه مستوي أحمرعلى أخضر

ويقول من كسر الزجاج؟؟؟؟؟؟؟؟؟؟ وأونا أضحك

والشباب يقلوه ما اهنين تونا واصلين ما نعرف من اللي كسر الانذار


وأمشيت السكن وأونا اضحك ع السالفة بعدي

 

[الجلجلي]

رد: M6r -alshehi



20\3\2010

الساعة 3 صباحا

الجلجلي توه راد من برا

كالعادة قافلين باب الحوش

ياهي نشبة !!!!!!

قلت بنفسي يلا كالعادة أنط مثل السنور باااااا

واجي طر وأعفد ع الجدار وانتشب فوق

وما قدرت اشل عمري

يمكن من الكرش خخخخخخخخخخخ

أخبر كرشي صغيررر!!!

وكل يوم أركض 5 كيلومترات

يمكن من العشا اللي ماكلنه ذيك الليلة

كنت متعشي مشاوي وكرشي منتفخ كمو الطبل

عشان هالشي ما قدرت ارفع جسمي ع الجدار مع اني رياضي محنك

ولاعب كرة مخضرم ومتفوق في مجال القفز من على الجدران

خاصة في منتصف الليالي خخخخخخخخخ

المهم قلت ماشي غير ادور ورا البيت واصعد من ورا البيت

وادور من ورا وأصعد ع الجدار لأنه من هناك أخف


ولا أشوف جيرانا يطالعني ويصرخ انزل يالحرامي انزل يالكلب!!!!

اونا أقول هودا مو طلعوا نص الليل بعد هالدعلج؟؟؟؟

وأحول واونا مشتل صوب الغرفة وأدخل وأشوف الحبيب يتصل

ع رقمي وأطنشو...

بعد شوي ويتصل ع رقم أخوي وأخوي ف سابع نومه

وشخيره واصل الشارع..

وبعد 5 دقايق ويدق الجرس مو البيت

وأطلع بسرعة وأحصل جارنا الحبيب!!!

أقوله خير ابومحمد آمرني ؟؟

يقولي وين سار الحرامي ؟؟

توه حرامي كان يصعد ع الجدار مالكم

وكان معصب وعرقان...

وأقوله أبوي ماشي حرامية بهالزمان الدنيا أمان

سير ارقد ابوي سير أرقد احسن لك ربشتنا معاك

شو هالحالة ؟؟؟

وعطاني مقفاه وافتكيت منه..

شو هالحالة حتى الواحد ف بيته ما يقدر ينط

من على الجدار براحته من دون لا حد يشوفه!!!

 

[الجلجلي]

رد: M6r -alshehi


24\3\2010

مسا الخير جميعا...


مرحبا بكم وياحي شوف القبايل

الجلجلي يمسي ع الشيوخ و ع كل الموجودين

يقول الشاعر الكويتي الراحل" صقر النصافي الرشيدي":

ياعلي خل العيد لأم الدناديش....اللي تنظف كل يومن جسدها

تبغي تماري ناقضات العكاريش....في كل ملفاحن تنقض جعدها

خابرك ما انت بضاري للمطاريش...نبيك تونس حلوها من نكدها

وليلة على مسرى وليلة مغابيش.....وليلة نخلي نومها لمن رقدها

وليلة على تمرة وليلة على عيش....وليلة نوكلك اللحم صيد يدها

وصح لسانه الشاعر....


اليوم تميت ادله ف الكلية من الصبح حتى نقع فخضي

وكان عندي مسباحي الخشبي المصنوع من خشب الصندل الأصلي

المصنوع في الهند من خشب الصندل من غابات الأمازون الواقعة

غرب شرق المحيط الهندي المرادف للمياه الاقليمية لبلاد ما بين البحرين..الواقعة

في الأرخبيل الغربي المتاخم لحدود السودان وبلاد الأناضول...

المهم شكلي خرفت قمت اخلط الدول ببعض خخخخخخ


تميت أتمشي وأتمشي واتمشي حتى يعت

وسرت الكنتين (الكوفي شوب)او(بقالة الكلية)

وكان زحمة بالكنتين وكان مسباحي معاي وطلبت واحد شاي

سكر زيادة وواحد جلكسي مال ربيتين ونص بطعم البندق والزبيب

وامشيت وكليت وشربت وخلصت وقلت الحمد لله...

وطلعت من الكنتين ومديت ايدي بالجيب أدور المسباح

الخشبي المصنوع من خشب الصندل الأصلي المصنوع بالهند

ولكني لم أجده اي (حصلتوا لا)...

وتيييني خبالتي هذا ثاني مسباح خشبي

أضيعه هالفصل....

لكن الله كريم وكل همن يزول

 

[الجلجلي]

رد: M6r -alshehi

31\3\2010
السلام عليكم ورحمة الله وبركاته

الجلجلي الشغموم صقر الشحوح يمسي

ع الجميع اشحالكم عساكم الا بخير؟؟؟

مسا الورد والأشواق والخوخ والتين والزبيب

مساء الفل والورد والياسمين ...

يقول الشاعر السعودي "تركي بن عطاالله الميزاني المطيري":

ياحرفـي اللـي ضــاع مابـيـن الدفـاتـر والـرفـوف
الـلـي رسمـتـه مــن تنهـاتـي ومــن حـبـر قلـمـي
ضحيت لاجله في حروف وقمت لاجله في حروف
وصبـرت لـو النـار مـن فوقـي ومـن تحـت قدمـي
ياصاحبـي ياللـي علـى شانـك تحـديـت الـظـروف
اسمـع كلامـي زيـن وافهـم وش اقولـه مـن فـمـي
ماهوب انا اللـي تتركـه بيـن الخناجـر والسيـوف
وتمـص دمـه بـيـن خـلـق الله يامـصـاص الـدمـي
انا بدوي(ن) ماسكـن فالوقـت مسكـان الضعـوف
اتـبـع هــوى بـالـي واسـيّـر عـنـد ذودي وغنـمـي
طوفتهـا لـك لاجـل خاطـر عيـن والأ ماتطـوووف
وإلا مـهـمـا زاد وزنـــك وزن يـطـرحـك انـسـمـي
ياقـوم ياللـي تذبحـون الحيـل قـدر(ن) للضـيـوف
وش رايكم ف اللي يعشينـي مـن وصـال لحمـي؟
وقفت له يوم اجلسو واجلستله نـاس(ن) وقـوف
غير الذخيـره والفشـق فـي محزمـه مـن محزمـي


قصيدة حلوة لاه؟؟؟؟؟

والله يشعر هالمخلوق بااااا!!!!

صوته حلو بعد يشل شلات عجيبة

كو زين صوتي كمو صوتو...

المهم ما بطو ل عليكم بمشي أتعشي

مسوي طموط وبيض بمشي آكله

تفضلوا الجماعة حياكم الله

قربوا بيزيد ترووووه

 

[الجلجلي]

رد: M6r -alshehi



السلام عليكم ورحمة الله وبركاته

اشحالكم الا بخير؟؟؟

الجلجلي الطحطوح يمسي ع الجميع

اليوم خبل بي أخوي تم يتحيس لي

اوا بطنه تعوره ..

كليته فيها حصوة..

خبل بينا من سنتين هالحصو ما بطايع يخلص من بطنه

حشا شكلو يوم صغير كيل حصو الحارة كله

تم يتحيس لي كمو التعلاب واونا مستغرب !!!

هوده مولو بااااا؟؟؟

عقب يقلني قوم شغل السيارة بموت من الوجع

واخذه المستشفى وتجي السستر الهندية

وتضربه ابرة وسوت له مغزي

وتميت معه ساعة

هلكنا هالبن السنة اللي طافت كان مطيح حصوة

المشكلة اني انا المرتبش معاه

حتى يوم رديت البيت متأخر ما لحقت ع الكورة

وركضت 6 كيلومترات حتى انفتقت مرارتي من التعب

يلا بس شكلي وايد رمست اليوم باي

 

[الجلجلي]

رد: M6r -alshehi

2\4\2010

السلام عليكم ورحمة الله وبركاته

كيف الحال الجماعة؟؟؟؟

طيبين؟؟؟

عساكم الا بخير؟؟؟؟

بما اني محب للشعر وشاعر مرموق ومخضرم

حبيت أحط هالقصيدة للشاعر الفذ "محمد بن حمد بن فطيس المري اليامي"

ويقول الشاعر:

الحب مثل النوم .. والوصل .. الاحلام=والشيين من الاحلام..صد المحبيين

نوم ٍ طويل ٍ عمره اشهوور واعواام=وان قمت.. ففهمها فرااق وسهر عين

وانا رقدت وعمري اربع عشر عام=وصحيت في شهر اربعه عام الالفين

نوم ٍ ثقيل ٍ كله احلام واوهاام=ونصيبي من احلامه الجانب الشين

صحّى الفرااق اقلوب في عكسه..نيام=وغاب الفرح وانا بعكسه الى اللحين

ياحزن كبدي حزن من ضاق ثم حام=اخذت فروخه مادرى ليه ولوين؟

بعد ما شاف العش عيدان وعظام=خاالي..تفكر فووق ويساار.. ويمين

خلا عشاها فيه ومن الوطى شاام=زبن على روحه وفل الجناحين

وياوجد حالي وجد من نام ثم قام=على صياح امه وهو دون رجلين

عويق وامه تنعته والنعت سام=وهو خابر انه يقسم الصف صفين

حبا وصاح بصيحة ٍ تاصل الشام=منها تقطّع في خفوقه شرايين

على وليف ٍ قسم اظنوني اقسام=واقفى وانا ما اعرف طرد المقفين

راح وترك في صدري ووسووم واعلام=وصى علي طيفه وقفى بقلبين

ليته تعذّر كان ماهو بمّلام=بعد ماشااف الدرب بيسير دربين

اشوى عليه شوي..من عظ الابهام=واشوى علي شوي..من دمعة البين

تمشي بنا الاقدام والموت قدام=وميعادنا يمفرق اثنين بعدين

ياعين لا تبكين وعيونه تنام=عادش الى ما خاب ظني بترضين

لو الدموع اتفيد فادن الايتام=ولو الكلام يفيد عادت فلسطين

ولو النباات يطّلعه دمعة هيام؟=شفتوا على وجهي ورود وبساتين

الحب سجن..وبعد الاحباب الاعدام=وقلوبنا السجّان مدري مساجين

الحب نوم ٍ عمره اشهوور واعوام=وان قمت ففهمها فرااق وسهر عين
....
وانا تراااي انعست من مدة اياام= لحدن يصحيني يالاقداار ..تكفيين


كلمات روعة أعجبتني وايد..

حركت فيني المشاعر من جوه اي من الداخل

يعجبني هالشاعر وايد شاعر متمكن و متواضع

المهم ما بطول عليكم أدري ما عندي سالفة