شو هو سر فن الطبخ؟؟

[شحي الشرقية]

السلام عليكم..

في سؤال يدور في بالي صار له فترة وأبي أفهمه كيف..

سؤالي اليوم عن الطبخ...لو أقول على سبيل المثال الآن عندي وصفة وابي أطبقها ..في عدة عوامل تدخل هنا في نجاح الطبخة..وهي كما يلي:

المكونات
المقادير
طريقة تنفيذ الطبخة

الحين المكونات شي مفروغ منه..(أو انا أحسب هذا الشي)

لكن المقادير يمكن تختلف حسب النكهة المطلوبة أو حسب ذوق الشخص, وطريقة التنفيذ يمكن بعد تختلف حسب كل شخص وأسلوبه والأدوات المتاحة (أدري أدري أتفلسف وايد..لكن استحملوني)..

الحين سؤالي خلال الإعداد إنت كيف راح تعرف إنك ماشي على المسار الصحيح..وإن كل خلطة مضبوطة تمام..أنا بتخيلي ما راح تعرف إلا في نهاية الطبخ..يعني راح تبقى على أعصابك لين ما ترفع الأكل من النار أو تطلعه من الفرن..زين ما في طريقة خلال الإعداد تقيم أداءك وتعرف شو ناقص وشو زايد..ما ادري وصلت الفكرة ولا لا بس بصراحة بزلت جهدي أنا..

 

[ReaL DaY]

رد: شو هو سر فن الطبخ؟؟

للمبتداين اكيد مب من اول مره يباله اكثر عن مره

ويفضل البدء بالشي الخفيف مع التطور

وشي مثل اساسيات الطبخ يعني هاي لازم تستوي بوقتها عشان ما تخرب الطبخة

درجة حراره الفرن

تقليب الطعام

وغيره

 

[شحي الشرقية]

رد: شو هو سر فن الطبخ؟؟

شكرا ريل داي على تعليقك..تبي الصراحة أنا بديت بشي بسيط بس فشلت فشل ذريع..حطيته على العشا وما حد كل منه قمت ورشته للهوش..ومريت عليهم الصبح وحصلت الأكل مكانه (يعني حتى الهوش عافته) بس ما عليكي ما جاني إحباط

 

[ReaL DaY]

رد: شو هو سر فن الطبخ؟؟

خخخخخخخخخخخخخخخخخخخخ

زين ما كلوه

لو كلوه وصار لهم شي
خوفي يقولون مرض يديد طلع في البلاد


بعدين لا تدخل المطبخ بدون مرافق

وتعلم من مصدر موثوق

من الوالده

واحسن طباخ بتكون

 

[["أبــــــو البــــــراء"]]

رد: شو هو سر فن الطبخ؟؟

يا عزيزي المقادير هي اللي تتحكم
بطعم الطبخة,,,

وعلى قولة أحد الأعضاء السر مكنون....فحبة أفيون,,,ههههه

أقصد يعي تخيل الطبخة مثل لوحة فنية
تمزج الألوان مع بعضها لكن بمقادير
محددة وتدرجات معينة (فاتح+غامق)=(بهار هندي+بهار مكسيكي),,,فهمت؟؟!!

والطبخ فن وأنا عن نفسي
إذا حسيت بملل أطب المطبخ واسوي العجب
ماأخلي مواعين ولا صحون وإلا واسوي منه لوحة زخرفية من الخزف,,,ههههه

 

[شيخة البنات]

رد: شو هو سر فن الطبخ؟؟

والله يا عزيزي فن الطبخ يبدأ برغبه قوية لخوض هالمجال واراده اقوى لا تثنيها مطبات الفشل وان كان ذريعا


واذاكنت مبتدأ انصحك تبدأ شوي شوي بمواضيع الطبخات المصوره خطوه بخطوه . . . هالشي راح يخليك تتأكد امك ماشي على النهج الصحيح

من تاخذ وتعطي في المطبخ ومع التكرار راح تتعلم امور اساسيه فالطبخ وبعدها تقدر تتعامل مع الوصفات المحطوطه بدون صور


وهذي هي طريقتي انا في تعلم الطبخ



شوشو

 

[الجلجلي]

رد: شو هو سر فن الطبخ؟؟

هاهاهاهاهاهاهاي

ماتوقعت العضو اللي فوق فوقي
يفهم بالطبخ

يالس يتفلسف