دفتر محــرز للتدوين..

[محرز بن حريز]

رد: دفتر محــرز للتدوين..

صبحكم ورد وفل وهيل

توي ياي من برع كنت العب طائرة

اسميني لعيب محترف..

تقريبا كلنا خمس فرق ومن اوصل هناك كلهم يبوني العب مع فريقه..

واليوم رحت شفت وزني نقص 3 كيلو..

وياحيكم

بخبركم سالفة بس مب احين بعدين إن شاء الله

تريووني

محرز

 

[محرز بن حريز]

رد: دفتر محــرز للتدوين..

عدنا

اليوم الله يسلمكم بقولكم سالفة جدي الله يطول بعمره

قررت اني اروح ايلس عنده عشان نسولف

هو ساكن عندنا بالبيت بس ما اشوفه وااايد من يمعه ليمعه بس خخخ

ودايما لما ايلس عنده يرمسني عن سوالف اول

من ادش غرفته ايلس ونبدأ الكلام ماعنده سوالف غير أول شو سوينا ووأول وين رحنا واول .. ألأخ

اليوم قررت اني ارمسه وأختبره عن اليوم الحاضر المستقبل التطور الرقمي وعصر السرعة..

محرز: اقول يدي اونه يقولون الأرض الي عايشين عليه نفس الكرة. ومسكت كرة ويالس اشرح له وين موقعنا احنا من الكرة الأرضية.؟؟

يدي: من وين تييب هالخرابيط لو الدنيا كرة كان طحنا من زمان وبيوتنا طاحت وكان الرطب بدل ما تطيح من النخله بتطير خخخ (( الله يرحمك نيوتن))

محرز: انزييييين يدي يعني وين أبعد مكان ابعد منطقة؟؟

يدي: على ما أظن مكة المكرمة ((خخخخ))

محرز: أتنزين لو رحنا ابعد من مكة يعني خلاص ماشي مكان غير يعني بنوصل لأخر المطاف ونطيح؟؟ ولا في يدار مانقدر نطوفه؟؟

يدي: وشو تسوي ابعد من مكه؟؟؟ خلاص هناك اخر شئ خخخ

محرز أنزين؟؟ ويقولون انه الأرض الي عايشين عليه يدور؟؟ شو رايك

يدي: ها كله جذب ,, انا احين عمري في السبعينات من انا صغير ما تحولنا من مكاننا.. ولو الارض تدور مثل ماتقول كان كل يوم تصبح في مكان مرة في السعودية ومرة كويت ومرقطر خخخ

محرز: كلامك صح يدي

محرز: انزين الشمس من وين تطلع ومن ووين تغيب؟؟

يدي: بالاك حاشرني اليوم بهالأسألة؟؟ الشمس تطلع من البحر وتنزل خلف الجبل خخخخ حتى الصبح اذا رحت صوب البحر بتحس أن البحر فيه سخونه.

محرز:: انزين ليش ماينطفي الشمس دامك تقول انه يطلع من البحر..

يدي: قدرة الله

محرز: ونعم بالله..

المهم يدي عصب من هالأسألة وأنا ماغثيته وااايد بهالأسألة وقلت بنكمل مرة ثانية..

وأنتهت قصة يدي..
وكنت ناوي اني اثقفه شوي بس عرفت اني ما اقدر واخاف إلا يكسر راسي باليرز..

ويبالي يلسة مع حبوتي خخخخ


وياااااحيكم

محرز

 

[محرز بن حريز]

رد: دفتر محــرز للتدوين..

إهداء الى كل خليجي..

احنا الخليجيين أكثر شعب في العالم يمتلك بترول . واحنا اللي تبرعنا لأغلب دول العالم . واحنا اللي إكتفينا من القمح وصدرناه للعالم .وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون .
واحنا أكثر شعب في الشرق ا لأوسط عنده ستالايت . وموبايلات وتلفزيونات

حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

واحنا الخليجيين مافي أطيب وأكرم مننا . احنا اللي نرمي نصف أكلنا في الزبالة من زود الكرم .. واحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة . وحنا اللي عندنا اكثر تلوث في العالم . وحنا اللي قضينا على الحياة البرية من كثرالصيد والقنص وتفحيط الشباب. ثم رحنا على مصر والسودان نقضي على الباجي .

احنا اكثر ناس نقلد الغرب بالصيحات والتقليعات ودخلنا جحورهم.
احنا شبابنا أكثر شباب من يطارد بنات العالم في الخارج . وحنا أكثر ناس في العالم ننفق على السياحة .احنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا. ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

احنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا وعوائلنا . ونشوف الأجانب أقل مننا . إلا من رحم ربي .

احنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . محجوزة عندنا في البيت مثل الغنم .. ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل .. وبعد هذا نمنعها من ممارسة الرياضة لأن الرياضة بس للولد ..!!


احنا الخليجيين اللي عندنا أغلى المهور في العالم . والمشكلة ثلث الزواج عندنا تنتهي بالطلاق ..!! .



رغم الحقيقة والألم،،

ورغم كل اللي يقولون وينقال عنا،،،

احنا الخليجيين من أحسن المسلمين والعرب..!!

واكثر شعوب العالم دعوة وصلاح والحجاب والعباءة لك الحمد يا الله واكثر الشعوب تبرعاً للجهاد والمجاهدين واكثر الشعوب حفظة للقرآن وحملة العلم الشرعي.احنا اكثر الشعوب تمسكا بسنة النبي صلى الله عليه وسلم،احنا اكثر الشعوب اصحاب اخلاق فاضلة ومبادئ سامية.احنا اصل العرب واصل الاسلام.

ورغم كل الحاسدين.. احنا الخلجيين مافي مثلنا .. ولنا الفخر ..؟؟!!


وياحيكم

 

[محرز بن حريز]

رد: دفتر محــرز للتدوين..

السلام عليكم

اليوم نشيت الظهر صليت اليمعة ورجعت رقدت وما قمت الا الساعة 5

وانا حاس بشئ غريييييب

عندي صداااع ونفسي منسد عن كل شئ
وححاس انه جسمي متكسر

لايكوون؟؟؟؟؟؟؟!!!!!!!!!!!!! فال الله ولا فالي


ادعو لي بالشفاء العاجل

وياحيكم

محرز

 

[محرز بن حريز]

رد: دفتر محــرز للتدوين..

السلام عليكم

شحالكم

مشكورين الي دعوا لي

الحمدلله اليوم احسن..

اليوم الله يسلمكم شربت ماي بالغلط قبل ربع ساعة ع اذان المغرب

كنا نتجهز ع الفطور ورحت للثلاجه عشان احط لي جلاص ماي
عبيت الجلاص ماي بارد ياسلام وانا عطشان ولا إراديا مني وجان اشربه كله وفجئا وقفت ... بعد شو بعد ما شربت

الله يسامحني ما كان قصدي..

واهل البت كلهم يطالعوني محرز شو سويت؟؟؟؟؟!!!!!!!!

قلت لهم عادي عادي ما كنت ادري يلا كونتينيو وحطو الفطور خخخ

وعقب المغر قلت اسير عند يدي عشان عندي قائمة اسألة طويلة عريضة عشان اسأله
طلع الشبية مريض وما متفيج لي..

وتابعت شعبيته الكرتون وضحكت ع شومبيه يوم قال اسمه الدلع ((شوشو)) خخخ وينج ياشوشو الأصلية تعالي شوفي من اسمه شوشو بعد..

وعقب اتصلت لواحد من الربع (( عضو)) في البرزة بعد,,, طلعنا تمشينا وشربني بارد ع حسابه
زطي حتى ما قالي تعال اقرب البيت يايب لي عصير ليموناضة من الدكان..



وياحيكم

محرز

 

[محرز بن حريز]

رد: دفتر محــرز للتدوين..

السلام عليكم و رحمه الله و بركااته ...

قلنا العشر الأوااخر يمكن منكم فاااايده .. خخخ



التذكير الأخير :

بس حبينا نعلمكم انه تبقى يومين لاستقبال مشاركات
مسابقة قاريء البرزة

نتمنى اللي فيه نيه زينه يلحق يشاركنا ..

(( انك لا تهدي من احببت و لكن الله يهدي من يشاء ))
صدق الله العظيم

هذا الرابط :
http://www.alshohooh.ws/vb/showthread.php?t=75976



أخوكم :
الكمزاري

هذا مسج من الغالي الرجل الأخضر سوبر الكمزاري

وطالب مني اني اشترك في مسابقة قارئ البرزة..
.............................................................................

شو أقولك يالكمزاري خاطري والله اني اشترك

بس صوووووووووتي موووووووول مب شئ

إزعاج ع الفاضي

وانا ما ابا اخرب عليكم مسابقتكم بصوتي

سامحنا

وإن شاء الله بقية الأعضاء بيشاركون..


رسالة الى الأعضاء:

شاركو في مسابقة قارئ البرزة
مازين عليكم للحين مشتركين بس الي مشاركين..
لو سوو مسابقة اغاني ولا شلات ولا رزيف ولا ماعرف شو بنشوف نص الأعضاء الي في البرزة مشتركين..
يعني احين محد صوته يصلح يقرأ قرأن؟؟

والله وياك يالكمزاري

لو بتحطوني معكم حكم ولا شي غير حاضرين للطيبين
بس مثل ما قلت لك ما ابا اخرب مسابقتكم بصوتي

وياحيكم

محرز

 

[محرز بن حريز]

رد: دفتر محــرز للتدوين..

:a050: :a050: :a050: :a050: :a050: :a050: :a050: :a050: :a050: :a050: :a050: :a050:

:cry: :cry: :cry: :cry: :cry: :cry::cry: :cry: :cry::cry: :cry: :cry::cry: :cry: :cry::cry: :cry: :cry:

السلام عليكم

شحالكم اعضاء برزتي

اليوم بغيت اموووووووووت بغيييييييت انفد

وبتم مدونتي مجرد ذكرى للراحل محرز..

:cry: :cry: :cry:

الله يسلمكم ويبعد عنكم الشر
قبل شوي كنت اتمشى في سيارتي رايح وياي رايح وياي طالع وحادر طالع وحادر

رحت صوب السوق اشتريت شوية اغارض

وانا طالع من السوق عند اللفة وقفت عشان سيايير تطوف
وبعد كم دقيقة فضت الشارع ويا دوري عشان اطلع..
المهم طلعت وانا بعدي تقدمت ثلاث امتار ولا اشوف سيااااااارة منهدة ياية طرررررر صوبي.
وانا حسيت بشلل في ريولي وجنه ماي بارد انصب علي
وتشهدت وقلت مسكيييييين محرز رحت فيها ونهايتك في الشارع
صح الغلط مني بس هو مبند اليتات وانا ضارب مخفي وماشفته

عيل حد يمشي في الشارع ومسرع ومبند اليتات؟؟
المهم ماعرف كيف تصرفت وجان ادعس ع البترول ويبت الأستيشن عرض في الشارع (( تمنيت حد هناك يالس يصور الموقف)) :chek:
خخخ حلو الموقف والتصرف الي سويته..
الحمدلله فلتت السيارة شوية وجان يدعمني..

وبسرعة ييت البيت وبندت السيارة وللحين احس ريولي ترتجف..
وحلفت ما اسوق مرة ثانية اليوم
يعني باجر بس اسوق

والحمدلله ع سلامتي وما اشوف شر..

ونستقبل التحميدات ع الخاص خخخ


وياحيكم

محرز

 

[محرز بن حريز]

رد: دفتر محــرز للتدوين..

للرفع

حشا ها سطام كله رافع مدونته فوووووووووووق

عطنا فرصة يالزطي..

بغيت اموت اليوم يسطام اييييييييييههههههااااااااا وينك عن خويك ودرتني وسرت عني وخليتني بروحي للسيايير..

محرز

 

[محرز بن حريز]

رد: دفتر محــرز للتدوين..

حكمة اليوم

(( لا تسوق في الليل وليتات سيارتك مبندة))

للحين حاس برجفة في ريولي..

وياحيكم

محرز

 

[محرز بن حريز]

رد: دفتر محــرز للتدوين..

اكره ثلاث اشياء عندي في الدنيا..

1: الكتشاب

2: المايونيز

3: إندومي..

تخيلوا لو الدنيا بدون هالثلاث اشياء كيف راح تكون طعم الدنيا..
راح نعيش في سعادة وهناء وحب وإخاء ورضاء ..

ولاتخلو المايونيز والكتشاب والأندومي تقلب حياتكم .. قاطعوها

الأن قاطعوها..
..........

الي فوق فاصل إعلاني..


وانا انسان ما احب الأعلانات

مطفرين فينا التلفزيون بهالإعلانات

وما يطلعوها إلا في حزة انك متابع شئ جميل مسلسل ولا فلم ولا ختى رسوم متحركة

انا احب الرسوم المتحركة

خصوصا الفار والسنور توم وجيري

وابو ذنب طويل سنووور وردي خخخ أسمييييييه سقئ

يعني لازم يضيعون علينا بإعلاناتهم؟؟

واحين بضيف الشئ الرابع للي ما أدانيه في الدنيا بجانب الكتشب والمايونيز والاندومي
الا وهي
4- الأعلانات..


ولما كنت صغير يوم اتابع التلفزيون وكان كل شئ له بداية له نهاية بالأخير من مسلسلات وافلام ورسوم وكل شئ كل شئ
إلا الأخبار!!! وكنت مستغرب ومتعجب بشدة ,, ليش الأخبار ماتنتهي وكنت دايما أسأل أهل البيت..
ويوم كبرت عرفت السالفة

والأخبار مستحيل تنتهي...
كيف تنتهي والدنيا مليئة بالمشاكل وكوارث وحوادث وأفراح؟؟
وماشاء الله اخبار العرب والمسلمين مغطي الشاشة كلها..

أطفال تذبح في فلسطين..

أمهات ترمل في أفغانستان..

ونساء تغتصب في الغراق..

وأمهات تثكل في السودان..

وسجناء مسلمون يعاملون معاملة الحيوانات في غوانتنامو..

ومسلمين يبيدون في أنحاء العالم..

ونحن جالسون تنابع اخبارهم في التلفزيون..!!!!!!!!!!!!!!

الى متى هذا الصمت؟؟!!!

لله دركم أيها المجاهدون..

ادعوا لهم في هذا الشهر الكريم.. لعل الله يرفع عنهم هذي المحنه

والله يثبتهم وينصرهم ..

أميييييييييييييييييييييييييييين


محرز