دفتر محــرز للتدوين..

[محرز بن حريز]

رد: دفتر محــرز للتدوين..

بسم الله الرحمن الرحيم

بحط لكم شوية صور

الرابط الأصلي للموضوع ...

http://www.alshohooh.ws/vb/showthread.php?t=76677

للكاتب الأصلي الكمزاري..

احين يمكن تقولون ليش انا منزل صور الكمزاري؟؟؟

من حقي ياخي..
أنا كنت موجود معاه يوم صور هالصور..
بس كنت اشتغل خلف الكواليس..

هو حاط الكاميرا في وييه وانا كنت اوجهه يعني اقول صور هذا صور هاذاك
وكنت شايل معدات الكاميرا..

يعني يحق لي اني استخدم هالصور بعد..

وفي نفس الوقت دعاية لموضوع الكمزاري خخخ هو طلب مني


وياحيكم

محرز

 

[محرز بن حريز]

رد: دفتر محــرز للتدوين..

كان منسدح ع الرخام وصور..
فشلنا ..

العرب كلهم يطالعونا

اول مرة اشوف مصور ينسدح ويصور ..

بعد هالصورة يا السكيورتي وطردنا قال انتو ياين ترقدو هني؟؟ خخخ

وياحيكم

محرز

 

[محرز بن حريز]

رد: دفتر محــرز للتدوين..

السلام عليكم

شحالكم عساكم إلا بخيييييييير


اليوم رقدت الساعة 8 الصبح ونشيت 4 ونص العصر..

أككيييييد ماشئ سوالف لاني كنت راقد..

بس بخبركم بشوو حلمت اليوم
والي يعرف يفسر الاحلام يرسلي التفسير ع الخاص

انا ما اذكر الحلم بالضبط بس هالحلم دايما يراودني..
احلم اني اطير في السما..!!!!!!!!
مرات احلم اني اطير في السما الناس كلهم وراي يمشون ع الارض
واحيانا احلم اني اطييير في السما اطلع فوووق بعيد وارجع ..
(( حتى احيانا وانا في الحلم أدري إني احلم))

يعني مثلا اليوم حلمت اني اطير بس كنت اعرف انه حلم..

سبحان الله

حتى في احلامي مامتهني يعني اطير واعرف انه جذب بس مجرد حلم..


وياحيكم

محرز

 

[محرز بن حريز]

رد: دفتر محــرز للتدوين..

السلام عليكم

اول اشكر كل من مر من هنا وقيمني
واشكر تعليقاتكم في الرسائل الخاصة..

صراحة انا شاك اني مسحور هاليومين او حد صابني بعين..

اليوم بغيت اسوي حادث ثاني ولاحول ولا قوة الا بالله

بغيت اعدعم جروووب هنووود..!!!

كنت ارمس في الفون وهم واقفين عند الرصيف ويوم قربت صوبهم كان كلهم نطو في الشارع وعددهم 6..

يعني لو عدعمتهم كلهم كانوا بيموتو..

يعني نحسبها الحين..

إذا كان الدية 100000 لكل هندي

يعني 6 ضرب 100000 تساوي 600000..

غير تذاكر السفر بلاعودة والتذاكر نقول 1500
يعني 6 ضرب 1500 تساوي 9000

وغير التابوت الثلاجة ماعرف كم نقول 1000
6 ضرب 1000 تساوي 6000

المجموع: 600000 + 9000 + 6000= 615000
من وين ايب لهم هالمبلغ وانا بروحي متسلف 300000 قريب؟؟

الحمدلله الله ستر

كان بينقص عدد الهنود من مليار الى مليار إلا سته هاليوم خخخ


بروح عند المطوع باجر عشان يقرا علي..
يمكن يفك هالسحر عني.

وياحيكم

محرز

 

[محرز بن حريز]

رد: دفتر محــرز للتدوين..

السلام عليكم

شحالكم يالربع

اولا شكرا خاص وسبشل ع الي يقيمني
وصراحة متعاييز اني اكتب اساميكم
لانه ماشاء الله وااايدين وكل يوم يتغير صفحة التقييم وفي اسماء ما اشوفها اخاف اكتب من قيمني واخرتها انسى حد..

اليوم 26 رمضان

وباقي ثلاث ايام او اربع ونودع رمضان

حلوة ايام رمضان

بقولكم موقف صار علي العام الماضي في صلاة التراويح نفس هالايام كان في نهايتة رمضان

كنت اصلي صلاة في مسيد قريب بيتنا وفي مسيد اخر قريب بيتنا بعد بس متعود اصلي في مسيد واحد منهم..
وكنا نصلي ووصلنا اخر شي يالسين نقرأ التحيات
والمسيد الثاني مشغلين الميكرفون ويصلون والامام مالهم يالس يقرأة سورة الفاتحه
وانا تركيزي مع المسيد الثناي ماشاء الله صوته حلو
كمل المسيد الثاني سورة الفاتحه وقال والضااااااااااالييييين
جان اعفد انا واصيح في المسيد الي اصلي فيه أأأأأأأأأأأأأأأأأأأأأأأأأأأأأأأأميييييييييين بأعلى صوت عندي ونحنا يالسين نقرأ التحيات..

قففففففففففطة

سلم الامام مالنا وكلهم مرتبشين والي يالسين يصلون جدامي ميييتيين من الضحك
واستوى ربشة في المسيد وكان العدد وااايدين
كلهم يطالعوني وانا مسوي عمري ماعرف ويالس اطالع معهم مسوي عمري مب أنا..
خخخ


وياحيكم

ذكريااات رمضان


محرز

 

[محرز بن حريز]

رد: دفتر محــرز للتدوين..

وفاضيحتاااااااااااااااااااااه

لحقو علي

من يومين مطلع كنادير واحد من الربع من الخياط عشان العيد وانا نسيته في سيارتي

وحاطنه ورا ع سيتات الدبة

الكنادير طايح من الكيسة في الدبة

وسيارتي وسسسسسسسخة متعايز اوديه المغسلة

قلت لأخوي زيد عمره 15 سنه يغسل سيارتي وبخليك تسوق السيارة باجر..

ولما رحت اطمن ع سيارتي

جان انصصصصصصدمت

غاسل السيارة وماسحنه بكنادير ربيعي..!!!

احين شو اسوي..!! فششششلة

بوديه الدوبي ولا اقوله

شو اسوي فشلني اخوي

بحرم عليه سواقة السيارة خير شر

وياحيكم

بسير اتابع مصيبتي..

محرز

 

[محرز بن حريز]

رد: دفتر محــرز للتدوين..

السلام عليكم

بس حبيت اشكر كل من قيمني

بس شو سالفة التقييم؟؟؟

الي يوصل عند هالرقم 2147483647 خلاص مايتحرك من مكانه؟؟؟
خلاص يعني خلص الارقام خخخ
ماعرف شو السالفة

توي دشيت مدونة العيوز ((وأنا من المتابعين لها أول بأول)) خخخخ وايد تضحكني أنزييييييين وجان انقهر من غزولة عادي تعلق في التقييمات ونحن محرومين..

الله كريم..

واليوم نزلت موضوع طلب مساعدة في برزة الكمبيوتر نسيت انسخ الرابط ومافيني اطلع وانسخه
روحوا هناك وساعدوني

وياحيكم

محرز

 

[محرز بن حريز]

رد: دفتر محــرز للتدوين..

السلام عليكم

من زمان ماكتبنا في المدونه

كل عام وانتوا بألف خير
بمناسبة عيد الفطر

اعاده الله علينا وعليكم


هالعيد صراحه ماحسيت فيه

ماكنه عييييييد

واصلت لين الصبح مارقدت وصليت العيد وييت البيت سلمت عليهم ورحت بيت عمي وعقب رديت البيت الساعة 8 ونص وجان انخمد..
ماقمت الا العشا..

ورديت لبست وتكشخت وطلعت شوية ورديت بعد ساعة وجان انخمد مرة ثانية..

افففففف مب جنه عيييييييييييييد

وكل عام وانتو بخير



محرز

 

[محرز بن حريز]

رد: دفتر محــرز للتدوين..

السلام عليكم

توه وصلني مسج غريب ع الأيميل

وأنا ما فهمت شئ غير 3 مليون دولار.. افهم في لغة الفلوس بس..

والرسالة تقول



Mr. Frank Craig.
Park avenue 34.
Plot2 westbruce.
United KIngdom.

This message might meet you in utmost surprise. However, it all just my
urgent need for a foreign partner that made me to contact you for this
transaction. i got your contact from yahoo tourist search while i was
searching for a foreign partner. i assured of your capability. and
reliability to champion this business opportunity when I prayed to good
GOD about you

I am a banker by profession in United Kingdom, And currently holding the
post of assistant foreign remittance director in our bank. i have the
opportunity of transferring the left over funds ($3 million dollars) of
one of my bank clients who died along with his entire family in a plane
crash.Hence.

I am inviting you for a business deal where this money can be shared
between us in the ratio of 60/40% if you agree to my business proposal.
Further details of the transfer will be forwarded to you as soon as i
receive your return mail immediately you receive this letter.
Please indicate your willingness by sending the below information for more
clarification and easy communication.

Contact me via my private email: [email protected]
1.YOUR FULL NAME..
2.YOUR ADDRESS...........
3.YOUR MOBILE CONTACT NUMBER.........
4.YOUR DATE OF BIRTH.......(AGE).............
5.YOUR STATE................
6.YOUR COUNTRY....................
7.YOUR COMPANY NAME.......
8.YOUR POSITION....... .........
9.YOUR SEX................

Hoping to hear from you immediately

Yours

Faithfully
Mr. Frank Craig.

شو أسوي؟؟؟؟ أحين؟؟؟

كني رابح شئ؟؟؟
يعني خلاص استويت مليونير؟؟
أفيييييدوني..


محرز

 

[محرز بن حريز]

رد: دفتر محــرز للتدوين..

صباح الفل..

من يومين ودعت ناس

سافروا عن الديار ربي يحفظهم..

وكانوا زعلانين
بس رضوا بالأخير,,

وبهديه هالشعر..

إذا زعلتي ياشقا نفس تغليك
ليتك عن اللي يعصر الكبد تدرين

واذا رضيتي يرضى الله اراضيك
احس كل الناس برضاك راضين

ماحد بقلبي في غلاتك يساويك
يامن على كل المخاليق تغلين

بس قولي انتي كيف اسوي وانا ارضيك
لو عين ينفنك عن العين عينين

يامن إذا بين الملا حل طاريك
تستبشر بقلبي جميع الشرايين

لو تزعلي حرات قلبي تناديك
تكفين لاتقسين تكفين .. تكفين

لاطاب جرحي .. كان جرحي يسليك
لكني ادري في جروحي تحسين

ضاقت علي الارض ربي يخليك
.. صرت احبس انفاس الالم بين ضلعين

ماظني اخطي بك واذا خطيت لبيك
امرك على نفسي وروحي تمونين

العذر طبعك والسماحة مباديك
والصفح اصلك والعفو كان تعفين


وصح لسانك الشاعر الكعبي..

وياحيكم

محرز