مكه مدينه بيت الله ^.^
to KSA
طلعنا من خصب عقب صلاة التراويح
يعني قول تقريباً ع الساعه 10 المسـآ
وما وقفناا إلا عسب انعبي بترول بس
ومادري كم ساعه خذينا لين وصلنا بوظبي
اول شي , صورته هو المكان إللي خذينا فيه استراحه < وإللي هو ف منطقة السلع ف بوظبي
عجبني المكان < كنه شاليه على البحر وجو حلوو ^^
خذينآ استراحه سآعتين تقريباً .. وصلينا ركعتين الضحى
وتوكلناا ..
عقب ما تجاوزنا لحدود .. وقفنا وخذنآ آرقآم مآل السعوديه وشوية اغرآض للخط وعبينا بترول
ومعاذ يطرش لي يقول : عادي تفطر إنته ف سفر عقب بتقضي
قلت له ماشي انا انساان اوسوس وايد , ادري اذا فطرت يوم بحس وكني ما صمت الشهر -.-"
وقلت له شيلا تعب , إلا تعب الخط بس يعني لاني بـ عطشآن ولا اني بيوعآن خخ ^^
المهم ماعليناا خخ ^^
اما ما شيشة بترول معهم ههه طماشه كنهاا مال زمان اول ^^
المهم الكام انا ما استخدمتهاا ف كل مكان
يقولون معهم حرام التصوير مادري شو حتى العرب لي ناهي معهم يقولوني لا تصور بيوكلووك الاوادم ^^"
وصلنا الميقات فـ الليل وطبعاً هناك شي سوق يبيع الاشياء لي نحتاجهاا
يعني الااحرام وهالسوالف . . ولين خلصناا ولبسناا احرامناا يمكن كان ع 12 وشي او 1 صبآحآ
توكلناا
ومن الميقات لـ مكه بروحه مادري كم ساعه ..
وصلناا وتمينا اندور سكن , لين شفناا الساعه قريب اتيي الـ4 . . وما حصلناا سكن
وشربناا ماي قبل الاذان ونهيناا اعتمرناا واذن الفير وصليناا . . وعقبهاا رديناا صوب الموتر مره ثانيه
وتفرقت الشله ادور سكن . . ليييييييين الساعه 9 .. حصلوا سكن وكان غالي بعد -_-"
وعقب تمينا نتشاور , وقال راعي الموتر انا اقول 3 ليالي بس عسب السكن غالي لااه
رغم ان قيمته مب فيه -.-" .. بس ربنا كريم
وتمينا كم يوم ف مكه
برويكم كم صوره لـ الحرم
هالريال لي مويود ف الصوره هو لي عطاني الجآي :cry:
شآفني يآس بروحي
كنت اتم ف الحرم من عقب صلاة العصر إلين عقب التراويح
ونفطر هنااك وعقب الفطور تشوف الناس متجمعين يشربون جآي او يكملون فطورهم ^^
وانا محد معي خخ
واصلاً ماعندي شغل لااه شو اسوي فـ ما انهي السكن
واتم بالحرم اقرا قران < والحمدلله ختمته هنااك
يعني قبل لا انرد لبلاد واحين بـادي فـ ختمه ثآنيه
عندي وايد صور مادري وش اختاار ^^
المهم .. بعدهاا توجهناا إلى المدينه المنوره
سبحان الله يوم تدخل المدينه تحس براحه نفسيه
حتى ان تمينا ف المدينه اكثر من مكه
وسكناا قريب من الحرم , يعني يبغي لناا ربع ساعه مشي من السكن لـ الحرم تقريباً
والسكن كان قريب من مسجد سيدنا أبو بكر الصديق
وطبعاً صورتو وما خليتو ^.^
مسجد الغمامه ومسجد ابوبكر ومسجد علي تحسهم قريب من مسجد النبي عليه الصلاة والسلام
صور للحرم النبوي
صور لـ مسجد قبـاء
وهالصوره لـ مسجد سيدنا علي
هذا جبل الرماه < فـ غزوة احد
وقريب منه هالجبل مقبرة شهداء احد < ما صورتهاا
.. \
شي ثاني نحن سبحان الله كلما ننهي العمره اييناا خبر وفاة حد
وفاة طفل عمره 3 سنوات ف خصب < سبب الوفاة مادري شو بالضبط بس إللي عرفته انه ناسينه ف الموتر وقافلين عليه الباب
وشكله مات من الفطسه
.. الله يرحمه
وفاة حرمه و ريال وكان واحد من لي ويانا يعرفهم عدل
قالولي عنهم لكن ما عرفتهم انا ..
الله يرحمهم ويرحم موتانا وموتى المسلمين
.. \
وبعد صلاة الجمعه < إللي هي الجمعه الماضيه
على الساعه 2 الظهر , نحن مستلمين الخط وبطريقناا للعوده
هاذي احلى 10 ايام فـ هالسنه ^_^
عسى الله يكتب لنا زيارة هالاماكن اعوام واعوام
وبعد بالخط ما قصرت صورت كم صوره ^^
يعني نفس هالشيبه
تعب من كسفة الركبه , وحب يمدهاا على حسااب راحتي :cRy:
ههه .. لكن الامور طيبه . .وانا بعد رقدت ومديت اريولي وما قصرت خخ
دخلنا الامارات على اذان الفجر يعني صمنا ونحن ف لبلاد
وعلى الساعه 5 جي . . استوى ضبااااااب ونحن ع الخط
حتى الموتر إللي قدامناا ما يبيين . . فـ وقفنا وصليناا الفجر
وعقبهاا تمينا نمشي ع الخط على 60 و 80 وما كثرناا
خوف من الحوادث لااه لا سمح الله -.-"
وليين طلعت الشمس انقشع الضباب ^.^
وعلى هالخط , كنا بنسوي حادث لكن الحمدلله ربنا سلمناا منه
هندي كان يسوق مادري وش من موتر , وكنه غفل
فجأة افتر الموتر وتجنبه موتر اقدمناا وياانا بالويه وتجنبناااه
كل شي صار بسرعه , حتى ما حسيت به ^^
الحمدلله رب العالمين
وكملناا دربنا دون توقف < إلا عسب البترول بس ^^
لين وصلناا لبلاد يوم السبت الساعه 12 قبل صلاة الظهر
. . \
جودة الكاميره لي عندي مش ذآك الزود يعني , عشآن كذآ الصور نص نص
مصور فيديو بعد , بس مساحته كبيره إن قدرت إن شاء الله برفعهم باليوتووب
هآ كل لي عندي اليوم
نشوفكم على خير إن شاء الله
:firs1: