اليوم الثاني كتب الدكتور لسارا خروج ونصحهم اتشوف دكتور نفسي بس اكيد ماوافقوا سارا طلبت من اهلها انها تجلس عند جدتها فترة ووافقوا اهلها
وطبعا حمود ماخلاها وراح معاها لعند الجدة وخاصة ان عمتها منى هناك ومعاها ولدها فيصل اكبر من حمود بسنة عمره 4 سنوات والجسر كان مساعده يروح ويرجع متى مايحب وام خالد كانت تجي عندهم مر اسبوع وهم هناك هيثم حزن على طلب سارا وحس انه لازم يكلمها باي طريقة بس مايدري كيف كان يروح لهناك بس مايقابلها .
خالد كان يزور سارا كثير وهو وعبدالغزيز مغيرين جوها بقوة ونفسيتها تحسنت
والبنات كانوا يزورونها وهيا تزورهم بس بصعوبه لان الجدة يالله يالله تخليها .
كانت في الصالة تشوف توم ويجيري مع فيصل وحمود وميته ضحك معاهم
عبدالعزيز: انتي متى بتكبرين.
سارا قامت وخلت الاطفال وقربت منه : هههههههه ليش انت تريدني اكبر ولا اتغير .
عبدالعزيز : ولا وحده بس اخاف اذا تزوجتي يقول زوجك غشيتوني زوجتوني طفلة هههههههه .
سارا : ماعليك منه هو اصلا يطول وحدة مثلي يحمد ربه ليل نهار اني زوجته.
عبدالعزيز باستهبال : مين هذا يالي ماتستحين .
سارا تطالعة بنص عين ويثقة : زوجييي
عبدالعزيز : يالي ماتستحين بنات اخر زمن يتكلمون بالزواج بدون حيا .
: اصلا يطول الي يتزوج سارا
كلهم التفتوا لمصدر الصوت .
سارا بفرح : زيــــااااااااااد وركضت لعنده بسرعة وضماته افتقداته كثير .
زياد : هههههههه كل هذا لي .
عبدالعزيز : لاتصدق كان فلمي احلى منك ههههههه.
زياد : يالغيور ويناظر سارا اخبارك .
سارا بابتسامة : بخير وبشوفتك اكثر .
عبدالعزيز : شكل كرتنا طاح وهذا انا الي مقابل وجهها ومو مخليها لوحدها .
زياد : ههههههه بقوة طاح وبعدين مافي مقارنة بيني وبينك .
سارا : حرام والله ما طاح بس انت تعرف زيااد غير .
عبدالعزيز : زين انه جاء عشان يفكنا منش 24 عى 24 في وجهي مليت .
زياد : تحمد ربك ان سارا عندك ومقابلة وجهك 24 على 24 .
سارا : هههههههههه شكرا الا وين شيمو .
زياد سكتي هههههه مادرت اني جيت قلت لها رايح مشوار ههههههه.
سارا: حرام والله اشتقت لها .
عبدالعزيز : اليوم اتشوفيها اكيد الجمعة عند اخوي اليوم صح .
زياد : اكيد ماعلينا يالله قولوا اخباركم
جلسوا يسولفوا وانظم لهم خالد واحلوت السوالف زياد كان ملاحظ سارا وجسمها الضعفان بس
ماعلق
تغدوا ورجع كل واحد بيته .
حبك سكن قلبي
هلا وغلا
ما بين خلق الله حبيتك
هلا بالزين هلا بساكنة قلبي ومعذباته
حبك سكن قلبي
انا معذباته ماعاش الي يعذبه
ما بين خلق الله حبيتك
الا انتي سارا انا والله احبك
حبك سكن قلبي
اوكي وانا بعد احبك واموت فيك
ما بين خلق الله حبيتك
اوكي عطيني رقمك
حبك سكن قلبي
لازم يعني
ما بين خلق الله حبيتك
حاب سمع صوتك ياقلبي وبعدين في ايام ينفصل النت وانا ما اقدر على بعادك شكلك ماتحبيني زي ما انا احبك
حبك سكن قلبي
الا احبك بس اخاف
ما بين خلق الله حبيتك
افااااا تخافين مني وانا الي امنتك على قلبي
حبك سكن قلبي
لا مو قصدي والله
ما بين خلق الله حبيتك
سارا لاتزعليني اذا تحبيني هذا رقمي انتظر منك مكالمة او مسج واذا ماشفت شيء منهم اكون عرفت قيمتي
عندك
حبك سكن قلبي
اوكي انتظرني بلليل
ما بين خلق الله حبيتك
سارا اموت فيش امواااااااااااااه
حبك سكن قلبي
بس هشوم استحي والله
ما بين خلق الله حبيتك
ههههههههه ياحبي للي يستحون حياتي تصدقين مو مصدق انا ليلي ونهاري اطالع بصورتك والحين راح اسمع
صوتك
حبك سكن قلبي
ههههههههه ياحبيبي عشان تعرف انت اتحب مين
ما بين خلق الله حبيتك
والله عارف سارا الي ملكت قلبي من اول ماشفتها عند باب القاعة والله ما اصدق الصدف جمعتنا
حبك سكن قلبي
ههههههههه شفت كيف
ما بين خلق الله حبيتك
هههههههههههههههه شفت والله
دخلت غرفة اختها بدفاشة
رهف : لميس امي تقول اجهزوا بسرعة عشان نروح بيت خالي .
لميس بسرعة سكرت الشاشة : ان شالله يالله روحي عن وجهي .
رهف : اف اوكي يالله وسكرت الباب بقوة .
اول ماخرجت اختها
رجعت وفتحت الشاشة بسرعة
حبك سكن قلبي
الوووووووووو
ما بين خلق الله حبيتك
سارا وينك حياتي
حبك سكن قلبي
سوري دخلت اختي علي فجأة
ما بين خلق الله حبيتك
اها عادي حياتي
حبك سكن قلبي
هشوم انا الحين لازم اسكر باي
ما بين خلق الله حبيتك
ليش بدري
حبك سكن قلبي
ادري بس راح نطلع بنروح لبيت خالي جاي من السفر
ما بين خلق الله حبيتك
اها اوكي قلبي باي
حبك سكن قلبي
باي
اخذت الرقم وهيا ترتجف قالت لنفسها هي فرقت اصلا كله واحد على الماسن ولا التيلفون وبعدين هو على باله اني سارا مو لميس ههههههه وراحت تتجهز وهيا تغني
بيت بو جهاد
ريماس : يمه اليوم بنروح بيت عمي ولا بكرا .
ام جهاد : والله ما ادري اتص
قاطعتهم ريم وهيا نازله : جهاد اتصل يقول ان اليوم لكل معزوم في بيت عمي محمد .
ام جهاد : على خير ان شالله اجهزوا بسرعة عشان ما نتأخر على الناس وها ما وصيكم بالركادة .
ريماس: افاااا يمه نحن توصينا بالركادة صح امكن ريم تستاهل كم نصيحة بس ماتوصين انا متكفلة
فيها .
ريم : انا الي محتاجة ولا انتي يا ام اللسان وركضت لعندها عشان تضربها وهربت ريماس وصاروا
يتراكضون
ام جهاد بصراخ : بنااااااات اركدوا لا والله مافي روحة بعدين للمزرعة .
توقفوا البنات بسرعة : خلاص يمه كنا نمزح .
ام جهاد : الله يهديكم وراحت عنهم .
ريماس تناظراختها : وناسة اليوم .
ريم : بقوة ريماس خلينا نشوف الي راح نلبسه .
ريماس اوكي يالله على غرفتك
غرفة ريم
ريم : ها رهف ايش البس .
ريماس : البسي الفستان الليموني ناعم وبسيط .
ريم : والله صح خلاص انا عرفت لبسي انتي .
ريماس : ما ادري باشوف رهف افكر نلبس زي بعض .
ريم : اها حركات يالله اتصلي عليها وخلينا نشوف ايش عندك .
ريماس : اوكي . اتصلت على رهف ماترد : اف ماترد .
ريم : اتصلي على البيت .
ريماس : اوكي , اتصلت على البيت وانتظرت احد يرد
كان نايم بالصالة بتعب وصوت التيلفون ازعجه وجلس يسب بالي يتصل والمتصل كان مصمم مد
ايده ياخذ السماعة ورد
ريماس : اف ماحد يروسكتت
بصوت كله نوم : الووو
ريماس بارتباك : الو السلام عليكم.ووجهها صار الوان وريم تضحك على شكلها .
: وعليكم السلام نعم .
ريماس : ممكن رهف .
: أي رهف .
ريماس بنرفزة : ليش كم رهف عندكم .
: ولا رهف .
ريماس : ليش هذي بيت مين .
: والله اعتقد انتي الي داقة .
ريماس: اسفة اخوي شكلي غلطانة
:وين اصرفها هذي قيمتيني من قيلولتي وبعدين اسفة غلطانة .
ريماس :احمد ربك اني تأسفت والله انك مو وجه واحد يتأسف له وسكرت .ووجهها احمر من
الفشيلة والعصبية منه .
ناظربالسماعة ومعصب قليلة ادب سكرت بوجهي مقيمة الناس من قيلولتهم وبعدين اسفة وين
اصرفها هذي .
ريم ميته ضحك : هههههههههههه داقة الرقم غلط وزاعجة الناس لا وتتكلمين بعصبية ههههههه .
ريماس: سكتي زين والله فشلة مع اني متأكدة اني داقة الرقم صح وكنت متوقعة الي رد
فراسووه .
ريم : عادي الناس كلها تغلط .
ريماس بعصبية :هذا واحد ماعنده ذوق الا يوم اقوله اسفة يقولي وين اصرفها هذي مقيمتني
قيلولتي وبعدين اسفة والله انه مايستحي .
ريم : هههههههههههههههههههه مسكين قام على صوتش زعجتيه والله مسكين امكن قايم من
الصبح وما صجق يريح الا وانت زاعجة الناس ههههههههههه لا ومعصبة .
ريماس : ريمووووو وقاطعهم تيلفون ريماس يرن
ردت ريماس وهيا معصبة وما انتبهت للرقم على اساس انها رهوفة : يالثورة يالحمارة وينش كله
منش خليتيني اتفشل بسبتش والله انش مو وجه احد يتصل عليش خليني اشوفش اليوم والله
لاعلمش كيف تمسكين تيلفونش وتردين اول ما اتتصل سمعتي
ماسمعت غير ضحك : هههههههههههههههههههههههههههههههههههههههههه
ريماس انصدمت وناظرت الريم الي تناظرها ومستغربة منها لانها فجأه انخرست ورمت التيلفون
عليها بخوف .
ريم اخذت التيلفون وسمعت الضحك : الوووو
: هههههههههههههههههههههههههههه حاول يمسك نفسه من الضحك ويكمل الي بداه هلا
بصاحبه هالصوت
الريم انصدمت منه وسكرت بسرعة وبعصبية : نااااس فاضية وما تستحي سمعي اذا دق مرة
ثاني خلي جهاد يكلمه شكله راح يلزق .
ريماس : اكيد .
شوي الا ويندق الباب
ريماس ادخل
دخل جهاد وعلى وجهه احلى ابتسامه : ها ايش بتسون ؟
ريم : ماشيء بس بنشوف ايش الي بنلبسه اليوم عند عمامي .
جهاد وجلس على كرسي مقابلهم : اهاا
جلس يسولف معهم الا ويدق تيلفون ريماس شافت الرقم تغير وجهها طالعت باختها
جهاد : ريماس ردي على التيلفون زعجنا .
ريم : جهاد انت رد هذا واحد زاعجنا وخبراته بالقصة .
رياماس عطت جهاد التيلفون ورد : الووو
وسمع ضحك : ههههههههههههههههههههههه
جهاد : الحمدالله والشكر .
زاد الضحك : ههههههههههههههههههههههههههههههههههههههه
جهاد عصب . هي تكلم مثل الناس ولا لتشوف مني الي ماشفته .
:هههه حاول يوقف ضحك ههه جهاد الله يهديك معرفتني هههه
جهاد انتبه لصوت : مالت عليك انت وشكلك وينك ماتنشاف .
ريم وريماس يطالعون بعض مستغربين ريماس همست لها : اكيد فراسوه
ريم تهز راسها بلا
جهاد : هههههههههه ايوة قالت واحد زاعجها مادرت عنك .
: هههههههههه والله ماحد قالها تقيمني من قيلولتي ياخي والله ماصدقت انام جت هيا وزعجتني .
جهاد :مسكينة طحت عليها ,بس ها هنا وبس خلاص لاتتصل وتزعجها الي سويته كفاية مالت
عليك ان شكت منك ياويلك يافراسوووه.
فراس :ههههههههههههههه ماعليك خلاص بنسامحها لعيونك .
جهاد : ههههههه لعيوني ولا خايف من عيوني ههههههههههههه .
فراس :ههههههههههه كاشفني اقول قول لها رهف كانت تصلي والحين خلصة تقدر تدق عليها .
جهاد : ان شالله يالله اشوفك اليوم ببيت عمي وسلم على الاهل مع السلامة.
فراس ي:وصل سلام.
جهاد سكر وناظر خواته : هههههه قدر يلعب عليكم مالت
ريم : انا ماسمعت منه غير الضحك ريماس كلماته .
ريماس بعصبية : والله كنت حاسه انه فراسووه بس شككني مالت عليه الي مايستحي .
جهاد : يقول اتصلي على رهف كانت بتصلي عشان كذا ماردت ويالله انا طالع .
طلع واتصلت ريماس على رهف وماقصرت معها عادة لها الاصتوانة مع كم كلمه زيادة لها ولفراس
وبعدين اتفقوا يلبسون زي بعض
بيت ابو ليث
رودينا : ندى متى بنروح لبيت عمتي
ندى : اعتقد بعد المغرب وين امك اساليها .
رودينا : في المطبخ يالله باروح عندها واسألها . وقامت
ندى : وانا بطلع لغرفتي
دخل اياد وريان
اياد : ههههههههههه مسكين والله قهرته
ريان : ههههههههههه خليه يستاهل الا يقولي اني غلطان .
اياد : هههههههههه لا ياشيخ يعني انت ماكنت غلطان .
ريان : ياخي مين هو يقولي غلطان مالت عليه من هندي كذاب .
رودينا : ايش السالفة يالله قولوا .
ريان يناظرها بنص عين : شيء خاص بيني وبين اخوي روحي .
رودينا : اياد بليييز خبرني بالسالفة .
اياد : لالا في الاحلام لانها خاصة ماتفهمين انتي
ريان : شكلها ما تفهم عربي تفهم هندي مثل البهارات مالها
رودينا تذكرت مقلبها : هههههههه سوري بس هذي سالفة وعدت وكانت وحدة بوحدة الحين هذا
حدث جديد وان ماخبرتوني بسوي شيء جدي .
اياد : لا خوفتينا ريااان خلينا نطلع للغرفة هههههههاحسن من الذباب الي اسمعهم .
ريان : ههههههههه والله صدقت ذباب مزعجات . وطلعوا لغرفتهم وخلوها تراقب ظلهم ومعصبة
الفضول بيقتلها .
تذكرت مقلبها يوم يطردوها من عندهم وضحكت هههههههههههه بعد ماخلصة الشغالة الاكل
والعصير ونادت على رودينا الي حطت فلفل اسود وملح ع العصير وفلفل احمر وكم بهار في الاكل
الي خلاهم يكرهون حياتهم من الطعم .
طلعت تقول لندى انهم بيروحون على بعد المغرب .
بيت الجد
سارا : حبيبي عزوز ايش رايك توديني السوبرماركت اريد اشتري اشياء اشلهم معي عند عمامي
عبدالعزيز : امممممممممم اوكي بعد ساعة خليش جاهزة .
سارا : شكراا الله لايحرمني منك ياحياتي انت
عبدالعزيز : هههههههههه ولا منشك ياحيات عبدالعزيز انتي .
سارا راحت بفرح تتجهز سارا فرحانه ان بيت عمها اخيرا وصلوا الاجازة بدونهم ولا شيء وقررت
بينها وبين نفسها انها ماتخاف ولا تزعل من هيثم هو ما سوا شيء غلط
هيا كان لها دور انه ياخذ ويعطي معها اذا هيا بنفسها نست عمرها والمفروض هيا تكون اكثر انتباه
وتتغطى وماتجلس معه وهو ماغلط تجاوب معها بعفوية وعادي اذا كان عنده علاقات اكيد سطحية
لانها واثقة باخلاقهم
وخاصة بسفرتهم كان عزوز ووليد معهم بس لي لي ماراحت من بالها عندها فضول تعرفها وتعرف
حب الهيثم لها وايش قصتهم .
}{لجزء السادس}{
بيت ابو الهيثم
دخل للبيت : السلام عليكم
الي بالصالة هيثم وشيماء : وعليكم السلام
الهيثم : زياد وين كنت ؟
زياد ويناظر شيماء الي كانت تمشط شعر حلا : كنت في بيت جدي .
شيماء شهقت بصدمة وبعصبية : يالحـــــــــمار تروح من دوني .
حلا سكرت اذانها من صوت شيماء وخافت منها : مــــــامـــــــا وراحت جرئ عند امها.
الهيثم : هبلة خوفتي البنت .
شيماء بعصبية : ماعلي منها دلوعة.
زياد : بسم الله هدي لاتموتين علينا وبعدين ياختي مولازم تكونين معانا داخلة عرض بكل شيء اريد
اكون مع اختي لوحدي بدونك بعدين هيا اليوم كله بتكون معاش مع البنات فحبيت انفرد فيها بدون
ازعاج .
شيماء : لابالله الحين انا صرت المزعجة .
زياد: يس .
شيماء : ماعلينا لان سارا جاية عندنا اليوم ولا كان شغلك ثاني .
زياد : يمه خوفتيني .
وناظر اخوه الي مو معاهم بالمرة سرحان بعالم ثاني من يوم ماذكروا سارا تذكر كل مواقفها معاه
كان يريد يشوفها بعد ماطلعت من المستشفى خاصة بعد نظراتها لما شافها في المستشفى
للحين موقادر يفهمها .
زياد يلوح ايده قدام وجه الهيثم : هيموو يابوسيف, ولما شاف مافي فايده صرخ : هيـــــــــــــثم
وفرقع اصابعه
هيثم بخوف وعصبية : بسم الله مجنون انت .
شيماء وهيا تضحك على شكل اخوها : ههههههههه الي واخذ عقلك يتهنــــابه .
زياد : هههههههههههه افا وانا اخوك ماتخبرني يالله اعترف الحين انا اخوك الصغير كاتم اسرارك
هههههه.
الهيثم : مالت عليكم من اخوان ماتخلون احد يسرح ويفكر الا وداخلين عرض لا واللجافة قتاله
معاكم .
زياد : ماعلينا لاتغير الموضوع يالله قول انت من يوم مارجعت من المانيا وانت مو طبيعي شكلك
مفتقد الحبايب ويغمزله .
الهيثم حب يماشي اخوانه ويلعب عليهم اشوي : ااااااااااااه من المانيا والي في المانيا .
زياد : الله ياخوي لايكون نسيت عقلك وقلبك هناك .
الهيثم : انا اصلا رجعت جسد بلا روح .
شيماء : الله يا هيمو شكلك طحت وماحد سمى عليك ههههه بس والله الي في بالي تسواهم
كلهم خسارة.
زياد يماشي اخته : ايوة والله خسارة ضيعت جوهرة .
الهيثم ناظرهم ومستغرب منهم ومن كلامهم الي كانه انقلب للجد مع انهم عادي وصابه الفضول
عن الي يتكلمون عنها وان كان عنده شك.
شيماء بصدق : والله صدق سارا جوهرة .
حس الدم فار مايدري ليش وعصب : شب زين عطيتكم وجه والله وبعدين انتي هــــي هذا الكلام
عيب اخر زمن بنات تتكلم بهذي المواضيع حب ماحب هذا الي ناقص والله.
زياد: ههههههه هدي ياخوي وبعدين نحن نضحك معاك خليك فري.
الهيثم بعصبية : فري بعينك ماضيع البنات غير الفري وانت الي مخربها عشان تكون فري.
يقاطعه زياد : متى ماشفتها غلطت تكلم وبعدين البنت تضحك معنا واذا ماضحكت معنا تضحك مع
مين .
شيماء كانت مصدومة وهيا تناظرهم مو مصدقة الي تشوفه محتارة اذا من صدقهم ولا مقلب.
هيثم : ايوة هذا انتم متى البنت ماضاعت والفاس طاح في الراس تأدبون هذك الوقت ايش الفايدة .
زياد بجد: هيثم صلي على النبي الموضوع مايستاهل كل هذي العصبية وكل هذي الكلام وبعدين
كل البنات كذا عايشين والتربية موجودة ونحن واثقين منهم وبعدين هيا ماقالت اتحب قالت انت
اتحب .
الهيثم : أي بنات الي تتكلم عنهم البنات هذول مو متربيات البنات يستحون .
زياد بحدة : هيثم لايروح بالك بعيد البنات الي اقصدهم مو البنات الي في بالك اقصد بنات العيلة
وسارا الي دايما تضحك معانا ولا واحد فهمها غلط ونـد .
وقاطعه الهيثم الي عصب زيادة : اصلا ماحد غيرها مخربكم .
زياد بعصبيه : هيثم عن الغلط .
شيماء بصراخ : خلاااااااااص بس حرام الي تسونه قلبتوا الضحك للجد .
ام هيثم دخلت عليهم وهيا مستغربة من الصراخ : بسم الله ايش فيكم .
زياد يناظر اخوه : ولا شيء يمه كنا نضحك على شيماء اشوي يالله انا طالع للغرفة انام اشوي
وسلم على راسها.
الهيثم تنهد وطلع برا البيت يريد يغير جوء.
في السيارة يلف بالشوارع
تنهد بقوة كان معصب مايدري ليش مع انه عارف ان زياد كان كلامه صح : ايش فيك ياهيثم عصبت
وقلبت الضحك للجد بدون داعي عصبت ,شيماء ماغلطت كان كلامها عادي عصبت على اخوك
وغلطة على اخته وبنت عمي اصلا انا ما عصبت الا لما نطقوا باسمها ليــــــش ياربي اااااه منها
والله اني قوي عين بعد الي صار اغلط عليها ا مسكينة مريضة اصلا هذا الي قاهرني ما اعرف
ايش مو قفها وايش قصتها واذا زعلانه مني ولا لا نظراتها كانت غريبة ذابحتني اااااااااه منك ياسارا
عمري ماغلطة على احد ولا شغل تفكيري احد زيك بعدين انا ماغلطة حتى تزعل هيا مثلي كانت ن
اسية عمرها واخذه راحتها صح امكن انا تجرأت اف هز راسه امكن يطلع من افكاره وزفر زفره ولف
السيارة راجع للبيت وهو يسمع جواله يرن وكانت شيماء تتصل.
