صحيح اني صغيره بسني بس انتبه حبي ترى حييل هــالك ..

[عايشة]

رسبت

رسبت

رسبت
:boredsmiley:


بقولكم القصه وانتو احكموا اكيد في لبس او عين حاره بالموضوع :think:

انا قلت بمتحن اول وحده وبفك روحي من التوتر ..

ركبت السياره

وطلعتها من الكراج غلط :eh_s(6):
كنت بطلع السياره من المكان اللي يدشون منه lolo

قالي الشرطي راسبه غلط غلط

رديت عليه : ترى امتحاني بالشارع :^^:

اول ما طلعت قالي : بدينا بالامتحان
ما ادري ليش قمت ارتجف

مع اني ما اخاف من هالسوالف :albarzah-a454c8c959

الجو كئيب بالسياره وانا بروحي خايفه ابى حد يسولف يريحني ويطمني على شان اسوق عادي :boredsmiley:
قلت له وانا اسوق : على فكره انا مب خايفه من السيايير بس خايفه منك :13068801631:

قالي ليش انا اخوف cat

انا ابتلشت اهني عن يرسبني :yy:
قلت له : لا بس سولف شوي :eh_s(6):

ضحك وقالي ممنوع يشتت انتباه السائق <- عايش دور الادريس اشوفه :boredsmiley:

لفيت اول دوار اللي بعد سوق السمج

وكان عادي

بعدها طيرته بالمطبه :eh_s(6):
والله اني تميت اضحك اقوله اهم شي كلنا بخير

خخخخخخخخخخخخخخخخخخخخخخخخخخخخخخخخخخخخخ

وبعدها يقولي انتي تعرفين للمطبات شوفيج عيل من ساعه
مع ان المطبه ملونه :zZz:

واهني رشني بنقطه لرسوب بالورقه " التقيد بقنوانين المرور والشواخص :d7aim:

عقب بركنت وكل شي اوكي

يينا على دوار الهدف .. والله يغربله :gada34:

حضرتي شخطتها وعديت الخط ومن الصوبين بس لسيارتي >> الدوار صار بسم عايشه :grins:

يقولي ها عديتي الخط

قلت له : ترى دوار الهدف الخط ماله شبه ممسووح .. فـ غلطت منو :think:

طبعا مب انا :boredsmiley:

وخلصت ويت اللي بعدي واللي وراها

لين ما يت وحده فلبينيه

تدرون هاي اللي نقعت خاصرتي من الضحك

وحده كتكوته ضعيفه وصغيره تمسك السكان بكل رقه وخوافه جداا
كم مره كنا بنسوي حادث وبالشوارع ضحك

والشرطي يقولها خلاص خلاص هي تعرف انها راسبه
يوم وقفت قلت لها good :eh_s(6):

طبعا كنت اتمصخر عليها
من باب السوالف

ويلست عندي

الفلبينيه تتحرطم تقول اختلاف كبير بين سياييرنا وسيايير فلبين
وانا :boredsmiley:

رد عليها الشرطي وايد يعني ؟
قلت لها انتو عندكم سيايير ؟

رد الشرطي : وياهم سياكل cat
قلت يمكن قصدها التكتك

مسوين جوو خخ

اقول بخاطري الحين طلعت السوالف :h3:

وبهالفتره اللي تسوق
والله وحلفت

لو تحطون سلحفاء وهاي اللي تسوق
بطير طيران السلحفاء

لعبت بتلفوني ونشرت خبر رسوبي
لاني سألته وقالي كل شي
خذت تقريري من السياره مسكين الشرطي يباني اسكت :eh_s(6):

اقولكم فجأه اشوف نفسي بنفس المكان

اقوله نحن متى بنوصل :boredsmiley:

يقولي حسيتي وكأنه يبى :gada34:

المهم

فجأه سالت الفلبينيه انتي كنتي خايفه ؟؟

قالت لي هيه قلت لها من منو أأشر لشرطي تقولي هي

قلت له سمعت

يعني الغلط مب من عندنا :13068801631:

فهمتوا

يعني غصب انا مب راسبه :cRy:

ويوم وصلنا بالباركن يرمسني يقولي شو اللي لازم اسويه
يقولي انتي احسنهم بس ما تشوفين المنظره اللي صوبي والدوار تحملي

قلت له الحين راسبه يعني
يقولي ليش تسمونه رسووب

يسمونه اعادة محاوله
قلت له انت تسميه جي بس فالبيت شو يسمونه رسوووب :boredsmiley:

وطبعا ذالتنهم فالبيت

كله اقولهم يسمونه اعادة محاوله وشعرفكم يا متخلفيين cat


بس ما عليه الله مب كااتب هالمره :weird:


يينــاا لتـقاييم


الخَيزُران

الله يسهل لج وتنجحين وتفكينا من الحشره ، على طاري النعول انا احب مثل هالنعول السطاحيه بعد ، لاتقص عليج اختج هالنعول مريحه ههههههه

خخ ما فاد دعائج مره ثانيه خليها من خااطرج :boredsmiley:


غادة الرياض

ماعليك من اختك الفلات البني رااايق وأصلا اريح كثييييييير بالمشي >> ماتلاحظين ان اغلب تدويناتك عن الجزم !!!!!!! افتحي محل وفكينا كككككككك

خخخخخخخ ترى عشقي وموتي لنعووول .. افلس من وراهم وعلى قلبي مثل العسل :eh_s(6):


شيبه محتشر

يعلك تسقطين ما ناقصين خبال بالشوارع لي عندنا مكفين وزود

هاي العين اللي قصدتها :gada34:


زيتونة(><)

زيييييييييين خبرتينا بسير ادور لي نعال للسكن وللصبورط // وبالتوفيق فالتراي =)

هيه سيري .. الله يوفقج انتي بعد


صعب وصآلي

طاااااع هااي ويا كشتج ما احبببببج يا ام كشيييش ويا رااسج .. وراااح ادعي انج ما تنجحيييييين نذاااااااله يااخي كيفي خخخخخ .. عيل انا تقولين عني جي بس ما يهمني واثق الخطوات يمشي ملكا حبتيييين والله ^_^

خخخخخ شووفي انتي دعائج ما يوصل لجبهتج

بس انا ما ابى انجح الحين قلت بستهبل مع الشرطه شووي :eh_s(6):


شمة العود

ما بتاخذينه هع هع

بااخذه وتريي علي :gada34:


وتسلمون علييهم

منورييني ​

 

[عايشة]

هيييييييي هيييييييييييييييييي هيييييييييييييييييييييي

واخيررررررررراا

كملت 4 شهوور .. :eh_s(6):


على فكرت تيسرت وايد اشياء فحياتي ..

فـ انصحكم ..

استغفر الله

والحمد الله

ولا اله الا الله

بس

فاليوم 1000 مره بس

واللي يتمصخر علي عن الليسن برااااااوييييييييكم :gada34:​

 

[عايشة]

وحده من ربيعاتي . . كنت وايد وياها من ايام المدرسه وبعد المدرسه
بس مب وايد ويا بعض تعرفون كل واحد ينشغل بعد الدراسه
المهم وهي مب ربيعتي الروح بالروح بس اعزها ..
لان بينا عشره طويله واسرار :zip:

من 3 شهور تقريبــا .. صارت مبينا ضرابه قويه وايد
لدرجه ان خلاص قطعت علاقتي فيها ..
مع أن قبل الكل حذرني منها حتى اخوي ما كان يباني ارابعها . .

بس كنت ادافع عنها لسبب انها صديقة الدراسه وانا ما شفت منها شي ..
وثانيـاا اني مب دوم وياها عادي كل اسبوعين او شهر ارمسها مره ..

وبعد لضرابه
كنت اكره اسمع اسمها والكل درا ان نحن خلاص افترقنـا ..

هي معصبه مني وانا معصبه منها وخلاص .. افترقنا بالتراضي خخ

بعد فتره قالولي ربيعاتي انها كاتبه اسمي واسم بنتين فالبيبي على اساس انها تفتخر بصداقتهم ..
طنشت وقلت انها منافقه ..

ومره تصادفت وياها بعرس يت لعندي تسلم علي شفتها بطرف عين ورحت عنها :see:
ما بغيت اسلم فيها .. " خلاص كارهتنها خخ

بقولكم شي .. فيني طبع خاايس لو كرهت انسان خلاص عمري ما احبه
يتم قلبي حاقد عليه ..

وبعدها مره ثانيه شافتني بعرس يت لعندي كنت يالسه دقتني صديت شفتها مدت ايدها فـ اطريت اني اسلم ولبستها

المهم

من فتره خالها توفى
وخالها واااااااااايد وياها .. ربيعاتي يسألوني لو بروح العزى او لا ؟

اهني ما اعرف شو اسوى

صح كرهتها بس كانت فيوم من الايام عزيزه وغاليه علي
تميت يومين او ثلاث ايام مب عارفه أسير أو لا ؟

الكل يقولي سيري هو عزى شو المشكله ..
انا ما ابى اشووفها .. لانها سوت فيني حركه حزت بخاااطري وايد . .

اخر يوم بالعزى قلت بروح ..
ورحت ..

تدرون ولا كأن صارت بينا ضرابه وكلام قوي ..
اول ما شافتني حضنتني وتمت تصيح !!

اهني ما عرفت شو اسوي
سويت روحي عادي ..

بس ما اقدر اسامحها ولا انسى اللي صار ..
شو اسوي بطبعي خبروني ؟​

 

[عايشة]

نسيم البحــر

سحروتـــه

شيبه محتشر

هدوء طفله

ReaL DaY

الصيـاد

غادة الرياض

Detective-X


تسلمون على المرور والتقاييم :MsgPlus_Img0919:

بس

لحظه

:ha:


ليش تحسسوني ان قلبي اسوود صخام :good:

لا يتكم الخيانه بالظهر شو تسوون ؟

انا اعتبرها جي :boredsmiley:

كانت كلوز وياي عمري ما توقعت تسوي فيني حركه خايسه

ولا انا عمري ما بحط بقلبي لانسان كان عابر سبيل فحياتي ..

وبعد حركتها ,, حتى لو تغيرت ويتني ما ادري احسها تنافق :h3:

الزجاج لا انكسر عمره ما ينرد مثل اول .. :yy:

طبعي جي .. يمكن احط بخاطري شهرين 3 , 4 , سنه
مع الايام انسى حتى لو يتني غلطانه اسامحها
بس خلاص دليت من حياتي .. عمرها ما بترد مثل قبل :d7aim:

تحملوا تزعلوني :laaa:

عاد واللي فيهاا فضول تقولي اكتبي القصه ..

طويله

يبالها قعده برع المنتدي :^^:



اقولكم

انا كتبت بمشاركه من مشاركات كلمة

تيسرت

وين الصح

تيسرت او تيسرة ؟

ترى عندي ضعف بالتاء المفتوحه والمربوطه ..

ولكن عندنا واحد يدرس بالمحوه الاميه صلحها لي
بس اعتقد انها غلط واللي كتبتها الصح . . !

المهم ما علينا لان مب ثقافتي العربيه ..
ثقافتي الفرنسي & الايطالي & الاسباني :m_embar6e​

 

[عايشة]

نجحت

نحجت

نجحت
:dkb:

مره ثانيه حبايبي سمعوني اصواتكم وتقاييمكم
اللي قالوا ما بتاخذين الليسن :sleep:

هم وانزاااااااااااااااااااااااااح الصراحه

صدقوا يوم قالوا الشواب ما شي احسن عنهم ..

عاد شو المغزى من هالجمله الله وعلم :grins:

بس ما شاء الله عليه الشرطي شرح الصراحه .. يسولف وينصح

وحده بغيت صدق افرها من الدريشه واخلها تغرق فبحر معيريض ..

تعرفون شو يعني افرها ...

سواقتها كله غلط :ta'7:
والشرطي كله يرمسنا عن اغلاطها ونحن نتناقش

بعد ما رسبت قال والله انتو السبب ترمسون !

بغيت ارد عليها

ردت عليها الثانيه قالت لها عيل لو خذتي الليسن ما بتخلي حد يرمس وياج بالسياره يوم تسوقين ؟
ردت : بسكتهم هي

خاطري اقولها تسوقين بلسانه شو :msgplusimg1434pm9:

بس قلتها انزين قوليلنا اسكتوا . . ليش سكتي

غبيه نحن نلهي الشرطي على شانها وهي بقره مب شايفها ذيلها :1577_1186768770:

ويوم رجعنا اسمعها تقول للكل
ما نجحت لان في بنات يرمسون والشرطي وياهم

:d7aim:

ضربتها غصه من شافتني نااجحه .. لاني قهرتها كله ارمس :grins:

يا الله

باركووووولي

وراووني ويووهكم يـااا احباب قلبي ..

اقولكم خاطري في سياره ميني كووبر :ah:

ما ادري ليش محد راضي عنها فالبيت

كل واحد ياخذ سياره على قد حجمه
ولا شو رايكم :^^:​

 

[عايشة]

شيبه محتشر <-- توها ما تباركت مدونتي بتعليقك :^^:

جورجي

هدوء طفله

بو حمده

سحروتـــه

عطر الاماكن

~الجوهرة~

الله يبارك فيكم حبايبي .. وتسلمون على التقاييم ..

واتريـا صعب وصالي وشمة العود .. oo:


امس حشروني ربيعاتي متى العزيمه ومتى العزيمه :d7aim:
وانا ما احب الخسر ..
التبذير مب زين حرام يا اخوان :grins:


والصراحه من متى مب شايفتنهم

يمكن من سنه :a050:

وحده تدرس بجامعة الشارجه والثانيه بجامعه خليفه

واجازاتهم غير عن بعض
فـ ما قمنا نتشاوف ..

كنت مشتاقتلهم حييييييييييل


قلت لهم اوكي بعشيكم وين ما تبون ..

فـ يلسوا يفكرون بمكان فراك !

ما حصلنا مكان

و هم نسوا راس الخيمه واماكنها الاثريه :ta'7:

يسألوني كم سينما عندنا

قلت لهم هم 2
مال لهنود والمنار والـ 2 طبعا لا .. يوم الجمعه زحمه شباب


ونحن نبا مكان هادي محد فيه

قلتلهم الحمرا مول

الفيران تركض فيها يا الله wahh

واتفقنـاا

ابوي كان يتحرطم علي شوي شلي اختج وياج احسن
<- ليش بعد بديقار مثلا :d7aim:

من شاف ربيعاتي سكت

انا أأشر عليهم نزلوا سلمو عليه

وهم فهموا ان في شي نزلوا وسلمو عليه خخخخ

وعاد ابوي ما يستحمل هالمواقف يستحي cat

وبعدها روحت ViV

وصلنـا الحمرا مول .. وشبه زحمه بس الحمد الله حريم اكثر شي

ويوم قلت لهم يا الله اطلبوا

ما طلبوا غير سلطات وفواكه وعصير وشاي بلا سكر واشياء بلا طعمه
ما ادري شو مستوي فيهم .. على قولتهم اشياء صحيه << :shut:

بس احسن عن يخسروني
تعرفون اخر الشهر مصيبه :lol:

وحده منهم مسويه تان :^^:

اللي ما يعرف شو يعني .. يعني جلسة تسمير

وطالع شكلها غيييير روعه الصراحه
توني ادري ان السمر حلوين هالكثر :msgplusimg1434pm9:


وبعدها خلصنـا ومرينا الكويتي خذنا كرك وتمشينا بالكوريش شوي
ورجعنا البيت على الساعه 10 وشي .. ما تأخرنا :mf_roseti


وكان يومي جميل وممتع oo:​

 

[عايشة]

احلى مسااا لاحلى متابعي مدونتي ..

انا واخواني كنا اليوم بنطلع القريه
بس بالساعات الاخيره اخوي طلعت له شغله وكنسل الطلعه

: (

مع ان اليوم اخر يوم للقريه
عاد كل شي ببلاش اعتقد خخخ يعني برخص التراب اشيائهم
بس صدق هالسنه واايد غاليه ..

المهم قلت لازم ارفه عن نفسي ومالي غير البحر اتيلس شوي
خصوصا الجوو عجيييب اليوم ..

امي وابوي يبوني اطلع على شان ازيد مهاراتي بالسواقه ..
واطلع ويا اختي .. طبعا اختي مستانسه لانها يالسه وانا اللي اسووق .. :grins:

بهاليوم كان خاطري بأسكريم بس مب مال الدكاكين نفس عاشوق
بس شو بيوديني اهناك

وفي مكان ثاني صوب الرمس والجولان
بس متعايزه اسير اهناك واشتري ..

قلت بمر الجمعيه باخذ لي اسكريم جالكسي وفوشار
وبيلس على البحر برووحي ..

وبحاسب نفسي :grins:


يلست عند اخرر المكان

ولازم ناكل شوي على شان ننسى لهموم :grins:
مب فوشار هذا اللي ينسى لهموم oo:

شوفوا الجو
ما شاء الله :a050:
ان شاء الله دوم جي على شان اخذها حجه و اطلع :msgplusimg1434pm9:

​

 

[عايشة]

سحروته

*فارسة الشارقة*

زيتونة(><)

غنَاتْيـے

تسلمون على التقاييم الحلوه ..
كالعاده منوريني ..

واتمنى ما نسيت حد هالمره ..


اليوم قايمه على الساعه 11 ونص ..
ظهري يعورني من لرقاد :a050:

اسمع يقولون اخوي العود منوم من الساعه 7 الصبح بالمستشفى !
اووه سلامات شو فيه ؟

يمكن رمل او حصى بالكلى مب متاكدين . . لازم يسوي تحاليل واشعه ..

هو من 5 شهور تقريبا يوم كان مسافر ياكه العوار بسوريا ويوم راح المستشفى قالوله جي
بس بعدها طنش لانه خذ الادويه وما ردت له الاعراض ..

والحين ردت له ..

فـ اتصلت فيه تعبان صوته
وقالي تعالي عندي ملان

قلت لاختي بنسير له .. ما اصدق حد يقولي تعالي :msgplusimg1434pm9:

المهم انا سايره وجدول اعمالي الظهر مزدحم بالمسلسلات خخخ
رحت على امل اني ايلس اشوف المسلسلات اللي اتابعها

رحت اسولف وياه اسمع بالغرفه اللي حذاله حششششششششششششششره

فوق ما تتصورون شحوح شباب مسكرين الباب ومطولين على صوت التلفزيون ويسولفون بعد

والمشكله يتابعون المسلسل المكسيكي ماري تشوي خخخخخخخخخخخخخخخخخخخخخخ

وانا ابى اتابع مسلسلي شو الحل

اقولكم صوت التلفزيون اعتقد واصل اخر القسم ..

قلت ما عليه

طولت انا بعد التلفزيون :grins:

انا واختي تضحك واخوي معصب منا يقولي خفي
اقوله اصبر ابى اسمع شوي بس

اسمعهم يطولون اكثر
يايه اطول

اشوفهم فجأه خفوا مول

يت لنا السستر

تقولنا شو فيكم ليش مطولين الصوت خخخخخخخخخخخخخخخخخخخخخخخ
قلت لها هم أأشر على غرفتهم

تقول لا والله وهالصوت شو وانا بسرعه اخف واضحك

بعدها راحت السستر
ردوا علوا الصوت

وصلت لمرحلة العصبيه
شو اسوي وياهم

يا يخفون الصوت ويعلون اصواتهم بالسوالف
او يفرفرون القنوات والصوت عالي

ما ادري هم ما يسمعون زين او متعودين على اجواء السينما خخ

بس الحمد الله بعد ساعه ونص على طووول طلعنا ورحنا البيت ..
ما فيني اتم اهناك وانقهر اكثر :ta'7:

​

 

[عايشة]

شحالكم ؟؟

اللي يسأل عن محل الكاب كيك اللي قلت لكم عنه ..

اترياا واحد من الاعضاء يصور لي المكان .. وبخبركم بالضبط عن المكان :gooddw:

طبعا انا اكتشفته عن طريق الصدفه . .

يوم كنت ادرب اسوق فبركنت عند المحل

قلت لازم اخبر اختي لانها بتتخبل عليه .. لاني شفت فيه سوالف اكثر عن فالكون ..

وخبرت اختي .. وقالت لازم نسيره مره

ورحنا تخبلت اختي شافت وايد فيه سوالف
الواحد يحتار لان فيه اشياء يمكن اول مره تشوفونها حق هالسوالف ..

طبعا انا اطالع بس ما ادري شو السالفه خخخ

فجأه واحد مواطن كان بالمحل

كلمناا ..

تبوني اساعدكم بشي ؟

صدينا نشوفه ..
محلك ؟

هي نعم

ونحن ما شاء الله

من متى فاتحين

هو استغرب انتو من راس الخيمه ؟

قلناله هيه ليش ؟
قال انا فاتح من رمضان ومسوي دعايات .. كيف توكم تعرفونه

حسسنا عايشين بكهف :grins:

وتم يشرح عن سوالف معروضه اختي بعالم ثاني
مب مندمجه وياه مندمجه بالاشياء اللي تشوفها

وانا اسمع له واقوله هي هي ومن الصوب الثاني ولا ادري شو السالفه خخخ

بعدها قال بفتح محل ان شاء الله صوب سوق السمج اللي بمعيريض
فيه دورات لتعليم الكاب كيك لو حابه تسجلين اسمج وبرسوم .. وبعده ما حدد الرسوم ...

اختي اهني ردت للواقع وين بسجل

تسجل اسمها وتشوفني اقولها شوو .. طبعا لا خخ

قالي ليش

قلت له ما يخصني بهالسوالف :msgplusimg1434pm9:

وياريتني ما قلت له

كل ما شرح شي يقولي تقولين هي وانتي مب عارفه شي اصلا خخ

بس صدق سكتني بوايد اشياء ..

يبنا طاري فالكون

قالي شو فالكون ولا شي عندي ..

طبعا خقاق بيني وبينكم من حقه :grins:

انا طبعا مسويه روحي عادي شو هالمحل واخخخخخخخخ

قلت له لا تقارن محك بفالكون صح عندك اشياء اكثر
بس انت محل وهم شركه

قالي هي بس هم الحين يخافون مني
لان اشيائي غير ..

قلت له من وين تييب هالسوالف

ضحك

قالي هاي تجاره ما يستوي و عقب بيبدأ التقليد

خقاق خقاق

خقاق :a050:

واختي يوم قالت له عن دمج الالوان

سكتها بمعلومات .. يعرف ما شاء الله عليه ..

هذا موقعهم ع الكرت ..

بس ما ادري ما فتح وياي الحين ..


www.aldarcake.com

اتريوني براويكم المكان عقب ..
ولو تبون البن كود او رقم المحل او الموبايل خبروني ....​

 

[عايشة]

زيتونه

ام كشيش " صعب وصالي "

شمة العود

بوخالد الحجاجي

ولد الخنزوري

الله يبارك فيكم وعقبالكم يا بنات لو بخاطركم ..

ReaL DaY

Vtc

غنَاتْيـے

منوريني حبايبي .. :rose:


يوم الخميس طفرانه احاول باخوي العود يطلعنا الفجيره لان الجو كان روعه ..
خصوصا اخوي الثاني مسافر بانكوك ولا هو ابو الطلعات .. واللي معطنه ويه :bs:

طبعا يوم قلت له خذنا لفجيره
قالي نعم ؟
طبعا لا

قلت له عيل وين ما تبا خذنا قالي شورايج دبي مول ؟
وانا بوجه طفولي ..:t6t: اللي تشوفه يا اخوي العزيز اهم شي انت تغير جو

خخ ملزومين ندهن سيره ... لانه مب راعي دبي بس بوظبي :albarzah-a454c8c959

وقالي اوكي خبري اختج باجر بنطلع .. الا هو يوم الجمعه :s7rota:

وطبعا شو سويت طرشت لكل ربيعاتي فالبيبي ..

" ارسل كلمة " Dubai Mall " الى عشره من اصدقائك وسوف تذهب باجر الى دبي مول
لا تتهاون بالرساله هناك شخص اهملها وراح سوق الجمعه واشتري فندال .. !

:grins:

طبعا تمصخروا بس محد طرش لثاني :bad:

ولاني اصلا سايره يوم الجمعه :grins:

وبالدرب طرشت لهم

استودعكم يا حبايب قلبي انا رايحه دبي مول ...
خبرتكم طرشوا هالرساله بس مشكله اللي يسوى روحه فهيم وفوق راسه قرنين :^^:
ما اوصيكم على الفندال الزين .. واليقط .. هذا لو رحتوا بعد وابوي فالبيت بيستقبل عنكم cat

اخليكم مع الصور ..

ما ادري ليش الشباب من يوصلون مكان يركضون :bo_mher:

اهني صوب الباركنات قبل لا ندخل المول ..

طبعا يوم الجمعه زحمه المول ..

طلعنا نشوف النافووره wahh

اهناك الزحمه صدق ..

على الساعه 6 ونص ..

طبعا رووعه بس قلنا لازم نشووفه فليل .. احلى بالاضواء .. wahh

تمشينا بالمول

وفديت غناتي .. :^^:

طبعا مب محلج :grins: بس من كثر ما كنتي تحطين صوره اشتهيت اجربه
ويستاهل لذيذ ..

وبعدين قلنا خل نتعشى .. امممم شو ناكل
اختي خاطرها بمعكرونه ومشتقاته ... قال اخوي خل اندور ع مطعم ايطالي
وانا ما احب عمليات البحث :h3:

حصلنا واحد يطل على النافووره wahh

رووعه صار المكان

وارفع راسي اشوف البرج

ورجعنا

​