صحيح اني صغيره بسني بس انتبه حبي ترى حييل هــالك ..

[عايشة]

المخطوطة السريه

زيتونة(><)

بو حمده

Berjwaze

سحروته

غنَاتْيـے

منوريني عالطله الحلووه ....


اخوي مطلع بطاقه توفيرمن البنك بأسم ابوي وخالنه وياه .. على اساس يحط مبالغ فيه وما يسحبها ..
تعرفون بعد شهور يزيد المبلغ لو ما سحب ولا درهم .. قال بجرب ..

المهم

اليوم الصبح اخوي متصل فيني

يقولي ضاعت عني البطاقه وابى الغي لحساب واطلع بدل فاقد .. :ta'7:

الحين لازم ابوي اللي يتصل على الفرع الرئيسي ويخبرهم دام البطاقه بأسمه

تميت ساعات افهمه جي جي السالفه وانت خبرهم انك تبا بدل فاقد وتلغي البطاقه لانها ضاعت

وابوي يقولي زين زين

وانا كنت شاكه انه فهم شو السالفه خخخ


المهم دق ..

ردت عليه حرمه :grins:

طبعا لازم تسأله اسأله على شان تتأكد انه الشخص نفسه

اول سؤال قالت له

شو اسم امك ؟

عاد ابوي شيبه شو سوى :eh_s(6):

ابوي ما يعرف هالاسئله مهمه

قالها اي اسم على اساس اسم الام سري خخ

قالها عايشه

انا يالسه وياه فييت على باله ع طول cat

قالت له غلط

اطر انه يعترف بس بطريقه غير مباشره

قالها

مريم أو امنه وانتي لو شاطره قولي

خخخخخخخخخ

هي قالت الاسم صح . لان مكتوب عندها بالسستم

ابوي رد عليها وانتي صح :grins:

قالت له عيل تقول اسمها عايشه ؟

قالها نحن نسميها فالبيت جي

خخخخخخخخخ

انا ادق دق راسي على شان يتكلم زين
تقولون محشش متصل يستهبل :w'7:


المهم وبعدها سالته عن تاريخ ميلاده

انا فاتحه الجواز

اقوله قولها جي

تقول غلط ؟

انا استغربت وابوي يقولها مكتوب بالجواز جي

تقوله مكتوب وياي غير ؟

ابوي اهني صنفر

شوفي انا اول ما انولدت ما كان شي تاريخ ميلاد
لان زمن قبل ما شي تواريخ

وبعدين كتبوا لي جي

وها تقريبي

ما ادري لو تبين قبل الهجره

وانا أأشر له بس بس اسكت :good:

هي مسكينه ساكته تقوله ما ادري

خخخ

النهايه طلع تاريخ الميلاد غلط ..

اطرت الحرمه تلغي المكامله بقول

انا راح الغي البطاقه حاليـاا ولكن ما اقدر اطلع لك بدل فاقد
لان في بيان غلط الا هو تاريخ الميلاد

لو تروح لاقرب فرع وتعطيهم الجواز على شان يطرشولنا رساله ونحن بنعدلك البيانات وبنطلع لك بدل فاقد ..

وابوي زين مشكوره ..

:m_bye:


ويوم السبت بسير وياه ..
ما يستوي اخليه بروحه ولا بيخربط لنا الدنيااا :mf_ymca:​

 

[عايشة]

يقولون الانسان يوم يكبر بالعمر يكون التعامل معاه صعب ..

يوم الجمعه

سألت ابوي متى بنطلع البنك باجر الصبح ؟

قالي 9 وشي وانا :eeek:

قالي ليش تسألين .؟؟ قلت له بسير وياك لاه :je_t_aime

قالي ليش ما اعرف اتكلم انا ؟

قلت له امبلى تعرف بس ابى اشوف البنك من الداخل :grins:

قالي خل يدج ياخذج :Hi:

قلت له الله يرحمه لو عايش ما بيضى انك تذلني ع طلعه :mf_doctor

قالي انزين باخذج لاني ما اعرف ارمس ؟

طبعا صاير يتحسس من هالسوالف وعنييد ما يسمع لحد ..

قلت له لالا كيفك خلاص مب سايره ffended:
قالي خلاص بوديج :mf_kamika

بنسير الساعه 10 ..

قلت له انزين

وانا بهالوقت اكون بـ 7 نومه :a050:

ياكني ع الساعه 10 بعدج انا طالع :Faces:

اصبر اصبر دقايق اتغسل والبس ونطلع

وها ها

طلعنـاا ..

وصلنـا البنك ..

دخلت شفت موظف .. كنت امشي له معاملات بدوامي القبلي :h_shey6an

طبعا هو مكتبه على جهة اليمين

انا سرت سيده سويت روحي ما شفته قلت اول شي بمر ع البنات وعقب اذا اذا طلعوا بقر بشوفه .. خخ

ونحن نمشي ارمس ابوي

اقوله شوف اللي على جهة اليمين اعرفه وجي جي .. طبعا انا ما اشوفه على شان ما يحس ان في حش :grins:


فجأه اشوف ابوي سار عنده :eeek:

وسلم عليه اطريت اني اسوي روحي شفته خخخ

اسمعه يقول لابوي ها شو سويت طلعت بدل فاقد .؟؟

وانا علامات استفهام فوق راسي ؟؟

ابوي خبص الدنيا

قاله طلبوا الجواز وما ادري شو السالفه

انا اهني قلت خووش سواها ابوي وخارها من اولها ...

ييت عند ابوي اشوفه اقوله لا بس نباكم تعدلون بيانات ..

قالي انزين سيري عند الموظفه فلانه اهناك وخبرها ..

وانا امشي اقول لابوي كيف تعرفه وكيف يعرف السالفه ؟؟

يقولي هذا فلان ولد فلان " واول ما ضاعت البطاقه اخوج سأله شو الاجراءات
طلع من الشعبيه upsss:

طبعا كانت الصدمه من الطرفين :grins:

ويوم سرت عند البنت طلعت اعرفها oo:

سلمت عليها وتميت اسولف واقولها شو السالفه
وعطتني تاريخ الميلاد اللي وياهم

سوت لي سالفه وانا ما فهمت اللي فهمت انهم ماخذين السنه صح بس لان ابوي الله يطول بعمره شيبه .. ولازم اصلا التاريخ اللي بالجواز تقولي غلط نحن نحطه بهالتاريخ ..

وعطتني شو مكتوب عندهم ..

وقالت لي ردي دقي لهم بفرعنا الرئيسي ؟

قلت لها ليش بعد انتو اطلبوا من عندكم بدل فاقد
اعتقد يستوي دام الشخص بنفسه يا عندكم !!!!!

قالت لي لا ؟

قلتلها ليش ترى انتو فرع والعميل بنفسه يا طرشولهم رساله وخلاص

سكتت

قالت لي انتي اداومين فبنك صح

قلت لها ياريت واشم ريحه لفلوس كل يوم خخخ

قالت لي بسوي لكم طلب بس من توصل اهني بنرد نسألكم أسئله على شان نتأكد

قلت لها عادي ..

وابوي فلسفه انا ارمسها وعقب اترجم لابوي .. عن يعصب علي :h_afaker:

سألت ابوي انت توقع او تبصم ؟

ابوي طول عمره يوقع وما شي اسهل من توقيعه

انا رديت قلت لها يوقع

الا الحبيب يقفطني

يقول ابصم

:ta'7:

اشوفه شافني وطنشني

بنت حلوه قالت تبصم قال ابصم ليش لا :grins:


وخلصنا

سرنا وشوي بيرجعنا

يقولي بطاقه فيزا ولا ؟

قلت له لا توفير

يحسسني يسعملها يعني

يقولي لا برد اسألها

اقوله عقب يوم بناخذها بنتأكد

لا بنسألها الحيين

يا الله نرد من نص البنك

واقفه بعيد اشوف ابوي يسألها

تقوله لا مب فيزا

يقولها كيف لا فيزا

اقوله بابا توفير .. يقولي اخوج يقولي فيزا
اقوله مخربط يمكن .. انا ادري

يقولي اهااا ..

واسحبه ويا الله يا الباب وينك :m_ydakhen

وبالسياره يسألني بنت منو هاي ؟

قلت له بيني وبينك ما اعرف اسمها ولا بنت منو اعرف من اي منطقه بس

بالمناسبات يوم نتشاوف نسلم ع بعض هي تعرفني من قوم .... وانا اصلا ما اعرفها :grins:

قالي زين زين

قلت له بعد 3 ايام سير ييبها عند نفس البنت لانها بتجربها لك بعد

قالي وانتي ما بتيين ؟

قلت له لا

قالي ما يستوي ما اعرف اتكلم

شو اقوله

قلت له تعرف تعرف ..بس الحريم يتفاهمون مع الحريم :grins:


واي

ابوي مستوي عنييد و كلامه هو الصح بس .. ولسانه طويل وما شي تفاهم ..
طبعا مب وياي .. تعامله مع المواقف :a050:

:bs:​

 

[عايشة]

المخطوطة السريه

ReaL DaY

بو حمده

غادة الرياض

صعب وصآلي

¢.v .t

قلبي شموخي

تسلمون حبايبي ع المرور ع التقاييم :rose:

[align=center]سرت راك مول [/align]

وبالدرب شفت هالسياره ؟

عرفتوها ولا :grins:

الله يستر عليها وعليناااا

شو ها مول ؟ الله يسامحكم سويتو له سالفه اكبر من حجمه خخ

يا اخي مول عادي

ونص المحلات مب مفتوحه

بعدنا

ما ادري ليش مطيرين :msgplusimg1434pm9:

رحته بنص الاسبوع لاني ما احب الزحمه

والمكان فاضي وامي قالت بتمر اللولو بتشتري للبيت ..

هي دشت اهناك وانا واختي قلنا بنستكشف هالمول

وسرت الصالون ابا اسوي مساج
بعد مب فاتحين :a050:

ونتمشى لين ما وصلنا اخر طابق

وين المطاعم ؟
كمن مطعم خخ

المهم وانا يوعانه حدي

طلبت لي
الفلبيني يقولي وياج درهم ؟

قلت له ما عندي عادي اخرد ... شوي قلت له لحظه لحظه

ولا اطلع له هاي

خخخخخخخخ

بات مال بانكوك قلت له تباها ؟

بو عيون شخطه قلت يمكن كلهم نفس العمله
يضحك ويقولي مب مالنـاا .. :grins:

البات يبتها من عند اخوي مسافر بانكوك من اسبوعين وعطاني فلوسه اللي ردهم على شان احولهم واخذهم :grins:

شوفوا كيف المكان فاضي ..

طبعا ما فيه شي يستوى قلنا خل ننزل عند امي

ويوم نزلنا امي مخلصه قلنالها لو تبا تروح الطابق الثاني في قسم للاجهزه ..
وهي بخاطرها

.. قلت لها انتي سيري ويا اختي وانا بتم مع السامان ..

واتربع تحت :grins:

عقب يلست عندي وحده عيوز ..
قلت لها ايلسي عند ساماني لو ما عليج كلافه بسير اشتري لي دونلت من هالمحل الجريب وبرجع ::msgplusimg1434pm9:

مسكينه تريت .. حبيتها الصراحه :rose:

ويلست اطرش برودكاست اتمصخر على اللي شفته لين ما يو اهلي وسرنـاا wahh
:grins:​

 

[عايشة]

يسعد مساكم ..!!


مستويه هاليومين كله اطلع ويا ابوي ..
احب طلعاته ..

يمكن لانه اقرب انسان عندي ..
ابوي بنسبالي اكثر عن ابو .. اعتبره ربيعي خخخ

اخذ راحتي وياه وايد
حتى لو عندي سالفه وانا كنت غلطانه عادي اقوله ...

اما امي لا .. كل تصرفاتي ما تعيبها ولازم حدود :a050:

مع ان اخواني ما يحبون هالشي .. يبوني احترم ابوي اكثر ! لاني وايد اتمصخر وياه

احس عادي لان نحن قراب .. :ta'7:

المهم

امس طلعت وياه

طبعا هالقير ما احبه اففف اول ما تعلمت اسوق سقت العادي واكيد عليه ..
المهم ما يخصنا بالقير :grins:

/
/

ابوي يقولي قصته مع زول صغير :grins:

ابوي كل ما يروح يصلي يطلع بسيارته للمسيد ..
يبركن السياره عدال المسيد ويدخل يصلي .. وما يقفلها و يخلها مفتوحه

لان ما فيها شي يسوى على شان حد يسرقها ..:bs:

الا الخرده اللي تشوفونها :^^:

وما ندري طلعت كنز عند البعض cat


مره ابوي يقولي خلصت من الصلاه اشوف نص الربابي " الدراهم " مختفيه !

طنشت

مره ثانيه

شاف باقي

درهمين وين الباجي ساروا ؟

مستغرب

قالي تاخر عن الصلاه ع شان اشوف منوو اللي يسرق لفلوس ..

تم ابوي بالسياره

لاحظ سوداني صغير ساكن بشعبيتنا

يحول حول سيارته ولا يحط راسه بالدريشه يشوف حد داخلها ولا
ويشوف ويه ابوي مجابلنه :grins:

وشرد الحبيب :h035:


ابوي قالي السالفه

قلت له المفروض تمسكه وتهزبه ع شان يتأدب .. ولا خبر ابوه
قالي حرام ياهل وما يعرف شي والا هي خرده ..
وبعدين ابوه يمكن يضربه ..
اصلا هو شافني وما بيعيدها ..

قلت له ولو لازم يعرف هالشي غلط .. ابوه بيهزبه ما بقتله !!


شو رايكم ؟؟

انا ولا ابوي ؟


المهم ابوي مب مقتنع بكلامي يقولي ياهل مسكين :h3:


بعد هالسالفه والسوداني بعده يخطف ع سيارت ابوي ViV

اهني ابوي وصل حده
مسكه وقرصه من اذوونه خخخخخ

وشرد الزول

ابوي خبر ابوه قاله مب زين اليوم فلوس باجر ما ادري بيسرق شوو

تلوم ابوه وقال والله هالولد ما اعرف شنو اعمل معاه وايد ملعوزني ومن يومين ناغزنه بابره ع شان يتادب مسوي شي وما شي فايده

وابوي من ذاك اليوم وهو يقفل بيبان سيارته ..

ولين يومكم يحوم صوب سيارت ابوي كل يوم يفتح البيبان

عل وعسى يوم من الايام يكون الباب مفتوح


ما ادري شو شايفين الكنز السوداني بسيارت ابوي :grins:​

 

[عايشة]

سحروتـــه

*فارسة الشارقة*

زيتونه

Berjwaze

آلخزآمــے~

جرحي جديم..!

تسلمون ع التقاييم

والله يكثر من امثالكم خخخ

يبيلها بهالجوو ولا ؟

من يومين شفت ابلة الرياضه اللي كانت ادرسني بـايام المدرسه

تدرون انا مستغربه من شي ..

كل معلمات الرياضه امتان ؟

هالسؤال يدور فبالي من ايام المدارس
وسألتها ابلتنا ..؟؟

قلت لها طبعا باسلوب
ما فيني تحطني فبالها وتكرفني بالتمارين .. :grins:

كيف صرتي معلمه رياضه وانتي بهالوزن ؟
خخخ شفتوا كيف كنت قويه :msgplusimg1434pm9:

قالت لي : اصل كنتي رفيعه قبل ما اتجوز <- مصريه
وبعد ما جبت لعيال بقيت كدا

وانا اهاا

اقول بخاطري لو انتي جي عيل ربيعاتج شوو ؟؟


لو تدرون اخر سنه يمكن 3 مرات بس لعبة رياضه وبعد مال 10 دقايق
كله اشرد ... خخخ

وكنت ضعيفه الحمد الله

اول مره شردنا كنا شلل ما ندري منو بيشرد ومنو ما بيشرد
عقب اكتشفنا ان بنتين بس حضروا الحصه

وكل الصف شارد خخخخخخخخخخخ
اطرينا كلنا نرجع لادراجنا

يوم اشرد احب اتخبا بمكان اقدر اشوف تحركات الابله يوم ادورنا ع شان ما تكشفنا ..

فـ وين اروح تتوقعون.!!

في شجرة لوز نصعد فوقها وانتم فوق طبعا تسلقها وسهله وفي مكان نقعد فيها سبحان الله الامور متيسره :grins:
ونشل حب ويانا انا واثنين من ربيعاتي نيلس فوق ونشوف البنات والابله يوم ادورنا
هههههههههه

موقع استراتيجي .. والهوى يهف علينـاا ونضحك على اللي يلعبون :grins:

تصدقون ما ادري كيف كنت اسويها بس شكلي كنت قويه خخخخ


اذكر مره انمسكنا كلنا .. :a050:

وانا لبس الرياضه جاهز عند طاولتي طول السنه بس ع شان يوم تسال حد ما ياب اللبس اقولها يبته ..

كنا كل الصف شارد

الصراحه الادبي اغبيا انزين كمن وحده تشرد مب كل الصف خخ

المهم

وكلنا عند الساحه .. وعقابا لنا كلنا نسوي تمرين الضغط

تدرون كنا 26 طالبه محد عرف يسويها غير وحده

خخخ

النزله صعبه يا اخوان
تكون سريعه .. وتأدي الى اصطدام عنيف بين الوجه والارض :msgplusimg1434pm9:

والمشكله سااعه لين ما اقدر اقوم وارجع مثل اول :grins:


و الابله كله تهددنا

حنقصكم بالرياضه

ونحن اليوم الثاني شاردين :grins:

ايام الصراحه ضحك

اخر سنه يمكن فوق 4 مرات او اكثر متصلين ع بيتناا

كله بنتكم تتأخر عن الحصص ولا كله ترمس ولا شارده

ابوي يسألني وين تروحين يوم تشردين ..!
اقوله اتم بالمدرسه بس اطلع من الصف اختنق خخخ

ويسألني ليش تتأخرين وين تروحين .. !
اقوله اشتري اكل اكون يوعانه ولا بنات يبوني واتأخر مال دقيقه :grins:

بس كنت اسكت ابوي وامي
بقول : ما اتصلوا ع الدرجات واهم شي الدرجات وعلاماتي كله زينه oo:

 

[عايشة]

من شهر وانا احن على ابوي ياخذني البحر على شان اسبح ..

اول امس الحبيب بروحه يايني
كنت يالسه مع اختي نسولف ..

قالي تبين تسيرين البحر تسبحين ؟

قلت له هييه واختي قالت انا بعد ابا اسير ..

قال عيل بوديكم صوب لحليله ..


انا مب مصدقه ابوي بروحه ياي ويقولنا يا الله !!!


المهم

رحنا بالفيتارا تعرفون سوالف الصعدات خخخ

انا طبعا يالسه جدام

واختي لكبيره ورى خخ

دوم اسوي فيها جي

المهم

ولا اشوف ابوي يروح عند العومه !!!!

ونحن منزلين الدرايش والروايح عطره الصراحه

طلع ابوي مخطط ايي ع شان العومه مب على شانا خخ

طبعا ما اكتفى الا بـ 3 كيس ..
وكله ورى عند اختي

المسكينه متلثمه خخ

غاده يمكن تتسأل شو يعني عومه
هاي هي

وعقب نتمشى اندور ع مكان هاادي محد فيه على شان ناخذ راحتنا ونسبح

ابوي يشوف سيارتيين شباب يسولفون مع بعض من شعبيتنا

قام الحبيب ووقف مقابلنهم وما نزل أأشر ع واحد منهم على شان ايي عندهم

وانا معصبه
لاني وياه وشكلي بالغلط خخخ

الحمد الله لابسه نظاره شمسيه ولا بيشوف عيوني وارمه خخ

على نياته ابوي يشوفنا يهال خخ

شوي اختربت السياره

شيييت

وهم الشباب يو عند ابوي ..

وها ها اشتغلت
لان ابوي ما ادري شو سوى بالقير الدبل ..

يوم مشت قلنا اكيد بنرد البيت ما شي سبوحه

قالنا لالا عاادي
ومستانس يمشي

ويغني بحر الشوق لطامي خخ

وصلنا لمكان روعه

انا واختي ركض نبا نسبح
تونا كنا بنفصخ العبي ... بس نتاكد من الاجواء

ولا نشوف واحد من الشباب اللي كان واقف عند ابوي وياهم من ساعه يا عندنا
وتم ساعتين اونه يسولف ويشوف السياره شوفيها خربانه ؟

تميت معصبه
كل حين اقول الحين بيروح
والحبيب لزقه تم يااالس

وانا اتريااا

لين الغروب راح وابوي يأشر يا الله تعاالووا
ونحن ما تسبحناااا

قالنا مره ثانيه

اعتقد

بعد ما بيبيض الديك

 

[عايشة]

من يومين عشت ازفت ايام حياتي
ارهاق مش طبيعي :res:

اول شي اختي مريضه وكل حين اوديها المستشفى لانها مب راضيه تاخذ مغذى !
وثاني شي امي تبا تسير السوق ..
وثالث شي ملجة اخت ربيعتي الروح بالروح ..

والدنيا عندي مرتبشه ..


اخر شي بيوم ملجة اخت ربيعتي حضرتها اختي رضت تاخذ المغذي .. :ko::
من يومين نروح ونرجع وهاليوم من الصبح نحن بالمستشفى ..

ويا الله لين الساعه 4 خلص .. استانس انا ,,, قلت الحين بنرجع البيت و بسير اسبح و بجهز روحي
ولا شوي السستر تطربني في مغذي ثاني بيخلص لعشى !!

قلت لها حياج اختي .. :bay:
عقب بمر اخذج يوم بسير الملجه وانتي ردي بروحج بالسياره ..

سكتت يحليلها :MsgPlus_Img0919:

رجعت البيت امي تبا تسير عند اختي ؟
يا هي حاله اقولكم ما شفت بيتنا مول هاليومين .. يمكن مال دقايق
حتى فليل ع طاري فليل الصراحه السواقه فن فليل << الدنيا فاضيه ع الساعه 12 وليتات الشوارع :yaw:

وديتها ورجعتها
يوم رجعت البيت كانت الساعه 7 تقريبا
سبحت اول ما خلصت اختي متصله خلصت تعالي خذيني ؟

نعم

نعم

انا معصبه الملجه فالبيت وتعرفون اذا كانت فالبيت يعني كل شي بيكون من وقت
وانا مووول ما تجهزت
ومب ملجه عاديه لانهم مثل خواتي :msgplusimg1434pm9:


المهم

رجعتها وعلى الساعه 9 وربع انا واصله بيتهم

ولو تدرون كل شي تقريبا مخلص وزحمه :grins:

نسيت الاكل من الربشه لاني متأخره ..
تعرفون في تصوير وانا ما اصدق لازم اطلع بالفيديوو :msgplusimg1434pm9:

ومن خلصت الملجه وانا طالعه

شفت ابوها

تدرون من 7 سنوات مب شايفتنه :a050:

مستوي شيبه حتى يوم يرمس ما افهم شو يقول ...

انا وبنته الا هي ربيعتي سرنا عنده

قلت بسلم عليه

>> خارج النص

من فتره يوم خذت الليسن كنت عازمه ربيعاتي قلت لكم بالمدونه ..
المهم هم يوني عند بيتنا .. ابوي طلع سلم عليهم وهم سلموا عليه ايد بـايد
كنت اطالعهم بطرف عين .. مستحيات ويلسمون عليه والابتسامه شاقه حلجهم io:

بعد ما سار ابوي

يالسه اطالعهم بنظره :d7aim:

وبالسياره يالسه اقولهم بالمشمش لو تفكرون فيه :13068801631:

ربيعتي قالت لي ما افكر بالشواب ..

قلت لها هي صح اللي يشوفج ما يقول هالرمسه هاا

يقولكم المثل احذر من صديقك الف مره و من عدووك مره

خخخ

المهم كنت اسولف وياهم لا غير ..

<<


الحين ترجع لسالفه

رحت عند ابوها سلمت عليه ايد بايد
وبعدني ما سكه ايده :msgplusimg1434pm9:

قلت له عاش من شاافك
من زمان ما شفنااك ؟

يبتسم بس ما شفته متحمس
اقول ربيعتي ما عرفني شكله .!
تقولي هي نساج :eeek:

قلت له ما تذكرتني

بعدني بخله يخمن :biggrin:

ساكت يشوفني يقولي لا

عقب ربيعتي تقوله عوااش ربيعتي

لو تشوفونه تغير رد سلم علي مره ثانيه ورص ع ايدي
ويقولي انتي اللي ما تنشافين وينج ويبتسم .. :a050:

طبعا ما افهم شو يقول وشوي شوي ربيعتي تفهمني ..

بس استانست ع ردت فعله وانا بعدني ماسكه ايده:m_mosala7

اسمع ربيعتي تقولي بالمشمش لو تفكرين فيه يا الهرمه :grins:
ابوها ما يسمع زين .. لانه شيبه الله يعطيه الصحه

قلت له اسمعها شو تقول
يقولي شوو

اقوله تقولي انت ما تتذكرني اصلا وما تبا تتذكرني وما تبا تسلم علي :^^:

اشوفه هد هيدي وشل عصاه بيشلطها شوي

خخخخخخخخخخخخخ

قلت له هدي هدي امسحها بويهي خلاص cat

قلت لها اسكتي احسن لج
ولا بخله يدفنج اهني :grins:

تضحك تقولي صدق نذله

شوي اسولف وياه واسوولف

فجأه

دمع ابوها

موقف الصراحه ما اعرف شو اقول عنه
شيبه ويدمع .. :a050:

حاولت اغير الموضوع ..
عقب قلت له بروح الحين .. ما كان يباني اروح :12:

وسألني منو بيردني
قلت له اختي بتاخذني ..

ربيعتي تقوله خذت الليسن وانا بعدني

يقولي خذتي ؟
قلت له هيه ولو تباني اطلعك فالك الطيب

بس ما عندي سياره خل ولدك " ..... " يخل لي الـ لكزس ستيشن " اطلعك فيها :^^:
انت مب اي حد ع شان تركب اي سياره ViV

طبعا ضحك

وقالي ما تغلى عليج

ورحت عنه

يوم وصلت البيت ابوي يسألني نعالج وياج :grins:

/
/

ورجعت البيت وانا على لحم بطني
ورقدت وعصافير بطني تغرد باسماء وانواع الاكل :cRy:​

 

[عايشة]

تدرون ليش ...؟؟

آلخزآمــے~

تحت آللثآمي? ~*!

Detective-X

This is me

زيتونة(><)

راعية المعاني

ReaL DaY

همسـٍـٍة الشـٍـٍـٍوووووق



منوريني حبـاايبي عالتقاييم .. :rose:


بحط لكم نكت 2012

/
/
/



أنا بحآجه مآسه الى علاقه

نعم أريد علآقه قويه ليست كبآقي العلآقآت آلضعيفه..
هآ أنا آليوم أبحث عنهآ ..
صحيح آني لآ أملكهآ الآن ..
ولكن في يوم من الأيام سوف أجدها
.
.
.
.
... .
.

وأعلق عليهآ ملآبسي
ولن أرمي ملابسي على الأرض بعد الآن
بـ شو كنتوا جالسين تفكروا ....... :grins:



/
/
/

من اجمل العبارات التي راقت لي..
بعض الايام تمر
.
.
.
.
.
.
.
.
... .
.
وبعض الايام سح
انشرها بقدر حبك لـ الرطب وسح الخلاص ولا تستهن
بهذي العباره ابدا
فيه واحد ما نشرها ظل ياكل طول العام نفيعه
خخخخخ

/
/
/

في كندا يمنع تنظيف الجروح امام الاطفال مراعاه لـ شعورهم

وفي الامارات ..
.
.
.
.
.
.
.
... .
.
.
.
نذبح ونسلخ الغنم قدامهم ونخطف نلاحقهم بـ الراس وهم يضحكواآاآاآاآأ
خخخخخخخخ


/
/
/

سأل القاضي المتهم :
هل انت الفاعل ..!
فرد المجرم :
.
.
.
.
.
.
.
... .
.
.
لا ٱنـا حرف من حروف الجر
فضحك الحضور واهل القتيل وتم اعدام القاضي والشهود
وعمت المسخرة في القاعه خخخ


/
/
/

واحد راح يزور صديقه في قرية بعيده

وقبل ما يوصل القرية بـ 50 كيلو ... لقي ناس بيلعبو كورة
سألهم حد يعرف بيت فلان !!

طلعله واحد محشش وقاله .. أنا أوريك بيته وين ؟؟
وركب معاه بالسيارة ومشى 50 كيلو وراحو لحد القرية
لما وصل القرية قاله : شوف
حنا وصلنا بس ما تعب عمرك وتنزل من السياره
قاله : ليييييييش
... .
.
.
.
.
رد عليه : لانه اصلا هو هناك جالس يلعب معانا كورة ...:grins:


/
/
/


أرنب متزوج سلحفاة

ﻳﻮﻡ ﻣﻦ ﺍﻻﻳﺎﻡ ﺍﻻﺭﻧﺐ مرض ،،
رسل زوجته ﺍﻟﺴﻠﺤﻔﺎﻩ ﺗﺠﻴﺒله ﺍﻟﺪﻭﺍ من الصيدليه القريبه منهم

ﻏﺎﺑﺖ ﺍﻟﺴﻠﺤﻔﺎﻩ ﺳﻨﻪ ﻛﺎﻣﻠﻪ .....
ﻭﺍﻻﺭﻧﺐ ﺧﻒ ﻣﺮﺿﻪ
ﻭﻗﺮﺭ ﻳﻄﻠﻊ ﻳﺪﻭﺭ ﻋﻠﻴﻬﺎ

ﺍﻭﻝ ﻣﺎ ﻓﺘﺢ ﺍﻟﺒﺎﺏ ﻟﻘﺎﻫﺎ بعد خطوتين من ﺎﻟﺒﺎﺏ
... ﺻﺮﺥ ﺑﻮﺟﻬﻬﺎ : ﺍﻧﺘﻲ ﻛﻨﺘﻲ وين ؟؟

ﻗﺎﻟﺘﻠﺘﻪ

.
.
.
.
.
.
.
.
.
.
بعدك جالس تصارخ وانا رايحه اجيبك الدوا .. طيب والله ما بروح خخخخ


/
/
/

محشش ﻓﻀﻮﻟﻲ
.
.
.
ﺷﺎﻑ ﺣﺎﺩﺙ والناس متجمعه
.
.
.
.
ﻗﺎﻝ: خوزوا خوزوا من الدرب ﺃﻧﺎ ولده هذا اللي ﻤﻴﺖ
... .
.
.
.
ﻃﻠﻊ ﺍﻟﻤﻴﺖ ﻛﻠﺐ

ﺣﻜﻤﺔ ﺍﻟﻴﻮﻡ ..
ﻣﻦ ﺗﺪﺧﻞ ﻓﻲ ﻣﺎ ﻻ ﻳﻌﻨﻴﻪ ...... بيطلع ولد كلب خخخخ


/
/
/


محشش عماني يسأل صديقه .. ليش تمثال الحرية رافع يدها ؟

قال عشان
.
.
.
عشان..!!
.
.
.
...
يوم ما لقى جواب قال :
يا بغااام لو كانت رافعه رجلها كانت الحين طايحه ؟؟؟؟ خخخخ


/
/
/

فقط في الامارات :
اذا قالوا فلانه ولدت
قالوا
.
.
.
.
.
.
ما شاء الله كانت حامل !!!
لا عجب منزلتنه من برنامج نوكيا ستور خخخخخ


/
/
/

شايب محشش سمع احد يدق الباب
قال: من هنىآاآاآاآك ؟
قاله: أنا حفيدك
رد عليه:
.
.
.
.
.
.
حتفيدني بشو يعني ؟؟ <-- سخيفه لاه مشوها :grins:


/
/
/


فرﻧﺴﻲ واﺳﺒﺎﻧﻲ وانجليزي ومحشش عماني

ﺫﻫﺒﻮ ﺇﻟﻰ ﺷﺎﻃﺊ ﺍﻟﺒﺤﺮ ﻟﻴﺴﺒﺤﻮ
ﻓﻠﻤﺎ ﻭﺻﻠﻮ ﻟﻠﺸﺎﻃﺊ
ﺟﺎﺀ ﺍﻟﻔﺮﻧﺴﻲ وﺧﻠﻊ ﻣﻼﺑﺴﻪ وقال الى فرنسا
ﺛﻢ ﺟﺎﺀ ﺍﻹﺳﺒﺎﻧﻲ ﻭﺧﻠﻊ ﻣﻼﺑﺴﻪ وقال الى اسبانيا
ثم جاء الانجليزي وقال الى انجلترا

ﻭﺟﺎﺀ ﺍﻟﻤﺤﺸﺶ العماني وﺟﻤﻊ وولف ﻣﻼﺑﺴﻬﻢ ﻭﻗﺎﻝ
.
... .
.
.
.
.
.
ﺇﻟﻰ ﺳﻮﻕ مطرح خخخخخخ كبير يا عمااااني :grins:


/
/
/

محشش ولده تسمم
لما وداه المستشفى قاله الدكتور:
ابنك شارب حليب منتهيه صلاحيته
قال المحشش:
.
.
.
.
.
.

اكيد رضعته حبووته الله يهديها
ههههههههههههههههههههههههههههه


/
/
/


ومازالت المرأه العمانيه اذا طلعت فوق الميزان تقول ..
,
,
,
,
,
,
,
,
واغشييييه .. ميزانكم خربان كماكم ..!!

وهو ما معروف كان ما كرشك اتي الخربانه خخخخخ


/
/
/

عماني محشش جالس يغازل خطيبته
قالها نفسي احط رجلي على وجهك وادعسه
قالته ليشششششششش ..!!؟
.
.
.
قالها : عشان اكون اول عماني يحط رجله عالقمر :grins:


/
/
/

مصطفى المصري
يالس يلعب Angry Bird

​

 

[عايشة]

ساعات واساافر ..

برجع بعد اسبوع ان شاء الله ..

هالله هالله بنكي ما اوصيكم
كل حين هفوا الغبره منه خخخ


اللهم إني أستغفرك من كل ذنب أذنبته وتعمدته أو جهلته. وأستغفرك من كل الذنوب التي لا يعلمها غيرك ، ولا يسعها إلا حلمك.

 

[عايشة]

السلام عليكم ورحمة الله وبركاته

بسم الله الرحمن الرحيم

رجعت بالسلامه من العمره ..

وان شاء الله تكون مقبوله ..

وتسلمون عالتقاييم .. :wrd:

بالرحله صارت مواقف كثيره .. wahh

منها

اولا

توفى ولي العهد .. الله يرحمه :a050:

ثاني شي

اتكنسلت الطلعه للمدينه بساعات ولظروف

انطر تاير الباص اللي ما خذنا للمطار بالرجعه ..

مما ادى الى تأخييرنا عن موعد الطياره

و بعدها طارت عنا الطياره خخ

يعني السالفه فيها نحااسه ..
ما ادري من منو فالقروب اللي ويانا ناحسنا .. !

والكثير من الاحداث اللي راح تعرفونها بأذن الله بعد ما احط لكم موضوعي اليديد بقسم التصوير
واللي راح تكون ضربات لـ خواتها السعوديات :^^:

الخزاميه وام البارتي يايتكم :bs:

وبخبركم شو سالفه
هالنعله الجميله .. عزكم الله :MsgPlus_Img0919: