ذكرت الود وايام التصابي

[برووق]

عفـت الطـرب عفتـه بالمـرَّه
خـــلاص يــاسالـــم سويـدان

والشعــر بكبــس علـى زرَّه
وبتعــوذ اللــه مــن الشيطـان

إسنيـن فــي توحــه ويــرَّه
من شعم الى آخر حدود عمان

مــا ظنــي آعـــاود الكــرَّه
لــو هــزني الشــوق للميــدان

سكــان قلبــي كســـر نـــرَّه
ومـوجٍ غشانـي شرى الطوفان

مارمـت يـوم الهـوى أفـــرَّه
وأيقنــت إن محملـي طبعـان

## الشاعر / صالح الحصن الشحي​

 

[برووق]

[align=center]لا تظن يانسـان في الدنيا بتدوم
لـي قبلنـا مـا خـذو غيــر الكفن

تمضـي الأيـام يـوم بعــد يــوم
كم قبلنا مـن حضـارات إختفـن

صافح وسامح وخل قلبك رحوم
ك البحر ما يحمل هموم السفن

وإفعـل الخيـرات قـد إما تــروم
دام فـي الدنيــا قبــل لا تندفـن

## / صالح الحصن الشحي[/align]

 

[برووق]

من غبت قلبي عنك ينشد
رجعتك عارف مستحيلـه

لو بـس رسالـه منك تسد
الأيام مــن بعــدك ثقيلـه

ما بيـن غـزر وجـزر ومـد
لي قلب ومضيــع دليلـــه

كلما سمعـت الطيــر غــرد
وين الشجـر بارد ظليلـه

لفكار عنـدي تسيـر وتــرد
وتعيــد ذكـراك الجميلـه

إذكـر ودادي لك يالمــود
ما بيننا عشـره طويلــه

## للشاعر/ صالح الحصن الشحي

 

[برووق]

البارحـــــه والنــاس نيــام
آطـرى على بالـي إمحبوبـي

فزيت لنـــه طيــف لحــــلام
يايـب خيـال الزيـن صوبـي

بالـروف بي ياسيــد لريـــام
لي قلـب خايـف له يذوبـي

الشوق خذني صوبك وحام
عاني لكـم ياهــل الينوبـي

العــام عـام والسنـــه عـام
أرجـوك لا تحمــل ذنوبي

أذكــر تقــول الوعـد قــدام
وصدري لكم دايم رحوبي

ياخل ترى موضوعنا هــام
غلقــت لي كـل الدروبــي

كنك حكمــت إليه بلعــدام
ولبستنـي مقلــوب ثوبـي

## للشاعر / صالح الحصن الشحي

 

[برووق]

بارد النسنــاس هيضني
والشعـــر دارت دواليبه

شوق قلبي قام يمحني
هكذا قلبي وأنا أدريبه

حتى عن وعيي يغيبني
يــوم يتذكــر محابيبه

إن سليت شوي ذكرني
حد ينصحني ش أسويبه

## ✍ صالح الحصن الشحي

ارزفات الحصن شاقني
وهيضن قلبي مناحيبه

وبالذي قد فات ذكرني
من غزر جيله ودواليبه

مبتلي وانا بعد لني
مثل لي كثرة مصاعيبه

يالحصن اصبر ولاتوني
ألف غيرك دوم فمصيبه

##✍ مبارك بن بريك الكعبي

قلبك امن الود متهني
والنسيم ايسير وايجيبه

واجب انك تحسن الضني
وتلتزم له في مواييبه

لن حب اصغير السني
احتذر عن لا تقفيبه

لو يطول الوقت بتثني
حبهن يا صالح مصيبه

##✍ عبدالله بن يعروف الكعبي

قلبي يابن بريك عذبني
شوف وجهي تقول ذا شيبه

إن نسيت الزين أنبني
هوه ياخذني وأنا أجيبه

وبوخليفه لو بتنصحني
إنت ما تعرف أساليبه

كاس م التعذيب شربني
ما يطيق الصبر أدريبه

##✍ صالح الحصن الشحي

الحصن من شوقه يوني
كن ذيب مفارقن ذيبه

بالوداد يسير ويثني
ماقصاه الدوب وييبه

كل ماعطر الهوى بني
شله الزاغور مع طيبه

مر طواعه ومرة يغني
الحصن شورة معاييبه

##✍ سالم مصبح المقبالي​

 

[برووق]

الطيــر لـي راح ما عــوَّد
بالجـو يصفـق جناحينه

ما ظـل أمـل فيـه متيوَّد
كل شي إنتهى بيني وبينه

دايــم ع لقيــاه متعــوَّد
والمبتلـي ربـــه إيعينــه

لمحب إذا الشوق بـه زوَّد
أمسـى تهل الدمع عينـه

## للشاعر/ صالح الحصن الشحي

 

[برووق]

كلما هبيـت يا شرتا الجنـوب
دار هاجوسـي ويلعبـي الفكـر

من بعد لعصير حزات الغروب
الصــدر من ضيقـةٍ به محتكر

شاعــرٍ مشتـاق للغيـه طروب
صار له سنتين جالس ع الوكر

به غرام قام يلعب به لعوب
وله وليـف راح عنه ما أفتكـر

وحاسدٍ مترصد بكل الدروب
للأسف يصطاد في الماي العكر

كلها متجمعـه من كـل صوب
بـس نقول الحمــد لله والشكر

## للشاعر / صالح الحصن الشحي​

 

[برووق]

روحت ياوقت الجياتي
يوم الطرب بالراس زمره

إتعود لي مع ذكرياتي
وكلٍ يرده شوق وطره

ما بين ربعي وإرفقاتي
نسمر تحت غافه وسمره

وآيول يولات بعصاتي
وآخذ من الشياب فكره

وأشل أحيان إرزفاتي
ونقضي ع طول الليل سهره

يـوم الفتوه مانحاتـي
ما غير حمد الله وشكره

والريم لي سبب شقاتي
شفته يتمريح تحت سدره

إتروح ذكراهم وتاتي
وتهمل من العينين عبره

زماننا إتقضى وفاتي
وما نعلم الي يصير بكره

اللـه ياوقـت الجياتي
ذاك الوقت عشره ع عشره

## صالح عبدالله الحصن الشحي​

 

[برووق]

العيـد ما كنه خطـف عيـد
حد زار وحد مازار لرحام

حتى السلام اليوم م بعيد
نحذر من الضوله ولزحام

لعـداد كـل ماياها وتزيــد
إنخاف م الكحه ولزكام

تدهـن يـدك بمعقـم الايـد
والوجـه متبرقـع بكمــام

ولي ربـعٍ ونـاسٍ أياويــد
ماشفتهم قدر مر لي عام

إلي غلاهـم داخل سعيـد
ضيقــه بنـا وتمـــر ليـام

لو تشوفني يا قايد الغيد
مثل الذي محكوم بعدام

أمسي وكني مقيـد بقيـد
وقلبي بلا جنحان قد حام

## للشاعر / صالح الحصن الشحي​

 

[برووق]

ياطيـر يلي على العــود
لا تنـوح وتزيدنـي هـم

لـي راح مـاظنـي يعــود
والجسم ناشف من الدم

بذلــت أنا كــل مجهــود
والـــي بنيتـــه تهــــدم

غصـت فبحـر ماله بلود
غــزره ولا ادري أنا كـم

لعصيـر إن هبـت النــود
بالصـدر نيــران تضـــرم

ضيقات بي ياهل اليود
والمــاي أطعمــه علقــم

الايـام لـي مقبلـه سـود
وإلــى متـى الله أعلـــم

بالروف ياسيـد الخـود
لا إنته ولا الوقت يرحم

## للشاعر / صالح الحصن الشحي​