يقول لكم من شهر ثلاث كنت حاشية ضرس .. ويوم هدا الألم قلت خله يولي عيل .. خخ
وما سرت الجلسة الثانية ..
واليوم حصلت النتيجة ..
التهبت عندي اللثة .. وورم خدي .. والله لا يوريكم شكلي الحين ههه
والله ما اعرف اصيح والا اضحك ..
واقول لكم رحت للدكتورة ... وسمكرتني ياحليلها .. وقالت الورم بيروح بس يباله وقت ..
وخذت مني 400 درهم ... خيبة والله وايد ... عنبوه .. كل شي غالي فهالدنيا .. :1577_1186768770:
ياليت مسوية شي .. نظفت الضرس ورشت عليه معقم وحشته مؤقت بعد .. وقالت لي تعالي الجلسة الثانية بيكون الألتهاب خف
اللي اعرفه ان الناس يختلوف عن بعض
مثلا
النظر .. وايد يشوف اوكي .. الثاني لأ
السمع .. وايحد يسمع زين الثاني لأ
التذوق .. واحد ذويق الثاني لأ
لكن الشي الغريب علي الصراحة .. ان الناس يتفاوتون حتى في حاسة الشم ههه
مثل أختي حاسة الشم عندها قوية قوية
بقول لكم الموقف اللي صار لي قبل كمن يوم ..
اختي دخلت الغرفة .. قعدت تشمشم عقب قالت : اطلعوا الغرفة فيها صرصور ..
تتخيلون ؟؟
تعرف المكان فيه صرصور والا لأ بس عن طريق الشم !!!
والله شي غرب ..
ومب مرة ولا مرتين ولا ثلاث ... ياما ماتت صراصير والسبة حاسه الشم اللي عندها ..
معقولة فيه ناس حاسه الشم عندهم قوية ؟؟ وناس لأ ..
يقول لكم شغالتنا صاير لها مرض جلدي في أصابع ايدها .. ما ادري متحسسه من الصابون والا شو ما ادري
فوديناها عيادة جلدية فيها دكتور مصري خسه الله وخس الله شيفته
شيبة متحرول ما يروم حتى يمشي ..
المهم
دخلنا عندة وراحت هي غرفة الكشف وكانت معاها النيرس .. وكانت توزن وجي
عقب دخل عندهم الدكتور ونحن على محتبه يالسين ما نشوفهم ..
تخيلوا المنظر !!!
يفتها مسدحه عالسرير وهو يسحب الشباصه من شعرها ويلعب بشرها بعد ..
يفرك فروة الراس عقب يمسح عالشعر بطولة ..
والشغالة جااازة منه لكنه هو مايستحي ..
اونه عاد يكشف عليها
عقب قال لها افصخي قميصج بشوف هل جسمج متحسس بعد والا لأ...
يعني بالذمة هي ما تعرف جسمها ... لازم انت تشوووف ؟؟؟؟
زعقت عليه زعقة ....
اقول له شو تسوي دكتور ... قال لي هذا كشف عادي وضروري ..
وآخر شر شاف اصابعها .. الحمد لله فكر يشوف المكان الصح
وبعد ما احترم نفسه .. تم يمسك ايدها ويمرص فيها وطالعها بنظراات حقييييرة ..
وقال لي لاتخافي ما تعدي حتى لو اتم ماسك ايدها طول اليوووم .. ( يرمس وهو يفرك ايدها فراااااك )
قزز هالدكتور ... قلت له خلاص مشكووور .. وسحبتها وطلعنا ...
غربل الله هالويه ... شيبة بتموووووووت ..
لكن شو نقول في الرياااييييييييييل ... عينهم زايغه اللهم ياكافي
غمضتني الشغالة يوم نزلنا السيارة تمت تصيح .. وانا الحين حاسه بالذنب ومايايني رقاااد
يقول لكم أمس حلمانه مديرنا الموقر خخخ
اونه يالس في الميلس ودخلت عليه انا معصبة ومحتشرة .. وهو منزل الرااسه وزعلان
وانا اقول له لا تسوي جي ولا تفكر بعد تسويها وشيل هالفكرة من بالك ..
تعرفون شو السالفة ؟؟
اونه ياي يشاورني لأنه يبا يغير النك نيم ماله .. من الشحي لشي ثاني ما اتذكرة ...
ههههههه
شو هالحلم العبطبط ...
وياحيك والله يا مديرنا .. ياي تتنقز في أحلامي ؟؟ شو عنك ؟؟ حتى في رقادنا بتراقبونا وبتلاحقونا ؟؟ ههههه
الأسد والخرووف
يقول لكم من كم يوم > أخت عنابة< مب عنابة ,, متصلة لي حزييينة واعليه
مهمومة وحالتها حالة .. والسالفة ومافيها ... ان ربيعتها مطرشة لها المسج التالي :
(ليس من الضروري ان يكون لك أصدقاء كثيرون حتى يكون لك شخصية جذابة
فالأسد يسر وحيدا .. بينما الخروف يسير مع الجميع )
وتعرفون ليش هي حزينة ؟؟ لأنها حاسه انها الخروف . مب الأسد ههههههههه
سامحيني يا اخت عنابة .. لأني ضحكت عليج من قلللللللللللبي .. cat
وأحب أقول لج أنتي أحلى أسد وربي ...
امس حلمت اني في صحرى .. وأشوف واحد يأشر لي يباني اوصله ويوم وقفت الا هو الممثل الراحل
( غانم الصالح )
ويوم وصلته لبيته عطاني غرشة لبن طبيعي .. أونه لبن بقر .. وانا استانست هههه
ما ادري شو سالفة الأحلام .. كل يوم حلمانه لي واحد
يااخي اقعدوا مكانكم ولا تتنططون في أحلام الأوادم ههه
بص وشوووف
شو رايكم بثلاجتي مال الماي .. لا وشارية اللي يحطون فيها كوب بعد خخخ
حلوة صح ؟؟ :^^:
قولوا مبرووووووك
أحداث سعيدة قاعدة تصير في بيتنا ... راح أخبركم في الوقت المناسب ^^:yaw:
أحس ان البعد قرب ** أحس دموعي تحرقني تعبت أتحاشى واتجنب ** كلام اللي يعاتبني أنا ماآكل ولا أشرب ** وكل جسمي يعورني أصف أثيابه وارتب ** ترى يوم السفر يدني وانا من داخل أتعذب ** حبيبي وقطعتن مني خلوق وزين ومؤدب ** وهمه بس يفرحني بسير أمريكا يتغرب ** وبيزور تيكساس وديزني وانا يا هالربع اتعب **في كل مرة يودعني مسكت أوراقي وأكتب ** عسى ربي يصبرني
هذا ليسن السواقه وخذناه ... والحين دوور ليسن الكومبيوتر .. اللي يسمونه ( آي سي دي ال )
وعلى طاري السواقة .. اول ما سقت كنت أخااااف والكل يضحك علي .. والله اني حسيت بإحباااط وكرهت السواقه
لكن عقب تشجعت والحين ماشاء الله علي .. احووط ما اخاف .. بس لازم ما اشغل المسجل ولا حد يتكلم ولا تكون زحمة في السياارة خخخخخ
والحين ابا آخذ ( آي سي دي ال) الناس كلهم خذووه الا انا ما ادري شو اترياا .. عل وعسى نتوظف يعني خخ
أحلامي ما تخلص
حلمت البارحة اونه عندي بلاك بيري .. ومستانسه وطايره فيه
بيني وبينكم في خاطري ترااه ههه
بس ما احن عليهم .. عل وعسى يحسون انه في خاطري ويشترونه لي ...
وآخر وحدة خربها لي الخيااط الغبي
مخيط لي القطعة بالقلب .. اوووف أحلى قطله وأحلى تخويير والله قهر .. شوها ..
والعباة بعدها ماخلصت
باجر ان شاءا لله بنروح دبي نخلص باقي أغراض العيييد :a040:
