لحـظه غضـب و غيـض ممكـــــن الانسـان يرتكب فيـها جريمـة ..
و الحيـن نرمـس عن خـلف الكواليـس...
* ليش ام سيف تعامل شيماء جذا شو السبب ما فهمت( غيره ام ع ولدها ولا شو) ممكــــــن اتكـــــون غـيره .. شي عمات يسون مشـاكل .و يا ما ناس تطلقون ابسبب ام الزوج او الزوجـه .
* انزين اقول .. وين اخوان واخوات سيف .. ليش ما لهم اي دور .ولا هو وحيد امه وابوه وحـيد امـه ..
* وين صديقات شيماء .. شيما تركت كل صديقاتها .. لانها من النوع الخقاق ..بس يوم انجلبت حياتها خافـت لا يشمتون فيـها ..
اكيـــــــد بكـون مندمـــــجة ..المهم .. انت شو رايــــــــك ... و فالك طيــــــب و ان شـاء الله بحط الجزء جريب ..
شاكره لك مرورك الكريـــــــم.. معاني ..
شيما:- اووف لو مت قبل يدتي كان ارحم لي بوايد..افتك من هالعيشه..
سيف"من غير تفكير":_ لا اتقولين جي حبيبي..
شيما"مبتسمه":_عيل بتاخذني السوق..
سيف:يصير خير..
وفي السياره..
سيف:- شو رايج نعزم غانم..رفيج عبدالله اخوج..؟
شيما:-ليش شو يخصه..
سيف:يعني مب حلوه نعزم اخوج..وورفيجه وياه في السفر طول ها السنين..
شيما:-مدري كيفك..جوف عبدالله..
اتصل سيف بعبدالله يقترح عليه يعزم ربيعه غانم و يا اهله..بعد ما صكر التلفون..
شيما:-شو يخصهم الحين اهله بعد قلنا غانم رفيج عبدالله..
سيف:- ما فيها شي ..وين تبين اتسيرين..
شيما:-دبـي..
سيف:- اووه قلتلج مشغول عندج ميكامول ولا الصحارى اختاري..
شيما:-انا متعوده اسير دبي..
سيف"متنرفز":_قلتلج انا مشغول..
شيما: بشو مشغول تبا اتغازل بالتلفون..
سيف:-جـب قلتلج..لا اتخليني اردج البيت الحينه..من ساعه قلتلج اني مشغول و ما ابا اتاخر بس النتي دوم جذابه..ع بالج الي براسج بتسوينه..
تمت شيما ساكته خافت اذا ردت عليه يردهـا البيت..اتحملت ايهاناته و اتهاماته..
سيف"يعاتبها":_ ع بالج ها الحركات بطوف علي..انتي عمرج ما بتتغيرين دوم طباعج جي بتكون خايسه..
انا ما ادري لي متى بتحملج.."يصارخ عليها"ويــــــــن تبين اتسيرين..
شيما"منحرجه":_مركز المنال
سيف: وين ها أي صوب..
شيما:- مـــــــادري..
سيف"يصرخ عليها" شو ما تدرين انتي تستهبلين..علي.؟
شيما: و الله ما ادري..
سيف: انرد البيت..يعني..
شيما ساكته كانت تبا تنفجر عليه و اضاربه بس ما تبا ترجع البيت و ايدها خاليه..تبا تشتري شي..عشان العزيمه باجر..
سيف: انــــــــــــــــرد البيت يعني..
شيما:- لااا..
سيف: عيل وين هالمركز الي تبينه..
شيما"شويه بتصيح":_: قلتلك ما ادري؟؟
سيف: عيل شدراج فيه..؟
شيما:- عن طريق مهـا..
سيف:- يا ليتج اتصيرين شرات مها ..ابصراحه مهايه تستاهل كل خير..الواحد يتعب عشانها و هو راضي ..مب شراتج..
مسكت شيما اعصابها..وقبضت ع اصابعها..جافها سيف..
سيف:-شو بتعطيني بكس..عادي اتسوينها..انا من خذتج و بجسمي كل علامات ..كله من فلعاتج
صدت شيما الصوب الثاني امطنشه كلام سيف..بس قالت في خاطرها خلني اشتري الي اباها و بزيد جسمك كدمات بعد..لاحظ سيف هدوء شيما..استغرب هالشي
اتصل بربيعه فدله المركز ..وبعد ما بركن السياره..
سيف: شو تترين انزلي..
شيما"دموع تنزل من عيونها":- ما ابـــــــــاا..
سيف: شو ما تبين بعد ما هلكتيني ما تبين تنزلين..
شيما ساكته..مجروحه من كلام سيف ..لو مها سمعت شو قال عنها اكيد بطير من الفرحه..
ليش ما يمدحها شرات مها هي من توفت يدتها و هي اتحاول ترضيه باي طريقه بس هو مب عايبنه شي..ليش الحين مضايج منها..
اتغشت شيما غصبن عنها..و تمت ادور المحلات.. و اخر شي عيبها ثوب بتاخذه حق ام سيف الي هي عمتها..وبدله..حلوه..اتناسبها..خاصه يوم عرفت انها يديده..و هي اول وحده تشتريها..وماشي مثلها و ما تنباع الا بها المركز..
بعد ما خلصت ركبوا السياره..بس شويه ..نزل سيف من السياره..
كانت شيما بتساله..وين سرت بس اونها زعلانه..عشان جي طنشت..بعد عشر دقايق ركب سيف السياره..
سيف:- اونج..مستويه عاقل ولا انج زعلانه..
شيما ساكته..
سيف: اوكى انا اسـف ..
شيما:- سهل تعتذر..
سيف:- عيل شو تبين اكثر..
شيما"شويه بتصيح":- اباك ترجع شرات قبل سيف الي حبيته..وعلمني وايد اشيا حلوه فـ الدنيا غير الي كنت اعرفها..
سيف:- تبين تقنعيني انج صج تغيرتي..
شيما: انت عمرك ما بتفهمني..و الظاهر انك ما بتفهمني خلاص..
سيف"يستفزها": زين روحي بيت اهلج..انا ما قلتلج تعالي انتي ابروحج اترووحين و اتردين..
يرت شيما غتره من غير تفكير ..ويلست تضربه ع كتوفه..في البدايه سيف يضحك عليها بس يوم حس ان شيما مصختها..يود ايدها..تمت شيما اتنافخ من التعب..
سيف: خلاص تعبتي..شو تحولتي لمصارع الحين..
شيما:"بصوت يرتجف":- انا بحياتي ما كرهت انسان قد ما اكرهك الحين..!!
سيف"صدمه كلمات شيما" وهمس:- انتي عمرج ما حبيتيني..
شيما:- ولا بحبك..انت صفر ع الشمال.
سيف"يفلت ايدها" ماعليه شيمووه..
شغل السياره و تحرك..
وقف عند مطعم عشان يشترون عشا بس شيما ما بغت..طلب سيف له ابروحه..ويلس ياكل في السياره..
حست شيما انه يبا يغايضها او يحسسها باليوع..بس هي فضلت انها تسكت و اتعلق..ترا سيف هد حيلها..وخلاص ما صارت تتحمله ولا تتحمل عمرها..
و بعد ما وصلت البيت..دش سيف و معاه شيما البيت جافوا.ام سيف و ابوه يالسين يطالعون التلفزيون..
سلموا ..
شيما"مستانسه":- عموه يبت لج هديه..افتحيها..؟
بو سيف: افا و انا ..؟
شيما:- سيف حشرني انا مستعيل و انا مستعيل ما وحني اشتري شي..
سيف يطالعها بنظرات جنها بجتلها..
ام سيف:- من متى طالعين وكل ها ما وحى لج وقت..
شيما:- عموه افتحي الهديه انزين..يا رب تعيبج..
فتحت ام سيف الجيس..كانت شيما مستانسه يمكن الهديه تخليها اشويه في قلبها طيبه..صوبها..
شيما:- شو رايج..
طلعت ام سيف الثوب من الجيس..شويه وردتها بالجيس وفرته صوب شيما
ام سيف:- انا ما البس شرات هاي الثياب..
حست شيما بالاحراج..كانت اكيده ان سيف و عمها يطالعونها..بس زين صار الموقف حذال عيونهم..
عشان سيف يعرف منو امه..قامت شيما من مكانها...وسارت حجرتها من غير ما تنطق باي كلمه..
سيف:- يمه ليش سويتي جي ليش..؟
بو سيف:- ها يزاتها وحليلها كانت مستانسه..
ام سيف:- شو هي تطنز علي انا متى لبست شرات هالثياب..
سيف:- شو تطنز عليج..لو كانت تطنز عليج جان ما شرت لج ثوب بالفين وشي..
ام سيف:- شو ادافع عنها..ضد امك..
بو سيف: لاحــــــوول بسنا مشاكل..
سيف"طالع من الصاله":- و الله الواحد ما يعرف شو يسوي معاكم..
**
و في يوم العزيمه..كانت شيما مستانسه..لان اهلها موجودين عندها..صح البارحه تضايجت حتى سيف ما فكر يراضيها لو العكس كان بجتلها .
لاحظت شيما ان عمتها اتعاملها غير يمكن عشان اهلها موجودين..عندها..
كانوا الحريم يالسين في الصاله.. و الرياييل في الميلس برع..اتعدلت شيما ولبست بدلتها طالعت عمرها بالمنظره عيبها شكلها وايد..حست صج انها عروس..
وقبل لا تفتح باب الحجرة لمحت تلفون ع الطاوله..شلته..
"اووه ها تلفون يديد شكله رهيب"..فتحت المسجات ..جافت مسج من سيف."اتمنى انه يعيبج الموبايل و رقم البطاقه..و اعتذر لج عن الي صار البارحه...بعدني احبج.."
طارت شيما من الوناسه ..حست صج هاليوم غير غير ..
طرشت مسج قبل لا تطلع من حجرتها.."مشكور حبيبي ع الهديه..وما صار الا الخير.."
وسارت الصاله..سلمت ع امها و اختها و حرمت اخوها ..
شيما"ادور في مكانها":- شو رايكم في بدلتي..
مهايه:- روعه روعه..من وين شريتها..
شيما:- سر اتصدقون اني انا اول وحده اشتريها البارحه..ماشي غيرها بالمركز...
مهايه:- اكيد المنال..
شيما"تضحك" ساحره..
ام سالم: تعالي يمه يلسي هني..خبريني عن اخبارج..
مهايه:- يالله متى بتحطون الغدا تراني مت يوع...
حنان:- استحي ع ويهج عن تسمع ام سيف..
شيما:- لحظه قوم غانم بيون..
ام سالم:- رفيج اخوج..
شيما: اوه بسير اسلم ع اخواني..
مها:- عادي من غير شيلتج ترا عادل مب موجود عليه دوام..
شيما:- زين بعد خلي سيف يجوفني..امسكي موبايلي يديد ترا عن تكسرينه..
ام سالم: وينها عمتج..
شيما: يمكن في المطبخ..
ام سالم: بسير اساعدها..
وطلعت من الصاله سايره الميلس..دشت الميلس بعد ما دقت الباب...طاحت عيونها ع سيف..ابتسمت له..سيف في خاطره"فديت هالويه انا"..سارت اتسلم ع عبدالله و سالم..حضنها عمها يوم جافها..وباسها ع راسها..
قالت شيما في خاطرها يمكن يراضيها ع الي سوته حرمته البارحه ..ع باله بخبر عليها اهلي..
عبدالله:- شو هالكشخه..
شيما:- حلوه..
سالم: اول مره ادري انج حلوه..ولا شو رايك سيف..
سيف:- حرمتيه دوم حلوه من جفتها اول مره..
شيما:- عبدالله جي ربيعك تاخر ترا مهلايه بتاكلنا يوعانه..
بوسيف"يضحك":_ يحليلهاا و الله..
شيما: المهم جفتوني ..خلاص بسير ايلس عند الحريم..عن يطب ربيعك ما فينا..
عبدالله"يضحك":- اتحملي ..
طلعت شيما من الميلس ..سمعت سيف يذكرها..
قبل لا تدخل الصاله..
شيما:- مشكور ع الموبايل..
سيف: شو هالمسج الحلو..
شيما :-قول و الله عيبك..
سيف:-هي عيبنــــــي بس انتي عيبتيني اكثر..
لصقت شيما باليدار مستانس من كلام سيف..ليش هو اليوم غير..
شيما: سيف ..
سيف: عيونه..؟
شيما:- بلاك اليوم جنك امسوي جريمه..
سيف"يضحك":- و الله ما بلاني شي..لمهم عيبج الموبايل..
شيما: هي اتصدق ما انتبهت له في البدايه..
سمع سيف جر س الباب ..
سيف: ها اكيد رفيج عبدالله..
شيما: و اهله..
سيف: قال انهم بيون..
شيما: بدش داخل و بطلع مهايه ادخلهم انا مب لابسه شيلتي ولا عبايتي..
سيف"يطالعها" :- شيما انا احبج..J
حست شيما بنظرات سيف اتقولها كلام اكثر من لسانه..ضحكت شيما مستحيه ودشت داخل..
اتمنت اليوم اتكون هي و سيف ابروحهم ..بس اكيد الايـام يايه..