وجودك هو المبدع .. تسلمين لي أخت غالية وعزيزة ..
وان شاء الله الضحكة ما تفارقج أختي ..
وما يصير اصير أنا في القصة .. لأني الراوي (اوني)..
والجزء الجديد بيوصل بعد شوي ..
ومشكورة أختي على وجودك اللي هو فخر لي ..
وفي صف (ب ) تبدأ حصتهم الأولى .. ولكن أين المدرس .؟؟
داخل الصف يدور حوار بين الطلاب والطالبات ..
بن سليمان : هذي أول مرة يتأخر فيها ..
الرمس : هي والله .. عسى المانع خير ..
بنت شعم : يمكن مسوي حادث ويالس بنص الطريج يتريا المرور ..
الرمس : مب زين منج تتفاولين على الريال ..
بنت شعم : يه .. وأنا شو قلت الحين .. قلت يمكن ..
وفي طرف ثاني من الصف ..
العوسج : انتو ميانين .. شكلكم تبون تطردون ..
رمااايل : بسك عاد .. ليش شو مسويين اتارينا ..
العوسج : آخر مرة هزبتج ابلة الدين ..
رمااايل : ابلتي المحجبة ما هزبتني .. زين بس يابتني صوب وكلمتني ..
العوسج : أونها .. لا قولي هزبتني .. ليش مستحية ..
رمااايل : اوووف .. بسك عاد .. إذا يا المدرس وشم ريحة البخور ذيك الساعة قول ..
الريام : العوسج انت كله جي .. جدامنا بويه وجدام المدرسين بويه ثان .. أكبر منافق في الصف ..
العوسج : خخخخخخخخ .. قصدج في المدرسة ..
وعند الباب .. وقف .. بعض الطلاب ..
قلب العاصمه : متى بيي المدرس ؟
أواشي : أوووه اووه .. ليش ؟؟ شو آخر التطورات ؟؟
قلب العاصمه : ما ادري .. آخر مرة عطاني في قصيدة قيس وليلى .. عجبني القائه .. كان وااايد حلو ..
أواشي : انتي كل يوم معجبة لي بمدرس ..
قلب العاصمه : شو اسوي .. القلب وما يهوى ..
اواشي : اونج .. هههههههههه
قلب العاصمه : اووه .. سيري لا ..
وشوي يجي المدرس .. ويشوفهم برا ..
قناص الآريام : احممممم
قلب العاصمه : وي .. استاذ ..
اواشي : وا بويه ..
قناص الآريام : انتو شو اسون هني ..
قلب العاصمه : نتريا مدرس الحصة الأولى .. تأخر علينا .. قلنا نوقف نترياه لين ما يجي ..
قناص الآريام : أونج الحين .. يالله داخل ( بصوت عالي )
أواشي وقلب العاصمه : واي .. انزين ..
ويدخل المدرس ويشوف الفوضى اللي في الصف ..
قناص الآريام : الله الله .. يعني ما يصير الواحد يتأخر عن الحصة خمس دقايق .. تقلبون المدرسة فوق تحت بحشرتكم ..
العوسج : أنا قلت لهم يسكتوا بس هم ما سمعوا مني ..
قناص الآريام : هيه .. وانت الشاطر اللي تسمع الكلام .. انطم اسكت ..( بصوت عالي )
وله : آسفين استاذ .. ان شاء الله تكون آخر مرة ..
قناص الآريام : اتمنى هالشي .. الحين يلسوا وافتحوا كتاب النصوص على الصفحة 72 ..
في صف (أ) .. وأثناء شرح الأبله ..
الوصلاوية : اقول .. شفتي حلقة المسلسل مال امس ..
هاند : هيه .. شفتي مروان اش حلاته وهو واقف عند البحيرة ..ياي هذا أحلى مشهد ..
الوصلاوية : بس مب أحلى عن ماجد .. ياي .. شكله يهبل بالعمامة ..
عاشقة التراث ( بعصبية وصوت عالي ) : بنات .. بشو تتساسرون ؟؟
الوصلاية : هاه .. شو ؟؟
عاشقة التراث : الوصلاوية .. يالله اوقفي .. وعيدي شرح آخر نقطة من بنود المعاهدة ..
الوصلاوية : أ .. أ .. ..... البند الأخير .. يتمحور .....
عاشقة التراث : هيه .. يتمحور حول شو ؟؟
الوصلاوية : أ ... أ ... يتمحور .... حول المعاهدة نفسها ..
عاشقة التراث : والله احلفي بس .. تمي واقفة .. الجوكر انت جاوب على السؤال ..
الجوكر : ينص البند الأخير من معاهدة بإلزام السفن العربية برفع علم أحمر ضمن حاشية بيضاء ..... الخ
عاشقة التراث : ممتاز يا الجوكر .. ايلس .. يالله الوصلاوية قولي اشرحي البند ..
الوصلاوية : ... الزام .. العرب .. برفع ...... أ .. أ .. علم .... .. أحمر ..
عاشقة التراث : غلط .. شو علم احمر ؟؟ انتي وين عقلج ..أنا ساعة اشرح .. ويوقف جدامج طالب يعيد اللي قلته .. وبعد ما قدرتي تستوعبي .. انتي متى بتفهمين .. هاه .. متى ؟؟
الوصلاوية تخوي راسها وما ترد ..
وتظل الوصلاوية واقفة عقاباً على عدم انتباهها في الحصة .. وتكمل الأبلة الشرح ..
وفي صف (ب) ..
قناص الآريام .. يدور على الطلاب .. بعد طلب منهم يحلوا السؤال اللي في نهاية صفحة 72 .. وشوي ويوقف عند القيصر ..
قناص الآريام : ما شاء الله ما شاء الله .. قوم اوقف ..( بصوت عالي )
القيصر ( متروع ما يدري شو السالفة ) : ان شاء الله استاذ ..
قناص الآريام : اقرى السؤال اللي قاعد تحلّه ..
القيصر : الإجابة ولا السؤال ..
قناص الآريام ( واعصابه فلتانة على الآخر ) : شو اصمخ انت .. اقولك السؤال ..
القيصر : ان شاء الله ..
ويحول يعدل الكتاب .. ويقرى السؤال بخوف شديد ..
القيصر : لماذا كنّي أبو نواس بهذا الاسم ؟
وينهد الكل بالسقيع ..
القيصر .. ما يدري شو السالفة .. بس يحس باحراج .. وينزل راسه بشكل تلقائي ..
قناص الآريام : بس سكتوا ( وهو معصب )
والكل يسكت من شدة الخوف .. ولكن تسمع صوت ضحكات .. مخنوقة ..
قناص الآريام : انا قلت صفحة 72 مو صفحة 172..
القيصر : انزين شو فيها .. يعني شو الغلط اللي صار .. جل من لا يسهو ..
قناص الآريام : حلو .. وترادد بعد .. قوم اوقف في آخر الصف .. وخذ وياك كتابك وافتح صفحة 72 .. وما ابي اسمع لك حس زين ..
القيصر ( وهو يتأفف ) : انزين .. اوووف ..
ويكمل الاستاذ الشرح .. وما هي إلا لحظات ويدق الجرس .. ويطلع كل من المدرسين خارج الصف بسبب الجنون اللي يحصلونه من طلابهم ..
وأمام غرفة المدرسين والمدرسات .. يلتقي المدرسان ..
قناص الآريام : مرحبا عاشقة
عاشقة التراث : هلا ( وهي متكدرة )
قناص الآريام : شو فيج .. هاه شو سوا هذي المرة ..؟؟
عاشقة التراث : ما سو شي .. بس يجيبون الضغط والسكري ..
قناص الآريام : هههههههه .. هونيها وتهون ..
المحجبة : صدق اختي .. مثل ما قال قناص .. هونيها وتهون .. مو كل مرة بتطلعين وانتي في هذي الحالة .. حاولي تكون ودودة وياهم ..
عاشقة : وين يا المحجبة .. انتي قلبج كبير .. وعندج طولة بال .. انا ما اروم .. يغصصون فيني .. وخصوصاً هذا بوهزاع ..
عين الصقر: ولا يهمج أختي عاشقة .. خليه علي .. انا الحين بتبدي حصتي وياهم .. خليني اتفاهم وياه على طريقتي ..
عاشقة : هذا ما تفع وياه إلا الخيزرانة .. انا قلت له يروح الادارة .. بس انا ادري انه ما بسير .. دوم راسه عنيد ..
عين الصقر : ههههههه .. يالله أنا ساير .. ادعوا لي بالتوفيق ..
المحجبة : موفق اخوي والله يسهل لك دروبك ..
وأمام صف (ب)
راعي البورش : هذا كل مرة يجي متأخر ..
سراب البيد : هو يتأخر بالأناية .. يدري ان حصته تبدي الثانية ..
راعي البورش : حلو .. ونحن نقعد هني نتريا .. ويوم يجي يهزبنا .. والله حاله ..
ريل داي : هاه عن شو ترمسون ..
راعي البورش : ما يخصج انتي .. هذا كلام رياييل .. يالله مناك ..
ريل داي : هو .. شو فيك علي ..
سراب البيد : ما شي اختي .. بس ارتاحي في مكانج ابرك لج .. والله مشكلة البنات ..
ريل داي : زوول لا .. الغلط مني يوم اسأل ها الأشكال ..
ويجي من بعيد فتى شعم وهو يركض ..
فتى شعم : دشوا .. دشوا .. وصل الاستاذ .. عن يهزبكم ..
وبسرعة البرق .. الكل قاعد في مكانه .. وحاطين الكتب على الطاولة .. ويتريون الاستاذ ..
ويدخل استاذ العلوم بهدوء ..
بن ماكس : السلام عليكم
الطلاب والطالبات : وعليكم السلام ورحمة الله وبركاته
بن ماكس : هاه شحالكم اليوم ؟
سراب البيد : والله أنا فيني شوية رقاد ..
ويضحك الطلاب والطالبات على رد سراب ..
بن ماكس : هههههه .. عيل ليش ياي المدرسة اليوم ؟ جان كملت رقادك ..
سراب البيد : أضيع فرصة اني اشوفك يا استاذ .. لا ما يصير ..
بن ماكس : بسك كذب .. يالله قعدوا ..
الطلاب والطالبات : شكراً
وكلهم يقعدوا .. ويبدأ شرح الدرس ..
في جهة ثانية .. في صف ( أ) ..
الطلاب والطالبات قاعدين في اماكنهم يحاولون ينقلون واجب الرياضيات اللي ولا واحد من الصف قدر يحله ..
ويدش لهم استاذ اللغة الانجليزية ..
عين الصقر : ما شاء الله .. شو قاعدين تنقلون يا حلوين ..
الاسيف : ولا شي استاذ .. ( وبسرعة يدخل كراسة الرياضيات داخل الدرج )
عين الصقر : والله .. جني ما شفتك وانت تدز الكراسة داخل الدرج ..
الأسيف : استاذ هذي اشياء خصوصية ..
عين الصقر : بسك من اللغوة الزايدة .. يالله دخلوا الكتب اللي مطلعينا .. وطلعوا ورقة وقلم ..
الأسيف : استاذ انت اصلاً ما سلّمت ..
عين الصقر : اسميك انت عرقبة .. السلام عليكم ..
نص الطلاب والطالبات يرد .. والنص لاهي : وعلي... كم ..السـ... لام .. و..
عين الصقر : بس بس .. خس الله ابليسكم .. مو جني استاذ واقف قدامكم ..
ويصخ الكل ..
عين الصقر : يالله عندكم امتحان فرقوا الطاولات .. وطلعوا ورقة ..
الطلاب والطالبات : لا حرام عليك استاذ .. انت ما خبرتنا .. ونحن ما ذاكرنا ..
عين الصقر ( وبعصبية ) : بس .. يالله فرقوا وطلعوا ورقة .. يالله ( وهو يسحب طاولة الأسيف عن الجوكر )
وفي النهاية اضطروا انهم ينصاعوا لأوامر استاذهم .. وفرقوا الطاولات ..
وبدا الإمتحان ..
صدقيني ما يوصل لمستوى ابداعج ..
عاد اختي انا حاطنج فراشة .. فا اتمنى انج ما تزعلين مني ..
والبقية قيد الانشاء ..
ومشكورة على التواجد المميز بالنسبة لي ..
ههههههههههههههه
ماشاء الله عليك الوصلاويه انتبهي حق الدرس اوكيك ماما
يغصصون فيني .. وخصوصاً هذا بوهزاع ..
هههههههههه يحليك بوهزاع
عين الصقر: ولا يهمج أختي عاشقة .. خليه علي .. انا الحين بتبدي حصتي وياهم .. خليني اتفاهم وياه على طريقتي ..
عاشقة : هذا ما تفع وياه إلا الخيزرانة .. انا قلت له يروح الادارة .. بس انا ادري انه ما بسير .. دوم راسه عنيد ..
عين الصقر : ههههههه .. يالله أنا ساير .. ادعوا لي بالتوفيق ..
المحجبة : موفق اخوي والله يسهل لك دروبك ..
الساحق الخاطف اعربتي القصه بالغلط عين الصقر مدرس له له له ((سوالف يا عين الصفصوف))
