مدرسة المشاغبيــن

[الساحق الخاطف]

مشاركة: مدرسة المشاغبيــن

أختي رهف

افا .. رهف معصبة ..
اختي لا تعصبي .. انا لي سياستي في مجاراة احداث القصة ..
فكل عضو طلع في جزء من القصة طرشت له الوصلة ..
وانتي بعدج على لائحة الانتظار مع بقية الاعضاء .. لاني ما وصلت للجزء اللي انا حاطنه في مخموخي ..
وشو راعية مقصف الله يهديج بس .. اصبري ولا تستعيلي ..
ولا الصراحة .. انا من صغري احب اكتب .. حتى اخواني يطفرون مني ..
وتسلمي اختي على اطرائج .. وعلى تواجدك الاكثر من رائع ..


وجيبوا لي قدح وملح .. اخاف حد يصكني بعين بس ..​

 

[معاني]

مشاركة: مدرسة المشاغبيــن

هههههههههه

محد متخبل غير بو هزاع و القيصر ...

امممممم

اتوقع بالمختبر بفجرونه ..

ننتظر التكمله .. :smile:

معاني ..

 

[سراب البيد]

مشاركة: مدرسة المشاغبيــن

السلام عليكم

حيا الله اخي الحبيب

الساحق الخاطف

اولا اعتذر لتاخري عن الرد لعدم علمي بالقصة

وبصرااااااااااااااحه القصه رووووووووووعه

ما شاء الله عليك مبدع

وين كنت خاااااااااش عناااااا كل هالإبداع يالطيب

بس انااااا في الواااااااقع مب جذه

خخخخخخخخخخخخخخخ

دوووووم فيني رقااااااااااااد

لو دووووووووووم فيني رقاااااد وكسوووول
ما نجحت بالثانوية العااااامة بنسبة 83 %

خخخخخخخخخخخخخخخ

تسلم يا اخوي ع القصة الروعة

ونترياااااااا التكملة ان شاء الله

واعتذر مرة ثانية على التاخير

اخووووك ,,

سراب البيد

 

[الساحق الخاطف]

مشاركة: مدرسة المشاغبيــن

أخي راعي البروووش اقصد البورش

لا الاخت رهف مكانها اعلى من جي ..​

 

[الساحق الخاطف]

مشاركة: مدرسة المشاغبيــن

أختي معاني

يمكن صدق يفجرون يمكن لا ..
الجواب في الجزء القادم ..
ومشكورة اختي على تواصلج .. والله ما تدرين اشكثر مستانس انج متابعة القصة .. فخر لي ..
والتكملة قيد الانشاء ..​

 

[الساحق الخاطف]

مشاركة: مدرسة المشاغبيــن

أخي سراب البيد

وعليكم السلام ورحمة الله وبركاته

لا عادي ولو اخوي .. مشاغل الدنيا ما تخلص ..
وبالنسبة للرقاد .. صدقني محد مثلي كان يرقد في الحصص .. والله المدرسين يطفرون مني .. ومع هذا يبت نسبة 87 .. كل بتوفيق من الله سبحانه ..
ومشكور الطيب على الوجود الرائع .. تسلم ..
والتكملة لازالت قيد الانشاء ..​

 

[بو هزاع]

مشاركة: مدرسة المشاغبيــن

هي والله صدقوني

بالنسبه للشردات انا اكثر واحد كان يشرد ومع هذا كله يبت

94 % بالميه

يعني شي عادي عادي ما عليكم بس

خخخ

بوهزاع

 

[الساحق الخاطف]

مشاركة: مدرسة المشاغبيــن

أخي بو هزاع

ما شاء الله عليك ..
وتشكر اخوي على التواجد ..​

 

[الساحق الخاطف]

مشاركة: مدرسة المشاغبيــن

الجزء الخامس


وفي الادارة وتحديداً ..غرفة الوكيل ..
الصياد : ان شاء الله . لا تخافين .. بيب قبيبة .. اقولج زين .. تبين بعد لحم .. خلاص .. بطرش الدريول ..انزين .. هيه .. يالله .. تسلمين .. مع السلامة ..
ويسكر السماعة .. ويعدل من جلسته على الكرسي ..
الصياد ( يكلم نفسه ) : والله حالة .. والله جان تميت عزابي احسن اللي ..( ويتنهد بعمق شديد .. وبصوت عالي )
وتدش عليه رهف وهو في هذي الحالة ..
رهف : هو شفيك.. ؟؟
الصياد ( يعتدل في جلسته وأونه يقري الاوراق اللي في ايده ) : هاه .. ما شي ..
رهف ( وتقعد على الكرسي اللي بويه طاولة الصياد ) : هههههه .. انزين انزين .. انته كله جي ..
الصياد : اححممم ..
رهف : اقول وين السكرتير .. محد في مكتبه ..
الصياد ( اونه يقرى ) : الشحي .. هيه هو عند المدير يراويه سجل المدرسين ..
رهف : هي صح رووح الحب اتصلت وقالت لي انها بتتأخر ..
الصياد ( بعد ما رفع نظره عن الورق اللي بايده .. ويطالع رهف ) : لا بصراحة هذا كثير .. لازم رووح تشوف لها صرفة ... مو كل مرة بنسوي تبديل ..
رهف : حرام عليك انت اكثر واحد عارف ظروفها .. لازم تقدّر شوي ..
الصياد : انا فاهم .. بس جي ما يصير .. الحين هذي عاشر مرة يمكن تسويها .. ويمكن اكثر بعد ..
وشوي يدش الشحي وبايده اوراق ..
الشحي : الصياد شوف لي عندك اوراق المسابقة الشعرية ..
الصياد ( وهو يدور في الدرج ) : ما شي هني .. ( ويرجع يدور على الطاولة ) وعلى الطاولة ما شي بعد .. اقول تعال دور انت ..
الشحي ( وهو يمشي صوب طاولة الصياد) : اووف .. كل الشحي سو وحط وشيل .. ( ويدور في السدة ويطلعها من تحت انقاض الاوراق ) وهذي شو ..( ويطالع الصياد بنظرة ... )
الصياد ( ما يسويله سالفة ) : شوف خذ هذي الاوراق .. وعطها للاخصائية والاخصائي .. وقول لهم يوزعونها على الطلاب .. وقول لهم الصياد يقول انه ما يبي يدّخل مثل المرة اللي طافت ..
الشحي : ان شاء الله ..( ويطالع رهف ) : مرحبا رهف .. اسمحيلي عاد .. ما شفتج ..
رهف : لا عادي ادري انك مشغول .. اقول الشحي .. هذا تدريب ابيك تنسخ لي
منه 32 نسخة .. وانا بي باخذها منك في الفرصة .. ( وتعطيه الورقة )
الشحي ( وهو يتنهد ) : انزين .. ( ويرجع يطالع الصياد ) وانت ما تبيني انسخ لك شي بعد ..
الصياد ( وهو يقرى اللي في ايده ) : لا ماشي .. بس سير وعط الاخصائيين الورقة .. أبي الموضوع يخلص قبل الرابعة ..
الشحي : ان شاء الله ..( ويطلع من الغرفة وهو شايل درزن اوراق ) ..
رهف : حليله الشحي .. والله محد مثله يكد ويتعب ..
الصياد : هي والله .. صدقتي ..
رهف تطلع من الغرفة .. ويرجع الصياد .. يكمل قراءة الاوراق اللي في ايده ..
وفي غرفة المدير .. وعلى كرسي المدير ..
قارئ الكلمة : انزين .. قوله خل يدش .. لا لا .. وصل هندي مال الثلاجة .. شو أي هندي .. اقولك الهندي اللي بيجي عشان يصلح الثلاجة .. هاه .. هاه .. زين يوم بيوصل سو لي تلفون ابى اتفاهم وياه بروحي .. شو .. الصياد .. لا ما ينفع .. آخر طير هنود الكهربة .. وبطلوا يجو .. لا اياني وياك تقوله تأخر .. اقول ذياب .. لا تنسى تسو لي تلفون .. هاه .. زين .. خلاص .. يالله مع السلامة ..
ويسكر التلفون .. ويطالع ساعته ..وشوي حد يدق على الباب ..
قارئ الكلمة : دش ... دش ..
وينفتح الباب ويدش احبكم دوت كوم ..
قارئ : هلا .. مرحبا بمدرسنا اليديد ..
احبكم دوت كوم : يا مرحبا بك ..
قارئ : استريح استريح ..( ويأشر على الكرسي )
ويجلس أحبكم دوت كوم على الكرسي ..
قارئ : هاه ان شاء الله ارتحت ويا المدرسين اللي معاك في الغرفة ..
احبكم : الحمد لله .. والله كلهم طيبين ..
قارئ : زين زين .. اقول انت متى بتبدي حصتك ..؟؟
احبكم : اممم .. حصتي اعتقد الرابعة ..
قارئ : واي صف ..
احبكم : (أ) ..
قارئ : زين زين .. بس عاد انت خلك عادي وريلاكس ..
احبكم : لا تخاف .. صح اني اول مرة ادرس .. بس عارف اصول التدريس زين ..
قارئ: هيه .. زين ..
وشوي حد يدق الباب ويدش ..
عاشقة : مرحبا .. مشغول ؟؟
قارئ : لا لا عادي دشي ..
عاشقة مرحبا احبكم ..
احبكم : هلا .. ( ويبتسم ) ..
عاشقة تلتفت لقارئ ..
عاشقة : ابا اكلمك في موضوع ..
قارئ : هاه خير ان شاء الله ..
عاشقة : ومن وين يجي الخير ..
قارئ يأشر على عاشقة .. يعني مو وقته هالكلام ..
عاشقة ( تفهم الحركة وتصد لأحبكم ) : اقول ان شاء الله ارتحت في مكتبك ؟؟
احبكم ( مستغرب ) : والله الحمد لله زين ..
عاشقة تبتسم .. وتسحب نفسها وتقول ..
عاشقة : خلاص انا بسير .. وبييك بوقت ثاني ..
احبكم : لا عادي انا بطلع .. اذا وجودي مضايقج ..
عاشقة (وهو منحرجة ) : لا لا .. تذكرت شغلة لازم اسويها ..
وتطلع عاشقة بسرعة ..وتقف برع عند باب غرفة المدير ..
عاشقة (تكلم نفسها) : يالله اشكثر انا غبية .. وتضرب ايدها على جبتها ..
وتسير بعدين لغرفة الصياد ..
عاشقة : مرحبا ..
الصياد ( يرفع راسه عن الورق ) : هلا .. انتي وينج من الصبح ؟؟
عاشقة : اول ما جيت ما لقيتك .. وسجلت في السجل .. وسيده على غرفة المدرسين .. حتى الطابور ما حضرته ..
الصياد : ليش عاد ..؟؟
عاشقة ( وتقعد على الكرسي ) : ابى اجهز لدرسي .. لاني يوم وصلت تذكرت اني نسيت بعض الوسايل في البيت .. قلت بعطيهم درس ثاني .. وقمت اجهزه في الغرفة .. وما قصرت المحجبة وساعدتني بعد شوي ..
الصياد ( يرجع يقرى اللي في ايده ) : من دومج هبلة .. وتنسين ..
عاشقة : اونك .. يعني انت بس اللي ما تنسى ..
الصياد يرفع راسه عن الورق يطالعها للحظة .. ويرجع يكمل قراءة بدون ما يرد عليها ..
عاشقة : اقول وين غزالة بن جديد ما بينوا اليوم ..
الصياد ( وعينه بعدها على الورق ) : في غرفة التوجيه .. يجهزون اوراق الاستبيان .. ويصففون الكتب ويقسموها ..
عاشقة : يعني وصلت الكتب ..؟؟
الصياد ( يرفع راسه عن الورق ) : هيه وصلت .. الله يعين مدرس الحاسوب .. ما ادري شلون بيدرس ها المنهج الجديد ..
عاشقة : المدرس الاولي .. طفر المسكين .. خبلوا فيه ميانيننا ..
الصياد : بس احس ان المدرس اليديد زين .. باين عليه شخصية جدية مثلي ..
عاشقة ( تكلم نفسها ) : ما اعتقد انه في انسان بها العالم بمثل حرورة دمك ..
ويدش عليهم رئيس الفراشين ..
راعي الويلات : اقول .. بن جديد يقول الأوراق ناقصة وما تكفي الطلاب ..
الصياد : ليش كم نقص من العدد كامل ؟؟
راعي الويلات ( ماسك بيايده يزرة ورقة يقرى منها ) : الصياد دبر لي سبع اوراق من الاستبيان .. وطرش مع راعي الويلات فنجان قهوة ..
الصياد : والله انه متفيج .. الحين هو شو يبى بفنجان القهوة ..
راعي الويلات : يمكن يبى يعدل مزاجه .. هههههههه
ويطالعه الصياد بنظرة وينطم على اثرها راعي الويلات .
عاشقة ( تبي تخفف من الشحنة اللي انتشرت ) : راعي انت سير كمل شغلك في الحديقة .. انا بودي الاوراق الناقصة وفنجان القهوة ..
راعي الويلات .. يهز راسه بالايجاب .. ويقبض الباب على عجل ..
الصياد : والله غلطنا يوم حطينا هالفراشين ..
اشقة : انزين وين ورق الاستبيان ..؟؟
الصياد ( ياشر على الملف اللي محطوط في الدروج ) : في الملف الازرق نسخة .. خذيها ووديها للشحي . وقوليله ينسخ منها سبع ..
عاشقة : ان شاء الله ..
وتطلع عاشقة الورقة .. وتسير لغرفة السكرتير ..
الشحي قاعد عن غرفة النسخ .. وينسخ اوراق رهف ..
تدق عاشقة الباب .. وتدش ..
عاشقة : الشحي انت هنيه ؟؟
الشحي ( يطلع راسه من الغرفة ) : هيه انا هنيه .. شو تبين حد ينسخ لج بعد ؟؟
عاشقة : هيه الصياد يقولك انسخ سبع نسخ من هذي الورقة ..
الشحي .. حطيها على الطاولة عدالج ..
عاشقة : خلاص .. انا الحين بسير .. وبعد شوي برجع لك عشان آخذها .. ابيها بسرعة زين ..
وتطلع عاشقة من الغرفة ..
الشحي يرجع عند آلة النسخ ..
الشحي ( يكلم نفسه وبصوت عالي ) : اووف .. شو هالحالة .. اونه سكرتير اسم بس .. الشحي شيل الشحي حط .. جني فراش مو سكرتير ..
ويرفس الآلة .. وتسمع صوت ..
الآلة : أيييييي .. أيييييي .. بوووف ..
وتوقف نسخ ..
الشحي : الله يغربل ابليس .. شو سويت .. الحين الصياد لو درى بياكلني .. شو اسوي يا ربي ؟؟
ويدور ويحوص في الغرفة .. ويطالع الآلة ..
ويرجع يرفسها مرة ثانية ..
الآلة : ايييييي ايييييي .. تا ني تا ني ( وترجع تنسخ مرة الثانية )
الشحي : الحمد لله .. والله حاله ..

وبعيداً عن الادارة ..وتحديداً في المختبر .. وبعد ما وصل كل الطلاب .. إلا الثلاثة ..
بن ماكس : هاه كلكم هني ..
ريل داي : لا .. القيصر وبن سليمان وسراب البيد ما يو ..
بن ماكس : ما سو بحث وبعد متأخرين ..
وشو يدشون ..
القيصر : مرحب استاذ ..( ويمشي صوب الكراسي ويقعد )
ومن وراه سراب البيد وبن سليمان ..
بن ماكس : ليش تأخرتوا ... ؟؟
سراب : آسفين استاذ .. بس قعدنا اندور على كتبنا ..
بن ماكس : انت اصلا كتابك مضيعنه من بداية الفصل ..
سراب البيد ( يرفع الكتاب اللي في ايده ) : لا خلاص لقيته ..
بن ماكس : يالله بس .. ضيعنا من الحصة بما فيه الكفاية ..
وينادي الاستاذ على امين المختبر ..
بن ماكس : المتحدث الرسمي .. حصلت الحمض ولا بعدك .؟
المتحدث وهو في غرفة الأدوات .. وقاعد يدور .
المتحدث : هيه حصلته .. بس الغرشة تو تخلص ..
بن ماكس ( يدخل على المتحدث ) : خلني اشوف ..
ويناوله المتحدث الغرشة ..
بن ماكس ( يطالع الغرشة ويقلبها بين ايدينه) : لا اعتقد بتكفي التجربة ..
المتحدث : انا بقول للصياد يجيب لنا مواد جديدة .. اغلبية المواد انتهت صالحيتا اواخلصت ..
بن ماكس : هيه بس عاد لا تنسى مثل عوايدك ..
المتحدث : لا ان شاء الله ما بنسى ..
ويطلع بن ماكس من الغرفة ويسير للمختبر ويوقف عند الطاولة ..
ويبدأ شرح الدرس وكيفية العمل على التجربة ..

يا ترى هل بيعرف بن ماكس عن الخطة اللي سووها الشباب الثلاثة ..
واذا عرف .. شو راح تكون ردة فعله ؟؟
راح نعرف في الجزء القادم ..​

 

[الوصلاوية]

مشاركة: مدرسة المشاغبيــن

يسلمووووووووووووو الساحق الخاطف
هااا لا تبطىء علينا
الوصلاوية