ღ.ღ. مثل الهــوا و المــاي .. سيـــف ضـروري ღ.ღ.

[شيخة البنات]

مشاركة: ღ.ღ. مثل الهــوا و المــاي .. سيـــف ضـروري ღ.ღ.

حلو...نتريى الثالث


شيخة البنات

 

[~ شحية قح ~]

مشاركة: ღ.ღ. مثل الهــوا و المــاي .. سيـــف ضـروري ღ.ღ.

معاني .. شيخة البنات تسلم لي حبيباتي ^_^


شحية قححححح

 

[الوصلاوية]

اعادة : ღ.ღ. مثل الهــوا و المــاي .. سيـــف ضـروري ღ.ღ.

واو واو
شو هالابداع يالله لا تتاخرين

 

[~ شحية قح ~]

اعادة : ღ.ღ. مثل الهــوا و المــاي .. سيـــف ضـروري ღ.ღ.

تسلمين الغالية الوصلاوية ..

وهاذو هو الجزء الثالث ..

 

[~ شحية قح ~]

اعادة : ღ.ღ. مثل الهــوا و المــاي .. سيـــف ضـروري ღ.ღ.

سيدة بطلت مهرة البوكس الصغيرون اللي طلع لها ..

مهرة ( شيطونة ) :: مرحبااا ..

( مفنودة ) :: مراحب ..

شيطونة :: شحالج الشيخة ؟

مفنودة :: تمام ربي يسلمج وانتي شحالج ؟

شيطونة :: يعله مديم .. انا بخير دامج بخير ..

=-=-=-=-=-=- مرت فترة خمس دقايق محد رمس فيها =-=-=-=-=-=-=-=-

شيطونة :: الا اقول الغالية ...

مفنودة :: هلا ...

شيطونة :: من وين يبتي ايميلي ...

مفنودة :: شفته طايح حذال باب بيتنا ..

شيطونة :: خخخ لا صدق ..

مفنودة :: يهمج تعرفين ؟؟

شيطونة :: هيه نعم ..

مفنودة :: انا بنت خالة اليازية ..

شيطونة :: اليازية منوو ؟؟

مفنودة :: اليازية بنت حريز .. ربيعتج في الصف ..
شيطونة (وقلبها ناغزنها) :: اهاااا ... شحالها اليازية ؟

مفنودة :: والله يسرج حالها ..

شيطونة :: هي عطتج ايميلي ؟؟

مفنودة :: هيه .. و هي الحينة يالسة حذالي و تسلم عليج ..

شيطونة ( منصدمة ) :: الله يسلمها و يسلمج ... ومناك يالسة تقول في خاطرها اسميها قوية عين .. بتذلني و بتكسرني و بتذبحني و كل هالتهديدات و اخر شي تعرف بنات من اهلها علية ...

مفنودة :: مشغولة ؟؟

شيطونة :: لا ليش .. ؟

مفنودة :: يزوي تبا تدق لج الحينة .. يستوي ؟

من شافت اليازية مايد كتب هالرمسة حاولت بسرعة انها تبعد ايده عن الكيبورد .. لكن هو غافلها و بسرعة ضغط على Enter

اليازية وهي محرجة :: ميوود شو بلاك انت تخبلت ..!!

مايد وهو صاد صوبها :: اول شي شلي علامة التعجب اللي طالعة فوق راسج هههههههه

اليازية واصلة حدها :: مايد بتذبحني انت ..

مايد :: يزوي .. ثقي في اخوج العبقري ميوود .. عشان تنجح الخطة .. اتصليبها و استسمحي منها وقولي لها انج سامحتيها ع كل الرمسة اللي طلعتها عليج ..

اليازية :: لو تطلع روحي .

مايد :: انتي شكلج ماتبين تاخذين حقج .. يا بنت طيعيني و مابتخسرين ..

اليازية :: اففففففف .. انزين انزين .. بحاول اضغط ع عمري ..

شيطونة :: حياهاالله ..

شيطونة :: وينج ..

مفنودة :: هني هني .. بس يتاخر شوي عندي ..

شيطونة :: لا عادي ..

مفنودة :: خلاص الغالية .. انا بظهر الحينة و انتي ارقبي اتصال من جدا اليازية ..

شيطونة :: خلاص تم ..

مفنودة :: فداعة الله .. باي

شيطونة :: باي ..

صكرت مهرة المسنجر والكمبيوتر و هي في حالة ذهـــول .. ياربي .. معقولة اليازية تنسى كل شي بهالسهولة .. من بعد ما اتسهزئت فيها وذليت اصلها .. كل شي جايز .. ماخاب ظني في البنت يوم قلت عنها شكلها حبوبة من اول ماشفتها .. ماعليه المسامح كريم ..

شوي و الا يرن موبايلها ..


مهرة :: الو ..

اليازية :: ........... (( كان بخاطرها تطلع لها من السماعة تعضها )) ..

مهرة :: الووو .. اليازية ؟؟

اليازية ( وهي ضاغطة ع عمرها ) :: هلا مهرة شحالج الشيخة ؟

مهرة :: ماشكي باس الحمدلله ..

اليازية :: يعله مديم .. مهرة ... امممممممم ..

مهرة :: اليازية خلاص مافي داعي تقولين شي .. انا سامحتج..
اليازية و بخاطرها تصك السماعة :: مهرة انا صدق منحرجة منج .. كل اللي اباه انج ترظين علية .. ( وفي خاطرها تقول .. كل اللي اباه اني ازغدج ) ..

مهرة :: اليازية خلاص صدقيني انا نسيت السالفة و انا مصفية النية عليج ..

اليازية :: يعني هب شالة في خاطرج علية ؟؟

مهرة :: حشا لا والله .. انتي اخت عزيزة و غالية .. ^_^ ..

اليازية :: علني لاخليتج يابنت الايواد يا بنت بن هدية .. صدق ارتحت الحينة ..

مهرة :: يعلج دوم مرتاحة ..

اليازية :: يعني طاح الحطب ..؟؟

مهرة :: اكيييييد ونحن خوات و مابيننا غير كل خير ..

اليازية :: سلمتي لي ..

شما تصارخ :: مهاااااااااااااااااااااااااااااااري .. يلاااااااا .. الغدا محدر عالسفرة تعالي قبل لا يبرد ..

اليازية :: شكلهم يبونج .. عيل مابطول عليج بخليج الحينة .. تامريني بشي ؟

مهرة :: سلامتج و رظاج يزوية ..

اليازية :: مع السلامة ..

مهرة :: فمان الله ..

شما بأعلى صوتها :: مهااااااااااااااااااااااااااااااااااااري ..

مهرة :: ياااية ياااية ..

وهي تنزل الدري كانت شما صاعدة لها .. فتلاقن نص الدري ..

مهرة :: بلاج جذه تصارخين فضحتيني جدام البنية ..
شما :: وانا شدارني .. جيه منو كنتي ترمسين ؟؟

مهرة :: ما بتصدقين لو قلت لج يا شَــشمتوو ..

شما :: منو قولي ؟

مهرة :: اليااااازية بنت حريييز ...

شما :: عفــوا ؟؟؟ !!!!!!!

مهرة :: انا بروحي انصدمت اكثر عنج .. ترا شوفي شو السالفة .. انا كنت حـ ... ( وخبرتها بكل السالفة ) ..

شما :: غريبة والله .. بس ماعليه المسامح كريم .. طوفي بننزل نتغدى ..

ونزلن شما و مهرة رباعة .. و يوم يلسن عالسفرة ..

أم سعيد :: ها بناتي وينكن ..اتأخرتن .. برد الاكل ..

شما :: اسمحيلنا اماية ..

مهرة :: شو مسوين غدا ؟

أم سعيد :: مجبوس .. اكلة سعيد المفضلة ..

سعيد :: تسلمين لي اماية ..

هنودة :: حتى انا احبهااا .. حطيلي اماية في صحني ..

سعيد :: وانتي ليش ماتحطين لعمرج .. ايدج مكسورة و الا شو .. لا تيلسين تعبلين ع اماية ... ها بدال ما انتي تقومين تحطين لها في صحنها .. الرسول امرنا نبر والدينا ..

مهرة تساسر شما :: خيبة كلاها بقشورها ..

سعيد :: نعم شو قلتي ..

مهرة :: ...................

سعيد سمعها شو قالت بس سكت عنها .. و يلسو كلهم يتغدون و كل حد كان ساكت .. فجاة رمس سعيد و كسر الصمت ..


سعيد :: ها مهور .. بعدج زعلانة ع سالفة البارتي .. ( و قلد صوتها يوم قال كلمة بارتي " حفلة " ) ..


مهرة :: لاسعيد عادي .. بس تراني صدق ملانة ..

سعيد يمضغ لقمته و كل حد يشوفه يبا يعرف شو بيقول .. و من عقب ما بلع تناول قلاص الما و شرب و شما ع اعصابها لانها خافت انه ينهر مهرة ..

سعيد (هو يقوم من ع السفرة ) :: الحمدلله .. نعمة دايمة ..

ام سعيد :: صحة و عافية يعل دارك العمار .. ان شاء الله عيبك الاكل ؟

سعيد :: كل شي من ايديج حلو يا اماية ..مايطلع اكل الشغالات حلو الا اذا كنتي واقفة ع راسهن في المطبخ ..

وسار سعيد صوب المغاسل و قال :: ع فكرة بنات .. زهبن اغراضكن .. باجر بنسير ويا قوم عمي علي بيت المصيف مالهم ..

هني شما نغزها قلبهاا ..

وكمل سعيد رمسته و هو ينشف ايديه :: مهرة ماسارت ويانا المرة اللي طافت .. فبتسير ويانا هالمرة عن تنقع علينا من الملل .. مب كل اجازة بتسير تعسكر في بيت خالي ..

مهرة و هي مستانسة :: وين هذا ؟؟

سعيد :: أقصـــــــــــى شمال البلاد .. ورا حدود عمان بكمن كيلو .. اماية زهبي الجوازات بعد ..


ام سعيد :: ان شااء الله خير ..


هنودة و هي تطالع مهاري :: المكان واااايد حلووو بيعيبج و الجو حلو بعد .. انا وايد احب اتمشى ع ناصية البحر هناك .. انا احب لون البحر .. ازرق غامج مخضر .. والا انتي شو رايج شما ..المكان روعة صح ..؟

شما و كأنها تفكر بشي جاوبت و هي تتنهد .. :: اروع من ما تتصورين ..

مهرة :: خلااااااص عيل فــــوقه ..

ام سعيد :: انزين ماخبرتني ..

سعيد :: هلا اماية ..

ام سعيد :: كم يوم بنتم هناك ؟

سعيد :: اممم .. ان شاء الله عشرة ايام ..

الكل :: على خيرة الله ..

في بيت المرحوم حارب بن سعيد تعودو انهم من عقب وجبة الغدا يتيمعون في الصالة يشربون جاي و ياكلون حلو ..

أم سعيد و شما و مهرة كانن يسولفن و هنودة متفيزرة جداهن يالسة تلون اما سعيد فسار يرقد شوي ياخذ له قيلولة ...

ام سعيد :: ها بنات .. متحمسات للسيرة ؟؟

مهرة :: وااااايـــد ... بخاطري اشوف المكان الحلو اللي ترمسن عنه ..

شما :: خصوصا البحر .. حلاااااااته حزة الفير و المغرب ..

هني يرن تلفون البيت .. ربعت هنودة صوبه و شلته ..


هنودة بصوت طفولي :: الووووووو
هنودة :: بخير الحمدلله ... تبين امي ؟؟ اوكي .. هاذي هي ..

ووطت شوية التلفون و زقرت امها ..

هنودة :: امااااااااااااااااااية ..

ام سعيد :: ها امي ..

هنودة :: حرمة عمي ام راشد تباج ع التلفوون ..

ام سعيد :: ناوليني السماعة ..

أم سعيد :: مرحباا الساااع .. هلا والله .. عاش من سمع صوتكم .. وين لاحس و لاخبر ..

ام راشد :: والله موجودين بهالدنيا .. شحالج وشحال البنات و سعيد و حرمة ولدي ؟

 

[~ شحية قح ~]

اعادة : ღ.ღ. مثل الهــوا و المــاي .. سيـــف ضـروري ღ.ღ.

ام سعيد :: والله كلنا بخير نسلم عليج .. وانتي شحالج ؟ وشحال راشد و حصة و حمدان ؟

ام راشد :: والله كلهم بخير ... مشتطين عالسيرة ههههه ... الا صدق اللي سمعته من راشد ..

ام سعيد :: و شو قالج راشد ؟

ام راشد :: قال لي ان سعيد قاله انكم معزمين تيون عالسيرة ويانا لبيت المصيف ..

ام سعيد :: هيه والله .. اليوم سعيد ولديه عطانا خبر عسب نزهب عمارنا ..

ام راشد :: زين عيل كلنا بنستانس سوا .. الا اقول ..

ام سعيد :: امري الغالية ..

ام راشد :: بتظهرون اليوم مكان ؟

ام سعيد :: ياحظي وين نظهر نحن زين منا يوم بنسير وياكم ههه

ام راشد :: خلاص عيل اليوم نحن يايينكم زيارة ع العشا ..

ام سعيد :: افا عليج ... شو زيارة .. انتو اهل البيت و البيت بيتكم و حياكم في اي وقت ..

ام راشد :: تسلمين لي فديتج ..

ام سعيد :: خلاص فديتج عيل بنترياكم ..

ام :: على خيرة الله .. فمان الله ..

ام سعيد :: فداعةالله ..

وطت ام سعيد السماعة و صدت صوب البنات و قالت ..

ام سعيد :: بنات ... خذن راحة و ارقدن لين اذان العصر جان بغيتن .. ترا قوم عمكم بيوون يتعشون عندنا و اباكن تزهبن ..

مهرة :: اللللللله .. شو صاير بالدنيا .. اليوم قوم عمي كلهم بيون هني و باجر سايرين نأجز ضربة .. ونااااااسة ..

شما بكل برود :: ان شاء الله اماية .. خلاص عيل بسير اريح انا الحينة .. من رخصتكن ..

وباست امها فوق راسها و صعدت الدري بكل تثاقل و يلست تقول في خاطرها :: يا هي نجبة .. شو ها .. الحين بيوون قوم عمي و بيفتحون لي سالفة راشد ...

اهلها ما ينلامون يوم انهم يحنون و يزون ع راسها بسالفة راشد .. تراه هو اللي ليل و نهار يناهي يبا يعرس ابها بأسرع وقت .. كان راشد مفتووووون في شما .. ميت في حبها .. من يوم كانو صغار وهو يقول انه يبا يعرس بشما .. كنت بالنسبة له كل شي .. وكان حبه لها مالي عليه حياته ..

من وصلت شما حجرتها عقت عمرها ع شبريتها بالقوو .. و ع طول غفلت من زود التعب و التفكير ..

الساعة 5:30 ... في حجرة شماني و مهور ..

مهرة :: شماااااني . نشي .. يلا .. عقب شوي يايين قوم بيت عمي ..

شما و هي تغطي ويهها باللحاف :: ابا ارقـــــد ..

مهرة وهي تشل اللحاف :: بسج .. فخيتي رقااد .. قوووومي .. عنبوج ماتبردين .. الغرفة مستوية جنها فريزر ..

شما و هي تحاول تيلس :: انزين انزين .. الساعة كم الحينة؟

مهرة :: خمس و نص و انتي بعدج لا تسبحتي و لاسويتي شي ..

شما وهي توقف ع حيلها :: خلاص نشيت الحينة ..

وقامت تلبست و ماحبت تتعدل وايد ولاتحط شي ع ويهها عل و عسى راشد ينفر من شكلها و يغير رايه .. لكن هيهاات و شما اللي يشوفها مايعدها من البشر .. حوووورية بجمالها و حلاتها اللي ماتنافسها فيه ولا ملكة جمال .. ومهرة بعد تلبست و ماحطت شي لانها من بونها ماتداني تحط شي ع ويهها ..


ع الساعة ست وصلو الجماعة و البنات كانن بعدهن فوق .. سارت ام سعيد تجابلهم و توايههم ..

ام سعيد :: يا مرحبااا باللي لفاانا .. اقربوو اقربوو يامرحبااا السااااااع..

ام راشد :: يامرحباابج زود يا ام سعيد .. وين البنات ..

هنودة صوب باب البيت :: هني هني البنات .. شو يسون بعد كانن يتعدلن عسب تتجحل عيونكم بشوفتهن .. و كانت تهزز شعرها و تدلع كانت تتحرى انهم يقصدونها يوم سالو وين البنات .. فضحكو كلهم عليها ..

حمدان(اخو حصة و راشد وعمره 18 وقريب وايد من مهرة) :: ههههههه ماشاء الله هنودة عادة عمرج حرمة البيت ..

هنودة :: ها عيل شو.. ترا عمري ثمان سنين هب ياهل .. و ترفع ثمان صبوع من ايديها ..

راشد :: ماشاااء الله ديناصووورة .. ههههههه
هنودة :: ايه انت ايييييييييه .. شو ديناصورة .. حشم حشم .. انت في بيت نـاس هب في بيــ ..
وقبل لا تكمل هنودة رمستها صكت امها على حلجها ..

راشد ::: خيـــــــــبة .. معلووم .. طالعة ع اختج مهرة .. لسانها يخلي الكافر يستسلم ..

حمدان :: الا ع طاري مهووور .. وينها خل اخسس فيها شوي هههه ..

حصوه :: بسير الحين اشوفها بسيرلها حجرتها ..

ام سعيد :: سيري فديتج استعيليهن ..

وتصد ام سعيد صوب عبادي ( اخوهم الصغيرون .. توه يمشي و يرمس .. ويجننن عسوووووول ) ..

ام سعيد :: واااية فدييييييتك .. مرة طالع يشبه عمه الله يرحمه ..

الكل :: الله يرحمه ..

و تلقفته و يلست تلاعبه .. وسارو كلهم صوب الميالس .. و دقو سوالف ..

جان يدخل عليهم سعيد ..

سعيد :: السلام عليكم ..

الكل :: وعليكم السلام ..

نشو حمدان و راشد و دقوها خشووم ..

سعيد :: استريحو استريحو .. شحالكم و شو علومكم ؟؟

راشد + حمدان :: بخير ربي يسلمك ..

وكملو سوالفهم ..

وفي الطابق الفوقاني ...
حصة و شما و مهرة و هن طالعات من الغرفة قالت حصة :: يلااا بنااات .. يتريوونا تحت ابطينا عليهم .. ناس تدور مهرة تبا تخارشها ..

مهرة :: هههههه خسك الله ياحمدانوه ..

وصدت حصة عقب صوب شما اللي ماكان لها خلق وقالت :: و ناس داقينها حالة طوارئ من العصر ولهانين ع شوفة نااااس .. وهي مهرة يتضاحكن و ينغزنهاا ..

فهمت شما ان راشد المقصود بالرمسة ..عاد يوم جيه قالت حصة صدق صدق تعكر مزاجها ..

حصة :: امممممم ..بنات احس اني تعبانة ماروم انزل ..

مهرة وهي تسحب اختها :: ششمتوو يلا عاد عن الدلع طوفي طوفي عن يموتون علينا بعض الناس ان سرنا و ماشوفج ياية ويانا ..

نزلن البنات تحت و سرحن صوب الميالس .. و اول ماحدرن الميلس ..

مهرة :: هلاااااااااااااااااااااااااااااااااااااااااااا

ومهرة من شافت سعيد يطالعها بنظرة وهي فاجة حلجها و تقول هلا(اااااااااااااا) .. تيبست و وقفت ع برد و عطت مجال لشما وحصة انهن يحدرن الميلس قبلها .. ترا سعيد موول ما يداني حركات مهرة يوم تاخذ راحتها زيادة عن اللزوم ويا اولاد عمتها خصوصا حمدان .. عادتنه اخوها التوام مب جنه ولد عمها و المفروض تخيل و تستحي يوم تجابله مب تجلبها ضحك و سوالف وياه .. حتى حصة ماتسولف جيه ويا اخوها ..

شما :: السلام عليكم ..

ومن اول ماحدرت فز قلب راشد و مانزل عينه عنها ابد ..

:: يوسفي الحسن من بونك .. رايعٍ بالحسن مزيوني ... العذارى ما يساوونك ... يا فريد النوع و اللوني .. منزلك بدر السما كونك ... وانت نور الارض و الكوني ::

*المقطع لحمد العامري ..

راشد (ونظرة الوله فاضحة عيونه اللي عشقت شما من سنين و سنين ) :: شحالج شما .. عساج الا بخير ..؟

شما (بدون ما تلتفت صوبه) :: الحمدلله بخير و كملت في خاطرها : قبل لاشوفك ..

فجأة رن تلفون سعيد .. ورد عليه ..
سعيد : السلام عليكم و رحمة الله و بركاته.. ها ... اهااا .. امممم انزين الحين ياي صوبك ..

سعيد و هو يسكر السماعة :: اسمحولي جماعة مضطر اظهر ..

ام سعيد :: ايلس الحين بيحطون العشا ...

سعيد :: بالهنا ع قلوبكم .. انا شكلي بتعشى ويا ربيعي خاري .. من رخصتكم ..

راشد :: مرخوص فديتك ..

ام راشد :: بحفظ الله ولدية ..

وظهر عنهم .. واول ماصك الباب ..

مهرة :: فكــــــــــــــــــــــــــــــــــة ..

و محد كان يتوقع ان سعيد بعده ماتحرك من ورا الباب .. و فجاة رد فتح الباب مرة ثانية و هو مصوب نظرته الحادة ع مهرة ..

ومهرة تطالعه بكل خوف و خافت لايفتن عليها جدام عيال عمها يالفششششلة .. و بنفس الوقت شما حبت تنقذ الوضع جان تطالع اخوها بنظرة هادية كانه تطلب منه انه مايكبر السالفة .. سعيد فهم مقصد نظرة شما ع طول و مشى ع شورها . .. لانه دايما كان يعد شما هي البنية الرزين و الحشيم اللي ينصاع الامر لها لو امرت .. رد سعيد لايم الباب و مشى في حال سبيله ..

واول ماصكر الباب قامت شما من مكانها و ردت بطلته عسب تتاكد انه مشى ..
يوم ردت بطلته شافته قد سار .. ردت صكت الباب و تساندت عليه و هي تسوي عمرها اونها تسمح عرقها (شرات الرسوم) ... و حمدان يالس يضحك عليها من خاطره .. فقامت و فرت عليه قوطي الكلينكس .. وخى حمدان راسه جان يصقع الكلينكس في راس راشد .. مهرة حطت ايدها ع ثمها و هي تشهق :: اسسسسسسسفة رشوووووووود ..

شما :: هههههههههههههه ..

راشد و هو ماسك راسه ::ههههه لا عادي .. وكمل في خاطره ( اشكرج يامهور يوم انج سويتي هالحركة وخليتيني اسمع ضحكتها اللي تبرد لهفتي عليها ) ...

ام سعيد كانت مفتشلة من تصرفات بنتها الشيطانة ... وحبت تنقذ الموقف جان تقول :: مهاري امي سيري شوفي اذا الشغالات خلصن العشا ولا لا .. وتعالي انتي وياهن و انسفنه ع السفرة ..

مهرة :: ان شاء الله امي ..

وسارت مهرة صوب المطابخ .. والكل رد يسولف و بعدها عين راشد من نزلت عن شما ..
شما تقول في خاطرها :: يااربيييه ياهي نجبة .. هذا الحين بينزل عينه و الا افلعه بقوطي ثاني ..

ساعتها حس راشد ان في شي منغص ع شما .. فعقد حيّـاته ونزل راسه و يطالعها و هو حايس ثمه ( اونه عاد يقلد تعابير ويهها و بنفس الوقت ينشدها عن سبب هالتعابير ) ..

تحاملت شما على نفسها فسوت عمرها تعدل شيلتها و جبرت نفسها انها تبتسم له .. (كانهاا تقول له ما بلاية شي ) ..

عاد تعالو شوفو راشد الحينة متشقق من الخااااااااطر..

راشد في خاطره :: يا ارض شقي و ابلعيني ياويل حالي .. يا هنا يومك يابو سنيدة تبسم لك ملاك في ويهك وين بتودي عمرك .. كم بعيش اناااااا ..

شما حست بالذنب لانها نافقته .. هي اصلا ما تستلطفه .. كيف تبسم في ويهه .. كانها توعده بشي هو عمره مابيحصله ..

شما في خاطرها :: ليت قلبك يا راشد في بدن سيف .. كنت بكون اسعد انساانة في الدنيا ... احب اللي يحبني وهو يبادلني الحب .. لكن وينه عني سيف لادرى بي و لادرى بالشوق اللي مودني صوبه .. من الحينة ماخذني الشوق له حتى قبل ماشوفه باجر..

في هاللحظة حدرت مهرة الميلس و وراها الشغالات و هن حاملات الصواني ..

ام راشد :: نفعت نفعت الشيخة ..

ام سعيد وهي تصد صوب شما :: امي شما نشي هاتي الصماط و افرشيه و فازعي اختج انسفن الاكل ع السفرة ..

شما :: ان شاء الله امي ..

ام راشد :: وانتي بعد حصة نشي فازعيهن ..

حصة :: تامريني امر يالغالية ..

ونشن البنات الثلاثة ( حصة و شمامي و مهاري ) يرتبن الصماط و ينسفن الاكل عليه .. و راشد عينه ع شماا .. وهو يقول في خااطره .. يالله يا حـــــلات هالقد يوم يتثنى .. من بونها حرمة بيت .. اسميني ماخبت يوم طلبتها تكون حرمة بيتي و ام عيالي ..

خلصن البنات و يلسن حذال بعض و نقز راشد بسرعة صوب الفرزة اللي جدا شما .. و تفيزر حذالها .. الكل يلس يطالع الثاني وهو مستغرب وشما منزلة راسها ..

راشد :: نعم بلاكم ؟؟(صد صوب شما و كمل رمسته) هاي حرمتي في المستقبل و مافيها شي جان يلست صوبها ..

ام سعيد حبت تغير السالفة جان تقول :: ها حصة و مهور ؟؟ شو الامتحانات كانت..

مهرة :: كح كــح .. شو الامتحانات .. عنبو اماية يالسة اكل تطرين لي هالطاري ..

حمدان :: هههههه ابشرو انها سودت الويه ..

حصة :: لا حراام .. اصلا كل الابلات يقولن ان مهرة ذكية بس يلزمها انها تذاكر ..

مهرة :: احم احم .. حمدان حلفت عليك ما توقف
حمدان :: قردنوها و هي صدقت خخخخ


ام سعيد :: هاي وين تذاكر .. الا فالحة تلاسن خواتها و الا تلفزيون و الا نت والا تلفون .. شي غيره ماشي ..

ام راشد :: فديت حصة .. دوم صاكة ع روحها باب غرفتها و تذاااكر ..

مهرة وهي تمص بقايا الصلصة ع ايديها و تطالع حصة و تضحك :: هيه صح وايد فديتها خخخخخخخ


حصة خزت مهرة بنظرة عسب تسكتها ..

ام سعيد :: الا راشد شحال الجامعة وياك ؟

راشد :: والله تمام عمووه .. اكد و ادرس عسب اييب نتيجة حلوة توظفني وظيفة راقية تليج بمستوى حرمة المستقبل ..

يوم سمعت شما هالرمسة غصت باللقمة .. يلست تكحكح ..

راشد و هو يدحنها ع ظهرها :: اسم الله عليييييج ..

سكنت اللقمة في مصرطت شما فمدت ايدها اليسار بغت تتناول قلاص الماي و بنفس الحزة مد راشد ايده اليمنى عسب يتناول قلاص الماي نفسه ..
حست شما كأن ماي بارد انجب عليها يوم دقت ايدها ايد راشد ..

راشد همس لها بوسط هالحشرة فمحد سمع غيرها :: فديت هالديباج اللي لامسته ايديه..

شما بغت تنهي هالمهزلة فشلت بعمرها وقالت :: نعمة دايمة ..

ام سعيد :: وين بنتي يلسي ماكلتي شي ..

شما :: ماعليه شبعت ..

نشت و طلعت من الميلس و سارت غرفتها ..
يتبع

 

[معاني]

اعادة : ღ.ღ. مثل الهــوا و المــاي .. سيـــف ضـروري ღ.ღ.

حيهم

شحيه قححححح


هالجزء رابش ..

و شما بارده لو ان منها بصن راشد صنه بلوي ليه بوزوا

يالله انتظر باجي الاجزاء


معاني

 

[شؤبوب]

اعادة : ღ.ღ. مثل الهــوا و المــاي .. سيـــف ضـروري ღ.ღ.

اول مره اقرا هالكثر

مستوي بيي بسم الله اعوذ بالله سبحان الله والله اكبر ولا اله الا الله

بس الصروحي يعني .. القصي مللللللللللللللللللللللللل

روشد يحب شمي وشمي مطنشتنوو

لمو انزااا لمووووووووووو

حروووووووووووووم

صج البنات ما فيهم احساس ولا مشاعر ولا قلب ولا ركبه .. وفقتهم من بنوت يوم الا بيطلعون كم شمي

 

[~ شحية قح ~]

اعادة : ღ.ღ. مثل الهــوا و المــاي .. سيـــف ضـروري ღ.ღ.

معاني :: تسلمين لي الغالية من ذوقج .. واشكرج لمتابعتج قصتي ^_^


شؤبوب :: خخخخخخخ منسوي با .. يابوك هاي شما بطراانة خل تحمد ربها ان ولد عمها يحبهااا والللللله بس عقب بنشوف شو بيستوي بهم

^_^






تريو البارت الرابع


شؤبوب :: لك جايزة مقدمة من الدكان اللي فوق الشارع لانك اول واحد تقرا قصتي من الشباب خخخ



شحية قحححححح

 

[شؤبوب]

اعادة : ღ.ღ. مثل الهــوا و المــاي .. سيـــف ضـروري ღ.ღ.

اذا النهايه راشد بيتزوج شما بكمل قراية القصه

اذا ما بيتزوةجها

انقشبي انتي وقصتج

واااااااااااالله