• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

ღ.ღ. مثل الهــوا و المــاي .. سيـــف ضـروري ღ.ღ.

سمسوم خصب

๑ . . عضو متميز . . ๑
التسجيل
12 سبتمبر 2005
رقم العضوية
3992
المشاركات
592
مستوى التفاعل
7
الجنس
الإقامة
قصر سمسوم
رد : ღ.ღ. مثل الهــوا و المــاي .. سيـــف ضـروري ღ.ღ.

لالا القصة صدق روووعة



نزلي الجزء اللي بعدة اتريااااااة
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
رد : ღ.ღ. مثل الهــوا و المــاي .. سيـــف ضـروري ღ.ღ.

ااااااااااااااااااااااااااااه


وينج يا شحية قح ..

غبتي و ضاعت القصه فـ متاهات برزة الشحوح .

ننتظر عودتج ..
 

سمسوم خصب

๑ . . عضو متميز . . ๑
التسجيل
12 سبتمبر 2005
رقم العضوية
3992
المشاركات
592
مستوى التفاعل
7
الجنس
الإقامة
قصر سمسوم
رد : ღ.ღ. مثل الهــوا و المــاي .. سيـــف ضـروري ღ.ღ.

تسلمين

القصة وااااااايد حلوة
 

مهاري

๑ . . حبوب البرزة . . ๑
التسجيل
10 نوفمبر 2004
رقم العضوية
2425
المشاركات
122
مستوى التفاعل
0
العمر
35
الجنس
الإقامة
مدينة الحب و الجمال راك سيتي لول
رد : ღ.ღ. مثل الهــوا و المــاي .. سيـــف ضـروري ღ.ღ.

السلام عليكم


شحية قح كملت القصة و طلبت مني اني انزلها لان هي ماتقدر تدخل




وانا ربيعتها
 

مهاري

๑ . . حبوب البرزة . . ๑
التسجيل
10 نوفمبر 2004
رقم العضوية
2425
المشاركات
122
مستوى التفاعل
0
العمر
35
الجنس
الإقامة
مدينة الحب و الجمال راك سيتي لول
رد : ღ.ღ. مثل الهــوا و المــاي .. سيـــف ضـروري ღ.ღ.

تفضو الجزء الرابع ..





~*¤ô§ô¤*~ لووو اعيييش عمري باوهاام و خياالات ……. يكفي انك في حياتي حقيقة
~*¤ô§ô¤*~









من بعد ما شلت شما عمرها من عالسفرة بسبة حركات راشد اللي ترفع الضغط و من بعدما استسمحت منهم .. ردو كلهم يسولفوون ..


مهرة :: ما تدرون شقد انا مستااانسة و اخيرا بظهر من سجن البيت ..

حصة :: حتى انا ماصدقت افتكيت من المدرسة ..

حمدان :: مادري احين وين سايرات اللي يقول جينيف مادري برلين ..

حصة :: لا الصراحة المكان روعة خصوصا ان بيت المصطاف قريب من البحر ..

مهرة :: بنستااااااانس وااااااااااايد خصوصا ان بيت عمي احمد بييون ويانااا .. ( جان تدق مهرة جتف حصة و تنغزهااا ) ..

راشد :: هيه و هم يعرفون كل حد في هاييج المنطقة و لا كانهم غرب انا احس جني واحد منهم يوم اسير هناك .. وايد مرحبانيين ..

## عيال عمهم احمد هم ... روضة و هي قد حصة و مهرة ... و فاطمة اختهم العودة و معرسة بواحد من اهل منطقة المصطاف و عندها ولد اسمه محمد و هي حامل .. و شهاب عمره 21 و اللي المفروض يعرس بحصة اول ما تتخرج من الثانوية و اخوهم الصغير سلطان ##

ام سعيد :: كم يوم بنتم هناك ؟؟

مهرة :: ليييييين ما نمل ..

حمدان :: استحليتيها اشوفج.. جنه البيت بيتج .. يله يله ..

راشد :: يمكن نتم قراب الاسبوع ..

ام راشد :: على خير ان شاء الله ..

و تمو يسوولفون لين خلصو عشا و عقب ما ردوو بيتهم .. ساارت مهرة غرفتها تبدل و تلبس بجامتها عسب ترقد ..
و طبعا كالعادة فجت الباب بكل دفاشة .. و لقت شما راقدة ع شبريتها و متلحفة مغطية ويهها بس شافت نور يظهر من تحت اللحاف ..

يت مهروه و نشعت عنها اللحاف بالقووووو ..

مهرة :: بوووووو ..

نقززت شما :: بسم الله .. شو تبين ..

مهرة :: وانا اقول شو هاللي يبرق من تحت اللحاف .. تحريته نور ويهج ثرج يالسة تتعبثين بموبايلج ..

شما :: عن هالدفاشة مرة ثانية ..

مهرة حست ان شما بلاها شي اصلا هي ما كانت كلها ع بعضها يوم كانو يتعشوون .. فسارت يلست ع شبريتها و قالت لها ..

مهرة :: شمااامي شو بلاج ؟؟

شما :: ..................

مهرة :: شماااا ..

شما :: ............

مهرة :: في شي مظايج بج ؟؟

شما :: .............................

مهرة :: يعله الحزن فية و لا فيج ..

شما :: .....................

مهرة :: ها بدال ما تكونين فرحانة اليوم ..

شما :: و شو اللي بيخليني افرح يعني ..

مهرة :: كفاية انج شفتي عررررررب ..

شما ببرود :: و منو هالعرب ..

مهرة :: يا هبلة اقصد راشد ..

شما و هي تتنهد و تقول بصوت واطي :: غربل هالطااري ..

مهرة :: شو بلاج يالسة تتحرطمين ..

شما :: ..............................

يوم شافت مهرة ان اختها مطنقرة و داقتنها صنوف سكتت عنها و سارت و تلحفت ..

مهرة :: تصبحين على خير ..

شما :: و انتي من هله ..

يسوووود الصمت .. و من بعد ما مرت تقريبا عشر دقايق ..

شما :: مهااري ..

مهرة :: عوونج ..

شما :: رقدتي ؟

مهرة :: و انتي شو رايج هههه ..

شما :: انزين فيج ارقاد ؟؟

مهرة :: اممممم 25% ..

شما :: انزين انا ماقدرت ارقد ..

مهرة و هي تشل عنها اللحاف و تيلس :: ليش بلاج ..

شما و الغبنة قابضتنها :: احس في شي مثقل على صدري ..

مهرة (وهي تبتسم ) :: مردج لي بضيقاتج .. خبريني شو بلاج ؟

شما و هي تتدارك الدمعة اللي قربت تنزل من عيونها :: راشد ..

مهرة و هي تعقد حياتها :: بلاه راشد ؟؟

شما وهي تصد بويهها الصوب الثاني :: مــ .. مـــا بغيه ..

مهرة و هي تحاول تستوعب :: كيف ؟؟؟؟

شما :: مااااااابغيه .. ما اطيييييييقه .. ما ادانيييييييييه .. احس بظيقة كل ماشفته .. و احس بحرقة في يوفي كل ما طريتولي سالفة العرس ..

مهرة :: ليشششششش شو مستوي .. انتي بس قولي شو مسولج خليني انا بصفعه ..

شما :: ما سوالي شي .. بالعكس .. كل ماشفته المح الحب في عيونه وهالشي اللي يخليني اشمئز ..

مهرة :: لا اله الا الله .. حد يعرف ان اللي بيكون شريك حياته يحبه و يستظيج ..

شما و هي تعلي صوتها :: لا تقووووولين شريك حياتي .. مااااابغيه ..

مهرة :: كيف يعني ما تبينه ؟؟ انتي نسيتي انج له و هو لج .. هالرمسة مب من يومين و لا شهر و لا سنة هالرمسة من يوم كنتو صغار ..

شما باستياء :: ادري ..

مهرة :: عيل ؟؟

# شما طول فترة 3 شهور و هي مخبية عن مهرة شي وايد كبير بالنسبة لها .. خبت عن مهرة مشاعرها الجياااشة تجاه سيف اللي شافته الصيف اللي طاف يوم كانو سايرين ويا بيت عمهم المصطاف .. و شافت ان هاي هي اللحظة اللي لازم تخبر فيها مهرة عن هالحب الكبير اللي تحمله لسيف ..

شما و هي تحاول تتنفس بعمق و ترتب شعرها :: شوفي انا بقولج .. و ابغيج تقدرين اللي بقوله ...

مهرة :: افا عليييييج .. انتي رمسي .. مالج عون غير عون ربج و عوني .. انا اختج اللي تعودتي تبوحين الها بكل شي ..

و جتفت مهرة ايدها استعدادا للرمسة اللي بتقولها اياها شما ..

شما :: انا ادري زين اني محيرة لراشد من سنيين .. صحيح اني عمري ما حسيت بشي تجاهه لكن بنفس الوقت ما كنت رافضتنه يعني طول هالسنين كان موضوع راشد سيان عندي ..الين الصيف اللي طاف .. امممم انتي ما ييتي ويانا بيت المصطاف الاجازة اللي طافت .. فاستوى شي ما كنت عمري اظن انه بيستوي ..

مهرة :: شو استوى ؟؟

شما وهي تاشر على قلبها:: شفت هناك عررررب سبو لي هالقطعة من جسمي ..

مهرة كانت منصدمة بينها و بين نفسها .. بس ما حبت تبين هالصدمة على ملامح ويهها عسب ما تربك شما و عسب تخلي شما تحس بالارتياح و هي تفضفض لها ..

شما و هي تكمل و الشوووق باين في عيونها :: بلا ميعاد و باحلى صدفة دخل هالانسان قلبي .. حبيته من اول نظرة .. ماتصور نفسي اني اكمل حياته مع واحد غيره ..

مهرة :: امممم انزين انتي رمستيه ...

شما بنظرةاستهجان :: طبعاااا لاااااااا ... انا اخلاقي تمنعني و كرامتي فوق كل شي و تربية امي لي و بعدين انا اخاف ربي مستحيل اسوي جيه .. بس والله مب بيدي .. الحب من الله اااااه ..

مهرة :: عيل كيف حبيتيه :؟؟

شما و هي تلعب بيديها كنها تتذكر مواقف من الصيف اللي طاف في بيت المصطاف :: امممممممم .. مادري من اول نظرة حبيته .. و هو بيته قريب من بيت عمي احمد اللي هناك .. و هناك الناس وايد ويا بعض و بيوتهم قريبة من بعض .. يعني طول الفترة اللي كنت فيها هناك كنت اشوفه يوميا .. تعجبني هيبته و رزته بين باقي الشباب واموووت ع حركاااته .. ماقدر اوصف لج كيف هالانسان دخل قلبي .. احس بجاذبية و بنبضاات قلبي تتسارع كل ماشوفه ..

ابتسمت لها مهرة و هي في داخلها متحسرة على راشد ..

شما :: عسب جذه كل ماحد يطري لي راشد تضطر صورته انها تتلاشى من عيني .. كأن راشد هو مصيري اللي يلغي سعادتي معاه ..

و سكتن هن الاثنين .. وبعد ما مرت خمس دقايق تقريبا ..

مهرة :: لا تخافين سرج في بير ..

شما :: انا مطمنة حتى من دون ما تقولين هالشي ..

مهرة :: انزين شو اسمه ..

شما و هي مستحية و توها ياااية تتنطق والا سعيد فاتح عليهن الباب .. فوقفن اثناتهن ..

سعيد :: ها بنات اتزهبتن ..

شما :: تقريبا ..

سعيد :: انزين حاولن تخلصن كل شي بسرعة ..

مهرة :: ان شاء الله ..

سعيد و هو يطالع مهرة :: اسكتي انتي اسكتي .. زين ما ذبحتج اليوم .. ما تحشمين حد مووول ..

نزلت مهرة راسها ..

سعيد :: مرة ثانية انا بعد ما بحشمج .. مستصغرة عمرج يالياهل .. سخيفة وحدة زين ما جتلتج اليوم .. اكبري عااد و اعقلي .. تفشليييييين ..

شما :: ماعليه سعيد ان شاء الله غلطتها ما بتتكرر ..

سعيد و هو يتنهد :: ماعلينا الحين .. خلصن و ارقدن لان باجر ورانا مسراح من الغبشة .. نبا ناكل غدانا هناك ..

و افتر سعيد بيظهر من الغرفة و قبل لا يظهر

مهرة :: سعييييد ..

سعيد و هو يفتر مرة ثانية و يشوفها ..

مهرة :: سعيد .. انا .. انا اسفة ..

ما قال سعيد شي لف ويهه و ظهر من الغرفة ..

و من الزيغة نشن رتبن اغراضهن عالسريع وخذن الاشيا اللي يبنها .. مهرة و هي تشل كاميرا الفيديو و الكاميرا العادية ..

شما تطالعها و تبتسم :: عيل يلزمني اتعدل

مهرة :: هههههه اخاف ما تظهر الصور.. الفلم بيحترق بسبتج ..

و قامت مهرة و شلت بعد اللابتوب ..

شما :: شو رايج بعد تشلين الستارة .. مب احسن ههه

مهرة :: ههههه فكرت بس خفت لاتيي السماسيم ظربة شمس ..

شما :: شعنه شايلة الابتوب ..

مهرة :: تدرين اني ماستغنى عن الكمبيوتر .. من زود حبي للنت حتى خليته واير لس ..

شما :: انا مادري شو بتستفيدين من المنتديات و المسنجر ..

مهرة :: خليني براية .. تراية لي شعبية واسعة في المنتدى و لا و كاتبين تحت نك نيمي بالخط الاحمر العريض ملكة جمال المنتدى ..

شما :: وااااااايد عليييييج هههههههههه

و تمن يسولفن و يرتبن الاغراض و طول ما مهرة يالسة ترتب الاغراض تحاول تجمع خطط عسب تخلي شما تعدل عن رايها ... لان لو فجت خطبة شما و راشد بتكون كارثة في العايلة .. و فشششلة بويه عمها ..

و من بعد ما خلصن .. سارت شما ترقد .. و قبل ما مهرة ترقد فجت الابتوب عن خاطرها لانها ما تقاوم تشوفه و لا تفتح النت ..

بطلت مهرة المسنجر .. و شافت ربيعاتها .. يلست تسولف وياهن شوي و عقب ترخصت منهن بتظهر عسب ترقد زين و تنش من الغبشة لمسراح المصطاف ..

و توها ياية تصكر المسنجر و الا مفنودة حاادرة .. (اللي هو في الاصل مايد ) ..

مفنودة :: مرحبااااااا الساااااااع ..

شيطونة :: هلا واللللله .. شحالج

مفنودة :: بخير و انتي ..

شيطونة :: الحمدلله زينة ..

مفنودة :: ها تصالحتي ويا يزووي ..

شيطونة :: الحمدلله هيه ردت المياه لمجاريها ..

و يلسو يسولفون قراااب الساااعة و مايد ميـــــــــت على سوالف مهرة و شطانتها ..

مفنودة :: تدرين يا مهوور ..
شيطونة :: لا مادري خبريني ..

مفنودة :: ههه دمج عسسسسسسسسسل ..

شيطونة :: اشششش قصري حسج عن يسمعونج البعوض انا مب متفججة منهم ع جسمي بعد يحدرون يوفي ..

مفنودة :: ههههههه ... لا مافينا عيل ..

شيطونة :: فديتني والله عقب من وين بتييبون مهرة ثانية ...

مفنودة :: تراج نادرة ..

شيطونة :: لا انا دعاء ..

مفنودة :: شو دعاء ..ههههه

شيطونة :: اخت الاء ههههههه

مفنودة :: اقول مهوور ..

شيطونة :: هلا

مفنودة :: شو رايج نغامر ..

شيطونة :: اللللللله ياحبي لهالسوالف .. جان تغير مهرة نكها من شيطونة لــ mession imposible

mession imposible :: يلا قووولي .. بشو نغاامر ..

فهاللحظة ظحك مايد و غير نكه و حطه spy kids

Spy kids :: بااك ..

mession imposible :: يا مرحبااابج السااع

spy kids :: اسمييييج نشمية ههههه الناس يوم تقول باك يردون عليها بولكمووووووو

mession imposible :: شو ولكمو بعد هااي

spy kids :: هههههههههه شكلج معصوومة ..

mession imposible :: كيف ؟؟

spy kids :: اقووول ..

mession imposible :: امري

spy kids :: شو راااااااااااااايج نحدر الجات * و حط مايد الويه اللي على شكل ملاك ..

#مايد خطر في باله يعلمها ع الجات عسب تخترب و يتحقق مبتغى اخته يزوووي الحقوودة ..

mission imposible :: بسسسسسسم الله علية من هالطااااري .. * و حطت ويه معصب ..

spy kids :: بسم الله كلتيني بقشووري .. مافيها شي .. الا هو جات

حست مهرة بصوت نعال ياي غرفتهم فصكرت اللابتوب بسرعة حتى بدون ما تترخص من ( مفنودة ) .. و بسرعة صكرته حتى بدون ما تتريا يكمل الشت داون و سيدة حطته جدام الكبت و عقب عمرها عالفراااش ..
و شوي والا سعيد حادر يتاكد اذا رقدن و الا لا.. و يوم شاف كل وحدة منهن ع فراشها اطمن عليهن و ابتسم .. و بما ان مهرة عقت عمرها عالفراش بسسسسرعة فجزء من ريلها كان مب مغطاي ..
و هي مغمضة عينها بالقوووو و خااااايفة و هي تحس ان سعيد يتقرب منها اكثر و اكثر تصورت انه ممكن ينزع عنها اللحاف و ينشعها من شعرها ويقولها شو كنتي تسوين ع الكمبيوووتر .. و دقاات قلبها تزيد و شوي والا سعيد يتجدم منها و غطا ريلها زييين و لحفها بعدين ساار صوب راسها و مسح على شعرهاا و شوي و الا يخر على يبهتها و يبوسها ..

و هي مستغرررررررربة ليش سوى جيه .. و هو ظاهر سمعته يرمس عمره و يتنهد و يقول :: ااااااه الله يرحمك يابوية .. خلفت وراك ثلاث بنات اتكفل ابهن و اربيهن و انا حاس اني مقصر ابهن ..

من سمعته مهرة و هو يتمتم بهالكلمات طاح قلبها في بطنهاا صدق تعاطفت ويااه و ساامحته ع الهزبة اللي انهزبتها اليوم و البارحة .. عذرته لانه منبوونه ع جتافه حمل ثقيل .. حمل بيت و ثلاث بنات و امهن و هو بعده في عز شبابه ..



=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

!~¤§¦ ^^ من فينا هالليلة ينام ... و الشووق صااحي ما ينااام ... كل منا يا حبيبي ... شايل بقلبه كلام ^^ ¦§¤~!


كل واحد من عيال العم كان مرتبش للسيرة خصوووصا حصة و شهاب .. الحب بينهم من ايام الطفوولة حب كبير و عذري ... و حصة كل ما تذكرت انها بتشوف حبيب القلب شريك المستقبل باجر ينتفض قلبها و شهاب نفس الشي ..
قامت حصة من شبريتها و سارت المطبخ تشرب لها شي .. تبا تطفي لو شوي من هاللهيب اللي تحس به .. يوم دخلت المطبخ شافت راشد يالس على كرسي جريب من طاولة المطبخ و هو يقلب بالملعقة كوب النسكافيه و يتبسم و في عاااااااالم ثاااااااااااااني ..
حصة :: هلووووووووو يالعاااشق الولهان بشو تفكر ..

راشد :: .............................

حصة :: ايه رشوووووووود ..

راشد :: هااا ؟؟

حصة :: اللي ماخذ عقلك يتهنابه .. و غمزت له ..

راشد :: هههههه اسميني حالتي تكسر بالخاطر ..

حصة :: روحك الا مسوي بعمرك جيه ..

راشد :: شو اللي روحي .. حصة طلبتج

حصة :: عطيتك .. كم بو سنيدة عندنا ..

راشد :: يوم بنسير هناك بيت المصطاف فتحي الموضوع لمهرة و خل ترمس به شما .. استعيليهاا ..

حصة :: اممممم كم تعطيني ..

راشد :: بعطيج كف .. شو تبين اكثر عن جيه ..

حصة :: ههههههههه .. ما يسد ابغي غيره ..

راشد :: خلاااااااص امري تدللي غردي شو تبين ..

حصة :: اوووووه من متى و انا مستوية مولاتك هههه

راشد :: شو نسوي بعد الحاية بنت جلب ههههههههههههههههه

حصة :: ههههههههههههههههههههههههههه ..

و يلسو يشربون النسكاافيه ..

حصة :: بس راشد امممممممم

راشد :: شو امممممممم ؟؟

حصة :: انت مب ملاحظ انك حركاتك وياها زادت ..

راشد :: شو اسوي ابغي المح لها اني بموت بلاها ..

حصة و هي فاتحة عينها :: ها تلميح الحين .. ها اسمه تطفيرررررر .. ماشفت عمتي ام سعيد كيف كانت تطالعك وايد سكتت عنك ترا

راشد :: ههههههه يااا نااااااس لا تلوموني والله ماقدر اشوفها و ماعبر بشي ...

حصة :: اثقــــل يا فلاااااان ..

راشد :: ان شاء الله ,,

حصة :: خلاص ان شاء الله لو شفتك مستوي مؤدب في المصطاف و ماقمت تسوي حركاتك اوعدك اني استعيلهاا ..

راشد و هو ينش من مكانه :: تعالي بحب راسج ..

حصة و هي تضحك و تدزه بعيد عنها :: اييييييييييييه ..

=-=-=-=-=-=-========-=-=-=-=-=-=-=-=-=-=-=-=-=-=-

في بيت احمد بن حارب .. ( عمهم الثاني ) ..

عقب ما خلصو عشا .. يلسو يسولفوون ..

شهاب :: يلا جماعة ما بتسيرون ترقدون .. باجر لازم ننش من الصبح ..

روضة :: مافيني رقاد .. بيلس اطالع افلام لين الفير ..

شهاب :: هيه هيه و عقب سيري هناك و انتي مسطلة .. جان دختي و يتج رقدة وانتي تمشين ع ناصية البحر و غرقتي تراني ما بشلج ..

روضة :: لا تشلني .. انا فيني قوة عن عشر رياييل ..

سلطان :: بسكم هرش .. سيرو ارقدو انتو الاثنين مابغي اشوف حد واعي يلا يلااا

روضة + شهاب :: هههههههههههه

شهاب :: اسمع منووو يرمس ........ قوم قوووم .. لاعطيك كف يطيحك ميهود ..

روضة :: انت سلطانوه جب انت اخر من يتكلم .. ( و يابتها غير .. على فصحة شوي.. بدون ما تتعمد ) ..

سلطان :: من يتكلم اونة ههههههههههههههه تتحرين عمرج في مسلسل مكسيكي ..

شهاب :: ههههههههه الله يا الدنياااااا حتى سلطانوه قام يتشمت فيج .. الفال لسلينا الشغالة ..

روضة :: بلاهم هالجيل لسانهم جيه طويل .. انت و بنت عمك هند لسونكم تترايس .. تتحدون منو يطول السانه اكثرر ..

سلطان و هو يدز راسها بالرمووت كنتروول :: انتي ايه .. لا ترمسين عن خطيبة المستقبل ..

شهاب :: هههههههههههههه طحت واقف يا بو مايد ..مسولك راس بعد .. انت اول شي ادخل الاعدادية عقب ارمس ..

روضة :: دام كل واحد فيكم السانه اطول عن الثاني .. هاذا ويهي جان ما خلفتوو المتحدث الرسمي باسم البيت الابيض والله حااااااااااااااااالة ..

شهاب :: مستحــــــالة ..

و شوي و الا ام شهاب حادرة عليهم الصالة :: بسسسسسسكم من الزعيق .. رقاد يلا عسب ننش باجر ..

سلطانوه :: انا قلت لهم بس ما طاعوو ..

ام شهاب :: يلا فديتكم ..

روضة :: امي انتي متحمسة اكثر عنا نحن ..

ام شهاب :: هيه والله ابغي اشوف بنتي من زمان ما ريتها ( تقصد بنتها فاطمة اللي ماخذة واحد من هناك ) ..

روضة :: فديت ولدها يجنن والله فديت حمودي ..

شهاب :: تفديات ببلاش اشوف ..

ام شهاب :: بسكم .. باجر من نصبح نتريق و نسير .. يلا الحين قومو ارقدوو

روضة + شهاب + سلطان :: ان شااء الله امي

وحبو راسها و سارو رقدوو ..


=-=-=-=-=-=-=-=-=-=-=-=-=-=-=-=--=-=--=-=-=-=-=-=-=-=-=-=-=



بالباااجر .. الكل كاان مرتبش ...

كلهم تريقوو و ظهرو من البيت في حزة وحدة و تلاقو عند الشارع الرئيسي .. باربع سيايير ..
سيارة يقودها سعيد و فيها امه و مهرة و شما و هند .. و سيارة ثانية يقودها بو شهاب و فيها روضة و سلطان و ام شهاب .. و سيارة ثالثة يقودها بو راشد و فيها ام راشد و عبادي و حصوه و السيارة للرابعة فيها حمدان و راشد و شهاب ..

شهاب و راشد و حصة كلن يالس بصوب بالسيارة اللي هو فيها لكن قلبه في السيارة اللي تمشي حذاه .. .. ..

و طول الدرب و هم يمشون ويا بعض ..
و بنص الدرب وقفو عند محطة البتروول .. كلن عبى سيارته بترول عسب تكمل نص الدرب الثاني و طبعا ما يبالها كلام الصغارية صرخووو يبون حلويات و جبس و كاكاو ..

نزل راشد يشتري بارد.. والا شوي سلطان نازل من السيارة يبا يسير وراه و هنودة من شافتهم ربعت هي بعد تبا تمزر جيبها كاكاو .. و دخلو في الميني مارت مال المحطة ..

و في سيارة سعيد
شما :: سعيد دخيلك شوي اسفط جريب من الميني مارت ..

سعيد :: ليش ؟

شما :: ابغي اسير الحمام ..

و سار سعيد اتجدم بالسيارة عسب تنزل شما الحمام ..

عند باب الحمام حاولت شما انها تفج الباب بس ما انفج .. فصار لازم تحدر الميني مارت و تشل المفتاح من عند الهندي عسب تروم تدخل الحمام .....ياااااااهي عبالة .....

جبلت شما صوب الميني مارت و من اول ما انفتح الباب الاوتوماتيكي لف راشد راسه و شاف شما .. طااح قلبه .. ياااويلي عليج يا شماا بتذبحيييييني برزتج و عودج ..

و سارت شما عند الهندي و قالت له انها تبا المفتاح فطلب منها انها تتريى شوي .. في هالوقت كان في ريال ثاني في الميني مارت و شكله من هالشباب السخيفين اللي ماعندهم سالفة .. فيوم شاف شما .. قام يتقرب منها زيادة و زيادة و يسويلها حركات و يرمسها بمنتهى المياعة و الاخ يتحرى عمره رومنسي مايدري ان شما كانت محتقرتنه في داخلها.. و شما تصد ويهها و تفتر بصوب لكنه قليل ادب يلاحقها وين ما افترت .. في هاللحظة راشد وصل عنده الضغط مليون عصصصصصصصصصصصصصصصصب دخاااخين كانت تطلع من اذنيه .. و الاستاااذ المغازلجي كان عاد صدق ممصخنها .. ما وعى الا بايد على جتفه .. التفت والا يشووف راشد يالس يصاااارخ من قمت راسه شوي ويضرررررربه ..

الريال :: و انت شو لك .. وايد مسوي عمرك نشمي يعني .. خلنا نجيك ع موبايلك و نشوف كم وحدةترمس ..

ماوعى غير بضربة يايتنه ع صدره من ايدين راشد هني شما تدخلت ..

شما :: رااااااشد .. ايه لا تفضحناااااا .. الله يخليك ..

راشد :: جب انتي ... عايبنج يعني ..

حز في خاطر شما انه رفع حسه عليها فنزلت راسها و سارت .. و الريال من زيغته طلع من الميني مارت و هو يالس يتحرطم ..

و راشد في خاطره متندم مايدري كيف رفع حسه على حبيبة القلب و هزبها .. بس الغيرة اعمت له عينه .. ماتحمل ان شما ايي واحد حثالة جيه يسويلها .. كااان بيقطعه بس زين من الريال انه شرد بيلده ..


و بعدها سار يتشرى حق سلطان و هنودة و عبادي حلويات و شرى حق بنات عمومته بعد ..
و اشترى كيس مخصوص لكل سيارة ممزور بالبارد و السناكس ..

و التفت على الحاجز الزجاجي جان يشوف شما و هي ظاهرة من الحمام سايرة للسيارة و حس انها صدق اتظايقت من هزبته ..

شاف راشد في الميني مارت طرف صغيرون فيه تنبااع بطايق .. خذ له بطاقة و كتب فيها

&السمووحة منج يالغالية& .. و حطها في الكيس اللي بتشله هنودة لسيارتهم ..
و رد كلن من الصغارية سيارته ..

حدرت هنودة السيارة وركبت ورا ..

هنودة :: هاذا رشوود اللي ماعنده سالفة اشترالكن كاكااو ..
و فرت الجيس على شمااني ..
فتحت شماالجيس و شافت بطاقة فجتها و شافت اللي راشد كتبه ..

شما تقول في خاطرها هذا له ويه بعد ...
و يلسو يشربون و ياكلوون و يسولفون ....

هنودة :: سعييييد .. حط لي اغنية ..

سعيد :: هنودة انا شو قايل .. مب حرام الاغاني ..

مهرة :: انزين حط شريط شلات .. الشلات ما بها نغم او موسيقى ..

سعيد :: انا ماعندي لا شريط شلات و لا غيره .. ماسمع شي غير قرآن و محاضرات ..

مهرة بتردد :: انزين يستوي انا اشل ؟

سعيد طالعها بلمنظرة و بعدين دق على السكان :: براايج ..

هنودة :: هاذو سعيد رخصج .. سمعينا صوت الباب الحليان يلا هههههه

مهرة :: احم احم ..

لـــــو داركـــــم تبــــعد مســــافات اقــــرب من رمــــــــوشي لعينــي
و لـــو فــي الطــريق تمر ســاعات زولـــك على اللحــــظة يجيـــني

* الشلة لحمد العامري..

و مهرة تشل و شما تسمعها و هي منمدجة وياها.. صحيح ان ربي ما رزق مهرة الحلاة بس حط فيها صوت عذذذب يذووووب يهيض الاشجان .. سندت شما راسها ع الكشن .. ااااااه طحتي عالعوووق يا مهرة ..

و فجاة سعيد عصب و يلس يضرب على السكان بالقووو .. و يصكر السيارة و يرد يحط السويج و تظهر اصوات غريبة من السيارة ..

ام سعيد :: بلاك ابوية ؟؟ عين خير ..

سعيد :: انا متفيق للسيارة هاي بعد تخترب ..

هنودة :: اوهووووووووووووووووووووو ..

سعيد :: هنود اسكتي ..

وشوي و الا يرن موبايل سعيد جان يرد عليه ..

راشد :: بلاكم وقفتو ؟؟ ما نشوفكم .. لا تقول انكم سرتو المحطة مرة ثانية ..

سعيد :: لا لا بس السيارة بنجرت علينا ..

راشد :: افاااااا ..

سعيد :: هيه والله ..

راشد :: خلاص انا بتصل في الخدمات السريعة بخليهم يطرشولكم حد يصلح لكم السيارة ..

سعيد :: تسلم ماتقصر ..

راشد :: ان شاء الله ما بيطولون .. الله يعينكم ..

سعيد :: خلاص بنترياهم الله يكون في عونا يلا بو سنيدة فداعة الله ..

و سار سعيد يسفط بالسيارة جريب شوي من القار .. يتريا لين توصله المعونة ...

وهو بعد ما قصر نزل صوب البونيت يتعبث بالسيارة على الاقل يحاول يشغلها شوي ..
و شوي و الا يشوف سيارة BMW بيضة عليها رقم بوظبي احمر خاطفة جداه .. و وقفت حذاله ..

و بعدين نزل منها واحد .. ياااااااااااااااااااالله ع حلاااااته هيييييبته و طوله و عرضه و رزززززته .. ما شاء الله عليه تفز له مياااااااااااالس كان لابس كندورة بيج و متسفر بسفرة حمرا .. نزل و جبل صوب سعيد و شكله سعيد استاانس اول ما شااافه .. و دقووووووها خشوووووم .. و شما اول ما شااافته .. و قلبها يدق طبووووووووول مب قااادرة تسيطر على دقات قلبهاااا ..



سعيد :: مرحبا السااااااااااااااااااااااااااااااااااااااااااع ..

سيف :: يا مرحبااابك زووووووووود من دارك لداااري ..

سعيد :: وينك يا ريال ما تنشاااف ..

سيف :: تعرف عاد انا شغلي في بوظبي و ملزوم ايلس هناك .. اتحين الاجازات بس عسب انزل هناا .. الا تعال بلاك جيه متعبل جنك الا كهربجي .. هههه

سعيد :: والله حااالتي حااالة .. بنجرت علينا السيارة بنص الدرب ..

سيف :: افاااااااااااااا .. شكلكم كنتو ناوين تقضون الاجازة صوبنا ..

سعيد :: هيه والله .. بس حظوظنا نحسة .. الصيف اللي طاف فش التاير و هالمرة بنجرت السيارة الله يعين الصيف اللي بيي شو بيستوي ..

سيف :: بسم الله عليكم لاتيلس تفاول .. شوف .. ماباك تردني .. انا بعطيك سيارتي تركب بها الاهل و انا بعابل سيارتك و خلاف بييبها صوبك ..

سعيد و هو منحرج :: لا لااا يا رياال ماله داااعي والله .. الحين راشد اتصل بالخدمات بييونااا ..

سيف :: بو سنيدة بعد بيكون موجود .. السااااااع بتنور البلاد اليوم بييتكم ..

سعيد :: تسلم الشيخ النور نور هلهاا ..

سيف :: بس صدق ارمس .. هد هالعثرة الحين .. و يكمل رمسته و هو يطلع السويج من جيبه .. و خذ سيارتي سير بهلك هناك .. و انا بتم ويا سيارتك و من تخلص و تشتغل بسير بها صوبكم و بردها لكم ..

و بعد محاااااايل و ضغووطااات سيف وااافق سعيد ..

سعيد :: خلاص عيل نشوفك خلاف .. تسلم يالنشمي ..

سيف و هو يغمز له:: عليك الرب حااافظ ..

مشى سيف بعيد شوي عن سيارتهم بعد ما تبادلو السويجات عسب يرومن الحرمات يركبن السيارة ع راحتهن ..


و في سيارة سيف البي ئم دبليوو ..

شما كانت صدق مستاااانسة و بنفس الوقت مرتبكة يااااربي ماصدق اني الحين يالسة في سيارته .. اااااه يعلني فدااااه .. يااااللله عقبال ما ايلس ع السيت اللي جدام و ابتسمت و يلست تطالع من الدريشة ..

ام سعيد :: سعيد الا بتخبرك ..

سعيد :: امري اماية ..

ام سعيد :: منو هذا ..

سعيد :: هذا سيف .. ماتحيدينه ..

ام سعيد وهي تحاول تتذكر :: من سيف .. ؟؟

سعيد :: سيف اخو يوسف ريل فاطمة بنت عمي ..

ام سعيد :: اهاا .. الله يعطيه العافية اممممرة ما قصر ..






يوم وصلوو الجماعة بيت المصطاف سيدة فرشو السفرة و كلو الغدا اللي اشترولهم اياه وخلاف رقدوووو يبون يريحوون .. لان كل حد كان تعباان ..

و يوم نشوو قررو الشباب و اليهال و الشواب يسيرون يتمشوون و يتجولون بين اليبال و السهوول و بعدين يشترون اغراض حق البيت لانهم من الصيف اللي طاف ما حدروه ..
اما البنات و الحريم فهن تمن يرتبن البيت و يعدلنه .. و بدن يزهبن العشاا ..
بعدها يتهم فاطمة اللي ساكنة جريب من بيت المصطاف بحكم انها ماخذة واحد من هناك .. و تعشت عندهم و بعدين سارت بيتها .. و حلفت عليهم بالباجر ايوون يتغدوون عندها .. يعني مسوية عزيمة مخصوصة لهم ..

و من بعدها ترتبو للفراش و سار كلن ع فراشه عسب يرقد ..

يعني اول يوم لهم في البيت المصطاف مر عليهم بصورة وايد روتينية ..

عالساعة خمس الا ربع الفير .. كانت مهرة تتقلب في مكانها مب ياينها رقااد ..رفعت ساعتها جان تشوفها قريب تستوي خمس .. اوووووه معقولة الحين الساعة خمس ماغفيت الا شوي و انا مشكلتي من انش من الرقاد صعب ارد ارقد مرة ثانية .. براااية خلني اتم واعية اتريا الاذن .. و عقب ما اصلي بحاول ارقد مرة ثانية .. و نشت بخفة من مكانها و طلعت برى الغرفة و سارت الصالة .. و بما ان محد كان واعي غيرها فعقت شيلتها و وقفت عند باب الصالة و فتحته .. كان شعووووووور روووووعة يوم ضرب الهوا بشعرها و طيره على خدودهاا حست بانتعااااش نساها تعب الامس و تعب الدرب و التنظيف .. الجو صدق كان مغري كل مافيه يشجع انها تظهر تتمشى شوي برا ...

فردت لبست شيلتها السودة مرة ثانية و ظهرت برا .. يمكن احلى شي في بيت المصطاف انه قريب وااااااااااااااايد من شاطي البحر .. يعني بيت دراوزة البيت و الشاطي قراب العشرة متر تقريبا ..

كان كل شي هااااااادي و الجووو ضبابي عالخفيف رووووووعة و التراااااااب نظيف و نااااااعم يداعب اطرافها بلطف و الموج يتخلله و يترك زبد باشكال حلوة و احلى شي هو نور الفجر الخافت اللي يطل من ورا السحااب العالي ... كاانت مستاانسة من الخااطر و تمشي و تلعب بالماي و لا حاسة بالكوون حوولها .. فجاة رفعت راسها جان تشوف ريال وااااااقف بعيــــد ماعرفته منو هو .. هو بعد شافها بس لف الصوب الثاني .. فافترت و هي تعدل شيلتها و تدخل شعرها زين .. و من افترت لفت انتباهها محارة عودة وايد حلو كان لونها بيج مايل ع الوردي و لمااع ..جان توخي عسب تلتقطها .. و شوي و الا تحس بلدغة في صبعها .. صرررررخت بصووووت عالي و عقب الصدفة على الارض اللي انشرخت و انقصت نصين.... و شوي و الا تشوف هاذاك الريال اللي كان واقف يربع صووبها و هو زااايغ و اول ما وصل عندها افترش الارض و يلس على ركبته و هو باسط ايده على فخذه .. حاولت تعدل شوي يلستها و تدخل شعرها زين و تغطي بطرف شيلتها ويهها لانها صدق كانت مفتشلة بس كانت تتالم بنفس الوقت .. و يوم تقرب صوبها انتبهت ان هالريال هو نفسه اللي فزع لهم يوم بنجرت سيارتهم ..

مهرة بصوت شبه مكبووت :: اااااي .. يعوووووورني ..

سيف و هو زايغ :: وين وين ؟؟

مهرة و هي تاشر ع طرف ايديها و تصارخ جنها ياهل :: هنييييي هنيييي ... اخاف يطلع لي دمممممم ..

ماوعت الا و هو زاخ ايديها يتفطن مكان اللدغة ..

مهرة و ويهها معورنهااا :: أيـــــــــه شو تسوووي ..

سيف :: ماعليج الشيخة انا دارس صيدلة .. و اشووف ان اللدغة مب هاك الزود ..

و نش من مكانه و و رفع كندورته شوي و تحزم بها و سار صوب البحر و بل ايده بماي البحر و رجع مرة ثانية صوبها يراابع و زخ ايدها و حط عليها شوي من هالمااي ..

مهرة تصارخ جنها ياااااااااهل:: اااااااااي يعوووووووووووور ..

سيف :: ماعليه .. احين بيخف .. و بسرعة شل سفرته عن راسه و ربط بهاا صبع مهرة الملدووغ بالقووووو .. و كان يدور على أي شي حوله عسب يضغط ع الضماد .. جان يشوف قطعة المحار اللي انقطعت و شلها و ضغط ابها على السفرة ..

مهرة و هي تحاول تمسح ادمووعها و سيف يالس يطالعها .. الحين مب عارف شو يسوي يضحك عليهاا و على شكلها و هي تصارخ جنها ياهل و الا يخاف على صبعها من اللدغة والا يحس بالذنب ع اللي سوااه ..

و من عقب ما ربط لها ايدها .. قامت من مكانها و قالت .. السموحة منك اخوية شكلي تعبتك وياية ..

سيف :: انتي اللي سمحيلي .. ادري اني المفروض ما كان لازم جيه اسوي بس اعتبر هالشي جزء من تطبيق دراستي ..

و لاقل من بضع ثواني و هم الاثنين ساكتين و يطالعون بعض و مهرة تطالعه و هي تــــايهة بعيونه .. من شافته و هو مجتف ايديه و يطالعها نست الالم اللي تحس به ... و كل واحد منهم متلووم من الثااني حيل .. و شوي و الا تهب نسمة خفيفة نبهتهم عالوضع اللي هم فيه ..



سيف :: اممممم اتمنى انج تكونين بخير .. الحين بياذن .. اترخص منج بسير المسيد ..

مهرة و هي منزلة راسها :: تقبل الله ..

و افتر سيف بيروح المسيد ..
و فجاة ..

مهرة :: اممممممم احم .. يالنشمي ...

افتر سيف مرة ثانية و هو يطالعها ..

مهرة :: مشكور .. مرة ثانية ..

ابتسم لها سيف ابتسامة ضيعت منها عقلهاا .. و قال :: دووم حاااضرين ..
و مشى و انتبه ان جزء الصدفة بعده بيده ..


و من سار .. يلست مهرة ع الارض و شلت الجزء الثاني من الصدفة و سارت صوب البيت .. و صلت و رقدت .. و هي بعدها مب مصدقة اللي صار لها ..




~¤ô¦¦§¦¦ô¤~^^ صدفة قلبي غدابه ذاك الغر الحشيم

توه باول شبابــه يرمي بسهم العين ^^
~¤ô¦¦§¦¦ô¤~
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
رد : ღ.ღ. مثل الهــوا و المــاي .. سيـــف ضـروري ღ.ღ.

اولا ..

اشكرج مهاري ع تكملة القصه نيابة عن شحية قح ..

ثانيا..

مشكوره يا الشحيه ..لج وحشه ...و ان شاء الله انجوفج جريب في البرزة ..

و ما اتقصرين يا مهاري ..

معاني..
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
رد : ღ.ღ. مثل الهــوا و المــاي .. سيـــف ضـروري ღ.ღ.

لـــــو داركـــــم تبــــعد مســــافات اقــــرب من رمــــــــوشي لعينــي
و لـــو فــي الطــريق تمر ســاعات زولـــك على اللحــــظة يجيـــني


الله ع هالجـزء الروعه ...
و الله انا اشتقنا للقصه ...
بس شو يا الشحية ...عفستي علينا الدنـيا...سيف بيحب منوه ..؟؟
مهاري ولا شيماا..؟؟
احدااث حلوه و بنفس الوقت تتشوقين اتعرفين شو بيصير ..؟؟
راشد حب من طرف واحـد ...
و سعيد..متشدد بس بنفس الوقت يشيل قلب طيب
مهاري: اتمنى اتكون ثقتها في نفسها كبيره و ما يأثر عليها مايد ولا اخته اليازي ..
و شيما : ابصراحه شكلها بتتعذب وايـد ..الله يعينها ..
و سيف مثل ما قلتي مثل الهوا و الماي ضروري ..


بانتظار بقية البارات ..

معاني ..
 

مهاري

๑ . . حبوب البرزة . . ๑
التسجيل
10 نوفمبر 2004
رقم العضوية
2425
المشاركات
122
مستوى التفاعل
0
العمر
35
الجنس
الإقامة
مدينة الحب و الجمال راك سيتي لول
رد : ღ.ღ. مثل الهــوا و المــاي .. سيـــف ضـروري ღ.ღ.

تسلميييين الشيخة معاني

انا شاااكرة لج جدا مرووورج و شحية قح تسلم عليكم واااااااااايد
وتقول انها متولهة عليكم

و تنزل لكم هذا الجزء
 

مهاري

๑ . . حبوب البرزة . . ๑
التسجيل
10 نوفمبر 2004
رقم العضوية
2425
المشاركات
122
مستوى التفاعل
0
العمر
35
الجنس
الإقامة
مدينة الحب و الجمال راك سيتي لول
رد : ღ.ღ. مثل الهــوا و المــاي .. سيـــف ضـروري ღ.ღ.

بسم الله الرحمن الرحيم ..

¨¨¨°~*§¦§ صدفة قلبي غدابه .... ذاك الغر الحشيم ... توه باول شبابه .... يرمي بسهم العين §¦§*~°¨¨¨


الجزء الخامس ..

من بعد ما سار سيف عن مهرة يلست عالارض.. يلست تتامل صدف المحار المنشرخ .. ااااه يااااربي .. ابغي حد ايي يقرصني ياااربي انا في حلم و الا في علم .. بس صدق كان يعوووووووور .. واللي عورني اكثر هو ويهي ايييييه فشششششششلة .. ياااااارب مايكون هالريال يعرف سعيد او حد من عيال عمي .. اوييييه لو سعيد درى شو بيستوي .. بيدفني حية .. ناقصة انا .. و كملت رمستها بينها و بين نفسها و هي تتنهد .. بس يااااااالله عليه كيف كان بادي على ويهه الخوف و الحنان بنفس الوقت .. ما كان يلزم انه يربط السفرة و يبل ايديه بماي مالح ...كااانت تسد نظراته والله .. عيوونه عذاااب .. اااااااه ... اممممممم اييييييه انا شوووو يالسة اقوووول اسميني ماستحي على ويهي ... ارد البيت احسن لي قبل لا ينش حد و يكشف اني مب موجودة ..


و ردت البيت و هي تمشي بثقل .. من اول ما وصلت البيت .. سارت الغرفة اللي راقدين فيها البنات ( هي و شما و روضة و حصة ) .. و وقفت عند الكبت المخصص تحط اغراضها فيه .. و بطلت سفرة سيف و ربعتها و حطتها ع الطرف بحيث انها ما تنشاف الا اذا حد نبش الكبت .. و من عقب ما حطته صكرت الكبت و تساندت عليه .. و تنفسسست بعمق .. و يلست تطالع اختها بنات عمومتهااا .. جان تنتبه ان روضة فجت عيونها ..


مهرة :: تزيغييييييين ..

روضة :: ماااالي خلق لج ..

مهرة :: هههه صبحج الله بالخير ..

روضة و هي تشل عنها اللحاف و تيلس :: بالنووور و السرووور مهااري ..

مهرة :: ها رقدتي زين ..

روضة :: هيه مع اني بالعادة ماعرف ارقد غير على شبريتي .. وانتي ؟؟

مهرة :: اممممممم هيه يعني ..

روضة :: من متى نااشة ؟؟

مهرة / بارتباك :: امممم .. ماشفت السااعة بس مب من زماان ..

روضة :: اهااا .. انا الحين بسير اتغسل و اصلي .. مسوين ريوق في الصالة ؟؟

مهرة :: مادري ماجيكت .. تبيني اسويلج حليب ؟؟

روضة :: تسوين خير .. منو واعي غيرنا ..؟؟

مهرة :: ماظنتي في حد ناش غيري انا وياج مغبشاات .. حشى .. حتى واعيات قبل الخباز هههههه ..

روضة :: هههههههه .. خلاص انا الحين يايتنج ..

و نشت روضة من مكانها و سارت الحمام عسب تتغسل و تتوضى .. ومن دخلت روضة الحمام شلت مهرة شي ما تستغني عنه ( اللابتوب مالها ) .. و سارت به الصالة و شغلته .. و لحد ما يشتغل سارت تسوي حليب .. ومن عقب ما ردت المطبخ سارت الصالة و لقت روضة يالسة تتعبل بالاب توب ..

مهرة :: نشي عن ولدي ..
روضة :: هههههههه خيبة هالقد تعزين اللابتووب مهرووه..

مهرة :: شو اسوي هو الشي الوحيد اللي يسليني ..

روضة وهي حايسة ثمهاا :: امحــــــق ..

مهرة و هي تدافش و تدز روضة :: نشي شوي خل اشوف من مغبش شراتي ..

روضة و هي تجب حق عمرها حليب :: لا تقولين انج بتشبكين بالنت ... راحت عليك يا صاحبي ههه

مهرة :: هههههههه حبيبتيييييييي اصلا انا عندي احم احم و (وهي ترفع خشمها ) :: واير لس ..

روضة :: نعم ؟؟ شو ها المنكر بعد ..

مهرة :: هههههه يا عبيطة ها يعني اني اروم احدر النت بأي وقت و باي مكان بدون ماشبك وايرات .. و غمزت لها ..

وسارت روضة يلست حذالها و هي تشرب الحليب .. روضة :: شو بتسوين الحين .. ؟؟

مهرة :: بحدر المسنجر ... بشوف منو موجود اون لاين ..

وحدرت مهرة المسن و شافت مفنودة ( مايد ) ... ومايد كان مستانس لانه شافها اون لاين ..

مهرة :: شو تسوين من الصبح يالسة ..

مفنودة ( مايد ) :: و عليكم السلام ..

مهرة :: هههههههههههههههه .. شحالج ؟؟

مايد :: بخير والله ...

مهرة :: شو ميلسنج هالحزة عالنت ..

مايد :: تراية مواصلة ..

مهرة :: اويه سيري رقدي عيل ... مايرزى عليج ... شكلج وايد عندج بنات في اللستة ..

مايد :: لا والله وين ... ماعندي غير خمس و انتي السادسة ..

مهرة :: جكيتك .. يالمصممة يالخطيرة .. ثرج سهرانة تدراين تصاميمج .. يضرب الفن شو بيزل خخخخ

روضة :: انتي حتى بالمسنجر خبلة ههههه

مهرة :: جب يلا روضوه لا تقولين شي ع الشيخة مهرة ..

مايد :: هههههه لا مب جيه السالفة .. اقولج شو كنت اسوي وماتاخذين فكرة غلط عني ..

مهرة :: قولي ..

مايد :: كنت داخلة الجات ... / وحط ويه على شكل ملاك ..
روضة و هي تدافش تبا تزخ المااوس :: احذفيييييييهااا .. احذفيهااا .. لا ترابعين بنات من هالنوع ..

مهرة وهي تزخ ايديها :: تريي شوي .. يمكن يالسة تستهبل ..

مهرة و هي تكتب بالمسنجر :: ههههههه بلاج شكلج يالسة تستهبلين

مايد :: والله العظيم ... انا ماجذب على حد ...مابغيج تاخذين فكرة عني ..

روضة و هي تنبه :: مهروووووه حذفيهاا .. لا تخلين عندج بنات يحدرن الجات في لستتج ..

مهرة ترد تكتب و هي مسوية لروضة طااف :: امممم مب عيب جيه تسوين ..

مايد :: مهاري .. شو بلاج ؟؟ افاتشكين فية .. والله يا مهاري انا احدر لاني ملانة ..

حطت مهرة ويه يبحلق يمين ويسار اونة يفكر و مستغرب .. << تعرفون الويوه الصفرا اللي بالمسنجر ..

مايد :: كل اللي اسويه اني ادخل باسم مستعار و ارمس واسولف و اظهر .. لالي شي و لا علية شي .. الاهي سوالف .. واللي في الجات هب نشادين عني عسب يمسكونها علية ..

و يلس مايد يرمس و يرمس و يرمس و روضة و مهرة مبحلقات بالشاشة يسمعن كلامه واللي يقوله ..

مهرة :: امممممممم انزين ... أي جات تدخلين ..

مايد :: مب كل مرة نفس الجات ... اغير من وقت للثاني ..

مهرة :: انزين شو احلى واحد فيهم ..

و جان يعطيها مايد موقع الدردشة المفضل عنده ..

روضة :: مهرووه لا تقولين انج بتحدرين ..

مهرة :: بنجرب شوي ..

روضة :: مهااااااااااااااري ..

مهرة :: اففففففف انتي محد يسوي حذالج شي ..

روضة :: انزين خلاص خلااااص ..

مهرة وهي ترمس مفنودة (مايد ) :: انزين انتي شو نكج هناك ..

فهاللحظة شكر ربه مايد ان نكه يصلح يكون نك صاحبه ولد او بنية .. عادي ماتفرق ..

مايد :: انا احدر هناك بنك (( انا افدا بلادي )) ...

مهرة :: اهااااااا .. انزين اترخص انا الحينة ..

مايد :: اوكي حتى انا لاني وايد تعباان ..

ومانتبه انه قال تعبان مب تعباانة ..
روضة :: ههههههه ربيعتج نقعت اشوفها استوت خان ,,

مهرة :: ههههههه برايها مصطلة ..

مهرة تكتب :: فداعة الله بااي و سلمي على اليازية ..

مايد :: بااي

وصكرت المسنجر .. وفتحت الفوتوشوب تخربط و تكتب ..

روضة وهي تصد صوب مهرة :: منو اليازية ..؟؟

مهرة :: اليازية هاي اللي بصفنا ترا هاي بنت خالتها ..

روضة :: اهااا .. ساعات اشوفها بالفسحة الصراحة ماتعجبني ..

و مهرة امررررة مندمجة بالفوتوشوب ..

وشوي و الا تحدر عليهن حصة بنت عمهن الثانية ..

حصة :: صبااح الخيييييير ..

روضة :: صباح النوور ..

حصة :: ايه مهور بلاج ما تردين ؟؟

ومهرة مسوتلهم طااف و هي منمدججججة بالتصميم ..

روضة :: هههههه خليها هاي في عالم ثاني ..

وصبت لها حليب و يلست حذال مهرووه ...

حصة و هي اتدز راس مهرة :: ايه عنلاتج ردي يالخبلة ..

مهرة :: ايييييه شو تبين ..

حصة :: سليني وياج ..

مهرة و هي تحط الهدفووون ع اذن حصة :: اندوج سمعــــــــــــي ..

وعلت مهرة على الصووت لااااااخر حدددد ..

حصة :: اللللللللللله احب هالاغنية ..

مهرة :: عنلاتج انزين بلاج تصارخين ..

روضة :: ههههههه شكلها مب حاسة بعمرها ..

حصة و هي طرباانة و بصوت عالي نظرا لان صوت السماعات عالي فمب حاسة بعمرها :: برقن لمع في مقلتي و الحشااا ناااااااااار .. و اشوف من بين المقااادير حتفي...
و روضة و مهرة يضحكن عليها و هي ماشافتهن لانها يالسة تقلب الملعقة بكوب الحليب ..

وشوي و الا شهااب حادر عليهن .. مهرة و عدلت شيلتها و لفتها زين .. وبهاللحظة دقت روضة حصة عسب تنبهها لكن حصة ماسوتلها سالفة و يلست تدندن و تلعب بالحليب و الملعقة ..

شهاب :: السلام عليكن ..

روضة + مهرة :: و عليك السلام ..

شهاب و هو يطالع حصة و فيه ضحكة :: شحالج مهرة ؟ ربج الا بخير ..

مهرة :: الحمــ
و توها ياية تكمل كلمتها و الا يسمعن حصوه تفز ..

حصة و هي تصارخ مستااانسة :: اللللللله احب هالمقطع .. و تغنى معااه .. جااااااني رسووووول اخبااااااار من وااادع و ساااار قاااسي حروفه ضااااااقت احزااان وصفي ..

شهاب وهو يحط ايده بجيبه:: هههههههههههههههههههههههههههههههههه

روضة و مهرة يتنااغزن ....

و روضة ومهرة و شهااب يسلوو يسمعووونهااا و يضحكوون عليها و هي مب منتبها لشي حولها لان صوت السماعات على اذنها كان وايد عاااالي ..

ومن خلصت شلت عنها السماعات و سندتهن جدا الاب توب .. و من حطتهن ماوعت غير بصوت تصفيق ..

كانن روضة و مهرة يصفقن و شهاب ميـــــــــــــــــــــــــــــــت ضحك ..

شهااب :: هههههههههههههههههههههههههههههههههههههههههه لا شلج الله يا بنت العم ..

وقفت حصة مصدومة و هي تعدل شيلتها ..

شهاب يكمل رمسته :: يا سلاام عليج .. هالقد طربااانة .. اخاف يوم عرسنا تنشين من الكوشة تسوين نفس الشي ..

روضة :: ههههههههههه يا حظ اخوية في بنت عمي دام هاجيه بيكون عرسهم ..

مهرة :: ههههههههه

و حصة ويهها غادي اشاير مرووور ... و ربعت بسررعة صوب باب غرفتهن ..

شهاااب :: ويلي انا ع الخدود اللي استون طمااط .. ههههههه


و قبل ما تقبض الباب و الا شما فتحته .. وتنحت شوي على ينب يوم شافت حصة مندفعة و هي تدخل الغرفة ..

شما وهي حادرة الصالة :: السلام عليكم ..

مهرة + روضة + شهاب :: وعليكم السلام ..

وشوي و الا راشد حادر ......... ااااااااه .. لو شو ما يستوي اليوم ماظنتي بقول ان في شي احلى من اني اصبح بهالويه .. فديته و فديت راعيته ياااربي ..

راشد :: السلام عليكم ..

روضة + شهاب + شما :: وعليكم السلام ..

راشد :: مهروه انتي ليش ماتردين السلام ..

مهرة :: مليت من اشتغل رسبشن .. عنبووو كلمن حدر حد فزيت اويب .. زين مني مسوية لكم حليب ..

شهاب :: بتتمننين الحين ..

حمدان وهو حادر الصالة ..:: السلام عليكم ..

مهرة :: اوهوووووووووه ..

حمدان :: شو بلاج ام لولش ..

روضة :: هههههههه انت بعدك تسميها ام لولش .. ما كبرتووه ..

مهرة وهي تتصنع الاشمئزاز :: افففففف الحين اندوكم بيحدر سعيد ولازم نرد السلام .. خل اريح لسااني شوي .. تعبت ..

وشوي و الا سعيد حادر و هو يتحنحن ( شكله سمع رمسة مهرة ) ..

سعيد و هو يطالعها :: السلام عليكم ..

الكل و اولهم مهرة :: وعليكم السلام ..

و افتر عنها و سار المطبخ ..

حمدان :: هههههههههههههههههه غصبــــن عنج ..

مهرة و هي تطلع لساانه :: اننننننننن مادينك ..

حمدان :: الله يخليج يعني انا اللي اموت فيج .. ههههههه

و لسو كلهم يسولفون ... او بالاصح .. حمدان و مهرة يتناقرون جنهم ديج و دياي و الباجين يضحكوون .. و راشد عينه على شمه اللي طول الوقت كانت يالسة وياهم بجمسها لكن قلبها مفتر صوب الغالي اللي قابع على بعد كيلوين تقريبا .. و شهااب عايبنه اليلسة بس كانت بتعيبه زوود لو كانت حصة يالسة وياهم ..

وشوي و الا تدخل ام مهرة و ام روضة و ام حصة الصالة ربااعة ... كلن فز من محله و حبهن ع راسهن .. و يلسوو كلهم سواا ..



ام شهاب:: الااقوول ... ترا بنتي عزرت الا نتغدى عندها اليوم ..
ام راشد:: كلنا لازم نسير ..
ام سعيد :: عازمينا كلنا من صغيرنا لكبيرنا ..
ام راشد:: فنحن استحينا نردهم ..

حمدان :: امي انتي اصلا بغيتيها من الله ... ماتفوتين عزيمة ..
وشوي و الا يحصل ضربة بالفنيال على جتفه ..

الكل :: هههههههههه ..

مهرة :: وييييوو ضربوووه ..

حمدان وهو يسير صوب امه و ييلس حذالها و يبوسها :: فدييييييت اماااااااااية ... ياخي احبج زود يوم تعصبين يالعيووز ..

ام راشد :: عازت ركبك ..

مهرة :: ههههههههه ... بوسها مرة ثانية رااضهاا ..

حمدان :: لا مب جداامكم ..

مهرة :: جيه ناوي تشفر خلاف خخخ

ام شهاب :: المهم نحن عالساعة 12 الظهر لازم نكون عندهم ..

روضة :: وين بيتهم ؟؟

ام راشد :: قريب .. فرت حصة ..

ام شهاب :: يعني لو وقفتي حذال باب البيت بترومين تشوفينه ..

شما :: على خير ..

وبالساعة 30 :12 سارو عندهم .. و من اول ما وطت اقدامهم ع عتبة دار بيت فاطمة و ريلها .. لقوو ترااحيب حااارة و استقبااال يليج بالضيوف ..

من اول ما دخلو استقبلتهم فاطمة .. و خذت البنات داخل البيت .. و خلت الشباب و الشياب يحدرون الميلس .. و هنودة و سلطان و عباادي يسلو يلعبون بالحوش وارتبشوو وايد ويا حموود اللي هو ولد فاطمة و من نفسه سنهم ..

فاطمة :: ياااامرحباااا السااااااااااع ..

ام راشد :: مرحبااابج زوود ..

فاطمة :: نوووور الداااار ... و من بعد ما وايهت البنات سارت عند امها و خرت ع راسها و غدجت عليها بالتحبيب و التراحيب صدق كانت مستاانسة بوجودهاا ..

و يسلوو كلهم يسولفون و يتفولون ع الخفيف ..

و في ميلس الرياييل نفس الحالة .. كان يوسف و اخوه سيف مب مقصرين في الريااييل .. رحبووبهم و فولووهم و يسلو يسوولفوون وياهم و اندمجوو مع بعض بالسوالف كنهم يعرفون بعض من سنين .. خصوصا سعيد وايد ارتااح لهم وهو واايد يحب سيف ..

وتموو على هالحال .. وشوي والا يسمعوون صرااخ من الحوي ..

هنودة وهي تزااعج :: ييييييييب الكوووووووووورة ..

حمود :: مااااااالي مابعطيييييج ..

هنودة :: اييييييه ييب .. سلطان قوله اييب ..

سلطان :: بقوم بظربك ترا .. عطها اقووولك ..

ومن سمعت روضة سلطان يهدد خزت شما و قالت لها ... لحقـــــــي ترا سلطان يسويهااا .. و ظهرت شما برا تلحق عليهم عن يصدق يكفخه .. و من شما سارت ظهرت مهرة وراها ..

وقفت مهرة قريب من باب الصالة و مهرة سارت الحوي وهي محرجة و متخصرة .. وشوي و الا يشوفون واحد ظااهر من ميلس الرياييل و هو يقول :: هههه ماعليكم يهال ترا الا هم بسير اشوف شو عندهم ..


ومن صد شاااف مهرة و تيبس مكانه و اللي تجمد اكثر هو انفاس شما و قلبهاا ..


يتبع .
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
رد : ღ.ღ. مثل الهــوا و المــاي .. سيـــف ضـروري ღ.ღ.

:mf_death:

:mf_death:

سيف بيحب مهره حـرااااااااااااام و شيمـــــــــــــــااا :eek:ffended:

مهاري ..بليز نزلي الجزء الي بعده ..:smile:

الظاهر شي احداث حـــــــــلوه ..

مشكوره مهاري ..

و نريا الجزء الياي ..

معاني ..
 
عودة
أعلى