][ مسـابقة المأكــــولات الرمضــــانية ][

[حورالامارات]

رد : ][ مسـابقة المأكــــولات الرمضــــانية ][

مممممممممممممممممممممممممممم

احس الدياية لذيذة ما شاء الله عليج يالماسة شكلج طبيخــــــــــــــة


انا باجر بحط لكـــــــــــم .....ترى دوري .....احم احم ...

 

[غزالة الجبال]

رد : ][ مسـابقة المأكــــولات الرمضــــانية ][

كشخه المااسه الحمراااء طباااخه ماا شااء الله عليج بس تعالي الدياايه ليكون حاارقتنهاا يحليلهاااا ^_*

المعكرونه من نصيبي صح ،.. ^_^


يالله بانتظاار البقيه .. شدواا حيلكم ياا جماااعة الخير ،. وحور يالله بترياااج عيال .. ^_^

عوااشي ما بتطبخين لناا انتي ولاااااااااااا لا بس رااويناا طبخج الغاليه اباا اشوف .. ولو انتي المسئوله عن هالمساابقه عاادي حطي لي طبخه من طبيخج خليني اضمن مستقبلج ياا بت :m_atmasha


يالله بانتظاار البقيه :h_qor9ana غزووولة ناائبه واليد اليمني لعوااشي هههههههه ،..

لا تنسوون سوو لي محشي :005:


مب كاااني رمست وااااااااايد .. من الجوووع .. :h_vooh:



(`'•.¸(` '•. ¸ * ¸.•'´)¸.•'´)
«´¨`.¸.* غزووووووووووووولة*. ¸.´¨`»
(¸. •'´(¸.•'´ * `'•.¸)`'•.¸ )

 

[أدركت القـ م ـر]

رد : ][ مسـابقة المأكــــولات الرمضــــانية ][

إحم إحم السموحه ع التـأخيـــر بس تعرفون رمضــان الدنيا تكون فيهـا معتفســــــهـ ... :m_atmasha




غنـاتي.. يا مرحبابججج مليون الغلا منوره ... جوابي ع سؤالج المسـدوح إنه هيه هنيييييه تحطين الاكله ع المـــــلأ :Good: بإنتظار مشاركتــج الحلوه





الأخت الغاليه الماااااااسونه الحمرا شوه هيدااااااااااااااا كلووو ما شاء الله علييييج ايوه كده البنت الجـدعــــــهـ .. يالله يا بنااااات اتقدعنوا بأه :Good: ومن الشباب يالله راونا مهارتكم .. لا تخلون البنات يغلبونكم :m_atmasha



تسلم ايديييييييييييييييج الغاليه لا خلى ولا عـدم :h_6abakha




حوااااااري يالله نحن بانتظارج لا تبطيييين :g_ouf:





غزوووووووووووولااااه يا هلا والله مليووون

يالله حبوبه نحن بانتظار مشاركتج ويانا لا تقولين إيد ما إيــــــد.. هااااه.. يالله انتي وبنت التراث بعد شاركوا وشدو حيلكم .. مب مهم الفوووز المهم المشاااركه احم احم



وعن أكلاااااتي ان شاء الله بحط لج اليوم شوه طبخت خخخخخخخخ

يقولج سويت كبه بالسلايس .. وكيكة مارس .. و حشيت بعد السلايس دياي وأخيراً وليس آخراً أذن كككك

هاه شوه رايج فيني..؟ براويج عقب ترتيباااتي :h_mynoon:





يالله يا الحلويييييين نبا مشاركااات :h_kekh:

 

[الماسة الحمراء]

رد : ][ مسـابقة المأكــــولات الرمضــــانية ][

غزالة انتي بس امري يالغالية و بتوصلج

خخخخخخخخ والديايه مب محروقه هذا لون الجرفه بس واايد لذيده

و بالعافية علييييييييج



وتسلمين اوااااااااااشي يالغالية
بس انشالله يعجبكم هذا اهم شي



وانشالله نشوووف الباجي

 

[رهف]

رد : ][ مسـابقة المأكــــولات الرمضــــانية ][

يا مرحبا بكم
شحااااااالكم
عساكم بخير

بخبركم ترا رهف جهزت لكم اكلات مما لذ وطاب وان شاء الله تعيبكم
وجربوها ما بتخسرون

ع فكره الأكلات انا وبنت اختي وله النعيمي طبخناها لكم

وبنحط لكم وجبة الفطور بس هب كامله لان ذاكرة الكيميرا خلصت خخ


المهم هالفطور وعقب بنتخير لكم كمن اكله وطريقتها


طبعا اول ما تفطرون بتفطرون ع سح او رطب ولبن او فرش برتقال
وها صورهم


السح

اللبن بس مجلوب سوري

وبعدين طبعا الشوربة

وعقب شيء ضروري ع طاولة الفطور السمبوسه وختها البكورة

وهاي السمبوسه

وهاي البكوره - ما ادري شو تسمونها انتو -

وعقب ايي دور الاكلات الدسمة وصورنا لكم منهم

الهريس

واللقيمات

وعيش وصالونة دياي بس الديايه مجلوبه وحليلها ما انتبهنا لها
هاي الثور وله ناجبه العيش وجالبتنها خخخ

وهاي صورة ثانية له

واخيرا سلاحف الننجا

اسمحولنا خلصة ذاكرة الكيميرا ولا صورنا لكم الفطور كله
المهم الباجي من الفطور كان عبارة عن خبز خمير وثريد وصاغو وخلية نحل ومحشي ورق عنب - محشتنه بروحي وحليلي - وجلي وكريم كراميل ومهلبية بالجلي

قولوا ما شاء الله ترا العايله كلها تجتمع بالفطور الرياييل بصوب والحريم بصوب
واليهال خبيص ع راحتهم كل يوم يتناقزون بمكان


تااااااااااااااااابع الطرق


رهف

 

[معصبة]

رد : ][ مسـابقة المأكــــولات الرمضــــانية ][

شوهاااااااااااااااااااااااالتصوير الفن يارهفوه!!!!!!!!

الاكل طالع خبااااااااااااااال:mf_chefsp :h_vooh:


واو افادييييييييييه بالسمبوسة والهريس:dontwanna ​

 

[رهف]

رد : ][ مسـابقة المأكــــولات الرمضــــانية ][

اللقيمات

المقادير :

جيلتين طحين ( ترا الجيله تساوي 3 اكواب تقريبا بس انا بكتب لكم بالجيله هاا تعرفون شو يعني جيله ؟؟!! )
ملعقتين سكر
ملعقة صغيره هال
ملعقة صغيره كركم
ملعقة صغيرة زعفران
ملعقة صغيره خميرة
وماي دافي للعجن
ودبس - او عسل –

* البعض يخلط بالعجينة سمسم حسب الرغبة اذا تبون -



الطريقة :

نخلط المقادير كلها ويا بعضها وعقب نبدا العجين بالماي ونعجنها لين ماتصير متماسكه تقريبا
ومن عقب نخليها ترتاح من 2 الى 4 ساعات
وعقب نقليه بالزيت
تعرفون كيف ؟؟؟

حطوا حذالكم غسول وملاس – خاص للقيمات – وابدؤوا اخذوا من العجينة شوي شوي ع شكل كور صغير واغمسيها بالزيت
جيه يعني

وجلبيها بالملاس لين ما تحمر

وعقب طلعيها وحطيها في طبق التقديم

وعقبي زينيها بالدبس
وهالدبس

وفي ناس يزينونه بالعسل حسب الرغبة

المهم بالاخير جيه يظهر لكم

وهنا وعافية


تابع الاكلات والطرق

 

[رهف]

رد : ][ مسـابقة المأكــــولات الرمضــــانية ][

شو هاا لا تردون خلوني انزل كل الطرق قبل
ملتجعات عافانا الله
جنهم اول مرة يشوفون اكل



رهوووووف

 

[رهف]

رد : ][ مسـابقة المأكــــولات الرمضــــانية ][

الهريس

المقادير :

تبون وايد ولا شوي
يلا بقولكم ع الخفيف بس اذا عندكم ضيوف وبرمضان يعني كثروا من المقادير
يعني لو 6 جيلات هريس تبغي حوالي 6 او 5 دياي طازه
بشكل عام المقادير هي

جيلتين حب هريس
ديايه وحده طازجه
ملعقتين صغيريتن ملح

للتزين – سمن وبصل نحمره ع الزيت -



الطريقة :

بتكون بالتنور – تعرفون شو التنور ولا ؟!!
المهم

نغسل الحب والدياي
نفور الدياي – بجدر الهريس الخاص تعرفونه وهو بالتنور –
وعقب نحط حب الهريس عليه ونخلطه ويا الدياي ونسكره في التنور حوالي 4 ساعات
وعقب نصربه بمضربه الخاص ،، ونشره بالسمن والبصل
وناكله وهو حار

وهنا وعافيه


رهف

 

[معصبة]

رد : ][ مسـابقة المأكــــولات الرمضــــانية ][

شوها حرام نتشهى الاكل:h_qor9ana


الحين خاطري بعد في لقيمات

انتو الاهل كلهم يفطرون ويابعض؟لالانحن الحريم واليهال في البيت والرياييل في المسيد :h_lala:​

بس خلاص مابرد

يالله تصبحون على خيروووووووووووووو