๑ لا تلــــــوم المغــرم الهــاوي..قصتيه الأولى.. ๑

[أدركت القـ م ـر]

رد : ๑ لا تلــــــوم المغــرم الهــاوي..قصتيه الأولى.. ๑



الســلامـ عليكم ورحمـة الله وبركـــاااته


غنــــــاتي

يالله حطي الأجزاء اليـديده .. نرقبها ترانا

وأنا برد عليــــج يوم بشوفج كملتيها وخلصتيها..


لا تبطيـــــــن pP





تحياتي

 

[سمسوم خصب]

رد : ๑ لا تلــــــوم المغــرم الهــاوي..قصتيه الأولى.. ๑

ذليتينااااااااااااا


وين الجزء الباقي


ترااااااااج بطيتي واااااااايد:h_embageg

 

[غنَاتْيـے]

.
.

.
.
الســموحــهـ ع القصـور..!!
كانتـ عنديهـ ظروف تجبـرني إني أتوقف عن الكتابـهـ لفتـره...!!
وبوجود معانـي ها أنا..ارد وأكمـل لكم القصهـ...!
والسموحهـ منكم وديه ثانيهـ..!
.
.
​

 

[غنَاتْيـے]

.
.

.
.
الجزء السابع

๑ انطبع في خفوقي اسمك بحرف ميم .. وفي عيوني عشقتك وفي حياتي ابيك .. دامك بوسط عيني كيف عيني تنام .. دامك بنبض قلبي كيف ماافتديك.. ๑


منصور : نعم شو تبيـن هاي خامس مره تتصلين بي وانا قاعد مع الشباب..
مـي : أبـاك انت ارحمني دخيـلك..
منصور : انتي وحده مضيعه المذهـب ويابنت الحلال مابى اسوي لج مشاكل ابعدي عن دربي..
مـي : انزين بقولك شي الله يخليك..
سكر منصور في ويها التليفون..


اليازيه وحمده يالسات ع دجة المطبخ ومنصور واقف برع عند باب الميالس وهناك ماشي ليتات..
يعني يبين في شخص واقف بس مايعرفون منو..

اليازيه : حمدوه منو هذا الي يرمس في التليفون شكله معصب طاعي حركاتهـ...
حمده : مادري والله بس احس انه منصور هاي عرضته انتي هبله ماتعرفين اخوج..؟
اليازيه : منصور منصور وتأشر له بيدها..

اتقرب منصور منهم وبتسم ابتسامهـ عريضهـ يوم شاف حمده كان يتحراها غايهـ من بعيد..
حط التليفون في مخباه وخذ نفس عميق..

منصور : هلا بنت خالوه اشحالك مبارك عليج الشهر..
حمده موخيـه راسها : بخير وسهاله علينا وعليك يارب..

اليازيه : شكلك كنت معصب وتنافخ شو بلاك بسير اييب لك ماي..
حمده قبضت اليازيه من كندورتها عسب ماتخليها تسير واتم بروحها مع منصور..

طالعها منصور بطريقه ورفع حاجبه اليمين وقال الها : فجيها خلها تسير..
حمده خلت اليازيه تـروح من بعد نظرة منصور وتمت موخيه راسها ويابسه مكانها..

منصور وخى لمستوى حمده وتم يطالعها ..ولهت عليج وربي شاهد..
حمده يالسه ولامه ركبها عند بعض.. هني خشت ويها مابين ركبها من المستحـى ونزلت خصله من بكلتها يوم ردت رفعت راسها.. حست بشي غريب من تقارب منصور لها..

رد منصور ع ورى لانه ايده كانت بتخونهـ وبيمد إيده ع شعـر حمده..وهي ع طول بحركه سريعه دخلتها وردتها ع ورى..

قطعت عليهم لحظة الصمت اليازيهـ...دوك منصور..
منصور : ليش ييتي..!
اليازيه : لا والله الا هو ماي وانا تاخرت متعمده شويـهـ عشان خاطرك..

حمده ماعرفت شو تقـول وع طول شلت بعمرها وسارت المطـبخ..

منصور : يزوووي خلاف يوم بيشتلون الشباب بنزقركم بنيلس رباعهـ في الخيمه..
اليازيه : وي وي وناسه بس انتو الله يهديكم تبطون وايد لين نصايف الليل..
منصور : لا ماعليج اليوم بيسيرون من وقت مواعيدن قوم بن حمدان بيقعدون في ميلسهم ونحن مابنسير..


ردن البنات خيمه الحريم الداخليه ويلسن يسولفن..مع العيايز..وخلاف ميود يا وشل دلال القهوه والشاهي..


الساعه 11 مساءا ..

ام راشد ترمس حمده : باجر بيت عمج بيفطرون عندنا اتصلت فيهم خالتج يعني نحن مابنسير وشميم وحامد وعمتج فطيم كلهم بيووون..

فطيم : والله ولهنا عليهم من زمان ماشفناهم ..
شويهـ وحادر عليهم ميود ..

مايد : ولهتي ع منو بالظبط..
غايه تغايضه : ع حامد طبعا ع منو يعني..
مايد : بزواالها والله اقصبها تخسي الا هي...
فطيم اطالعم وفاجه حلجها : ايه انتو شو بلاكم انا ماقلت شي..

ميود : نشن نشن سارو الشباب تعالو الخيمه يالله امايه نشي فديتج..
ام حميد : لا فديتك انا بوطي راسي امره تعبانه ومافيه حيل مره ثانيه بقعد معاكم..
ام راشد : انا بعد برد البيت وجان البنات الا في خاطرهن يتمن برايهن بيوصلهن سهيل خلاف..

هني انجلب ويهـ اليازيهـ واذكرت سهيل وتمت متغصصه وتصاصر حمده ..

اليازيه : ماريد مابسير معاكم ..
حمده تقرصها ع جتفها: جب ولا كلمه يالله بنستانس ابى اشوف منصور..
اليازيه تمت ساكتهـ ماعرفت شو تقول وغمضتها حمده : انزين خلاص عشان خاطرج بس اشوفه السبال يرمسني..

فطيم : امايه انا بسير معاج بعد ابى ارقد تعبانه..
مايد غيض وفوّل ويهه استوا احمر : ليش ان شاءالله تمي بنستانس وبنلعب ورقه رباعه وغايه مابترقد بعدها سهرانه..

فطيم حست انه ميود عصب فحاولت تقهره زياده : لا بسير تعبانه يالله امايه..
ميود استغرب من حركتها ليش انا شو سويت الها ..تم ساكت مايروم يقول شي والكل يالس..

غايه ربعت ورا فطيم وام راشد وزختها من يدها : فطيم شو بلاج ليش بتسيرين تمي معايهـ...
فطيم : بس جيهـ ابى ارد البيت..راسي يعورني..
غايه : والله حلفت عليج الله تقولين شو بلاج..
فطيم : ماشي والله بس جيه خل اغايض به شويهـ ..
غايه : فطييموو حركات يهال..خلاص برايج عيل تصبحين ع خير..









في الخيمهـ ..

منصور يلعب كره قدم " بلي استيشن " مع عبدالله..

وسهيل يتكلم في التليفون..
حدر مايد اول شي ين البنات ...

حدرت اول شي غايهـ...ودوومها ع خبالهــا..
يصوت عالي صارخــت : السـلااااااااااااام..
ويوم شافت منصور نظرها بنظره انه تقصر حسها لانه سهيل يرمس ريال..بلعت ريجها ويلست عدال الكيرم..لف عليها عبد الله : اشحالج غايه عساج بخير..مبارك عليج الشهـر

غايهـ : وي وي ولد خالوه ماشفتك اسمح لي والله بخير وسهاله علينا وعليك يارب..
وقامت تدفر منصور تبى تيلس مكانه تلعب مع عبدالله وهم يضحكون عليها..

اول ماحدرو اليازيه وحمده مع بعض..
ع طول صد صوبهم سهــيل وبحركه غير طبيعهـ نش مبهت يطالع اليازيه..
وهو عاق السفره بس لابس قحفيه..كان شكله وايد حلو والشعر ظاهر من تحت القحفيهـ...

سهيل : اشحالج اليازيه مبارك عليج الشهـر
اليازيه مارامت تسكت وماترد عليه لانه الكل بيستغرب : بخير الحمدلله

وسارت يلست عند الكيرم هي وحمده ..

اليازيهـ : منو بيلعب كيرم ..!؟
منصور : انا انا بلعب ..
غايه : فكهـ انا بلعب مع صديقي..عبود عبود حط كراش احسن..

حمده : انا بلعب..بعد بس عن الغش اقولكم من البدايهـ..
مايد : انا بقطعكم ابى العب..
سهيل : وانا اريد اللعب ميود اجلب ويهك اللعبه اليايهـ انت..

مايد : لا والله أنا قلت قبلك ..
اليازيهـ : خلاص انا مابلعب..ميود تعال مكاني..
سهيل : لا والله حلفت انج انتي اللي تلعبين..
مايد : حشا حشا يتعازمون برايكم اصلا اليلسه بدون فطيم ماتسوى بلعب دوري مع عبود وغايوه احسن...


منصور : بنلعب فريقين انا وحمده ويزووي وسهيل..
اليازيه : مش كيفك تقسم انا وحمده مع بعض وانت وهو فريق..
سهيل في خاطره : افا يا اليازيه حتى اسمي ماتبين تنطقينهـ...


منصور جب جب يالله كل فريق يقعد مجابل فريقهــ...قعد منصور مجابل حمده واليازيه مجابله سهيل..
عبدالله : انا بترخص عنكم ..

غايه : وين وين عبادي توه الناس..
عبدالله : بسير بنت خالوه عندي حايهـ ابى اقضيها...


طلع عبدالله عنهم وسار صوب دكان الفريج وماحصل حد يالس..بعدها راح عند بيت فهود ربيع فيصل شاف الشباب متيلسين برع كلهم ويشربون ديو..

وقف عبدالله موتره وهرن وفج الدريشه : وقفو الشباب يسلمون عليه من بعيد..وأشار بيده انه يزقر فيصل..ترخص فيصل وهو ميت من الخوف شو مستوي عبدالله شو سالفتهـ...ركب فيصل مع عبدالله..

وحرك عبدالله لين وصلو شارع كورنيش القرم ..
عبدالله : فيصل انزل يالله..
فيصل : شو السالفه عبدالله خوفتني ..
عبدالله : انزل وخلاف بقولك..



اتمشو شويهـ والهوا كان بارد وحلو..ويلسو ع واحد من البانكس اللي كانو موجودين وموزعين ع شارع القرم ..

عبدالله : فيصل في مره راشد ولا انا ولا سهيل طلبت منا حايه وقصرنا عليك..!؟
فيصل : لا والله والرب يعلم وشاهد..
عبدالله : في مره شفت راشد ولا سهيل ولا حد من عيال خالتيه حاط صلب في حلجه ..؟
هني فيصل بدى يعرق وينشف وبلع ريجه ماعرف شو يقول..

عبدالله : شو بلاك ارمس..انا مابضربك انت ريال ماشاءلله ولا بخبر عليك سهيل لانه بيضربك ضرب..
ولا بقول حق راشد لانه راشد لو درى ممكن يحبسك في البيت و يقطع عنك مصروفك بعد..

فيصل موخي راسه وماتنطق ولا بكلمه ..

عبدالله : منو اللي خلاك ادوووخ ..منو عطاك صلب اول مره..
فيصل : مروان ولد كلاسنا..
عبدالله حط ايده ع جتف فيصل : شوف فيصل فديتك الانسان مايكمل حياتهـ الا بالصحبه الطيبه..خل عنك مروان شو تبى به ولد صايع وخام كل يوم ضارب له واحد ومشتكين عليه...ابى منك وعد تودر هالسقم..خذ عبدالله نفس طويييييييييييييل وكمل.. فيصل ابويه الله يرحمه اللي زاد عليه مرضه الزجاره ع اخر ايام قام اكح وايد ومايروم يتنصخ من صدره والسبب الزجاره..
لا انا ولا حد من خواني نرضى يستوي بك شي نحن نحبك ونخاف عليك..

فيصل : بس أنــا ..
عبدالله : خلني اكمل..انا ادري بك عاقل واللي وزاك ع هالشي مروان ..بس اول شي اباك تفكر فيه امايه..شو بتكون حالتها لو درت..فيصل اباك توعدني انك ماترد لها مره ثانيه..وصدقني لو عرفت انك رديت لها بيكون لي معاك حساب عسير..

فيصل والدموع في عيونهـ ويحس بغبنـهـ : خلاص عبدالله اودعك مارد الها مره ثانيهـ..
ومروان مابقرب صوبـهـ مول وجان الا رمستي ولا يا جدايه بخبر..

عبدالله : هي نعم هذا فيصل اخويه اللي اعرفهـ...يالله نش بنسير نتمشى شويه خلاف بنرد البيت..
فيصل : يالله توكلنـا..



منصور : يزووي كلبه لا تهزين الكيرم ..
سهيل : لو سمحت لو تقول حق عضوة فريقي كلبه ..
حمده ميته عليهم من الضحك : يزوووي عن الغش والله اسير بيتنا..

اليازيه : انزين انزين ..حطي بودر..
سهيل ماشل عينهـ من ع اليازيهـ وفي خاطره : فديت روحج يزوووي ماكان قصدي اقسى عليج والله انتي الغاليه والعزيزه..

يوم خلصو لعب ع الساعهـ 1 إلا ربع وطول هالوقت سهيل يحاول يرمس اليازيه بس هي مطنشه تواجده نشت حمده وسهيل بيردون بيتهم..
حمده : يزوووي باجر اتصلي بي انزين اترياج لا تنسين اصلا فطوركم عندنا..

منصور : وليش هب عندنا يعني..
اليازيه : لانهـ قوم ام حامد بيفطرون في بيت خالوه...

سهيل : يالله تصبحون ع خير..ويطالع اليازيهـ ويغمز لها..
اليازيه ماسوت له سالفه موليهـ...وسوت عمرها ماتشوفهـ...

الساعه خمس وربع ..وصـلو قوم أم حامد ..وبوحامد عم البنات كان معزوم في دبي بتعذر منهم..
ام حامد ..وعمتهم فطيم و حامد وشميم..


عند باب الدروازه من خاري بركن حامد سيارته ونزلو..
يربعون خليفه وساره عيال راشد عند يدتهم ويسلمون عليها ويلوون ع شما..

ظهرو سهيل وعبدالله وام راشد يقربون ابهم ..وشويه انه حمده وفطيم بعد ..سلمو ع بعض وتوايهو..
وشما من شافت سهيل مارامت تتحرك وادقق في ملامحه..ماتنتبه الا ع صوته ..

سهيل : اشحالج شما ..؟
شما : بخير وعافيه ربي يسلمك...

في هاللحظات وصلو قوم اليازيه وغايه وامهم و منصـور..

اليازيه من شافت سهيل واقف جريب من شما ويرمسها حست شي يتفجر بين ضلوعها وتمت متغشيهـ لانه اصلا حامد بعده واقف..

فطيم ادور بعينها ع الموجودين..سواها الهرم مايـا..الله يسامحـهـ..وتمت مضايجهـ...
سهيل ع طول لف صوب اليازيهـ هاي الغناه حس بقربها وتواجدها لو بين 1000 بنيهـ...

سهيل اشحالج : اليازيه عساج بخير..
اليازيه : الحمدلله ..وسارت تسلم ع شميم...

سهيـل ..امممم انزين يا اليازيهـ اليومـ يا أنا يا إنتـي ...
.
.
​

 

[المزيونه11]

رد : ๑ لا تلــــــوم المغــرم الهــاوي..قصتيه الأولى.. ๑

:smile: مشكوره اختي غناتي على الجزء الفنان بس لاتتاخرين

 

[الرادار الشحــي]

رد : ๑ لا تلــــــوم المغــرم الهــاوي..قصتيه الأولى.. ๑

طانكيــــووو على هالجـــزء

وبليــــزز لا تتــأخريــن علينـــا ^.^

تحيـــــاتـــي

الـــرادار الشحــــي ^.^

 

[الزين كله]

رد : ๑ لا تلــــــوم المغــرم الهــاوي..قصتيه الأولى.. ๑



الله يعطيج العافيه غناتي عالقصة الحللوووة
وبانتظـــار باقي الااجزااء
لا تبطين علينا ^.^

 

[معاني]

رد : ๑ لا تلــــــوم المغــرم الهــاوي..قصتيه الأولى.. ๑

هلا و الله غناتي ..

لج وحشه..

اخيرررررررا ..طليتي ع بروة القصص ..

هالجزء وايد حـلو ..
شخصية منصور فنانه ..
و سهيل بداا شويه هااااااااااا احسن عن قبل ..

عااد نبا انعرف شو يا انا و انتي "سهيل و اليازية "

لا اطولين علينا ..

معاني ​

 

[قمر دبي]

رد : ๑ لا تلــــــوم المغــرم الهــاوي..قصتيه الأولى.. ๑

ما شاء الله عليكن كلكن بنيات في القصص اليوم بقرا قصتج ان شاء الله بس انا حاسه من ردود الاعضاء انها غاويه بس ان شاء الله ما تتلخبط الاحداث في بالي لاني الحين اقرا قصت الكاتبات رهف وتلع لعناق ما شاء الله قصصهن غاويات وقصتج باين عليها انها غاويه بقراها الحين وبكملها باجر وبرد لج خبر عن راي يوم بخلص منها والسموحة منج

 

[غنَاتْيـے]

.
.

.
.
๑ .. المزيونه 11.. ๑
.
.
العفو حبوبهـ ..!
وإن شاءالله غلايه اليوم بينزل الجزء اليديد..!
تسلمين لي..^.^
.
.
๑ .. الرادار الشحي.. ๑
.
.
ياهلا والله..!
العفو غلايه..!!
وفالج طيــــــــــب..^.~
.
.
๑ .. الزين كله.. ๑
.
.
يامرحبا ملليــون..!
الله يعافيج فديتج..!
وفالج طيب لا تحرميني من تواصلج..!
.
.
๑ .. معاني.. ๑
.
.
اهلين وسهلين غناتيه..!
انتي اللي لج وحشه..!
وصدقيني مارديت اكمل إلا عشانج :smile:
منصور صندليقي هذا..ههههههه..!
فالج طيب واليوم بنزل الجزء اليديد..!
.
.
๑ .. قمر دبي.. ๑
.
.
يامرحبا بج ملايــين..!
إن شاءالله تعجبج القصه..!
وبإنتظار عودتج..!
منوره حبوبه..!
.
.