خالــد شاب مثقف ، خدوم ، حبوب وطيب وطموح ، ابتسامته ما تفارق محياه، كان ولد يرانهم ، ولكن الأيام باعدت بينهم ،، كانت تعيبه من صغره ،، وحتى لما انتقل إماره ثانيه ما نساها ،،، تم اعجابه يوم عن يوم يزيد،، متخرج من كلية الطيران برتبة ضابط طيران
يوم سمع ولد خال فطيم "راشــد" انها انخطبــت ،، ما صـدق الخبــر وراح سيده يتخبر من امه
- أميه .. صدق سالفة فطيم بنت عمتي..؟
- شو أي سالفه..؟
- سالفة الخطوبه ،، صدق انخطبت فطيم.؟
- هيه يا اميه شبلاك...؟ خير ان شاء الله شو مستوي.؟!
- لا يمكن اتم الخطبه ،، ولد خالها ألزم عليها مالغريب ..
- شوه..؟! احينه ياي ترمس ،، عقب ما صار كل شي ..؟
- ياميه والله ما كان عندي خبر ،، اليوم بس دريت ،، أبا فطيم بنت عمتي وما ابا غيرها ........
- يالله لا تستخف بدمك الحرمه انخطبت ، وتوكلت على الله ،، والخطوبه انسى امرها ،،،،
- لا لا يمكن .. أنا لازم أرمس عموه حفصه بالسالفه ،،
- جان بترمسها رمسها بروحــك ، أنا أستحي أكلمها بالموضوع الحينه..
- ويديه.. هيه جيه..؟ بلاه الريال ما شاء الله عليه خلوق ، ينشد به الظهر ،، شو بلاك امايه..؟
- عموه .. طلبتج ،، أدري إنها متأخره و انها ما يت بوقتها ،، بس والله ما كنت أعرف شي عن الموضوع إلا اليوم ،، عموه أنا متوكل على الله ثم عليج ...
عمــوه .. أريد أخطب فطيم........
- والله يا وليدي ما بحصل أحسن عنك ، وأنا فخاطري من زمان انك تكون ريل بنتي وسندها ،، بس عطينا الناس كلمـــه ،، ونحن ما بيدنا حيلـــــه !
- عموه أرجـــــــوووج حاولي .. نتي تعرفين اني باني آمالي عليها ،، ومن زمان مفكر انها تكون أم عيـــــالي....!!!
قولوا للريال إن البنت غيرت رايهــا ،، قولوا له أي شي ،، بس أرجوج عموه ،، أريد فطيم لي....... ا
سكتت أم فطيم مب عارفه بشو ترد عليه ،، طبعا هي تشوف ولد اخوها احسن عن الغريب ،، بس خالد على أخلاقه و صفاته ،، مستحيل أي حرمه ترده ، ولو شو كانت الأسباب ، ترددت في البدايه في الرد ،، عقب قالت له
سارت " حفصه " أم فطيم صوب بو فطيم "صالح" و عقب ما سلمت عليه ، جان ترمسه بالموضوع،،،
- لا لا .. منو قال .. خالد حق فطيم و ما بنحصل شراته.. تقوليلي أودر الريال ، وآخذ واحد شرات رشـــود بعده يفكر باللعبان وخربطانه،،، لا السموحه .. شلو ها الفكره من بالكم ،، أنا هب موافق أبد......
- واحينه شو نسوي عيل...؟ راشد كان شويه وبيحب ايدينيه ،، يا ربيه يا صااااااااالح ،،،
- يا بنت الحلال ،، إنتي تتمنين لبنتج العيشه الزهيده ، ولا الخراب..؟
- شو خرابه بسم الله ،، شو قالوا لك عن ولد اخويه ...؟ ليش انته جذه متعقد عافانا الله
- لا متعقد ولا شي ،، عيل تخلين الريال الفهيم ، وإلي ما شاء الله عليه اللهم لا حسد تحسبه شهـــــم و ريال ينشد به الظهر،، وتاخذين رويشد ولد اخوج إلي لا يهش ولا ينش ،، يا بنت الحلال فكري ببنتج ، ولا تفكرين بالاخوه ، و القرابه ، المهم نختار الصالح هب الطالح الله يهداج بس ..
- هي والله صدقك يا صويلح ،،،، واحينه شو اقوللهم.؟
- قوليلهم بو عبدالله مب موافق.........
- لا عاد مب حلوه ،، بقوللهم كل انسان ياخذ نصيبه ،، وهذا قدر ومكتوب ،، وفطيم موافقه على خالد...........
.....................
.............
....
في بيت بو راشد
- أميه .. شو ها الرمسه بعد ، ما يرومون يجبرون البنت على انها تاخذ واحد ما تباه ...
- اسكت والي يسلمك ، البنت اختارت إلي ارتاحت له ، والي كاتبنه الله بيصير ، وبسك من الحنه ، إذا انته ها الكثر ميت ع الزواج ، خذ اختها ريم ، مب قاصرنها شي ما شاء الله عليها ، كامله والكامل الله ،،،
- يا اميه السالفه مب سالفة زواج ، أنا .. أنا أحب فطيــم ، ومب قادر اتخيلها ويه واحد ثاني ،، افهميني يا اميه ارجوج...
- شو حب ما حب ،، يالله عاد ما عدنا ها السوالف.......
- ( رد وهو معصب ، وبتحدي ) والله لو تحسين بالي احسبه جان ما قلتي ها الرمسه ،، بس شو اقول ،، الله كريـــــم ، وفطيم باخذها يعني باخذهـــا ... ما بتكون لواحد غيري .. أنا أولى من الغريب !
- حبيبي والله ما يسوى عليك ،، هدِ بالك شويه ، وفكر عدل ،،، يا اميه البنت اختارت ،، وهذا نصيبها ،، لا تسوي جذه بروحك ماعندنا غير رشودي واحد نفرح به ، حبيبي شي وايد بنــات ، حلوات و طيبات ، أحلى عن فطيم بوايـــد ،،
- السالفه مب سالفة حلاه ، ولا هي بسالفة طيبه ،، أنا احب اميه احب،، من أشوفها توسع الدنيا بويهي ، قلبي يدق بسرعه ، و اتخربط ...... اعتفس ع الآخر ،، كنت اتمناها دوم ، و هي الوحيده الي تصلح لي ... أميه الله يخليج لو تحبيني كلميهم مره ثانيه ،، الله يخليج اميه ، حاولي....... مب قادر اتحمل تراني بنفجر ، بسوي أي شي عسب آخذها....
- يا ولد الحلال لا توهم عمرك بشي ما بيستوي ، لا توهم عمرك بان ماشي ولا وحده تستاهل قلبك ، و لا تستاهلك غيرها ،، صدقني يا ولدي عن تجربه اقول لك الحب مب كل شي في الدنيا ،،، ولو الحب كل شي جان ما شفت اثنين اطلقوا من عقب عشره وحب ، جان ما سمعت بانه اثنين انفصلوا عن بعض خلال شهر من عقب الحب ، جان ما اطلقت انا من ريلي الاولي ، و خذت ابوك ... اهم شي يا ولديه انه يكون ايمانك بالله قوي ، و تتوكل عليه،،،
فطيم صح كلٍ يتمناها ،بس ياها النصيب ، و بتتوكل ،، وانته ان شاء الله وبحول الله نصيبك ياي ، وان شاء الله تكون بنت حلال ،، يا الله يا ولدي قوم استغفر ربك ، و قوي ايمانك ،، وإلي الله كاتبنه لك بيستوي ،، ولو فطيم لك بتاخذها...
- آخ يا اميه ، والله والله ما ابا غيرها ،، وفطيم هي اختياري الوحيد.. !
- الله يكون بالعون ،، وبسك قوم غسل ويهــك ،، قاعد تتبجبج لي تقول ياهل ضايعه مرضعته، يالله قوم اميه وتغسل ، أحط لك أكل...؟
- أكل .. مب مشتهي شي صدقيني ، مالي نفس.......
- خلااااااص قوم عيل ،، الله يعينك ان شاء الله
سار راشد يغسل ويهه ، شوي وإلا تنزل اخته حمده عقب ما سمعت كل شي صار بينه وبين امه ، جان تسأل امها عن أي فطيم هو يرمس ،
- رشود ويه ويهـــــــج يا فطيم يباج ... و حتى الصياح يصيحه بسبتج ،، والله لو شفتي حالته اليوم لا انه يكسر بخاطرج ،،، مصر إلا ياخذج ، بس امايه تهديه وتقوله إلي الله كاتبنه بيصير ،،، واحينه يوم سمعت سالفتج استغربت أكثر،،،
- رشود يباني أنا ...؟
- هيه ...
- ويصيح عشاني..؟
- هيــــــه .. مالت ما حصل.. ما يعرفج عدل..
- يا الدبه ،، شوفيي..؟
- لا ماشي ،، بس جد اليوم حالته كانت غير أول مره اشوفه يصيح جذه ، يباج ومب رايم يطولج....
- يا بنت الحلال انا انخطبت خلاص ، و الحينه اتزهب حق الملجه ، والملجه عقب اسبوعين.....
- الله يكون بالعون،،،،
- الله يخليج رمسيه ، لا تخلينه جذه ، قوليله ان فطيم استخارت وارتاحت لها الانسان ،، وهذا قدري ومكتوب لي ،، راشد مافيه شي ينعاب ،، بس الحينه مب بايدي شي ....
- لا عادي ... قوليلهم اني غيرت رايي و انتهت السالفه،
- هيه تراها لعبان !
- لا جد ... انتي تبين راشد..؟
- بصراحه ، ما احب زيجة الاهل ، خليني جذه احسن ،،
- افا .. انتي الخسرانه .
- جذه ولا جذه انا خسرانه ، خسرانه !
- شوه..؟ كيف يعني ما فهمــــت..؟!
- يعني بخسر حياة العزوبيه ، الحياه إلي مافيها غير انج تهتمين بامورج وبس ، الحينه لا مسؤولية بيت وريـــــال ،، الله المستعان يا اختي.....
- هي والله الله يعينج هههههه ويه الويه ،، خلاص يعني بتاخذين منو انزين شو اسمه..؟
- تذكرين خالد ولد يرانا قبل ، إلي انتقلوا من عشر سنوات ، وراحوا الفجيره..؟
- هيــــــــــــــه ،،، لا تقولين هووو..؟
- هيه هو بعينه وعلمه ههههه ..
- تصـدقيــــــــــــــــــــــــــن ،، كنت اعرف انه يحبج ، بس ما توقعت انه لها الدرجه يمووووت فيج ، ظنيته نساج ، وخلاص بينتهي كل شي ،،
- لا والله .... و كيف عرفتي انه يحبني يا السقمه..؟
استحت تدق ع تليفون اخوها ، قامت وطرشت له مسج ( الزواج قسمه ونصيب ، وفطيم مب من نصيبك ) ،، تقطع قلب راشد ، مب عارف شو يسوي ،،، كلم عمره (يا الله ها البنت ذابحتني مب مخليه فيي حيل والله ، آه يا ربي صبرني ،، صبرني ع الألم إلي احسبه فداخلي،،
بس جد أنا إلي استاهل ،، لو غديت ريال ، واصطلبت مثل الاوادم من قبل جان ما صار هذا حالي ، لا بيت ، لا فلوووس ، ولا هم يحزنون ،،، و لي ويه بعد اخطب بنت الناس ، صدق اني لوح ) تم يسوق وهو مســرع ،،، شوي وإلا
شـــــــــو بيستوي لروشيد..؟
يا ترى حــــــادث ..؟ عادي وإلا مريع...؟ وإلا ما بيستويله شي..!!
وإلا بيشوف فطـوم بويهه..:h_9admah:
السلام عليكم ورحمـــــــة الله وبركــــــــــــاته...
وقفنـــا عنـــــــد يوووم رشـــــــــــــــوود كان مسرع بسيارته.......... لكم باقي الأحداث
،، تقطع قلب راشد ، مب عارف شو يسوي ،،، كلم عمره (يا الله ها البنت ذابحتني مب مخليه فيي حيل والله ، آه يا ربي صبرني ،، صبرني ع الألم إلي احسبه فداخلي،، بس جد أنا إلي استاهل ،، لو غديت ريال ، واصطلبت مثل الاوادم من قبل جان ما صار هذا حالي ، لا بيت ، لا فلوووس ، ولا هم يحزنون ،،، و لي ويه بعد اخطب بنت الناس ، صدق اني لوح ) تم يسوق وهو مســرع ،،، شوي وإلا
يوقف السياره عند البحر ، تم يالس بروحه ع الشاطي ، وهو يرمس عمره ( آآآه ،، لا ما أتحمل إنها تكون لغيري ، ها شي مستحيل ، لا يمكن أتراجع عن قراري ، من زماااااان وانا خاطريه فيها ، أباها تكون لي أنا بروحي،،،، مب ايي واحد من أقصى الدنيا وياخذها عني ،،، لا يمكن ما بسمح لها الشي ......
سكت دقايق
..............
........
....
أنا ليش جذه أناني ، البنت تبا خالد ، و خالد أكيد من قبل يباها ، وإلا ما كان تعنا ويا يخطبها عقب كل ها السنوات ، وبعدين هو ريال قد المسؤوليه وما شاء الله عليه نبيه ، مب شراتي ، عاشق الدنيا والي فيها من شهوات ،،،،، يالله عسى الله يوفقهم ان شاء الله يا رب ، و يسعدهم ) وبدون ما يحس رقد هناك ،، الساعه 10 الصبح نش على رنة تليفونه ، كان بيرد وإلا يصك المتصل ( خيبه 7 مكالمات من البيت ، خير شو مستوي عدهم ، الله يستر ) جان يدق لهم ..
- ألوووه ,,
- هاا اميه ، وينك من البارحه..؟
- أنا موجود ،، خير شو مستوي..؟
- لا ماشي ، بس كنت احاتيك .. وين انته الحينه..؟
- أنا في الشقه عند ربيعي .. واحينه ياي ... ( ما حب انه يقوللها عند البحر ، عسب ما يزيد الهم عليها)
- يالله تعال ،، حبيب قلب أمك...
سكر عنها ، ونش سار يغسل ويهه بشوية ماي من برادة السيارة، عسب يشوف الطريج وهو يسوق،، ركب السياره و سار البيت ،،
دخل وهو عادي مثل قبل محتشر ويزاعق ، ويبا كل شي زاهب ، ولا جنه صار شي ، لانه نوى انه ينسى فطيم ويخليها فحالهـــا ........
الحمدلله عقل راشد في النهايه ، واستسلم للأمر الواقـــــــــع ، و وعد انه من اليوم وساير يصير ريّـــال مسؤوول وعنده أهدافــــــه ..........
عني ما تسأل !
"الجزء السادس"
في إجازة الربيع املجت فطيم من خالد،، و عقب الملجــه كان لازم يكون بينهم اتصال ،، فكل ما كان يتصل بها ،، ما ترد على اتصالاته ،، والحجه انها تستحي ،، وهو قدر ها الشي ،، و خلاها بحالها .. ويوم تبى هي من نفسها بتدق..
مر شهر ،، وشهرين ،، لا فطيم تسأل عن خالد ولا خالد يسأل عن فطيم ،،
خالد كان ثجيل ،، ما يحب انه يسبب ازعاج لاي انسان مهما كان قريب منه !
في بيت خالد
- أميه اباج بسالفه....
- خير ان شاء الله..؟
- لا .. خير ان شاء الله .. بتخبرج عن فطيم بنت عمتيه حفصه..
- شو بلاها..؟
- اميه من شهرين ما دقيت لها ، وهي ولا ع البال ، حتى مسج بالغلط ما تطرش.. شو بلاها.. ليكون مجبوره عليه..؟
- لا شو ها الرمسه بعد ، ما عندنا ها السوالف ، والبنت أكيد مستحيه...
- أوكيه قلنا تستحي بس .. بس مب لها الدرجه.. لا حس ولا خبر... ولا مسج بعد تفرح به الخاطر..؟!
- يا ربي جان دقيت لها انته يوم انك تحاتيها ها الكثر...
- لو بغيت ادق لها حق شو بيج متعلث...؟ اباج انتي تسألين عنها وتتحرين عن اخبارها.. و شوي تحننين قلبها عليه ، تراني والله مب رايــــــــم اصبر عنهـــا......
- بل بل .. خلاص ان شاء الله يصيــــــــــــــر خير اليوم ..
- وخلي عواشي اختي ترمسها بعد... ويتعرفن على بعض..
- ان شاء الله تامر أمر ... كم خلود عندي انا ..؟
- آآآه .. خلاص اشوفج على خير ... بروح الدوام .. وبرد المغرب .. شي في خاطرج أمايه..؟
- سلامتك يا اميه ،، ودير بالك على عمرك..
- ان شاء الله يا أحلى أم في الدنيا.. ( شل عمره ،، وسلم عليها وباسها على راسها وظهر)
زقرت ام خالد بنتها الكبيره إلي أصغر عن خالد بسنتين عسب ترمس ويه فطيم ،، ويصير بينهم احتكاك..
اتصلت أم خالد " وضحــه " بها ، فطيم يوم شافت الرقم ما عرفت صاحبه ،، لأنها أول مره تشوفه ع الكاشف
- ألــوه..؟
- ألو .. هلا اميه..
- أهلين !
- شحــالج ان شاء الله بخير..؟
- الحمد لله .. منو معايه..؟
- ويـاج عموتج.. أم ريلج..
- هلا عموه .. اسمحيلي ما عرفتج..
- مسموحــه اميه ، مسموحه بألوف.........
تموا يسولفون ويه بعض لمدة ربع ساعه ،، عقب عطت السماعه حق بنتها عواشي عسب ترمسها،
ارمسن ويه بعض لمدة ساعه ونص تقريبا ،، سولفن عن ايام قبل ، ورمسن عن الكليه والجامعه ،اندمجن ويه بعض وكل وحده ارتاحت للثانيه ، و قررن انهن يكونن على اتصال دايم،،،،
حزت المغرب وصل خالد البيت ، و على طول وبدون مقدمات ..
- بسم الله .. هم من وين ظاهرين اليوم..؟ عنبوه لا سلام ولا شي .. شو داخل على يهود..
- اسمحي لي اميه ،، والله عقلي مب ويايه (سلم عليها كالعاده وباسها على راسها وتعذر منها)
- إلي ماخذ عقلك يتهنابه يا وليدي..... ايلس استريح
- ماخذ عقلي وبس ! المهم اميه رمستيها..؟
- منو هي الي رمستها..؟
- اميه بعد في حد غيرها .......
- منو هي انزين ..؟
- فطيــــــــم بنت عموه ...
- هيه رمستها .. ليش..؟
- شو ليش يا اميه .. ابا اعرف ..؟!
- شو تبا تعرف ، ما رمستها غير شويه وعقب خليت عواشي تسولف وياها...
- انزين وشو قلتي لها..؟
- ما قلت لها شي ،، سوالف عاديه.. عاد يا اميه استحيت أسألها عنك ..
- أفاااا ... عيل عن شو سولفتوا..
- بس عاتبتهــا ، عالقطيعه و قلت لها نتمنى نسمع اخبار عنج ..
- انزين..؟ وشو بعد..؟
- بس بعد شو يقولون عطيت السماعه حق عواشي .. بنات ويعرفن لبعض
- انزين وشحــالها هي..؟
- بخيـــــــــــر ...... ها ما تبا تتعشى
- لا مشكوره .. تعشيت خلاااااااااص.. ههههههه بروح آخذ لي شور (بيتسبح)...
- مال شور انته... الله المستعان روح يا بابا عسى الله يوفقك ان شاء الله.....
راح خالد صوب الحمام ، وحذاله غرفة عواشي ،، كان الباب مفتوح ، دق عليه ، ودخل ..
- السلام عليكم
- هلا وعليكم السلام خلووودي... شحالك..؟
- بخير الله يسلمج .. وانتي .؟
- الحمد لله .. لا باس.. اسكــــــــــت اليوم رمست ويه حرمتك..
- ( ما يبا يبين انه ياي عشان ها السالفه ) حرمتي..؟ هيه حرمتي..! (ويرد صوب التسريحه ويود غرشة عطر ويرشها على كندورته ) انزين و....شو سوالفكن..؟
- والله .. عادي سولفنا عنك وعن أيام قبل ، وخبالنا
- (استانس خالد من السالفه ، وحب يسمع كل شي دار بينهم ، بس بنفس الوقت ما يباها تلاحظ إنه ميت عليها ،،خذ مشط و قعد يسرح شعره ويرده لورى،، لان شعره كان طويل شويــه) والله..؟ وشو قلتوا عني.. ؟
- والله ماشي ، انا ايب سوالف عنك ، وامدحــك عسب تنعجب فيك أكثر وهلم جرى ههههههه
- ههههه زين وانتي شخبارج بعد..؟
- بخير ربي يسلمك ..
- ما تامريني بشي..؟
- تسلم أخويه ..
- يالله عيل .. خليج على اتصال بها ، لا تقطعين ...
- ان شــــــاء من عيـــوني...
- تسلم عيونج يا اختي العزيزه .. وهاج حبه ع راسج..
- لا لا لا ماله داعي.. شو قالوا لك عيوووز..
- لا انتي اكبر .. دهريه..
- ماعليه الي يب لك اخبار ..
- ههههه اسولف اسولف......
- مــــــــاشي مجــــــــــال خـــــــــلااااص..
- افا يهون عليج .. أخوج
- هيه ..
- براطمي وصلت الأرض وانتي مافيج رحمــه..
- تستـــــــاهل .. عيل أنا عيــــــــــــــــوووز..
طلع خالد وهو مستانس لأنهم طروه جدام فطيم ،، يمكن ها الشي بيحببها فيه ، وبيحنن قلبها عليه ،، وبتتجرأ مع الايام انها تتصل به وتسأل عنه
تسبــح وطلـــــع ،،، راح عند ربعـــه ..
فطيم عقب ما سكرت عن عواشي ،، سارت عند امها ،، وجان تقوللها ان عواشي وامها اتصلوبها، ويسلمون عليها ،،، تمت أمها تنصحها وتعلمها شقا تتصرف ويه الناس ، و قالت لها سوالف عنها يوم كاانت عروس شو سوت وشو كانوا يقولولها .....
حطوا العشى وتعشوا كلهم ،، وفي اليوم الثاني .. سارت فطيم الكليه ..
وانتهى ها الجزء على خيـــــــــــــــــــر ... و إلي كان متوقع ما صــــــــــــــار ولله الحمد..
ولكن هل فطيم بتستمر في التطنيش..؟ وإلا بيرق قلبها على ريلها..؟
ريلها بيتحمل الي فطيم تسويه وإلا بيشوف حل ثاني وياها يوصل للـ " طلاق" ... تابعونا لمعرفة باقي أحداث القصه ^-^
