•●انــا الــwـــر الـoـكنــ,,ـــوني,, ●•

[لحن المطر]

•●الصراحة ●•

▓ الناس ▓



الصراحة سبحان من خلق و فرق ,,
الله سبحانه و تعالى خلق البشر كلهم نفس التكوين ,,
و كلهم نفس الخواص ,,
لكن ما نشوف 2 نفس الشي ,,

سبحااااااااااااان الخالق القادر على كل شيء,,

الصراحة اختلاف البشر هذا نعمة ,,

و مثل ما الاشكال تختلف ترا بعد الاطباع تختلف ,,

يعني في ناس الصراحة مستواهم المعنوي متدني جدا جدا جدا ,,
تخيلو ,,
مسلمين ,,و عندهم عادات و احكام و شروط و فروض و واجبات ,,
و لكن ما يحترمون ولا واحد في الاشيا اللي ذكرتها ,,

في إنسان صايم و يسرق ,,,:00eek:

سبحااااااااان الله ,
إلى أين وصلنا ,,؟
و هل اصبحوا شياطين و في رمضان ,,؟؟



اللهم عافنا و اعف عنا ,,
آمين ..^_^


++++++++++++++++++++++++++++++++++++++++++


شوفو ,,
يالسة أقلب في جوجل أو قوقل مثل ما تسموه سمووه ,,
أقلب عن مسجات حلوة و غاوية ,,

و شفت كم مسج دخلو خاطري ,,,^_^

======================================



×كلـــي عيوب×
ومعجبتني عيوبي..!
وأنا عيوبي عند غيرك
×مـــزايا×


====================================



وشو سبب ياناس صد المحبين!
حتى الرسايل ماتجي من طرفهم..؟
أشوفهم ماهم علينا حريصين..
مدري من الي من سمانا خطفهم..؟؟!
مدري
زعل؟
ولا مع الناس لاهين؟
عجزت أحدد ياعرب وش هدفــــــــهم..؟؟

===================================

الله يرحم حالتي في
بــعــا ا ا ا ده..!
*عيني* و *قلبي*
معها الروح تــغليــه..
حبــه بــقلبي فــارشن له
وســا ا ا ا ده..!
لامـــر طيـــفه في خيـــالي وطـــاريه..
شفت الحـــياه أجـــــمل وزادت
ســعا ا ا ا ده..!

=================================
هذ لبعض الناس التعبانين في مدوناتهم :h015:


يا دكتور لا تتعب على
الفحص والتشخيص!!
أنا حالتي
((نـــظـــرة عـيــونـي تـشـخـصـهـا))
لو إنك بأساليب القلوب النظاف بخيص..؟
صرفت الدوى لجــروحــهــا قــبل تفحصها...!
أنـا فـاقـد خــوة خـوي
××ماهوب رخيص××
على وجعه بانت مواري خصايصـــــــها


================================


و حياكم الله ,,


لحن المطر

 

[لحن المطر]

•●cـــدنا ,,^^ ●•

•باااااااااااااااااك•

^_^

تدرون ,,
كله يخيل لي و يتراوى لي اني اسمع تيلفوني يرن ,,
ما أدري ليش ,, يعني أكون في الصالة احسبه يرن ,,
اسير داخل ما اسمعه , ما أشوف مس كول ,,
, يعني كنت أتخيل ,
وأكون يالسة أحس ان صوت تيلفوني ف أذني ,,
سواء رنة الاتصال أو المسج ,,

ما اعرف ليش الصراحة ,,
صارلي اسبوع على هالحالة ,,
يمكن عقلي يترياه يرن ,,
تراه يرن يعني مب انه ساكت طول الوقت أو شي ,,

ما أدري,,

غريبة ,,
^_^

++++++++++++++++++++++++
++++++++++++++++++++++++


بخبركم شي ,,
قبل سنتين تعرضت لتمزق أربطة في رسغي اليمين ,,
و أذكر كان عندي امتحان رياضيات ثاني يوم ,,
ترجيت الأبلة في اليوم الثاني انها تأجل لي الامتحان بس ما رضت , و امتحنت وما كنت قادرة أكتب
و لا أحل لأني كنت أتألم ,, ولما أحول لإيدي اليسار ما اعرف اكتب بها ,, تصدقون كنت شوووووووووووي و بصيح في الامتحان ,,
مرت حذالي الأبلة و شافتني على وشك الصياح ^_^
قالت لي : لج الحصة بطولها لا تستعيلي ,,^^
و جاااااااااااااان أفرح ,,
خخخخخخخخخخ
تصدقون مب هذا اللي كنت حابة أقوله بس ماعلينا ,,
اللي كنت ابا اقوله ان الالم من هاذيج الساعة يرد لي احيانا ,,
يعني احس بألم لكن خفيف ,, اليوم شلت شي ثجييل ,,
و جااااااان احس بعوار ,,
و لحد الحين و انا اكتب و ايدي تعورني ,
ما كنت أعرف ان تمزق الأربطة يتم ويانا سنين ,,
يمكن لأني حركتها وايد ايام ما كنت أعاني من الالم في البداية ,, يعني يمكن ما خليتها تتعافى زين ,,,,

و هذا اللي صار اليوم ,,

++++++++++++++++++++++++++++++++++
+++++++++++++++++++++++++++++++++





حز فخاطري شي اليوم ,..,
الصراحة الصراحة فعلا حسيت بزعل أول مرة أحسه ,,,.

ما توقعت أن كلامي كأنه ولا شي ,,

أعتقد اني لأول مرة كنت شوي وبصييييح ,,

ما ظنيت يصير معاي هالموقف ,,

بس احزنّي وااايد,,

لكن ^_^ لازم نبتسم ,,
:eh_s(6):

و حياكم الله ,,

و شكرا لكم ,,,^_^
:00100:







لحن المطر

 

[لحن المطر]

•●حكم حكم ●•

لولا اختلاف الأذواق ,,, لفسدت الأسواق^.^


,,,
,,
,


لا ريحته شـينه ولا هي مصّــــنه ××× ريح النفـل بمطمطمات الفياضي
عزي لمن غر الثنــايا كونــــــــــه ××× واركن على كبـده كُويٍّ اعراضي




كل أنسان يفضل روائح معينة ..
و أنا عن نفسي ,,
من العطور أفضل ريحة دهن العود ,,
خواتي مايفضلون ريحتها وايد ,
يقولون قوية و تناسب الرجال أكثر ,,
و كلهم يميلون للعطور الفرنسية ,,
بس أنا أحب ريحة العود ^.^ ودهن العود ,,,,
دهن عود الشمس تعرفوه ,,:122:
من أجمل


هاذي صورته ,,^.^



أحلى دهن عود ^_^
انا اييب الكولكشن كامل ,,
مب بس البخاخ ,,
المهم مب هاذي سالفتنا ,,
أكيد كلكم تحبون العطور و البخور..

بس

في روائح غير أنا أحبها ,,



تعرفون القهوة ,,
أأآآاااكيد ,
أحب ريحتها ,,
أمس غسلت الدلال ,
أول ما فتحت دلة القهوة و جاااااان تطلع هاذيج الريحة ,,
الممزوجة بالهيل والزعفران ,,
الصراحة ,,
حلللوة ,,
فن ,,

حتى احيانا اسير المطبخ لما حد يشتغل و جيه ,,
افتح علبة اقهوة البن المطحون ,,
واتم اشمها ,,
ياخي تاخذ العقل ,,,^.^

و في ريحة ثانية أحبها,,
الحشيش الاخضر ,(( العشب ))
لما تيلس على العشب و حذالك مكان مبلول ,,
بعد تكون ريحته حلوة ,,,^.^

و الريحة الثالثة اللي تعيبني بعد ,,

ريحة البصل المحمّر ,,
لما تحمر بصل ف الزيت ,,
تطلع له ريحة ,,
حاله حال أي أكل ثاني ,,
هاذي الريحة ,, تعيبني ,,,:ah:
ما أدري ليش,,
بس تجذبني ,,




اتعرفون شو استنتجت ,,,؟؟


احيانا الإنسان يمتلك هواية أو يفضل شي غريب ,,
مب شرط ان هالشي يكون عيب ,,
لو شفت أنسان عنده صفة غريبة أو عادة غريبة ,,
لا تستحقره ,, ولا تشوف نفسك عليه ,,
بما أن هالشي مب حرام ولا هو عيب خلاص ,,
خله يستمتع بالشي اللي يحبه ,
حلاة الحياة لما تكون بسيطة ,,
و تمارس اللي تحب و ما يهمك غيرك ,,,
و لما تقول لشخص أنا احب الشي الفلاني ,,
يستغرب ,,
و احيانا يقول ,, >>>>>>>وع
ويييييييه ما عنده ذوق ,,
و ما أعرف شو ,,,
هالشي أكثر شي نلاقيه في الأسر ,,
يعني الأب احيانا يرفض هواية يمارسها ولده ,,
لأنه ما يشوفها حلوة ,,
و الأم كذلك ,,
ما أدري ليش هالتفكير الصراحة ,,
الناس مختفلين ,,
و كل حد يحب اشيا غير عن الثانيين,, ..
استمتعوا بحياتكم ,,
و عيشو بساطة الحياة ,,
ترانا في سفر ,,
و مب دايم بنكون موجودين ,,
بنكبر ,, بس حلو لما نتذكر أشيا حلوة حتى لو كانت غريبة ,,



^_^
’’’
’’
’
و هييييك يعني ,,

:wrd:

لحن المطر ,,, و الحِكم اليوم ,,,^.^


وصلوا على الحبيب محمد

 

[لحن المطر]

رد: •●انــا الــwـــر الـoـكنــ,,ـــوني,, ●•

للرفع ..

ولي عودة بإن الله ..^_^

 

[لحن المطر]

رد: •●انــا الــwـــر الـoـكنــ,,ـــوني,, ●•

ولي عودة بإن الله ..^_^

بإذن الله ..**



اليوم : بتاريخ 5 / 10 / 2009
صرت مشرفة على قسم برزة الإستراحة ..^_^
و إن شاء الله نبيض الويه ..

 

[لحن المطر]

•● عودة جديدة ●•

بسم الله الرحمن الرحيم ..

اشحالكم أعضاء برزة الشحوح ..!؟
و شخباركم ,؟؟
عساكم الا بخير يارب ,,
من زمان ما كتبت في مدونتي شي طويل ,,,^^
ولهت عليها,,
و الظروف ما كانت تسمح أن نكتب ,




❥ الإنتقال ➨ ◕‿◕



الإنتقال من مرحلة لمرحلة أعلى منها مستوى شي جميل ,,,^^
لكن فنفس الوقت يباله تكيف سريع ’’ و إلا يمكن الإنتقال يفشل و أنت تفشل وياه ,,
عدة ترقيات صارت لي ف حياتي خلال هالشهرين اللي مضو ,
انتقالي من ,,,,,, إلى ,,,,,,
و أنتقالي من ,,,,,,, إلى ,,,, :ah:
و آخرها أنتقالي من عضوة إلى مشرفة في برزة الشحوح ^^
لالالا آخرها ضرس العقل اللي خبل بي , ما قدرت آكل شي ,, و آلام و غيرها ,
لكن الحمدلله ,,
ما نقول غير الحمدلله ..^^

يوميا كلنا نطلع من مرحلة و ندخل مرحلة ثانية ,,
أحيانا باختيارنا و أحيانا رغما عنا ,,( غصبـ(ن) عنا ,)
سواء كان باختيارك أو غصب عنك لازم تتكيف ,,
لازم تتقبل الي وصلت له ,, لأن الرجوع مستحيل ,
حتى لو بغيت هالشي بشده ,
ولازم تهيأ نفسك لهاذي الظروف سواء تهيئة مشاعر أو أفكار أو أو أو..
الإنتقال من مرحلة للثانية مب شرط يكون شي حلو ,,
لا ,..., في إنتقالات تقتل صاحبها ,,
كنت في مرحلة حيث انك تحب شخص ,, و أفكاركم سوا ,,و و و ,, وفجأة هالشي يختفي ,, و هالمرحلة تعدي ,,
لازم تتكيف ,,,^^



تخيل .➨



مجموعة من الناس يالسين , ولا واحد فيهم يعرف اللي يالس حذاله ,, << هذا الظاهر و الناس تحكم بالظاهر ..

و يدخل واحد , حاله حال غيره ,, و ييلس ,, و بعد 16 دقيقة استوعب أخونا انه في المكان الغلط ,,^^
معذور لأنه ما يعرف حد أهنيه ,,,’’ لكن وين كان عقله خلال هال16 دقيقة ,,
كان يسمع بس بدون ما تدخل الأمور عقله ,, ويييييييييرد

يعني لو سمع غيره شو يالس يقول من أول دقيقة >>> ,, بيطلع على طوول ,,
لأنه بيكون عارف ان مكانه غلط ,,,,,
و بيعرف أن الكلام مب موجه له ...

مشكله الصراحة ,, (( و الشعب فاشل )) << مقولة أخونا سطام






و هذا ما لدي لليوم و لي عودة بإذن الله تعالى لمدونتي العزيزة ..

 

[لحن المطر]

•●حفرت اwـــمي على اشيرة ●•

السلام عليكم و رحمة الله و بركاته..
اشحالكم و شخباركم يا عيال البرزة يميع ..
!!
عساكم إلا بخير و سهالة ان شاء الله.!؟

الصراحة من زمان ما كتبت شي ف مدونتي ,
متعايزة و مشغولة فنفس الوقت ,,
و لما ايي أكتب فيها ما اعرف شو أكتب ,,
احتاااار ..
:hm00mm: إما ان ما عندي شي أقوله ,,
أو أني تعرضت لوايد مواقف بس مب عارفة كيف اترجمها ..
ولا شو أكتب وشو أخل ,,
ما علينا ,,,


نبدأ حكاية اليوم .,,


الصراحة قبل فترة كنت طالعة ويا ربيعاتي مكان جريب ,,
جان اشوف اشيرة محفور عليها كلمات و أكثر شي حروف ,,
من النوع اللي تكون قشرتها شوي لينة و قابلة للنحتع عليها ,,

هاذي صورتها ......:-






قلت خل أكتب اسمي أنا بعد ,
عشان بعد سنين ارجع له و الاقيه بعده موجود مكانه ..^_^
هذا لو محد قطعها يعني ..^_^



:ah:

اتعرفون شو استوى بالشيرة ,,
سبحان الله ..
لمن حفرت اول حرف عليها كان لونها من الداخل بني محمر لدرجة فظيعة ,,
كأنه لون الدم ,,
الصراحة استغربت من خاطر..
و كأني فعلا فعلا جرحتها ,,
و قلت لربيعتي اصلا ما يعورها صح,,.!.!
لأن هاذي الطبقة الخارجة جدا قاسية و من المفروض انها طبيعا تتعرض للتجريح ..
ما أعرف الصراحة ,,
عشان جيه صورتها لكم ,,
شوفو الصورة بروحكم و احكموا ,,,,




كنت بكمل النص الثاني من نكي ,,
بس خفت ,,
قلت كافي يا لحن ,,


شو رايكم .,..؟؟!!

شي عجيب صح ^^




:==:



و هاذي أهي قصة اليوم ,,,,
و بعدني لي عودة إن شاء الله ,,

 

[لحن المطر]

•● لا يجوز , ●•

بسم الله الرحمن الرحيم ,,
السلام عليكم ورحمة الله وبركاته أعيال برزة الشحوح ,,,,,
جيف الحال ,,
عساكم بخير ,,؟؟


عدنا للمدونة بطلب من ناس غاليين ..<<<< مب شخص واحد ترا..

بالرغم اني احس ان قريحتي خلية ..
إلا اني ماحبيت اردهم ...<<<<< قولي والله ...

اسولف اسولف ...




Ω شيء محزن جدا Ω



الإنسان دائما يحب التميز,,,
لأن الإنسان مميز ,,
الإنسان مميز بالعقل عن سائر خلق الله ...
.
و ليس هكذا فحسب ...
بل كل إنسان مميز عن الآخر ..
ولا يوجد شخصان متشابهان ..
لذا التميز صفة فطرية في الإنسان ..
كل شخص مراده أن يصبح مختلفا عن الآخرين ..
البعض يسلك السبيل القويم في الوصول إلى مراده ..
إي الإختلاف عن الآخرين و تكوين ذاتٍ خاصةٍ به ..
و لكن الكثير الآخرون يسلكون سبل غير مستقيمة في إبراز انفسهم ...

ذلك هو ابن آدم ..
.
حتى في إتباع الفطرة نختلف في السبل ...
.
لماذا بدأت هذه المشاركة في مدونتي بهذا الموضوع..؟؟!!
.
لأن لحن إنسانة .. من جنس البشر ..
و كحال باقي إخواني في البشرية ..
أحب التميز عن غيري ..:ah:
لا أحب أن اصبح نسخة عن مخلوق آخر ..
أريد أن يكون لي كياني ,,
أختار ما يتناسب مع ذوقي و تفكيري و ليس ما يعجب الآخرين..
لأني مميزة .<<<< التميز الذي اشرت إليه في أول الحديث ..
كذلك أنت يا من تقرأ حروفي مميز ,,^^
كلنا مميزون..
و كلنا مختلفون ,,


الآن سأريكم ما ضايق لحن المطر ,,


لحن المطر اسم مستعار اخترته بنفسي ,,
لأنه يعبر عن نواحي كثيرة فيّ..
و الأهم من ذلك قرين اسمي الحقيقي ...^^
أخترته و سجلت فيه في المنتديات منذ 2007
في منتديات رؤوس الجبال ..

و ما حدث هو التالي ,,

كتبت في محرك البحث ..( لحن المطر )
فعثرت على هذا ..








و وفي موقع آخر .هذا.






مسجلة منذ 2009 ,,

لماذاااااااااااا :hm00mm:


لاااااا أحب ان امتلك ما يمتلكه غيري ,,
و كذلك لا أحب أن يأخذ أحد ما يميزني ....

لا أعرف منذ متى موجود ذلك المنتدى ..

ولكن ما اعرفه انني تضايقت ,,,>.<


صحيح بأن الاسم ليس نادر إلى درجة كبيرة ,,
و ان احتمال ان يكون احد اختارهه قبلي كبير ...
و لحن المطر لحن مشهورررر..
يطرب كل الآذان ...
و هذا شي منطقي ..
ولكن فقط اردت القول بأنني تضايقت ..

فهل هناك من يمنعني من ذلك ,....:1577_1186768770:




لحن المطــــر

 

[لحن المطر]

•●جديدي●•



بسم الله الرحمن الرحيم..

و الصلاة و السلام على أشرف الخلق و المرسلين .



عودة لمونة لح.ــــــن الم.ـــــطر ^^


اشحالكم و شخباركم يا عيال البـــرزة .^^؟!؟!؟!
عساكم طيبين ان شاء الله ..^^

الصراحة من زمان أبي أكتب فمدونتي ...^^
بس ما محصلة وقت ..
و زين أحين حصلت وقت ..

أكيد كلكم شفتو موضوعي الأخير في الاستراحة ..


المقلب لاخوانا الشباب ...

في منهم اللي زعلو ...>.<
و اضايقو ....
بس صدق انا مب مرتاحة ...
يعني مابي أي واحد من أخواني يضايق مني ....
ابدا ابدا ابدا ...

و السموووووووووووووووحة لو أزعجتكم ..
لأني مثل ما خبرتكم ..
يمكن ما أكمل وياكم في البرزة ...^^
ومحد يسأل ..
كل انسان أبخص بظروفه ..
فلا تزعلو مني رجااااااااءً




______________________________________________________


و الحدث الثاني اللي صار في هو تغيري من مشرفة على الاستراحة ..
إلى مشرفة على برزة الدراسات العلمية ^^

بقولكم شي ..

انا تعودت على الاشراف في الاستراحة ..
^^
يعني صح نادر ما اشارك في الالعاب ..
لكن كان غير ..
و كنت لما أشوف رد مخالف امسحه ..
و أحول مواضيع لأقسامها المناسبة ..
^_^

ان شاء الله أحاول ابدع فقسمي اليديد ..
و أنزل فيه جديد المواضيع ...
و أي عضو عنده أي فكرة فليتفضل مشكورا بإبلاغي بها ..
و مثل ما شفتو الأخت الفاضلة المراقبة أحلام ما قصرت ..
ارجعت للقسم الحياة ..
فبارك الله فيها
و جعلنا خير خلف لخير سلف <---------- ^_^


______________________________________________________

و أحين نسولف عن العيد ...^_^


هالعيد الصراحة كان جميل ..
ردينا البلاد قبل العيد بيوم ....
^_^
و كانت الرحلة حلوة ..
و ناااااااااااااااااااااااايس ..
و وصلنا بالسلامة ..
و وصل العيد ..
و لبسنا المخورة اليديدة ..
مسوينها لي و ما قالولي ..
روعة طالعة..
و الكل كان حلو ...<----------- هع
و سلمنا على كل أهل البيت ...و لفينا على العمات و سلمنا ..
و على االخالات ..
و على الخوال ...
^_^

و صارت الساعة 2 و نص ..
و يلاااااااااااااااااا رحلة ..
الجو حماس ..
و الاجتماع حلوووو ...
و شفنا وايد أماكن حلوة ..
بالرغم اني شفتها قبل ....هع
رحلة مختلطة بحرية مع جبلية ...


الصراحة وناسة ...
و البلاد مافي أحلى منها ..

وأمس بس ردينا للبرزة ..

و

 

[لحن المطر]

رد: •●انــا الــwـــر الـoـكنــ,,ـــوني,, ●•

السلام عليكم


لحن تعبانة ياعيال البرزة
من خااااااااااااااااااااااااااااااااااااااااااااااااااطر
و عندي امتحان جريب و مب مذاكرة ولا صفحة
لالي نفس ادش البرزة
ولا لي نفس اقرا و لا اكتب
و بالقو ارد على موضوع واحد.

تعبانة نفسيا جدا جدا جدا
من يومين ماكلت غير تشيبس و مب حاسة باليوع ..
و هاذي اول مرة تصير
ولو تعرفون السبايب
صدقوني انا في وضع ما أُحسد عليه
ادعولي الله يصبرني
و أذاكر لامتحاناتي
و اسمحولي جان مقصرة في البرزة