بقـَشةْ عِيَايـزْ ;`

[غنَاتْيـے]

أقفَا بزُوله وإختفا عنّي وَبادرْ بالجِفا ;
عِقبْ المُوده والصفا مَاكنّه يعرفْ عشرتي !*

. . عَشرة شهُورْ وحُولْ عامْ مَالاذْ جِفني بالمَنامْ . . ~
لاذوق شِرب ولاطعامْ ابكي وردّدْ زفرتي . .


[ :yola: ]


شكراً عد حروف العاشقين :eh_s(6):


فاتنة الغرشوبات ; ٱڶظپے ; أبو البراء ; محرز بن حريز . .
عيوز مشتطه ; سطام بن زيد ; الجارح 2003 . .


:ax:


من أمس وأنا أبى ارجّع . . ادري طفاسه :eh_s(6):
اهاوع من العشا مع اني ماكلت شي غلط . .


من الساعه 12 وانا احس ضو في معدتيه . .
خلاف تميت ارجع الحمدلله ارتحت :eh_s(6):


رقدت عقب صلاة الفير . .
ماقدرت اسير الدوام . . فـ طاااااااااااااااااااااااف [ :00cool: ]


♥ ,`


نشيت وسبحت عشان اتنشط . .
اشوف الكلندر . .




احس جنّه توه امس نبارك حق بعض بالشهر . .
كيف الأيام خطفن بسرعه . . :eh_s(1):


يلست وبطلت لاب توبي وخذت لفّه في البرزه . .





اشوف عيوز مشتطه منزله في مدونتها شلّق . .
من أمس وانا ابى [ :cm: ]

امايه محشتره علينا مب طايعه حد يشتري . .
العام . . اخويه الصغير كان ينقّع شلق . . حرق ايده كلها و كندورته من فوق لين تحت :h015:


مايخصني يوم بسير راك بشتري [ :a040: ]


♥ ,`


طبعاً من باجر خلاص اول دفعه بيظهرون بنشل قشنا عسب سيرة راس الخيمه :bad:
~> ماشاءلله 4 مواتر :eh_s(6):


شو هااا . . انا مابى اسير >.<
انا بسير مع آخر موتر يظهر . . يارب يارب بالسبت . . :a050:


وامايه امس ع الفطور هي وابويه ينغزوون . .
قفضو اغراضكم بسرعه خاصه فلانه . . ترى أنا دوووم آخر وحده احط اغراضي :ah:


اوني اسوي لهم تمويه اني ببدا بحط اغراضي . .
جان اسير اطلع شنطتيه ولادريت ابها من امس . .


هاي شنطتيه يعيبون عليهّ اونه ياااهل :h035:





♥ ,`


من ساعه سرت بيتنا . . اتنفقد أحوال الرعيه . .
اشوف البشاكير وامايه معتفسين . . يزهبون حلاوة العيد . .


امبيه صدق السالفه العيد جريب :eh_s(6):





احبه هالبسكوت . . قوم امايه يسوونه لذيييييييييذ . .
اسمه عين الجمل . . حركاااات وقسم . .




اونه في راس الخيمه نرتبش بأشيا ثانيه . .
فـ من اللحينه يستعدون . .


♥ ,`


امس سرت خذت حق . . بنت بنت خالتيه ملابس . .
احب اتشرى سوالف البنااات . . so so so cute . .

خاطريه يكون عندي بنت صغيره . .
بس عسب اشتري لها فساتين وشباصات :ah:






♥ ,`



أنا بسير راك بس بشرط . .
يودوني اصور صوب شمل و الرمس ~> طااااااااااااااع المتفيجه :ha:

وخاطريه اتحنا ربيّه . . :ah:



♥ ,`


يَبكي قَلبي مَضنونه ; بُو حيّات ٍ مَقرونه . .
تَعجبني نظرة لُونه / والمَنطوُقْ يــِسليني ،`

 

[غنَاتْيـے]

مَاعرفْ العيدْ ياعيدي . . ;
يُومْ وَصلكْ عيدي العُودي !*

انقضَا مِنْ دونْ تَعييدي . . . ~
بالهيرْ يَاليتْ مَايعُودي \





شكراً أكثرْ شي في الدنيا :


غزالة الجبال ; أحلام ; سفاحة راك ; شيخة البنات . .
»ǾùTlâw« ; عيوز مشتطه ;
قطوة سوده ; ِ~همـِسـِة الشـِـِووووقـِ~ ; سفاحة راك . .
الجارح 2003 ; راعي فزعه . .





♥ ,`


يسعدْ لي ايامكم بكل خير وعافيه :wrd:
محلى يلسة البيت . . اجازه مرضيه يومين . . ماتحاتي نشّة [ :^^: ]


بس يوم تفكر انك لازم تيلس تحط اغراضك . .
باجر وراك خط لين راس الخيمه . . تتغير مشاعرك :cry:

♥ ,`


نكمّل سوالفنا عن السفر . .
ماخبرتكم عن جنتنق . . هالمنطقه سرناها فوق اليبل . . من الصبح لين في الليل . .


ولازم نسير الها بالتلفريك . .
تعالو شوفو شكلي كيف [ :cm: ]


اخواني الأنذال لين اليوم يضحكون عليه . .
وانا متشبصه فيهم مش طايعه احرك رقبتيه لا يمين ولا يسار . .




حديقة العاب ضخمه . . هالصوره ربع منها بس . .
طبعاً كلهم استانسو ياغير انا الخوافه ماحب ألعب . .

و سلطان يقول لي اركبي معانا بعطيج اللي تبينه . .
يحلم والله ماركبت ولا شي :^^:


المنطقه فوق اليبل من يستوي المغرب . . صقيييييييييييع . .
وقالو لنا شلو جاكيتات . . وانا نسيت مالي في الفندق . .


ومن رديت طبعاً . . بلاعيم وزجمه . . انا ع الدقّه . .
من اسافر مكان لازم امرض [ :212: ]

♥ ,`



تمينا في ماليزيا تقريباً 12 يوم . .
بعدها سافرنا سنغافور . .


سكنّا في الميريوت . .





اختيه حليلها وايد تاذّت منّي . . كنت مارقد من السعله ومزعجتنها طول الليل . .
ماحبيت سنغافور وايد . . ما فيها طبيعه ذاك الزودْ . .





تميّنا فيها 5 أيام . .
من نظهر من الميريوت ماجبلينا المولات طول السيد . .

والشلّه اللي عندي مبسطين . .
الا انا :1577_1186768770:


واحيد مجابلنا ماكدونلز . . وضرااابه كلهم ياكلون عسكريم وانا مايخلوني آكل :cm:


سرنا سفاري ليليه . .
تخوووووف . . طول الوقت احسهم بينقزون علينا . . وصوت الصرانيخ io:





صورة عرض الدلافين في جزيرة سنتوزا في سنغافور . .
وهاي بعد لازم نسير الها بالتلفريك وبدا عندي المغص . .


هالجزيره حلوه تسيرها من الصبح واتم فيها لين المسا . .
فيها كذا فعاليه . . مقسمينك قروبات وكل شي مرتب :122:


شي عرض الدلافين . .
خلاف نسير المتحف مالهم شي خياااااااااااااااااااااااالي . .


ورحنا الأكويريم بس مال ماليزيا أكبر . .
وآخر شي المسا تم يصب مطر وبرررررد . . حضرنا عرض اسمه Ocean Song \ اغنية المحيط . .






شباب وبنات بين عمر 15 لين 20 . .
عرض موسيقي ورائع . . كله العاب ناريه وتأثيرات صوتيه . .

فكرته انه هم يغنون عسب يحررون الأميره المسجونه . .
وقال لي واحد هناك انه الحكومه السنغافوريه مخسره عليه الملاييين . .


♥ ,`

كانت السفره حلوه . . اول مره اسافر مع اخواني الأولاد المقلع . .
ع كثر ماكان سلطان يستلمنا ويقرضنا بالدور الا اني استانست ;


يوم يباني اصرخ . . يشل كامرتيه ويربع . .
صورتهم اكثر من 200 صوره . . وكانو دوم رقود واختيه تسوي الهم اقتحام الغرفه وتحشرهم كل يوم نفس الحاله . .
في السفر لازم تودي معاك حد حرك ينش بدري . .


ذكريات جميله :eh_s(1):


♥ ,`



دَايمْ تفَارقني قَبلْ حزّة العيدْ . .
وأقُولْ صِدفه يَعني هالشي وَارد !!


توّي عرفتْ المَسأله بكلْ تَأكيدْ ;
مَايجتمعْ عِيدينْ في وَقتْ واحدْ . . . ~

 

[غنَاتْيـے]

عيِدي أنَا شُوفة محيّاكْ ; وتغرْ عيني يُومْ ألاقيكْ ♥ ,`


:00100:


شكراً من القَلبْ :


ٱڶظپے ; شحي فوق الجبل ; M!ss_Maharee ; ونات عود . .
القيصر ; الجارح 2003 ; »ǾùTlâw« ; رهف . .
ِ~همـِسـِة الشـِـِووووقـِ~ ; الزبرجد ; شوشو . .


عيدية الجَميع io:

♥ ,`


هذا آخر رد إن شاءلله لين أرد من لاس فيغاس . .
آ آ آ قصد راس الخيمه io:


اول سياره طلعت من شوي متوجه لـ راك . .
انا بروح باجر . .


فكرت وفكرت اي موتر اختار . .
مع ابويه بيلس اضارب مع اخويه الصغير ومع الدريول قوم بطي وحشره . .
فـ بسير مع قوم اخويه . . ميره هاديه وحمودي يرقد في نص الدرب . .

ادور مصلحتيه :h015:



♥ ,`


التزهيبات الأخيره . .




واليوم يايبين الحنّايه تحني المير . .
تعرفون الحفيده الوحيده فديت روحها ومدلّعه :ah:





وماخذين لها اليوم فستان حق ثاني عيد . .
مستانسه عليه . . حبيته انا . . جان شي منه مقاس كبير io:






♥ ,`



خلّص رمضان . . الله يعوده علينا كل سنه وكل حول . .
وعسانا مايخلص هالشهر الكريم الا ونحن عتقاء من النار


تقبّل الله صيامكم وقيامكم . .
مباركن عيدكم و عساكم من عواده يا الغوالي :ax:


والسموحه جان حد شال في خاطريه عليّه . .
اشوفكم على خير :bt:

 

[غنَاتْيـے]

عَلى كِثرْ اتصَالاتْ الخَلايقْ فِي صبَاحْ العيدْ . .
أنا والله مَاكنتْ اتحرى غيرْ جوّالكْ ;`

. . تحرّيتْ اتصَالكْ إنتْ يا الغَالي وبالتحَديدْ !*
لآنْ العيدْ ماظنّه يجي ومَاجيتْ في بَالكْ . . . ~


:ax:


مِساكم \ صباحكمْ دهنْ عُود . .
يلست ربع ساعه انفض الغبار عن المدونه . . كح كح :eh_s(6):


اشحالكم عساكم بخير . . ؟
لكم وحشه وقسم [ :ah: ] ;


محد ينشدني شو سويت في راس الخيمه و العيد . . :eh_s(1):
ماحسيت فيه أبد . . تصدقون لدرجة اني ماظهرت كامرتيه وصورت !!


وامايه وابويه سارو الشرق ثاني يوم . .
سارحين الساعه 6 ونص . . انا في سابع نومه :bad:


سرت ملجة عمة Pure She7iya . .
هههههههههههههه Pure She7iya اشحالج . . ؟

استغفر الله يلسنا ماجبلات بعض وماخلينا حد في حاله . .

اهداء لج [ الواد ألبو بيوجعو عاوز حد يدلعوووو . . ] :h015:
هي بعد رابح صقر يقول لج في موووونتهى الريييييقه . .

وين عيوز مشتطه . . :a040:
سرت اليوم الجمعيه شوفي شو خذت . .






تصدقين عاده . . هزاع و بطي باجر يبون يسيرون امرطس مووول . .
يمكن اسير معاهم . . جان بتخاوينيه :h015:




ومنو يبى . . ؟

ماشي مبروووك . . ؟
إنتقلت غرفتيه اليديده . . بس باقي كم شغله ماخلصتها . .
يوم بتخلص كلها بخبركم :ah:



هاي ابجورتي . .
هزاع وبطي يسمونها ام كشخه :h015:




سرت ايكيا خذت شوي أغراض حق الغرفه . .






حق التصوير :==:





وخلاف حدرت Patchi خذت هالحلاوه حق المكتب . .





وطبعاً لازم امر accessories القّط من هالخربطان . .
حق التصوير :





وخذت papers clips حقي وحق منى عشان المكتب ; هاذيلا ربع كركورتيه [ idea ] هي عندها شراتهن . .
وبطي اليوم شافهن عيبنّه بسير آخذ له حق المدرسه . .






وخذت هالحيول . .
ستايل هندي :ah:

هَاي أبيات من اغنية ميحد حمد . .
اغنيه جديييمه . . ومن أمس على بالي . . بس ماعرف شو اسمها . .
اللي يعرفْ يخبرني :a050:


أنَا شُوقي شَرا الغوَاصْ رَاجعْ مِن بَعدْ غيبه ;`
وشُوقْ الغوصْ للغوَاصْ يَاليتْ الناسْ تَدري به !*

 

[غنَاتْيـے]

السَلامْ عَليكمْ ورَحمة الله وبَركاته . . ;
مَساكمْ وصبَاحكمْ خيرْ وسَعاده . .


[ :wrd: ]


جرُوحْ الحِبْ تتغَلغلْ . .
وجَرحٍ في حشايه محينْ . . ~

محيّر وضعي ومذهلْ !*
أمُوتْ بحسبة الحييّنْ ;`

:yola: :yola: :yola:


وينها عيوز مشتطه تعالي تعالي يبت لج اهداء :yaw:
والله يخليج مره ثانيه لاتحطين لي شرات هالأشيا اتم في خاطريه . .






اليومْ الصبح سرت مع اخويه . .
وعاد ميره معانا نوصلها المدرسه . . واخويه من النوع اللي يسرع :a050:

والمير تناقز مستانسه . .
تقول له : هي هي بابا سوق مليون وانا خاطريه اكفخها ع راسها . .:1577_1186768770:





أمسْ طرشتْ حق اختيه وَرد . . عسب الموتر اليديد





من وصلت المكتب وانا ادردع . . مادري شو بلاني . .
البطنْ خالي ماشي اكل ْ . . ياغير هالخرابيط :eh_s(1):

قهوه \ نسكافيه \ حليب زعفران . .
من غير اللي شربته تحت عند بنات الـ HR :eh_s(6):




ويبت الحلاوه وصبيتها هني . .
طلع شكلها كيوتْ . . بحطي منّه في حجرتيه حق اليهالْ ..





عقب الدوام سرت لايف ستايل . .
اصلاً كنت رايحه عسب شي معيّن وماحصلته . .

فـ خذتْ لي سلبرز يديد وبكس عسب احط فيه طووقاتي [ :yaw: ]




يقُولونْ الغيابْ افضلْ طَريقهْ لـ ختبارْ الشُوقْ !*
لكْ الله مِن عرفتكْ وانتْ غَايبْ لجلْ تختبره ;`

 

[غنَاتْيـے]

يلُومني لي مِستريحْ . .
اللي بالهوى مَاله طمُوحْ !*

ايدَور الدَربْ المريحْ ;`
. . بينْ الوطَايا والسفوحْ . . . ~

:yola: :yola: :yola:

♥ ,`


السَلامْ عَليكمْ ورَحمة الله وبركاته . .
يسعدْ لي مَساءْ كل متابعْ لـ بقشة عيايزْ :wrd:


أولاً شكراً قدْ الدِنيا . .
لـ المتابعينْ \ تخجلوني بتواصلكْمْ الطيبْ لاخليتْ [ :a050: ]


سفاحة راك \ عذبة الوصايف \ الجارح 2003 \ عيوز مشتطه . .
Pure She7iya \ جلنار \ غرشوبهـ \ قطوه سوده . .


♥ ,`


منى من رَدت مـ السفرْ وأنا ماشفتها . .
الظروفْ كانت عفسه شوي . .

منْ اسبوع وانا احايل قوم ابويه اني ابى اسير لها . .
تقرر انه اروح اليوم الضحى واقيل عندهم لين المسا ~> ليش ماتباتين عندهم بعد :yaw:


ع أساسْ اونه انا بنش قبلها وبوعيها . .
ولا الطشّه . . :eh_s(6):


نشيت وتلبست وتصوغتْ . . [ :ah: ]

قبل كنت ناشدتنها انه شو في خاطرها تاكل . .
لانها مستويه ماتاكل شي :ha:

قالت ابى بسبوسه . .
فـ امايه سوت لها + ورق عنب . . لانها تعرف عشقها له . .

ترييتهم يحطون اكل منى . .
وهيّا بنا إلى هناكْ [ :yaw: ]

وهي نفس الشي . . انا قايله لها ابى شي من ايديها . .
تقول لي شو اسوي لج غدى . . ؟!


انا ماكل لحم ولا دياي ولا سمج :Afkr:
قلت لها ابى باستا بس بيضا لاني ماكل الحمرا . . قالت ماعرف اسويها . . !!


المهم صلينا الظهر ويلسنا سوالف لين وقت الغدا . .

انصدمت انه شي باستا . .
وشرات اللي احبها وايت سوس وماااشروووم :m_9admah:


فديييتها يلست ادور كيف طريقتها في النت عشاني . .
تسلم الأيادي فديتج كااانت لذيييذه بدوون مجامله :ax:


وهذا غدايه . .
كلت عييييش يا القاضي ويابووو لي ارونامين سي io:

وهااااااااي الخبصه . . صحن منى . .
دوووم هالتخبيص . . عباس فوق درباس :h035:

بعد الغدا . . يلست اشوف صور أمريكا ونسولف . .
لين عقب آذان العصر . .

لا تتخبرون شو ها اللي آخر شي . .
اذا أنا طفسه يوم اني كلت بطاطس عمان وروب . .

منى تاكل بابيسناك مع نوتييييييييييلا :212:
منو الطفس اللحينه . . ؟



وقبل ماسير . .
كيك من ليبون كافيه . .

بعد نص يوم من اليلسه الحلوه . .
back 2 home ;

صوغة منى من أمريكا . .
مَابرويكم شو داخل سوالف بناتْ \ بس الحلاوه عسب انه شوف وحراق يوُفْ :^^:

شكراً يا نبضْ على كل اللحظات الحلوه . .
احب هاللمه لاخليت منكم كلكمْ . .

من أصغركم لين أكبركم . .
مشكوره واايد كلفتي ع عمرج . . وتسلم إيديج مره ثانيه . .


إهداءْ ♥ ,`

أبَشركْ إني بخيرْ دَام إني مخَاويكْ . .
وبَبقى عَلى عَهدكْ مدَامكْ معايا !*

 

[غنَاتْيـے]

السَلامْ عَليكمْ وَرحمة الله وبَركاته . .
مَساكمْ وصَباحكمْ جُوري أحمر ْ :ax:


♥ ,`


في البدايه حبيت أعزي برزة الشحوح من اعضاء وعضوات . .
في وفاة اخونا عبدالله . . ربي يرحمه ويغفره له ويثبتّه عند السؤال . .
لاتنسونه من دعائكم =)



♥ ,`


الإسبوع اللي طَاف كانت عندي زحمة شغلْ . .
صح كان إسبوع متعب . . بس \ حسيت بطعم آخرْ وأنا اشوف لكل مشغول ويساعد الثاني . . :yaw:

وبيستمر هالشي هالإسبوع كذلك . . :ha:
كل هذا تحضيرات لحدث بيشهده المكان اللي أشتغل فيه . .

وبين عفسة الأوراق والإستعدادات . .
لازم شي وقت لـ الأكل وإبداع بنات الـ IT . . :sheer:

قبل يومين اختيه سَافرت . . [ :a050: ] ;
كالعاده مؤتمر خارجي \ جنيف . .

كنت المفروض انا اسافرْ معاها . .
بس بحكمْ ضغط الشغل اللي نعيشه هالإسبوعينْ ماقدرتْ . . :cm:


بتوله عليها . . :cry:
صح دوم مشغوله عني \ بس في الفتره الأخيره تعودت عليها اصبح بويها واسير معاها الدوام =)
تروحين وتردين بالسلامه يا الغَاليه :Afkr:



♥ ,`


عندنا في الدوام مستشار وخبير مصري . .
عمره فوق الـ 60 سنه . . أنا وااايد أحترمه واقدره . . :wrd:
بنظري موسوعه وله خبره كبيره بتاريخ الدوله . .


دايماً ايلس عنده واتم اتسأله وهو يجاوب بكل لطافه . .
ويخبرني كيف كانت الإمارات ومكان دوامنا أول ما أنشأه ابويه الشيخ زايد الله يرحمه ويغفر له . .


حاطين في مكتبه شرات هالنبات الأخضر . .
انا احب شكله بس ينرفزني لانه كله اخضر واحس مافيه حياه . .:Afkr:


أمسات سرت خذت له زهره لونها بنفسجي . .

وايد استانس عليها . . وتم يتشكرني . .
ويقول شي مش غريب عليج ( دنتي زووء واللهي ) . . :ah:


♥ ,`

قبل كم يوم وديت هزاعي نصوره عشان الـ KG . .
طبعاً مسوي لنا شرات مناحة العام مايبى يسير . . شليته غصباً عنّه . .

وهّاي نتيجة الصُور . .

~> خلاف سرنا نشتري حَلاوه حق المكتب :yaw:


♥ ,`


يا عندنا شرات كل Weekend . .
وكان عنده واجب فـ الحبيب ياب كتبه وتسدح في حجرتيه يحله . .

اهم شي وضعية الإنبطاح :h015:


♥ ,`


وأنَا في قِمة آلاَمي . .
وتَشويشي وقِلة حِيلتي وطيشي . . ;`

تِمنيِتكْ تمِر بشُوقْ قِدامي !*
وتأشرْ لي عَلى قَلبكْ [ ♥ ] ;

وتَهمسْ لي : هِنا \ نَامي .

 

[غنَاتْيـے]

كثر المواصـل فـ الهوى ماهو بـ زين /`
ودّك بـ ’خلّـك . . بيـن مـدّة ومـدة ~

لأن البنـي آدم ماترك طبعه الشين !*
لاحـبّ له شـي وشبع منه ، هـدّه . . ;



♥ ,`


«- . . السَلامْ عَليكمْ ورَحمة الله وبَركَاته . . -»
مَسَاكمْ وصَباحكمْ دِهنْ عُودْ وطيبْ :wrd:


ادري ادري اني منوره :yaw:
في البدَايه شكر متجددْ لكل المتابعينْ ;


جرحيـ جديمـ ..! / KиMάήά / قاسي القلب حنون / الجارح 2003 . .
قاسي القلب حنون / غزالة الجبال / »ǾùTlâw« / عيوز مشتطه / درع القبيله . .
ِ~همـِسـِة الشـِـِووووقـِ~ / رشة عطر / الكاشخ / سفاحة راك / جلنار . .


♥ ,`


يُوم الجمعه . . كان عندي مود تصوير وبقوه :chek:
يبت هزاع وبطي وبدينا جلسة التصوير . .


و بدى العبط والحركات :a040:
الجارح 2003 منو هذا اللي في الصوره . . ؟

هههههههه ركّز شوي هذا بطوي :eh_s(6):

الشيوخ . . [ ماشاءلله ] ;

في صور وايده . . فوق الـ 60 . . ومع اخوانهم الثانيينْ . .
انا اخترت لكم كم وحده بس :122:



♥ ,`

أمس ختيه ردت من سويسرا :a050:
من بعد مممم 8 ايام تقريباً . .

منو يبى حلاوه :^^:

والا تسويني بنيه . . يابت لي سوالف بنات :ah:

انا كنت موصتنها على سوفنير . . ويابت لي Snowball :a040:

وتدري اني احب المكرونيز وادوره هني وكل كوفي يختلف عن الثاني . .
ومش اي حد ماله لذيذ . . غمضتني شالتنه لي من مطار جنيف لين باريس لين هني :cry:
وطعمه حاجه تنيه خالص :yaw:

واخواني الأولاد يقولون . . اشمعنى هي هداياها اكثر ومش مخليه شي الا يايبتنه حقها . .
عاد انا ذليت اخلاقهم . . لاني اختها الصغيره :ah:

♥ ,`

 

[غنَاتْيـے]

إنهَدْ حِيلي منْ عَـذابْ إنتظَاركْ . .
وأخفيتْ جَرحي مَابي النَاسْ / يَدرونْ !*

. . أَرمي سِلاحي وأعترفْ بـ إنتصَاركْ ;`
بكيتْ وأنا للي كَنتْ أضحكْ ع اللي يحبونْ . . ~


♥ ,`


السَلامْ عَليكمْ وَرحمة الله وبَركاته . .
صَباحكمْ غلا وحُبْ :ax:

اشحالكم كلن بحاله . . ؟
أولاً . . أنـَا ادري اني وَايد مقصره . . بس صدق ماشي وقتْ :a050:


الإسبوع اللي طاف كانت عندي دورتين . . وحده من 8 الصبح لين 12 . .
والثانيه عقبها مباشره كانت من 9 الصبح لين 5 العصر . .

وحالياً بعد الدوام مباشره لين 5 . .
تخيلو حالتي لين الساعه 9 . .اكون خلاص مسطله وادعم الطوف من التعب :h015:

♥ ,`


ع طاري الأوقات . .
تخيلو من زحمة بوظبي آخذ من المشرف لين البطين 40 دقيقه !!
خاصه اشارة البطين . . عادي نشير فيها ثلث ساعه . .

امس . . وقفنا عند الإشاره . .
اقول حق الدريول غريبه ماشي زحمه أبداً الشارع خالي :Afkr:

شوي ع اذاعة القرآن . .
قالو في حركة المير والسرور آ آ آ اقصد السير والمرور انه في حادث ع جسر مصفح . .
ايوااا عشان جيه :eh_s(6):


وبالفعل . . اغلب اللي في الدوام وساكنين خاري بوظبي . .
ماوصلو الا ع الساعه 9 . . كان حادث كبير تقريباً 15 سياره . . :212:

♥ ,`


في اعلان لبرنامج ع سما دبي . . حاولت ادوره لكم ع الـ youtube . . باط جبدي ومرارتي . .
صدق شي يقهر . .
بس للأسف ماحصلته :bad:


هو عن برنامج ( صباح الخير يا بلادي )

اكيد وايد منكم شافو دعايته . .
يطلعون مقدمين البرامج [ راشد الخرجي وعلياء الشمري ]
يمشون بعرض الشاشه ويتلاقون ( الغبي اللي مصمم الإعلان )


شفتو المذيعه شو لابسه !!
اي بلاد وأي هويه وأي بطيخ . . :eh_s(1):
لابسه ( بنطلون سكيني ) . . وكعب . .
ومسويه بف . . ومطلعه نص شعرها وعباه مفتوحه !!


وفي النهايه صباح الخير يا بلادي . .
ههههه والله شي يضحك . . هذي اللحينه تمثل دولتي . . ؟


♥ ,`

الإسبوع اللي طاف وصلتي باقه ع المكتب . .
آ آ آ سر مابقول لكم من منو [ :a040: ]

ياربي يا الفضول . . خلاص محد يدز بخبركم من منو . .
من اخت منى. . من اختها يعني ~> انزين فهمو ليش تواجعين . . :eh_s(6):


وفيها هديه :ah:

♥ ,`


من آخر تجاربي الفاشله في الـ weekend ;

♥ ,`


وأخيراً . . مَبروكْ لـ ميره إفتتاح الدريشه كامله :a040:

قَالو تحبّه . . ؟ قِلتْ بالشَهرْ الأول . . ;`
. . يُومي بوسطْ الرَحمْ وهن ٍ على وهنْ !*

 

[غنَاتْيـے]

«- . . السَلامْ عَليكمْ ورَحمة الله وبَركَاته . . -»
مَسَاكمْ وصَباحكمْ خير وبركه :ax:


في البدايه شكراً من الأعماقْ . .
لـ كل خواني وخواتي المتابعين لي دايماً . .

رهوفه \ ولهانة زايد \ حور راك \ الزبرجد \ سفاحة راك . .
لولو الصغيرة ●™ \ الجارح 2003 \ بنت ناس ماتنداس \ راعي فزعه . .


لاخليت ولاعدمت . . :ah:

♥ ,`

استغِلْ اليُومْ في حَاجه تفيدكْ . .
دَامْ هذا اليُومْ عيدْ المسلمينْ !*

زرْ مريضْ \ اكفلْ يتيمْ . . واجعلْ رصيدكْ ;~
يتضاعفْ عندْ رَبْ العالمين . .




~> صورة المسيد اللي فوق في راس الخيمه . . الإمام صوته وايد حلو ماشاءلله :


♥ ,`


ههههههه فيّه ضحكه والله :eh_s(6):
انا يالسه تحت . . النت السخيف مايوصل لين حجرتيه . .

ونحن غرف الشباب تحت . .
وكلهم رقود . . ابويه توّه خطف عليهم وقسم بالله مسح فيهم الأرض [ :h015: ]

صدق صدق شّل الدنيا ع راسهم . .
خل يظهرون ابى اعيب عليهم شوي :^^:

♥ ,`


خل نرد بالأجواء لـ الإسبوع اللي طاف . .


انا كنت ميهوده وماداومت كم يوم . .
رديت الدوام ووحده من البنات حليلها مطرشه لي ورد . . [ :ah: ]




داومت بس ع يوم الخميس . .
ومن رديت احط ملابسي بسرعه بسرعه . . ابويه دوم مستعيل علينا . .
وسرنا راك . . كان عندنا عرس عمة بيور شحيه . .




ألف مبروك فديت روحج . . عسى الله يهينج ويسعدج . .
وعقبالكن يا بنات البرزه . . :ax:


♥ ,`


ع بداية هذا الإسبوع .. ربيعة وحده عندنا في الدوام ربت ويابت بنوته :yaw:
فـ كنّا نساعد ربيعتيه نسوي توزيعات حق البيبي . .




وايد CUTE الأشيا . . بس الصور مش واضحه . .
لانها مش بالكيمرا . . :eh_s(1):


♥ ,`



شوفو بكل جرأه وقوة ويه . .
متى سايره الخياط اودي ثياب العيد :ah:

تاريخ 17 . .
الخياط راغني برع :h015:

نتعامل معاه من زمااان اكثر عن 15 سنه . .
اقول له : [ من شان بابا ] . . يقول انا عشان بابا سوي كول شي بس انتي واجد تأخير :1577_1186768770:


يقول لي انتي خليها عندي . . بس انا مابوعدج اني اخلصها . .
عشان بعدين ماتقولين ما اوفيت بوعدي . . والنعم والله :eh_s(6):

ادري به جذّاب ولا الطشه مابيخلصهن . .

♥ ,`


هالفتره انا كنت عند قوم هزاع وبطي . .
الساعه 6 لازم نيلس نشوف سبونجي بوب . . وشوفو الإندماج عاد :eh_s(6):





نفس هاليوم . . تام في خاطريه قباقيب . .
وابويه دوم يغايضني يقول اللي ماياكل السمج ماياكل قباقيب ونغر :cm:


فـ سوووولي قباقييب :a040:





♥ ,`


انا اوصل قوم بطي المدرسه الصبح خلاف اسير الداوم . .
هزاعي امس عليه PE شوفو الصوره الثانيه . . فضيييع كيف يالس جيه :h015:

طاعو ريوله .. عنده مروونه . .
هي ع فكره هذا هزاع لاتستغربون بس حشيينا الكشه اللي ع راسه . .




يوم وصلت الدوام . . وحده من البنات مطرشه لي خريطه كلها حلاوه وخربطان . .
ونسيتها هناك وييت البيت . . كان ناقصنها دقوس مع هالجبس وايد يعيبني :eh_s(6):


♥ ,`


وأمس من بنات الـ HR مسوين ريووق خمير . .
اقربووو محد يستحي :ah:





وكانت وحده عندنا متخرجه باكالريوس . .
فـ اللحينه يالسين نفكر شو تاخذ لها هديه :eh_s(1):






شوفو الفضاوه شو تسوي . .
مسوتنه حق غرفة اختي :wrd:






السموحه رمست واايد وهذربت ع راسكم . .
بس كله تعويض عن الأيام اللي طافن :eh_s(6):