بقـَشةْ عِيَايـزْ ;`

[غنَاتْيـے]

يِعلْ يَسَقي يُومْ بَالاجي . .
لي يِسلّي القَلبْ ويريحه !*

نَظره من شُوقه أعلاجي ;~
. . ينعشْ اللي نَفسه امسيحه . .

:yola::yola::yola::yola:

♥ ,`

«- . . السَلامْ عَليكمْ ورَحمة الله وبَركَاته . . -»
مساكمْ غيث وبرق ورعد :ah:


اليومْ غير والجو غيرْ والمطرْ غير . . مبروك عليكمْ الرحمه :a040:
صدق الأجواء ترد الروحْ . . ;


♥ ,`

خبرتكمْ اني أحب شكل الـ cupcake . . في محل كان في دبي . .
واللحينه فتحو منه برانش ع الكورنيش اسمه شوجر دادي . . عاد انا وايد استانست يوم شفته :yaw:





اللي يبى يسير له . . ع الكورنيش أول شي عدال فورتي فروتي . .


♥ ,`

من زمااانات وايدات ماطلعت مع اختيه ولاشفتها شرات الناس . .
عاد امس قالت لي بعزمج ع الغدا . .





انا مالي السلطه اللي ع اليمين :ah:
ع قولتها شو ها اكل عنز !!!

♥ ,`


اليوم محد كان في البيت ياغير انا والكايد . .
هليه طالعين سايرين المول . . وقسم بالله مش جو مولات :bad:


يلسنا ع والكايد في الحوي . .
حليب زعفران + محلا . . ( العوقْ )





آخر صوره ع اليمين طفاسة الكايد . .
نوتيلا مع فرااوله :212:


كان الجو حلو وباااردْ ونفافْ . .
ويالسين ندور شي ع النت ومستانسين بالسوالف . .






فجاه لا الأجواء بدت تتغير . .
برق ورررررعد صوته قوي . . سبحان الله . . وبدا المطر يضرب بقوه . .
طبعاً ترابعنا نحن ودلالنا واغراضنا داخل :eh_s(6):

وانا ماعرف ايلس اذا شي مطر . .
تميت في الحوي واللحينه بدا المعاطس من الحساسيه :a050:


تم نص ساعه واكثر شوي وبعدينْ وقفت وهدت الإمور ْ . .






خلاف ابويه رد من المزرعه . .
قال انه من كل المطر طاحْ بَردْ ويلس البيدار يلقط منّه . . انزين ليش ماياب لنا :cm:


♥ ,`

 

[غنَاتْيـے]

ظرُوفي مَاتِساعدني عَلى المِسفَارْ يا الغَالي ;~
. . أنَا ودّي مَعكْ أرحَلْ وكِل النَاسْ أخليها \*

[ :cry: ]

«- . . السَلامْ عَليكمْ ورَحمة الله وبَركَاته . . -»
مساكمْ طيبْ ودهنْ عودْ :ax:


أشكرْ كل المتابعينْ لصفحاتي المواتضعه . .
لاعدمتْ تواجدكمْ الجميلْ دايماً ^_^


♥ ,`


أمسْ في حد كَان مسوي لي زياره لـ مكتبي . .
تعالو براويكم مُنو :Afkr:





ميره فديت روحها . .
مظهرينهم بدري من المدرسه عشان مايصطكون في زحمة المارثون فـ مرّت عليه . .


رديت البيت صليت العصر وقلت برقد رقااااااااااااااااااااااد . .
شوية واخويه يتصل يقول لي نشّي نشّي سيري معانا دبي من زمان ماظهرنا رباعه :==:


تميت افكر بيني وبين نفسي اسير ولا لا . . اسير ولا لا . .
واول مره افضّل الرِقادْ ع الرقَادْ :a050:


نزلت تحت اشوف الكايد يالست ويتلبس . .
دخيلكم شوفو شو لابس !!




هههههههههه الحمدلله والشكر . .
قلت له : وليش لابس قميص وبنطلون اصلا :1577_1186768770:

طلع انه بيسير القريه العالمية وبيلعبون . .
كيف اونه يلعب بالكندوره والوزار :^^:


حليله عاد يوم راد في الليل يايب لي [ :ah: ]




سرت بيت اخويه . . خلااااف تذكرت اني يوعانه . .
قلت لهم انا مش متغديه شو عندكم شي آكله . . فـ حطولي شوربه هليون . . :a040:





وإلى دبي ومتجهوووونْ . .
نحن رايحين اصلاً حول الإمارات لانه اخويه يأثث بيته اليديد . . وسرنا اكبر فرع اعتقد في الدوله . .
3 طوابق . . أول مره احدره . . بس وايد عجييب . . :yaw:







لايفووتكمْ اونه ميره تختار الها ماترس :h015:



وانا مستوي عندي هوس مواعين . .
خذت حق امايه هذا الطقم الأحمر والأبيض . . ناعم حبيته انا :eh_s(1):





تعبنا من الحواطه . . فـ سرنا يلسنا في الكوفي اللي هناك . .
المكااان هااااااااااااادي مول مافيه حد . . احلى شي . .




طولنا لين ما اختارو غرفه حق ميره ومادري شو . .
خلاف قلنا بنخط بن بطوطه اقرب مكان النا ونحن رادين . .





شي so so so cute اول مره اشوووفه . . ديكوره بنوووتي :a050:
اسمه cameLla اونه انثى الـ camel آ آ آ ماركه كلها هالناقه . . mugs ولا تيشيرتات ونوتس بوك وغيرها . .




وسرنا نتعشى . .
وعشااايه . . سيرز سلط . . منو يبى :ah:






وبعدها إلى AD متجهووون :a040:
وحياتكم رقده من 10 لين اليوم 12 وشوي . . آ آ آ آ حم :ah:

 

[غنَاتْيـے]

Memories Good times that will be awalys be close to our hearts


«- . . السَلامْ عَليكمْ ورَحمة الله وبَركَاته . . -»
مساكم ذكريات جميله :00100:


إشحالكمْ عساكم بخيرْ . . ؟
اليومْ برويكم شي كان خاطريه احطه من زمان بس العيازه وماتسَوي :bad:


تشوفون هالبكساتْ . . شو تتوقعون دَاخلها . . ؟












اممممممممم غلط غلط . . داخلها البومات . . فيها صور من تصويري . .
لـ العائله الكريمة وخاصه احفادنا . .




بين فتره وفتره اجمع صورهم واوديها الإستوديو يسوون لها برنت . .
والكل يقول لي خذي لج برنتر افضل لج وأفور . . بس دايماً احس الكواليتي مابتكون نفس ما أبى :eh_s(1):


حلو انه اتم هالصور ذكرى ونراويها لهم يوم يكبرون =)


مجموعه من الألبومات . .
تعالو نشوف شو داخلها :eh_s(6):

[ ماشاءلله ]



[ 1 ] . . بطي ;~


بطي حفيدنا الأول ( ولد اختيه ) . . وعنده تقريباً 3 ألابيم . .
تعرفون عاد اول واحد وطايحين فيه تصوير . . :h015:
الألبومات فيها صوره من يوم هو توّه نيو بورن لين ماشاءلله ماغدى ريّال . .





[ 2 ] . . ميره ;~

حفيدتنا الثانيه ( بنت اخويه ) . . والبنت الوحيده من بينهم . .
الدلوعه لين اللحينه . . وامايه اتسميها مير البيت :


هالصور يوم كانت صغيره .. اللحينه منقود ماعندنا بنات يظهرن في النت . .
ماشاءلله اللحينه حرمه .. جريد 1 . .





[ 3 ] . . هزاع ;


حفيدنا الثالث ( ولد اختيه ) . . هالولد التحفه العبيط . .
سوااالف ولسانه طويل . . يوسّع الخاطر يوم تيلس معاه :eh_s(6):





هاي صوره وايد احبها . .




وهالصوره اللي ماتم حد في النت الا قال انه من هلهم وانه يقرب لهم :bad:





[ 4 ] . . محمد ;~


اخو ميره . . هالصوره يوم توه مولود يديد . .
اللحينه ماشاءلله ريّال عمره 3 سنوات . . فديت روحه اموت عليه مادري ليش له حِب خَاص في قلبي :ah:





[ 5 ] . . مَنصور ;~


حفيدنا الرابع . . ولد اختيه . . هالولد مظلوم . .
من يابوه وهو اشقر وابيض . . ويلقبونه المصري . . واللحينه مستوين يزقرونه مدحتْ :h015:
هذا الشهر بيكمل سنتين . .





[ 6 ] . . فارسْ ;~


هذا بو الشيوخ وآخر العنقود . . اخو قوم بطي . . اموت عليهم في هالسن . .
بعده كم شهر كتكووت . . انا دوم اخسس به اسوي له حركات واصوره . .




[ 7 ] . . ألبوم هزاع وبطي ;~


هذا الألبوم فيه صور هزاعي وبطي هم الإثنين مع بعض وبس . .
جنهم عصابه :eh_s(6):




[ 8 ] . . ألبوم السفر ;


في صور سفراتنا . . وتوني تذكرت انه وايد صور بعدني ماطبعتها >.<



[ 9 ] . . ألبوم العايله ;


هذا الألبوم فيه صور مكس يعني . . اخواني واهليه . .
الصوره اللي ع اليسار وايد احبها . . هذا اخو رعش هدب \ عبودي . . احيد اياام البررررد كنا سايرين الشرق :a050:





♥ ,`

 

[غنَاتْيـے]

قرّبْ الرحيلْ وخاطري مِنكْ مَاطَابْ


«- . . السَلامْ عَليكمْ ورَحمة الله وبَركَاته . . -»
صباحكمْ فُلْ ويَاسمينْ :00100:


إشحالكمْ ربكم بخيرْ . . ؟

هذا آخر رد لي في المدونه . . لـ حين عودتي من الشَرق اذا الله راد . .
المدير متنيحس مش طايع يوافق ع الإجازه . . ثره بعده ماعرفني بغيب جيه ولا جيه :Afkr:
خلونا من هالسالفه صدق مضايجتني . .
مش قادره اسوي شي بس افكر فيها >.<


أمس كنت عند قوم بطي . .
الصبح اوصلهم المدرسه دخيلكم شوفو شو يطالعون من الصبح . .
عاد هذا مستر بن انا موول مادانيه :ha:





من فتره طويله ابى اخبركم عن الإشارات اليديده . .
زيييييين ماسوّو . . حطو هالعواميد الحمرا عن السبلان اللي يبون يحدرون عرض في السيد . .
واشارة اليسار يعني مختلفه عن الرئيسة قبل يفتحون مره وحده . .


خطفت فورتي فروتي . . خذت لي فرووتس سلط :ah:
والصبح مارمت البس العدسات يلست البسها في الدواام . .



ولايفووووووتكمْ انشرخت العدسه في عيوني اليمينْ . . بغيت اموت :a050:
والحمدلله عندي سبييرْ . .


ع الساعة 11 اتصلن بي البنات قالن انزلي تحت يايبين فواله . .
شو السالفه ماشي غير طاري الأكل عندهن بنات الـ hr و الـ it :eh_s(6):



كرك . . كيكه من BR . . خمير . . مضروبه . .


المهم بعد الدوام مباشره كنّا متفقين نسير القريه العالمية . .
لانه يبالنا درب من بوظبي لين دبي والزحمه . .


وصلنا ع 5 وشوي . .
أول شي حدرنا القرية الهنديه . . كرمتو انا ادور من هالنعول الفلات بو الترتر . .
بحطها لكم آخر شي :==:





خلاف سرنا اليمنيه . .
عيبني هذا وايد شوفو حركات العلم . . البنات كانو يبون بهارات وهالسوالف . .




وعاد تعالو غناتي شو يحدرها هناك . .
بدت الحساسيه . . الخشم استوا طماطة والمعاطس . . وعيوني ادمع كان شكلي فضيع :h015:

وتمو حليلهم يعطوني عسل اونه زين بيرد عنج حجّه خشمج . .
عاد انا اموت في العسل طحت فيه طيحه :eh_s(6):




خلاف قلت لهم ابى كرك . . ~> العوق :yaw:
وأحلى كرك لعيوونكمْ . .




مابطينا وايد . . والوقت مايكفي احس . .
يعني يالله آخذ الأشيا اللي كل حد موصي عليها . .
خاصه هزاع . . متصل تليفون يقول ( لاتنثين لحية الشيبه من القرية الإيرانيه ) . .
دخلنا قرى محدوده يعني لنا فيها حايه . .





اطمش واتمشى مايعيبني شي بسهوله . .
خذت هاذيلا المقابض من التايلاندية. . واايد حلوات Cute حق اللي يلبسن نفسي 2 . . وحده يمين وحده يسار . .
تقبض الشعر عدل . .
وخذت جلابية عليها كاااازوه من المصريه . . راقيه =)




وهذيلا النعول كرمتو من الهنديه + الباكستانية . .




يبالي سيره مره ثانيه . .
غيّرت جو . . وكانت طلعه حلوه . . :a040:


اتخالف عليكم السهاله . .
فمان الله :bt:

 

[غنَاتْيـے]

إجَازتي 13- 31 / 1 / 2010 . . [ 1 ] ;~

. . فِيني تَعبْ مَعْ بَردْ . .
والصُوتْ مَبحوحْ / مَاهي سخُونه . .
شوووقْ . . الله وكيِلكْ ;~

[ :Afkr: ]


«- . . السَلامْ عَليكمْ ورَحمة الله وبَركَاته . . -»
صَباحكمْ بَردْ وخيرْ وسعاده :00100:

أدري أدري إني منوّره . .
I'am Back ياخي . . وحيّووو غناتي . . [ :yaw: ]


شكراً لكل من إفتقدني / سأل عنيّ / قيمنّي في فترة غيابي . .
التحايا لكم مراضيف لاخليت . . :ax:

من خلال ردوي باخذكم في فترة اجازتي . .
بحاول أنزلها بشكل مستمر عسب نخلص ومانتملل وانا انسى عنها كالعاده :eh_s(6):


إجازتي الفعليه كانت تبدا من تاريخ 17 يوم الأحد . .
بس أنا طقّعت للدوام من يوم الأربعا محد . . وكالعاده من تصنيفات خبالي انا وسلطان . .
كنّا متفقين نسير الصبح الشرق . .





أنا ناشه من 9. .
كنّا متفقين نظهر بدري . . بس الحبيب لين ينش ويسير اييب ثيابه من الدوبي . .
قدها الساعه استوت 11 ونص . . وظهرنا من بوظبي . .





وصلنا صوب شعم . .
اول مره اشوف هاللوحه . .





اليومْ الأول مر عادي . . بالخميس من عقب مانشيت . .
سيييييييييده البحرْ . . انا ياييه عشانه . . اسميني اسوديت / يعني برونزاج طبيعي . . :ah:





انا حزب الإورنامين سي طبعاً والشباب ديوو :bad:




صادف نفس اليوم وجود عرس . .
تميت اترجاهم اني اسير . . لاني صدق في خاطريه اشوف عرس رياييل جيه :a050:



آ آ آ المعرس كان صديقي ايام الطفوله . . اسميه يضربني ضرب :h015:
صدق اذكر كنت دووم اتغايض معايه . . هههههه ايام والله . .

وااااايد استانست . . أحس بشعور ثاني في هالأجواء . .
كل شي بسيط وجميل . .





كنت اصور من فوق . . قلت لا هالوضع مايناسبني ابداً . .
وتخيلو حد يصور من ورا الغشوه . . شو ها مب حاله :1577_1186768770:



خلاف خذت موقع استراتيجي ويلست اجكْ جك . . :chek:
والصور ان شاءلله بنزلها في موضوع بروحها . .


سلطان يخورط ع المعرسْ . . أ أ أ قصدْ في أحاديث جانبيه :eh_s(6):




قبل المغرب بشويّه قالو خلاص ردّو . .
والله شو ها انا كنت ابى اتم اشووف . . كان خاطريه اشوف اللي يلعبون بالسيف :a050:


. . وللتكملة بقية . . :bt:

 

[غنَاتْيـے]

إجَازتي 13- 31 / 1 / 2010 . . [ 2 ] ;~

عَسى فـ اللِيله اللي نِتوَادعْ حينَها / تِمطرْ ;~
عَشانْ أقُولْ لامِنْ رحتْ ,, إنْ موَادعكْ خِيرهْ !*

[ :eh_s(1): ]



«- . . السَلامْ عَليكمْ ورَحمة الله وبَركَاته . . -»
مسّاكمْ الله بالخيرْ جميعاً :ax:


شكراً لـ كل المتابعين مع باقات جوري أحمرْ . .


شفتوووني شفتووني وأنا نشيطه وأسوي ابديت بإستمرارْ :ah:
اليوم اللي عقبه دقت في راسي الا اسير البحر من الفيرْ . . احب هالوقت . . برررردْ ..




تدرون عاد الشي في راسي لازم اسويه . .
صليت الفير وقلت مابرقد والكل يقول لي ياويلج اذا درو انج تبين تسيرين هالوقت . .
ليش ان شاءلله :bad:


شليييت معايه وحده من البنات ( ام العلوم ) انا مسمتنها وليتني ماشلييتها مادريت ابها خواااافه . . :1577_1186768770:
عقيت نعولي كرمتو ع السيفه . . وبديت امشي ع الرمل البارد وكامرتي معايه . .






وعدستي تلتقط كل شي حلو اطيح عيني عليه . . [ :chek: ]
قلت حق اللي معايه تعالي بنسير لين المينا . .


انا : اقول لج ام العلوم شوفي انا خاطريه اروح لين هاذيج المينا ..
ام العلوم : خبله انتي الشمس بعدها ماظهرت ومايندرا منو هناك شو تسوين . . ؟

انا : برايج انا بسير يعني بسير . .
ام العلوم : اطالعي هناك شي سيايير عند المينا يعني اكيد شي رياييل . .


انا : من شويه ظهرن كم طراد يعني اكيد اصحاب المواتر هم اللي سارو . .
وتمت زايغه مب طايعه تيي معايه واحاول اقنعها نجرّب وهي متقبضه برايها . . لين صكيت المينا . . :a040:





لين شرقت الشمس . .
رديت البيت ورقدت لين الظهر . . ولاجنّي مسويه شي :ah:


ع العصر اونّه مسوين لي جدول بيودوني النخل . .
قلت يالله فووقه . . عاد اهداء خاص حق عميروف يوم شفتهن اذكرته حقيقه يعني :eh_s(6):





Omg يجننوووون . . وايد كيووووت . .
وحمدان انا فاجه عيني من تصرفاته . . يتلوى عليهن ويبوسهن :h015:





شوفو كيف البكره تتمسح فيه . .
اخيييييييييييييه لو انا بتم اتحجج . . :eh_s(6):





يوم ردينا قلت لهم عن خاطريه بخطف البحر طشونه . .
~> ولاجنّها مصبحه هناك وايد بريئه :ah:


مرينا صوب السيفه . .
شي اجانب حاطين سناراتهم . . حسسوني io:




شوي وستيشن حدر السيفه وغرّز . . وكككككككككككككككككككككككككْ . .
هالرمسه كانت قبل الأذان بربع ساعه تقريباً . .

خلاف يا نيسان يقلصه . . :^^:
اشحااالكمْ يا هل الستيشناتْ . .



وبعدين من زود الذكاء هم الـ 2 غرّزو . . ههههههههههه . .
تخيلو من 5 وشوي لين 7 خلاف يو الشرطه ظهروهم . .

في الحلقه الأخيره طلع راعي الإستيشن ياي في شهر العسل . .
فـ يقول حق الشباب يخرب بيت شهر العسل وأيامه :h015:



وللحديثْ بقيه . . . ;~

 

[غنَاتْيـے]

إجَازتي 13- 31 / 1 / 2010 . . [ 3 ] ;~

يَاحبيبي تَرى القَلب بعدكْ سَرحْ وانجرحْ جَرحْ مَاشفتْ مثله جِريحْ . .
المِحبه تِجرْ الموَاليفْ جر والشجرْ وانتْ الأرواحْ جَريتيهَا . .

~> مووول مبْ مال أولْ :ah:

:yola: :yola: :yola:



جوووووووووووولْ .. وقسم بالله الوحده دخلوو جووول [ :a040: ]
~> وايد متحمسه . . آ آ آ شو بلاكمْ اطالع المباراه . . ياحليلهم الأهلي . . :^^:


«- . . السَلامْ عَليكمْ ورَحمة الله وبَركَاته . . -»
يسعد لي هالمسا بكل خير وعافيه . . :wrd:


أرد وأشكر كل المتابعين لي . . وبدونكمْ هالصفحات ماتستمر
يوم كنت هناك ماكنت اطلع يعني البحر وارد خاصه انه سلطان سار راك عند ربعه . .




هذاك اليوم كنت متولهه ع عيوزي وايد . . واطريها في خاطريه من اصبحت . .
فـ كتبت لج اهداء يعني :ah:





في يوم من الأيام كان الجو حلو طرشت مسج حق اخويه انه ابى اسير صوب خصب . .
ارسل لي المسج اللي تحت . . خلاف انا قلت ( الجو اليوم حلو يمكن باجر يتغير ) . .

فـ اللوتي طرّش اللي فوق :eh_s(6):



وبالفعل اليوم اللي عقبه يا بومايد . .




الوقت ماكان يساعد ع التصوير الشمس مخليه الألوان باهته . .
قال بوديج مكان حلو . . سرنا صوب الحرف وانا اموت من المرتفعات . .
آخر شي اونه يرويني هـ الوادي . . البقعه تخوف من فوق :a050:





كملنا دربنا ووصلنا صوب ( حنا ) . . حنا ولا صبغه ~> سخيفه :1577_1186768770:




وبدت هني جلسة التصوير . . [ :chek: ]





وصلنا لين قدى وخذنا فيها لفّه . .
أبى اعرف هالبيت متى بيخلص . . اللحينه من كم سنّه وهو ع هالحال . .
سمعت انه يبنون فيه طابق يديد بس كل مره يطيح :eh_s(1):






سرنا لين خصب . . والشمس بدت تغيب ماقدرت اصور . .
خطفنا ع المينا وشفت اللنجات اللي تأجرهم في رحلة بحريه . . منو يقول غناتي بتفوّت هالشي :eh_s(6):





باجر إن شاءلله بتكون الحلقه الأخيره في سيرتي للشرق . .
آ آ آ وبخبركم وين سرت في رحلتيه البحريه . .

يوم كنت هناك وصلني خبرين حلووويينْ . . :ay:





يعني هذا سؤاااااااالْ . . طبعاً انا قبلكم دام انه سايرين العوووقْ الدوحه :ah:
والكايد ثنويه عامه بس هو يدرس في معهد التكنولوجيا التطبيقيه فـ نتايجهم تظهر قبل



وللحديث بقيه . . . :bt:

 

[غنَاتْيـے]

إجَازتي 13- 31 / 1 / 2010 . . [ 4 ] ;~



أبَى أبتِعدْ يَا مِلهمِي عنّك وأطيّب خَاطركْ . .
دَامْ الوَصلْ زَاد الضَررْ يِمكنْ غيَابي مَنفعَه ;~

[ :eh_s(1):]


«- . . السَلامْ عَليكمْ ورَحمة الله وبَركَاته . . -»
مساكمْ رضا وعافيه . . :ax:


مَبروك عليكم الرحمه . .
ويعلها سقيا خير وبركه لـ هالبلاد الطيبه . .


وين وصلنا في إجازتيه . . هي رحلتنا البحريه . .
اول برويكم بعض المسجات اللي كانت توصلني وانا هناك :eh_s(6):





مادري اختيه شو بلاها ع حرف الشين . .
يمكن ماعندها حرف ( ج ) في موبايلها :h015:

حلو يوم تحس انه الكل متوله عليك :a050:


♥ ,`

المهم هذاك اليوم سرنا صوب اللنجات شفنا الريال . .
وتميت اوّن ع راس اخويه يسأله كم ساعه ووين يوصلنا وهجذا يعني :eh_s(6):


انا كل هالحفله لاني ابى اشوف الدغس . .
عاد سلطان السخيف يتخبره بنشوف الدلافين . . ؟
الريال يقول له ان شاءلله . . سلطان يقول له لا شو اسير ادفع خلاف ماشوفهن !!

يضحك عليه الريال يقول له العلم عند الله . . فشششششششششلني . . :h015:

اتفقنا معاه انه بالباجر الصبح بنكون عنده . . لانه سلطان مستعيل ويبانا نرد بوظبي . .
نشيت انا اولهم وكلهم رقود . .

وعيت سلطان وولد خالتيه بوجاسم . . الثنائي المرح شو قطعوني ونحن هناك . .
طبعاً يبالنا وقت لين نوصل خصب . . وهم يسحبّون ويشربون حليب وايد متفيقين . .


ووصلنا هناك . . :a040:






انا من النوع اللي اهدمْ في البحر :cm:
ويضحكون عليّه اونج حاشره البقعه وتبين تسيرين آخر شي تزاوعين ~> طفسه :eh_s(6):



وبدأت الرحله . . وحيوووو حيوووو . . :sheer:





قال بيودينا صوب ( خور شم ) والمناطق المجاوره لها . .
وانا أقول لهم ابى اسير الجزيره اللي بإسمي . . يقول لي الريال يابنتي هاي بعيده مانقدر نروح لين هناك . .


حليله هو ( ظهوري ) وخبلنا فيه من الأسئله . .
وعطانا خريطه عسب نعرف وين نحن . .




سوالف وضحك . . ومستمتعين بالجو الحلو والمناظر سبحان الله . .





خلاف وقف فينا . . قال اتريوو شويات وبيظهرون الدلافين . .
تم سلطان يصفّر لهم بصوت عالي . . وطلع اول دغس . . خلاف لحقوه 2 . .

يجنوووون :a040:





الظهوري يقول انه برد عسب جيه يظهرون بس كم دقيقه ويردون . .
المهم شفتهم حتى ولو من بعيد :a050:


محطي لنا فواله . . عاد محمد وسلطان طاحو فيها . .




ماخلو لا قهوه ولا جاهي ولا فواكه ولا ديو . .
وانا بزوع مب رايمه آكل ولا أشرب . . بس شربت قهوه . .








كملنا رحلتنا . .
وكل منطقه يتم يسولف لنا عنها شو اسمها وشو تاريخها . .


تشوفون الصوره الأخيره تحت ع اليسار . .
هاي مادري شكلها شرا الجزيره بس مالها اسم . . سلطان جذاب يقول اسمها ( جزيرة القمبوعه ) . . لانها تشبها :h015:




إن شالله في صور بنزلها بـ مواضيع منفصله . .
ماذكر والله شو اسامي المناطق اونّه سلطان وحمود يتحفظوون . .

رحنا ( نظيفه - صيبه - مقلب - خور شم - جزيرة التلغراف - جزيرة الأضل ) . .

جزيرة التلغراف . . كانت مستوطنه بريطانيه قبل . .
وقفنا صوبها بس مانزلنا . . تم يفر موز وتيمعووو السمج . .





كشخه :eh_s(6):
تقريباً نحن ركبنا اللنج ع 9 وشوي . . وردينا المينا 12 وشوي . .
وانا راسي يدووور ويدووور . . :a050:


في صور وايده ان شاءلله بحطها قريباً . .
وردينا البيت . . صدق وايد استانست . .


عقبها انا رديت بوظبي . .
وع طول عقب يوم كانت طيارتنا لـ الدوحه ~> ماعندها 1 . . 2 . . كل شي بسرعه بسرعه . . io:


ترقبوني في أجواء قطر :bt:

 

[غنَاتْيـے]

إجَازتي 13- 31 / 1 / 2010 . . [ 5 ] ;~


والله أحبكْ يا قِطرْ . .
قَد السِما والبَحر ;~

قَد الصَحاري الشَاسعه /`
. . وقَد حَبات المَطرْ !*

:ah:


«- . . السَلامْ عَليكمْ ورَحمة الله وبَركَاته . . -»
صباحكم غيم وجو بونفرينْ :ax:


في البدايه شكراً لكل المتابعين كثر الغيم اللي يلف سما العاصمه حالياً :eh_s(6):

عيوز مشتطه / العوسج / مزيونة البدو / الكمزاري . .
الكاشخ / الجارح 2003 / ReaL DaY / ~همـِسـِة الشـِـِووووقـِ~ . .
سطام بن زيد / أحلى فراشة / طير الشوق / حمالة همووم / الشح ـيه . .


♥ ,`


صح قبل ما أنسى
ومبروك فوز اصحاب السعاده على تشرشل 5 / 2 . . :a040:

بروح معاكم اليوم قطر . . في ثالث زياره لي . .
احبها انا [ :ah: ]

♥ ,`


انا رديت من الشرق يوم السبت المسا . .
وكان سفرنا الإثنين الظهر . .


فـ ماشي وقت أبداً . . لازم احط اغراضي بسرعه بسرعه . .
من النوع اللي أخلص آخر وحده دايماً :Afkr:

الإثنين كان يصادف آخر امتحان لـ اخويه الدغس . . رياضيات . .
وهو ثور في الماث شرا ماهو ثور في باقي المواد . . و ام بطي يالسه ادرسه من الويك اند . .

عاد بطي ساير وكاتب له رساله [ :h015: ]




بالأحد سرت صرفت بيزات وشفت شو ناقصني وبديت الترتيب . .
شوفو العفسه انتو بس :eh_s(6):





أعضاء الرحله كانو كالتالي :

غنَاتْيـے / اختيه / سلطان / الكايد / حمد / ام بطي وفرسانها الأربعه + شغاله :eh_s(6):

يعني شلة الخبال كلها موجوده :a040:

حمد واختيه الثانيه كانت طيارتهم المسا . .
عشان الحبيب يخلص امتحانه واختيه عندها شغل . .


وفي المطار . .
شوفو الشر كيف . . هزاعي لا ويلس مكاني وظهر كتابي من الشنطه ويلس يقراه اونه :bad:




والكايد يصرف بيزات وسلطان يخلص امور الجوازات . .
~> لاحظو انها سجع :eh_s(6):





شويات الا ونحن فوق سما الدوحه . .
مصخره يعني الواحد حتى مايمديه يشرب له شي :eh_s(6):





الجو كان يجنن مغيم . . وبداية المنخفض اللي هلكنا منّه . .
ومن المطار الى الفندق متجهووونْ . .





كنّا حاجزين في فندق ( w ) الدوحه . .
يديد وايد حبيته . . حاجزين شقتين وحده حقنا ووحده حق الشباب . .

براويكم من داخل عسب اكون دليل سياحي . .
يمكن حد يعيبه ويوم يسير قطر يحجز فيه :eh_s(6):


حياكم الله اقربو اقربو شقتنا . .
باليمين باليمين . .

~> حسستكم انها مالها . .

اول ماتحدرون الشقه . .




ونرحب بكم يعني [ :ah: ]




غرفتيه انا واختي كالعاده في السفر انا وهي دوم مع بعض . .
في الفندق فـ كل بقعه حاطين حرف w / الـ w ترمز لـ كلمة wish حركات لاه . .





وهني كرمتو حمامنا ومكتبنا . .



وشي غرفه ثانيه بعد ماستر بس بدون مكتب . .
وهني الصاله . .





حطينا اغراضنا وريحنا وصلينا . .
خلاف أجرب مكان لنا وعسب مانتعب سرنا السيتي سنتر وايد جريب من الفندق . .

انا والكايد سرنا ناكل لنا شي . .
وخلاف ظهرت رقم قطر . . وشلينا عشانا الفندق شرات العزابيه :yaw:

 

[غنَاتْيـے]

إجَازتي 13- 31 / 1 / 2010 . . [ 6 ] ;~


وعنّك سُولفُو لي النَاسْ . .
ياعِقدْ من الذَهبْ والمَاسْ !*

. . يا قصة حِب مَكتوبه /`
قِطرْ ياتَاجْ فُوقْ الراسْ . .



[ :yola: ]


«- . . السَلامْ عَليكمْ ورَحمة الله وبَركَاته . . -»
صباحكمْ بَردْ وشِتا . . :wrd:


Thanks هاااااكثرْ لكل من يتابع صفحات بقشة عيايزْ :ah:
من بدت السنه اليديده وكل يوم شركه مطرشه لنا كلندر . . اشكال وأنواع . .

بس اللي صدق صدق وااايد حبيته مال المركز الوطني للأبحاث الطاقة والمياه . .
راقي كله فيه رسومات لصور سيوف الرسول صلى الله عليه وسلم والصحابه . .


♥ ,`

نرجع للأجواء قطر . .
اليوم اللي عقبه وانا في عز رقادي توعيني ام بطي الا انش اتريق معاهم رباعه :h035:

الواحد مايتهنى برقاده . .
أنا آخره وحده طبعاً كالعااااااااده . . اول ماوعيت شفت هزاعي في ويهي . . طع العبيط . .





وبطي يالس يشوف خريطة قطر . . وكل ماقرا شي بغم . .
ماما تعالي شوفو مادري شو عندهم ونبى نسير هني وهني وهني . .





~> شوفو اليلسه فوق الطاوله ( قلّت الكراسي ) . . :eh_s(6):


ونزلنا نتريق . . انا اول يوم نزلت بس والأخير . . ~> تكون راقده !
هاي الطاولة صارت محجوزه لنا . . من شوفونا يعرفون . . ooooh al shehhi family :eh_s(6):
اخواني وايد يحبون البيض . . :212:





هذاك اليومْ كنت معزومه انا وخواتي في بيت ربيعاتي القطريات ع الغدا . .
وايد استانست معاهن . . اكرمهم الله اشهد انهم ماقصرو . . :20:


خلاف اخواني ظهرو المول . . وانا رديت الفندق . .
كانت هني بداية المرض عندي . . المنخفض الجوي والغبار مايناسبني ابداً . .
دايماً من اسافر مكان لازم أمرض :cry:


منى متصله تهازب : والله انتي مب ويه سفر . . :a050:

انتظرتهم لين في الليل وخلاف سرت يلست في شقة الشباب . .
طول الفتره وانا هناك اتيلس في شقتهم في الليل وخلاف ارد شقتنا . .


وهاي حالتهم . . ع النتْ . .




ويخرب بيت التفييج يايبين معاهم السوني من بوظبي :bad:



وحدرت هني اطمن عليكم :ah:





اليوم اللي بعده . . بعد ع فوالة الضحى كنت معزومه عندهن . .
ظهرنا خلاف وسرنا الاند مارك ( مول ) . .

شوفو بطي :h015:




يوم ميلاد منصور ولد اختيه كان 19 / 1 . . انا كنت في الشرق . .
واعدتنهم انه الكيكه عليّه بنكون في قطرْ . . عاد منووو يغلط جدااامهمْ . . سرت اوبرا كوفي . . وتنقيت له كيكه . .





وحتلفنا بـ مدحت كمّل سنتين . . :a040:





اليوم اللي عقبه . . كان جدولنا متحف الفن الإسلامي + سوق واقف ( قلوووبْ ) . .



~> في قطر لازم استيشن :ah:


ووصلنا المتحف. . الصراحه شي اكثر من رائع . .
يعني تحفه . .





The Museum of Islamic Art . .

افتتح متحف الفن الإسلامي في الدوحه 22 نوفمبر عام 2008 . .
صمم المتحف المهندس المعماري إيو مينغ بي مصمم ( متحف اللوفر )





يتكون من ثلاث طوابق . .
مقمسة يعني اشيا من آسيا ومن مصر وإيران وتركيا وغيرها . .
كل شي منضم ويشد إنتباهك وتبى تقرا وتعرف شو هو . .





وفي الطابق الأخير تقدر تحط سماعات وتسمع القصص حول هالأثريات والمقتنيات . .
للي يسير قطر لازم يسيره ولا بيفوته :122:


هني بعض من الأشيا اللي اخترتها لكم . .




وخذنا سوفنيرات من هناكْ . .




بعدها الى سوق واقف متجهوونْ عاد هذا العووق . .
عباره عن سوق بطراز جديم يعيشك الجو . .

مقاهي ومطاعم وأكلات شعبيه . .
ومن غير المحلات اللي في الدواعيس . . يجننْ هالمكانْ . .


طبعاً انا كنت المرشد السياحي لاني حافظتنه من كثر ماطيّحت فيه المرات اللي طافنْ . .



~> هذا سلطان . .

خبلو في الريال شلوّ طيرانه وطفرو به وهو ميّت عليهم من الضحك . .
فضيحة هالولد :ha:


هذا محل يبيع كل شي جديم . . صدق عنده اشيا وااايد داثره . .
يعني هو اصلاً هوايته يجمّع هالسوالف . .





وهذا المطعم الإيراني اسمه ( اصفهان ) عيبني ديكوره . .





والدكاكين اللي تبيع كل شي جديمْ . .




وأجواء ثانيه . .
سلطان الا يدور مادري شو خلاف بصمه 13 . . خلاف طلعت انها غتره يعني :eh_s(6):




انا ع آخر شي خلاص مارمت اكمل . .
الحساسية هلكتني . . فـ إلى الفندق ذاهبوونْ . . :yaw:






وللحديثْ بقيّه . . :