ويوم اقول لكم هذا الشهر مخاسير محد يصدق :eh_s(6):
من شهر مربية وحده عندنا في الدوام . . وهي من عربنا بعد ولا سرنا لها . .
يوم الإثنين سرت عندها . . وخذت هديه حق البنووته . .
ولفيتها مع الباقه . . لاااااااازم شي دلع . . حق السميّه Baby Salama :ah:
أمسْ ختيه كانت عَازمة بنات الدوام ع بيتنا . .
فـ حالة طوارئ في البيت . . نخلّصْ الأشيا الناقصة . .
من خلصنا البيت بقى بس ميلس الحريم ماتعدل ومكدسين في اللوحات ومحد خذ الزوالي . .
عاده يوم السبت امايه سايره راك . . وقبل ماتروح مهددتنهم اذا رجعت والبيت مش مخلص ياويلنا :h015:
بالأحد الصبح ابويه واختيه محد . . ماخلو زوليه مايابوها . .
والنجار من المغرب لين العشا يدقدق اللوح . . والله ويابت عليهم امايه :h015:
بالثلاثاء سرنا خذنا الأشيا الناقصه . .
وأمس كانت العزيمة . . من نشيت والجو كان يشرح القلب . .
مع انه كتمه طشونه بس شكل الغيم كم يسوى . .
7 الا ربع اظهر من البيت و اختيه تأخرت . .
تميت احوط في الحوي واسولف مع ابويه يالس يسقي الزرع خاري . .
الجو كان وايد حلو . .
خاطرك تظهر من دريشة السيارة وتصارخ ~> نعم يا الطيبه :eh_s(6):
ويوم وِصلنا الدوامْ . .
ترخصنا انا واختيه بدري عسب نلحق نرتب قبل ماييّن البنات . .
وطَبعاً غناتي لازم وردْ . . وصدقوني الأجواء ما تحلّو الا به :ah:
ومن الصوب الثاني . . ترتيبات اخرى . .
هذا اللي فيه العطور اونه ختيه ماخذتنه عسب المكسرات . .
قلت لها مش حلو والمكسرات مال أول . . انا بحط فيه العطور احلى :1577_1186768770:
يوم خبرنا الكايد . .
قطعّها قال شو مكسرات يايين تشوفون تلفزيون انتو . . :h015:
امس في الدوام اسمع اللي يصب لنا قهوه يخبر مدير القسم . .
انه الشباب يبون القهوه خفيفه والمدير حضرته يبالها غليظه . . المدير ع كيفه اونّه سوّو دلتين . . وحده جيه ووحده جيه . .
عاد السالفه دقت في راسي سرت قلت له اسمه كوتي يا حليله . . عيل انا اباها شقرا !!!
انت سوو دلتين وحده شقرا و وحده عاديه . . تم يطالعني يقول لي ان شاءالله . . احسه يقص عليّه :eh_s(6):
كَان يوم متعب . . أو بالإحرى اسبوع كامل متعب . .
مول ماكنت اقيّل . . وع الساعه 9 اسطّل . . بس يوم تشوف اللمّه والسوالف تنسى كل شي . .
يوم سرنا هناك ابويه محد . . لانه من الصبح كان موجود . .
بس دووم يسويلهم حركات سرك . . والله يحط لهم عصا ويتمون الا يعافدون من فوقها . . :eh_s(6):
وهذي صور من المزرعه . .
اهداء الفزاعه . . ملبسينها كندورة واحد من اخواني :h015:
كنت مصدعه مامشيتها كلها بس اول شي و وقفت . .
كبيره وايد ماشاءلله . . بس صدق ابويه كيف خلاها بفضل الله وايد يحبها . . كانت صحرا قفرا مافيها حايه . .
ودوم ع حسب المواسم يعني . . اييبون ذره وطماط وشمّام ونبج واشياء ثانيه . .
خلاف ظهرنا من المزرعه سرنا البحر . . :eh_s(1):
الجو ع جريب المغرب يجننْ . .
الصبح كان كتمّه حتى مارمنا نيلس في الحوي . .
مادري يمكن اتخيل . . نشيت اتمسح لصلاة الفير اليوم . .
اظني كان شي مطر خفيف بس الهوا يشلّه . .
تمينا ع البحر لين جريب المغرب . .
وايد استانست . . ومحلاة الإجازه المرضيّة والبعد عن الدوام io:
House of Saddam . .
هالمسلسلْ الإسبوعْ اللي طَافْ عِطاني اياهْ حد في الدِوامْ . .
نبذه بسيطه عنْ المسلسلْ :
بيت صدام هو عمل درامي تلفزيوني تم عرضة سنة 2008 والعمل يصور بروز ثم سقوط الرئيس العراقي صدام حسين وعائلته، ويعد العمل إنتاجا مشتركا بين البي بي سي وHBO، وبدأ عرض المسلسل ذو الأربع أجزاء على شاشة BBC Two في المملكة المتحدة في 30 يوليو . .
اللي مثّل دورْ صَدامْ . . ممثلْ إسرَائيلي اصلاً . .
حتى انه الممثلْ المصريْ سعيدْ التغمَاوي تعرضْ لـ انتقادْ شديد كيفْ انه يمثل بجانبْ ممثلْ اسرائيلي . .
في المسلسلْ عرفت اشيا وايد ماكنت اعرفها . .
وفي مواقفْ كثيره مَادري عنْ مدى صحتها . . وهل هي بالصدقْ مستويه ولا تأليفْ . .
وفي لقطاتْ حقيقيه قاصينها وحاطينها من حياة صدامْ . .
ويظهرونْ في المسلسلْ الكل من امّه وزوجته ساجده و وبناته و عياله قصيّ وعديّ . .
واخوه الغير شقيق بزران . . ووايد من جنوده . .
لين في آخر حلقة يوم لحظة اعدامه . .
ما أعرفْ هل المسلسلْ فيه تشويه لصورة صَدام ومطلعينه بصورة وحشيه عشانهمْ اجانبْ . .
وطلعو كيف شرد وكيف سوّو له القبو يوم اندسْ فيه . .
بس الصَراحه كَان ريّالْ . . :Afkr:
كان حلو واتابعه بحماسْ . .
تمنيته يكون اطول . . احس وايد اختصرو الأحداث ْ . .
اللي حَاب يشوفه اعتقد له وصلاتْ للتحميلْ ع النتْ . .
بسْ اكتبو . . House of Saddam . .
بِما انّه ماعندنا قسمْ لـ السيِنما . .
فـ آ آ آ بخبركمْ دايماً عن المسلسلاتْ لي أتابعنْ هني . . :a040:
ماحبْ اشوف المسلسلات الخليجية ابداً . . :eh_s(1):
او حتى مثلاً السوريه او مصريه او تركيه وغيره . .
بإستثناء الجديمه ع ايام ( اشحفان - خالتي قماشه - رقية وسبيجه - إلى امي وأبي مع التحيه - درس خصوصي وغيرها )
بس الأجنبيه . . ادمان :Afkr:
اليوم بخبركم عن Grey's Anatomy . . :ah:
أعتقد حالياً يعرضونه على mbc 4 بس ماعرفْ اي سيزين . .
وحالياً يعرضونْ سيزن 6 . . وانا متابعه معاهمْ بس امس في لليل بديت بثلاث حلقاتْ . . :a040:
في التلفزيون يشتتونك ماتعرف اي سيزن يعرضون . .
من غير الدعايا وايلس انتظر . .
انا اشتريهن . .
بس هالسيزن 6 بعده مانزلوه ع dvd انا عطوني اياه في الدوام مش كامل . .
لانه بعدها الحلقات تنعرض . .
كنتْ مسويه تقرير كاملْ عنّه من زمانْ . .
خذتْ لكم هالمعلومات منّه . .
Information . . ;
أول عرض لـ المسلسل كان في شهر مارس من عام 2005 . .
ومنذ ذلك الوقت تلقى المسلسل 25 ترشيح لجائزة الايمي . .
- أفضل مسلسل درامي . .
- الثانيه لـ Katherina heigl ك افضل ممثله في دور ثانوي عام 2007 . .
9 ترشيحات هي حصيلة المسلسل في جائزة Golden Globe
فاز ايضاً بـ 2 منها :
للممثله Sandea Oh كـ افضل ممثله في دور ثانوي عام 2006 . .
افضل مسلسل درامي لعام 2007 . .
Story ;
مقتبس اسمه من كتاب هنري غراي الطبي . .
من أقوى المسلسلاى الدرامية . . عدد مشاهديه يفوق 23 مليون شخص . .
يحكي المسلسل عن قصة 5 جراحين في بداية حياتهم الطبيه . .
كل واحد منهم له شخصيته وأفكاره وميوله . .
يكونون متدربين في مستشفى Seattle Grace Hospital . .
احد ارقى المستشفيات في ولاية Seattle . .
يتناول المسلسل حياتهم العاطفيه . .
والحياة في المستشفى . . الإخراج اكثر من رائع والممثلين ابدعو وعيشونا الجو . .
♥ ,`
طبعاً قبل كانو متدربين . . امّا اللحينه اطباء . .
صدق اللي قلوبهم ضعيفه لا يطالعون . . في مرات مشاهد مادري كيف :a050:
وانا بجد اتم اصيح معاهم . . :a050:
خاصه اذا مات واحد من المرضى . .
هم خلال كل حلقه تكون كذا عمليه وكذا حاله . . فـ صدق شي مؤثر خاصه اذا كانو اطفال . .
عرفت اشيا ماكنت اعرفها في الطب وأمراض سبحان الله اول مره اسمع ابها وكيف معداتهم الطيبه وكيف يتعاملون مع المرضى . .
يعيشونك الأجواء وكأنه كل شي حقيقي . .
ومن ناحيه ثانيه اقوي انجليزيتي . . :gooddw:
Izzie Stevens اكثر وحده تاثّر فيه . .
مات خطيبها كان مريض بالقلب وخلاف هي ياها السرطان اللهم عافنا وعافي امة المسلمين جميعاً . . :a050:
وامس في الحلقه الأولى من السيزن . . اومالي ماااات :a050:
آ آ آ خلاص خلاص بسكت . . بس لي يشوف حلقه وحده مايقدر يوقّف . . عادي يكمل 5 وراها :eh_s(1):
Never explain yourself to any one
Because the person who likes you doesn’t need it
And the person who dislikes you won’t believe it
♥ ,`
Don’t let someone become a priority in your life
When you are just an option in their life
Relationships work best when they are balanced
♥ ,`
When we wake up in the morning, we have two simple choices
go back to sleep and dream, or wake up and chase those dreams
Choice is yours ;
♥ ,`
We make them cry who care for us.
We cry for those who never care for us. .
And we care for those who will never cry for us . .
This the truth of life . .
It’s strange but true ;
♥ ,`
Don’t make promise when you are in joy
Don’t reply when you are sad
Don’t take decision when are angry
Think twice ; Act wise
♥ ,`
When you keep saying you are busy . .
Then you are never free. .
When you keep saying you have no time
Then you will never have time. .
When you keep saying that you will do it tomorrow
Then your tomorrow will never come. .
.png)
