قصــة بدونك انا من اكون؟!

[soooooooooomh]

لا زلت [mark=#cccccc]انتظر[/mark] !

 

[مرفوعة الراس]

مـآشاء الله بديتي فالبـآرت الـ 3
وأنـآ بعدني الثاني مـآقريته ،,


لي عودة .بقراها فالبريك.يعطيج ربي العـآفيه ،,

 

[عتوقة]

الله ذكرتني بعنوان قصه كنت قارتنها قبل ومن فتره ادورها

اشكرشش من صمصووومة قلبي

متابعه بس اصبري لا اتحطين البارت الي بعدووو :yaw:

 

[رفيع الشان]

يعطيج العافيه اختي


مجهود يشكر عليه بصراحه

وقصه مميزه

يعطيج العافيه

 

[snow]

[align=center]يمكن حمده أو وحده من الي كآن يرمسهم قبل ...!؟
خخخ شدرآني .. ترا لوو ربعه بيعرفهم ..
متآبعينج ..
3) ..[/align]

يمكن ليش لا :d:

تسلمين عــ المتابعه ^^

.


حليلَه عيسَى . .
قبَل مآحبيتَه . . اللحيَن كسرَ خآطريَ ><

هههه وآحمد يضحكَ . . مسآري ومآدري منو بعد ههه . . ؛

\

امم مآعرف . . لو كآنت حمَده بيعرفَ صوتهآ . .

لآ تطوليَن علينآ بالبآرت اليديَد . .
ولآ مآبقيمَج خخخ

نتريآج . . ؛


.

شفتي كيف استعيلتي عــ الريال ههههه

هههه هيك استايل الريال :d:

يمكن


لا لا كل شي ولا التقيم الحين انزلها هههه

تسلمين عــ المتابعه

يحليلهـ [mark=#cccccc]عيسى[/mark] فـ البارت الاول كرهتهـ و الحين [mark=#cccccc]كـآسر خـآطري[/mark] ><"

اتوقع المتصل [mark=#cccccc]حمده[/mark] و لا [mark=#cccccc]اخوهـآ [/mark]و لا وحده من[mark=#cccccc] ربيعـآتهـ[/mark] !!

اتريآ [mark=#cccccc]البارت[/mark] اللي بعده < ع احر من الجمر خخخ

شفتي كيف استعيلتي بــ الحكم عــ الريال هههههه
يمكن ليش لا :d:

قريب ان شاء الله :122:

وحليله كسر خاطري عيسى ...
بس شكلها حمده بتبدأ تعطيه فيس ..
يلا نترياج خيتوو ..

يمكن ليش لا :d:

قريب ان شاء الله ^^

لا زلت [mark=#cccccc]انتظر[/mark] !

ههههه اسفه >_<

مـآشاء الله بديتي فالبـآرت الـ 3
وأنـآ بعدني الثاني مـآقريته ،,


لي عودة .بقراها فالبريك.يعطيج ربي العـآفيه ،,

اقري على راحتج :122:

بالتوفيج

الله ذكرتني بعنوان قصه كنت قارتنها قبل ومن فتره ادورها

اشكرشش من صمصووومة قلبي

متابعه بس اصبري لا اتحطين البارت الي بعدووو :yaw:

>_< اونه في قصه عنونها نفس عنوان قصتي >_<

ماكنت ادري ههه

تسلمين لي يا البي

هههههههه ان شاء الله عمتي مابحطه يوم تبيني احطه سوي مسج ههههه

يعطيج العافيه اختي


مجهود يشكر عليه بصراحه

وقصه مميزه

يعطيج العافيه

ربي يعافيك

تسلم ^^

من ذوقك

ربي يعافيك

 

[snow]

عــيـسى : ألــو
المتصــل : مــرحــبا
عــيســى : مرحبتين امنــوه معايه ؟؟
المتصــل : امممم هب لازم .. المهم اخبــارك
عــيسى : الحمد الله تمــام احـسن عــن قــبل بـس امنــوه معايه ؟
المتــصل : هــوب لازم مــع الســلامه
ســكر المتــصل بدون مايعطي عيــسى فرصــه يتكــلم ... شويه فــر عيــسى رااسه صوب الكــاشف شــاف الرقــم
عيسى : اممممم اول مره حد يتصل لي عرقم البيت .. من هاي .. موبايل اممم .. من .. من .. تذكر يا عيسى .. ارجع اتصل و اشوف منوه ليش اعور راسي بــ التفكير >_<
اتصل عيسى .. نفس البنت ردت عليه
عيسى : السلام عليكم
البنت : وعليكم السلام والرحمه
عيسى : من متصل عليه من شوي
البنت : انا
عيسى : ادري انتي .. بس انتي من ..
البنت : افا ماتذكرت صوتي ؟؟
عيسى : امممم لا من
البنت : شكلك تعبان وايد عشان كذي ماتذكرت قصايد
عيسى : قصاايد ؟؟!! .. شكلج غلطانه بــ الرقم .. ماعرف حد بــ هــ الاسم
البنت : الا تعـــرف .. تذكر قبل 6سنوات .. يوم كان عمرك 17
عيسى : اممم .. من انتي ..
البنت : كنا تونا صغار ماعندنا مبايلات كنا نرمس بعضنا بوقت محدد .. الساعه 3 الظهر .. هــ الوقت لازم نتصل حق بعض .. اذا ما اتصلنا هــ الوقت نتصل الساعه 12 فالليل .. ماقدر انسى هــ الايام .. يمكن الايام نستك قصايد .. بس انا ما نسيت عيسى .. اول حب بحياتي
عيسى: غلطانه اختي .. مع السلامه
البنت : عيســى .. قبل ما تسكر .. والله للحين احبك .. ماقدر احب غيرك .. اول حب بحياتي انت .. وانا اول حب بحياتك كيف نسيتني .. لــ هالدرجه جربت وايد و نسيت قصايد .. مع السلامه
و انتهت المكالمه
عيسى : من قصايد .. ماذكر وحده بــ هــ الاسم .. امممم .. اسال امي >_<
شوي عيسى اتصل له امــه
عيسى : امايه
ام عيسى : هلا حبيبي .. شوه صحتك الحين .. احسن عن قبل .. تبا شي ؟!
عيسى : امايه تذكرين وحده اسمها قصايد .. يعني يوم انا صغير كنت اقول لج اني احب وحده اسمها قصايد ؟!
ام عيسى : تباني اذكر لك مال كم سنه .. الحين انا ارتب الصاله مشغوله بعدين اسالني .. يا ارقد ارتاح .. لا تفكر وايد
عيسى : اماااااايه دخييييييييلج ولدج الوحيد تذكري .. شوي شوي عشاني
ام عيسى : امممم .. احيد وحده يوم كنت تصغيره تقول احبها وبتزوجها .. بس ماذكر شوه اسمها
عيسى : امايه تذكري تذكري
ام عيسى : ياربي منك يا عيسى .. 100 بنت قلت تحبها و بتتزوجها يوم كنت صغير تباني اذكرهن كلهن الحين
عيسى : هههه امايه دخيلج .. امايه يعني انا كنت وايد ارمس بنات هههه
ام عيسى : خاف ربك في هالبنات .. ماحد بيب لي المشاكل غيرك
عيسى : امايه ولدج ذيب .. تذكري اساميهن
ام عيسى : يمكن هيفا ..
عيسى : لا امايه هاي اذكرها .. هاي زلمه .. كانت تبا تلعب عــ ولدج
ام عيسى : هيه صح هي تلعب على ولدي .. ماعرفك انا
عيسى : هههه امايه ليش جي تقولين عن ولدج .. ولدج عاقل ... انزين تذكري .. تذكري ؟؟
ام عيسى : ساره
عيسى : غيرها
ام عيسى : شوه ذكرك فيهن الحين .. خلهن بحالهن
عيسى : مابا منهن شي .. بس جي تذكرتهن ..
ام عيسى : تذكرت وحده كنت مخبل بها اسمها ...
عيسى يقطع رمسه امه : من هي .. شوه اسمها
ام عيسى : بقول لك انزين .. بس خلني اذكر اسمها .. مسايل .. قمر .. شي جي ماذكرها عدل
عيسى : قصايد ؟!
ام عيسى : هييييه قصايد
عيسى :انزين امايه انا قلت لج ليش قطعتها ؟! او ليش هي قطعتني ؟!
ام عيسى : لا ياولدي ماذكر هذا من زمان .. تباني اذكر لك اساميهن .. واذكر لك اسبابك .. انا النوت مالك ولا شوه سالفتك .. مره ثانيه من تقطع بنت اكتب عندك انزين .. لانه ماشاء الله من كثر ماترمس بنات الناس صرت تنسى اساميهن .. الله يعينها اللى بتاخذك .. مادري شوه من اسم بتزقرها ..
عيسى : امااايه بس خلاص قطعتيني .. انا برقد شوي .. برتاح .. وانتي تذكري ليش قطعتها .. انزين
ام عيسى : ارقد .. ارقد
.....
الساعه 5 العصر رن تلفون عيسى
المتصل : الو
عيسى : هلا
المتصل : شوه صحتك الحين
عيسى : الحمد الله منــوه ؟!
المتصل : امممم المهم تطمنت على صحتك .. هب لازم تعرف منوه .. مع السلامه
عيسى : شوه السالفه اليوم كل وحده تتصل وتبا تطمن على صحتك .. لــ هالدرجه انا مشهور
المتصل : اممم .. ليش في وحده قبلي اتصلت
عيسى : هيه .. انتي منوه
المتصل : خلك مع البنات اللى عندك .. مع السلامه
و سكر الخط المتصل
عيــسى يرمس نفـسه : انا اعرف هذا الرقــم بــس امنــوه ؟ وصــوت بنت منــو هــذي ؟؟؟ يــاربي وفتح الخــط مالهــو شــرات مالنا اكــيد حــد من منطقتنا بــس امنــوه ؟؟؟ امممم صــح شــرات رقــم بيت حمــده .... وين حطــيت الــرقــم انــا ويــن وين عــشان اتأكد
شــويه لقــى عيــسى الرقــم وظهر شرات الرقم وفــرح واايد لانه الاتصال كان من حمده وحس انه حمده بدت تهتم فيه ..
لازم اول شي اخليها تتعلق فيه وبعدين ارمس اماايه .. وناسه تغاااار ^^ .. اكيد حبتني .. فديتني مميز انحب بسرعه

........
تلفون عيسى يرن
عيسى : الو
خميس: هلا .. عواس
عيسى: اهلين .. اخبارك
خميس : متضايج
عيسى : من شوه
خميس : بالاول بلاه صوتك .. غادي فلم رعب
عيسى: مريض ..
خميس: سلامتك ما تشوف شر ..
عيسى: انزين ماقلت لي بلاك متضايج
خميس: احبها
عيسى: شوه اليديد كل يوم تقول تحبها .. متضايج لانك تحبها .. لا تخاف بيب لك غيرها عشان ما تتضايج كم خماس عندي
خميس : لا تستهبل عيسوو .. امس اتصل الها ماترد
عيسى : يمكن اهلها عندها يمكن حد ياها .. ياخي عطها عذر مايصير ترمسها 24 ساعه تبا اهلها يشكون فيها
خميس : عندها خط
عيسى : شوه عرفك سالتها انت .. اسالها اذا عندها خط بتخبرك
خميس : ياخي انا اتصل الها من رقم الدو و الدو يخبرني انه عندها خط ولا لاء .. عواس شوه ياك انته .. عمرك ما عطيت البنت عذر .. دومك تقول خراطات و تسمعون رمستهم و اليوم تقول عذر و ماعذر
عيسى: بعد ربك يهدي من يشاء
خميس : لا لا لا ماقدر .. بتيني صدمه و بطيح بمكاني .. انته تنهدي ماصدق ..
عيسى : تشوفني كافر ولا شوه .. حتى الكافر ينهدي ما تباني انهدي
خميس :انته هب عيسى عطني عطني عيسى .. شكله المرض ضارب بمخك
عيسى: خماااااااااس .. اطلع من راسي
خميس : ليش انا دخلته عشان اطلع منه
عيسى: انزين الحين انته شوه تبا ..
خميس : هاي يزاتي داق لك تلفون اشكي لك اخر شي تقول لي شوه تبا زين زين يا عواس مردك لي
عيسى : هههه خماس حبيبي انته .. ياخي تعبان و مريض شوه تباني اسوي
خميس : زين زين سامحتك .. يا الله خلني اسكر ها عبود هاي 3 مره يتصل بشوفه شوه يبا ..
عيسى: خلاص معليه سلم عليه
....
خميس : مرحبا عبود اخبارك
عبود: تمام الحمد الله اخبارك انت
خميس: شوي متضايج
عبود : خير ان شاء الله
خميس : سلامتك شوي مع الحبيبه .. بس انته شوه بلاك متصل 3 مرات
عبود: انته عدك مع هاي .. قلت لك ودرها هاي تبا تتسلى ماتبا تحب وانته بالي عمرك بها ... كنت بقول لك تعال بنطلع خاطري اروح البحر .. من زمان ماطلعنا
خميس: هي والله يبا لي يلست بحر .. خلني معاها بعدين بشوف شوه اخرتها ..
عبود: الله يعين .. زهب عمرك شوي و بمرك
خميس: ان شاء الله
.......................
عــيسى : ادق لها ولا مادق ادق ولا مادق يــاربي ..... يا الله بتصل واللى يصير يصير خخخخ اللى يقول بدش حرب اللا هو اتصال
اتصــل عيــسى عــبيت حمــده وكانت حمــده يالســه عند التلفون
حمــده : الوووه
عــيسـى : هــلا بــهل الصوت
حمــده : اممم هــلين آآمر
عـيسى : مايامر عليج عدو بــس مشكوره عــ الاتصال والسؤال
حمــده : اممم العــفو هذا الواجب
عــيسى : الواجب ولا الشــوق ؟؟
حمــده : مـاشي مــع الســلامه
عــيسى : ههههههه عــ طول مــع الــسلامه صــبري شــويه
شــويه حس عــيسى ويــع فــ بطنه : آآآآآآآآآآآآآآه
حمــده : شــو فيــك
عــيسى : مــع الســلامه
حمــده : عــيسى شــو فيك عيــسى
ســكر عيــسى الخــط عن حمده
حمده ترمس نفسها : ياربي شــو صار فبه مافــيه اعيش فــ عذاب مره ثاانيه اول شي ابويه والحيــن عيــسى ماقدر اعيــش العــذاب مرتيين مــاقدر ... مــاقدر .. ماقــدر
ردت حمــده اتــصلت تلفون مــحد رد عليــها ... وتصــلت مره ثاانيه مــحد رد علــيها ... ومره ثاالثه بعد محــد رد عليــها
شــو تتوقــعون صــار بــ عيســى ؟؟؟
راحــت حمــده غرفتــها ويالسه تفكر شــو صــار بــعيسى راحت تــصلي وتدعي انه مايصير شــي بـعيسى
..................
عبود و خميس عــلى البحر
خميس : قبل شهر تقريبا كنا انا وياها هنيه يالسين .. وايد احب هـ المكان .. اول مره حضنتني فيه وقالت انها تحبني .. حلفت ما راح تتخلى عني لو شوه ماراح يصير .. والحين ماترد علي .. طرشت الها مسجات ماردت علي .. مادري شوه ياها .. هزرك عبود ماتباني ؟؟!! ..
عبود : انا قلت لك من البدايه شكلها هالبنت هب مال حب شفت شكلها و تعلقت بها .. ماعرفت عنها شي .. قلت لك اكثر عن مره هاي مال طلعات .. ماتبا تحب .. قول لها عندي سياره روز رايز .. بنتلي .. بتموت فيك .. قول لها عندي كوريلا .. هوندا بترفسك و بتمشي .. كثر فلوسك عليها كل شوي بتتصل لك .. عيزت وانا اعلم فيك .. خلك جي
خميس: عبود لا تقول كذي عن البنت والله طيبه وقلبها ابيض .. يمكن ماعندها رصيد .. بطرش الها رصيد
عبود يمسك خميس من يده : والله اطرشت الها ولا درهم خلها .. عندها رصيد فوق اللى انته عندك .. واذا تبا عطني رقمها و برويك
خميس : شوه انته خبله اعطيك رقم البنت مأمنتني عليه .. لا تخليني ازعل عليك عبود
عبود : على راحتك بعدين لا تشكي لي
خميس : اسف .. مابقول شي مره 2 .. بس لا تقول عن البنت جي مره 2
......
اليــوم الثااني الـساعة 8 الصــبح اتــصلت حمــده عــ غرفة عيسى مره ثاانيه ماقدرت تصبــر زياده تبا تعرف شــو صــار بعيسى
رن التلفون اول مره محد رد .. اتصــلت مره ثاانيه الخداامه ردت عــ التلفون
الخداامه : الو
خافت حمده انه تكون اخت عيــسى ماكانت تعرف انه هو وحيد امه وابوه غـيــرت صوتــها لــصوت صــبي بس كــان فيه صــوت نعوومه اكـيد
حمــده : مرحبا
الخــدامه : نعــم
حمــده : ويــن عــيسى
الخدامه : عيســى داخل مستشفي
حمــده : مــتى رااح مستشفي
الخــدامه : امس فليل
حمــده : ايووه مــتى بيرجــع
الخداامه : يمكن مافي يرجع اليوم يمكن بعد 2 يوم
حمــده : لـــــيش
الخدامه : بابا عيسى وااجد تعباان بابا انته وااجد يسوي سؤال يريد عيــسى روح مستشفي سوي جوف ..سو تلفون على نمبر مبايل ..
حــمــده : خــلاص خــلاص مــع السلامه
الخــدامه : باي
ســكرت حمـده التلفون ويلست اتفكــر ياربي شــو يااه عـشان يرقــد بــ المستشفي
شــويه رن تلفون البيت
حمــده : الو
عــيسى : مرحبا بــهالصوت
حــمده : عــيسى
عــيسى : عيــون عيــسى
حمــده : اممم
عــيسى : ههه ياويلي عــ الحيا
حمــده : عيــسى شــو يااك
عــيسى : ياني ويع فــ بطني رحت الدختر وسو ليه فحوصات وقالو لازم ترقد لين ماتظهر النتاائج يقولون يمكن دووده زاايده (( الدكتور ماقال له هــذي الرمــسه بــس كان حاب يعرف ردة فــعل حمــده ))
حــمده بخووف : شوووووووووووه دوده زاايده
عــيسى : هيه دوده زاايده شــو فيها عــادي كلها شــق صغيره
حمــده : لا والله شق صغير لا ان شاء الله مــافي إلا كل خيــر و .....
يقطع عــيسى رمســة حمــده : حمـده انتي خاايفه علــيه
حمــده : هااا لا لا
عــيسى : عــيل
حمــده : مــاشي
عــيسى : حمــده
حمــده : نــعم
عــيسى : حمده يا الله قولي الصــراحه
حمــده : هاااا
تــوترت حمــده مــااتعــرف شــو تــقول
حــمــده : اممم منوه انته عشان اخاف عليك
عيســى : انزين اذا ما اهمج ليـش اتصلتي ؟!
حمده : لانه ياك الويع وانت ترمسني قلت اسوي الواجب و اطمن
عيســى : ماشاء الله عليج تعرفين الواجب ... انزين تخافين علي صح
حمده : لا
عيسى : انزين اعترفي .. ليــش تكابرين ^^
حمـده : اممم هيه اخاف
و عــطول ســكرت الخــط
حمــده : شــو بــلاني انـا تخبلت يـــوه ياربي استغفر الله لــيه قــلت لــه كــذي اممم ياربي
عــيســى بعد ماســكــرة حمــده الخــط تام فااج عيوونه من رمــسة حمــده يــاربي حمــده خايفه عليه يــعني حبتني ... اول مره احس انه حد يحبني من صدق عاد اوني ههه ... بس انا احس عمري احب صــدق آآآه يــازمــن ... لا لا يمكن بس جي بداية لعبه مثل باقي البنات اهتمام اول فتره و تعدي .. بس هاي بنت جيرانا حرام العب عليها او اتســلى بها ... بس انا احبها ما سويت شي غلط .. اباها بــ الحلال .. اممم ياربي قمت اهلوس >_<
بـــعد الرمــسه اللى دارت مع حمــده و عيسى قــرر عيسى وقرار نهائي يرمس امــه انها تخطب له حمــده
اول مارجع عــيسى من المستشفــى عــ طول يـلس فــ الصاله يترقب امه تظــهر من غــرفتها اول ماظهرت ام عيــسى من الغــرفه
عــيسى : اماايه .. امايه فــديت خشمج ابا اعــرس
ام عيــسى : ولديه شو بلاك انت عدك مريض ؟؟
عيــسى : ليش يما اللى يبا يعرس يكون مريض ؟
ام عيـسى : لا يما بس انته عدك صغير
عــيسى : أي صغير يما الله يهديج انا الحين بصك 23 سنه وبعدني صغير
ام عيـسى : انزين تبانيه اخطب لك ولا عندك وحده
عــيسى : هي يما ابا بنت جيرانا حمــده
ام عــيسى : زين ماخترت يا عــيسى بــس مابيعطوونك البنت ترااها لــولد عمها
عيــسى : يما حمــده ماعندها ولد عم ولا عندها عم
ام عــيسى : يعني انته مرتب كل شي
عــيسى وهو يضحك : ههه لا لا شو مرتب بس انا اليوم قررت اني اعرس
ام عيســى : خلاص يما الاسبوع الياي بنخطبها لك
عيــسى : لا لا شو الاسبوع الياي اليـوم
ام عـيسى : ابوك محد و مابيرجع من السفــر إلا باكر يبا له كم يوم عشان يرتاح
عيسـى : ماعليج انتي قولى له ولدك يبا يعرس بيقوم لج شرات الحصان .. تراه قال يبا يعرسني عشان يعرس
ام عــيسى : بس يا الله اسكت مابيعرس ابوك وين بيحصل له دره شرااتيه يا الله روح .. لا تتكلم يا الله روح مزعج
عيسـى : يما يعني اخبرهم باكر بنروح الــهم
ام عـيسى : مــاعرف الشور عند ابــوك
عيسـى : خلاص خلاص بنروح الهــم باكر
راح عيسـى يربع صوب غرفته
ام عــيسى : وين وين راايح
عــيسى : بروح اقول حقهم
ام عــيسى : ليه انته ترمس البنت
عــيسى : هاااا لا شو ارمس البنت
ام عــيسى : عيل كيف بتخبرهم
عــيسى : ههههه ماعــرف .. انتي دقــي الــهم
ام عــيسى :انــزين هــات الدفتــر عشاان ادور عــ الرقم
عــيسى : ان شاء الله دقييقه بس شو دقييقه ثاانيه
رااح عيسى اييب الدفــتر حــق امــه ورااح يربع فــوق غرفته عــشان يدق قبل امه حق حمــده
حمــده : ألوووه
عــيسى : محربا حبيبي
حمــده : اممم هلا
عــيسى : انا من باكر ريلج
حمــده : شوووووه ؟؟!!

ترقبو باقي الاحداث ^^

 

[soooooooooomh]

ههههههههـ هـآ الـ عيسى [mark=#cccccc]تحففففففهـ[/mark] خخخ

بس ما اظن [mark=#cccccc]بيتم[/mark] ها الزواج لازم تكون في [mark=#cccccc]عقده[/mark] فـ كل روايهـ اقراها ><

فـ [mark=#cccccc]انتظآر التكملهـ[/mark] ~

 

[sad smile]

بارت حلوو ...

عيسى بحصل امور بتوقف بالطريجه ...

نتريااااج ...

 

[A.D]

السلآم عليج ..

شكرآ لج في البدآيه ع البآدره الخيره منج .. << الظآهر اني متآخر بالقو خخخ
مآقريت كل الاجزآء مريت عليهم مرور الكرآم .. فهمت اشوي من كل جزء .. القصه طويله ولج فرصه تفآآجئينآ بآحدآث يديده

وتزيد فرصتج في الابدآع ^^ .. الله يوفقج بتريآهآ لين مآتنزل كآمله عقب بقرآهآ ..

الله يعطيج العآفيه ..

 

[عتوقة]

يالله يالله الي بعدوووووووووووووووو =)