اسفه>_<
تاخرت بــ البارت بيوم >_<
اسفه مابعديها مره2>_<
حمــده : ألوووه
عــيسى : محربا حبيبي
حمــده : اممم هلا
عــيسى : انا من باكر ريلج
حمــده : شوووووه ؟؟؟
عــيسى : شو فيييج ماقلت شي قلت ريلج روحي قولي حق امج باكر نحن بنخطبج
حمــده : انته خبل ولا تخفف عقلك ؟؟؟
عــيسـى : بصرااحه للحين مادري بس ليش
حمــده : قول حق امك تتصل حق امي وتقول الها لا تستعبط .. يا اخي انته ماتشوف بالتلفزيون مــاتشوف ؟؟
عــيسى : اشوف بس تفوتني حلقات الخطبه هههه
حــمده : هههه يا ظريف انته
عــيسى : مااخذ منج شو تبيني اسوي
حــمده : يا الله مع السلامه
عــيسى : انزين سولفي فيايه خلااص انا بكون ريلج من بااكر ....... شو السالفه التلفون ســكر لا لا يمكن الوااير فــصل هي مابتسكر فويهي خخخخخ مالت عليه اكلم نفسي
شوي ورن التلفون
عيسى : هلا
المتصل : اهلين
عيسى : منوه
المتصل : اممم للحين ماعرفتني
عيسى: قصايد
قصايد : هيه
عيسى: شوه تبين ..
قصايد : انا احبك عيسى ..
عيسى: انتي خنتيني مع اعز ربيعي .. شوه تبين الحين
قصايد : انا مايخصني هو كان يتصل لي .. هو كان يبا يرمسني
عيسى: كذااابه .. لا تكذبين .. شوه تبين انتي الحين .. انا توني طالع من المستشفى مافيه احرق اعصابي على وحده خاينه مثلج
قصايد : سلامتك حبيبي شوه فيك
عيسى : لا تقولين حبيبي .. فارجي عن ويهي .. لا تتصلين مره 2 تفهمين .. ولا انتي ماعندج كرامه .. تراج متعوده عــ الوصاخه .. يا الله باي
قصايد : قول اللى تبا تقوله .. انا احبك عيسى .. ربيعك هو كان يتصل لي
عيسى : شوه رايج ايب ربيعتي و تقولين هــ الرمسه يدامه
قصايد : هاا .. لا شوه تيب ربيعك .. تستهبل انت
عيسى : لا تتصلين مره 2 .. انا ريال بعرس قريب .. مابا مشاكل بحياتك بسبة وحده مثلج ..
سكر الخط عيسى بويها
خلوونا نرووح بيت محمد ونشوف شو الاحوال عندهو
حرمة محمد :محمد اخويه يبا يعرس
محمد : يعرس شو اسوي له ؟
حرمة محمد: نبا نخطب له من الاهل
محمد : انزين اخطبي شوه اسوي
حرمة محمد: شوه شتسوي .. اخو حرمتك يبا حرمه
محمد : شوه اسوي له اصنع له حرمه دوري له انا مسكتج
حرمة محمد : بنخطب له اختك حمده
محمد : شووو امنو حمده ... حمده عدها صغيره واخوج عبد الرحمن صاك الخمسين
حرمة محمد : شوه صاك الخمسين اخويه وحليله عده صغير توه 45 سنه مادخل الخمسين لا تكبر اخويه ...وبعدين الريال ما يعيبه شي
محمد: روحي روحي شوفي له حرمة ثانيه اختي عدها صغيره
ح . محمد : عادي .. محمد احسن يوم يكون اكبر عنها عشاان يفهمها ويعوضها حنان ابوك
محمد: اي حنان تقصين على عمرج سيري مناك لا تعورين لي راسي
حرمة محمد : محمــــد .. بلاك انته حتى ولو هي صغيره و بتفقد حنان و تبا واحد اكبر عنها يعني تعطيها واحد من عمرها و يلعب فيها .. وهي وحليلها على نياتها .. واحد اكبر عنها فاهم
محمد : مادري ..
ح. محمد : محـــمد (( بدلع ))
محمد : ياربي من منكركن يا حريم .. خلاص عيل بعد اسبوع خلي ايي اخوج وبنعطيه حمــده
ح. محمد: خلاص عيل صار الاسبووع الياي ,, عيل خلني اروح ابشره
يا الله خلونا نرد حق عوااس
ظهر عيسى من غرفته : ها يما اتصلتي ؟؟
ام عيسى : لا يما مشغول الخــط
عــيسى : اممم عيل اتصلي مره ثاانيه اكييد الحين بيردون
ام عيســى: ان شاء الله يما طلبااتك اواامر بعد شو نسوي
عــيسى : من لج غيري ولدج الوحيد
ســاره : ملحبا الثاع نور التلفون مالنا
ام عــيسى : مرحبا باجي بنتيه وين امج
ساره : يعني ماتبيني انا أليدت
ام عــيسى : بعد انا اريدج انتي عطيني امج وبعدين بكلمج
ساره بدون نفس : انزين الحين بقول ماما تعالي
رااحت ساره تزقر امها : ماما .. ماما .. تعالي هندي يليدت يقول انا حبي ماما مال انتي
ام حمد : ويدي امنو هذا بعد وين طااح علينا
ساره : تعالي ماما مافي ويدي تعالي هندي
ام حمــد : مرحبا امنو انته ؟؟
ام عــيسى : شو بلاج ام حمد انا جارتج ام عيسى
ام حمـد : هييه يا مرحبا الساع الله يغربلها هذي ساره تقول هندي يباج ويقول يحبج ههه روعتني
ام عيسى : هههه وحلييلها .. بناات هالزمن ينخاف منهم ههه سوالفهم اكبر عنهم
ام حمد : هيه والله صدقج
ام عيسى: اخباركم بعد
ام حمــد : الحمد الله تمام يسرج الحال اخباركم انتو
ام عيسى : الحمد الله تمام مبتلشيين فــ اللى عندنا
ام حمـد : ماعندت غير وااحد وبعد مبتلشه
ام عــيسى : هههه ترااه كبر ويبا يعرس
ام حمـد : لا والله زين زين مبرروووك
ام عــيسى : الله يبارك فــحياتج عقبال حمــد
ام حمــد : ان شاء الله
ام عــيسى : اتخبرج ام حمــد حمده بنتج مخطووبه لحــد
ام حمـد : لا والله خير ختيه لــيش
ام عــيسى : لا والله مــاشي إلا كــل خير بس بغينا نخطب بنتكم حق ولدنا عيــسى
ام حمــد : يا مرحبا الساع حياكم في أي وقت ولدكم عيــسى خوش ولد ماينعاب
ام عيسـى : تسلمين الغاليه ان شاء الله باكر نحن بنيكم
ام حمد : يا مرحبا الســاع فيكم حياكم فــي أي وقت
ام عــيسى : يا الله عيل بخليج الغاليه الحين
ام حمــد : بحفظ الرحمن الغاليه
بــعد المكاالمه عيــسى مرتبش : شو قالت شو قالت
ام عــيسى : تبا تعرف شو قالت
عيــسى : هييه
ام عــيسى : رووح رتب غرفتك وبعدين بقول لك شو قالت لي
عــيسى : حراام عليج يما انتي تعرفين ترتيب غرفتي بالنسبه لي تعذيب اماايه فديت خشمج قولي مافيه صبر
ام عــيسى : خل الفضول ياكلك هب قايله الك ألين تنظف الفوضه اللى فغرفتك
عـــيسى : ان شاء الله امايه انتي قولي اول وبعدين انا بروح ارتب الغرفه
ام عــيسى : انزين انته تعرف شو قالت
عــيسى : لا لا ماعرف شو اللى عرفني انتي كنتي ترمسينها هب انا لو كنت ادري ماكنت سألتج
ام عيسى : قالت بنتيه مخطوبه لواحد من الاهل
عيسى : لااااا امايه والله لااااااااا
ام عيسى : بلاااك بلاك خلاص البنت مخطوبه شوه اسوي انا
عيسى: امايه لا تمزحين معايه .. بعصب والله
ام عيسى : ههههه عصب شوه اسوي انا هي قالت هب انا
عيسى : امايه انتي تضحكين يعني هب مخطوبه تبين تلعبين بعصابي صح
ام عيسى : لا هب صح مافي .. مافي خلاص
عيســى : والله ما ارتب غرفتيه بروح اعفسها زياده زين
ام عيسى : روح روح سو اللى تباه بس حرمة ماشي .. تبا تعرس وانته تسوي سوايا الياهال
عيســى : خلاص امايه اسف ايبي راسج ابوسه
ام عيسى : مابا مابا .. روح عني بعيد
عيســى : امايه توبه توبه والله كل يوم ارتبها .. دخيـــلج
ام عــيسى : انــزين انــزين .. خلاص بنرووح الهــم باكر
عــيسى بفرحه : هيييييييييييييه وين ... وين ...وين ..و ين ... ويـن ؟؟
ام عيــسى : شو هو وين ؟؟
عــيسى : ال ... ال.. كلوركس و الديتول ....
ام عــيسى : ليش هذا كله
عــيسى : بنظف غرفتيه ولا خلاص كنسلتي
ام عــيسى : دووك هنــاك بس روح
عــيسى : ان شاء الله
يــ الله نرووح بيت ام حمــد انشــوف شــو الاحوال عندها
ام حمــد يالسه فــ الحوي تذكر بلادها اياام اول وكيف كان اعراس بلادها
دخــل حمــد فجــأه حمــد : السلام عليكو .... يما .. يما
ام حمــد : وعليكو السلام روعتني العرب يسلمون قبل مايحدرون
حمــد : تراني سلمت ماسمعتيني شكلج سرحانه بــ الغالي وايام الشباب و الحــب آآآه ياويلي ويلاه يا محلي ذيــك الايام صدق يوم قال على بن روغه إذا هب الصبا ...
ام حمــد تقااطعه : بس بس اسكت ليه انته كنت معانا
حمــد : لا .. بس انا اذكر كل شي
ام حمـد : المهم ابااك بــسالفه
حمــد : آمري الشيخه شــو تبين
ام حمــد : مايامر عليك عــليك عدو .. اسمع اللى بقوله
حــمد : خير ان شاء الله شو السالفه صــاير شــي
ام حمــد : لا ان شاء الله كل خير بس وااحد خطب اختــك
حمــد : امنــو
ام حمــد : عـيسى ولد عبد الله ولد جيرانا
حمــد : بس .. يمــا
ام حمــد : شو .. بس الولد زين ماينعاب مافيه شي و الولد يانا من الباب هب من الشبابيك
حمــد : يمــا لا تنسين هو ولد امنو ونحن عيال امنو
ام حمــد : يما نحن بناخذ الولد ولا بناخذ ابوه
حمــد : لا تنسين جبيلته
ام حمــد : شو فيها جبيلته نحن بناخذه هو ولا جبيلته الولد ماينعاب .. الكل يمدح فيه
حمــد : خلاص عيل متى بيونا
ام حمــد : ان شاء الله باكر
حمــد : عيل بخبر ولي امرنا اليديد بدال ابويه .. هو هب الكبيــر كيف ياخذ الوصيه بدل اخويه حميد والله حاله كل شــي في هذا المجتمع يمشــي امرنا لــ الله ... انا اترخص الحين بروح ادق تلفون حق اخويه محمد
ام حمــد : بحفظ الرحمن ياولديه
دق تلفــون حمــد لـ اخوه محمد تعرفون كيف كــان اســلوبه يا الله خلونا نشوف كيف كان الاسلوب
حمــد : السلام عليكو
محمد : وعليكو السلام والرحمه خير شو تبا ماعندي فلوس امس طرشت الفلوس مع الدريول
حمد : مشكور خل فلوسك الك الحمد الله اللى عندنا مكفينا بس بتعبك باكر ساعه او ساعتين اذا اكثر
محمد : خير شو تبا انتو شو ايي من وراكم غير المشااكل
حمــد : المهم لا مشاكل ولا خربطان باكر بيي واحد يخطب ختيه حمده
محمد : شــــــــــو شــــــو لا فديت خشمك حمــده لقينا الها ريال زيــن احسن من هذا اللى ياينكم
حمــد : بس نحن حددنا موعد مع الريال
محمد : كيف انتو تسون شــي من دون شوري ناسي انه انا ولي امركم ولا شــو
حمــد : ولي امرنا علــى شوا وانته ماتدري عنا خير شر يا الله مع السلامه
محمد : بــ اللى مايحفظ قلعه تقلعك انته وامك
سكر التلفون محمد
حرمة محمد : خير شــو فيك معصــب
محمد : سكتي مــالي خلق لــج
ح. محمد : افــا حبيبي كذا تقول حق ام عيالك حبيبتك
محــمد : لا حبيبتي بس حمــد دق تلفون ونرفزني
ح. محمد : مــاعاش اللى ينرفزك شو يبا فيك
محــمد : مــاشي قال واحد ياي يخــطب اخته
ح. محمد : يعني شو فيها حبيبي عادي
محمد : اخــوج
ح. محمد : شو بلاه اخويه تــراه بياخذ اخــتك
محمد : كيــف بياخذها وهذا ياي يخطبها
ح. محمد : عــادي انته روح وسو الــهم مناحه وانته تــعرف البــاقي هب لازم اقــول لك هذا شغــلك وانته ادراابه صــح حبيبي
محمد : صــح يابعــدهم كلــهم
يا الله نشوف الاحوال عنــد ام حمــد
ام حمــد : حمــده .. حمــده .. تــعالي
حمــده : نــعم امايه خــير آآمري
ام حمــد : مايامر عليج عدو ولا ظالم يلســي ابا اسولف معاج شويه
حمــده : هذاني يلست سولفي شو اللى بخاطرج
ام حمــد : سلامتج حبيبتي بس انتي تعرفين انج كبرتي ماعدتي صغيره و الخــطاطيب يتعافدون على بنت حميــد
حــمده : خير خيــر قــولي .. قــولي . فــهمت امنو بعد اللى ياي
تـحدر ســلامي من غرفتها
ســلامي : عاد اونه امنــو بعد ياي من كــثر اللى ايون مــحد ياج غــير عيســوه ولد عبــد الله
حمــده : شـــو امنـــــــو؟
سلامي : على حسب ظــني سمعتي عدل لا تقولين شو ولا امنو عيسووه
حمــده : امممم اوكـي انا الحين استأذن بــروح غــرفتي
ســلامي : حركــات عــاد اونه تســتحي
حمــده : جب انتي مايخصج
ســلامي : ان شاء الله حــرمة عيــسوه
حمــده : جب جب انا بــروح
شوي التلفون يرن ..
حمده : بروح ارد عــ التلفون مالت عليج >_>
حمده : الــو
المتصل : هلا والله لج وحشه وربي
حمده : تسلمين لي ... اممم بس منوه
المتصل : يا السخيفه .. عاد اونج ما عرفتيني
حمده : امممم ماعرفتج منوه
المتصل : انا حبيبتج هههه
حمده : اسمج
المتصل : انتي قولي حبيبتي هذا اسمي لج بس
حمده : مع السلامه مالي خلق سخافه
المتصل : والله سخيفه هذا الترحيب مالج .. معليه
حمده : مع السلامه
المتصل : يا السخيفه انا مها *_*
حمده : مهوووي حبيبتي
مها : مابا مابا زعل .. يا الله مع السلامه
حمده : ههههه لا تستهبلين انزين انا ما عرفتج
مها : لا لا مابا
حمده : مهوووي اسفه خلاص
مها : خلاص سامحتج ... انزين شوه اخبارج .. شوه اعلومج .. شوه دنياج .. سولفيني شوه صار معاج
حمده : شوي شوي عليه بقول لج كل شي بس عطيني مجال
مها ربيعت حمده (( صديقة الطفولة)) اكبر اخوانها .. دلوعة البيت ..
عندها 2 صبيان توائم 3 سنوات
مــر هذا اليــوم بــســلام
فــ اليوم الثاني الســاعه 4 العصــر يا محمد بيــت ام حمــد
محمــد : الســلام عليكم
حمــد : وعليكم الســلام حيــاك
محمــد : اخــلص وين هذا اللى ياي يخطب اختــك
حمــد : بــعد اختــك .. للحيــن مايا مــوعدنا الســاعه 6 وانته ياي من الســاعه 4 في حــد بيــخطب ايي الســاعه 4
شوه تتوقعون بيسوي محمد ؟؟!!
