ذكرت الود وايام التصابي

[برووق]

بين الثريا وبين نجم سهيل
شانك ومنزلك القلب لاهنتي

لو ذقت من هجرك عذاب وويل
انتي الوحيدة بقلبي تمكنتي

اشتاق لج شوق يهد الحيل
ويا للاسف انتي ولا تألمتي

اعدل ميازين الهوی وتميل
دروس وعبر منها ولا تعلمتي

سوي الي تبينه وعندك التخويل
تبقين انتي الغالية بس انتي

للشاعر/ صالح عبدالله الحصن الشحي

​

 

[برووق]

يا حمام الراعبي فوق الشجر
لي لفيت بدار منقوش الكفوف

خبروه الحال مني قد عبر
تهمل الدمعات والقلب مخطوف

بوخدود ورد ك المووت الحمر
والصدر ديباج ماله من وصووف

والنهود صغار تزهي بالصدر
وإن تمشی يميل من ثقل الردوف

للشاعر صالح عبدالله الحصن الشحي

​

 

[برووق]

تعبان حمو لي مياسم
كان الوسم بيشافي العوق

حسبي لحظي الي معاسم
كله نزل مايصعد لفووق

كل السبب عذب المباسم
ياخذ حقوقه ويهضم حقوق

حبه هلى حسب المواسم
ياشوق هزنيه بهوى الشوق

لل

​

شاعر
صالح الحصن الشحي

 

[برووق]

ناكـــر العشــــره

جيتني وماظن تلقاني
والعفو يا ناكر العشره

كم نصحتك لا تحداني
ع فراقك ببصم بعشره

شوف هجرك وين وداني
بعد هذا اليوم لا تشره

السموحه روح ونساني
صرت ماضي وانتهى امره

غيركم سكنته عياني
وانت خلك ميت بحسره

بو ثنايا حب رماني
جسمه متناسق على خصره

والصدر للجند ميداني
يفوح دهن العود من نحره

والخدود برووق لمزاني
ما خلق مثله وفي عصره

لاتظن بعود لك ثاني
والقلب قد مل من صبره

في وداع الله يافلاني
ها جوابي وموجز النشره

للشاعر / صالح عبدالله الحصن الشحي

 

[برووق]

لا تعتذر ما يفيد عذرك
والحب طوينا شراعه

ما ينفع المقفين زقرك
أشرت لك كف الوداعه

صالح الحصن الشحي


الليل طال وطال فجرك
وأنا أنتظر نوره وشعاعه

يا قــوّك ويا قـو صبرك
تحكم ع خلك بالقطاعه

سلطان العيسائي أبوسليمان

الوقت يمشي دون ندرك
لازم وألوي له ذراعه

والحين انا ما سوق ( سدرك )
رنج معي آخر صناعه

صالح الحصن الشحي

​

 

[برووق]

نطلبك شله يابن ارشود
سمعنا صوتك لا عدمناك

شل بلحن واعزف على العود
وإحنا بعد بنردد وياك

سعيد محمد الذهلي


يا مرحبا بالشاعر العود
خذني على صفك ويمناك

شاعر مع الشعار معدود
نعتز في مثلك وشرواك

صالح الحصن الشحي


ياحي راعي الطيب واليود
يا مرحبا الشحي يا حياك

واثني التحايا حق بن عبود
سالم الكعبي ما بننساك

سعيد محمد الذهلي


تحيتي مليون مع زوود
حق بو محمد لا عدمانك

بقلبي معزه لك بلا حدود
يا بخت من بالطيب خاواك

صالح الحصن الشحي

الشاهد الله ماعليك زود
الطيب ريته في مزاياك

زاكي النسب والنعم الجدود
يسلم يلي بالطيب رباك

سعيد محمد الذهلي

​

 

[برووق]

لي وليف ودي آشوفه
مقطع فؤادي ومعلاقي
كل يوم صعبه ظروفه
والزرع يابس بلا ساقي

يوم امر الدار واطوفه
زفرتي من داخل اعماقي

في فؤادي ناقش حروفه
شوو أسوي يوم اشتاقي ؟

صالح عبدالله الحصن الشحي
24/11/2016

​

 

[برووق]

إتزخرفي يا ارض لمجاد
مبرووك يوم الاتحادي

رف يا علم ع رؤس لشهاد
في دارنا والطير شادي

الناس في راحات وسعاد
ويدوم عزج يابلادي

أمن وأمان بدولتي ساد
وعم الرخا حضر وبوادي

في ظل حكام للبلاد
نحنا سندهم للمعادي

نفدي تراب وأرض لجداد
شجعان في وقت الشدادي

إنشبها نيران وقاد
بحزم اذا صاح المنادي

يعل الفرح كل يوم ينعاد
وحب الوطن ساكن فؤادي

حب الوطن كل يوم يزداد
من يوم انا طفل بمهادي

يالله يا خلاق لعباد
يا كاسي الليل بسوادي

إيتم وطنا كله أعياد
إشهور وسنين عدادي

اتزخرفي يا ارض لمجاد
[align=center][/align] مبرووك يوم الاتحادي

للشاعر/صالح عبدالله الحصن الشحي
الشحوح الحربية

 

[برووق]

جن ليلي والجفن عاف المنام
وخافقي من الشوق زادت علته

صاحبي غايب وأنا به مستهام
فاقد ن عقلي وروحي بسبته


سلطان العيسائي أبو سليمان


ــــــــــــــــــــــــــــــــــــ


وأنا مثلك يالاخو هايم هيام
قد شربت امن الغرام ودلته

والي مثلي مستصاب بالغرام
لي ذكر غاليه سالت دمعتة


الشاعر صالح الحصن الشحي

​

 

[برووق]

☄☄ الحمى ☄☄

اتسير عند الباب وترد
حمى وجتني غربلتني

معها حراره فوق تصعد
بسبعة كنابل لحفتني

حبوب آآسررط بلا عد
تروح العصر ف الليل يتني

عوار الظهر وزكام يشتد
انا اشهد انها دهدهتني

كملت ثلاث ايام وأزيد
ملازمتني ما أتركتني

يالله عساها اليوم تنفد
وأرتاح منها لعوزتني

صالح عبدالله الحصن الشحي
30/12/2016

​