..][تمــوت عيونهم فيني..وانا بك ميته عيني][..

[دمعة قلق]

..تابــع الفصل الاخيــــر..

مرت جنب غرفته..وغصب عنها فتحتها ودخلتها..
مشتاقة له..تحس ان الدنيا بدون ماتسمع صوته وتشوفه ماتسوى شي..
صح كان بينهم مشاكل وماكان يطيق يشوفها..بس كان كلامه السم عليها مثل العســــل..
ابتسمت بألم على هالذكرى..
كان راكان يقول لها هالحكي بأحتقار وقرف..
:اسمعي انا ما اتشرف المس شعره بس منك مو لانك اختي وإلا اني خايف من امك وابوك لا لانك وقحه حقيره ماتستاهلين تراب رجليني..
دمعت عيونها"ماطلعت اختك طلعت وحده لقيطه بنت حرام على قولتك حقيره و وقحه وما استاهل تراب رجلينك"..
سمعت صوت وراها:وش وقفك هنا..
مسحت دموعها بسرعه ولفت عليها وبأحتقار:جايه اشوف غرفة اخوي وإلا حرام بعد..
ام راكان بعصبيه:خيــر انتي ليه ترفعين صوتك علي تراني مو اصغر عيالك انا امك..
مشاعل انفجرت في وجهها وهي تبكي:لاتقوليـــــــن امك انتي مو امي..
ام راكان بصدمه:مشاعل وش هالحكي..
مشاعل بصوت مرتجف:لاتقولين انه كذب انا سمعت ابوي قصدي زوجك قاعد يقول انكم خذتوني من دار الايتام..<<ماقدرت تكمل وبكت..
ام راكان كان لسانها ثقيل وعاجز ينطق حرف واحد من قوة الصدمه..
كملت وهي تمسح دموعها:اكرهك اكرهكــــــــم كلكم..<<طلعت وخذت عبايتها وشنطتها ونزلت بسرعه..
ام راكان ماقدرت تتوازن وطاحت على الارض مغمى عليها..
××
حرك الملعقه في صحنه وهو متملل ويفكر في اللي صار معاه مع ريــم..
بجد خذت عقله وملكت قلبـه..
تذكر كلامها.."واحد مثلك يجي بكل وقاحه ويكلم بنات وهو مايدري كانه يعرفهم وإلا لا مستحيل اقبل اتزوجه.."..
ابتسم بأستهزاء"والله لأكسـر راسك واذلـك واتزوجك غصب ورا خشمــــك"..<<ترك ملعقته و وقف..
ام محمد:وين ما كلت..
محمد:لا خلاص شبعت (لف عنها ومشى بس تذكر شي ولف عليها) إلا متى بيردون علي اهل حبيبتي ترى ما اقدر اصبر اكثر من كذا..
ابومحمد ترك ملعقته وبعصبيه:محمـــــد وش هالحكي احترمني على الاقل..
محمد:وانا وش قلت عاد انت لاتصير معقد..
ابومحمد وقف وبعصبيه:محمـــــد..
محمد تأفف:لحووووول اقول انا غلطان يوم جلست معكم..<<ولف عنه..
ابومحمد صرخ بعصبيه:والله انا الغلطان يوم خطبت لك هالبنـت عن جد بظلمها معاك..
محمد لف عليه:تصدق عاد هذا الشي الوحيـد اللي اشكرك عليه (ارسل له بوسه) فديت ذا الخشه هههههههههههههههه..<<لف وطلع..
ابومحمد انقهر:صدق ماعرفت اربـــــــي..
ام محمد بضيق:هد نفسك يابومحمد مايصير اللي تسويه بنفسك..
ابومحمد بأنفعال:وشلون اهدي نفســـــي ماسمعتي كلامه..
ام محمد:ماعليه طول بالك عليه..
ابومحمد جلس:لاحول ولاقوة إلا بالله..
××
دخلت ومن دخلتها سكتوا..تقدمت لهم وبأبتسامه:عادي حشوا..
ام مشاري بدون نفس:هديل اطلعي لغرفتك..
هديل:ليه بقعد معاكم شوي..
ام مشاري بعصبيه:هديــــــل..
هديل ارتاعت من اسلوب امها المتغير..ومن وجه خالتها المخطوف..
قالت بسرعه وهي تلف وتطلع الدرج:طيب ان شاء الله..<<طلعت وقبل ماتدخل غرفتها سمعتهم يتكلمون عن موضوع فارس..
غصب عنها جلست عند الدرج وسمعت كل شي..وقفت مصدوومه ومو مصدقه اللي سمعته..
دخلت غرفتها ومسكت جوالها واتصلت عليها وهي ترتجف..وصلها صوتها المبحوح..
:خير..
هديل بسرعه:اي خيـر تدرين وش مسوي خالي..
ريم بألم:دريت..
هديل:من متى..
ريم:امي قالت لي اليوم..
هديل انهارت على السرير:طيب ليه ماقال لنا (قالت بصوت مرتجف ودموعها متجمعه في عيونها) ماكنت متوقعه خالي يسوي كذا..
ريم:اظن انه ماسوا شي غلط..
هديل بعصبيه:بالـله عليك الحين هذا ماتسمينه شي غلط تزوج من ورانا لا وبعد من تزوج بنت واحد دخل جدي السجن..
ريم:هديل البنت مالها ذنب..
هديل في قمة عصبيتها وبعفويه:اصلاً انتي من يوم ماخطبك ذا وانا شاكه ان عندك عقل..
كلامها طعنها في الصميم..تجمعت الدموع في عيونها وبصوت مرتجف وبألم:خليت العقل لك..<<وسكرت السماعه..
هديل حست على نفسها وعضت على شفايفها بقهر:ياااربي انا وش قلت..
××
كانت تحس بفرحه مو طبيعيه..وهي معه في هالجو الرومانسي اللي يملاه الحب وخالي من المشاكل..
وقف سيارته على جنب..
قالت بسرعه:حبيبــــي فيك شي..
دق قلبه بقوووه وناظرها بصدمه..من كلمتها اللي اول مره يسمعها منها..
ارتفعت حرارة جسمها وبعدت عيونها عن عيونه وفركت يدينها بتوتر وبأرتباك:آسـفه بس هي طلعت كذا..
فيصل ابتسم من قلب:لا تكفين عيديها مره ثانيه..
هيفاء بصدمه:إيــش..
فيصل ارتبك وحرك سيارته وناظر الطريق قدامه:لا سلامتك..
كشرت وعضت شفايفها بقهــر..يعني مافيه امل يذوب الثلج اللي بينهم..
وقف سيارته عند البيت وقبل ماتنزل لفت عليه:ماتبي تنزل..
فيصل يحس انه مكتوم وحرارة جسمه مرتفعه..تنهد:شوي وبنزل..
هيفاء دخلت البيت..وهو حط راسه على الدركسون يحس ان على قلبه هموم تهد جبال..
مايقدر يتقبلها ولايقدر يتركها..ولا هو يحبها ولا يكرهها..مايدري وش يسوي يحس انه ضايع في متاهه ولايقدر يطلع منها..
نزل ودخل و اول مادخل تراجع لورا بقووه من الجسم اللي انرمى عليه..
هيفاء وهي تحظنه بأقوى ماعندها وتشهق من البكي:فيـ..صل امـ..ي..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
طلعت للشاطئ وهي ماسكه جوالها وتتأفف..
وقفت جنب نجود:مايرد اففف شفتي سحب علي..
نجود ماسكه كاس مشروب وتهز جسمها مع الموسيقى العاليه وبصوت عالي:وش تقولين..
فاتن تناظر الناس اللي قدامها كل هاذولي جايين للسهره عشانها وهو ماعبرها ولاسأل عنها حتى ما اتصل واعتذر..
لفت على نجود ودموعها متجمعه في عيونها وبقهر:هو ليه يسوي فيني كذا..
نجود لفت عليها ورفعت حاجبها لما شافت دموع فاتن تسيل على خدها..مسكت ضحكتها وفاتن لفت ودخلت..وهي ضحكت بهستيريا مو مصدقه اللي شافته..
قالت بأستهزاء وهمس:فاتنوه تبكي جعله دوم مو يوم هههههههههههههههههههههههههه..
::
رمى نفسه على الكنبه:من جدك انت ماراح تروح..
نايف كان متمدد على الكنبه ورافع رجلينه على حافتها:لا من عمي..
مشاري رمى عليه الوساده:صادق انا..
نايف:وانا صادق اسكت بس خلني اشوف المباراة..
مشاري حس ان نايف فيه شي مو طبيعي..كانت حالته متغيره للأحسن:الحين طلعت تتمشى و رجعت وابتسامتك شاقه وجهك وش صاير..
نايف:وش بيصير يعني ايه ابشرك تركي بدى يمشي..
مشاري عدل جلسته بسرعه:احلف بالله..
نايف:هههههههههههههههههههههههه والله..
مشاري:ياشيــــــخ مبروك مابغى..
نايف:الله يبارك فيك..<<رن جوال نايف بس ماسمعه لانه حاطه على السايلنت..
مشاري:جوالك..
نايف تأفف كان حاس ان فاتن داقه عليه:ذي مو ناويه تفكني..
مشاري:طيب رد وقل لها ماراح تجي وخلاص..
رفعه وناظر الرقم وابتسم ورد..
:هلا والله..
بندر:هلا فيك وش اخبارك..
مشاري:مين..
نايف حرك شفايفه بدون صوت وهو يوقف:بندر..
مشاري:سلم لي عليه..
نايف هز راسه ودخل غرفته كان شاغل باله موضوع بندر ودانا ومضايقه:مشتاقين لك يالدب انت وش اخبارك..<<سكر الباب برجله وتربع على سريره..
بندر ابتسم بألم:زفت..
نايف:افااا..
بندر:دريت..
نايف بلع غصته:ايه دريت وش ناوي تسوي..
بندر:ولا شي (ارتجف صوته) خلاص نايف لاتفتح لي هالسيره..
نايف بضيق:الحين قل لي وش صار و وش سالفة الصور..
بندر:ما شاء الله الاخت نشرت الخبر..
نايف:خبر وشو..
بندر:خبر الصور..
نايف:لا انا سمعتها تكلم وحده وتقول صور ورياض ومدري ايش بندر قل لي وش صاير وش اللي وصلكم لهالحاله..
قعد يقول له كل شي..وكل كلمه يقولها يحس انها تطعنه وتقتله..
::
دخلت وهي ماسكه كاسها وعلى وجهها ابتسامة خبث..طلعت سيديات وناظرتها وهي مميله شفايفها..ناظرت سي دي وحطته في اللاب..
وهي ماتدري وشو..
فجـأه طاح الكاس من يدها وانتثر القزاز حولها..
حركت شفايفها المرتجفه بهمس:مستحيـــل..
كان كل اللي بينها وبين احمد مصور واللي طالع في الفيديو هي بس..
مليون سؤال خطر في بالها..من اللي صورها ..؟؟
وليه صورها اهي ولاصور احمد..؟؟
و وشلون وصل السي دي لهنا..؟؟
ماجا في بالها إلا فاتن..هي اللي مسويه هذا كله..
عضت شفايفها بقهر والدموع متجمعه في عيونها"حقيــره سافله وقحه والله لأدفعك الثمن غالي يابنت الـ..؟؟"
نزلت وهي مكشره..و اول ماسمعت نجود بخطواتها سكرت اللاب بقووه و وقفت..
فاتن تقدمت لها وبضيق:وش جلسك هنا..
نجود تحاول تكون طبيعيه..بعدت عيونها عنها قبل ماتسوي فيها شي ينهي لها حياتها..
:جيت اشرب مويه (رفعت راسها وناظرتها بأحتقار وهي تضغط على يدينها بقهر) وين رايحه..
فاتن تحس ان هموم الدنيا على قلبها..لازم تروح له الحين وتفهمه كل شي:بروح لنايف..
نجود رفعت حاجبها:اهاا تروحين وترجعين بالسلامه..
فاتن مسكتها وضغطت على يدينها:ادعي لي تكفين..
نجود سحبت يدها وبأستهزاء:ايه ان شاء الله..
طلعت فاتن وهي جلست..ناظرت السي دي وقلبها يحترق على اللي شافته..هي مسويه كل هذا..
والله لو يدرون اهلها بيقتلونها..
وامها مدري وش بيصير فيها..
مسحت دموعها وطلعت السي دي وهي تلعن فاتن في نفسها مليون مره..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
كانت متمدده على السرير وهو جالس عندها..
مها تناظر غرفتها:ما اصدق ان هالبيت بيكون بيتي انا..
طلال بأبتسامه:اعطيك بوكس علشان تصدقين..
مها:تقدر..
طلال قرب منها وبخبث:اجرب..
مها وقفت بسرعه وبأرتباك:يله طلال انا تأخرت على البيت..
طلال:وين تو الناس..
مها ابتسمت:لا خلاص عاد تراني عطيتك وجه بزياده..
طلال:وانتي تقدرين ماتعطيني وجه..
مها:اجرب ههههههههههههههههههههه..
طلال:جربي ماتقدرين..
مها:لا اقدر..
طلال:ماتقدرين..
مها:تتحدى..
طلال غمز لها:ايه (قرب منها) بس لحظه بعطيك شي اخاف تقدرين واتورط..
مها ابتسمت وبعدت وجهها عنه:لا اعترف لك اني ما اقدر افارقك ولا لحظه ياخي حتى في احلامي تقط..
طلال:هههههههههههههههههههههههههه تصدقين عاد..
مها:ايه بس وشو..
طلال:اني اموووت فيك..
مها حمر وجهها..وقفت وخذت عبايتها:طيب ممكن الحين نمشي..
طلال وقف ومسكها:بنمشي بس اول شي ردي علي..
مها بأرتباك:وش اقول..
طلال:قولي نفس اللي قلتيه لي يوم كنت متصفق..
مها ارتفعت حرارة جسمها:ماقلت شي..
طلال:تحسبيني ماسمعت شي انا كنت مسوي نفسي نايم وانتي قاعده تقولين كلام كنت منه بمووت من الفرحه..
مها:طيب غمض عيونك..
طلال:هههههههههههههههههههه وانتي وش سالفتك مع عيوني..
مها بأرتباك:كذا ما ابيك تناظرني وانا قاعده اقولك الحكي..
طلال:طيب يالشيخه..<<وغمض عيونه..
مها قربت منه وهمست في اذنه:احبــك وحبك يمشي مثل الدم في عروقي يا اول فرحتي واخر امالي يابعد هالدنيا ومافيها..<<وطلعت من الغرفه بسرعه وقلبها من قوة ضرباته تحس انه بيطلع من بين ضلوعها..
فتح عيونه وابتسـم من قلب وقلبه طاير من الفرحه..قال بصوت عالي وهو يطلع من الغرفه..
:لا انتـــــــي ناويه تجيبين لي سكته قلبيه..
مها بأبتسامه وهي تسكر عبايتها:بسم الله عليك لاتقول كذا..
طلال وهو يقرب منها:تخافين علي..
مها دفته عنها وهي تضحك:اقووول خلاص اهجد..
طلال:ههههههههههههههههه يله طيب امشي..
××
جنا حركت الملعقه في صحنها الفاظي:نوف انتي اللي روحي مع ابوي..
نوف:ما اقدر..
ناديه:ليه..
نوف:انا حامل..
ناديه وجنا بصدمه:إيـــــش..
نوف:ههههههههههههههههه وش فيكم..
جنا بفرحه:مبرووووك ولو انها جت متأخره..
ناديه ابتسمت بألم:مبروك..
نوف:الله يبارك فيك عقبالك..
دخل وطاحت عيونه عليها..ارتبك وبعد عيونه وتقدم لنوف وباس خدها..
:مساء الخير..
نوف ابتسمت من قلب:هلا مساء النور تعال تعشى..
ماجد سحب كرسي وجلس جنبها..
ناديه قالت بصوت مبحوح:خلاص انا بروح معه..
ماجد:مع مين..
ناديه:مع ابوي..
ماجد:ايه بس مايصير تسافرين لحالك..
نوف:انت روح معها..
ماجد انصدم:انا..
وناديه كأن احد كب عليها مويه بااارده..
نوف:وش فيكم صنمتوا..
ماجد وهو تحت تأثير الصدمه:انتي انجنيتي..
عورها قلبها من كلمته..وقفت وقالت بصوت مرتجف ودموعها نزلت على خدها:نوف انتي بايعه زوجك تبين تخلينه يجي معاي انا..
نوف عقدت حواجبها بأستغراب:وش تقصدين..
ناديه:اسألي ماجد هو اكثر شي يعرفني..<<لفت وطلعت فوق وهي تبكي بصوت مسموع..
نوف لفت على ماجد اللي حاط يده على وجهه:خير وش السالفه..
جنا بضيق:ناديه مأثر عليها مرض ابوي وماتدري وش تقول لاتشغلين بالك..
نوف كملت عشاها وهي تفكر بكلام ناديه..
"ياااربي وش تقصد؟؟..معقوله للحين ماجد يحبها اعوذ بالله وش ذا التفكير ماجد يحبني انا اجل ليه ضحى بحياته علشاني وتزوجني وانا..<<بلعت غصاتها وهزت راسها تنفض هالأفكار..
ماجد:حبيبتي فيك شي..
نوف رفعت الملعقه لفمها وابتسمت بضيق:لا سلامة عمرك..
××
دخل البيت وبصوت عالي:يبـــــــــه..
ارتاعت و وقفت بسرعه فتحت الباب ونزلت بخطوات سريعه وهي تلهث قالت:خير مشعل وش فيك..
مشعل اختفت ابتسامته:تعالي..
تقدمت له وشاف اثار الدموع على خدها وعيونها حمرا..قالت بصوت مرتجف وبخوف:وش فيك مشعل ترى خوفتني..
مشعل:وين شعرك..
ريم بلعت غصاتها:قصيته ولو حلال احلقه كان حلقته..
مشعل بعصبيه:الحين انتي تسوين بنفسك كذا علشان هالحمار..
ريم بألم:على قولتك الحمار هذا بيصير زوجي..
مشعل:والله ماراح توطى رجلك بيته..
ريم نزلت دموعها:بس انا ابيه خلاص مشعل تكفى خلني على راحتي..
مشعل بحنيه:طيب ليه تبكين..
ريم عضت شفايفها بقهر وشهقت وهي تمسح دموعها:ما ابكي..
مشعل:طيب اضحكي..
ريم:وش شايفني هبله..
مشعل:لا الله يكرم الهبله عنك..
ريم:وجع هههههههههههههههههههههههههههههه..
مشعل ابتسم من قلب:اسمعي تركيوه بدى يمشي..
ريم بصدمه:والله..
مشعل:لا اكذب عليك انا..
ريم رمت نفسها عليه وهي تضحك لدرجة انه طاح على الكنبه..
مشعل:ههههههههههههههههههههههههههههههههه شوي شوي..
××
مسحت دموعها وهي جالسه فوق راس امها اللي متمدده على السرير..
فتحت عيونها بصعوبه وهمست بصوت ضعيف وبتعب:مشاعل..
هيفاء ابتسمت بألم:ماما صحيتي..
ام راكان بلعت ريقها وبتعب:مشاعل يمه لاتتركونها..
هيفاء وهي ضاغطه على يد ام راكان:ومن قال إنا بنتركها..
ام راكان:اختك مالها احد غيرك لاتتركينها..
هيفاء قالت بأستغراب:ان شاء الله ماراح اتركها..
ام راكان نامت..وفيصل دخل:صحت..
هيفاء وقفت وبصوت مبحوح:ايه مافهمت منها شي..<<شهقت وبكت من قلب..
فيصل قرب منها:وش قالت..
هيفاء حطت راسها على صدره وبللت دموعها ثوبه:كلام غريب مدري وشو..
فيصل ماسمع منها ولاحرف كان مرتبك وحرارة جسمه مرتفعه من قربها منه..
بعد عنها وبلع ريقه وبأرتباك:انا بروح الحين وانتي اجلسي عند عمتي يله سلام..<<لف وطلع بدون مايسمع رد منها..
××
مشت بثقل وجلست على الكنبه وهي حاطه يدها على ظهرها..
ام رزان:يا امي يعورنج ظهرج..
رزان بتعب:لا يا اميه..<<رن التليفون ورفعته..
:الو..
نوف:هلا والله وغلا..
رزان ابتسمت:اهليـــــــن شو اخبارج..
نوف:احلى رجعتي للأمارات و رجعتي لأصلك هههههههههههههههه..
رزان:جم مره اقولج ان الامارات والسعوديه واحد..
نوف:طيب اسفين ياعمتـــــي..
رزان:ماقلتي لي شو اخبارج واخبار مايد..
نوف بضيق:حمد الله تمام بس..<<وسكتت..
رزان:بس ايش..
نوف:ابوي مريض..
رزان:شو فيه..
نوف بحزن:سرطان..
مرت في بالها صورة ملاك وهي تموت بسبب هالمرض..قالت بصوت مبحوح..
:سلامته مايشوف شر ان شاء الله..
نوف:الشر مايجيك وانتي بشريني عنك..
دخل علي وهو يلعب بالمفتاح..ابتسمت يوم شافته وقالت:الحمد لله بخير..
قرب منها وباس خدها بقووووه..
نوف ابتسمت بخبث:اقول سلمي لي عليه ويله اكلمك بعدين..
رزان ماقدرت ترد عليها لان علي قابص خدها:آآآآآآي خلاص علي..
نوف ضحكت وسكرت السماعه..
طاحت السماعه من يدها وضربت يده بخفه:بعد عاد لا اعضك..
علي جلس جنبها:كل شـــــــي يجي منك عسل..
رزان:انت شو سالفتك اليوم..
علي تنهد من قلب:مشتااااق لك وش اسوووي..
رزان وقفت و وجهها احمر:رووح زين..
علي وقف ومشى لها بحبـــه وبشوقه..
××
دخلت وحطت الطرحه على كتفها..وطلعت فوق..شافته جالس في الصاله وحاط يده على وجهه..ابتسمت بخبث ومشت له بغنج ودلال..
وبأستهزاء:اهلييييين حبيبي تو مانور البيت وينك من زمان عنك..
ابوراكان رفع راسه وبدون نفس:من هي صديقتك اللي كنتي عندها..
منال جلست:ومن انت علشان تسألني هالسؤال..
ابوراكان لفها عليه بقوه:انا زوجـك..
منال وهي تتذكر شكل احمد..وتتحسر على حظها..كانت غلطة عمرها يوم تزوجت ابوراكان..
ناظرته بأحتقار وقرف:زوجي على الورق بس (وقفت) اسمع ابي فلوس بسافر مع صديقاتي..
ابوراكان:مطفر ماعندي ولاقرش اذا عندك عطيني..
منال بخبث:ياقلبي اللي مثلك عمره مايطفر..
ابوراكان يحاول يمسك نفسه بالقوه:اكذب عليك يعني..<<وقف ومشى للغرفه بس هي مسكته وهي في قمة عصبيتها..
:استنـــــــــى (لفته عليها وبعصبيه) ابيك تعرف اني مو متزوجتك علشان خشتك يالشايب ولاعلشان نمت معي ترى هالشي عادي عندي ومتعوده عليه..<<سكتت بعد ماجاها كف قوي..
شهقت:تضربنــــــــــي..
ابوراكان في قمة عصبيته:واكســــــــــــر راسك بعد واذا اهلك ماربوك انا اربيك يابنت الكلب..<<مد يده ومسك رقبتها وضغط عليه والشر يتطاير من عيونه..
منال و وجهها احمر من قوة الضغط على رقبتها..غمضت عيونها:اتـ..ركني بموت..
ابوراكان ضغط اكثـر:والله موتك بيكون على يدي انا ماعندي شي اخسره الحين..<<كان مابينه وبين الدرج إلا خطوه..
بحركه سريعه ضربته مابين رجوله ودفته..طاح من الدرج وسمعت صوت راسه اللي ضرب في الارض بقوه ونزف الدم منه..
ناظرته بصدمه وهي ترتجف ودموعها على خدها وانفاسها سريعه..
انفتح الباب ودخلت:منـ..<<سكتت اول ماشافت ابوراكان متمدد والدم من راسه ينزف..
ركضت له وصرخت:يبـــــــــــه..<<هزته بقوووه وهي تبكي..
:يبــــــــــه تسمعني..
منال كانت واقفه اعلى الدرج وتناظر ابوراكان بصدمه..وماصحاها من هالصدمه إلا كف من مشاعل..
صرخت بعصبيه ودموعها على خدها:وش سويتـــــــــــــــي الله ياخذك..
منال دفتها عنها ونزلت الدرج بخطوات سريعه..
طلعت من البيت وركضت في الشارع..ودخلت يدينها في جيوبها وحمدت ربها مليون مره ان جوالها حاطته في جيوبها..
طلعته وبيدين مرتجفه دقت عليه..
:رد تكفـــــى رد..
××
كان رامي اغراضه على الارض يدور السي دي اللي ضاع منه..
:افففففففف وين حطيته ذا..<<تذكر انه بعد ماشافه حطه في الصاله اللي كان فيه سيديات فاتن واكيد خذته تحسبه من سيدياتها..
مرر يده على شعره:لحوووووول..<<رن جواله و رفعه وبدون نفس..
:نعم..
قالت بصوت مرتجف:احمد الحقني..
××
كانت جالسه على سريرها وتمسح دموعها وهي تشهق..
جنا:عاد ندو لاتصيرين حساسه يمكن مايقصد شي..
ناديه:ويمكن يقصد اشياء..
جنا:انتي لاتزعلين نفسك واعتبري ان مافيه شي صار..
ناديه لفت عليها ودموعها نزلت على خدها:تصدقين هذا اخر انسان متوقعه انه يكرهني ويحتقرني تذكرين اول كان كل ماسويت خطأ يبرر لي ويدافع عني واحياناً يحط الخطأ فيه وانو هو اللي مسويه..
جنا مسكت يدها وضغطت عليها وهي تبلع غصاتها:من قال انه يكرهك..
ناديه بألم:عيونه تقول نظرته لي مو هالنظره ياجنا وهو كان مايبعد عيونه عني ولا لحظه اما الحين حسيت انه يستخسر علي نص نظره..<<خبت وجهها بيدينها وبكت بحرقه..
جنا حظنتها وبدال ماتهديها بكت معها:تكفيـــن لاتبكين..
ناديه بعدت عنها ومسحت دموعها:المهم الحين قولي لي بتسافرين معي..
جنا:اكيد ما راح اخليك تروحين لحالك (وبأرتباك) طيب ماجد بيروح معنا..
ناديه قالت بأستهزاء:انتي انجنيتي (تنهدت بضيق وهي تتمدد على السرير وتتغطى) تكفين لاتنطقين اسمه..
جنا ناظرتها بألم و وقفت وطلعت وعلى قلبها هموم الدنيا كلها..
××
وقفت عند المرايه ودموعها على خدها..رفعت منديل ومسحت الغلوس بقوووه..
"كــــــذا يامشعل كذا تسوي فيني"..
دخلت وقلبها يعورها على بنتها:يمه لاتزعلين نفسك تلقين مشعل عنده ظرف منعه يجي..
في غمضت عيونها وهي تشهق من البكي..قالت بصوت مرتجف وعالي:يمـه اتركيني لحالي..
ام في بضيق:بس..
في قاطعتها وهي تبكي بشكل يقطع القلب:تكفيـــــن اتركيني لحالي..
ام في طلعت وسكرت الباب وراها..
::
نزلت وهي تعدل طرحتها وشنطتها..فجأه صدمت بشي وطاحت شنطتها وشهقت..
تراجع لورا:اوووه اسف..
غاده رفعت راسها وشافته..وبأرتباك:لا عادي ماصار شي..<<جت بترفع شنطتها بس هو سبقها و رفعها ومدها لها..
رائد:تفضلي..
غاده خذتها بسرعه:مشكور..<<ودخلت..
شافها تدخل بيت خالته ودخل وراها..
لفت وجهها وشافته"ذا ليه لاحقني لين هنا اففففف"..<<ودخلت الصاله شافت ام في تنزل من الدرج تقدمت لها بخطوات سريعه..
:خالتي خير وش فيها في خوفتيني..
ام في بضيق:مدري وش فيها روحي شوفيها في غرفتها..
دخل رائد:سلام عليكم..
غاده شافته ورفعت طرحتها بسرعه:عن اذنك خالتي..<<وطلعت الدرج بسرعه..
رائد ابتسم وغمز:خالتي من هاذي..
ام في ابتسمت بدون نفس:اقول اعقــــــــل..
رائد تقدم لها وهو يضحك وباس راسها:وش اخبارك..
ام في:حمد الله بخير..
××
قبل ماتنزل لفت عليه:يله تامر على شي..
طلال:سلامتك ياقلبي..
مها ابتسمت:الله يسلمك..<<قبل ماتنزل مسكها..
:حبيبتي انتبهي على نفسك وعلى ولدنا..
حمر وجهها وسحبت يدها ونزلت..
طلال فتح الشباك وبصوت عالي:مهــــــــا..
مها لفت عليه وهو ارسل لها بوسه..حست انها بتموووت من حرجها وبتحترق من حرارة جسمها..لفت عنه ودخلت البيت بسرعه..
::
كانت متربعه على سريرها ومنزله راسها تناظر كتابها ودموعها على خدها..
رن جوالها و اول ماشافت الرقم ردت بصوت مبحوح:تـــــــرى اخوك بيذبحني..
ريم بفرحه:عندي لك خبـر إنما اييييييييييه..
لمى بدون نفس:يله قولي اخلصي..
ريم:تركي..
لمى حطت يدها على قلبها و وقفت على السرير وهي مرتاعه:وش فيه..
ريم بصوت مرتجف وهي تبكي بفرحه:بدى يمشي..
من صدمتها ماقدرت تنطق حرف واحد..طاح الجوال من يدها وهي ترتجف..صارت انفاسها سريعه ودقات قلبها قويه شهقت وبكت من قلب..
انفتح الباب ودخلت وعلى وجهها اكبــــر ابتسامه..لكن من شافت لمى اختفت ابتسامتها:لمى وش فيك..
لمى نطت عليها وهي تبكي وتضحك بهستيريا وحظنتها بأقوى ماعندها:مو مصدقه (بعدت عنها وضغطت على يدها بقووه) قولي لي هالشي صدق وإلا انا احلم..
مها بأستغراب:خير لمى وش صاير لك انجنيتي..
لمى وهي تضحك وصرخت وهي طايره من الفرحه:تركــــي بدى يمشي..
مها بصدمه:والله..
لمى حظنتها بقووه:والله هههههههههههههههههههههههههههههههههههه..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
كانت متردده وقلبها يضرب بقوه لدرجة انها تحس انه بيطلع من بين ضلوعها..مدت يدها المرتجفه و رنت الجرس..
::
كان جالس في غرفته يفكر في همه وفي هم اخوه..قطع عليه افكاره صوت الجرس يرن..
بصوت عالي:مشــــــــاري شف من عند الباب..
ماسمع رد..
تأفف و وقف وطلع:افف وين ذلف ذا..<<فتح الباب وشافها واقفه ومنزله راسها..
سكت ما قال ولاحرف وهو يناظرها بأستحقار..
رفعت راسها وبصوت مرتجف:بتم واقفه عند الباب..

 

[دمعة قلق]

ناظرها من فوق لتحت ولف ودخل من دون مايقول ولاكلمه..
دخلت وراه وسكرت الباب:ليه ماجيت..
قال بدون نفس:وليه اجي..
فاتن بألم:نايف انت ليه تعاملني كذا..
لف عليها وهو رافع حاجبه:فاتن انتي وش تبين بالضبط..
فاتن قالت بصوت مخنوق وهي منزله راسها وتفرك يدينها بتوتر:نايف انا (سكتت وبلعت غصاتها وبأرتباك) انا احبك..
ابتسم بأستهزاء وهو متكتف ويناظرها بأستحقار..
يوم ماسمعت رد رفعت راسها وناظرته:وش ردك على اللي قلته..
نايف سند جسمه على الجدار ورفع رجله وتكتف:ولاشي..
فاتن انصدمت:وشلون ولاشي..
نايف:يعني ولا شي فاتن لاتنتظرين مني اي شي..
فاتن تحت تأثير الصدمه:مافهمت..
نايف بأستحقار:يعني وش متوقعه ردت فعلي اذا قلت لي هالكلام اخذك في الاحظان..
فاتن وهي ماسكه نفسها لاتبكي:المفروض..
نايف ما تفاجأ من ردها لانه متوقع انها بترد كذا:اسمعي انتي اخر وحده افكر فيها انتي وحده ماتسوى تراب رجليني..
فاتن بعصبيه وبصوت مرتجف:نايف احتـــــرم نفسك..
نايف نزل رجله وبعصبيه:الله وصرتي تتكلمين عن الاحترام ليه انتي تعرفينه اصلاً..
فاتن بلعت غصاتها و رفعت اصبعها المرتجف بتهديد:نايف لاتحدني على شي تندم عليه طول عمرك..
نايف بأستهزاء:على بالك الحين تهدديني اقول اللي براسك سويه ماهميتيني ويله ظفــــي وجهك ولا عاد اشوف خشتك مره ثانيه فاهمه..
فاتن شوي وبتبكي صرخت:والله بتنـــدم يا نايف..<<طلعت وسكرت الباب بقووه..
مشت في الشارع وهي تبكي بحرقه والم..
شافها ومسكها:خير فاتن وش فيك..
فاتن دفته عنها بقووووه وصرخت في وجهه:والله لأدفعك انت وذا الحقيـــر الثمن غالي والله بتشوفون شي بتندمون عليه طول عمركم..<<ومشت..
مافهم ولاشي ومليون علامة استفهام طالعه من راسه..وكمل طريقه للبيت..
::
نايف رمى نفسه على الكنبه وتنهد بأرتياح وهو يمرر يده على شعره..
دخل:وش جاب ذي لهنا و وش قلته لها..
نايف لف عليه:الحين انت وين ذلفت له..
مشاري حط الاكياس على الطاوله:رحت اجيب عشا المهم قل لي وش صار بينك وبينها..
نايف:اجلس وبقولك على كل شي..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
كانت ترتجف من الخوف وصورة ابوراكان تمر مثل الشريط قدام عيونها..
احمد:قولي لي وش صاير..
منال بصوت مرتجف وهي ضامه رجلينها لصدرها:مـ..مدري..
احمد:وشلون ماتدرين..
منال انهارت من البكا ورمت نفسها عليه:احمـ..د لاتتركـ..ني الله يخليك لاتتركني..
احمد ابتسم بخبث وهو يحظنها:ماراح اتركك ياقلبي..
منال ارتاحت وصارت تشهق..غمضت عيونها ونامت..
احمد بعد عنها ويوم شافها نايمه همس بأستهزاء:امووووت ع البرائه ههههههههههههههههههه..
××
ضمت رجلينها لصدرها ومسحت دموعها:خلاص انا غسلت يدي منه..
غاده بضيق:طيب يمكن مثل ماقالت خالتي عنده ظرف منعه يجي..
في بأنفعال:على الاقـل يتصل مو يخليني انتظره كذا..
غاده كشرت:طيب بدلي ملابسك الحين وخلينا ننزل تحت..
في:مالي خلق..
غاده:وبتمين على هالحاله لمتى لما الشيخ يتصل ويعتذر لك وامك الحين قلبها يحترق عليك..
في:طيب خلاص انزلي انتي وانا ببدل وبنزل..
غاده وقفت:اوكي..<<وطلعت..نزلت وقابلت رائد..
شافته..لاهو بجمال راكان..ولابجاذبية فارس..فيه شي غصب يخلي القلب يدق له..
نزلت راسها ودقاااات قلبها سريعه..قالت بأرتباك..
:ممكن تبعد شوي..
رائد كان يناظرها وناسي اللي حوله..
غاده بلعت ريقها وعلت صوتها:ممكن تبعد..
رائد انتبه:هاه ايه تفضلي..<<بعد عنها وهي نزلت بخطوات سريعه..
وقف يناظرها..ملكت قلبه..بنعومتها وملامحها الطفوليه البريئه..
قطع افكاره صوت في:وش وقفك هنا..
رائد:كنت ابي اجي اسلم عليك..
رائد:مين هاذي اللي جايتك..
في نزلت:وحده من الناس..
رائد نزل وراها ومسكها:لا بالله احلفــــي انها وحده من الناس اقول فيوه من هاذي..
في ناظرته بنص عين:وش دخلك..
رائد انقهــر:اقول ظفي وجهك بس..
في:هههههههههههههههههههه..
رائد:حمد الله الحين انا قلت شي يضحك..
في:لا بس طاقه في راسي اضحك وضحكت حرام بعد..
طلت براسها من الصاله:فــي تعالي..
التفت لمصدر الصوت وهي من شافته يتحرك دخلت راسها..
في:اقول اهجد انت وياها هههههههههههههههههههههههههههه..<<ودخلت الصاله..
رائد كشر:تستخف دمها الاخت وإلا تحاول افففففف..
××
كانت تبكي من قلب وهي تشوف ابوها او بالأصح اللي تبناها متمدد على السرير والاجهزه حوله..
مررت يدها على شعرها وشدته بقوووه..وضربت راسها في الجدار وهي تبكي بهستيريا وبصوت مسموع..
:الله ياخـــــــــذك يامنال الله لايوفقك..
نزف دم من جبينها لكن ما اهتمت..رفعت جوالها ودقت عليها وهي ترتجف..
وصلها صوتها:هلا..
مشاعل وهي تبكي:هيـ..فاء ابوي في المستشفى..
هيفاء وقفت مرتاعه:ليـــه وش فيه..
مشاعل وهي تشهق:هيفاء مو وقته تعالي بسرعه الله يوفقك..
هيفاء بخوف:طيب اي مستشفى..
××
كانت تبكي من فرحتها وهي تكلمه:طيب يمه انت بخير..
تركي:حمد الله بخيـــــر بس انتي تكفين امسحي دموعك..
ام مشعل مسحت دموعها:دموع الفرحه يمه الله يبلغنا برجعتك سالم..
تركي:آميــن يمه خالتي عندك..
ام مشعل:ايه..
تركي:عطيني اياها..
ام مشاري خذت السماعه:حمد الله على سلامتك..
تركي:الله يسلمك وش اخبارك واخبار ابومشاري والعايله الكريمه خخخخ..
ام مشاري:كلهم بخيـــــر ويسلمون عليك..
تركي:الله يسلمهم يله خالتي تامرين على شي..
ام مشاري:سلامة عمرك انتبه على نفسك..
تركي:ان شاء الله يله مع السلامه..<<سكر ولف على بندر اللي متمدد على السرير ويناظر السقف..
تركي:من بعد ماكلمت نايف وانت حالتك كذا وش فيك..
بندر بصوت مبحوح وماسك نفسه لايبكي:ظنك قرروا يسوون عرسهم..
تركي بضيق:وانت للحين تفكر فيها مو قلت لي نسيتها..
بندر:انا بس اسأل المهم يله قم ورني طولك..
تركي:وش تبي في طولي..
بندر وقف وتقدم له:بتفرج عليه يله قم..
تركي بتثاقل وقف:جب لي العكاز..
بندر:اقول هالمره بتمشي بدونه..
تركي:بندروووه ما اقدر..
بندر:انت جرب بعدين قل اللي تبيه..
تركي بلع غصاته وبتردد مد يده لبندر علشان يمسكها له..
مسكه ومشى بخطوات ثقيله وكان يتعثر في خطواته وبندر يمسكه..
××
كانت جالسه على الارض وفاتحه كتابها وتشخبط فيه..فجأه كتبت..
.."هاذي اول مره احس كلي عشق..آآه..عطني فرصه اتنفسك خاف اختنق..
وياك انت تأكدت..اني قبلك ماعشت وعلى كل لحظه بدونك ياحبيبي تندمت..
انسى عمرك وانسى عمري..امتزج بيا وصير عطري..ليه وانا وياك احس بالوقت يجري..
نايــــف..احبك.."..
اتنبهت على اللي كتبته ونزلت دموعها وشطبته وقلبها ينعصر من الالم..
رن جوالها و ردت:هلا خالي..
فارس:هلا فيك هاه وش اخبارك الحين..
ريم وهي تناظر الكلام اللي كتبته:عايشـه انت كيفك..
فارس:انا ابي اتمشى معك انتي ومشعل وانا جايب معي ناس..
ريم:مين زوجتك..
فارس:انتي دريتي..
ريم:ايه امي قالت لي مبروك ولو انها جت متأخره..
فارس:الله يبارك فيك عقبـ..<<ارتبك وسكت عارف ان كلامه هذا بيضايقها..
ريم بلعت غصاتها وتجمعت الدموع في عيونها:خلاص انا بروح الحين اجهز نفسي يله باي..<<وسكرت السماعه بدون ماتسمع رد منه..
فارس نزل جواله وبضيق:حسبي الله على ابليسك يافهد اول مره اشوف واحد يسوي كذا ببنته..
منى طلعت وهي تسكر عبايتها:حبيبي وش فيك قاعد تكلم نفسك..
فارس رفع راسه لها:ولاشي هاه جاهزه..
منى بأبتسامه وهي تتقدم له:ايه جاهزه..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
كانت جالسه في الديسكو تشرب وتبكي وحاطه يدها على راسها..الناس حولها يرقصون ويسوون انواع المنكرات وهي مو حاسه بأي شي..ولاداريه عن شي..
كانت الصدمه عليـها قويه..صدمة حبها بنايف والكلام اللي قالها كان تأثيره عليها قوي..
كانت تحسب الكل عبيد عندها واي كلمه تقول لها تتنفذ..واي امنيه تتمناها تتحقق..
لكن امنيـة حياتها ماتحققت ودمرتها وخلتها انسانه بدون معنى ولاهدف..
شربت الكاس دفعه وحده وبعد ماخلصت حطته على الطاوله وبكت من قلـــــب وهي تشد على شعرها بقوووه..
ابتسم بخبث اول ماشافها..اليوم بيصير ملك من بعد مايسوي مهمته ويدمر بنت الوزيــــر..
تقدم لها وبأبتسامه:Hi how are you..
فاتن ناظرته بنص عين وبعصبيه:اقــــــول عن قلة الادب واذلف عني..
مافهم عليها وعقد حواجبه بأستغراب:What..
فاتن تخيلته نايف غمضت عيونها وبصعوبه فتحتها..كانت دايخه والشراب غطى على عقلها..
ضربت صدره وهي تبكي من قلب:ليـــــه تسوي فيني كذا انا احبـك تعرف وش معنى احبــــك نـ..ايف انا انا..<<طاحت على صدره وهو مسكها وابتسم بخبث..
قالت بهمس وهي مغمضه عيونها وبصعوبه نطقت:نـ..ايف..<<رفعها وهي مو حاسه بنفسها وبدال ماتدمر حياة نايف تدمرت حياتها..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
رمت نفسها عليها وهي تبكي:هيــــفاء ابوي..
هيفاء بخوف صرخت وهي تبعدها عنها:وش فيه..
مشاعل تشهق:منال الحقيـــــــره منال د..<<ماقدرت تكمل وبكت وانهارت على الكرسي..
هيفاء بصدمه:وش دخل منال..
مشاعل ماقدرت ترد كانت منهـــــــاره من البكي..
هيفاء وهي تبكي:ياربي استر..<<سندت جسمها على الجدار وتكتفت وهزت رجلها بتوتر وخوف..
فيصل حط يده حول رقبتها وقربها لحظنه:هدي نفسك ان شاء الله يطلع بالسلامه..
هيفاء حظنته بأقوى ماعندها وهي تبكي:امين يااارب..
مشاعل..بكت بصوت مسموع وبحرقه..ماقدرت تتحمل الصداع..مسكت راسها وضغطت عليه..
وصرخت:آآآآه..
هيفاء بعدت عن فيصل و ركضت لمشاعل..نزلت لمستواها وبخوف:مشاعل وش فيك..
مشاعل بتعب:لالا مافيني شي (وقفت) انا بروح للحمام..<<الله يعزكم..
هيفاء هزت راسها وجلست على الكرسي وحطت يدها على وجهها..
فيصل جلس جنبها:وش صار على عمتي..
هيفاء رفعت راسها وبتعب:حمد الله احسن تعشت ونامت..
فيصل مسك يدها وضغط عليها:اوعدك ماراح اتركك ابد..
هيفاء..حطت راسها على صدره وغمضت عيونها ونزلت دموعها على خدها..
:الله لايحرمني منك..
فيصل تنهد:ولامنك..
::
كلت حبتين وارتاحت..سندت جسمها على الباب ورفعت راسها وهي مغمضه عيونها وتنهدت بأرتياح..
"الله ياخذك يامنال ضيعتيني وضيعتي ابوي الله ياخذك الله يحرق قلبك مثل ماحرقتي قلبي على..(قالت بصوت مرتجف ودموعها على خدها..
:ابوي..
××
سلمت عليها وبأبتسامه:والله خالي عرف يختار..
منى ابتسمت من قلب وبفرحه:يابعد قلبي تسلمين..
فارس ومشعل فرشوا الفرشه على الارض وجلسوا..
رفعت طرحتها وحطتها على كتفها..وعدلت شعرها اللي قصته لتحت اذنها..
مد لها علبة البيبسي بدون مايناظرها:ريـم..
ريم خذت البيبسي:مشكور..
فارس رفع راسه:العـ..<<سكت اول ماشافها..
:وين شعرك..
ريم:راح البقاله شوي وبيجي هاهاها اضحك..
فارس تغيرت نبرة صوته للعصبيه:ريـــــم انا مو قاعد امزح..
ريم:قصيته..
فارس:وليه قصيتيه..
ريم:كذا تغيير..
مشعل شاف الجو متوتر:خلاص ياجماعة العرب ماصار شي..
فارس لف عليه:تعال انت ورا مارحت تخطب في..
مشعل ضرب راسه بخفه:والله راحت عن بالي..
فارس:الله يفشـــــلك تلقى الحين الناس ينتظرونك..
مشعل وقف وبسرعه:عن اذنكم..<<وطلع برا الحديقه بخطوات سريعه..
ركب السياره وطلع جواله ودق عليها..
هز رجله بتوتر:تكفيــــــن ردي طلبتك ردي..<<كرر الاتصال عليها لكن فجأه قفلت الجوال..
انقهـــــــر:طيب اعرفي السبب بعدين سوي اللي تبينه اففففففف..
××
؛؛..اليـــوم الثاني..؛؛

كانت جالسه وحاطه راسها على الطاوله..وتسمع صوت راشد يغني"هلي"لان البنات جايبين اي بود وقاعدين يصفقون ويرقصون..
"هلـــــــــي لاتحرموني منه..هلي لاتبعدوني عنه..مثل ماهوا قطعه مني..انا تراني قطعه منه.."..
بلعت غصاتها ونزلت دموعها غصب عنها..رفعت راسها ومسحتها بسرعه..
لمى بحماس تأشر لها:ريموووه تعالي..
ريم ابتسمت بدون نفس:فرحانه اليوم وش صاير في الدنيا..
لمى بهمس:تركي بدى يمشي وشلون ماتبيني افرح..<<فجـــأه سمعوا اصوات البنات ترتفع بأعتراض والتفتوا مرتاعين..
:استااااااااذه لاتكفين مانبي ناخذ درس إنا ثالث ثانوي وعلمي ارحمينا..
بنت ثانيه قالت:استاذه الضغط يولد الانفجار..
الاستاذه هبه شهقت:ريـــــم فين شعرك..
ريم بدون نفس:ناسيته في البيت..
البنات:هههههههههههههههههههههههههههههههه..
دخلت الاستاذه وقعدت تشرح و ريم ولمى يسولفون..
ريم:ايـه ماقلتلك امس رحت مع خالي فارس وشفت زوجته..
لمى انصدمت:ليه هو متزوج..
ريم:ايه بس ماكنا ندري..
لمى:طيب ليه ماقالكم..
ريم:اللي متزوجها تطلع بنت ولد واحد كان بينه وبين جدي مشاكل و..
قاطعتهم الاستاذه:ريـــــــــم لمى انتبهوا معنا..
ريم ولمى لفوا عليها وهم يتأففون..
ريم ناظرت لمى بنص عين وبقهر:لا انا قاتلتها قاتلتها فكوني عليها..
لمى:خخخخخخخخ اقول اهجدي بس لاتسوي لك محاظره..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
كانت تمشي وابتسامة خبث على وجهها..شافته من بعيد وتقدمت له بخطوات سريعه..
:Hi Rani..
راني:Hi how are you..
نجود ابتسمت بخبث"وشلون ما اكون بخير واللي في بالي تحقق":Iam fine..
راني مد لها السي دي وهي قربت منه بتاخذه لكن بعده عنها وبخبث:Give my mony..
نجود عطته الفلوس وخذت السي دي وهي طايره من الفرحه..قربت منه وباسته بقوووه:Thank you very much..
راني وهو متشقق من الفرحه:Welcome,bay..
نجود:باااي..<<لفت وهي تضحك والارض مو سايعتها من فرحتها..
"قالت ايش قالت بنت وزير بنشوف بتصيرين بنت مين بعد ماتتنتشر فضيحتك يابنت الوزير هههههههههههههههههههههههه"..
::
صحت ولقت نفسها مرميه في حديقه..عدلت جلستها وهي مرعوبه..
قالت بخوف:انا وش جابني لهنا..<<مسكت راسها اللي كان مصـدع وضغطت عليه..ماتقدر تتذكر اللي صار لها..ولاتعرف وش اللي جابها لهنا..
وقفت ومشت وهي تترنح..
××
كان متمدد على سريره..ويناظر الساعه..9 الصبح..استغرب من نفسه انه صاحي هالوقت..وهو ماعنده لاشغل ولا جامعه..
تذكر سالفته مع في وتضااايق..كيف بيرضيها..بس مالقى إلا حل واحد..انه يحطها امام الامر الواقع..وهي اللي تختار تبيه وإلا لا..
وقف ونزل تحت ومن حسن حظه انه لقى امه صاحيه..
باس راسها:صباح الخير..
ام مشعل كانت تفطر:صباح النور..
جلس وهو منزل راسه ويفرك يدينه بتوتر:ابوي طلع للشغل..
ام مشعل:ايه بس انت غريبه صاحي هالوقت..
مشعل:حتى انا مستغرب من نفسي..
ام مشعل:اسمع تراني زعلانه منك..
مشعل:افاااا ليه..
ام مشعل:من اللي قلته لأبوك امس..
مشعل كشر:وانا وش قلت..
ام مشعل:اسمع ابوك هو اكثر واحد يعرف مصلحة ريم..
مشعل قاطعها بطفش:عدتوا لي هالكلام مليون مره عارف انه هو اكثر واحد يعرف مصلحتها..
ام مشعل كملت:ولو ابوك مو متأكد من اخلاق الولد كان ماقبل فيه..
مشعل:طيب براحتكم بس اسألوا ريم..
ام مشعل:ريم ماعندها مانع..
مشعل:خلاص الله يقدم اللي فيه الخير طيب الحين بحاكيك عن موضوعي..
ام مشعل:وشو..
مشعل بقهر:ياشيخه ولدك عليه حظ امس كنت بروح اخطب في بس من المشكله اللي صارت راحت عن بالي..
ام مشعل شهقت:حتى انا راحت عن بالي الله يفشلنا وش نقول للناس الحين..
مشعل برجا:تكفيــــــن طلبتك اتصلي عليهم وخذي منهم موعد اليوم..
ام مشعل ابتسمت:خلاص بعتذر منهم وباخذ موعد ولايهمك..
مشعل باااس راسها بقوووه:يالبــــــــــى قلبك يا ام مشعل ااخ بس..
ام مشعل ضحكت:طيب قم ودني للمدرسه تأخرت..
مشعل وهو يمشي للباب:يله يله..
ام مشعل:بتروح كذا..
مشعل يناظر نفسه لابس بيجامه..ابتسم ابتسامه غبيه:ياختي وسعي صدرك وديه الخياط خخخخخخخخ..
ام مشعل:ههههههههههههههههههههههههههه..
××
كانوا واقفين في المطار..يودعون بعض..
بعدت عنها وهي تمسح دموعها:تروحون وترجعون بالسلامه..
جنا بحزن:يله اشوفك على خير (لفت على ماجد اللي منزل راسه ويفرك يدينه بتوتر) مع السلامه ماجد..
ماجد انتبه و رفع راسه:مع السلامه..
ناديه كانت منزله راسها وماسكه نفسها لاتبكي:يله جنا ترى نادوا على الرحله..
جنا حظنت نوف وبكوا..
ماجد ناظر ناديه وهي رفعت راسها وشافته يناظرها كشرت ولفت عنهم..ومشت وهي تجر شنطتها وبكت من قلب..
جنا بعدت عن نوف:انتبهي على نفسك اوكي..
نوف بحزن:اول ماتوصلين دقي علي ابي اتطمن عليك..
جنا:ان شاء الله..<<ولفت عنهم ولحقت ناديه..
نوف بكت من قلب:ياااارب رجعهم لي سالمين غانمين..
ماجد حط يده حول رقبتها وقربها لحظنه:آمين..
××
(!@#$%^&*!@#$%^&*)
تمــوت عيونهم فيني..وانا بك ميته عيني..
..رومانسيه..خياليـــه..
(!@#$%^&*!@#$%^&*)
××
::
..مرت الايااام..
صبح وليل يمــــر على ناس مثل الدهر..
ويمــــر على ناس مثل العســـــل..
::
كانت دانا تتجهز لعرسها اللي تحدد..
ريناد:يعني مافيه امـل..
دانا وهي تناظر فستان زواجها اللي حاطته على السرير:ريناد ترى مو رايقة لك..
ريناد تقدمت لها:اصلاً من فارقتي بندر وانتي مو رايقه لأحد..
دانا بصوت مرتجف صرخت:ريناد انقلعــــــي عني..
ريناد ارتاعت:طيب وش فيك عصبتي..
دانا لفت عليها ودموعها على خدها:كم مره قلتلك لاتجيبين لي سيرته..
ريناد نزلت راسها:اسفه ماكان قصدي..
دانا لفت عنها و رفعت فستان زواجها..ياما كانت تتمنى تلبسه بس تلبسه لبندر مو لشخص ثاني..
علقته وحطته في الكبت:وصلت الكروت..
ريناد بضيق:ايه وصلت..
دانا لفت:بروح اشوفها..<<وقبل ماتطلع سحبت ريناد مع يدها..
:تعالي معي..
××
ابوراكان كان في غيبوبه تامه ومايدرون متى يصحى..
كانت طايحه في حضن امها وتبكي:تكفيــــن لاتتركيني مثل ماتركني ابوي وراكان الله يخليك لاتتركيني..
ام راكان ودموعها على خدها:اترك روحي ولا اتركك..
مشاعل زاد بكيها وخبت راسها في حظن امها..
ام راكان بضيق:يمه لاتبكيـــن ترى قطعتي قلبي..
مشاعل بعدت عنها وبصوت مرتجف:لو مات ابوي بقتـل نفسي والله بقتل نفسي..
ام راكان بعصبيه:اسغفـري ربك مايجوز ذا الحكي انتي بس ادعي له..
مشاعل نزلت راسها وبكت من قلب:كلـه بسببي انا الله ياخذني الله..
قاطعها بألم:مشـاعل..

 

[دمعة قلق]

رفعوا راسهم على مصدر الصوت وانصدمــوا..
قالت بهمس وهي تحت تأثير الصدمه:راكان..
راكان نزلت دموعه وابتسم بضيق:وحشتونــــي..
ام راكان ماقدرت تقول حرف واحد من قوة الصدمه..جمدت في مكانها ولاتحرك حتى طرف اصبعها..كانت تناظره ومو مستوعبه اللي قدامها هو صدق وإلا تتوهم..
صحاها من صدمتها صوت مشاعل وهي تصرخ وترمي نفسها في حظن راكان..
:راكااااااااان..
ام راكان صارت ترتجف وترتجف ولدها..نظر عينها رجـــــع لها..بكت من قلـــــب ولاقدرت توقف وتحظنه لصدرها..
بعد راكان عن مشاعل وبصوت مرتجف:مشتاق لك وش اخبارك..
مشاعل مو مستوعبه قالت بصوت مرتجف وهي تبكي بحرقـه:انا ما اسوى ولاشي بغيابك عني ليتني مت ولا..
راكان حط يده على فمها:اششش ما ابي اسمع منك هالحكي..<<شاف امه وراح لها نزل لمستواها وباس راسها ويدها..
:وش اخبارك يمه..
ام راكان ماقدرت تتكلم..رمت نفسها عليه وبكت بحــــــرقه..
و راكان بكى معها..
::
فيصل و هيفاء..كانت حالتهم تتحسن يوم بعد يوم..
نزلت وقبل ماتدخل لفت عليه:يعني لازم انا اقول انزل معاي..
فيصل:وليه انزل معاك..
هيفاء ركبت وهي مكشره:ما اقدر على فرقاك ياشيخ..
فيصل:هههههههههههههههههههههه عارف..
هيفاء:ياشيــــــن الثقه بعد..
فيصل غمز لها:بس الثقه علي انا حلووه..
هيفاء بأبتسامه و وجهها احمر:انت كل شي عليك حلوووو..<<وبسرعه نزلت..
فيصل ابتسم من قلب ونزل:هيوووفه..
هيفاء لفت:هاه..
فيصل:كم مره اقولك قولي نعم سم امر لبيه..
هيفاء قربت منه:نعم سم امر لبيه..
فيصل وفي صوته الضحكه:خلاص عاد اسمعي انا بروح استقبل نايف ومشاري من المطار وبجي اخذك..
هيفاء بفرحه:جد بيرجعون..
فيصل:ايه بس لاتجيبين طاري لأحد..
هيفاء غمزت له:اوكي يله الله معك وانتبه على نفسك..
فيصل:ان شاء الله يله مع السلامه..
هيفاء:مع السلامه..<<لفت ودخلت المستشفى..مشت في الممرات وهي طايره من الفرحه..
"آآآآآه يافيصل احبــــك واموت فيك متى بس اقولك هالكلمه وانت تقول لي اياها"..
صحاها من افكارها ريحة عطره..حست نفسها تتخيل..بس لما رفعت راسها شافته وشهقت بصدمه..
قالت بهمس وشفايفها مرتجفه:راكان..
كان يضحك مع امه ومشاعل..ولما شافها تناظره عرفها وابتســـم..وقف وفتح يدينه..
:تعالــــي..
هيفاء تحس نفسها مخدره مشت بدون احساس وماشالت عينها منه..بدت دموعها تخونها وبكت..لما شافته يقرب منها ويحظنها..
هيفاء بعدت عنه وبصدمه:انت رجعت..
راكان بأبتسامه:وحشتيـــــني..
هيفاء بكت من قلب وحظنته بأقوى ماعندها..
××
كانت نايمه وبصعوبه فتحت عيونها وبهمس:علي..
علي بأبتسامه:عيون علي..
رزان بتعب:ملاك ابي ملاك..
علي رفع لها ملاك و اول ماشافتها بكت وحظنتها..
علي:حبيبتي ليه هالدموع..
رزان بفرحه:ما اصدق اني صرت ام..
علي:هههههههههههههه وانا بعد مثلك ما اصدق اني صرت ابو..
رزان تناظر ملاك وباست يدها وهي تبتسم بفرحه:تشبه ملاك صح..
علي جلس جنبها وحط يده حول رقبتها وناظر ملاك:والله طالعه على ابوها قمر..
رزان ناظرته بنص عين:اقول وش رايك تطلع برا..
علي:افاااا ليه..
رزان حمر وجهها ونزلت راسها..
علي وقف وبأرتباك:ايه فهمت يله انا طالع واذا خلصتي ناديني..<<وطلع وقابل ماجد ونوف..
ماجد سلم عليه وبفرحه:مبرووووك تتربى بعزك..
علي بأبتسامه:الله يبارك فيك عقبال مانشوف بدر ينطط حولك..
ماجد ناظر نوف وابتسم:آميــــــــــــــن..
نوف حمر وجهها:اقول انا رايحه اشوف رزان..<<دخلت الغرفه وصرخت..
:رزاااااااااااااان..
رزان تأشر على فمها:يالدبــــــــا البنت نايمه..
نوف ركضت لها وبفرحه:الله تجنـــــــــن طالعه على امها..
رزان:ههههههههههههههههههه الله يسلمك بس امشي بشويش نسيتي انك حامل..
نوف جلست جنبها:المهم بشريني عنك..
رزان:الحمد الله بخيــــر..
××
كانوا واقفين ينتظرونهم بلهفه..واشتياااق لهم..
مرت دقيقه والدقيقه اللي بعدها لكنهم ماطلعوا..
مشعل بتوتر:ويـنهم طولوا..
فيصل:ياخي اصبــــــــر..
جر شنطته وابتسامته على شفاهه..رجـع لأرضه واهله و رجع لحبيبته..
هي اكثـــــر وحده مشتاق لها..وده يطير لعندها ويسألها وش سوت بغيابه..و وش اخبارها..وده يغرق في عيونها..ويحظن يدينها بين يديه..
مشاري عطاه كوع:وين رحت يالأخو..
نايف:هلا معاك..
لمحوهم وتقدموا لهم بخطوات سريعه..
مشعل بصوت عالي وفتح يدينه:نايفوووووووووه و وجع..
نايف حظنه:هههههههههههههههههههههههههههههه..
مشعل بعد عنه:يالدب نورت الرياض..
نايف بأبتسامه:منوره بأهلها..
فيصل سحب نايف وحظنه:ماودك تسلم علي..
نايف:هههههههههههههههههههههه وش اسوي لولد عمك كلني..
مشعل:مشتاااق لك يالخايس..
نايف:تشتاق لك العافيه يالمفعن..
مشاري:ماكنكم نسيتوا كائن حي..
مشعل حظنه:هــــــــــــــلا والله ماعاش اللي ينساك..
مشاري بأبتسامه:هـــــــلا فيك..
مشعل:وش اخبارك الحمد الله على سلامتك..
مشاري:الله يسلمك..
فيصل:وش اخبارك..
مشاري:حمد الله انا بخير بشوفتك..
فيصل:الله يسلمك..
مشاري غمز له:هاه مافيه شي ينتظرك في الطريق..
فيصل ضحك مجامله:ههههههههههههههههههههه لا تو الناس..
مشاري:لا وين تو الناس..
نايف:ياخـــــــي خلاص لاتحرج الرجال..
مشاري:انا كلمتك..
نايف:ممكن تنطم تراك قاهرني من يوم اللي صار في الجامعه..
مشعل:ليه وش صار..
نايف:صارت سوالف ابقولها لك بعدين بس يله الحين نمشي من هنا..
××
ناظرت الكرت ويدينها ترتجف..كانت الدموع متجمعه في عيونها وتعض شفايفها بقهر..
كانت تناظر اسم رياض و تتخيله بندر..وهو المفروض يكون بندر مو رياض..
ريناد:نعطي نايف وبندر كروت وإلا ماله داعي..
دانا لفت عليها وبأنفعال:لا بندر لا..
ريناد:ليه..
دانا ارتبكت:لانه مسافر..
ريناد فهمت قصدها:اهاا طيب بس تراه قريب وبيرجع..
دانا بصوت مبحوح:وان شاء الله مايلحق على زواجي ما ابي اموت اذا شفته مليون مره..
ريناد:بسـم الله عليك لاتقولين هالكلام..
دانا رمت الكرت اللي معها على الطاوله و وقفت..
ريناد:وين..
دانا:بروح مع دلال للسوق..
ريناد لفت عنها وحطت عينها على الكروت اللي نزلت عليها دموعها
"الله ياخذ من كان السبب في فراقكم جعله مايتهنى في كل دقيقه يعيشها"..
××
..ابونوف..سوا العمليه ونجحت..وترك شغله وجلس في البيت مع بناته اللي مايفارقونه ابداً..
جنا تمد له الملعقه:وحده وحده بس..
ابونوف:لا خلاص يابوي شبعت إلا اقول وين نوف..
جنا:نوف راحت لصديقتها رزان (وبفرحه) جابت بنوووته تجنن قبل شوي رسلت لي نويف صورتها..
ابونوف بأبتسامه:تتربى بعزهم وعقبال ما اشوف البيت هذا ممتلي بعيالك وعيال خواتك..
جنا نزلت راسها وضحكت في نفسها وبألم"ومن يرضى يتزوج وحده مثلي"..<<مسحت دموعها بسرعه و وقفت و رفعت الصينيه..
:تبي شي يبه..
ابونوف:ابيك تتصلين على ناديه تأخرت..
دخلت وهي ماسكه كتب..نزلت طرحتها وبتعب:كأني سمعت اسمي..
ابونوف:ليه تأخرتي..
ناديه باست راسه وجلست جنبه:جلست اصحح اوراق البنات..
ابونوف:ما انتهت الدراسه..
ناديه ابتسمت بدون نفس وبقهر:إلا بس بنات الذين امنوا عندهم دور ثاني هم مايذاكرون ومستانسين طول الترم وإنا المدرسات اللي نروح في خرايطها لاوبعد ياليتهم جايبين درجات حلوه إلا زفت مثل وجيهم..
ابونوف:ههههههههههههههههههههههه طيب اعصابك..
ناديه ابتسمت:تصدق يبه ضحكتك هاذي ترد روحي عساها دوم مو يوم..
ابونوف ابتسم بفرحه:الله لايخليني منك وانا ابوك..
ناديه وقفت:يله انا بروح ابدل (وبصوت عالي) جنا حطي لي الغدا..
جنا من جوا المطبخ:خدامـــــــة ابوك انا..
ناديه غمزت لأبوها:ايه خدامة ابوي وجدي بعد حطي لي الغدا لا اجي اتوطى في بطنك الحين..
جنا:يااااامامي خوفتيني..
ابونوف وناديه:ههههههههههههههههههههههههههههههه..
××
كانت تمشي هي و دلال وبالها مو معها..
دلال:دانا احاكيك..
دانا انتبهت:هاه..
دلال:لا انتي مو معي..
دانا بحزن:قاعده افكر ببندر (لفت عليها) تظنين انه للحين يحبني..
دلال:دانا مايصير هالحكي انتي في ذمة واحد غيره خلاص انسيه..
دانا نزلت راسها وبألم:لو كنت اقدر انساه كان نسيته من زمان..
دلال:انا ماودي اذكرك بالسالفه بس لو كنتي واثقه فيه كان ماشكيتي في لحظه انه قاعد يخونك..
دانا:لو انتي سامعه كلام البنت كان صدقتي (قالت بصوت مرتجف) ليتني انعميت قبل ما اشوف الصور..
دلال بأنفعال:استغفــــــري انتي وش قاعده تقولين اشك انك صاحيه..
دانا بكت بصوت واطي وحطت يدها على فمها تمنع شهقاتها تطلع..:حرقوا قلبه وحرقوا قلبي معاه الله لايوفق من كان السبب..
دلال سحبتها مع يدها:طيب تعالي غسلي وجهك عارفه انك تبكين..
دانا مشت معها بدون ولاكلمه..
××
مر هالشهر عليها وكأنه سنه او عمر كامل..كانت عايشته برعب وخوف..خوف من ان ابوراكان توفى و وقتها نهايتها الموت..
دخل عليها وناظرها من فوق لتحت:ابي اعرف انتي وش مسويه..
منال ناظرته بألم"لو تدري اني لقيطه وقاتله بعد كان تفلت بوجهي وطردتني" قالت وهي ترتجف
:احمد اتركني لحالي..
احمد تقدم لها وجلس جنبها:انتي بس قولي لي وش فيك يمكن اقدر اساعدك..
منال بكت بحرقه وخبت راسها بين رجولها..
احمد بطفش:لحووول وانا كلما قلتلك كلمه بكيتي..
منال تمددت على السرير وتكورت على نفسها:احمد تكفى اتركني لحالي..
احمد وقف وبعصبيه:طيب بتركك جعلك من هالحال لأردى افففففف..<<طلع وخبط بالباب..
منال شهقت بقوووه وبكت وصورة ابوراكان مو راضيه تغيب عن بالها..
××
كانوا جالسين على طاوله في الحديقه وقدام المسبح..
الجده نوره كانت حالتها في الحضيض من بعد ما راح عنها راكان اللي ماتدري وينه ولا اتصل عليها وطمنها عليه..كانت كل يوم تدعي له يرجع لها بالسلامه..
ام نايف:خالتي تبين شاهي..
الجده نوره بضيق:لا بس ابيك تتصلين على اسماء تسألينها وينها..
ام نايف:قبل شوي متصله عليها تقول انها في المستشفى وبعد شوي بتجي..
ام مشعل:الله يقوم لها ابوراكان بالسلامه..
الكل:آميـن يارب..
ام فيصل وقفت بتتصل على هيفاء لانها للحين ماجت..وصلها صوتها اللي مبين عليه الفرحه..
:هلا خالتي..
ام فيصل:هلا وينك..
هيفاء وهي تضغط على يد راكان وتبتسم:انا في المستشفى..
ام فيصل بخوف:ليــــه وش فيك..
هيفاء تحس ان الارض مو سايعتها من فرحتها..فيصل بدت علاقته معها تتحسن..وام فيصل صارت تعاملها مثل مها ولمى..و راكان اخوها رجع لها بالسلامه..
باقي ابوها يقوم بالسلامه ومشاعل تتحسن حالتها..وتصيـر اسعد انسانه في هالدنيا..
قالت بفرحه:لا سلامتك بس جيت اشوف ابوي..
ام فيصل:الله يقومه بالسلامه..
هيفاء شوي وبتبكي:آميــن خالتي تكفين ادعي له في كل صلاتك هو محتاج لدعانا..
ام فيصل:ما يحتاج توصيني هو مثل اخوي و ابو مرت ولدي..
عجبتها"مرت ولدي"وابتسمت من قلب وهي متشققه من الفرحه:يله خالتي تامريني على شي..
ام فيصل:سلامتك بس لاتتأخرين الكل يسأل عنك..
هيفاء:سألت عنهم العافيه وان شاء الله ماراح اتأخر يله مع السلامه..
ام فيصل:مع السلامه..
::
كانت ميته ضحك وصوتها واصل لأخر الدنيا..
مها وهي تضحك:بس طلال لا احد يسمعني بيقول خير ذي انهبلت..
طلال:ماعاش من يقولك هبله إلا انا..
مها عدلت جلستها ومسكت بطنها اللي انتفخ وبتعب:ليه وش معنى انت يعني..
طلال بخوف:حبيبتي ورا صوتك تغير..
مها:لا بس حاسه اني دايخه وابي انام شوي..
طلال:كلــــــــــه مني..
مها:وانت وش دخلك..
طلال:صدعت راسك من سواليفي..
مها ابتسمت:لا عادي تمون يله تامر على شي..
طلال:سلامتك وانتبهي على نفسك..
مها:الله يسلمك..<<سكرت وتمددت على الكنبه وغمضت عيونها..وهي تبتسم..تحس بفرحه تغمرها لما تكلمه او تطلع معه..تحس انه ياخذها لعالم ثاني بعيد عن الناس ومافيه إلا هي وياه وبس..
ابتسمت ابتسامه وسيعه وهي حاطه يدها على بطنها:وانت بعد قاط معنا خخخخ..
::
كانت واقفه عند الشباك متكتفه وتناظرهم من فوق ودموعها على خدها..باقي كم يوم وتندفن مع واحد مغصوبه عليه وتكرهه..اللي قاعده تفكر كيف بتتقبله بحياتها وكيف بتنسى حب نايف وهو مثل الدم في عروقها..
كانت غرفتها تهتز من صوت يارا واغنيتها"انت مني"..
؛؛..انا سبتك وانت مني..ندمانه للنهار ده..لو حتى غصب عني ماكنش لازم ارضى..
انا بتطمن عليك..وانا من بعيد لبعيد..بخاف لو رحت ليك..بلاقيك حبيت جديد..
مش من حقي العتاب..ما انا سبتك للعذاب..لكن ربي اللي عالم..اخلاصي وحبي ليك..
انا حبعد عنك وانا وياك قلبي..هتحمل تعبي..بعدك الله يعيني..لو صدفه قبلتك صبرني ياربي..
لايبان لك حبي..وانت قريب مني..
حاولت انا اداري حبك..واضحك على روحي وانسى..صورتك ماغبيتش عني..شايلاك في قلبي لسه..
الليل عليا طال..وانا بسأل نفسي ليه..بخبي حنيني ليك..ولابقدر يوم عليه..
يمكن جنيت عليك..بس انت الله يجازيك..خليتني عايشه عمري..
علشان بعيشوه ليك..؛؛
نزلت دموعها حاااره على خدها..ومسحتها..فجأه شافته عدلت وقفتها بصدمه وفتحت الشباك..تناظر اللي شافته صدق وإلا تتخيل..
مسكت راسها"لا اكيد انا اتخيل"..<<بلعت غصاتها وارتجفت وهي تشوفه يقرب من امه ويحظنها وهو يضحك..
شهقت بقوووه وحطت يدها على فمها..حست بالموت في كل اطرافها وهي تناظر عيونه المدمعه..
مشتااااقة له..مشتاااقه لكل شي فيه..اول ماشافته نست الدنيا حولها وجلست تناظره ومارفعت عينها عنه..

 

[دمعة قلق]

كان متغيــر عن اخر مره شافته فيها..نحف..وشعره قصه..وحلق دقنه..بس كان حاط سكسوكه خفيفه..<<طالع يخقق وهـ بس خخخخخ..
ماحست بنفسها إلا نازله تحت..خذت طرحتها وطلعت..مشت والدنيا حولها سوووداء..ودموعها على خدها..وتناظر نايف اللي من شم ريحة عطرها لف عليها..
انعصر قلبه وبدت تنزف جروحه..وده يركض لها ويحظنها لصدره ويبكي..
يبكي من شوقه لها..يبكي من ايام العذاب اللي عاشها بدونها..يبكي على كل دمعه هلتها علشانه..
يبي يبكي في حظنها ويحسسها بدفى بشاعره..ويصرخ بأعلى صوته ويسمع الكون انه يحبها ويعشقها ومايقدر يعيش بدونها..
هي حالتها مو احسن من حالته..كان شعورها مختلط بين الفرحه والحزن..فرحه انه شافته راجع سالم..وحزن انها ماتقدر ترجع له وبتتزوج واحد غيره..
ارتجفت وتحس ان رجولها مو شايلتها..تحس انها بتطيح في اي لحظه..مسكت طرف الكرسي..وبصوت مرتجف ومخنوق..وبألم..
:حمد الله على سلامتك..
نايف بلع غصاته وعيونه ماشالها عنها:الله يسلمك..
ارتجف قلبها وحست انه كبــر وبيطلع من بين ضلوعها..نزلت راسها وبكت بصوت واطي..
حس فيها ومن قرب المسافه اللي بينه وبينها قال بهمس:علشاني امسحي دموعك ما ابي اشوفها..
رفعت راسها ومسحت دموعها..وهو ابتسم بألم لها وبعد عيونه عنها..
××
مشى في ممرات المستشفى وشافها واقفه ومعطيته ظهرها وتضحك مع واحد..انصــــــدم وثار الدم في راسه..
مشى بخطوات سريعه ومسك الولد ولفه..:انـ..<<سكت وهو يناظر راكان بصدمه..
راكان بأبتسامه:هلا والله بالنسيب..
فيصل وهو تحت تأثير الصدمه قعد يضحك وحظنه..وهو وهيفاء يضحكون معه..
راكان:ههههههههههههه لهالدرجه مشتاق لي..
فيصل بعد عنه وعيونه مدمعه من الفرحه:الحمد الله على سلامتك..
راكان:الله يسلمك وش اخبارك..
فيصل:بخيــــر بشوفتك يالغالي..
راكان:شوفتك اغلى..
فيصل بفرحه:نورت الرياض والله يله تعال نروح لبيت امي نوره الاهل كلهم مجتمعين هناك..
راكان:ايه والله ودي اروح مشتاااق موت لأمي نوره..
هيفاء رفعت شنطتها:ماما ومشاعل تعالوا معنا..
ام راكان وقفت لكن مشاعل كانت جالسه:يله يمه..
مشاعل:انا بجلس مع ابوي..
ام راكان بحزن:ياحبيبتي تعالي معنا لاتجلسين لحالك وإلا بجلس معك..
مشاعل وقفت وبدون نفس:يله بروح..
مشوا قدامها وهي تمشي وراهم ومتكتفه وحزن الدنيا كلها في عيونها..
××
كانت جالسه على سريرها وتاكل اظافرها..ودموعها اختلطت مع لون الكحل الاسود..كانت طول هالشهر حزينه..كئيبه..انطوائيه..حتى ابوها اللي متعلقه فيه صارت ماتطيق تشوفه..ونجود ماصارت تسأل عنها ولاتزورها..قلت طلعاتها والدنيا صارت في عيونها بدون لون ولاطعم..
من بعد اللي صار لها مع نايف حست نفسها ناقصه..وماتسوى..هو الشي الوحيد اللي معطيته كل اهتمام ..وفي الاخير يهينها ويخلي وجهها في الارض..
وقفت وناظرت نفسها في المرايه..
جميلــــــه ومليون واحد يتمنى تعطيه نظره منها..
ناظرت غرفتها كانت واسعه واثاثها غالي..
والقصـــر اللي عايشه فيه..كثيرين يتمنون ربعه..
في الاجازه تلف دول العالم كلها..بطيارتها الخاصه..
رفعت عطرها ورمته على المرايه وصرخت وهي تبكي من قلب:اجــــــــل وش اللي ناقصني قلي بس وش اللي ناقصني..
الخدم كانوا ينظفون الصاله وسمعوا صوتها..خافوا ودخلوا عليها..
:Miss Faten..
فاتن قاطعتها وهي تصرخ:اطلعــــــــي انتي وياها ما ابي اشوف احد انقلعوا عني..<<وقفت ودفتهم بقوووه..
:انقلعـــــــــوا عني..<<وخبطت بالباب وهي تبكي من قلب وتشد شعرها بقووه..
××
انتشر خبر ان فارس متزوج..وغاده كانت مو مصدقه وتحس انها بتموووت من القهر..
ابوها وامها توفوا وتركوها..
وطلال الحين صار لاهي مع مها وماصار يسأل عنها ويهتم فيها مثل اول..
وفي من بعد ما سامحت مشعل و وافقت على خطبتها منه رسمــــــي..صارت مشغوله بتحظير ملكتها..
و رياض بزواجـــــه من دانا اللي قرب..
وهي من بقى لها..كل اللي تحبهم بيتركونها وبيلهون في حياتهم..
عضت بطانيتها بقهر..ماتبي تبكي..كفايه الدموع اللي هلتها من بعد ماسمعت خبر فارس..
دخلت عليها وهي ماسكه كتالوج ونطت على السرير:وش رايك من احلى هذا الفستان وإلا هذا علشان افصل مثله..
غاده ناظرتها بنص عين وبدون نفس:في اطلعي برا..
في ناظرتها بأستغراب:وش قلتي..
غاده على صوتها وبعصبيه:قلتلك اطلعـــــــي برا..
في سكرت الكتالوج و وقفت:انتي وش فيك علي..
غاده خلاص ماتقدر تخبي في قلبها اكثر من كذا..بكت من قلب وبصوت عالي وهي ترتجف:ماتلاحظون انكم جالسين تعذبوني انتي صرتي مو مثل قبل كل كلامك عن مشعل وحبك لمشعل و وش قالك و وش سوا وطلال اربع وعشرين ساعه يكلم مها ومايتركها ولادقيقه وماصار يسأل عني مثل قبل و رياض لاهي في زواجه وهو اللي كان مايفارقني واكثـــر واحد اقعد معه (شهقت ونزلت راسها وبصوت مرتجف) وفارس الوحيد اللي حبيته طلع متزوج (مسحت دموعها) بس خلاص هالشي ماعاد يهمني لاني ماصرت اهمكم..
في جلست جنبها ومسكت يدها:غاده من قال انك ماتهمينا..
غاده:تصرفاتكم تقول كذا..
في:اسفه ماكنت حاسه على نفسي وطلال لاتلومينه هو ماصدق يتزوج مها لا وبعد بيصير ابو انا لو كنت مكانه بقعد معها في البيت ماراح اتركها ولاثانيه و رياض قرب زواجه وبينشغل اكيد..
غاده بكت وحظنتها:انا اللي اسفه كلتك بكلامي..
في ابتسمت:لا عادي خذي راحتك وانا كم غاده عندي..
غاده بعدت عنها ومسحت دموعها:اقولك ترى الفستان اللي..
في قاطعتها:ماعلينا الحين من الفستان ابقولك عن شي..
غاده:ايش..
في ابتسمت و رفعت حاجب:رائد يسلم عليك..
غاده عقدت حواجبها بأستغراب:مين رائد..
في بخبث:مسوية لي الحين ناسيته اقول العبي على غيري..
غاده تذكرت اللي صار لها معاه في بيت عمها يوم صدمت فيه..كان وقتها فيه شي جذبها له..ماتدري وشو..
ابتسمت وخدودها حمرت..وبصوت واطي:الله يسلمه..
في:اموووووووت على اللي يستحون..
غاده وفي:هههههههههههههههههههههههههههههههه..
××
كان يناظر شوارع الرياض و زحمتها..مشتااااق للرياض..مشتاااق لجوها..مشتااق لريحة جدته..مشتااااق لريم..
مشتاااق لأركان البيت اللي تربى فيه..
ابتسم بألم:تصدق احس اني توني اشوف الرياض..
فيصل:إلا انت وين كنت وليه سافرت..
راكان:كنت في لندن اغير جو..
فيصل:تغير جو اربع او خمس شهور نسيت ان وراك ثانويه عامه وطار عليك ترم كامل..
راكان:ياخـــــي تحسب الدراسه اكبر همي..
فيصل:اجل وش اكبر همك..
راكان بلع غصاته وناظر سلساله:ولا شي..<<ولف على الشباك..
"آآآآآآه وحشتيني يابعد هالدنيا"..
وقف سيارته عند البيت:يله راكان ماودك تنزل..
راكان ناظر البيت وابتسم ابتسامه وسيعه..نزل و عيونه غرقت بدموعه..وده يطير لحظن جدته ويبوس راسها..ويتطمن عليها..
مشى بخطوات متردده وهو منزل راسه..انفتح الباب و دخل..و اول مارفع راسه طاحت عيونه على جدته..
والكل ناظره وانصدموا..
الجده نوره من صدمتها طاح الفنجال من يدها..وارتجفت:راكـ..ان..
راكان ضحك ودموعه نزلت على خده..مشى لعندها بخطوات سريعه وباااس يدها بقوووه وهو يشهق..
:مشتاااق لك يمه..
الجده نوره بكت بحرقه وحظنته لصدرها..:آآآآآآآه يمه حمد الله على سلامتك..
راكان بعد عنها وبااس يدها:وش اخبارك..
الجده نوره وهي مو مستوعبه ان قدامها راكان..نور عينها..قالت وهي تتحسس وجهه:بخيـــــــر دامك بخير وينك عني يمه ليه تركتني ليه ماقلتي لي انك مسافر ليه حرقت قلبي عليك..
راكان لف على ريم اللي عرفها من عيونها قال بصوت مرتجف وعيونه ماشالها عن ريم:حكم القدر غصبن عليا..
ريم تحس ان سكاكين تطعن بقلبها..لفت وجهها عنه ودموعها غصب نزلت على خدها..
نايف:حمد الله على سلامتك..
راكان وقف:الله يسلمك..<<لف على مشعل اللي كان يناظره بأحتقار وهو رافع حاجبه..
ماحس بنفسه إلا واقف قدامه و بصوت واطي:صدقني كنت ابي تعرف حقيقتها..
مشعل تأفف وبعد وجهه عنه وهو مكشر..
راكان نزل راسه وبألم:كانت مع صديقي وكنت ابي احط الكاميرا في غرفتها قبل ماتنخدع فيها وتتزوجها..
مشعل لف عليه وبصدمه:وانت ليه سويت كذا..
راكان ابتسم:لانك اخوي اللي ماجابته امي..
مشعل حظنه لصدره بأقوى ماعنده..وهو يبكي من القهر لانه ظلم راكان طول هالسنين..
فيصل بمزح:اهـــــــئ قطعتوا قلبي..
راكان بعد عن مشعل وهو يضحك ويسمح دموعه:انت خلك ساكت..
فيصل:افاااا يالنسيب..<<وناظر هيفاء وغمز لها وهي ابتسمت له..
راكان حط يده على وجهه:هيـــــــه لاتخربوني توني على هالأشياء..
الكل:ههههههههههههههههههههههههههههههههههه..
××
مسكت يده وضغطت عليها وبتوتر وخوف:فارس تكفى خلنا نرجع..
فارس:انتي ليه خايفه..
منى:خايفه انهم مايتقبلوني..
فارس:عاد بالطقاق عمرهم ماتقبلوك..
منى:وانت بتترك عايلتك علشاني..
فارس بحنيه:اترك روحي والدنيا عشانك..
منى ابتسمت وقلبها يدق بقووووه من الخوف..
رن الجرس..وانفتح الباب..دخل ومنى كانت ماسكه يده وضاغطه عليها ومنزله راسها..
صرخ بأعلى صوته وهو يترك منى ويركض له:مشــــــــــــاري..
لفوا على مصدر الصوت..ومشاري اول ماشافه وقف و ركض له:هــــــــلا والله..
فارس حظنه وهو يضحك:يالــــدب متى جيت وليه ماقلتلي..
مشاري:اليوم وحبيت اخليها مفاجأه..
فارس:الحمد الله على سلامتك نورت الرياض..
مشاري:منوره بأهلها..
بعدوا عن بعض مرتاعين اول ماسمعوا صوت ام مشاري:انت وش جابك..
فارس:كذا استقبالك لي..
ام مشاري بعصبيه:قلتلك ماراح تطب بيتي إلا لما تطلقها (ناظرت منى اللي كانت واقفه عند الباب ومنزله راسها) لا وجايبها معك بعد..
مشاري بأستغراب:خير وش السالفه..
فارس بعصبيه:وفــــــــــــاء هاذي زوجتي رضيتي وإلا مارضيتي..
منى تقدمت لفارس ومسكته:حبيبي هد نفسك..
مشاري:خالي انت متزوج..
فارس:ايه اذا ماعندك مانع انت بعد..
ام مشاري بقهر وبصوت مرتجف:ترفع صوتك علي يافارس..
فارس في قمة عصبيته:انتي اللي حديتيني ارفعه..
منى كان قلبها يدق بسرعه فظيعه:فارس هد نفسك انت فيك السكر..
ام مشاري ومشاري انصدموا..
نزلت ويوم شافت خالها كشرت وتقدمت لهم..وناظرت منى بأحتقار:هاذي سعيدة الحظ اللي متزوجها..
ام مشاري صرخت بعصبيه:هديـــــــــــل..
هديل ارتاعت ولفت على امها:انا وش قلت..
ام مشاري وهي ترتجف:بــــس ولاكلمه..
هديل عضت على شفايفها بقهر ولفت عنهم و ركضت لجوا..خبطت بالباب وهي مقهووووره..
:اففففف انا غلطانه يوم جيت لعندكم..<<جلست على الكنبه وهي تشد شعرها بقووه..
رن جوالها ناظرت الاسم وماطاوعها قلبها ماترد عليه لو واحد غيره كان طنشته..
ردت بدون نفس:نعــــــم..
قال وهو يتمدد على سريره:الله ينعم عليك..
هديل:اسمع ترى ابد مالي خلق..
خالد:يعني اسكر..
هديل تغير صوتها وبحزن:لا لاتسكر..
خالد عدل جلسته وهو عاقد حواجبه بأستغراب:افااا من اللي مزعل حبيبتي..
هديل شوي وبتبكي:يا حياتي يا انا كلما احد عصب حط حرته فيني..
خالد ابتسم:طيب يا انتي من اللي حط حرته فيك علشان اذبحــــــه..
هديل:امي لان خالي و زوجته جايين عندنا وهي معصبه وحطت حرة امها وابوها فيني شفت القهــــــــر..
خالد وفي صوته الضحكه:لا حماتي ما اقدر اذبحها..
هديل مكشره:لا حالفه اضحــك..
خالد:هههههههههههههههههههههههههههههه علشانك حلفتي بس..
هديل تأففت:هذا بدال ماتقول كلمتين حلوين تهدي فيها اعصابي..
خالد ابتسم من قلب:احبك اموووت فيك اعشقك اتنفس هواك افديك بروحي ياروحي..
هديل ابتسمت وخدودها حمرا:خلاص عاد..
خالد:هههههههههههههههههههههههههه ياقلبي انتي..
::
ام مشاري كانت ماسكه يد فارس وبحزن:سلامتك ليته فيني ولافيك..
فارس:بسـم الله عليك لاتقولين هالحكي (وقف وباس راسها) يله اشوفك على خير..
ام مشاري ابتسمت:وين تعشى معنا انت ومنى..
منى ناظرت فارس وهي مبتسمه..وقلبها طاير من الفرحه..
فارس ابتسم:يله نحتفل بعد برجعة مشاري..
ام مشاري بفرحه:ونحتفل بزواجك ولو انها متأخره شوي..
فارس:اي شوي قولي كثيـــر..
الكل:هههههههههههههههههههههههههههه..
××
نزل لمحل حلويات يبي يحتفل برجعة راكان ونايف..ناظر الرفوف وهو محتار وش ياخذ..
::
كانت تتمشى و وقفت عند المحل..كانت دايماً تشتري من عنده شوكليت..
دخلت وناظرت في اللبناني اللي كانت خاااقه عليه.."اول طبعاً"..:صابر..
صابر رفع عيونه لها وناظرها من فوق لتحت وقال بأبتسامه بتشق حلقه:ست جنا..
جنا:ايوه..
صابر بفرحه تقدم لها:اهليــــــن سهلين ست جنا من زمان ما اجيتي لعنا..
جنا تراجعت لورا..وماحبت تخليه ياخذ راحته ويحكي معها:طيب اظن تعرف طلبي..
صابر استغرب انها ماقعدت تسولف معاه..حتى استغرب من الغطا اللي حاطته على وجهها..كانت اول ماتحطه..
وهو ماعرفها إلا من صوتها..
قال وهو رافع حاجبه بأستغراب:ايه تكرم عينك..
لفت تناظر المحل..وطاحت عيونها عليه..ترددت تروح له وإلا لا..بس كانت لازم تعترف له بالحقيقه..وتمحي فكرته الغلط اللي خذها عن هيفاء..
تقدمت له وبأرتباك:فيصل..
فيصل بأستغراب:تكلميني..
:

 

[دمعة قلق]

نزل لمحل حلويات يبي يحتفل برجعة راكان ونايف..ناظر الرفوف وهو محتار وش ياخذ..
::
كانت تتمشى و وقفت عند المحل..كانت دايماً تشتري من عنده شوكليت..
دخلت وناظرت في اللبناني اللي كانت خاااقه عليه.."اول طبعاً"..:صابر..
صابر رفع عيونه لها وناظرها من فوق لتحت وقال بأبتسامه بتشق حلقه:ست جنا..
جنا:ايوه..
صابر بفرحه تقدم لها:اهليــــــن وسهلين ست جنا من زمان ما اجيتي لعنا..
جنا تراجعت لورا..وماحبت تخليه ياخذ راحته ويحكي معها:طيب اظن تعرف طلبي..
صابر استغرب انها ماقعدت تسولف معاه..حتى استغرب من الغطا اللي حاطته على وجهها..كانت اول ماتحطه..
وهو ماعرفها إلا من صوتها..
قال وهو رافع حاجبه بأستغراب:ايه تكرم عينك..
لفت تناظر المحل..وطاحت عيونها عليه..ترددت تروح له وإلا لا..بس كانت لازم تعترف له بالحقيقه..وتمحي فكرته الغلط اللي خذها عن هيفاء..
تقدمت له وبأرتباك:فيصل..
فيصل بأستغراب:تكلميني..
جنا وهي منزله راسها وتفرك يدينها بتوتر:ايه ممكن اتكلم معاك شوي..
فيصل:خير من انتي..؟؟
جنا:انا جنا صديقة هيفاء تذكرتني..
فيصل ناظرها وهو عاقد حواجبه:انتي اللي شفتك في مقهى الـ..؟؟
جنا:ايوه انا فيصل ممكن اكلمك في موضوع هيفاء لانه ضروري ومضايقني..
فيصل ترك اللي في يده وقلبه مقبوض:خير وشو موضوعه..
جنا:طيب تعال نجلس في مكان غير هذا..
..طلعوا للمقهى وفيصل كان على اعصابه..
سحب كرسي وجلس وبتوتر:بسـرعه قولي اللي عندك..
جنا نزلت راسها وبأرتباك:فيصل هيفاء كانت معي ذاك اليوم اللي خطبتها فيه..
فيصل عدل جلسته ويحس ان قلبه بيطلع من مكانه..وكان يدعي في نفسه ان جنا ماتقول شي يخلي اللي بينه وبين هيفاء ينتهي وهو توه مبتدي..
:ايوه كملي..
جنا بلعت غصاتها ونزلت دموعها غصب عنها..مسحتها وبصوت مخنوق:هي ما كانت تدري ان في الاستراحه شباب ويوم قلت لها عصبت علي وحاولت تقنعني ارجعها البيت لكن انا بالغصب نزلتها معي للأستراحه..
فيصل عض شفايفه بقهر..ومسك نفسه لايقوم ويضربها..
كملت وهي تحس ان فيه شي يضغط على صدرها ويألمها:اول مادخلنا كانت خايفه ومتمسكه فيني لكني تركتها ويوم شافت الشباب والبنات يرقصون ويشربون بكت وصرخت وطلعت تركض (بكت من قلب) فيصل الله يخليك لاتترك هيفاء هي مالها ذنب انا السبب في كل اللي صار..
فيصل كان يناظرها بأحتقار وصدره يرتفع وينزل بسرعه..
جنا وهي تشهق:آسفه..<<انتظرته يرد..يصرخ..يعصب..ولو يقلب الطاوله هاذي على راسها ماراح تلومه..لكنه كان ساكت..
رفعت راسها وشافت عيونه حمــــــرا..ويده كانت على الطاوله وقابضها بقهر..رفع عينه لها وناظرها بأحتقار..
بلعت غصه ورا الثانيه ونزلت راسها وقلبها يرجف من الخوف..
وقف بسرعه وطاح الكرسي وراه..رمى الفلوس على الطاوله ومشى..
جنا تنهدت بضيق وهي مغمضه عيونها..وحطت يدها على قلبها تهدي نبضاته السريعه..
××
كانت جالسه لحالها في غرفتها المظلمه والبارده..والحزن مخيم عليها..
كانت تناظر كل اللي اذتهم يمرون قدامها مثل الشريط..فركت عيونها وهزت راسها تبي تبعد صورتهم عن بالها وتنسى..
مدت يدها لشنطتها تبي تطلع الحبوب..لكن انفتح الباب ارتبكت وشهقت وهي ترمي الشنطه..
فتح النور وهو عاقد حواجبه:خير مشاعل وش فيك..
مشاعل بلعت غصاتها وبأرتباك:مـ..مافيني شي..
راكان:ليه خايفه طيب..
مشاعل بعدت وجهها عنه ومسحت عرق رقبتها:مو خايفه..
تقدم لها وجلس جنبها وهي سحبت شنطتها وضمتها لصدرها وتراجعت لورا لما لصقت في حافة السرير..
لاحظ الهالآت السوداء..وآثار دموعها اللي جفت على خدها..وشعرها اللي على وجهها متناثر بطريقه غريبه وبأهمال..
قال بحنيه:تعبانه..
مشاعل شهقت وهي تهز راسها..
قرب منها وبعد شعرها عن وجهها وباس جبينها:وش تعبانه منه..
مشاعل وهي ترتجف:مـ..مـ..دري (تركت شنطتها و رمتها لى الارض وقربت منه) ماتدري وش صار لي بغيابك كنت بمووت..
راكان ابتسم بألم:بعد عمر طويل ان شاء الله..
مشاعل مسكت يده:راكان انت اخوي الوحيد لاتتركني هيفاء راحت مع فيصل وابوي..<<نزلت راسها وبكت من قلب..
راكان بلع غصاته..بيقتل نفسه لو توفى ابوه وما كان راضي عنه..قال بألم:ادعي له الله يقومه بالسلامه..<<كانت مشاعل تشهق وحطت يدينها على وجهها وبدى صوت بكاها يعلى..
راكان حظنها لصدره وباااس راسها:خلاص مشاعل لاتضيقين صدري (بعد عنها و رفع راسها ومسح دموعها) خلاص عاد..
مشاعل ابتسمت ومسحت دموعها..
راكان ابتسم و وقف ومد يده:يله تعالي..
مشاعل ناظرته بخوف:وين..
راكان:كلنا مجتمعين تحت لكن ناقصنا انتي..
مشاعل بألم:عن جد تتكلم..
راكان:ايه عن جد..
مشاعل وقفت ومسكت يده وضغطت عليها بقوووه..وهي تناظره بألم وحزن..
راكان:ليه تناظريني كذا..
مشاعل بصوت مبحوح:مشتاقة لك..
راكان حط يده حول رقبتها وابتسم وباسها:حتى انا مشتاااق لك..
مشاعل ابتسمت بألم ومشت معه لتحت..
::
لفت عليها وبصوت واطي:آآه بس الله يبلغني برجعة تركي..
مها بصوت عالي:إيــــش..
لمى تسد اذنها من صوت الاستيريو العالي:سلامة قلبك (قربت من اذنها) اسمعي قلتي لأمي انك حامل..
مها شهقت:وجعووووه اسكتي لا احد يسمعك..
لمى:وانا وش قلت تراه زوجك..
مها:داريه يا شيخه انه زوجي بس ما ابي احد يدري..
لمى:مصيرهم بيدرون من بطنك اللي بينتفخ بعد كم شهر المهم استعجلوا بزواجكم مع اني ما ابيك تروحين عني يامعفنه..
مها ابتسمت:انتي قريب وبتاخذين اللي في بالك..
لمى تنهدت بضيق:خليه يرجع اول..
جلست جنبهم وهي تناظر الفراغ قدامها والدموع مغطيه عيونها..
لمى تأففت..
مها:وش فيك..
لمى من بين اسنانها:شوفي اللي جنبي..
مها بحزن:بعد عمري والله تصدقين ضايق صدري عليها..
لمى بأنفعال:وليه ان شاء الله يضيق صدرك عليها من زينها مالت عليها..
مها:حرام شوفي حالتها وشلون..
لمى بحقد:احســـن..
مها:حرام عليك قولي الله يقوم ابوها بالسلامه..
لمى كشرت:افففف..<<وقفت و راحت تجلس جنب ريم..
:ناس تقهر بصراحه..
ريم ناظرتها بألم:منهم بعد..
لمى لفت عليها:وانتي وش فيك..
ريم بصوت مرتجف:ابد مافيني شي (ابتسمت بألم) مستانسه اني بتزوج اللي احبه بعد كم يوم وشوي واطير من فرحتي..
لمى بضيق:ريم اذا ماتبينه لاتوافقين..
ريم:على بالك يعني اني موافقه غصب عني بتزوجه..
..كان متوجه للحديقه من بعد ما انهى مكالمته مع مشاري وكان يضحك على هباله لكن لما سمع كلام ريم حس بغصه في حلقه..وشي يضغط على صدره ويألمه..
قرب منها وهمس:والله ماراح يصير الشي اللي ماتبينه..
ريم شهقت ولفت مرتاعه..شافته يلف ويبعد عنهم..
لمى لفت وبأستغراب:من هذا..
ريم وهي تحط يدها على قلبها تهدي من نبضاته:نايف..
لمى:وش يبي..
ريم:ولا شي جاي يسلم بس..
لمى:اهااا..
::
دخل وشماغه على كتفه وفاتح ازاريره..يحس ان فيه شي يخنقه..ويحبس انفاسه..
قال بصوت عالي وهو يأشر لفهد:فهـــــد..
فهد ركض لعنده:نعم..
فيصل بضيق:ناد لي هيفاء..
فهد قعد يرفع حواجبه بحركه سريعه:وش تبي فيها..
فيصل فتح عيونه على الاخر :وانت وش عليك رح نادها وانت ساكت..
فهد تأفف:طيب ياخي لاتدف..
فيصل كان ماسك نفسه لايضحك:يله رح بســـــرعه..
فهد لف وهو يتحلطم:طرااار ويتشرط..
فيصل رفع حاجبه وابتسم بدون نفس:وش تقول..
فهد مكشر:بعد حرام الواحد يكلم نفسه..
فيصل:اقول رح وبلا هذره زايده..
فهد راح للحديقه..وكانت هيفاء رابطه الطرحه على خصرها وترقص مع راكان وهي تضحك..وتهز كتوفها وخصرها و ودها تبكي من فرحتها..
والجالسين كانوا يصفقون لهم بحراره..
قالت بصوت عالي:فهووود تعال ارقص معي..
فهد تقدم لها:طيب ترى زوجك يبيك..
ابتسمت من قلب على كلمته"زوجك"..فكت الطرحه من على خصرها وربطتها على خصره:يله ارقص مع راكان..
فهد بدون نفس وهو يفك الطرحه ويرميها:وش شايفتني فيفي عبده..
هيفاء نزلت لمستواه:هههههههههههههههههههههههههه لا وش جاب لجاب (شافته مكشر وكشرت معاه) الحين انت وش فيك زعلان..
فهد:ياختي زوجك رافع ضغطي..
هيفاء:طيب اوريه ولايهمك..
راكان:يله تعالي كملي..
هيفاء وقفت:بروح اشوف فيصل وش يبي..
راكان غمز لها وبخبث:طيب لاتطولين..
هيفاء حمرت خدودها ولفت عنه:مالت على تفكيرك الشين..
راكان:ههههههههههههههههههههههههه..<<بعد ماراحت هيفاء..تقدم لمشاعل ومد يده..
:تعالي ارقصي معي..
مشاعل طاح قلبها و رفعت راسها بصدمه:نعم..
راكان سحبها مع يدها:تعــــالي..
مشاعل كانت واقفه تناظره بصدمه..وماصحاها من صدمتها إلا اصوات الجالسين يشجعونها ترقص..
:يلـــــــه شعوووله..
مشاعل ضحكت وعيونها متجمعه بدموعها..رفعت الطرحه و ربطتها على خصرها و رقصت وهي تضحك و راكان وقف يصفق لها..
::
؛؛..انسى كل الناس خليني احظنك..
غمض عيونك وانسى في حظني نفسك..؛؛

 

[دمعة قلق]

تقدمت له وهي تلم شعرها وتحطه على جنب وتبتسم له:نعم سم امر لبيه..
فيصل تقدم لها وعيونه تدمع..ابتسم لها وقرب منها وباس جبينها بوسه طويـــــــــله..
بلعت غصاتها وهي مو مصدقه اللي يسويه فيصل..بعد عنها وهي مصدووومه..
:فيصل وش فيك..
فيصل رفع يدها وضغط عليها وبألم:هيفاء انا آسف..
حست ان اللي بينها وبينه خلاص بينتهي..صارت يدينها ترتجف واطرافها بااارده..
"لاااا مستحيـــــــل تتركني مستحيل"..
قالت وهي ترتجف وتبكي وحطت يدها على شفايفه..
:الله يخليـــك لاتقولها (شهقت وهي تحط راسها على صدره وتشد ثوبه) مو انت وعدتني ماتتركني (قالت وهي تبكي بشكل يقطع القلب) فيصل انا ما اقدر اعيش بدونك سو فيني اللي تبي اقتلني بس لاتخليني (بعدت عنه وهزته بقوووه ودموعها على خدها) احبك يافيصل والله احبك الله يخليك لاتتركني..
شهق وحظنها ويدينه لمتها لصدره بقوووه:وانا امووت فيك..
كانت تحس بأحساس غريب وفي نفس الوقت حلو..وهي بين يديه ومافيه اي قوه بتبعدهم عن بعض..
قال بهمس:سامحيني..
بعدت عنه وهي ميته من الخوف:فيصل تكفى لاتتركني..
فيصل بعد شعرها عن وجهها ومسح دموعها وهو يبتسم:انا اترك روحي ولا اتركك..
هيفاء ضحكت وفي نفس الوقت تبكي من فرحتها..رمت نفسها عليه وبصوت عالي:احبـــــــك..
فيصل:ههههههههههههههههههههههههه اذني ابيها..
هيفاء بعدت عنه وهي ترتجف وابتسماتها على شفايفها..:ماني مصدقه يافيصل..
فيصل ابتسم من قلب:لا صدقي انتي روحي انتي هواي اللي اتنفسه..
هيفاء رمت نفسها عليه وهي تضحك وهو دار فيها والارض مو سايعتهم من فرحتهم..
××
,,..بعد يومين..,,
زواج..رياض&دانا..

طلعت الدرج وابتسامتها مرسومه على شفايفها..وقبل ماتدخل غرفتها ناداها..
:غـــــــاده..
غاده لفت:وش تبي يالمعرس..
رياض ابتسم من قلب:امشي ابي استشيرك في شي..
غاده تقدمت له:وشو..
رياض:وش رايك البس شماغ وإلا غتره بيضاء..
غاده رفعت كتوفها:عادي ماتفرق..
رياض دفها:اقوووول اطلعي اطلعي مالت علي يوم قلت ابستشيرك..
غاده بسرعه:لحظه لحظه..
رياض:خير..
غاده بأستهزاء:البس الغتره البيضاء علشان دانا تضيع تدور وجهك وينه..
رياض دفها وسكر الباب:اقووووووووول انقلعي..
غاده:ههههههههههههههههههههههههههههه..
××
كانت جالسه على ركبتها في وسط سريرها وتبكي من قلب وهي تضم رسالة بندر وشهقاتها واصله سابع سما..
كانت صورته تمر قدامها مثل الشريط..ينعاد ويعذبها..ويطعنها ويقطع قلبها..
نزلت دموع حاآآره تحرق خدها..دموع قهر..دموع عذاب..دموع فرقا..دموع وداآآع..
بتودع فيها حياتها..وبندر للأبد..
صارت ترتجف بشكل مو طبيعي وتبوس رسالة بندر اللي اختلطت بدموعها وسال الحبر اللي فيه..
تمددت على سريرها وغمضت عيونها وهي تعض شفايفها المتقطعه..وتضم رسالة بندر لصدرها..
دقت الباب عليها:دااانووووه افتحي..
دانا:.............
ريناد:دانا الكوافيره تنتظرك من ساعه اطلعي..
دانا تكورت على نفسها وبكت من قلب ودموعها بللت وسادتها..
ريناد:بتفتحين وإلا وشلون..
عدلت جلستها وشعرها وناظرت رسالته للمره الاخيره..غمضت عيونها ونزلت دموعها وهي ترتجف..قطعتها وكأنها حكمت على قلبها بالإعدام..
وقفت وهي تترنح وقبل ماتفتح الباب مسحت دموعها..وفتحته..
ريناد شهقت:هذا شكل وحده زواجها اليوم..
دانا نزلت راسها وبكت:إلا قولي موتها اليوم..<<شهقت و رمت نفسها عليها..
:آآآآآه يابندر..
ريناد كانت شوي وبتبكي:خلاص دانا تكفيـــــن خلاص..
××
كانت نايمه وهو قاعد على راسها ويمرر اصابعه على وجهها ويبتسم..كانت لابسه قميص ابيض..وشعرها الاسود متناثر على المخده..شكلها كان مثل الملاك الطاهر اللي نزل نور حياته..وملك قلبه..
فتحت عيونها وابتسمت وبصوت كله نوم:صباح الخير..
فيصل:اي صباح قولي مساء الخير..
هيفاء عدلت جلستها وهي مرتاعه:ليه كم الساعه..
فيصل:اربع ونص العصر..
هيفاء شهقت و رفعت الغطا بسرعه:يااااااااااربي نسيت اليوم زواج دانا..<<نطت وخذت فوطتها وتوجهت للحمام ((الله يعزكم)) لكن وقفها صوت فيصل..
:تراني زعلان..
هيفاء لفت وهي حاطه يدها على خصرها وابتسمت:ومن اللي زعلك..
فيصل يأشر على خده:يعني مافيه حلاوه اليوم..
هيفاء توردت خدودها..تقدمت له وهي منزله راسها:آسفـــه نسيت..
فيصل مسكها ودفها على السرير وقرب منها:نسيتـــــي هاه طيب اوريك..
هيفاء لفت وجهها عنه وبخجل:لا فيصل مو وقتك متى يمديني اروح الكوافيره والبس..
فيصل بعد عنها:يعني زواج دانا اهم مني..
هيفاء عدلت جلستها وحظنته بأقوى ماعندها:عاااد انت صدقت انت اهم شي عندي الله لايحرمني منك..
فيصل ابتسم من قلب:و لامنك..
××
كانت جالسه وضامه رجلينها لصدرها وبصوت مرتجف وبقهر:اكيد وحده من هالألمانيات الخايسات عجبته..
ريم ابتسمت بألم:حرااام عليك انتي ماتدرين وش كثر تركي يحبك ودايماً يسأل عنك..
لمى:لو كان يحبني كان اتصل وطمني عليه اففففف ليه انا اشغل بالي فيه وهو ولا فكر فيني..
ريم وقفت:اقول انتي الحكي معك ضايع..
لمى تمددت على سريرها وحطت المخده على وجهها:اففففففففف..
ريم:ماراح تروحين الزواج..
لمى:مالي خلق..
ريم:ترى ام رياض بتزعل عليك..
لمى بأنفعال:غصـــــــــب يعني اروح مالي خلق..
ريم تنهدت بضيق:طيب على راحتك..
سمعت صوت الباب يتسكر..رفعت المخده عن وجهها و رمتها على الجدار وصرخت:افففففف..
الجده نوره كانت جالسه في الصاله اللي فوق وسمعتها:وجـــــــــــــــع..
ريم تتقدم لجدتها:ههههههههههههههههههههههه..
الجده نوره بعصبيه:وش سالفتها ذي..
ريم خذت عبايتها وشنطتها:خبله ماينشره عليها المهم يمه تامرين على شي انا رايحه..
الجده نوره:وين..
ريم:بروح اتجهز لزواج دانا..
الجده نوره ابتسمت:الله يوفقها هالبنت تستاهل كل خير..
ريم:آمين..
الجده نوره:وانتي بعد جعلي اشوفك عروس قولي آمين..
حطت الملح عـ الجرح..بلعت غصاتها وتجمعت الدموع في عيونها..
قالت بعد ما باست راس جدتها:يله يمه اشوفك على خير مع السلامه..<<لفت ونزلت قبل ماتلاحظ دموعها وتفظحها..
الجده نوره بصوت عالي:انتبهي على نفسك يمه واقري المعوذات قبل ماتروحين..
ريم:ان شاء الله..<<لبست عبايتها وهي تعض على شفايفها بقهر..
"يعنـــي لازم تفتحون لي هالسيره وتنكدون علي كفايه اللي فيني"..<<تغطت وطلعت فتحت باب السياره لكن جا واحد وسكره..
كانت موصله معها وتبي تحط حرتها في اي واحد قدامها لفت وجهها وبعصبيه:هيــ..<<سكتت وهي تناظره بصدمه..
:انت وش جابك..
محمد رفع نظارته وابتسم وهو يمد يده ويسحب الغطا:مشتاق لك..
ريم ضربت يده وبقهر:وجــــــع انت وش تسوي..
محمد بوقاحه وهو يقرب منها وهي تراجعت لورا لما لصقت على السياره:زوجتي ابي اشوفها حرااام بعد..
ريم لفت وجهها عنه وصدرها يرتفع وينزل بخوف:محمد بعد إنا في الشارع..
محمد بخبث:عقبال ما اشوفك في..
ماكمل كلمته من صوت السياره اللي كانت مسرعه وطلع صوت الفرامل على الزفلت..نزل وهو معصب وثاااير الدم في راسه..
مسكه مع بلوزته وسنده على السياره وصرخ بعصبيه:ياولــــــد الـ..؟؟ وش جاي تسوي هنا هاه..
محمد دفه عنه وبأحتقار:جانا خويها الثاني..
ريم كانت ترتجف من الخوف..خوف في انه يسوي في نايف شي..مسكته:نايف..
نايف صرخ فيها:بعـــــدي انتي (ناظر محمد و رفع اصبعه المرتجف بتهديد) اسمع قســـــم بالله وهذاني حلفت ان شفتك مار بس من هالشارع وإلا ماشي في طريق ريم لا تلوم إلا نفسك..
محمد بعصبيه:يعنـــــــي وش بتسوي..
نايف يضغط على اسنانه والشرار يتطاير من عيونه..قرب منه وعطاه بوكس..حس محمد ان اسنانه تكسرت والدم بدى ينزف من فمه..
قال بأحتقار:تبــــي واحد ثاني ترى ماعندي مانع يدي تحكني تبي تعطي كفوف ومن حسن حظك جت فيك..
محمد حط يده على فمه وناظر الدم اللي لوث يده..رفع عينه وناظر نايف بأحتقار وحقد..
:قدها..
نايف بعصبيه:قدها ولو ماكنت قدها كان ماسويتها..
ريم لفت على نايف وصدرها يرتفع وينزل ودموعها على خدها وعيونها حمرا..قال بصوت مرتجف:انت وش تبي مني..
نايف ناظرها بأستغراب وقلبه يتقطع وهو يشوف دموعها:تسألين وش ابي يعني للحين ماتدرين..
محمد بوقاحه:الله بـدى المسلسل المكسيكي..
نايف عض شفايفه بقهر وتقدم له لكن ريم منعته:خلاص نايف..
نايف وقف بس علشانها..
محمد ناظرهم بأحتقار وضحك بأستهزاء:تهنوا في بعض بس الوعد يا ريم جاي في الطريق (ارسل لها بوسه) باااي ياحلووو..<<ركب سيارته وحركها وعيونه ماشالها من على ريم..
نايف قبض يدينه وهو يلعنه في نفسه مليوون مره..
ريم لفت على نايف ناظرت الدموع اللي في عيونه..تمنت انها ما انولدت ولا شافت دموعه..تمنت انها ماتت قبل ماتشوفه بهالشكل..قالت بصوت مرتجف
:ابفهم شي واحد بس انت ليه تحب تعذبني..
نايف ناظرها وبلع غصاته:انا يا ريم..
ريم ماقدرت تشوف الدموع اللي في عيونه..تجاوزته وفتحت باب السياره وبألم وهي تبكي من قلب:عمرك ماراح تفهم..<<ركبت وانحنت على نفسها وشهقت من البكي وهي ترتجف بشكل مو طبيعي..
نايف ناظر السياره وهي تتحرك وقلبه ينعصر من الالم عليها..رفع يده ومسح دموعه اللي نزلت غصب عنه..
لف ودخل بيت جدته..
مشى بخطوات ثقيله وكلمتها تتردد في اذنه"انت ليه تحب تعذبني"..
"بعد كل اللي سويته لك تقولين احب اعذبـك آآآه بس ليتك تحسين بنار القهر اللي تحرق صدري وتقطع قلبي"..
سمع صوت جدته:هـــــــــلا والله وغلا تو مانور المكان..
نايف ابتسم بألم وباس راسها..
××

 

[دمعة قلق]

وقفت و رفعت راسها..ودقااات قلبها كلها رعب وخوف..
كانت رايحه لمستشفـى الامل..تتعالج من السم اللي دمرها ودمر حياتها ومستقبلها..
نزلت راسها وحطت يدها على قلبها:ياااارب ساعدني..
××
قالت وهي توقف عند المرايه وترفع الغلوس:والله صار لي ساعه اتصل عليها ماترد..
ام راكان بخوف:ياااربي ذا البنت وين راحت..
هيفاء:ماما لاتخافين تلقينها في المستشفى عند ابوي..
ام راكان:والله إظاهر..
هيفاء:طيب هدي اعصابك وقولي لي وش رايك البس فستاني النيلي وإلا الاحمر..
ام راكان بأبتسامه:عندك فيصل اسأليه يله مع السلامه..<<وسكرت..
هيفاء ابتسمت وسكرت..
سمعت صوته يصفر:آآآآخ ياقلبي لاشوي شوي علي كثير علي كذا..
هيفاء توردت خدودها:عاد لاتبالغ..
فيصل وقف وراها بالضبط وقرب من اذنها وهمس:والله ما ابالغ لو قلت انك تسوين عمري وحياتي كلها ياحياتي..
انفتح الباب:هيـفـ..<<سكتت وبأرتباك..
:آسفـــــــه قاطعتكم..
هيفاء ابتسمت من قلب وبفرحه لان مها طلعتها من الوضع المحرج اللي كانت منه بتمووت من الحيا..
بعدت عن فيصل وتقدمت لها وهمست وهي تسحبها لبرا الغرفه:والله ماصدقتي يوم قلتي لي ان فيصل عنده الرومانسيه زيروو..
مها:اجل حتى انتي نفس حالتي..
هيفاء:ليه وش فيك..
مها:طلال معذبني في هالحياة احس اني في فرن من كلامه..
هيفاء:هههههههههههههههههههههه نفس الشعور..
ام فيصل ناظرتهم بأعجاب:ما شااااء الله تجننون بتغطون على العروس..
هيفاء ابتسمت:تسلميـــن..
فيصل طلع وغمز وهو يحط يده حول رقبتها:يعني على بالك بتنحاشين مني..
هيفاء ناظرته وبأرتباك وهمس:مو قدام خالتي..
فيصل طول صوته:عااادي وش فيها انتي زوجتي..
ارتفعت حرارة جسمها وبعدت يده عنها وناظرت مها:بالله عليــك هذا عنده الرومانسيه زيرو والله قيس ابن الملوح مايجي ربع رومانسيته..<<لفت ودخلت وسكرت الباب..
الكل:هههههههههههههههههههههههههههههههه..
××
جفف شعره ولف على راكان اللي متربع على السرير ويناظره..
مشعل:خيـر ان شاء الله..
راكان وقف وتقدم له:معجب..
مشعل:طس بس..
راكان:ههههههههههههههههههه يله انا ماشي..
مشعل:وين مو قلت بنروح الزواج سوا..
راكان يشد قميصه:بروح اتحمم وابدل ملابسي..
مشعل:تعال وش سالفة هالسلسال..
راكان:تبيه..
مشعل:لا وش ابي فيه بس اسأل وش معنى حرف الـr (غمز له) تحب..
راكان"ليت تدري اني ميت على اختك" ابتسم بألم:لا وش احب يله تامر على شي..
مشعل:سلامة قلبك..
راكان وهو يتوجه للباب:الله يسلمك مع السلامه..
مشعل لحقه..
راكان:وين وين..
مشعل:بوصلك عند الباب..
راكان دفه على السرير:اقول استريح ادله..
مشعل:طيب لاتدف..
راكان:تعورت ياقلبي..
مشعل رمى عليه المخده:لا شكل فيصـــــل وهيفاء خربوك..
راكان وهو يطلع:هههههههههههههههههههههه..<<نزل تحت وانفتح الباب دخلت وخبطت فيه بقوووه..
ارتاع و رفع راسه وشافها تبكي من قلب وتشهق..
دق قلبه بقووه وبخطوات سريعه تقدم لها:ريــم..
ريم رفعت راسها وعيونها حمرا..قالت بصوت مرتجف وهي تبعده عنها:بعد انت الثاني..<<وطلعت الدرج بسرعه وصوت بكاها يعلى..
راكان ناظرها بألم لما اختفت عنه..لف وطلع..
وقلبه يتقطع عليها..
××
نزل فنجاله وبضيق:لا صدقيني لاني متضايق ولاشي بس ما نمت امس زين..
الجده نوره ابتسمت:طيب قم نام قبل ماتروح الزواج..
نايف:اي زواج..
الجده نوره فتحت عيونها على اخر شي:لا انت مو بصاحي زواج بنت خالك مين بعد..

 

[دمعة قلق]

نايف بدون اهتمام:ايه صح نسيت..
الجده نوره:و وراك تقولها كذا لايكون للحين تحبها خلاص يايمه البنت خذت نصيبها وانت ان شاء الله بتاخذ نصيبك..
نايف بدون نفس:يمه من قال اني احبها..
الجده نوره:طيب ليه تضايقت يوم فتحت سيرة زواجها..
نايف تنهد بضيق"بلاك ماتدرين وش بيصير في اخوي لو درا ان زواجها اليوم":وش تبيني اسوي يعني اقوم ارقص..
الجده نوره بأنفعال:وش فيك الحين تكلمني كذا..
نايف نزل راسه وضغط على الفنجال بقهر:اسف يمه ما كان قصدي..
الجده نوره:لا انت وراك سالفه..
نايف رفع راسه وبلع غصاته والفنجال في يده شوي وينكسر:يمه بسألك متى ملكة ريم..
الجده نوره ابتسمت من قلب وبفرحه:ان شاء الله الاسبوع الجاي (حطت يدها على كتفه وابتسمت) عقبال ما اشوف زوجتك جنبك و اوعدك ارقص في عرسك حافيه بعد..
نايف ضحك بألم:مو خايفه يقولون لك انهبلت..
الجده نوره:يقولون اللي يقولونه بعد عرس ولدي مايبوني افرح..
نايف ابتسم بألم..و وقف:يله يمه انا ماشي تامرين على شي..
الجده نوره:وين تو الناس..
نايف بدون نفس:بروح اتجهز لزواج ذي والله لو مو خايف خالي يزعل علي كان مارحت..
الجده نوره:وليه ان شاء الله ماتروح..
نايف:كذا مالي خلق و راسي مصدع (باس راسها) يله مع السلامه..
الجده نوره:مع السلامه وسلم لي على ابوك وامك..
نايف وهو يتوجه للباب ويفتحه:يوصل..
بعد ماطلع نايف..نزلت وهي منزله راسها وتتأفف..
الجده نوره اشرت لها:تعالي تعالي..
لمى تقدمت لها وهي مكشره ومتكتفه:سمي..
الجده نوره:حتى انتي مالك خلق و راسك مصدع وما ودك تروحين الزواج..
لمى جلست جنبها:اصلاً ماراح اروح خلقه..
الجده نوره شهقت:تبيـــن ام رياض تزعل عليك..
لمى لفت عليها:تكفين وجودي وعدمه واحد..
الجده نوره:من قال..
لمى تربعت:انا اقول..
الجده نوره:انتو الحين وش سالفتكم ريم متضايقه ونايف وانتي خيـر وش فيكم..
لمى تجمعت الدموع في عيونها"وش كثـر مشتاقة له ليته يحس فيني"..<< حطت راسها على فخذ جدتها وغمضت عيونها..
:يمه متى اخر مره كلمتي فيها تركي..
الجده نوره:امس ليه تسألين..
لمى تنهدت بضيق"ومستخسر تدق دقه وحده على لمى ياتركي":لا بس لقافه..
الجده نوره:انتي لو تتركين اللقافه عنك كان إنا بخير (ضربت جبينها بخفه) بعدي عني عورتي رجولي..
لمى عدلت جلستها مرتاعه وفركت جبينها:آآآآآح يمه شوي شوي..
××
مسكت نفسها وحبست دموعها..خلاص ماتبي تبكي ولازم تعيش هالواقع وترضى فيه..
هذا نصيبها وانكتب لها..ومحد يقدر يغير المكتوب..
دخلت وعيونها غرقانه بدموع الفرح..حظنتها وقلبها بيطير من الفرحه:مبروووك يمه الله يتمم عليكم..
دانا بدون احساس وبصوت مبحوح:الله يبارك فيك..
ريناد كانت واقفه عند الباب وتمسح دموعها..كانت المفروض تكون فرحانه في هاليوم..لكن كانت حزينه لان اختها مو براضيه تنسى بندر ولا راضيه تفرح في هالليله اللي تتمناها اي بنت ولاتفرحها معها..
سمعت صوت احد وراها:عقبالك وانا ابوك..
لفت مرتاعه:يبه..
ابودانا:افاااا وش هالدموع..
ريناد نزلت راسها وشهقت من البكي:بفقدها..
ابودانا حظنها وهي كانت حاطه يدها على وجهها وتبكي من قلب..
:ادعي لها بالتوفيق..
ريناد بعدت عنه وابتسمت بألم وهي تمسح دموعها:اخاف املي ثوبك بدموعي عاد وش يفكني من (بصوت واطي) مرتك..
ام دانا بصوت عالي:رينادوه تراني اسمع مانيب صمخا..
ابودانا وريناد:هههههههههههههههههههههههههههه..
دانا كانت تناظر امها وابوها وريناد اللي دخلوا لغرفتها"ودي اضحك معكم ودي افرح بهاليله آآآه يابندر خذت مني كل شي و رحت فرحتي وكل حياتي اللي ما عرفتهم إلا منك انت"..
تذكرت الخاتم اللي اهدت له اياه..وصوته يوم كان يغني وهي سجلته بجوالها..ويوم رجعوا لبعض بعد ما تراجع نايف عن خطبتها..و رسالته وكل كلمه مكتوبه فيها..
تذكرت الليالي اللي كانوا فيها يكلمون بعض..والايام اللي جمعتهم سوا..
تذكرت ضحكته..وهمسته..وكلامه..وصوته..وصورته المحفوره في قلبها..
كل هذا بتقـدر تنساه..مستحيـــــل..
مسحت دمعه خاينه نزلت من عيونها..و رفعت راسها على صوت ريناد اللي قالت بجفاف..
:يله تعالي علشان تحطين الميك آب..
دانا:وش فيك شكلك متضايقه..
ريناد شوي وبتبكي:انا وإلا انتي (شهقت وحطت يدها على فمها) خلاص عاد ابتسمي خلصت دموعك من كثر مابكيتي وفري لي شوي اذا تزوجت..
دانا ابتسمت بألم وحظنتها..
××
وقف سيارته ونزل..:احمد موجود..
الحارس:العم احمد ايوه موجود..
راكان بقهر:ياخـــــي اسمه احمد حاف تراك تقهرني اذا قلت عم ذاك يستاهل ينقاله عم بصراحه شكله ما يأهل..
الحارس ابتسم بدون نفس..
راكان كشر:شكل مو عاجبك كلامي..
الحارس:يعني ماشي حاله..
راكان رفع حاجبه:ماشي حاله هاه (دفه عنه) بعد بس بعد..<<دخل الاستراحه الواسعه وابتسم..
"اشتقت له واشتقت لأستراحته ذا المنتف (ابتسم بأستهزاء) اما عاد منتف كثر لي منها ياركين خخخخ"..<<دخل للصاله وشافه جالس مثل عادته..فاتح الاستيريو ويدخن..
تقدم له وقرب من اذنه وبصوت عالي:احمدووووه..
احمد ارتاع ونزل رجله..لف عليه وفتح فمه من صدمته..
راكان:هههههههههههههههههه وش فيك..
احمد وقف وحظنه بأقوى ماعنده:راكانوووه اشتقت لك يالدب..
راكان:وانا اكثــر..
احمد بعد عنه وطفى سيجارته وبفرحه:متى رجعت..
راكان:قبل يومين..
احمد:افااااا وما تقول لي..
راكان:انشغلت شوي مع اهلي..
احمد:ولو مو بناقصك شي لو رفعت السماعه وقلت لي تراني رجعت وانا مستعد اجي لك ترى هاذي ثاني مره تسويها..
راكان:عاد راحت عن بالي..
احمد عض شفايفه بقهر:جد انك دب..
راكان:ههههههههههههههههههههه كلامك المر عسل على قلبي..
نزلت وهي تشد شعرها وهي دايخه..اول ماسمعت صوته رفعت راسها وشهقت..
لف على مصدر الصوت وفتح عيونه على اخر شي وبنبرة عصبيه:هاذي وش جابها عندك..
ارتجفت وتراجعت لورا وتمسكت في الدرابزين..خافت انه درا بأنها هي السبب بموت ابوراكان..

 

[دمعة قلق]

قالت وهي تبكي وترتجف:والله مو قصدي ادفه هو اللي كان بيقتلني راكان سامحنــــي تكفـى سامحني ماكنت ابيه يموت بسببي انا..
راكان رفع حاجبه بأستغراب:وش يموت (لف على احمد) وش تقول ذي وش تقصد..
منال ارتاحت..وحطت يدها على قلبها..يعنـــــي ابوراكان ما مات..وراكان مايدري عن شي..
احمد ناظر منال بأحتقار:شكلك شايفه فيلم هندي قبل ماتنزلين لنا..
منال لفت وطلعت الدرج بسرعه:ايه شايفه شايفه..<<دخلت غرفتها وسكرت الباب وتسندت على الباب وتنهدت براحه..
كانت بتروح فيها وبتقتل نفسها بنفسها..
حمدت ربها مليون مره انها ماقالت شي..
دمعت عيونها..هاذي اول مره تذكر ربها..نست اللي خلقها و انجرت ورا ملذات الدنيا..
بكت وهي ترتجف..وش بتقول لربها لو اخذ روحها..
نهارها تقضيه بالنوم..وليلها تقضيه بالسهرات المحرمه والشرب والرقص والفواحش..
توجهت للحمام ((الله يعزكم)) وتوضت..طلعت ودروت على جلال وسجاده..مالقت..
رفعت عبايتها ولبستها..نزلت راسها وهي تعض شفايفها بقهر..ماتدري وين معه القبله..طلعت و من حسن حظها لقت وحده من الخدم وكانت مسلمه..تقدمت لها بخطوات سريعه وبسرعه:تكفيــن قولي لي وين القبله معه..
الخدامه ناظرتها بأستغراب..وحست انها سامعه غلط:إيش كلام..
منال:وين القبله..
الخدامه ابتسمت وآشرت لها على القبله..
منال ابتسمت من قلب:مشكوووره..<<دخلت غرفتها وكبرت وصلت وسجدت اول سجده بعد ضياع 15 سنه..
::
قال وهو يهز رجلينه بعصبيه:وانت اي وحده تستقبلها عندك حشا فندق مو بيت..
احمد:اول شي هاذي استراحه مو بيت خخخخ..
راكان بدون نفس:شايفني امزح..
احمد:الحين انت وش فيك عليها تعرفها لك علاقه معها..
راكان بقرف:اعوووذ بالله وش ذا التفكير هاذي اخر وحده افكر اناظرها..
احمد:طيب وش سوت لك..
راكان:هاذي صديقة اختي وحركاتها وقحه وقذره ابعد عنها احسن لك..
احمد بدون اهتمام:بـــــس عشان كذا اذا كانت وقحه انا اوقح منها..
راكان كشر:في هاذي صدقت..
احمد رمى عليه الوساده:وجــع هذا بدال ماتقول لا حشا..
راكان:والله انت اللي قلت وانت عمرك ماكذبت..
احمد:تتريق حظرتك..
راكان:لا حشا هذاني قلتها..
احمد ناظره بقهر..و ولع سيجارته ونفخها في الهوا..
راكان بمزح:انتبه بس لايطيح برطمك..
احمد رمى سيجارته وبعصبيه: راكانووووه..
راكان:ههههههههههههههههههههههههههههههههههههه..
××
حطت الكحل وكان يسيل على خدها..وتمسحه..هاذي خامس مره تمسحه..
رمت الكحل على الطاوله وصرخت:افففففف مايضبط..
دخلت عليها:ريـم ليه تصارخين (ناظرتها من فوق لتحت) وليه للحين مالبستي..
ريم تنهدت بضيق ولفت عليها:بلبس بس لما احط ذا الزفت اللي مو راضي يضبط..
ام مشعل:ليه تبكين..
ريم مسحت دموعها:ما ابكي..
ام مشعل:لااا وهالدموع وش هي..
ريم لفت على المرايه وشغلت نفسها بتعديل الميك آب..كانت تبي تتهرب من سؤال امها..
ام مشعل:ريم انا احاكيك..
ريم رمت الكحل من يدها ولفت عليها وبعفويه وبقهر:تدرين الحقير اللي بتزوجوني اياه بالغصب شفته اليوم مرتز عند بيت امي نوره مثل الجني ويوم طلعت قعد يسوي حركات وقحه مثل وجهه في الشارع والحمد الله ما كان فيه خلق وإلا كانت سيرة ريم بنت فهد على كل لسان..
ام مشعل:ليه وش سوا..
ريم بعدت وجهها عنها:خليني ساكته احسن..
ام مشعل بأصرار:لا قولـــــي..
دخل مرتاع:خير وش صاير..
ام مشعل وهي تناظر ريم بقهر:لا ولاشي امش معي انت (توجهت لناحية الباب وقبل ماتطلع) وانتي لي قعده معاك اذا رجعنا..<<طلعت وسكرت الباب..
جلست على الكرسي وعضت اصبعها بقهــــــر و رمت اغراضها اللي على الطاوله:اففففففففف..
::
سحبته لغرفتها وهو مايدري وش السالفه لف عليها وشال يده عنها:يمه وش صاير..
ام مشعل:مو صاير إلا كل خير..
مشعل:اي خيـــر انتي شفتي شكلك وشلون..
ام مشعل لفت على المرايه وقعدت تعدل شعرها:وش زيني بس انت اللي عيونك مدري وش فيها..
مشعل بجديه:يمه انا مو قاعد امزح قولي لي وش فيك و وش فيها ريم..
ام مشعل:مافينا إلا العافيه بعدين فيه شي خاص بيني وبين ريم مالك دخل فيه..
مشعل:شي حريمي يعني..
ام مشعل ابتسمت:ايه حريمي رح بس تجهز وبلا كثرة حكي..
مشعل وفي صوته الضحكه:طرده ذي..
ام مشعل لفت عليه:سمها مثل ماتبي يله ظف وجهك خلني اشوف شغلي..
مشعل باس راسها:حتى طردتك عسل على قلبي..
ام مشعل ناظرته بنص عين:ياشيــن المصلحه خلصني تبيني اقول لفي شي..
مشعل ابتسم من قلب:ابيك تسلم لي عليها وتعطينها بو..
ام مشعل قاطعته وهي تدفه:اقووووول بلا قلة حيا تراك مسختها..
مشعل:هههههههههههههههههههههههههههه بذمتك عاد قلة الحيا حقتي مو حلوه..
ام مشعل وفي صوتها الضحكه:مشيعيـــــل خلاص عاد فكني..
مشعل آرسل لها بوســـــه:ان شاء الله طال عمرك..<<لف و راح لغرفته..
ام مشعل لفت على المرايه وابتسمت"الله يوفقك ويسعدك دنيا وآخره"..
××
رفعت خصلتها وابتسمت:ايووه كذا احلى..
ام فيصل ناظرتها وبحنيه:يمه سامحيني كنت ظالمتك و..
هيفاء قاطعتها:خالتي وش هالحكي انتي مثل امي وتمونين لو توطيتي في بطني عادي ماراح اقولك شي..
ام فيصل ابتسمت من قلب:الله يسعدك ويفرحك مثل مافرحتيني وفرحتي فيصل..
دخل وهو يبتسم:قاعده تتغزلين في مرتي يمه (ناظر هيفاء) وانتي راضيه..
هيفاء حطت يدها حول رقبة ام فيصل وباستها بقووووه:ايه راضيه وش بتسوي يعني..
فيصل ابتسم بخبث وتقدم لها:وش بسوي..
هيفاء بعدت عن ام فيصل وبأرتباك:لا تكفــى خلاص خلاص آسفه..
فيصل:وش عقبه..
هيفاء طلعت من الغرفه بخطوات سريعه:فصيـــــــل مو وقتك ترى..
فيصل لحقها:وفصيل بعد..
ام فيصل:ههههههههههههههههههههههههههههه شوي شوي عـ البنت..
فيصل:اوريك فيها (مسكها وسندها على الجدار) قلتي لي وش بتسوي..
هيفاء حمر وجهها وبعد ما شافت خالها واقف تمنت الارض تنشق وتبلعها..حطت يدها على وجهها..
:خالـــي..
فيصل:ماتعرفين تصرفين..
ابوفيصل وهو منزل راسه ويبتسم:احـم احم..
فيصل لف مرتاع..و وجهه احمــــر من الفشيله:هلا يبه..
ابوفيصل:ترى فيه صغار هنا واظن عندك غرفه انت ومرتك..
فيصل حط يده ورا رقبته ويمسح العرق اللي نزل من الارتباك:آسف..
هيفاء كان صدرها مرتفع ويوم شافت خالها يدخل غرفته..تنهدت براحه..
سمعوا صوت مها واقفه عند الدرج وميته من الضحك:ههههههههههههههههههههههههههههه..
فيصل لف عليها منقهر:عقبال ما يشوفك انتي وطليل..
مها سكتت وبلعت ريقها من كلامه..قالت وهي تتوجه لغرفتها و وجهها انصبغ:اقووول انطم بس..
فيصل وهيفاء:هههههههههههههههههههههههههههههههه..
××
دخلت وشافت ناديه جالسه مع شهد وساره..قالت وهي تتصنع الابتسامه..
:اهليــــــن تو مانور المكان..
ساره وقفت وابتسمت:هلا فيك كيفك..
جنا:بخيـر دامك بخير اخبارك انتي وناصر..
ساره ابتسمت:حمد الله..
شهد وقفت وسلمت عليها:ماشاء الله طالعه قمـر..
جنا ضحكت مجامله:لا عاد لاتجاملين..
شهد:والله اتكلم عن جد (غمزت لها) بنخطبك..
جنا ابتسمت بألم ونزلت راسها..
ساره:شهدوووه حرام عليك احرجتيها..
جنا قالت وهي تمسك نفسها لاتبكي:عن اذنكم..<<وطلعت الدرج بسرعه..
ناديه حست فيها وتضايقت..ابتسمت بضيق:اجلسوا وش فيكم واقفين..
شهد جلست:ناديوه وش فيها اختك حسيت انها تضايقت من كلمتي..
ناديه:لا لاتضايقت ولاشي..
ساره:المهم ندو اقولك تذكرين تركي..
ناديه بأستغراب:مين تركي..
ساره:تركي هذاك معذب البنات..
ناديه ابتسمت..وهي تتحمد ربها على اللي كانت تسويه اول..كانت تمووت في التراب اللي يمشي عليه تركي..
:وش فيه..
ساره:سافر يتعالج في مدري وين..
ناديه:الله يرجعه بالسلامه..
شهد:ماحنيتي له..
ناديه:لا ماحنيت له وانتي..
شهد:هههههههههههههههههههههههه لا انا عندي من يكفيني..
ناديه وساره وعلامة استفهام كبيره فوق راسهم:مين..
شهد بفرحه:يالدبـــــــا انتي وياها (رفعت يدها اليسار) ما لاحظتوا..
ناديه وساره شهقوا بصدمه..
شهد:ههههههههههههههههههههههههههه وش فيكم..
ناديه بفرحه نطت عليها:يالخايســـــه مبروووووووووك..
شهد:ههههههههههههههههههههه الله يبارك فيك..
ساره بفرحه:ازغرط..
ناديه:لا تكفين ابوي نايم..
ساره:اصلاً ما اعرف..
الكل:هههههههههههههههههههههههههههههههه..
××
؛؛..واحد ينام وعنده اللي يضمه..و واحد ينام وضمه هم على هم..
واحد لقى له عطر صدر يشمه..و واحد على ريح الحزن ادمن الشم..؛؛

رفعه بين يدينه وباسه بأقوى ماعنده:شخبارك..
فيصل ابتسم لأبوه..
سعد ابتســــم وبصوت عالي:فديـت امك انا..<<اختفت ابتسامته وبلع غصاته..
"آآه ياخلود وحشتيني"..
نزل راسه لولده وقعد يلعبه وهو يتصنع الابتسامه..
نزلت:هلا يمه متى جيت..
سعد وهو لاهي مع فيصل:تونـي جاي..
ام سعد:تبيني احط لك الغداء..
سعد:لا يمه تغديت مع خالي ابومشاري..
ام سعد:بالعافيه..
سعد:على قلبك..<<حط فيصل على سريره و وقف..
ام سعد:وين..
سعد:بروح ارتاح شوي وانام..
ام سعد:نوم العوافي..
سعد ابتسم ولف وطلع الدرج لكن وقف يوم سمع امه تناديه..
:سعــــد..

 

[دمعة قلق]

سعد لف عليها:سمي..
ام سعد:تعال شوي..
سعد نزل وتقدم لها:خير يمه امري..
ام سعد:ما يامر عليك عدو اجلس ابيك في موضوع..
سعد جلس جنبها:وشو موضوعه..
ام سعد بأرتباك وحزن:مافكرت تتزوج..
سعد كشر:يمه انتي للحين تفكرين في هالموضوع..
ام سعد:ابي افرح فيك واشوف عيالك..
سعد ابتسم وناظر فيصل:وهالعسل مو مالي عينك..
ام سعد:مو سالفة مالي ومو بمالي يمه انت لازم تتزوج وتشوف حياتك..
سعد وقف:انا بعد خلود ماراح اتزوج..
ام سعد وقفت:انـت ليه تسوي فيني وبنفسك كذا..
سعد بضيق:يمه انا مرتاح كذا..
ام سعد:طيب قل لي مين بيربي ولدك بعد ما اموت..
سعد باس راسها:بعد عمر طويل ان شاء الله..
ام سعد دمعت عيونها:سعـد الله يرضى عليك لاتضيق صدري وتحرق قلبي عليك وعلى ولدك..
سعد بلع غصاته وبضيق:خلاص يمه مالك الا اللي يرضيك..
ام سعد بفرحه:صــــدق يمه..
سعد:ايه..<<لف وطلع الدرج..
دخل غرفته وسكر الباب وفتح ازارير ثوبه وهو يتنهد بضيق..ناظر غرفته..
كان كل شي في محله مثل ماتركته خلود..الشماعه عليها روبها وفوطتها..
عطوراتها ومكياجها على تسريحتها وبنفس ترتيبها ماغيره..
تقدم لسريره وتمدد..ولف للجهه الثانيه وحط يده على وسادة خلود وغصب نزلت دموعه..
"محد بيملي عيني بعدك ياخلود"..<<ضم وسادتها لصدره ومن التعب داااخ ونام..
××
,,..الساعـه 10 ونص pm..,,
قال بصوت عالـــــــي وهو واقف عند الدرج:هاه خلصتي..
مها وهي تعدل شعرها وبصوت اعلى:دقيقــــــــه..
فيصل:افففففففففف..
هيفاء نزلت وهي تسكر عبايتها:يله حبيبي خلصت..
فيصل:ذا البطه توها ماخصلت..
مها بصوت عالي:بطــــــــه في عينك..
هيفاء:هههههههههههههههه..
فيصل عض على شفايفه:عجبتك هاه..
هيفاء وهي تضحك:فيصل اهجد كفايه فشيلتنا اليوم مع خالي..
ام فيصل تقدمت لهم:هاه خلصتوا..
فيصل:ايه بس باقي السنعه بنتك (بصوت عالي) يلـــــــــه..
مها تأفف وطلعت وطلت مع الدرج:خلاص روحوا انتو انا بجي مع السواق..
فيصل:اريح بعد..
مها كشرت ودخلت غرفتها وقعدت تعدل شعرها..رن جوالها بمسج..
رفعته وشغلت مقطع الصوت..
؛؛..مجنون بك واعترف لك صرت مجنونك..<<من سمعته مها شهقت وحطت يدها على فمها و عيونها متجمعه بدموع الفرح لان الكلام يقوله طلال..غمضت عيونها وكل حرف ينطقه يخلي قلبها يرتجف..
لا الذنب ذنبي ولا ذنب الهوى ذنبك..لو كل هالناس بعيوني يشوفونك..ان كان ذاب بغلاك العالم وحبك..
امووووت فيك وفؤادي ينبض بكونك..و اوقف واحس بغرامي يمشي بدربك..وان جيت افكر في نفسي كأني اخونك..
ياكيف افكر في نفسي دامني قربك..احلف بربي احبك مووت واصونك..يا كل عمري خلاص افتح عيونك..
ماقلتلك شي واللي قلته لقلبك..احبـــــك..؛؛..
فتحت عيونها وهي تبتسم وباست الجوال بقوووه:وهــ بس اموووت فيك..
××
نزل من الطياره وهو يضغط على شنطته بقهر..ودموعه متجمعه في عيونه..
تركي بضيق:خلاص ياخوي هد نفسك..
بندر بلع غصاته وآهات طلعت منه تهز جبال:اتمنى اموت ولا اشوفها جالسه مع واحد غيري..
تركي:استغفـر ربك خلاص ادعي لهم بالتوفيق وانت الله بيعوضك خير منها..
بندر بحزن:قلبي مايبي احد غيرها..
تركي ضغط على يده:خلاص اذكر ربك مايصير اللي تسويه بنفسك..
بندر كمل طريقه اللي بعيونه لا له طعم ولالون..
آشر تركي لتاكسي و ركب..و ركب بندر وراه..
سواق التاكسي:وين يبي يروح..
تركي لف عليه:وين تبي تروح..
بندر:دقيقه..<<رفع جواله واتصل على نايف..
::
كان يضبط شماغه ولمحة حزن في عيونه..وكان صدى كلام ريم يتردد في مسامعه ويعذبه..
قطع تفكيره صوت جواله..ناظر الرقم كان غريب..
:الو..
بندر بضيق:هلا نايف..
نايف ارتاع:بنـدر..
بندر بدون نفس:لا خياله..
نايف:انت رجعت..
بندر:ايه رجعت..
نايف بفرحه:الحمـــــد الله على سلامتك وينك انت في المطار..
بندر:توني طالع..
نايف بلهفه:خلاص ابجي لك وتركي معك..
بندر بتعب:ايه معي بس لاتجي انا بروح للزواج وابغى اعرف في اي قصر ..
نايف انصدم:اي زواج..
بندر بألم:زواج دانا..
نايف بعصبيه:مجنـــــــون انت وليه تبي تروح..
بندر بصوت مرتجف وهو يضغط على يدينه بقهر:ببارك لها..
نايف:بنــــدر لاتروح انت ليه تبي تضايق نفسك..
بندر ودموعه بدت تخونه:بالعكس انا فرحان لها..
نايف:العب على غيري..
بندر:بتقولي وين القصر وإلا وشلون..
نايف بقلة حيله:اففف طيب بقولك..
××
جلست بعبايتها وهو جالس قدامها يقرا الجريده:فهد..
ابومشعل نزل الجريده عن وجهه:نعم..
ام مشعل نزلت راسها وبأرتباك:ابي اكلمك عن موضوع ريم..
ابومشعل سكر الجريده وحطها جنبه:خير ان شاء الله..
ام مشعل:اليوم صار بينها وبين محمد شي..
ابومشعل بصدمه:إيــــــــــش..
ام مشعل بسرعه:لا لاتفهم غلط اليوم كانت عند خالتي نوره ويوم طلعت من عندها شافته قدامها وقام يسوي لها حركات وقحه..
ابومشعل:اقول اهجـدي انتي وبنتك لاتقعدون تطلعون كلام على الولد..
ام مشعل انصدمت:انا اطلع كلام..
ابومشعل وقف:محمد اخلاق ومتربي ومايسوي هالحركات..
ام مشعل ناظرته وبألم:يعني ريم بتكذب علي..
ابومشعل:انا ماقلت تكذب بس هي ماتبيه وطلعت كلام علشان ماتتزوجه بس كلمتي بتمشي عليها غصب عنها وملكتها ان شاء الله الاسبوع الجاي وهذا اخر كلام عندي..
كانت واقفه عند الدرج وسمعت كلامه اللي مثل السم..عمر ابوها ماعاملها بهالطريقه..و لاكان يجبرها على شي ماتبيه..
كان حزنها من تعامل ابوها لها اكبـــر من حزنها لانها بتتزوج محمد غصب عنها..
بلعت غصاتها ومسحت دموعها بيدينها المرتجفه..وقبل ماتنزل لفت على المرايه وحاولت تكون طبيعيه..
تنحنحت ونزلت وهي تتصنع الابتسامه:مساء الخير يبه..
ابومشعل ابتسم:هلا مساء النور وش هالزيـــن كله..
ريم بحزن:تسلـــــم..
مشعل نزل وهو يكلم راكان:هاه خلصت..
راكان:ايه خلصت متى بتجي..
مشعل:بطلع من البيت دلوقتي..
راكان ابتسم:طيب لاتتأخر سلام..
مشعل سكر جواله و رفع راسه..ناظر ابوه واختفت ابتسامته..كانت علاقتهم متوتره من بعد اللي صار بينهم آخر مره..
تقدم لأبوه وباس راسه:شخبارك يبه..
ابومشعل:حمد الله بخير هاه انت اللي بتوصل امك ولأختك للزواج..
مشعل قال وهو يتصنع الابتسامه:ايه يله تامر على شي..
ابومشعل وهو يتوجه لمكتبه:لا سلامتك وشوي وشوي وانت تسوق لاتطير..
مشعل:ان شاء الله (بعد ماسمع صوت باب مكتب ابوه يتسكر..لف على امه وبصوت واطي) وش فيه رجلك علي..
ام مشعل وقفت:اقول اسكت لايسمعك ويحط حرته فيك..
مشعل طلع مفتاحه من جيبه:طيب يله تأخرنا على راكان..
ريم شهقت:راكان بيروح معنا..
مشعل ناظرها بأستغراب:ايه بيروح معنا وش فيك..
ريم بأرتباك:لا ولاشي..
مشعل قعد يناظرها بأستغراب..و ريم تبعد عيونها عنه..
ام مشعل:بنطول على هالحاله..
مشعل لف وتوجه للباب:يله امشوا..
××
كانت جالسه على الطاوله لحالها وجوال هديل يرن بألحاح..
تأفف:ويـــــن راحت ذي..<<رفعت الجوال وناظرت الاسم.."ماي براذر"..
غصب عنها ضغطت على الزر و ردت:الوو..
قال بأستغراب:هذا جوال هديل..
ريناد ماسمعت وش اللي قاله من صوت السماعات اللي شوي وبتطيرها خخخخخ..
وقفت و راحت لمكان هادي:نعم وش قلت..
مشاري رفع حاجبه وابتسم يوم تذكر صوتها:لحظه انتي اللي قعدت ساعه اقول لها وشو النيم حقك تقول صديقة هديل..
ريناد ابتسمت من قلب..وماتدري ليه فرحت يوم تذكرها:ايه..
مشاري:هلا والله ريري وش اخبارك..
ريناد وهي شوي وبتتقطع"ياحلو ريري من فمك"..
:بخير..
مشاري:اقول وين هديل..
ريناد قلبها يدق بقووه وشوي وبيطلع من بين ضلوعها..