..][تمــوت عيونهم فيني..وانا بك ميته عيني][..

[دمعة قلق]

قالت بأرتباك وحرارة جسمها مرتفعه:والله مدري وينها..
مشاري:طيب من سمحلك تردين على جوالها..
اختفت ابتسامتها وبعفويه:عادي تراني امون على هديل وبعدين لو ماكنت انت اللي متـ..<<عضت شفايفها وسكتت..
مشاري:انا وشو..
جا صوت من وراه يحبه ويعشقه ويموووت فيه:يله مشاري العشا..
صدمــــــــه..دمرت كل الاحاسيس اللي فيها..
صح انها ماتحبه..ومتعقده من الحب..بس كان قلبها يميل له..
تذكرت يوم استقبلها في بيت هديل..ويوم شافت صورته في اللاب..ويوم دخل الغرفه وشاف هديل فوقها..
ويوم رد عليها وسمعت كلامه اللي حرك شعورها من جوا.."عاد انا ماهمني غير ريري اي شي تبيه بسويه لها.."..
حاولت تتماسك وماتبكي..ومن الصدمه ماقدرت تنطق حرف واحد..
كان مستغرب انها ماردت عليه..رفع كتوفه بدون اهتمام وسكر السماعه..
طووووووط..طووووط..صحت من صدمتها وناظرت الجوال..وسكرت..
عضت شفايفها تمنع شهقاتها تطلع..ومشت للطاوله..
هديل بأنفعال:وينـــــك انتي..
ريناد عطتها الجوال وبصوت مخنوق:اخوك (ما قالت اسمه خايفه تضعف وتبكي..قالت وهي تبلع غصاتها) اتصل عليك..
هديل عقدت حواجبها:وش يبي..
ريناد:مدري عنه..
هديل حطت جوالها على الطاوله:اكيد شي تافه مثل وجهه..
ريناد سحبت الكرسي وجلست ونزلت راسها وهي تفرك يدينها بقهر لما صارت حمرا..
هديل بدون ماتناظرها:اقول ريري وش رايك..
ريناد بدون احساس:في إيش..
هديل لفت عليها:رهف بنت عمي..
ريناد تصنعت الابتسامه:تجنن هالبنت بس ليه تسألين عن رايي فيها..
هديل:افكر اخطبها لماي براذر لانه دايماً يسألني عنها و دايماً اشوفهم مع بعض و اظن ان بينهم علاقة حب (قالت بمزح) تصدقين عمري ماتخيلت مشمش يحب خخخخخخ..
ريناد بصوت مرتجف وشوي وبتبكي..وقفت:بروح اشوف دانا..<<لفت ومشت بخطوات سريعه و دموعها نزلت على خدها..مسحتها بسرعه لكن نزلت من جديد..
ماتدري ليه تبكي وهي ماتحبه ولا عمرها فكرت تحب..بس كلامه خلى قلبها يميل له..وخلى شي في قلبها يصحى..ماتدري وشو هالشي..
طلعت فوق ودخلت لغرفه وسندت جسمها على الباب"طووول عمري امشي على كلام رشود وعلى قولته بلا حب بلا وجع قلب بس وش صار لي يوم سمعت صوت البنت ويوم قالت لي هديل بخطب له ياااربي انا احبه وإلا لا.."<<ابتسمت على تفكيرها الغبي هي اصلاً ماتعرف الحب علشان تحب..
مسحت دموعها..ومسحت هالتفكير من راسها..ومع هالتفكير مسحت مشاري وكلامه..ونزلت لتحت..
اول ماشفتها هديل استغربت..
ريناد وهي تجلس:وش فيك..
هديل:انتي قبل شوي شكل والحين شكل..
ريناد:عادي على قولة رشود ابعد عن الشر وغنيلوه..
هديل شوي وبتقطع شعرها:وش دخل قولة رشود حقك في السالفه..
ريناد:ام رشود وام السالفه يشترون من بقاله وحده..
هديل حطت يدها على وجهها:ياربيـــــــــــــــــه..
ريناد:هههههههههههههههههههههههههههههههههههه..
××
؛؛..طيب تعال..مد كفك وسلم..
اخطيــــت صح اخطيت..لكني اغليك..؛؛

نزل وهو يسكر ازارير ثوبه..شاف امه جالسه في الصاله..
تقدم لها وهو عاقد حواجبه:يمه ليه مالبستي..
ام راكان:ماراح اروح..
راكان:ليه..
ام راكان وقفت:بروح للمستشفى..
راكان:طيب وين مشاعل بعد هي ماراح تروح..
ام راكان:مشاعل طالعه من الصبح..
راكان:طالعه لوين..
ام راكان:إظاهر إنها في المستشفى..
راكان باس راسها:طيب انا ماشي تامرين على شي..
ام راكان ابتسمت:سلامة قلبك..
راكان وهو يتوجه للباب:يله مع السلامه..
ام راكان:مع السلامه..
طلع و وقف عند الملحق الزجاجي وقعد يعدل غترته..كان لابس ثوب نادر مايلبسه..ومضبط السكسوكه اللي كانت خفيفه..
كان اقل كلمه تنقال له جـــــــذاب..<<يالبى قليبه بس خخخخ..
سمع صوت هرن سيارة مشعل..وطلع..
شافه موقف ويبتسم وناظره من فوق لتحت:غطيـت على المعرس..
راكان طاحت عيونه على ريم اللي كانت جالسه ورا..قال وهو ماشال عينه عنها:عاد لاتبالغ..
مشعل:والله ما ابالغ يله اركب تأخرنا..
راكان ركب:سلام عليكم..
ام مشعل:هلا وعليكم السلام وش اخبارك واخبار الوالده ومشاعل..
يوم ماسمع صوتها حس بضيقه فظيعــــــه..:حمد الله بخير ويسلمون عليك..
ام مشعل:الله يسلمهم..
ريم رفعت راسها وناظرته وهو ناظر عيونها من المرايه الأماميه..قال وهو ينزل عيونه..
:وش اخبارك يا ريم..
ريم بصوت مبحوح وهي تضغط شنطتها:بخيـر كيفك انت..
راكان رفع عيونه لها وانواع الحزن فيها:تمام..
ام مشعل قربت من ريم وبهمس:ابتسمي لاتمدين البوز شبرين كأن ميت لك احد..

 

[دمعة قلق]

ريم بلعت غصاتها وهزت راسها ولفت على الشباك.."آآآه بس والله محد حاس فيني وينك يا نايف محتاجتلك"..
××
نزل وحظنه نايف بأقوى ماعنده:الحمـد الله على سلامتك يالغالي..
بندر بضيق وعيونه على القصر:الله يسلمك..<<بعد عنه ومشى للقصر ونايف يناديه لكن بندر مايسمعه لان صوت دانا يرن في اذنه..
نايف لحق بندر لكن تركي نزل ومسكه:خله على راحته..
نايف يناظر تركي من فوق لتحت بدون تصديق:انـــت تمشي..
تركي ابتسم بألم:اخذ لفه علشان تصدق..
نايف حظنه ودموعه على خده:ههههههههههههههههههههههه..
::
؛؛..ابد ماجيت ابارك لك ولكن جيت انا اوصيك
على الله ناويـ(ن) تدخــل بها اللـــيله معذبتي
ترى لولا الظروف اللي عطّـتك وحدّت محاكيك
قســـم بالله مـــا تدخل عليــــها لو على رقبتي
ولكن النصيب أقوى ولا ادري ويش اسوي فيك
نعــم...صــارت معزبتك,,ولا صــارت معزبتي
كذا شـاءت بنا الأقـــــدار تحرمني لجل تعطيك
كذا لازم عشــــان تفوز انت,,أنا اخـسر بتجربتي
تراها غاليــــة جدا..تكفى..والله يخلـــــيــــك
تدللــــــــها..تدلعــــــــها..تنسّــــيها مصاحبتي
أنا من كثر ما اغليها أحس اني بديت أغلـيك
ولاتسـأل بأيـة حـق والا وش مناســــــبتي
لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي
أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي
فداعبـها شوي شوي حـتى تشتهي طاريك
وشاغبها إلـــــــــيـن تقول:بـطّــل من مشاغبتي
واذا هي مالها خلقك,,ولا تضحك ولا تسليك
تحمّلــها وإسألـها:ياعمـــــري ليـــه عصّبـتي
وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي
صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي
ولكن قل لها:المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّــــبتي
وانا مجنونها اللي مـا نساهــــــا وانت مايمديك
تغــطي ذكريـــــاتي..في هواهــــا و ربع تجربتي
أحس اني تماديت بكلامي,,والغضب حـــاديــك
ولو انك في مــكاني ما تفكر في محــــــاسبتي
كفاك اني تركت الليــــله أشغالي عشان أجيك
دخلت القاعه برجلي ولا أدري ويش عاقبتي
وانا ما جيت أخرّب عرسك الليله ولا أذّيـــك
أنا جيتك عشــان أخاطـبك واسمع مخـــاطبتي
توصّــــى...وانتبه..واحرص عليها والله يهنيك
ترى كل الكلام اللي طلع من ضيقي وكبـــتـــي
ولكن ما قدرت اني أقوله وانت مايخفـــــيك
أخـــــاف اني اذا قلته تقوم وتقطـــع رقبــتي..؛؛
::
الكل التفت على الشخص اللي واقف عند الباب ودموعه على خده..ويناظر رياض بنظرات حقد وكره..
من الصدمه وقف رياض وابونايف وابودانا وطلال..
ابونايف بهمس:بنـدر..
مشى بدون احساس ولامشاعر ولانبض..مشى وهو يحس انه يمشي على جمر..
مشى وكل شي في عيونه اسووود..
تقدم له وحط عينه في عيون رياض..وكانت عيونه تتكلم قبل ماينطق بحرف واحد..
قال بألم وهو يمد يده:مبروك عليك دانا..
رياض ناظر يد بندر الممدوده له..ولا مد يده:من انت و وش تبي..
بندر حط يده في جيبه وابتسم على جنب:ما الومك يوم مامديت يدك وسلمت على حبيب دانا اللي هي الحين زوجتك..
رياض انصدم:وش تقـــــول انت..
بندر:لايروح فكرك بعيد انا ولد عمتها وكنت احبها ولاحظ اني قلت كنت وجيت ابارك لك عليها (ابتسم بأستهزاء) شفت ان روحي رياضيه لو واحد غيري كان قلب العرس فوق راسك و راس اللي جابوك..
رياض عصب:انــــــــت متخلف وإلا شارب شي..
كل اللي في القاعه التفتوا عليهم..
بندر على صوته:لا انا بكامل قواي العقليه واصحى منك على العموم اللي يبارك لك فيها سلام..<<لف وطلع بخطوات سريعه..والجالسين كانوا مذهوليـــن من اللي صار..
ابونايف وابودانا لحقوا بندر..
ابونايف مسكه:انت متى رجعت..
بندر لف عليه وهو مو قادر يتكلم..و دموعه على خده:يبه خلني تكفى..<<ترك يد ابوه ومشى لبرا القاعه وهو يبكي..
تركي كان موقف مع نايف..ويوم شاف بندر ارتاع ومسكه:خير وش صار..
بندر مسح دموعه وبصوت مرتجف:ولاشي (التفت على نايف) عطني مفتاح سيارتك..
نايف:ليه وش تبي فيها..
بندر بأنفعال وعصبيه:بصور معها يعنـــــي وش ابي فيها..
نايف عصب:هــــــي اللي باعتك المفروض ماتسوي بنفسك كذا عشانها مع انها بنت خالي بس بقول الصدق والله ماتسوى تراب رجليك..
بندر ضعف ونزل راسه وصوت شهقاته بدت تعلى..
تركي بألم:بندر اذكر ربك..
بندر رفع راسه ومسح دموعه:طيب عطني المفتاح..
نايف طلع مفتاحه وعطاه لتركي..وبمزح:لو ساق الاخ عز الله سيارتي راحت فيها..
بندر ابتسم بألم:يعني خايف على سيارتك ومو خايف علينا مالت على ذا الوجه..
نايف:ههههههههههههههههههههههههه لاتصدق عاد..
تركي يلعب بالمفتاح:طيب يله نمشي (توجه هو وبندر للسياره..واشر لنايف) يله سلام..
نايف بضيق وبنفس الحركه:سلام..
××
نزلت من الدرج وهي ماسكه عبايتها وشنطتها..
فجــأه صرخت صرخه هزت اركـــــــان البيت..طاحـت من الدرج وجلست تتلوى والدم بدى ينزف..
العرق صار ينزل منها..وانفاسها سريعه..تكورت على نفسها وهي شاده على بطنها وتبكـي من قلب..
:آآآه..
دخلت واول ماشافتها شهقت بصدمه و ركضت لها:مهــــــــــــــــــا..
مها وهي دايخه وحاطه يدها على بطنها ودموعها على خدها..قالت بصعوبه:لـ..لمى..
::
كان جالس جنب رياض اللي كان يفكر بكلام بندر وكان متأكد ان بينه وبين دانا شي وخصوصاً بعد اللي صار بينهم في عزا خلود..
قال وهو يلتفت عليه وبهمس:ياخي وش فيك..
رياض:افكر بكلام ذاك المخرف..
طلال:خلاص مدامه مخرف ليه تشغل بالك بالتفكير في كلامه..<<رن جواله ويوم شاف الاسم ابتسم من قلب و وقف..
:عن اذنك شوي..
رياض غمز له:مها..
طلال ابتسم له وطلع و رد:هلا عمري..
لمى وهي ترتجف وتبكي من قلب:طـلال الحقني مـ..ها..
صار قلبه يدق بقووووه ويدينه عرقت..قال بخوف:وش فيها..
لمى تشهق:مـ..دري..
طلال يفرك جبينه بتوتر:طيب طيب الحين جاي..<<سكر السماعه و ركض لسيارته..
××
قال وهو يبتسم ويناظر رهف:ترى العشا مسويته رهف..
مشاري ابتسم:جد والله..
رهف:لا جدي يكذب عليك يعني..
مشاري:انتــــــي من كلمك..
ابوناصر:لا قوموا كفخوا بعض احسن..
مشاري بخبث:والله ودي..
رهف:يبــــــه شفه..
مشاري نزل راسه وضحك..و رهف ابتسمت وتحولت ابتسامتها لضحكه..
ابوناصر يناظهم بأستغراب:حمد الله على نعمة العقل بس..<<و رفع الملعقه لفمه وكل..بعدها كح ورمى الملعقه..
رهف شهقت و وقفت شربته المويه:بســــم الله عليك وش فيك..
ابوناصر وهو يكح:كثرتـي فلفل حسبي الله على بليسك والله ياخذ الساعه اللي دخلتي فيها المطبخ..
مشاري هنا انفجر من الضحك:هههههههههههههههههههههههههههههه..
رهف كشرت وبعصبيه:خيــــــــر انت ليه تضحك..
مشاري وفي صوته الضحكه:حرام عليك يبه حطمت معنوياتها..
رهف بأستهزاء:هه ياخف دمك ياشيخ..
مشاري:عارف..
رهف جلست وناظرته بحقد..وهو يناظرها واكبر ابتسامه على وجهه..
ابوناصر وقف:يله تصبحون على خير..
رهف:وين والعشا..
ابوناصر:ابلعيه انتي و ولد عمك..<<و راح لغرفته..
رهف بتكشيره:يله ابـــــلع..
وقف وجلس جنبها وهي كانت منزله راسها وتحرك الملقعه في صحنها وهي مكشره..
سحب ملعقتها:زعلتي..

 

[دمعة قلق]

رهف ناظرته بنص عين:وليه ازعل هات ملعقتي..
مشاري:طيب..<<سحب ملعقته وعطاها اياه..
:خذي..
رهف:تستهبل انت..
مشاري خذ صحنها و كل:لا والله ما استهبل..
رهف انصدمت..كان ياكل من نفس صحنها ونفس ملعقتها:مشاري اظن ان هذا صحني..
مشاري ابتسم:صحني وصحنك واحد (لف عليها) يابعد قلب مشاري..
كانت مو مصدقه ومو مستوعبه اللي قاله..وبصدمه:وش قلت..
مشاري وهو يمسك يدينها ويضغط عليها:رهف انتي غيرتي حياتي كلها خليتي لها هدف وطعم ومعنى الله لايحرمني منك ويجعلك من نصيبي..
رهف ضحكت ودموعها نزلت على خدها..
مشاري بأستغراب:ليه تضحكين انا قلت شي يضحك..
رهف:ههههههههههههههههههههههههههههههههه (وقفت وقالت بحب) وانا ماتغيرت إلا علشانك انت..
مشاري وقف معها ومسك يدينها وهو يبتسم من قلب:انا احبك وامووت فيك بكل حالاتك..<<رفع يدها بيبوسها بس هي سحبتها و وجهها احمـــــــر..
:خلاص مشاري..
مشاري:هههههههههههههههههههههههههههه تصدقين عمري ماتخيلت انك تستحين..
رهف كشرت:ليه وش شايفني..
مشاري:شايفك احلـــــى بنات حواء..
رهف ابتسمت ونزلت راسها..
××
دخلت القصر بفستانها الازرق القصير وحول خصرها رابطه حزام فضي..وشعرها كان كاريه وحاطه غرتها على جنب..
كان شكلها ناعم وكيوووووووت..
::
كانت جالسه جنبها وتبتسم من قلب وهي طايره من الفرحه..
ام مشاري:هاذي غاده بنت خالة المعرس..
غاده بأبتسامه وهي تمد يدها:مرحبـا..
منى وقفت وابتسمت:اهليـن..
ام مشاري ابتسمت:هاذي مرت اخوي..
غاده ناظرتها من فوق لتحت..كانت منى آيــه من الجمال والنعومه"والله ماينلام فارس يوم حبك"..
:كيفك..
منى:الحمد الله تمام كيفك انتي..
غاده:بخير نورتي المكان..
منى:منور بوجودك..
ام مشاري وقفت:هاذولي اماني و ريم جوا..
ام مشعل و ريم سلموا عليهم وجلسوا..
غاده ناظرت ريم بأنبهار:وش هالحـــــــــلاوه كلها..
ريم ابتسمت بألم:عيونك الحلوه..
غاده غمزت لها:ياحظ محمد فيك..
نزلت راسها وقالت بألم ودموعها متجمعه في عيونها:ياحظه..
غاده:بدينا الغرور هههههههههههههههههههههههههه..
منى:ياحياتـي شوفي شكلها وشلون..
غاده:ههههههههههههههههههه خلاص لاتصدقين..
ريم رفعت راسها وتصنعت الابتسامه..واستغربت ان مها ماجت مع امها..
لفت على هيفاء وبهمس:وين مها..
هيفاء:مدري عنها بس قالت انها بتجي مع السواق..
ريم:طيب كيفك انتي وفيصل..
هيفاء بفرحه:والله مدري وش اقولك بس لو قلت ببكي..
ريم:لا خلاص اجل اسكتي ههههههههههههههههههههههههههه..
هيفاء:هههههههههههههههههههههههههه..
××
قالت وهي تبكي من قلب:اول مادخلت شفتها طايحه (شهقت) ما..ما عرفـ..ت وش اسـ..ي على طول اتصلت عليك (نزلت راسها) عن جد آسفه خوفتك وطلعتك من الزواج..
طلال كان ساند جسمه على الجدار و رافع راسه:خلاص لمى هدي نفسك..
لمى مسحت دموعها..وهدت بس كانت ترتجف وتشهق..<<رن جوالها وطلعته و ردت بدون ماتناظر الرقم..
:الوو..
اول ماسمع صوتها انقبض قلبه وقال بلهفه:لمـــى..
ارتجفت ومن رجفتها طاح الجوال من يدها..
طلال نزل راسه والتفت عليها لقاها واقفه مصدومـــــــه وجامده في مكانها..ماتحركت إلا دموع نزلت من عيونها..
:لمى وش فيك..
تركي ناظر جواله و رجع حطه على اذنه:لمــــــــى لمى تسمعيني..
بندر اللي كان مرجع المرتبه لورا ومغمض عيونه..ارتاع وعدل جلسته:خير ليه تصارخ..
قال بخوف:لمى مدري وش فيها ماترد علي..
كانت تناظر الفراغ قدامها وهي مو مصدقه انها سمعت صوته ظنت إنها تتخيل او تتوهم..
قالت وهي مصدومه:انا بروح..
طلال:وين..
لمى:بروح للبيت..
طلال:طيب انا برجعك..
لمى وهي تحت تأثير الصدمه:بتصل على السواق يرجعني انت خلك مع مها..<<مشت بدون احساس وطلال يناديها ويرفع جوالها..
:طيب خذي جوالك..
لمى ماكانت تسمعه..مايتردد في مسامعها غير صوت الشخص اللي نطق اسمها بلهفه وشوق..
ناظرها وهو مستغرب واتصل على السواق:الوووو..
::
كان جالس يفرك جبينه بتوتر وخوف:ماقلت شي ماقلت غير لمى وبعدها ماسمعتها ولاقالت لي ولاشي..
بندر:يمكن انصدمت..
تركي لف عليه:يمكن والله خايف عليها يابندر..
بندر رجع سند جسمه على المرتبه وتنهد بضيق:ان شاء الله مايكون فيها إلا العافيه..
تركي بلع غصاته وحرك السياره:ان شاء الله..
××
دخل عليها وهي دايخه وعيونها فاتحه نصحها..قالت والمشروب مغطي على عقلها..
:مـ..ن انت..
ابتسم بخبث وقرب منها..
قامت مفزووعه ومرعوبه والعرق ينزل منها..هالحلم تكرر معها اكثـر من مره وهالشخص قد شافته بس وين ماتدري..
كانت تتذكر يوم طردها نايف ويوم راحت للديسكو وقعدت تشرب بس بعدها ماصارت تتذكر ولاشـي إلا يوم كانت مرميه في الحديقه..
مررت يدها على شعرها وشدته بقوووه وهي تبكي من قلب..
"ياربــــــي وش صار فيني وش اللي وصلني لهالحاله انا فاتن يصير معي كذا وعشان واحد غبي حقيــر مايسوى جزمه"..
وقفت وتوجهت للحمام ((الله يعزكم)) وغسلت وجهها اكثر من مره..رفعت راسها وناظرت نفسها في المرايه ونزلت دموعها من جديد..
كان رد نايف عليها صعب وماتقدر تستحمله..
"فاتن لاتنتظرين مني اي شي..
يعني وش متوقعه ردت فعلي اذا قلت لي هالكلام اخذك في الاحظان..
اسمعي انتي اخر وحده افكر فيها انتي وحده ماتسوى تراب رجليني..
الله وصرتي تتكلمين عن الاحترام ليه انتي تعرفينه اصلاً..
على بالك الحين تهدديني اقول اللي براسك سويه ماهميتيني ويله ظفــــي وجهك ولا عاد اشوف خشتك مره ثانيه فاهمه.."..
بكت بحرقــــــه وطاحت على ركبتها وصوت بكاها يعلى..
هي تقـدر من مكالمه وحده تمحيه من هالأرض..بس هو حياتها وقلبها وعمرها تخاف عليه من الهوا..
كانت منزله راسها وتشهق..مافيه اي شي في الدنيا يستحق تعيش عشانه..
وقفت ودورت في الادراج على مقص..رمت اغلب الاغراض على الارض و اول ماشافت المقص خذته بسرعه وصدرها يرتفع وينزل..مدت يدها المرتجفه..وغمضت عيونها وغرست المقص في يدها ونزف الـدم بغزاره..طاحت على الارض و طلع صوت راسها اللي ضرب في حافة الكابنيه وطاح على الارض..
××
كانت تناظر السي دي وهي تبتسم بخبث:والله وبتصير فضيحتك على كل لسان يابنت الوزيـر ههههههههههههههههههه..<<اندق الباب وارتبكت..
:ميــــن..
ام ناصر:انا يمه..
نجود تأفف وسكرت اللاب..وبدون نفس:ادخلي..
ام ناصر فتحت الباب ودخلت بكرسيها..
نجود ناظرتها من فوق لتحت بأستحقار..كانت امها مشلوله وجالسه على الكرسي..
قالت بدون نفس:امري..
ام ناصر ناظرت اللاب وشهقت:وش جاب هالجهاز عندك والله لو درا ناصر بيذبحك..
نجود بقهر:وش يذبحنــــــي تراني ماكفرت هذا لاب عطتني اياه فاتن هديه عيد ميلادي..
ام ناصر:يمه إنا ماعندنا عيد ميلاد ماتدرين إنها حرام..
نجود بأحتقار:في هالبيت اصلاً كل شي حرام التلفزيون حرام اللاب حرام المسجل حرام (صرخت بقهر) وانا كلـــي حرام..
شهقت:استغفـــــــري ربـك..
نجود وقفت:انا ادري عنكم (خذت عبايتها وشنطتها) انا رايحه لفاتن ويمكن اتأخر شوي..
ام ناصر بضيق:والله انا مو مرتاحه لهالبنت..
نجود بأستهزاء وهي تلبس عبايتها:لا حالفه قولي بعد فاتن حرام افففففففففف..<<وقبل ماتطلع تذكرت السي دي..
:اففففففف..<<رجعت وخذته..
ام ناصر:وش هذا بعد..
نجود بأستهزاء:يسمونه سي دي وانتي تسمينه حرام هههههههههههههههههههه..<<وطلعت..
نزل وهو يرفع ثوبه ومنقرف وساد خشمه..
تقدمت له وهي تبتسم:شفت وين ساكنه..
احمد بأستهزاء وهو ساد خشمه:كل هالجمال وساكنه هنا..
نجود تنهدت بضيق وكشرت:شفت عاد حظي زفت مثل وجهي..
احمد:لا عاد في هاذي ماصدقتي حظك زفت صح بس وجهك زفت لا..
نجود ناظرته بخبث"إن مافضحتك وفضحكت اختك ما اكون نجود" وضحكت مجامله:ههههههههههه..
::
ناظروا سيارة احمد بأستغراب..
ساره:وش وقف هالسياره عند بيتكم..
ناصر..اخو نجود و زوج ساره..قال بأستغراب:والله مدري..<<تحركت السياره وناظروها لما اختفت عنهم..
ودخلوا البيت..:يمــــــــه..
ام ناصر طلعت لهم وهي تبتسم من قلب:هـــــلا والله..
ناصر وهو يبوس راسها ويدها:هلا فيك..
ساره تقدمت لأم ناصر وباست راسها:خالتي وش اخبارك..
ام ناصر ابتسمت من قلب وبفرحه:حمد الله بخيـر دامك بخير..
ناصر:يمه من سيارته هاذي اللي موقفه عند بيتنا..
ام ناصر:إظاهر انها سيارة فاتن صديقة نجود..
ناصر بنبرة عصبيه:يمه انا كم مره قلت خلي نجود تقطع علاقتها في هالبنت..
ام ناصر بقلة حيله:والله قلت لأختك بس هي الله يهديها ماتسمع لكلامي..
ناصر بقهر:والله لو رجعت بوريها شغلها..
ام ناصر بضيق:ترفق على اختك يمه هي مالها إلا الله ثم انت..
ناصر:انا غلطان يوم سمحت لها تدرس برا بس هذا وجهي ان كملت دراستها بتنثبـــــر هنا تخدمك..
ام ناصر:يمه ناصر لاتحرمها من دراستها هذا مستقبلها..
ناصر:لو انها تخاف على مستقبلها كان مادقت صداقه مع هالد..(ماكمل كلمته وتنهد بضيق) استغفر الله بس..
ام ناصر:انت وش شايف على البنت..
ناصر:يمه ذا البنت ماتستحي جايه هنا بعبايه ضيقه وياليتها مافسخت عبايتها وشفت اللي شفته استغفر الله هيفاء وهبي ماتلبس هاللبس..
ساره تبي تهدي هالجو قالت بأبتسامه:وانت وش عرفك بهيفاء وهبي..
ناصر التفت عليها:قد شفتها مره وهي تغني آه ونص..
ساره:بس آه ونص تغنيها نانسي..
ناصر:عاد انا وش يعرفنـــــي..
ساره بفرحه:طيب ماقلتلي من احلى..
ناصر:هي..
ساره تخصرت:ميــــن..
ناصر:امك..
ساره ناظرته وهي مكشره:طيب يانويصر..
ام ناصر:هههههههههههههههههههههههههههه وش فيكم..
ساره:خالتي شوفيه الحين نانسي احلى مني..
ام ناصر:لا تخسـي ذي مدري وش اسمها مع ان عمري ماشفتها..
ناصر حط يده على قلبه:آخ يمه لو شفتيها..
ساره عصبت من جد:ناصـــــــــــر..
ناصر:هههههههههههههههههههههههههههههههههه (حط يده حول رقبتها وباس خدها بقووووووه) والله ماتسوى لاهي ولا اللي مثلها ظفرك..
ساره حمر وجهها ونزلت راسها..
ام ناصر ابتسمت من قلب:الله لايحرمكم من بعض وان شاء الله اشوف عيالكم وعيال عيالكم..
ناصر يناظر ساره بأبتسامه..وساره وجهها احمر من الحيا..
قال وهو يضغط على يدها:آميــــــن..
××
طلعت وهي تبكي ومتكتفه وتهز رجولها بعصبيه..
"بعد خمس شهور متصـل تسأل عني ياتركي تذكرت ان فيه وحده تنتظرك وقلبها يحترق عليك وتبي تسمع ولو حرف منك يطمنها عليك (رفعت راسها وغمضت عيونها) بعرف بـس انا وش سويت لك كفايه اني انذليت لك وحاولت بكل الطرق اوصلك واقولك عن كل اللي في داخلي وبعد ما اكتفيت من مذلتي جيتني وقلت ببساطه احبك يالمى وانا ماصدقت انك تقول هالكلمه وخليتك تلعب بقلبي على راحتك وبكيفك آآآآآه ياتركي ليتني ماحبيتك في يوم ليت قلبي كان قاسي ولا لان عليك"..<<سمعت صوت هرن سياره نزلت راسها وشافت السواق مسحت دموعها و ركبت..
وبصوت مبحوح:على بيت ماما نوره بسرعــــه..
السواق التفت عليها:ماما انتي تعبان..
لمى ابتسمت بألم"حتـــــى الهندي ارحم علي منك":لا مو تعبانه..<<لفت على الشباك ونزلت دموعها غصب عنها وهي تعض شفايفها بقهر وتشهق..
××

 

[دمعة قلق]

مسكت يدها وضغطت عليها:ريحـي نفسك وخذي نفس طويـــــــل..
دانا وقلبها يضرب بقوه..لحظـة موتها قربت وبتندفن معاه..وهالمره مافيــها تراجع..
قالت بصوت مرتجف:خايـ..فـه..
دلال:تراني مجربه وانتي يوم زواجي طلعتي ريحتي خليني اطلع ريحتك الحين..
دانا وهي ترتجف:لاتكفين لاتوتريني اكثر من ما انا متوتره..
دخلت وهي تأشر لها:يلـه دانا..
دانا رفعت راسها:الحين..
ريناد بألم:وش رايك انتي..
دخلت ام دانا وهي ترتجف وتبكي من الفرحه..
دانا من شافت امها بكت وحظنتها..
دلال:لاتكفوووووون لاتخلوني ابكي معكم..
ريناد غصب عنها بكت وطلعت عنهم..
ام دانا بعدت عنها ومسحت دموعها:يله يمه توكلي على الله وانزلي..
دانا وهي تشهق ومن بين دموعها:يمـــــــه ما ابيه ما ابيـه..
دلال خافت يخرب كل شي في اخر لحظه:دانا وش هالحكـي..
دانا بكت بهستيريا:ما ابيــــــه ابي بنـ..
دلال قاطعتها وهي تمسكها وتهديها:دانا اذكري ربك..
ام دانا كانت سانده جسمها على الجدار وحاطه يدها على فمها وتبكي..
دانا وهي تمسح دموعها وغمضت عيونها قرت المعوذات..وهدت بعدها فتحت عيونها وبصوت مبحوح وهي تتنهد بضيق..
:يلـه..
دلال ابتسمت:يله..
::
هديل وهي تلتفت على ريم:وين مها..
ريم:سؤالك هذا يفحط في راسي ابي اعرف وينها هي قالت انها بتجي..
هديل:طيب ولمى..
ريم:لمى تقول ان مالها خلق..
هديل نزلت راسها وبأرتباك:طيب انتي وش صار معك..
ريم رفعت كتوفها وبضيق:ولاشي ابوي مصر على رايه ومتأكد ان محمد اخلاق وما وراه بلاوي..
هديل:اي بلاوي..
ريم:اليوم بعد ماطلعت شفته واقف قدامي وقعد يسوي حركات قلت له بعد إنا في الشارع قال عقبال ما اشوفك في سكت بعد ما جاه بوكس محترم من (قالت بألم وصوتها تغير) نايف..
هديل بفرحه وهي شوي وبتقوم ترقص من الفرحه:واللـــــــه انه رجال ولد رجال ما شاء الله عليه يجنن صح..
ريم ابتسمت بألم"يجنن وجنن قلبي وعقلي معاه"..
تسكرت انوار القصـــر..وبدت موسيقى هاديه وشعـر عن دانا و رياض..
كانت تمشي بخطوات ثقيله وبدون احساس تأشر لها المصوره ابتسمي وهي تبتسم ابتسامه حزينه وطالعه بدون نفـس..
كان هالشعور وهالأحسـاس صعب عليها تتقبله..صعب تجتمع مع انسان وهي بانيه احلآمها على انسان ثانـــــي..انسان تعشقه ماتنام إلا لما تسمع صوته..انسان يصبح ويمسي عليها بكلمـة"احبـك"..ماتعودت تسمعها من واحد غيره واذا سمعتها بتكون مالها طعم ولا راح تحس بمعنى وقيمة هالكلمه..
ناظرت الكوشه المفروض الحين تجلس مع بندر في هالمكان..المفروض هالخاتم اللي لابسته يكون منه اهو..
بـس كل شي انتهى واندفن حبهم..
وصلت للكوشه وجلست..وانفتحت الانوار و اول ماطاحت عيونها على ريناد كانت تمسح دموعها وترسل لها بوسات..ابتسمت لها بألم..وجوا الناس يسلمون عليهم..كانت تسلم وهي بدون مشاعر ولا احساس..لدرجة ان الناس حسوا انها ماتبيه ومغصوبه عليه..
جت وحظنتها وغصب دانا بكت في حظنها..
دلال بهمس:ماخلصت هالدموع..
دانا وهي تشهق وتشد فستان دلال:ما قدرت انساه..
دلال بعدت عنها ومسحت دموعها:خلاص دانا تكفين (قالت بصوت عالي هي وكم بنت معها) الف الصلاة والســـــلام عليك ياحبيب الله محمد لووووووووووووووووووول..
دانا ابتسمت بألم ونزلت راسها..
××
كان جالس على ركبته ويبوس يدها وهي تتحس وجهه وهي تبكـــــي:يمــــه مو مصدقه اني اشوفك انا بحلم وإلا في علم..
تركي يبوس يدها و دموعه على خده ويبتسم:مشتاااق لك يمه..
دخلت وخبطت بالباب ودموعها تنزل على خدها مثل المطر التفتوا عليها وهي التفت وطاحت عيونها في عيونه..
وقف مصدوووم وعيونه مافارقت عيونها..
ناظرته من فوق لتحت شافته واقف ويمشي لها..
ماقدرت تصدق عيونها ارتجفت وشهقت وهي تحط يدها على فمها..
بكت بقووووه..ماتدري تبكي من الفرحه..الشوق..اللهفه..الخوف خوف من هاللي تشوفه يكون حلم واذا صحت ينتهي..
قال لها بشوق وصوته مرتجف:وحشتينــــــــي..

 

[دمعة قلق]

قرب منها وحظنها وماصار يفصل بينهم ولاشــــي..صارت في حظنه تبكي وتشهق وهو حاله مو احسن منها..
بعدت عنه وناظرته بدون تصديق من فوق لتحت:تـ..ركي..
تركي وهو يمسح دموعه ويبتسم:عيونه..
لمى وهي تحت تأثير الصدمه:انـ..ت تمـ..شي..
تركي قرب منها وحظنها لصدره:ايـه رجعت لك ياقلبي والله وحشتيـــــــني..
لمى بعدت عنه وقالت بعصبيه:مدامنـــــــي وحشتك ليه ما اتصلت علي لـ..<<ماقدرت تكمل وبكت..
تركي بمزح:الدكتور مانعني من اي شي حلو..
ضربت صدره:سخيـــــــــف..
تركي:ههههههههههههههههههههه..<<رجع يحظنها من جديد وحبهم في قلبهم يزيـد..
××
كان جالس في سيارته ومقرب جواله لفمه يسجل صوته المبحوح..

؛؛..حاول وحاول يصير فراقنا هادي
الله عطانا العقل حتى يعنينا
خل المقادير تمشي مشيها العادي
في عمرنا يفعل الله مانوى فينا
مافادتك دمعتك..ماينفع عنادي
لاصار ربي حرمنا..من بيعطينا
فرقا وصارت ولاتحزن على أبعادي
وأنا بحاول على نسيان ماضينا
ونبدأ حياة جديدة كلن بوادي
ياحسرتي ياغرام...عاشته سنينا
ياوحشه الليل..في بعدك بلا رقادي
ويا طوله اليوم ماشفتك ولو حينا..؛؛

شهق وبعد جواله وشاف اسمها..((بعد هالدنيا))..
"آآآآآآه يابعد هالدنيا شفتي وش سوت الدنيا فينا"..<<رسل لها اللي سجله رسالة وسائط..وبعدها مسح اسمها وهو مغمض عيونه ودموعه تنزل على خده..
××
كانت جالسه تناظر دانا وتتخيل نفسها في مكانها..وجنبها محمد..
"ياااارب اموت قبل مايجلس جنبي واحد غيرك يا نايف"..<<قطع افكارها صوت ام فيصل..
:حبيبتي ريم اتصلي على مها جوالي خلص شاحنه..
ريم وهي ترفع جوالها:من عيوني..<<دقت على مها و وصلها صوت طلال المبحوح..
:الو..
ريم استغربت و وقفت:عن اذنك خالتي (لفت و راحت لمكان هادي) من معاي..
طلال:انا طلال..
ريم:هلا طلال مها عندك..
طلال يتنحنح علشان صوته رااح:انتي تدرين ان مها حامل..
ريم:ايه ادري خير طلال مها فيها شي..
طلال بكى غصب عنه:اجهضت..
ريم انصدمت:إيـــــــــــــش..
طلال وهو يمسح دموعه ويشهق:مثل ماسمعتي..
صار قلبها يضرب بقووووه من الخوف وهي ترتجف:طيب اي مستشفى..
طلال:الـ..
ريم بسرعه وهي تفرك جبينها بتوتر:اوكي انا جايه..<<سكرت ومشت بخطوات سريعه للطاوله الجالسين فيها..
ام فيصل ناظرت وجه ريم المخطوف وانقبض قلبها:خير مها وش فيها..
ريم بأرتباك:خالتي تقول ان بطنها يعورها شوي والحين هي احسن (قربت من اذن امها وهمست) ماما انا رايحه لوحده من صحباتي تعبانه..
ام مشعل:من هي هاذي..
ريم:وحده ماتعرفينها يله بااااي..<<لفت و راحت تلبس عبايتها بسرعه وطلعت..
رفعت جوالها تتصل على السواق لكن جواله مقفل..نزلت جوالها وسكرته بعصبيه:تكفى يا المهم قافل جوالك ليه افففففف..
طلع وشافته بوسامته وطوله اللي يخلي قلبها يذووووب مابين ضلوعها..
قال وهو يضحك:مبروك مقدماً ياعم..
مشاري ابتسم من قلب:عقبالك..
لف وجهه وشافها قال وهو ماشال عينه عنها:طيب احاكيك بعدين سلام..<<سكر بدون مايسمع رد منه وتقدم لها..
:ريــــم..
ريم رفعت راسها شاف عيونها متجمعه بدموعها..قال بخوف:خير ريم وش فيك..
ريم وهي تبكي وتشهق:مهـا في المستشفى والسواق الدب مقفل جواله..
نايف:طيب تعالي اوصلك..
ريم:لالا ماله داعي اروح مع تاكسي..
نايف:افااا تروحين مع تاكسي وانا موجود يله امشي معي..
مشت معه وتناست اللي صار بينها وبينه..
فتح لها الباب و ركبت..وسكره و ركب هو في مكانه:اي مستشفى..
ريم منزله راسها وتفرك يدينها بتوتر:الـ....
نايف حرك سيارته وهو مو مصدق ان اللي جنبه ريم..<<فاظي خخخخخخخ..
صوت شهقاتها ملى السياره وهو قلبه يعوره عليها..
التفت لها لقاها نفس حالتها..حط يده على يدها:لاتخافين حبيبتي انا معك..
غصب ضغطت على يده تبي تستمد القوه والصبر منه..هالوقت مافيه مجال تفكر باللي صار لها معه..وإلا تفكر انها مخطوبه..كل تفكيرها مع مها والخوف ياكل قلبها..
ابتسم من قلب ومو ناوي يفك يدها اللي كانت جاااااامده..ويده الدافيه دفتها..
قال بحنيه:بردانه..
ريم:لا عادي..
نايف:وش فيها مها..
ريم لفت عليه وحطت عينها في عينه:نايف..
نايف:عيون نايف..
ريم نزلت راسها:بقولك كل شي بس ابي الكلام يكون بيني وبينك ومايطلع..
نايف ابتسم من قلب:من عيونــــــــي..
ريم بأرتباك:مها حامل..
نايف انصدم:وش قلتي..
ريم:لا تفهم غلط هي حامل من طلال زوجها..
نايف:طيب ليه هي في المستشفى..
قالت وهي تشهق وتعض شفايفها بقهر:اجهضت..
قال وهو يضغط على يدها:حبيبتي تكفين لاتبكين دموعك غاليه ومها الله يطلعها بالسلامه وان شاء الله مافيها إلا العافيه..
كانت كلمته"حبيبتي" تشفـــي جروح في قلبها..رفعت يدها ومسحت دموعها وبصوت مرتجف:آميــن..
××
نزلت ودقت الباب..
ابواحمد:ادخل..
دخلت مكتبه وشافته جالس على الكرسي وماسك اوراق:الآنسه فاتن مابترد علي..
ابواحمد رفع عينه:هي مو في البيت..
مربية فاتن..سلمى..:لا هيا في البيت ومابتطلع بس مابعرف ليه ماترد..
ابومحمد وقف بسرعه وهو مرعوب وخايف..طلع من مكتبه وتوجه للفت وسلمى وراه..
قال بعصبيه:خــــــــلاص انتي روحي شوفي شغلك..<<دخل اللفت وهو على اعصابه..
انفتح الباب وطلع وتوجه لغرفة فاتن..دق الباب اكثـــر من مره..لكن ماسمع رد..
رفع جواله وقال بعصبيه:تعـــال انت وإثنين معك..
طلعوا الدرج بســـــرعه وتوجهوا له:سم طال عمرك..
ابواحمد وهو يفرك جبينه بتوتر:اكسروا الباب..
البدي قارد بأستغراب:نعم..
ابواحمد صرخ في وجهه:قلتلك اكســــر الباب ماتسمع..

 

[دمعة قلق]

كسروا الباب ودخل وفتح النور شاف سريرها حوسـه والدنيا مقلوبه فوق تحت..
الخوف اكل قلبه وانقلب لون وجهه..اللي يشوفه يقول هـذا مو ابواحمد اللي له هيبه ويرعب اللي حوله..
قال بصوت عالي:فاتــــــــن..<<توجه لغرفة الجلوس وغرفة الملابس لكن مالقاها..
لف ودف باب الحمام ((اللي يعزكم)) برجله..
شافها طايحه على الارض والدم مغرقها..انصـــــــدم..
وطاح على ركبته وهزها وهو يبكــــــــي من قلب..وانهزت الارض من تحته..
:فاتــــــــــــن..
××
كانوا مجتمعين في بيت علي..والضحك يهز المكان..
نوف وهي تاكل كيك:تســــلم يدينك على هالكيك بس ليه تعبتي نفسك..
رزان وهي حاطه ملاك في حظنها:مو انا اللي مسويته الاخ..<<وغمزت لعلي..
ماجد:احلــــــى وصرت تدخل المطبخ والله وفيه تطورات المهم قلي وش هي المقادير ياعلي العالم..
الكل:هههههههههههههههههه..
علي رمى عليه الوساده:تتريــــق انت وخشتك..
ماجد مسك الوساده وفي صوته الضحكه:والله ما اتريق انا ابي اتعلم قبل ماتولد حرمي المصون عشان ما ابتلش..
علي:إلا انتي في اي شهر..
نوف:الشهر الرابع..
علي:الله يسهل عليك وانت اذا وصلت مرتك المصون الشهر الثامن تعال لي وذيك الساعه بعلمك..
رزان وقفت:ازعجتوا ملاك حرام عليكم توها نايمه..<<دخلت غرفتها و دارت فيها لما داخت ونامت..
قربت منها وباستها:فديـت ابوك وهـ بس..<<حطتها على سريرها وناظرتها..كانت كربون من ملاك..عيونها وشفتها..وخشمها..
قالت وهي تبتسم:الله يرحمك ياملاك وانتي الله لايحرمني منك..
جا من وراها:ولامنك..
رفعت راسها له:ليه ماقعدت معهم انا كنت شوي وبجي..
علي:ذا ماجدوه قعد يقهرني يتغزل في زوجته قدامـي..
رزان:هههههههههههههههههههههههههههه تصدق..
علي:ايه بس وشو..
رزان:ان مخك منسم..
علي كشر:حتــى انتي صرتي معهم..
رزان حظنته وهي تبتسم:ياقلبــــــي انت..<<هنا بكت ملاك..
بعدت رزان ولفت على ملاك..
علي:اوقاتها غلط مثل وجه ابوها..
رزان وهي ترفع ملاك:ههههههههههههه..
××
قالت وهي تبتسم:والله انكم ماتستحون قاعدين تحظنون بعض وانا قدامكم..
تركي:عاد وش اسوي يمه مشتاق لها وبعدين هي خطيبتي يعني عادي..
الجده نوره:لا وش عادي انت توك ماتزوجتها والله شكل المانيا عالجت رجلك وخربت عقلك..
الكل:ههههههههههههههههههههههههههههههه..
الجده نوره:ومتى ناوين تحطون الملكه..
تركي لف على لمى:وش رايك نحطها مع ملكة ريم..
لمى:بس ملكة ريم قريبه مايمديني اتجهز..
تركي:انا ابيـــك بخلاقينك ماله داعي تتجهزين..
انقلب لون وجهها ميــــة لون ونزلت راسها..
الجده نوره وتركي:ههههههههههههههههههههههههههه..
الجده نوره:استحيتي هاه مو قبل شوي قاعده في حظنه ساعه..
تركي بمزح:ايه وبعد اقولها بعدي يابنت الحلال خلاص تقول لا وحشتني..
لمى رفعت راسها وصرخت وهي وجهها احمر:يانصبــــــك..
الجده نوره وتركي:ههههههههههههههههههههههه..
وقفت ورمت عليه الوساده وطلعت فوق بسرعه..
دخلت غرفتها وتذكرت مها..دورت جوالها وتذكرت انها ناسيته في البيت..
رفعت سماعة التليفون..ودقت عل جوال مها..
رد طلال بصوت مبحوح:نعم..
لمى بخوف:هلا طلال كيف مها الحين..
طلال:ماطلع الدكتور..
لمى:طيب انا جايه..
طلال:لا استريحي ريم بتجي..
لمى:ريـم وش عرفها ان مها في المستشفى..
طلال:دقت وقلت لها..
لمى:اها طيب اذا طلع الدكتور دق علي طمني عليها الله يعافيك..
طلال:ان شاء الله يله سلام..
::
دخل وهو هلكان و دااايخ..واثار دموعه على خده..قال بدون نفس:سلام..
الجده نوره:وينك انت سلمت وطلعت..
بندر رمى نفسه على الكنبه:رحت امتر الشارع وجيت..
الجده نوره:لا انت مو طبيعي..
تركي وهو يناظر بندر بحزن:يمه هو تعبان شوي من السفر..
الجده نوره:طيب رح نام لك شوي..
بندر وقف وراح لغرفته..سكر الباب وتمدد على السرير ونزل الكاب على وجهه..
"ويـن معه يجيني النوم وهي معاه الحين"..<<غمض عيونه وتقلب في السرير اكثـر من مره يبي ينام لكن النوم مجافيه..
××
المصوره وهي تبتسم:اربي شوي..
دانا حاسـه انها بتمووووت من الأحراج..ولو ماهي مستحيه من رياض كان خفست الكعب في عيون المصوره..
قرب منها وحط يده على خصرها..وهي ارتفعت حرارة جسمها و وجهها احمر ونزلت راسها..
المصوره:حبيبتي ارفعي راسك..
دانا رفعت راسها وبعفويه:ياختـــــي حرام عليك حسي فيني شوي..
رياض:هههههههههههههههههههههههههه..
دانا رفعت راسها لرياض..ضحكته ذوبت الصخـر..وخلى قلبها يذوووب..
نزلت راسها وبلعت غصاتها..
رياض قرب منها وهمس:تدرين اني مو بس احبـك اموووت فيك اعشقك اهواك..
صارت تتنفس بسرعه وصدرها يرتفع وينزل وحرارة جسمها بتحرقها:متفقين انت وياها علي..
رياض:ههههههههههههههههههههههههههه لا هذا كلام قلبي وش اسوي فيه يله حبيبتي اتركك تسلمين على اهلك..<<وطلع..
حطت يدها على قلبها وتنهدت بأرتياح وهي مغمضه عيونها..لكن نطت بعد ماسمعت دلال تزغرط..
:لووووووووووووووووووووووووول..
دانا ضربتها بخفه وهي ترتجف:حسبــــي الله على ابليسك روعتيني..
دلال حظنتها وباستها:هاه كيفه..
دانا:ماعليه..
دلال بعدت عنها:دانا لاتحسسينه انك ماتبينه..
دانا بصوت مرتجف وشوي وبتبكي:مو بيدي غصب عني حتى يوم جلس جنبي وقفت ما قدرت اتخيل نفسي جالسه جنب واحد غير بندر..
دلال:يا ذا البنــــدر دانوه خلاص انسيه انتي في ذمة واحد غيره..
دانا:قلتي لي هالكلام مليون مره..
دلال:وانتي ماتفهين..
دانا:ياختي اعتبريني غبيه..
دلال:اصلاً يوم صدقتي اللي في الصور وانا غاسله يدي منك..
دانا شوي وبتبكي:خلاص لاتذكريني..
دخلت ام دانا و ريناد وهي ماسكه عبايتها..
ام دانا تمسح دموعها:يله يمه البسي عبايتك..
لبست دانا عبايتها وساعدتها ريناد..
ودعوا بعض باللأحظان وهم يبكون..وطلعت دانا واشرت لها ريناد ودلال..
دانا بنفس الحركه:باااي..
ريناد ترسل لها بوسه ودموعها على خدها:اشوفـك على خير وانتبهي على نفسك..
دانا هزت راسها ومسحت دموعها..تقدمت للسياره شافت ابوها و رياض واقفين..
ابودانا باس جبينها:انتبهي على نفسك وانا ابوك..
دانا بصوت مبحوح:ان شاء الله..
ابودانا لف على رياض:ما اوصيك على دانا..
رياض ابتسم:حاطها في عيوني يله خالي مع السلامه..
ابودانا:مع السلامه..
كانت دانا ماسكه ابوها وتبكي..
ابودانا:وش فيك..
دانا رمت نفسها عليه وهي تشهق:بشتاقلك..
ابودانا ابتسم بألم وهو يبعد عنها:حتى انا بشتاقلك..
دانا باست يده:يله يبه اشوفك على خير..
ابودانا:مع السلامه..
ركبت و رياض ساعدها تركب وهو يبتسم:احبـك..
حمر وجهها و ركبت..وهو راح لمكانه و ركب..
ناظرها وقال بكل حب:حبيبتي خايفه..
ماحست بطعم هالكلمه وقالت بجفاف:لا..
رياض حس انها مستحيه وماتبي تحكي..سكت وعيونه ماشالها عنها..
××
نزلت بسرعه وخبطت بالباب ومشت بخطوات سريعه..
نايف مشى وراها ومسكها:حبيبتي شوي شوي..
ريم وهي تمشي:خايفه عليها موت..
نايف مسك يدها:ان شاء الله مافيها إلا العافيه انتي هدي نفسك..
ريم ضغطت على يده وابتسمت له بحزن..ومشوا..
كان رامي شماغه على الكرسي وشاد شعره وهو يروح ويجي عند غرفة العمليات..
تركت يده ومشت لطلال بخطوات سريعه:هاه طلال طمني..
طلال تنهد بضيق:الدكتور ماطلع وشكلهم بعد مطولين..
ريم:طبيعي ياطلال هاذي عمليه..
توجه له نايف وحظنه:الله يقومها بالسلامه..
طلال:آمين يارب (بعد عنه) انت ليه طلعت من الزواج..
نايف:علشان ريم مالقت احد يوصلها..
طلال سند جسمه على الجدار و رفع راسه وغصب نزلت دموعه..
نايف حط يده على كتفه:افااا وش فيك..
طلال:خايف عليها..
نايف:انت ادعي لها وان شاء الله مافيها إلا العافيه..
طلال:ان شاء الله يارب..
××
دخلت وهي ماسكه يده وناظرت الاستراحه الواسعه"حرام واحد مثلك عنده هالعز كلـه"..
قاطع افكارها صوته:حبيبتي وش اخبار كندا..
نجود بدون ماتناظره وبأحتقار"تسلم عليك":حلوه كان ودي تكون معي..
احمد همس لها في اذنها:لما اتزوجك بيكون شهر العسل ياعسل في كندا..
نجود ابتسمت بخبث ولفت عليه وهي تتصنع الابتسامه:جد حبيبي..
احمد:ايه حبيبتي..<<دخلوا وشافت شباب وبنات يرقصون ويشربون والموسيقى تهز المكان..
ابتسمت من قلب..هذا جوها..وتبي تتونس شوي قبل ماتفظح بنت الوزير مع انها بتستانس كثـيــر بعد ماتفظحها..
احمد ترك يدها وتقدم لشلة البنات اللي يأشرون عليه:ياهلا والله نورتوا المكان..

 

[دمعة قلق]

البنات خقــــوا عليه..كان شويه عليه كلمـة ملـك جماااااال..
تقدم له وهو يبتسم:مساء الخير..
احمد:ههههههههههههههههههههههه وش فيه وجهك شكلك مكفخ..
تذكر اللي صار له وانقهـر ولعن نايف في نفسه مليون مره:لا طحت على وجهي..
احمد:ايه سلامتك..
محمد شاف نجود واشر لها بـ((هاااي))..وهي ردت له الابتسامه وسوت نفس الحركه..
لف على احمد اللي ياخذ له كاس:صيده جديده..
احمد وهو يشرب:خذها حلالك..
محمد:لا خلاص انا بتوب..
احمد انفجر من الضحك:هههههههههههههههههههههههههههههههههههه حالف عد اللي قلته..
محمد انقهر:قلت بتوب خلاص انا بتزوج..
احمد لف عليه وناظره بأحتقار:اقول عن المثاليات الزايده وبعدين انت تعرف ربك اصلاً علشان تتكلم عن التوبه..
محمد عصب:احمــد..
احمد شرب نص الكاس دفعه وحده..وعطى الكاس محمد:خـذ بس اشرب وكَيف وانسى ريم واللي جابوها..
محمد:انت وش عرفك بأسمها..
احمد:ولو ومين مايعرفها..<<ومشى عنه و راح يرقص..
صدمـة عمره دمرته وهزته من جوا..كان اخر وحده يتوقعها..
طلع من المكان يحس نفسه مخنوق..فتح ازاير قميصه وخذ نفـس طووويل..
ضرب يده على الجدار والدم ثاير في راسه..وهو يضغط على اسنانه بقهـــــــــر..
"اجـل داقه صداقه مع شباب الرياض اوريـــــك يابنت فهد ان ماربيتك ما اكون محمد"..
××
مسك يدها وباسها وهي سحبتها وهي تشهق و وجهها انقلب مية لون:مشعـــــل..
مشعل:عيون وقلب و روح مشعل..
في نزلت راسها:انا لازم اروح..<<لفت بس هو مسكها..
وغمز لها:بس بقولك الاحمر عليـك عذاب..
ابتسمت له بخجل و ركضت لداخل وهي تسمع لضحكته..حطت يدها على قلبها اللي دقاته سريعــــه..
جت من وراها:وين كنتي..
نطت من الخوف:خرعتيني يابطه..
غاده:وش فيك ترتجفين..
في:كنت عند مشعل..
غاده:هذا وانتو توكم مابعد تزوجتوا اجل اذا تزوجتوا وش بتسوون..
في مشت و وجهها احمر:ياسخفـــــك..
غاده:ههههاااي استحت البنت..
××
كانوا متمددين عند التلفزيون يناظرون فيلم..وكان على الطاوله بوب كورن وشيبس وبيبسي..
ناديه وهي تدف جنا عن فخذها:آآي بعدي عني عورتيني..
جنا:اففففففف شوي شوي..
دخلوا وفتحوا النور..
نوف تقدمت لهم:مساء الخير..
جنا عدلت جلستها:هلا مساء النور هاه كيف صاحبتك وبنتها..
نوف جلست:تمام..
ناديه:تعالي شوفي هذا الفيلم مررررره رهيب..
ماجد جلس:من البطل..
ناديه ناظرته نظره بنت عم لولد عمها و زوج لأختها..وفرحت ان احساسها الاول بدى يختفي..
قالت بحماس:ذاك المزيون جورج كلونـي..
ماجد:اما عاد جورج حلو كثري منها..
ناديه:كل هاذي غيره..
نوف رمت عليها الوساده:مابقـــــــى إلا هذا يغار منه ماجد احلى اصلاً مافيه مجال للمقارنه..
ناديه:القرد في عين زوجته غزال..
نوف:وجعوووووووه ان شاء الله انطمي بس انطمي لا اقطع كشتك الحين..
ماجد وجنا:هههههههههههههههه..
××

 

[دمعة قلق]

كانت جالسه على السرير وهي منزله راسها وتفرك يدينها بتوتر..
رياض:مبروك..
دانا بلعت ريقها وقلبها يدق بشكل فظيع كانت حاسه انها مخنوقه وماتقدر تتنفس من الاكسجين اللي تحس انه نفذ من حولها..ومن حرارة الجـو اللي عندها تضاعفت ميـة مره..
قالت بصوت مخنوق و اقرب للهمس:الله يبارك فيك..<<نطقت ثلاث كلمات كانت ثقيلـــه وكأنها مليون كلمه..
رياض ناظرها كانت ترتجف وخدودها بتحترق من حرارة جسمها..ويدينها كانت حمرا من كثر مافكرتها..
قال بمزح:يدينك تقول ارحميني هههههههههههههههههههههههههههه..
"تستخف دمك انت وخشتك"..
رياض:ليه ماضحكتي مو حلوه..
دانا هزت راسها بالنفي..
رياض:ماتعرفين تجاملين..
دانا غصب لفت عليه:وانت ماتحس ساعه وانا جالسه بالفستان ابي ابدله اختنقت..
رياض حس انه زودها و وقف:طيب اذا خلصتي ناديني..<<وطلع وسكر الباب وراه..
عضت شفايفها بقهر"ياااااااربي انا وش قلت"..وقفت وفتحت الكبت..
دورت قميـص طويل مالقت..كلها كانت مفتوحه وقصيـره وعاريه..
"الله ياخذ بليســـــــــكم جعلكم السم اوريكم هين"..<<طلعت قميص احمر قصير وعاري من فوق كان هذا استر واحد..
قالت بقهر:لا واحمر بعد..<<خذت روبها وفوطتها ودخلت تحمم..
::
كان جالس يقلب القنوات وعقله مو معه..يحس انها مو مرتاحة له..شكلها وكلامها يقول كذا..
شال هالأفكار من راسه"شي طبيعي تستحي على الاقل احسن من اللي وجهها مغسول بمرق وماصدقت انها تزوجت"..
::
خذت نص ساعه وطلعت..وهي تجفف شعرها..رن جوالها بمسج كان من دلال..رفعته وقرت
"هاردلك دنو تعيشين وتاكلين غيرها هههههههههههههههه"..<<انقهرت ومسحت المسج..
"اووووووريك يازفت"..<<تفاجأت بمسج ثاني..فتحته ويوم شافت الاسم انعصر قلبها بألم وبلعت غصاتها..
شغلت مقطع الصوت..وسمعت صوته المهموم وغصب عنها بكت وحظنت الجوال لصدرها..
تذكرت اللي تسويه حرام وهي في ذمة رجال..بعدت الجوال ومسحت المسج..ومسحت دموعها..
ناظرت المرايه وكلام بندر يرن في اذنها..نزلت دموعها ومسحتها..وقعدت تمشط شعرها..
حطت ميك اب خفيف وناعم و وقفت..ناظرت لبسها..
"حسبي الله عليكم"..لفت وناظرت لوحه كانت على طاوله في زاوية الغرفه تقدمت لها وكانت لها وهي ماسكه الجريده وهاذي اول مره يشوفها رياض فيها..
"يا الله امداه يصورنــــي الله يستر منه"..
ناظرت اللوحه كانت مره حلــــوه..وكان راسمها بشكل دقيق..
انفتح الباب وماحست فيه..ناظرها من فوق لتحت بأعجاب وهو يحس ان قلبه بيطلع مابين ضلوعه..وحرارة جسمه ارتفعت..
مسح عرق رقبته وقرب منها وهمس..
:عجبتك..
نطت بخوف ولفت عليه وهي مرتاعه:انت من متى هنا..
رياض ابتسم:مافارقتك عيوني ولا لحظه..
دانا نزلت راسها ولعبت بأصابعها:حلوه اللوحه يعطيك العافيه..
رياض:ماسويت شي ترى كلها لوحه..
دانا:واللوحه مايبي لها شغل و وقت وتعب..
رياض:يوم رسمتك ماحسيت بتعب بالعكس كنت استانس و رسمتك كم مره (مد يده) تعالي شوفيها..
دانا تذكرت كلام دلال"لاتحسسينه انك ماتبينه.."..مدت يدها بتردد ومسكت يده..وهي بتموت من الاحراج وخدودها حمرا من الخجل..
كانت يدها صغيـره مقارنه بيده اللي غطتها و دفتها وحسستها بالأمان..
دخلت غرفه وتركت يده و وقفت في وسطها..شافت اللوحات مغطيه الجدار..كانت كلها عنها هي في كل حالتها..
دانا تناظر اللوحات بأعجاب:مررررره حلوه تسلم يدينك..
رياض:الله يسلمك..
دانا قالت بأستغراب:بس انا ماشفتك إلا مرتين عند الدرج و في الملحق كيف رسمتني وانا صغيره ويوم كنت بالمتوسط ويوم تخرجي من الثانوي وحفلة تخرجي..
رياض:هههههههههههههههههههههههههه طيب وحده وحده..
دانا نزلت راسها من الفشيله..
رياض تقدم لها ورفع راسها:تسلفتها من خالي سلمان..
دانا شهقت:و كيف سمحلك..
رياض:هههههههههههههههههههههههه لا الصدق سرقتها يوم وبعدين رجعتها..
دانا:اها ترى السرقه فيها قطع يد..
رياض رفعها مابين يديه:وانتــــي قطعه من قلبي وعلشان عيونك اتحمل كل شي..
دانا و جهها احمــــــــر قالت بصوت مرتجف وهي تحرك رجلينها:رياض نزلنـي..
رياض:هههههههههههههههههههههههههههه..
××
؛؛..صبـــــاح جديد..؛؛

شافها حاطه يدها على خدها ونايمه على الكرسي وعوره قلبه عليها..
نزل تحت للكافتيريا وجاب لها عصيـر و دونات بالشوكلاته اللي تموت فيه..شاف الممرضه معها بوكيه ورد احمــــر..
تقدم لها وسحب ورده وبأبتسامه غبيه وهو يشوف وجه الممرضه ينقلب مية لون:Thanks..<<مشى و طلع فوق..تقدم لريم وقعد يحرك الورده على خدها..
فتحت عيونها بصعوبه:هممممم..
نايف بأبتسامه:صباح الخير..
ريم عدلت جلستها وهي مرتاعه:خير وش صاير..
نايف:ابد حبيبتي مو صاير شي بس جايب لك الفطور صح انه مو قدم المقام بس هذا اللي قدرت عليه..
ريم ابتسمت وناظرت الكيسه اللي في يده:مشكور ماقصرت تعبتك معاي..
جلس جنبها:لا تعبك راحه..
عطاها الورده وقال بصوت مهموم:ياورد من علمك تجرح..
حست انه يقصدها بهالكلام..بلعت غصاتها وخذت الورده وابتسمت بألم:مشكور..
نايف:نجحتي..
ريم:ايه..
نايف:كم نسبتك..
ريم كشرت:95% مزفته صح..
نايف ابتسم:لا بالعكس حلوه مبروك..
ريم:الله يبارك فيك عقبال ما تاخذ شهادة الدكتوراه..
نايف:آميـن عشان ما ابتعد عنك ولا لحظه..
ريم نزلت راسها وشوي وبتبكي"إنا كذا و إلا كذا بنبتعد"..
كان واقف وماغمضت له عين ولا غفى له جفن..
نايف وقف وتقدم له:شكلك تعبان رح نام..
طلال بضيق:ومن وين يجيني نوم وللحين ماشافتها ولاحتى تطمنت عليها..
نايف:الله يقومها بـ..<<ماكمل كلمته لانه شاف الدكتور طلع من غرفة العمليات..
توجهوا له بخطوات سريعه..
طلال بخوف:هاه دكتور طمني..
الدكتور:الحمد لله تعدت مرحلة الخطر وهي الحين مخدره..
طلال بلهفه:طيب اقدر اشوفها..
الدكتور:بعد ما ينقلونها لغرفه ثانيه تقدر تشوفها..
طلال وهو يتنهد بأرتياح:مشكور دكتور..
الدكتور:لا ولو هذا واجبنا..<<بعد ماراح عنهم..
مرر يدينه على شعره ومسح عرق رقبته وهو يتنهد بأرتياح..قرب منه وحظنه..
:الحمد الله على سلامتها..
طلال وهو ياخذ نفس طويل:الله يسلمك..
ريم مسحت دموع الفرحه وابتسمت:حمد الله يارب..
لف عليها وهمس:ماعورك ظهرك من النوم على الكرسي..
ريم:شوي نايف رح الحين ارتاح..
نايف:راحتي اني اسمعك ضحكتك واشوفك فرحانه ومرتاحه..
نزلت راسها"فرحتي و راحتي لما اشوفك مرتاح معي وإلا مع غيري (رفعت راسها له وعيونها مدمعه..كان ودها تصرخ وترمي نفسها عليه وتصرخ وكل الناس يسمعونها) احبــــك يا نايف.."..
××
نزل من سيارته وتوجه لهم..كانوا قاعدين على الطاوله حاطينها برا قدام المسبح ويفطرون..
كان الجـــــو خيال..
رفع نظارته:صباح الخير..
مشاري وقف له وسلم عليه:هلا صباح النور..
خالد:وين جدي..
مشاري:انت اكثر واحد يعرف جدي بعد مايصلي الفجر ويفطر يروح يتفقد احوال الرعيه..
خالد جلس:اي رعيه..
مشاري:خيوله واغنامه وباقي حديقة الحيوان اللي عنده..
خالد:ههههههههههههههههههههههههههههههه..
طلعت وهي لابسه فستان بينك تحت ركبتها وحاطه ربطه بينك على شعرها..كان شكلها ناعم وكيوووووووت..
مشاري رفع راسه وداااخ عليها..
قالت بنعومه:صباح الخير..
خالد:ماتلبق لك النعومه ابد..
رهف انقهرت:انت ليه جيت..
خالد:اذا صارت مزرعة جدك تعالي تكلمي..
رهف لفت ودخلت:اصلاً هي مزرعة جدي ياذكي..
خالد:ايه صح..
مشاري:خالد ابي اكلمك في موضوع ضروري..
خالد وهو ياكل حبة زيتون:قل..
مشاري نزل راسه وفرك يدينه:انا طالب القرب منك..
خالد اشر له على المكان اللي جنبه:تعال جنبي.

 

[دمعة قلق]

مشاري رفع راسه:لا ياخـــــي ما اقصد كذا صح انت ماعندك خبره في الكلام السنع انا قصدي ومن الأخر طالب يد رهف..
كانت واقفه وهي ماسكه صينية العصير..ابتسمت بفرحه وقلبها يدق بقووووووه..
تقدمت لهم وحطت العصير على الطاوله:تفضلوا..<<ودخلت بســرعه..
خالد ابتسم:من جدك انت..
مشاري:ايه وهالمواضيع فيها مزح..
خالد بفرحه:مبروووووك يافتى..
مشاري ابتسم:يعني انت موافق..
خالد:ايه اكيد موافق ما إنا لاقين احسن منك بس بنسأل البنت وبنسأل عنك ومايصير إلا كل خير ان شاء الله..
مشاري:وش تسأل عني انا ولد عمك يا التيس..
خالد:ياخـي خلني احس اني اخوها ومسئول عنها..
مشاري:وانت طول هالفتره وشو..
خالد:احس اني سواق عند ابوها ماتروش من شهر..
مشاري:ههههههههههههههههههههه..
××
فتحت الستاره ولفت عليه وناظرته..لو كان اللي قدامها بندر كان هاليوم احلى يوم في حياتها..
بلعت غصاتها وتقدمت له..
حط ذراعه على عيونه:يمــه سكري الستاره..
دانا كانت بتنفجر من الضحك..جلست جنبه:رياض يمه اصحى..
رياض:يمه خليني شوي..
دانا هزته بخفه:يله اصحى لاتتأخر على شغلك بعدين ابودانا ياخذ على خاطره منك..
رياض فتح عيونه وعقد حواجبه..بعدها ابتسم براحه:صباح الخير..
دانا وفي صوتها الضحكه:طلعت امك وانا مدري..
رياض:هههههههههههههههههههههه للحين مو مصدق انك زوجتي..
"زوجتي"تركت لها اثـر كبير في قلبها..وقفت وقعد يناظرها من فوق لتحت..كانت ملاك بالأبيض..
حمرت خدودها:رياض لاتناظرني كذا..
رياض رفع الغطا وتقدم لها:تصدقين ان هاذي احلى ليله نمتها..
دانا لفت وجهها عنه تخفي الدموع اللي تجمعت في عيونها:طيب ترى تأخرنا على المطار..
رياض:الساعه كم الحين..
دانا بصوت مرتجف:سبع ونص..
رياض:يوووه يله يله..<<جابت له فوطته و روبه..
دانا:يله تحمم وتعال نفطر سوا..
رياض:مايمدي طيارتنا بتروح علينا..
دانا وهي تتوجه للباب:طيب مايصير تروح ومعدتك خاليه اخاف تطيح علي واتورط..<<وطلعت..
رياض ابتسم وعلى صوته:احبـــــــــــك..
تصنعت الابتسامه ونزلت..كانت تفكر ببندر وش صار له الحين وهو حاس فيها وإلا لا..
حطت الفطور على الطاوله و رن جوالها..اول ماناظرت الاسم ابتسمت من قلب و ردت..
:اهليـــــن..
ام دانا بعيون مدمعه:هلا يمه بشريني عنك ان شاء الله بخير..<<ريناد سحبت السماعه..
:يا البطـــــــــه وحشتيني هذا وهو يوم واحد تصدقين امس ما قدرت انام قاعده اناظر سريرك مو مصدقه انك رحتي عني وتركتيني..
دانا:ههههههههههههههههههههههههههههه طيب خليني اتكلم كلتيني..
ام دانا سحبت السماعه:هاتي..هاه يمه قولي لي مرتاحه..
دانا ابتسمت بألم:ايه الحمد لله..
××
كان يضرب الجدار بعصبيه:اتصلـــــي عليها شوفي وينها للحين الله ياخذها..
ام ناصر:لا تدعي على اختك..
ناصر وهو يتوجه للباب وهو في قمة عصبيته:الله ياخـــــذها ويفكنا منها..<<طلع وخبط بالباب..
ام ناصر بكت:يا الله انا شسويت علشان يصير فيني كذا..
ساره عورها قلبها..نزلت لمستواها ومسكت يدها وضغطت عليها:خالتي هدي نفسك..
ام ناصر مسحت دموعها:يمه اللي يرضى عليك عطيني السماعه..
ساره:ان شاء الله..<<وقفت وعطتها سماعة التليفون واتصلت على جوال نجود..
::
كانت متمدده على الكنبه و محمد جنبها..
محمد يمرر يده على شعرها:تصدقين انك احلى بنت شفها في حياتي..
ابتسمت من قلب وحمرت خدودها:تسلـم..
محمد يناظرها بأحتقار ويبتسم بدون نفس"والله صدقت نفسها الاخت"..
رن جوال نجود وعدلت جلستها وطلعت الجوال من جيبها...ناظرت الرقم وتأففت..
وقف وعطاها بوسه وهي تمنت ان الارض تنشق وتبلعها..
:حبيبتي يله اشوفك على خير..
نجود سكرت السماعه على وجه امها:بتروح..
محمد:ايه و راي اشغال..
وقفت وحظنته:بشتاقلك..
محمد ابتسم بخبث وهو يبعد عنها:وانا اكثـر يله باي..
نجود بدلع:بااااي..<<لف محمد عنها وهي جلست تناظره لما اختفى عنها..
رن جوالها بألحاح:اففففف..
ردت بدون نفس:نعـم..
ام ناصر:الله ينعم عليك وينك اخوك معصب..
نجود بدون نفس:يا ذا الأخو اللي مكرهني في هالحياة..
ام ناصر:اقولك وينك..
نجود تأففت:يعنـــــي ويني في بيت فاتن..
ام ناصر:طيب تعالي بسرعه وإلا بيجيك شي من اخوك ماعمرك شفتيه في حياتك..
نجود بأستهزاء:يمـه خوفتيني قوليله اعلى مافي خيلك اركبه..<<وسكرت السماعه..
:افففففففففف عايله تجيب الهم..
نزلت وناظرتها بأحتقار من فوق لتحت:انتي من صاحبات احمد..
نجود ابتسمت بخبث:لا ياحلوه انا مو صاحبته انا حبيبته..
منال ابتسمت بأستهزاء:والله يلعب في عقولكم وانتو تصدقون على طول..
نجود"هه ان ماخليته يهوجس فيني ما اكون نجود"..قالت بدلع:يلعب في عقلي على كيفه وبعدين هو اصلاً ماخذ عقلي وقلبي..
منال بأحتقار:مبين والله..
××
طلع من الحمام ((الله يعزكم)) وهو يجفف شعره..ناظر شكله في المرايه كانت عيونه ذبلانه و وجهه برزت عظامه..
امس طول الليل ما نام قاعد يفكر فيها ويقرا مسجتها..اللي اذا احد شافها بيقول هاذولي مستحيــــــل يفترقون..لكن القدر اقوى منهم وفرقهم..
نزل تحت وطلع للحديقه..شاف جدته وتركي يفطرون وتقدم لهم:صباح الخير..
الجده نوره وتركي:صباح النور..
تقدم لجدته وباس راسها:شخبارك يمه..
الجده نوره ابتسمت:بخيـر دامك بخير وحولي..
بندر ابتسم بألم"خيـر اي خير وهي معاه الحين"..<<وجلس..
تركي بهمس:شكلك ما نمت..
بندر:ما غابت عن بالي ولا لحظه قاعد افكر فيها..
تركي:خلاص ياخـي انساها..
بندر:لو كنت بقدر كان نسيتها من زمان..
الجده نوره:وش فيكم تتهامسون..
تركي:ابد يمه سلامتك (وقف) يله بروح اسلم على اسرتي الكريمه مشتاق لهم..
الجده نوره:طيب كمل فطروك..
تركي ابتسم:خلاص يمه شبعت كثـر الله خيرك (باس راسها) يله مع السلامه..
الجده نوره:مع السلامه..
مشى وقبل مايطلع لف على بندر وبصوت عالي وهو يأشر بيده:سلام ياحلووو..
بندر ابتسم بألم وبنفس الحركه:سلام..<<بعد ماطلع تركي..
الجده نوره:وش فيك يمه احس انك متضايق..
بندر:لا يمه لا متضايق ولاشي بس تعبان شوي من السفر..
الجده نوره:هذا وتوك شباب وش خليت للعجايز..<<واشرت على نفسها..
بندر ضحك مجامله:ههههههههههههه..
××

 

[دمعة قلق]

دخل عليها وهو يبتسم..
ناظر فيها..كانت بشرتها متجعده وشعرها اشقر وعيونها رماديه..
ناظرها من فوق لتحت وبأستهزاء"هاذي مابينها وبين القبر إلا شعره"..
اصلاً هو ماتفرق معاه ان كانت صغيره وإلا مراهقه وإلا كبيره في السن المهم انه ياخذ اللي يبيه منها..
تقدم لها..فجأه شاف وجهها ينقلب ميـــــــة لون..وقعدت ترتجف بشكل مو طبيعي..وعيونها تجمعت بدموعها..
"خير ان شاء الله لهالدرجه انا اخوف"..قال بصوت جذاب..
:وش اخبار الحلوين..<<كان يظن انها اجنبيه من شكلها..ضرب جبينه بخفه وكشر..
هو زفت بالانجليزي وشلون بيقدر يتفاهم معها..تذكر كلمات فاتن وحاول يقلدها..
:Hi how are you..<<ابتسم من قلب"هع والله اني خطيـــــــــر..بس وش معنى ذا الكلام.."..
قالت وهي تبلع غصاتها:ابني..
احمد"اووه طلعت من ربعنا"..
قال وهو يبتسم:لا ياحبيبتي ناديني احمد مو ابني ترى مافيه فرق بيني وبينك..
قالت بصوت مرتجف:ابني احمد..
احمد:مصــره انتي على ابني انا مو ابن احد..
بكت من قلب وبحرقه وهي ترمي نفسها عليه:انا إمك انا جانيت..
انصــدم..وماتحرك له طرف..كانت كلمتها زلزال هزت الارض من تحته..
دفها عنه وهو تحت الصدمه:اقوووول روحي العبي على غيري..
جانيت وهي تبكي:ما بكزب عليك انا إمك اخيراً شفتك يا احمد..<<قربت منه بس هو دفها بقووووه..
حس ان الشياطين تنطط قدامه..عطاها كف قوي وسحبها مع شعرها وهي تصرخ بأعلى صوتها..جرها لتحت وضرب بطنها برجله..
وهو في قمة عصبيته:اطلعـــــــــــي برا وان شفتك مره ثانيه لاتلومين إلا نفسك فاهمـــــه..
جانيت شهقت وهي تحط يدها على بطنها:احمـد لاتعاملني هيـك بيك هوا اللي حرمني منك انا ما إلي زنب..
نجود وقفت بصدمه وشهقت..ومنال طلعت من المطبخ مرعوبه
:خير احمد وش صاير..
جانيت وهي تبكي..:انـ..
قاطعها وهي يعطيها كف اقوى من الاول..وخدها صار احمـــــر:انكتمــــــــي ( لف على منال و صرخ بعصبيه)
روحـــــــي نادي الزفت اللي برا..<<لف وجانيت تمسكت في طرف بنطلونه..
ناظرها بأحتقار و رجفها:انقلعــــــــــــي..<<طاحت الارض تبكي وهي لف عنها وطلع الدرج بسرعه..
دخل غرفته وسكر الباب بقوه..هزت اركانه..جلس على السرير وصدره يرتفع وينزل بسرعه..
تذكر ملامح وجهها كانت تشبه له كثيـر..وعيونها كانت رماديه مثل عيونه..
بكى بقووه وهو يخبي وجهه بيدينه..
××
كانوا الجالسين مستغربين وخايفين في نفس الوقت..كانت جانيت بتموت قدامهم من ضرب احمد القوي لها..
نجود صارت ترتجف..لو نشرت فيديو فاتن وش بيسوي لها..
بلعت غصاتها"وهو وش دراه اني انا اللي نشرت الفيديو بعدين هي خاربه خاربه"..
منال ناظرتها وبأستهزاء:وش فيه حبيبك..
قالت بدلع وهي تلف عنها:بروح اشوفه..
منال ابتسمت عليها بأستهزاء.."ياحياتي ارحمك"..<<لفت وخذت عبايتها وشنطتها وطلعت من الاستراحه بخطوات سريعه..
ركبت السياره ورفعت جوالها..لازم عليها تسوي هالشـي..لان فيه بنات بيضيع شرفهم وهم مالهم ذنب وغصب عنهم جايين او بعضهم مايدرون وش اللي في الاستراحه اصلاً...
قالت بصوت مرتجف:الو..السلام عليكم..الهيئه..
××
دخل عليها وشافها متمدده على السرير ونايمه..وابرة المغذي على يدها..انعصر قلبه بألم..وتمنى يكون محلها..
تقدم لها وباس يدها..وهمس في اذنها:احبــك وحبك يمشي مثل الدم في عروقي يا اول فرحتي واخر امالي يابعد هالدنيا ومافيها..<<شهق ومسح دموعه اللي نزلت غصب عنه..
سحب كرسي وجلس جنبها ومسك يدها..وحط راسه على السرير وغرق في النوم..
::
كانت سانده جسمها على الجدار ومتكتفه وشوي وبتنام..
نايف بحنيه:ريم خليني ارجعك البيت..
ريم كانت دايخه وشوي وبتطيح:لا بقعد عند مها..
نايف:شكلك تعبانه ومها ماصحت روحي ارتاحي ونامي وبعد المغرب تعالي لها يله عاد علشاني..
ريم ابتسمت بتعب:اوكي..
مشت بخطوات سريعه وتقمت لهم وهي تلهث:هاه طمنوني..
ريم بعصبيه:وينـك انتي كنتي تدرين ان اختك مسويه عمليه وجالسه مرتاحه في البيت..
لمى نزلت راسها وبلعت غصاتها:اسفه بس تركي..<<وسكتت..
ريم طاح قلبها:وش فيه تركي..
لمى رفعت راسها وابتسمت من تحت الغطا:تركي رجع..
ريم بدون تصديق:لمـى لاتمزحين معي..
نايف ابتسم:ريم لمى ماتمزح تركي رجع..
ريم بكت من قلب وحطت يدها على فمها:يوقف ويمشي..
لمى بفرحه:ايه..
ريم لفت على نايف:تكفـى ودني له الله يخليك..
نايف:يله امشي معي..
ريم مشت بخطوات سريعه:يله يله..
نايف:هههههههههههههههههههه شوي شوي..
لمى مسحت دموعها وهي تبتسم من قلب..ودخلت الغرفه..
عورها قلبها على طلال ومها..وتقدمت لهم..
وبهمس:طلال..
رفع راسه وفرك عيونه:هلا لمى..
لمى باست راس مها وغصب نزلت دموعها وبصوت مبحوح:صحت كلمتك..
طلال:لا مثل ماتشوفين..
لمى:طيب روح ارتاح..
طلال رجع يحط راسه على السرير:انا مرتاح كذا..
لمى جلست وقلبها يعورها عليه..
××
دخل البيت وهو يغني ويلعب بمفتاحه..
ام محمد:وين كنت من امس..
محمد بأستهزاء:سؤال غبي..
ام محمد بعصبيه:محمـــد بلا قلة ادب مو بأصغر عيالك انا..
محمد ببرود:اسفين يا ام محمد..
ام محمد ناظرته بأستحقار ولفت..رفعت الجريده و رمتها عليه..
:شف وش مسويه بنت عمك..
محمد ناظر الجريده:اي بنت عم..
ام محمد:كم عندك من بنت عم انت..
محمد فتح الجريده وقرى الخبر"محاولة انتحار لأبنة الوزير راشد الـ..."..
انصـــدم وكأن احد عطاه كف حار قوي..
جلس يرتجف..اطراف يدينه بارده..وحرارة جسمه مرتفعه..الكلام اللي قراه صار يتردد في مسامعه..ايامه اللي قضاها معها مرت قدام عيونه..كانت تكرهه ماتطيقه وهو خطبها بس مارضت..بس للحين هو يحبها ومتعلق فيها وهي حياته..وهواه اللي يتنفسه..
نزلت دموعه غصب عنه و رمى الجريده على الارض وصرخ في وجه امه بعصبيه..
:كلــــه كذب..
ام محمد بعصبيه:شف صورتها وبعدين لاترفع صوتك علي..
محمد بكى بقوووه وطلع وخبط بالباب..
ام محمد تنهدت بضيق:الحين وش يحب فيها ذا المنحطه اففففف..
××
نزل تحت وناظر الشباب والبنات جالسين في الصاله..وكاسات الخمر على الطاوله والدي جي كان يهز المكان..
ناظرته نجود بأحتقار..كان تهز رجلينها بعصبيه من بعد ماطردها من الغرفه"هذا جزاي انت وخشتك جايه اسأل وش فيك"..
التفت عليها وقال بعصبيه:خيـــــر وش تبين انتي..
نجود ارتاعت وبخوف:ولاشي ولاشي..
طلع سيجارته وهو يناظرها بأحتقار ويتأفف..حس انه مخنوق من هالجو..وطلع لبرا وهو ينفخ سيجارته في الهوا علشان تهدي من اعصابه..
كانت صورة جانيت في باله ولاغابت ولا لحظه..
صحاه من افكاره صوت الباب اللي انفتح بقووووه..ودخلوا كم شخـص..
رمى سيجارته و ركـــــض لسيارته..
لحقـــه واحد من الشرطـــه:وقــــــــف..
كان يركض ويناظر وراه..وهو خايف..سبحان الله خاف من العباد ولا خاف من رب العباد..
ركب سيارته وحركها بسـرعه جنونيه..
ضغط على الدركسون ومرر يده على شعره بتوتر والعرق ينزل منه..لف وناظر سيارتين شرطه تلحقــه..
صرخ بعصبيه:الله يلــ..؟؟
لف وصار كل شي بعيونه اسـود..وبدون احساس ولانبض صرخ وهو يحس ان الدم نشف في عروقه ويحس ان نهايته قربت..
:لاااااااااااااااااا..
صدم في شاحنه وتقلبت السياره اكثر من مره..وطار من الشباك..
انفجرت السياره واشتعلت..وهو كان طايح على الارض ويحس ان فقرات جسمه تكسرت وراسه انفتح لنصين..
الدم غطى عيونه وجلده انسلخ وبانت عظامه..
ما كان يقدر يتنفس الاكسجين من حوله نفذ وتحول لحريق ينهش عظمه ويحرقه..
..مروا قدامه..ناديه وجنا ونوف وهيفاء ومنال ونجود..
مر قدامه صديق عمره واخوه اللي ماجابته امه..راكــــان..كان ناوي يدمره وينهي حياته ويضيع شرف حبيبته ريم واخته هيفاء..
مر قدامه محمد..اللي جره وراه للضياع وضيعه..
امه وابوه وفاتن..اللي كان يتمنـى موتهم..
نزلت دموعه حاآآآره تحرق خده واختلطت مع الدم اللي غطى وجهه..
وآخـــر كلمه سمعها:إنا لله وإنا اليه راجعون..<<واغمــى عليه..
××