قالت بحماس:مره مشتاقة له واحس ان قلبي بيطير من الفرحه (لفت عليه) والله مدري وش اسوي اذا شفته بس اتوقع بتجيني سكته قلبيه..
نايف:بسـم الله عليك لاتقولين هالكلام..
ريم بفرحه وابتسامه وسيعه مرسومه على شفاتها:من فرحتي صرت مدري وش اقول..
نايف بحزن:طيب وش كان شعورك يوم انا رجعت كنتي تتمنين شوفتي وإلا اساساً ماتتمنيني ارجع..
اختفت ابتسامتها ولفت وجهها عنه:مو مهم شعوري..
نايف:من قال انه مو مهم..
ريم:انا اقول..
نايف لف وجهها عليه:غلطانه..
ريم بعدت يده عنها ولفت تناظر الطريق وشهقت..
نايف:وش فيك..
ريم:وش هذا حريق..
نايف:شكل فيه حادث..
ريم:ياربي استر..
نايف فتح الباب و ريم مسكته:لا تنزل..
نايف التفت لها وبأستغراب:ليه..
ريم بخوف:ما ابيك تنزل الدنيا زحمه وفيه حريق اخاف تختنق..
نايف سكر الباب وابتسم من قلب وهو يضغط على يدها:تخافين علي..
ريم بحزن ودموعها تجمعت في عيونها:علشانك ولد عمي بس لا اكثر ولا اقل..
نايف:بس عيونك تقول غير كذا..
ريم نزلت دموعها غصب عنها..كان شعورها غريب وهي ماسكه يده وهو ضاغط عليها ويدفيها..
قالت بألم:عيوني تقول وشو..
نايف:تقول انك تحبيني وتخافين علي حتى اكثر من نفسك..
ريم داست على قلبها:ابوك يا الثقه..
نايف صار يتنفس بسرعه وصدره يرتفع وينزل..لف وجهها عليه وضغط على كفها وبعصبيه..
:انتــــــي متى بتفهمين ان مابيني وبين مشاعل شي ليه مو راضيه تصدقين..
ريم ناظرت عيونه وشهقت وبكت بحرقــــــه وهي ترتجف..
تغيرت نبرته وضعف وقال بهدوء:ليه تبكين..
ريم عدلت جلستها ونزلت راسها وتحسست كفها اللي حست انه انكسر:حرام عليك عورتني..
نايف بلع غصاته وبحزن:آسف ما كان قصدي بس طلعتيني من طوري..
ريم كانت تفرك يدها وتشهق وتعض شفايفها بقهر..
عوره قلبه وبضيق:خلاص عاد..
زاد صوت بكاها..كانت تبكي من الألم اللي عايش في قلبها..هي الحين مع حبيبها في مكان واحد..وبعد كم يوم بتكون مع زوجها في مكان واحد..
مع نايف وإلا مع محمد بتتألم وتنجرح..بس الجرح من نايف بكلمه منه يقدر يشفيه..إلا خاينته لها ماتقدر تسامحه عليها..ولايقدر هو يشفي الجرح اللي سببه لها..
حط يده على يدها وضغط عليها:ريـم آسف..
ريم لفت عليه وكانت عيونها حمـــــرا وشفايفها ترتجف..ودموعها تنزل حاآآره على خدها وهي تناظره بألم..
نايف بلع غصاته:يعورك..
ريم هزت راسها بالنفي..
نايف:طيب ليه تبكين..
ريم رفعت يدها ومسحت دموعها ولفت تناظر الشباك..
سكت ماحب يضايقها..ولف يناظر الطريق..
وغنى بدون شعور وبصوت جذاب:هاذي اول مره احس كلـي عشق..آآآآه..عطني فرصه اتنفسك خاف اختنـق..
وياك انت تأكدت..اني قبلك ماعشت..وعلى كل لحظه بدونك..ياحبيبـــــي تندمت..
إنسى عمرك..وأنسى عمري..امتزج بيا وصير عطري..ليه وانا وياك احس بالوقت يجري..
..انســــــــى كل النااااس..خليني احظنــــــك..
كانت تسمعه وصوته حرك شعورها من جوا..سندت راسها على الشباك وصوته يرن في اذنها..وغمضت عيونها..وغلبها النوم ونامت..
لف عليها شافها نايمـه..وقف سيارته على جنب..وحط راسها على المرتبه..و رجع المرتبه لورا..وغصب عنه قرب منها وباس جبينها..
وهمس:احبـــك..
××
؛؛..تروح الروح..لو رحتوا من اديا..؛؛
مشى في الممرات بسرعه وهو يلهث ويمسح عرق جبينه..
فتح باب الغرفه بقوووه لدرجة انه بغى ينكسـر..ناظر فيها متمدده على السرير جسد بلا روح..
كان ابواحمد حاط راسه على السرير و اول ماسمع الباب ينفتح التفت مرتاع:محمــد..
ناظرها مصدوم..عيونه ما فارقتها ودموعه حرقت خده..صدره صار يرتفع وينزل..
لو راحت تروح روحه معها..مايقدر يعيـش بيقتل نفسه..
ابواحمد وقف وحالته يرثى لها..تقدم لها:ادعي لها تقوم بالسلامه..
ناظره بأحتقار وكره وصرخ وهو في قمة عصبيته وماسك رقبته:كلـــــــــه منك انت اللي قتلتها انـت..
ابواحمد صار وجهه احمـر ويحاول يفك يد محمد:مـحـ..
محمد يبكي ويصرخ:بذبحـــــك مثل ماذبحتها بذبحـك واشرب من دمــــك وارمي لحمك للكلاب..
كانت تسمع صوت محمد وابوها..بصعوبه فتحت عيونها وهمست بصوت ضعيف تعبان مبحوح..
:نايف..
محمد وهو يشد على رقبة ابواحمد:واللــــــه ما اخلي فيك عرق ينبض..
رجعت لها الذكرى يوم كانت مع نايف والكلام صار يرن في مسامعها..صرخت وهو تحط يدها على اذنها:خــــــــــــــلاص..
لفوا عليها مصدومين..محمد نزل يده..وابواحمد حط يده على رقبته وصار يلهث..
تقدم لها بخطوات سريعه:فاتـــــن..
فاتن وهي تعدل جلستها بسرعه وتضم رجلينها لصدرها وتبكي بهستيريا وتصرخ:طلعــــوني من هنا تكفووون طلعــــوني (قربت من محمد ومسكت يده وصرخت بهستيريا) بروح لنايـــــف ابي نايــف تكفون ودوني لنايــــف..
محمد قال بأستغراب وصدمه:من نايف..
رفعت الغطا و رمت المغذي على السرير و ركضت لأبوها اللي حظنها بأقوى ماعنده وبكى..
بعدت عن ابوها وضغطت على يده..وهي تبكي بشكل يطعن القلب ويقطعه..
:بـ..ابـا ابغـى نايف الله يخلـ..يـك ودني له تكفــــــى (لفت على محمد) والله احبـه احبــ..
شهقت وهي تحط يدها على خدها..صار خدها احمـر ونزل دم من فمها..من قوة الكف اللي جاها من محمد
زاد صوت بكاها وطاحت على السرير..
ابواحمد بعصبيه:انـــــت كيف تسمح لنفسك تمد يدك عليها..
محمد بأستهزاء:بذمتك انت ابو انت تقولك احب مدري مين وساكت لها..
ابواحمد عطاه كف قوي وصدره يرتفع وينزل بسرعه:مالـك دخل فيني وفي بنتــي تفهم ويله انقلـــــــــع..
محمد كان خده يحرقه من قوة الكف..حط يده على خده وفركه وهو يناظره بأحتقار وعطى فاتن نفس النظره وطلع..
تقدم لبنته ونزل لمستواها وهي دفنت راسها على صدره وبكت..
ابواحمد وهو يبوس راسها ونزلت دموعه غصب عنه:خلاص يابوي خـلاص..
××
تحركت في سريرها وعدلت جلستها ولمت شعرها..شافت فيصل واقف عند المرايه ويحط جل على شعره..
اول مره تشوفه بتيشيرت ضيق وبنطلون جينز طيحني وشعره كيرلي..داخت عليـــــــه وحطت يدها على خدها تناظره..
لف عليها وابتسم وتقدم لها..وهو مو حاسه كانت خاقه عليه ونبضات قلبها سريعه..
لوح لها بيده قدام عينها:ياحلووووو..
هيفاء انتبهت:هاه..
فيصل:ههههههههههههههههههههههههه وش فيك..
هيفاء ابتسمت من قلب وهي تحوس شعره:طالع تجنن..
فيصل ابتسم ومسك يدها:ليه انا قبل مو اجنن..
هيفاء حمرت خدودها ونزلت راسها..
فيصل:ههههههههههههههه (رفع راسها بأصبعه) والله انتي اللي تجنينين..
هيفاء ابتسمت بخجل وهي ترفع الغطا وتوقف:خلاص عاد..
فيصل:قلبي وش رايك نطلع نفطر سوا..
هيفاء لفت عليه وبفرحه:جد..
فيصل ابتسم:ايه وتعالي بعطيك شي..
هيفاء تقدمت له وبأستغراب:إيــش..
فيصل طلع من جيبه تذاكر السفر ومدها لها:تفضلي..
هيفاء ناظرت التذاكر بدون تصديــق:فيصل إيش هاذي..
فيصل:تذاكر سفر..
هيفاء ناظرته بعيون مدمعه:بتسافر..
فيصل وقف:انا وانتي بنروح شهر العسل ولو انه جا متأخر..
هيفاء رمت نفسها عليه ونزلت دموعها غصب:احبـــــــك..
فيصل ابتسم من قلب:وانا اموووت فيك (بعد عنها ومسح دموعها) يله روحي البسي بنفطر انا وياك برا..
هيفاء بكت من قلب ونزلت راسها:عن جد فيصل مو مصدقه..
فيصل رفع راسها وبضيق:ابي اعوضك عن كل كلمه جرحتك فيها..
هيفاء حظنته بأقوى ماعندها وهي تبكي:الله لايحرمني منك..
فيصل:ولامنـك..
بعدت عنه ومسحت دموعها وهي تبتسم:يله بروح البس..
فيصل:خلاص انتظرك تحت..
لفت ومشت بخطوات سريعه خذت فوطتها..فجـأه حست ان الدنيا تدور فيها وماتقدر تتوازن..حطت يدها على الجدار ومسكت راسها..
فيصل تقدم لها بخوف:حبيبتي وش فيك..
هيفاء بتعب:دخت..
فيصل مسكها:طيب تعالي ارتاحي..
هيفاء تأشر بيدها بدون اهتمام وهي تبتسم:لا تشيل هم دوخه بسيطه..
فيصل:متأكده مافيك شي..
هيفاء لفت عنه وتوجهت للحمام ((الله يعزكم)):ايه حبيبي متأكده..<<دخلت الحمام وناظرت وجهها في المرايه كانت تعبانه ودايخه..
بس بتطلع معه ولو فيها وشو..هي ماصدقت يقولها بنطلع سوا..
ابتسمت من قلب..وهي تتذكر كلمته"اموت فيك"..حطت يدها على قلبها وعضت شفايفها بخجل وخدودها حمرا وقلبها طايـــر من الفرحه..
::
نزل والخوف ياكل قلبه عليها..ابتسم بألم..اول ما كان يهتم بمشاعرها وكان يتلذذ اذا شاف دموعها..والحين اذا حست بألم بسيط يتعذب وقلبه ينبض بالخوف عليها..
تقدم لأمه وباس راسها وجلس:ابوي راح الشغل..
ام فيصل:ايه راح..
فيصل:وين البنات..
ام فيصل:لمى عند امك نوره ومها من امس ماشفتها بس اكيد نايمه..
فيصل:لا مو في غرفتها..
ام فيصل بخوف:يعني وشلون مو في غرفتها..
فيصل:اليوم الفجر استغربت انها ماصحت تصلي رحت لغرفتها اصحيها بس مالقيتها..
ام فيصل شهقت وحطت يدها على قلبها:ياويلــــي على بنتي حتى امس ماجت الزواج..
فيصل ابتسم بخبث:تلقينها عند روميو..
ام فيصل بأستغراب:من روميو..
فيصل:طليـل..
ام فيصل ابتسمت:الله يتمم عليهم ولايفرقهم قل آمين..
فيصل بتوتر:آمين اقول يمه اليوم هيفاء مدري وش فيها داخت وشكلها مو طبيعي وجهها اصفر..
ام فيصل:حتى امس ماكلت تقول شبعانه وحسيت انها بترجع (قالت وهي تبتسم) يمكن حامـــل..
فيصل انصدم:حامــل..
نزلت وهي تسكر عبايتها وتبتسم:صباح الخيـــر..<<تقدمت لأم فيصل وباست راسها..
ام فيصل ابتسمت:صباح النور..
ام فيصل:اشوفك لابسه بتروحين للمستشفى..
هيفاء ناظرت فيصل وابتسمت:لا بطلع انا و..<<وسكتت..
فيصل وقف وفي صوته الضحكه:تستحــــي فديت امها..
هيفاء بهمس و وجهها احمر:فيصل..
فيصل:هههههههههههههههههههههه يمه بفطر انا وياها برا..
ام فيصل ابتسمت:الله يحفظكم..
فيصل وهو يتوجه للباب:يله فمان الله..
ام فيصل:فمان الكريم..
هيفاء لحقت فيصل وهي تحط الطرحه على راسها:يله بااااااي خالتي..
ام فيصل:مع السلامه..
طلعت وتغطت:فيصل استنى..
فيصل وقف وهي جت ومسكت يده وابتسمت:علشان اكشخ فيك قدام العالم..
فيصل:هههههههههههههههههه..
××
ناظرته بصدمه..كانت تتمنى تموت ولايشوفها في هالمكان..ليتها ما انولدت ولاشافت الدنيا..ليتها ماجت لهالمكان ولاعرفت احمد ولافاتن..
كان جاي يقبض على ناس منحطه حقيـــره..ولقـى اخته معهم..
شعور صعب..يهز سابع ارض ويزلزلها..
ناظرها بدون تصديق وهمس وكأن احد طعنه مع ظهره:مستحيل انتي نجود انتي اكيد تشبهين لها..
تشنجت ملامحها وكلام ناصر يتردد في اذنها..صرخ في وجهها وهو يهزها:تكلمــــــــــي انتي نجود..
ماقدرت تقول حرف واحد كان لسانها ثقيل وعاجز ينطق حرف واحد..اخوها شافها في استراحة دعـ..؟؟..ماتدري وش بيسوي فيها بس اكيــد بيقتلها..
ناظرت فيه بصدمه كان منهار ودموعه على خده..اول مره تشوف دموعه..حتى يوم توفى ابوها مابكى وكان حزن فراقه دافنه في قلبه..
عطاها كف وثاني وثالث..وضربها بوحشيه وهي تصرخ وتبكي وتنوح..:ناصـ...ر..
واحد من رجال الشرطه قال بعصبيه:اتركــــها يا ناصر مو كذا..
لف عليه وصرخ وهو يسحب نجود مع شعرها:انت مالـــــك دخـــل ظف وجهك..<<دفه بأقوى ماعنده وسحب نجود مع شعرها وهي تزحف على الارض وتبكي وتصرخ:ناصـر تكفـــــى اتركنـي اتركنـــــــــي..
ناصر كان يسحبها وهو يضغط على شفايفه بقهر والألم يعصر قلبه:ياحسافـة كل لحظه قضاها ابوي في تربيتك ياحسافـة كل آه طلعت من فم امي وهي تولدك..
بكت من قلب وشهقت..من قوة كلام ناصـر اللي هز شعورها وكيانها..
..نست تربية ابوها لها..نست حنيته وطيبته..ونست حنان وحظن امها الدافي..و ركضت ورا فاتن اللي ضيعتها وقتلت البرائه اللي فيها..صارت بدون احساس وداست على كرامتها وشرفها بيدها وسلمتها لأحمد..
صرخت وآهات طلعت من قلبها تهز جبال..حاولت تفك يد ناصر اللي صار في يده نص شعرها..و وجهها صار احمر وينزف من الضرب اللي جاها منه..
قالت برجا وهي تبكي بدال الدموع دم:ناصـــــر الله يخليك اتركني..
ناصر بعصبيه:انكتمــــــي ولاكلمه..
فتح باب سيارته الجيب و رماها ورا وصدمت في حافة الكرسي وصرخت:آآآآآآآه..
خبط بالباب و ركب وحرك سيارته بسرعه جنونيه..وهي ضامه رجلينها لصدرها وتبكي وصوت بكاها يعلى..
ناصر ما كان يشوف إلا شياطين تنطط قدامه صرخ بعصبيه خلتها تجمد وماتحرك رمشها:قلـــــــــت انكتمي..
حطت راسها بين رجولها وهي ترتجف وشفايفها بيضاء ومتقطعه..و فمها ينزف من اسنانها اللي تكسرت...
كان الخوف والرعب ياكل قلبها..من المصير المجهول اللي ينتظرها..
××
وقف سيارته قدام البيت..وكان ماوده يصحيها..اليوم مر عليه مثل العسل لانها معه وجنبه..
قال بهمس وهو يقرب منها:ريم..
فتحت عيونها بصعوبه وشافته قريب مره من وجهها..تضاعفت حرارة جسمها وارتبكت:نـ..عم..
حس انها منحرجه..رجع لمكانه وابتسم لها:صباح الليل..
عدلت جلستها وتمغطت وهي تبتسم بألم:صباح النهار..
نايف:ههههههههههههههه يله وصلنا..
ريم فتحت الباب وقبل ماتنزل لفت عليه:مشكور ماقصرت..
نايف:لعيونك اسوي اي شي..
"تكفى لاتزيد همي هموم" قالت بألم:يله باي..<<ونزلت..
نايف:ريـــــم..
ريم لفت عليه:نعم..
نايف ابتسم:انتبهي على نفسك (قال وابتسامته من على شفاهه اختفت وضغط على الدركسون بقهر) واذا حاول محمد يقرب منك قولي لي..
ضاقت فيها الوسيعه اول ماسمعت بأسمه..آشرت له بيدها وبضيق:يله باي..
::
قالت وهي تبتسم ودموعها على خدها:ماتدري وش كثر مشتاقة لك يمه..
تركي:وانا اكثـر والله..
ابومشعل بفرحه:يابوي بشرني عنك..
تركي:الحمد لله بخير بشوفتكم..
مشعل غمز له:ماعشقت المانيه..
تركي:وانت عليك تفكيـــر الله يعين في عليك..
انفتح الباب ودخلت..لفت وناظرته بلهفه وشوق..نزلت طرحتها وابتسمت من قلب وغصب نزلت دموعها..
ناظرته من فوق لتحت بدون تصديق..كان يمشي متوجه لها..
ركضت له وهي تبكي و رمت نفسها عليه:تـــــركي..
تركي ابتسم من قلب:وحشتيني..
××
نزل وهو يعدل شماغه..تقدم لها وباس راسها:صباح الخير..
ام سعد بفرحه:صباح النور..
سعد جلس:عساها دوم هالأبتسامه..
ام سعد:مدامك بتتزوج يمه اوعدك هالأبتسامه ماتفارقني ولالحظه..
سعد كشر ونزل راسه يحرك كوبه بملل..
ام سعد بحماس:سألت ام مشاري عن بنات قالت لي كم وحده وكل وحده احسن من الثانيه بصراحه ودي ازوجك اربع هههههههههههه..
سعد بدون نفس:ماعندك وقت يمه على طول رحتي تدورين لي..
ام سعد:انا ماصدقت انك تقولي يمه خلاص اخطبي لي..
سعد وقف وبضيق:انا تأخرت على شغلي يله تامرين على شي..
ام سعد:كمل فطورك..
سعد وهو يتوجه للباب:شبعت مع السلامه..
ام سعد استغربت العاده قبل مايطلع لازم يشوف فيصل:ماتبي تشوف فيصل..
ماسمعها وطلع..ركب سيارته وتنهد بضيق:آآآآه ياخلود والله و لاوحده بتملك قلبي بعدك..
××
كانوا واقفين في المطار يودعون بعض..
ام دانا وهي حاظنه دانا اللي تبكي:انتبهــــــي على نفسك يمه..
دانا بعدت عنها:ان شاء الله..
ريناد ناظرتها وشهقت:دانـــــا..
دانا حظنتها بأقوى ماعندها وهمست:آآه يابندر..
ريناد:مجنونه انتي للحين تفكيرن فيه..
دانا:وانتي متوقعه في يوم وليله بنساه..
ريناد:طيب اسكتي لا احد يسمعك..
نادوا على الرحله..ودانا شدت على عباية ريناد..:سلمي لي على دلال اوكي..
ريناد:يوصل..
ام رياض وهي تمسح دموعها:اتصل علي اول ماتوصل..
رياض:ان شاء الله يمه ولايهمك..
غاده ابتسمت:بشتاقلك ريوووض..
رياض ابتسم:وانا اكثـر..
دانا سمعتهم ولفت وناظرت غاده بنص عين"خيـــــــر تمون العمه تغازل رجلي قدامي"..<<مشت ومسكت يد رياض..
:يله رياض..
رياض ضغط على يدها وابتسم:يله مع السلامه وسلموا لي على طلال السحبه..
ام رياض:يوصل..
ام دانا:انتبهوا على انفسكم..
رياض ودانا:ان شاء الله..<<مشوا ودانا حست على نفسها وتركت يده..
:افففففف..
رياض لف عليها وبأستغراب:وش فيك..
دانا بضيق:ولا شي..
::
ريناد وهي تشهق وتمسح دموعها:بشتاقلها..
ام دانا وهي تبكي:ادعي لها الله يوفقها..
ابودانا:يله نمشي..
ام دانا:يله..
××
فتحت عيونها بصعوبه..وشافته حاط راسه على السرير ونايم..
كانت دايخـه وتعبانه..وقلبها يعورها على طلال..قالت وهي تحط يدها على راسه:طـلال..
رفع راسه بسرعه وهو يفرك عيونه..يتمنى اللي يسمعه يكون حقيقه مو حلم..
:مها..
مها وهي تغمض عيونها وبتعب:وش صار لي ويني فيه..
طلال وقف وبلهفه وهو يبوس يدها:حبيبتي وش اخبارك الحين حاسه بشي يعورك شي..
مها:بطني يعورني (فتحت عيونها) طلال وش صار لي..
طلال بضيق:انتي طحتي من الدرج..
مها:وعسى ماصار في ولدنا شي..
طلال وفي صوته نبرة حزن:الله يعوضنا بغيره..
مها انصدمت:إيـــــــــــش..
طلال:حبيبتي المهم انك بخير..
مها عدلت جلستها و بكت من قلب:لا طـــــــلال انت تكذب علي..
طلال قرب منها وحظنها:مها هدي نفسك مايصير تنفعلين..
دخلت وشهقت:مهـــــــا..
مها بعدت عن طلال وهي تبكي:لمـى ولدي مااااات مات..
لمى ركضت لها وهي تبكي:مهـــا الله يخليك لاتبكين..
مها وهي تشهق:كله منـي انا السبب..
لمى وهي تحظنها:مها تكفيــــــن لاتبكين الله يخليك..
مها كانت تشد ملابس لمى وتبكي من قلب:راااح راااح..
لمى:مها خلاص تكفيـــــن..
طلال بحزن:لمى ممكن تتركينها لحالنا..
لمى بعدت عن مها:عن اذنكم..<<وطلعت..
طلال ناظر مها وبلع غصاته..وهي كانت جالسه ومنزله راسها وتشهق..
جلس جنبها ومسك يدها:مها المهم انك بخير تكفين علشاني امسحي دموعك تراها اغلى من روحي..
مها مسحتها وحظنته بأقوى ماعندها:احبـك..
طلال:وانا اموت فيك..
مها بعدت عنه وبضيق:شكلك تعبان..
طلال ابتسم:مو نايم من امس كله منك..
مها كشرت:حسبي الله علـ..
طلال قاطعها:اششش لاتكملين (تمدد على السرير) يله تعالي..
مها ابتسمت وتمددت جنبه وهو حظنها بأقوى ماعنده..
::
كانت تدور عند باب الغرفه"افففف ذولي مطولين"..<<فتحت الباب وانصبغ وجهها باللون الأحمر..
كان طلال غرقان في النوم..ومها تعبانه ومحتاجه تنام..
"اقول مالي داعي اروح للبيت واحط راسي وانام احسن"..<<وطلعت..
××
قالت وهي تبتسم:هاه وش اخبار المانيا..
تركي:تحسبيني رايح سياحه من الفندق للمستشفى ومن المستشفى للبيت ولد عمك بندروووه مايخليني اطلع لمكان..
ريم همست له:طيب وش اخبار لمى..
تركي ابتسم من قلب:فديت ابو اللي جابوها ياشيخه..
ريم:ههههههههههههههههههه..
ام مشعل:خلاص ريم اتركي اخوك خليه يروح ينام..
ريم ابتسمت:مشتاقة له مووت اقول يمه وش رايك نسوي حفله لرجعته..
ام مشعل:ايه اكيد هاذي مايبي لها راي..
تركي وقف:يله بروح انام..
ام مشعل:نوم العوافي..
تركي:الله يعافيك..<<وطلع فوق..دخل غرفته شافها مرتبه و ريحة عطره المفضل منتشره في كل الزوايا..
:والله بتندم اللي نظفتها خخخخخ..
فسخ تيشريه و رماه على السرير..وسمع صوت وراه:بدينا الحوسه..
تركي لف عليه:هلا مشعل..
مشعل جلس على السرير و تربع:مادريت وش صار بغيابك..
تركي:خير وش صار..
مشعل:اجلس وبقولك على كل شي..
تركي تقدم وجلس جنبه:خير..
مشعل بضيق:اي خير تدري ان ابوك بيزوج ريم غصب عنها..
تركي انصدم:وش تقول انت..
مشعل:مثل ماسمعت..
تركي وقف وبعصبيه:خيـــــــر والله ماتتزوج إلا برضاها ومحد بيجبرها على شي ماتبيه..
مشعل:تركي لاتحرق دمك على الفاظي ريم تقول لاتتدخلون واللي يبيه ابوي بيصير..
تركي:من جدها ذي..
مشعل سحبه مع يده وجلس:انت لاتسوي مشاكل انا بس قلتلك علشان اعطيك خبر مو اذا دريت من غيري تقعد تسوي لنا سالفه..
تركي:ليه فيه احد يدري انها ماتبيه غيرنا..
مشعل:خالي فارس..
تركي:طيب وش بنسوي..
مشعل:بناكل تبن ونسكت بعد وش بنسوي..
تركي وقف وبعصبيه:كل تبن انت لحالك انا والله ما اسكت..
مشعل سحبه مره ثانيه وجلسه:تركي خلك بعيد عن الموضوع..
تركي:وش اللي خلك بعيد عن الموضوع يامشعل هاذي اختي وهذا زواج مو لعبه..
مشعل:داري بس ابوك هالأيام مايستحمل ولا كلمه اذا فتحت معاه هذا الموضوع بيعصب عليك وبيعطيك محاظره طويله عريضه نصيحه لاتدخل..
تركي رمى راسه على المخده وبضيق:و ريم..
مشعل:هي لو وافقت وإلا ماوافقت بتتزوج محمد يعني بتتزوجه انت عارف راس ابوك يابس واذا حط شي في راسه بيسويه رضينا وإلا ما رضينا..
تركي بدون نفس:تكفى ظف وجهك ضيقت صدري الله يقطع بليسك..
مشعل ابتسم بضيق:طيب خلني اكملك السوالف..
تركي:اذا فيه شي يفتح النفس قله..
مشعل:انا بتزوج..
تركي عدل جلسته وبدون تصديق:احلــــــــف..
مشعل ابتسم:والله..
تركي:مين..
مشعل:في..
تركي ضرب كفه بكف مشعل وهو يبتسم:ياشيـــخ مبرووووك مابغيت..
مشعل ابتسم:الله يبارك فيك عقبالك..
تركي:آميــــــن الله يسمع منك (تمدد على السرير وحط المخده على وجهه) يله ظف وجهك ابغى انام..
مشعل بمزح وهو يتوجه لناحية الباب:تصدق كنت خايف تدخل علينا بألمانيه حامل وخمس كلابه ينططون حولك..
تركي رمى عليه المخده:وجـــــــــــــــــع..
مشعل:ههههههههههههههههههههههههههههههه..
::
صبت كاس مويه وشمت الورده وهي تبتسم بألم..وحطتها في الكاس..
:وش عندك..
شهقت ولفت عليها:هاه..
ام مشعل تتقدم لها:وش فيك..
ريم بأرتباك:مافيني شي..
ام مشعل شافت الورده:من مين هاذي..
ريم وهي تمرر يدها على شعرها بتوتر:من من امممم وحده من صاحباتي..
ام مشعل:و وش المناسبه..
ريم رفعت كتوفها:كذا بدون مناسبه..
ام مشعل:طيب وش اخبار صاحبتك..
ريم بأستغراب:اي وحده..
ام مشعل:اللي تقولين تعبانه..
ريم:مافيه وحده من صاحباتي تعبانه (تذكرت انها قالت لأمها بتروح لوحده من صاحباتها تعبانه..ارتبكت وابتسمت ابتسامه غبيه) إلا إلا فيه حمد الله هي الحين احسن..
ام مشعل بأستغراب:ريم فيك شي..
ريم خذت الكاس وطلعت بخطوات سريعه:لاسلامتك مافيني شي..<<طلعت فوق بسرعه وصدمت في مشعل وطاح الكاس وشهقت..
مشعل:اوووه آسف..
ريم رفعت الورده وبدون نفس:تراك مفهي من كثر ماتفكر في (في)..
مشعل:ترى عندك انتي بعد واحد..
ريم بأستغراب:مين..
مشعل:محـ..
قاطعته وهي تحس بضيقه في صدرها..كملت طريقها وبضيق:تكفى لاتكمل اسمه يجيب لي الكئابه..<<دخلت غرفتها وسكرت الباب..
شافت الورده وحظنتها لصدرها وهي مغمضه عيونها وسالت دموعها على خدها"آآه يا نايف احبك وعيوني تموت فيك ما اقدر اتخيل حياتي مع غيرك"..
::
مشعل نزل وقال للخدامه بدون نفس:تعالي شيلي القزاز ..
ام مشعل:وش فيك بعد..
مشعل:يمه إنا لازم نلقى حل..
ام مشعل وهي تطلع الدرج:خلاص انتهى الموضوع..
مشعل بعصبيه:لا ما انتهـى..
ام مشعل لفت عليه وبحزن:مشعل لاتضيق صدر ابوك تدري ان فيه جلطه..
مشعل بعد عيونه اللي تجمعت فيها الدموع:ادري بس..
ام مشعل قاطعته:لا بس ولاشي خلاص سكر على الموضوع ولاتفتحه مره ثانيه ابوك قال الملكه الاسبوع الجاي يعني مافيه تراجع..
مشعل ضغط على يده بقهر وطلع..
خذاها لمكان برا الرياض..صحـراء..
نزلها وهو يسحبها مع شعرها وهي تصرخ وتنوح:ناصـ...ر الله..
ناصر عطاها كف قوي خلى وجهها يلف للجهه الثانيه وبعصبيه:بـــــس ولاكلمه..<<رماها على الارض..
خافت وتكورت على نفسها والرمل اختلط مع لون الدم اللي ينزف منها بشكل يخوف..
فتح باب سيارته بأستعجال والدموع ماليه عينه..بيقتلها..بيتخلص منها..قبل ماتنتشر فضيحتها والناس تتكلم عن ابوه المتوفي ويقولون ماربى بنته..
طلع عجرا وناظر فيها..وهو معرق وحرارة جسمه مرتفعه وتضاعفت مع الجو الحار..
لف عليها شافها تناظره وهي ضامه رجلينها لصدرها وتتراجع لورا وهي تبكي وتشهق:قبل ماتقتلني ابي اشوف امي تكفـى ابي اعرف كانها راضيه علي وإلا لا..
ناصر بعصبيه وهو يلهث:انتــــــي سويتي شي زين علشان ترضى عليك ماعمرك سمعتي كلمتها مشغلتها خدامه عندك قولي لي وش ترضـى عليك فيه..
نجود تبكي من قلب..انحنت بتبوس رجله:ناصر الله يخليك ابي اشوفها..
ناصر رجفها على وجهها..وحست ان عظام وجهها تكسرت..قال بصراخ:لاتنطقين اسمـي على لسانك فاهمـــــه..
نجود هزت راسها..والمها النفسي غطى على الامها الجسديه..قالت وهي تلهث وانفاسها متقطعه:فاهـ..مه فاهمـ..ـه (بكت من قلب) بـس ابي اشوف امـ..ي بس دقيقه بس ابي ابوس يدها و اودعها ابي تحللني الله يخليــــــك تكفـى..
بلع غصاته ودموعه نزلت على خده..رفع العجرا وغمض عيونه..
نجود صرخت بصوت مرتجف:يمـــــــــه ابي اشوف امي لاتحرمني من شوفة امي دقيقه لاتنسى وصية ابوي..
ناصر وهو يرتجف:وانتي توك تتذكرين وصية ابوي وتوك تحسين بأمي..
نجود مسكت في بنطلونه والعرق ينزل منها..هزته وهي تبوس رجله:تكفـى الله لايحرمك من الجنه..
ناصر ابتسم بأستهزاء:وانتي تعرفين الجنه وإلا النار تشهدي على روحك اوووه صح انتي ماتعرفين تنطقين الشهاده اصلاً..
نجود شهقت وهي منزله راسها خلاص الأمل ضايع..تبي تشوف امها ولو دقيقه تعتذر منها وبعدها بكيف ناصر يسوي فيها اللي يبي..
:طيب قل لأمي تسامحني (شهقت بقوه وهي حاطه يدها على فمها) وتحللني (رفعت راسها له) وانت حللني..
ناصر بقهر:الله لا يحللك لادينا ولا آخره الله لايسامحك ولايرحمك..
نجود قاطعته وهي تبكي وتصرخ:خـــــــلاص اقتلني بس لاتدعي علي حرام عليك..
ناصر رجفها برجله وطاحت على الارض..وجهها صار على الرمل الحار بس ما صارت تحس بـ ولا شي..كانت تفكر بأمها..
همست بألم:سامحيني..
رفع العجرا وهي غمضت عيونها وهي تشهق بصمت..:اشهد ان لا إله إلا الله وان محمد رسول الله..
سمع هالكلام وضعف قلبه..رمى العجرا على الارض..ونزل راسه يبكي وصوت شهقاته واصله سابع سما..
التفتت عليه و وقفت..تقدمت له:ناصر..
ناصر رفع راسه وهو يشهق:روحي اركبي السياره بسرعه..
نجود ابتسمت بفرحه:بتوديني لأمي..
ناصر:يله روحي اركبي..
نجود مسكت يده بتبوسها..لكن هو سحبها:اقولك اركبي قبل ما..
قاطعته وهي تركض للسياره:لا خلاص خلاص..<<ركبت وسكرت الباب وهي تبكي بفرحه..
:الحمد الله ياربي الحمد الله..
××
كانت لافه وجهها على الشباك ومتكتفه..وهم كبيـر يهد جبال على قلبها..
لف عليها وحس انها متضايقه:حبيبتي وش فيك..
دانا بضيق:ابد سلامتك..
رياض:بس من ركبنا الطياره ماقلتي ولا حرف وتتأففين وتناظرين ساعتك كل شوي ترى الطريق طويل..
دانا بدون نفس:اول شي انا ما احب افتح فمي بولا كلمه اذا كنت راكبه اي وسيلة نقل..
عجبته"وسيلة نقل":هههههههههههههههههههههههه..
دانا لفت عليه وهي مكشره:انا قلت شي يضحك..
رياض وفي صوته الضحكه:لا كملي كملي..
دانا:ثاني شي اتأفف واناظر ساعتي لأن الطريق طويل ليتنا بس رايحين لدبي حلوه وهالأيام جوها يجنن وكل شي فيها..
رياض:من عيوني تبين تروحين دبي..
دانا:وشلون نروح لدبي..
رياض بمزح:اذا وصلنا لباريس وإنا في المطار نروح نحجز تذكرتين لدبي..
دانا ضربت كتفه بخفه:على بالـي انك جاد بتروح لكابتن الطياره وتقوله غيرنا راينا بنروح لدبي..
رياض:ههههههههههههههههههههه..
دانا ناظرته وهو شوي وبتنفجر من الضحك:خلاص عاد..
رياض مستمر في الضحك ودانا غصب ضحكت معه..
رياض بهمس:عساها دوم هالضحكه..
حمرت خدودها ولفت وجهها للشباك..
××
دخل البيت بعد ما لف شوارع الرياض..شارع شارع..كان يبكي..
هو راضي انها تكرهه ماتطيق تشوفه..بس تحب غيره مستحيــــــل..وهو متأكد انها منتحره عشان اللي تحبه..
انقهــــر..خبط بالباب بقوووه..وهو يشهق ويضغط على يدينه بقهر..
ارتاعت ام محمد و وقفت مفزوعه:خير خير وش فيك..
محمد دفها عنه بقووه:بعدي انتي عني لا احط حرتي فيك..<<طلع غرفته وسكر الباب برجله وهو يبكي ويشهق..
جلس على سريره وهو يهز رجله بعصبيه..واي شي يطيح في يده يرميه..كان منهار وحبه لفاتن مو طبيعي..
بسببها انجر ورا احمد وطاوعه في اللي يسويه وضيع نفسه..وصار يشوف كل البنات هي..عشان كذا يستانس مع كل بنت يسوي معها علاقه سواء يكلمها وإلا يطلع معها..
كلمتها دمرت كل شي فيه..ومليون سؤال صار يدور في باله..
من يكون هذا نايف..؟؟
وليه حبته هو وانا لا..؟؟
وهو وش زوده عني..؟؟
وكيف ملك قلبها وهي صعبـه و ذوقها صعب..؟؟
مسح دموعه وهو يشهق وبصوت مرتجف:انا محمد واللي ما ضاعت بتضيع على يدي والله لأضيعك يا فاتن مثل ماضيعتي قلبي..<<توجه للحمام ((الله يعزكم)) وغسل وجهه..رفع وجهه للمرايه وابتسم بخبث..الدور الاول على ريم اللي بكلامها ذلته يبي يرد كرامته ويخلي كرامتها في الارض..بعدين بيشوف شغله مع فاتن..
نزل تحت..
ناظر امه بأحتقار وبدون نفس:ترى ابي ملكتي انا و ريم يوم الخميس هذا..
ام محمد وقفت وبعصبيه:لا اشك انك صاحي..
محمد:شوفي يا اتملك عليها الخميس وإلا والله بتشوف البنت شي ماعمرها شافته بحياتها..
ام محمد:بنت الناس مو لعبه في يدك..
ابومحمد دخل على اصواتهم:خير وش صاير..
ام محمد:اسمع ولدك وش يقول..
ابومحمد:خير وش عندك..
محمد:ابي اتملك على ريم..
ابومحمد:اجل خاطبينها لك ليش بتصور معها..
محمد بدون نفس:افهم اللي ابي اقوله بعدين تكلم انا ابي اتملك عليها الخميس هذا..
ابومحمد انصدم:بس إنا محددين الملكه الاسبوع الجاي..
محمد:وش تفرق الخميس وإلا الاسبوع الجاي..
ابومحمد:يمكن البنت ماتجهزت..
محمد:انا ما ابي اسوي ملكه وش كبرها ملكه بسيطه..
ابومحمد:خلاص بكلم ابومشعل وبقوله..
محمد:ويرد عليك على طول مو يقعد لما بكره..
ام محمد:بعد نتشرط على الرجال متى يرد ومتى مايرد..
محمد:عاد هذا اخر كلام عندي..<<وطلع لغرفته..
ام محمد بقهر:الله ياخذ الساعه اللي طلعت فيها بهالولد..
ابومحمد:استغري ربــــــك..
ام محمد:استغفر الله العظيم ولاحول ولاقوة إلا بالله واللهم اجرني في مصيبتي واخلفني خيراً منها..<<تأففت و راحت لغرفتها..
××
قالت وهي توقف:دايمه..
فيصل:ماكلتي شي..
هيفاء اول ما شافت الأكل لاعت كبدها و راحت الحمام ((الله يعزكم)) ترجع ماتبي تاكل ومو متحمله ريحة الاكل..
قالت بقرف:لا كلت كثر الله خيرك..<<حست انها بترجع وحطت يدها على فمها و مشت للحمام ((الله يعزكم)) بخطوات سريعه..
فيصل استغرب من حالتها من جلسوا وهي منقرفه وماحطت في فمها شي..بس ابتسم يوم تذكر كلام امه انها ممكن تكون حامل..
وقال بهمس:آمين يارب..
::
..في جهه ثانيه..
كانوا جالسين على طاوله طويلـــه..ابوناديه..وناديه وجنا نوف وماجد وعلي و رزان وملاك اللي كانت في حظن رزان..
جنا كانت جالسه جنب رزان وتلعب ملاك وهي تبتسم..
رزان:جنا بتشبعين من ملوكه بس كلي ماكلتي شي..
جنا تبوس يد ملاك الصغيره:لا انا شبعانه من الاكل بس ماشبعت من ملاك (وقفت) عن اذنكم بروح اغسل يدي..<<لفت وتوجهت لحمامات ((الله يعزكم))..
ناظر في شكل البنت اللي منزله راسها على المغسله وترجع..قربت منها وبخوف..
:محتاجه مساعده اختي..
سكرت المويه ورفعت راسها وهي تلهث:لا..<<سكتت وهي تناظرها بصدمه..
:انتي..
جنا وهي تحت تأثير الصدمه:هيفاء..
هيفاء ناظرتها بأحتقار وقبل ماتفتح فمها..جنا تكلمت..
:هيفاء اسمعيني..
هيفاء بعصبيه:ما ابـي اسمع منك ولاشي انتي حثاله تعرفين وش معنى حثـ..<<حطت يدها على راسها واليد الثانيه على المغسله..كانت دايخه من جد..
جنا مسكتها وبخوف:هيفاء وش فيك..
هيفاء بعدت عنها وبقرف:لاتلمسيــني بعدي عني..
جنا بعيون مدمعه وبصوت مرتجف:هيفاء انتي لازم تدرين عن كل شي انا رحت لفيصل وقلتله ان مالك علاقه باللي صار في الاستراحه وانا اللي غصبتك تجين معي..
هيفاء انصدمت..بس بعدها عصبت وقالت لها بأحتقار:روحي العبي على غيري..
جنا:اذا تبين احلف لك حلفت وان ماصدقتيني روحي اسألي فيصل..
هيفاء قالت بتوتر:لا تحلفين لاني ماراح اصدقك وفيصل مستحيل يقابل اشكالك..
جنا:المهم انا سويت اللي علي واتمنى فيصل تحسنت علاقته معاك..
هيفاء بأحتقار وقرف:وانتي وش عليك تحسنت وإلا لا اقلبي وجهك يله..<<ماقدرت تتحمل الدوخه وسندت جسمها على الجدار وغمضت عيونها..
جنا بخوف:بروح اجيب لك بنادول..
هيفاء بتعب:لا لا ما ابي..<<بعدت عنها وطلعت..مشت للطاوله و رمت نفسها على الكرسي بتعب..
فيصل بخوف:حبيبتي فيك شي..
هيفاء وهي حاطه يدها على وجهها:دايخه شوي..
فيصل وقف و وقفها معه وسندها عليه:خلينا نروح المستشفى..
هيفاء:لا ماله داعي..
فيصل:وش اللي ماله داعي ابي اتطمن عليك امشي معي..
::
طلعت بعد ماغسلت يدها..وشافت فيصل وهيفاء حاطه راسها على كتفه..
تقدمت لهم وخذت الشنطه من هيفاء:هاتي عنك..<<مسكتها مع الجهه الثانيه ونزلوا لتحت..
ركبوها السياره وسكروا الباب..
فيصل بسرعه:مشكوره..
جنا حطت الشنطه ورا وقالت بخوف:طمني عليها..
فيصل:انتي مين..
جنا:هيفاء تعرف انا مين يله مع السلامه وانتبه عليها..<<لفت عنه ودخلت..
فيصل ركب وسكر الباب:من هاذي..
هيفاء بتعب:جنا الخياس..
فيصل ابتسم:طيب اذا رجعنا من المستشفى بقولك شي مهم..
هيفاء عدلت جلستها:وشو..
فيصل:لاتشغلين بالك الحين قلت اذا رجعنا بقولك ارتاحي الحين..
هيفاء حطت راسها على المرتبه وغمضت عيونها.."يمكن بيقول لي وشلون تحسنت علاقته معاي ويمكن يكون نفس الكلام اللي قالته لي جنا وبتكون صادقه وانا ظالمتها"..<<قطع افكارها صوت فيصل
:حبيبي..
هيفاء انتبهت:هاه..
فيصل ابتسم:وش قلت انا..
هيفاء وفي صوتها الضحكه:نعم سم امر لبيه..
فيصل:هههههههههههههههههههههههه ايوه كذا ها وش رايك بالطلعه عجبتك..
هيفاء:وشلون ماتعجبني وانت معي..
فيصل ابتسم ورفع يدها وباسها:يابعد عمري انتي..
××
كان حاط رجل على رجل ومنحني في جلسته..بس اول ماقرا الخبر عدل جلسته وهو مصدوووم..
رفع جواله واتصل عليه وبسرعه:نايفوه قريت الخبر..
نايف يسكر باب سيارته وتوجه للباب البيت:سلم اول ترى السلام سنه..
مشاري:السلام عليكم هاه قريت الخبر..
نايف:وعليكم السلام لا ماقريت اخبار اليوم..
مشاري:فاتن..
نايف دخل البيت وسكر الباب برجله..قعد يلعب بمفتاحه وبدون اهتمام:وش فيها..
مشاري وفي صوته الضحكه:معجبتك الوحيده انتحرت اعتقد علشانك افرح ياعم..
نايف انصدم والمفتاح طاح على الارض:انت وش قاعد تقول..
مشاري:مثل ماسمعت..
نايف بعصبيه:وش انتحرت و وش افرح عليه انت شكلك بديت التخريف المبكر..
مشاري:والله العظيم ما اكذب عليك رح شف الجرايد الصفحه الاولى كلها عنها وفيه بعد صوره لها وابوها رافعها والدم ينزف من يدها..
نايف بسرعه:طيب طيب سلام..<<سكر السماعه بدون مايسمع رد منه..
ركض لداخل وبسرعه:عندكم جرايد حقت اليوم..
ام نايف ارتاعت:بسم الله عليك يمه نايف وش فيك..
نايف لف على ابوه:يبه عندك جريده..
ابونايف:خير وش فيك..
نايف لف وجهه وشاف جريده على الطاوله رفعها وشاف الصفحه الاولى..
انصـــدم وهو يقرا كل حرف ويوم شاف صورتها..مرر يده على شعره بتوتر وعض على شفايفه بقهـر..
ابونايف وقف:وش صاير لك انت..
نايف وهو تحت تأثير الصدمه:فاتن انتحرت (عصب و رمى الجريده وضرب يده على الجدار) مجنونــــه ذي..
نزل وهو مرتاع ولابس شورت وكت وشعره معفوس وحافي..كان نايم و اول ماسمع صوت نايف خاف ونزل..
:خير وش فيكم..
نايف لف عليه وماقدر يمسك نفسه وضحك:هههههههههههههههههههههههههههههههههههه..
بندر عصب:وجع ان شاء الله قل آمين خوفتني على بالي فيكم شي..
نايف وفي صوته الضحكه:رح رح كمل نومك انت وشعرك ذا كأن نافضك كهرب 220..
ام نايف:هذا بدال ماتسلم على اخوك وتتحمد له بالسلامه..
نايف:مسلم عليه امس ولاعت كبدي منه..
ام نايف:انت اللي رحت تجيبه من المطار..
نايف بأرتباك:ايه..
ابونايف حس ان فيه شي..كان بندر امس مو طبيعي..جا ودخل الزواج وطلع وهو يبكي..ونايف كان مع ابونايف طول الوقت ولا فارقه ولا لحظه إلا بعد ما جا بندر..
ناظرهم بشك ونايف حس ان ابوه درا انه يكذب..بعد عيونه عن ابوه ونا
وناظر بندر وحرك شفايفه بدون صوت:انكشفت..
ابونايف:ما شاء الله انت اللي رحت تجيبه..
نايف ماسك نفسه لايضحك:إظاهر والله اعلم انه انا..
ام نايف:خير وش السالفه..
ابونايف كمل:واللي امس جالس معي طول الوقت من هو شبيهك..
بندر:خخخخخخخخخخ حلوه يابونايف..
ام نايف كانت مثل الاطرش في الزفه..قالت بقهر:بتقولون لي وش السالفه وإلا وشلون..
ابونايف:تدرين ان الأخ جاي للزواج امس والأخ الثاني منثبر جنبي طول الوقت لا راح يجيب بندر ولاشي..
ام نايف ناظرت بندر:و وش رحت به ياحظي..
بندر بأبتسامه غبيه:بنطلون وتيشيرت (وبحزن) والله من غلاة بنت خالي عندي طلعت من المطار و رحت للزواج خفت يفوتني وما ابارك لهم..
ام نايف شهقت:كان كشختك وجيـت..
بندر:اصلاً ماجلست سلمت وطلعت..
ابونايف:والدموع اللي امس وش هي..
بندر وهو يلف عنهم ويطلع الدرج:فرحان عشانها والله انها تستاهل..<<دخل غرفته والحزن اللي في قلبه يكبر ويعذبه..
الحين هي سافرت شهر العسل معه..وخذت قلبه معها وجلست تلعب فيه وفي الأخير بترميه..
تمدد على سريره وناظر السقف وهو حاط يده ورا راسه"خلاص مستحيل نلتقي مره ثانيه واذا التقينا حبي لها ماراح يصير مثل قبل..يكفي انها خانتني وحظنته قدام عيني وهي ماتزوجته ويكفي انها ماوثقت فيني من بعد هالسنين كلها..انا لازم اشوف حياتي وهي اللي يوفقها معه"..
::
ام نايف:تعال انت وش علاقتك بالبنت اللي انتحرت..
نايف:معنا في الجامعه..
ام نايف:ان شاء الله بعد داق صداقه مع بنات خلق الله..
نايف:افاااا يا ام نايف تربيتك انا..
ام نايف:طيب وراك عصبت يوم قريت الخبر..
نايف:ردة فعل طبيعيه حتى اللي مايعرفها بينصدم يعني ما شاء الله معطيها الله خير ليه تسوي بنفسها كذا..
ابونايف:ضعف الايمان عندها هو اللي خلاها تسوي كذا..
ام نايف:ايه صادق ابوك..
نايف وقف:طيب انا رايح ابدل وانام دايخ مانمت طول الليل..
ام نايف:امس وين كنت نايم فيه..
نايف وهو يطلع الدرج..:واحد من ربعي تعبان ونمت عنده في المستشفى..
ام نايف:عسى ماشر وش فيه..
نايف وهو يكمل طريقه لفوق:عنده رباط صليبي..
ام نايف:الله يقومه بالسلامه..
نايف:الله يسلم قلبك من كل شر..<<دخل غرفته وسكر الباب وراه..وهو يهز رجلينه ويمرر يده على شعره بتوتر..
كان خايف ان كلام مشاري يطلع صح..وفاتن تكون منتحره علشانه..لو صار فيها شي ماراح يسامح نفسه..لانه هو السبب في اللي صار لها..
فتح الكبت وطلع ملابس النوم..خذ فوطته و روبه ودخل الحمام ((الله يعزكم))..فتح المويه البارده..ما كان يحس ببرودتها..كان تفكيره مع ريم وملكتها اللي قربت..وبندر اللي مو راضي يصدق واقع ان دانا تزوجت غيره..وفاتن اللي انتحرت مايدري عشانه وإلا تعاني من مرض نفسي..
××
نزلت وهي منزله راسها وتسحب كم بلوزتها تغطي يدينها المجروحه..
كانوا اطفال الحي واقفين وهم حافين عند سيارة ناصر..العاده يعطيهم شوكليت ويلعب معاهم كوره..بس هالمره ماعبرهم ولاناظر فيهم حتى..
نزل وهو يصرخ بعصبيه على نجود:افتحــــي الباب..
نجود ارتاعت ومدت يدها المرتجفه..تدخل المفتاح وبصعوبه دخل..فتحته ودخلت بخطوات سريعه..
ناصر وهو يسكر باب سيارته بعصبيه..ناظر الاطفال بعصبيه وصرخ:ليـــه واقفين هنا انقلعـــــوا..
الاطفال ارتاعوا وركضوا وهم خايفين..
دخل وخبط بالباب بقووووه..دخل الصاله شاف نجود منهاره على الارض وتبوس يدين امها وتبكي بشكل يقطع القلب وتشهق..
:يمـه سامحينــــي الله يخليك سامحينـي..
ام ناصر ارتاعت من شكل نجود..كان الدم مغطي وجهها..وشعرها طايح على وجهها بطريقه غريبه..قالت بخوف وهي تبعد شعر نجود عن وجهها..
:يمـه وش فيك من اللي سوا فيك كذا..
سحبها مع شعرها وصرخت:آآآآآه..
ناصر بعصبيه هزت اركان البيت:انا..وان ماربيــــت بنتك ما اكون ناصر..<<عطاها كف قوي وطاحت على الارض تبكي..
ساره طلعت من المطبخ وشهقت بصدمه..
ام ناصر بكت وانحنت على نجود ومسكتها..قال بصوت مرتجف:حسبــــي الله على بليسك لاتمد يدك عليها..
ناصر كان يحس ان خلايا جسمه بتنفجـر:بمـــد يدي عليها واكســــر راسها بعد..<<مد يده بيسحبها بس امه منعته..
:وقسـم بالله يا ناصر لو مديت يدك على اختك ما ارضى عليك ليوم الدين ولاني امك ولا اعرفك..
نجود تقطع قلبها..من كلمات امها..كانت تخاف عليها وتسهر لراحتها..بس هي ماحست بهالنعمه ورفستها برجلها..
وقفت ودفنت راسها في صدر امها وبكت بشكل هستيري..
ناصر كان صدره يرتفع وينزل بسرعه:علشانك بس ما راح امد يدي بس والله لو تخطت رجلها باب البيت بذبحـها فاهميـــن..<<دخل لغرفته وخبط بالباب..
نجود بعدت عن امها وهي تشهق وتبوس يد امها:الله يخليك يمه سامحيني..
ام ناصر:ليه انتي وش سويتي..
نجود وهي منزله راسها بصوت مرتجف وبألم:وش اللي ماسويته..
ام ناصر:انا ما اقدر ازعل عليك يمه قلبي مايطاوعني (رفعت راسها لساره) الله يعافيك روحي جيبي كاس مويه..
ساره بسرعه:ان شاء الله..
××
كانت حالتها تتحسن..من بعد ما راحت تتعالج..بس احساسها بالذنب في اللي صار في ابوها يقتلها ويعذبها..
ماسكه يده وتبوسها ودموع حاره تنزل على خدها:يبـه طولت وانت نايم تكفى اصحى علشاني..
::
مشت في الممرات..خايفه ومرعوبه..ماتدري وش بتكون ردة فعله اذا شافها..هذا اذا كان صاحي..
دقت الباب..ماسمعت رد..بس سمعت صوت بكي ونوح..
فتحت الباب ودخلت بخطوات ثقيله..متردده..شافت مشاعل منزله راسها وضامه يد ابوها لصدرها وتبكي..
مشاعل بشكل يقطع القلب وبدون ماتناظرها:يمـه ماصحى طول صح (شهقت وبكت وانفاسها متقطعه) ليتـ..ني مكـ..انه وليتني ماعصيته في يوم وليتني كنت جنبه طول الوقت وانتي بعد يمه لو كنتي معه كان ماراح يدور غيرك (قالت بألم وبضعف) صح انه مو ابوي بس هو اللي مربيني مستعده ابيع عمره كله بس علشان يفتح عيونه واقوله يسامحني ويحللني..<<انحنحت على نفسها وبكت بحرقه..
شهقت وحطت يدها على فمها وهي تتراجع لورا وصدمت في الجدار..
مشاعل لفت..وانصدمــــــــت:منال..
منال نزلت راسها وتقدمت لها وبصوت مهموم:جايه اتطمن عليه..
مشاعل بهستيريا وهي تشد بلوزتها وتهزها ومنال مثل الصنم واقف:ولــــــــك عين تجين بعد اللي سويتيه الله ياخذك وياخـذ الساعه اللي شفتك فيها الله يحـــــرق قلبك مثل ماحرقتي قلبي على ابوي حسبــــــي الله عليك..
شهقت بقوه و رفعت راسها:مشـ..اعل اسمعيـ..ني شوي..
مشاعل ضربتها وبعصبيه تبي تبرد حرتها على ابوها..ما ان ماتبرد حرتها إلا اذا شافت منال مقتوله قدامها..
:ما ابـــــــي منك ولاشي اطلعـــــــي برا اطلعي..
قال بصوت مبحوح ضعيف:مـ..مـشاعل..
حست ان نبضات قلبها رجعت لها من جديد..بس تتمنى ان هالصوت حقيقه مو حلم..لفت عليه و ركضت له..
:يبـــه..
ابوراكان كان يبلع غصاته..والحروف بصعوبه ينطقها..كان حاس انه نايم سنين..ويوم فتح عيونه انولد من جديد على دنيا جديده..
منال مصدومه حاطه يدها على فمها وتشهق وبتكي..تقدمت لها ببطئ وناظرته..كان مفتح عيونه:مشـاعل ابوك صحى صحــــى..
مشاعل مانزلت لها ولادمعه..كانت مو مصدقه ان ابوها صاحي و اول ماصحى نطق بأسمها..شهقت بقووه وهي تبكي بحرقه..
:يبــــــه..<<حط راسها على صدره وشهقت..
رفع يده وحظنها وهو يناظر منال اللي تبكي بشكل يقطع القلب..مد يده الثانيه واشر لها تجي له..
تقدمت له وشهقت يوم لمها لصدره وحظنهم بأقوى ماعنده..
××
؛؛..اليـوم الثاني..؛؛
؛؛..تعال وشوف وش كثر الدموع اللي تخون العين..كثر ما خانني حظي وعرفتك و انت مو ليا..؛؛
كانوا يجهزون نفسهم بيروحون لأبوراكان..
ريم تكلم هيفاء وبفرحه:مبــــــــرووووك والله لو اعرف ازغرط كان زغرطت..
هيفاء:ههههههههههههههههههه الله يبارك فيك..
ريم وهي واقفه عند المرايه تعدل شعرها:وش كان شعور فيصل..
هيفاء ابتسمت من قلب:يالبى قلبه مايخليني اسوي شي يقول بعد ماله داعي تزورين ابوك بنجيبه لعندك..
ريم:ههههههههههههههههههههههه الله يتمم عليكم فرحتكم..
هيفاء:آميـن وعقبال ما اسمع انك حامل..
ريم بألم:خليني اتزوج اول..
هيفاء:كلها كم يوم ان شاء الله وبتتزوجين وبتصيرين حرمه سنعه مثلي..
ريم:ههههههههههههههههههههه وش هالثقه اللي مقطعتك..
هيفاء بدلع:من فصول اللي يخليه لي عقبال مايدلعك محمد دلع ويرفع معنوياتك مثل ما فيصل رفع معنوياتي..
ريم بألم:طيب حبيبتي طولت عليك اشوفك على خير باي..
هيفاء:باي..
سكرت السماعه ولبست عبايتها وقبل ماتطلع جت امها..:خير ماما تبين شي..
ام مشعل:اجلسي وبقولك على كل شي..
ريم جلست على السرير وضغطت على البطانيه بقهـر وخوف..داريه ان الموضوع فيه محمد..
ام مشعل سحبت الكرسي وجلست قدامها:يمه ابومحمد اتصل يقول ان زوجك..
قاطعتها بأنفعال:تراه مابعد صار زوجــــي..
ام مشعل:بيصير زوجك..
ريم:بيصير مو صار..
ام مشعل:طيب خليني اكمل..
ريم تحس ان حالتها تأزمت..قالت بتعب وهي تتنهد بضيق:كملي..
ام مشعل بأرتباك:يقول انه يبغى الملكه يوم الخميس..
صدمـة عمرها دمرت كل احساس تحس فيه..صدرها صار يرتفع وينزل بسرعه..وكانت ضاغطه على البطانيه لما صارت يدينها بيضاء..
قالت بصوت مرتجف:من جدك..
ام مشعل:ايه يمه..
ريم شوي وبتبكي:وانتي وش رايك..
ام مشعل وقفت:انا رايي من راي ابوك وابوك موافق..
صدمـه ثانيه..دمرت كل شي فيها..صارت ترتجف ودموع حاره متجمعه في عيونها..
ليــــه يعاملونها كذا..هي مو بنتهم..
قالت بدون احساس وهي منزله راسها:خلاص اللي تبونه بيصير..<<وقفت وفسخت عبايتها وهي تبكي وتشهق بصمت..
ام مشعل:ما انتي رايحه معنا..
ريم فتحت الكبت و رمت شنطه كبيره على السرير:لا..
ام مشعل بأستغراب:وش تسوين انتي..
ريم وهي ترمي ملابسها في الشنطه وتبكي بحرقه وبألم..
:يمكن محمد بعد مانتملك يقول باخذها وابوي يوافق..
ام مشعل بكت ولفتها عليها وحظنتها..و ريم في حظنها تبكــــــي..مثل اللي حكموا على حياتها وقلبها بالأعدام..
مثل اللي ضاع منها اغلى ماتملك..وهي اللي تملكه نايف وضاااع منها..
ام مشعل بعدت عنها ومسحت دموعها:خلاص يمه لاتبكين ان شاء الله محمد يسعدك ويهنيك..
ريم ضحت بألم وهي تجلس على السرير:ايه ان شاء الله..
ام مشعل باست جبينها وقبل ماتطلع:مع السلامه..
ريم عضت شفايفها بقهر ودموعها سالت على خدها:مع السلامه..<<ناظرت الورده اللي ذبلت..
رفعتها وهمست:مستحيل حبي لك يذبل يا نايف..<<ضمت الورده لصدرها وبكت بحرقه والم..
::
نزلت ام مشعل وهي تردد:حسبي الله ونعم الوكيل..
ابومشعل:وش فيك لاتقولين انها قالت ما ابيها بكره انا عطيت الرجال كلمه..
ام مشعل تقدمت له:لا قالت اللي تبونه بيصير (ناظرته بألم) عمري ماتوقعت انك تقسى على ريم..
ابومشعل:انا قسيت عليها..
ام مشعل:وهذا وش تسميــــه..
ابومشعل:انا كم مره قلت اني اكثر واحد يعرف مصلحتها و محمد والله ماشفت فيه عيب علشان ارفضه..
ام مشعل بأستحقار:تلقى صديقك ذا يبي ريم تربي ولده اللي انت شايفه ملاك وبصراحه انا شفت فيه عيوب الدنيا كلها بس انت اللي بتتحمل اللي بيجي ريم في اذا تزوجته..<<خذت عبايتها وبصوت عالي..
:مشعــــــــــل..
مشعل نزل وهو يسكر ازارير ثوبه:هاه خلصتي..
ام مشعل:ايه خلصت يله..
مشعل:طيب وين ريم..
ام مشعل وهي تلبس عبايتها وشوي وبتبكي..كان قلبها يتقطع على بنتها:ماراح تروح..<<وطلعت..
مشعل استغرب من حالة امه..تقدم لأبوه وباس راسه:يله مع السلامه..
ابومشعل بضيق:مع السلامه..
نزل وهو ماله خلق..ناظر ابوه بقهر وتقدم له وهو يتصنع الابتسامه:مساء الخير..
ابومشعل ابتسم:هلا يابوي مساء النور بتروح لأبوراكان..
تركي:ايه بروح بس مو الحين وين ريم..
ابومشعل:تلقاها في غرفتها..
تركي لف وطلع الدرج..دق الباب وهي مسحت دموعها بسرعه وبصوت مبحوح:ادخل..
فتح الباب وناظرها بحزن:مارحتي..
ريم ابتسمت بألم:لا بجهز نفسي..
تركي:لأيش..
ريم والعبره خانقتها:ملكتي يوم الخميس ما قالك ابوي..
تركي انصدم:إيــــش..
ريم وقفت و رفعت ملابسها اللي رمتها في الشنطه..وبعدت وجهها عنه..لانها غصب بكت..
:مثل ماسمعت...
تركي تقدم لها و رفع راسها بأصبعه..ناظر عيونها الحمرا والذبلانه..شهقت بقوووه وحظنته..
غمضت عيونها..وصارت تشهق وتبكـي..تبي تفرغ الحزن اللي فيها..بس ماتظن ان حزنها بينتهي..
حظنها وهو ساكت وقلبه ينعصر من الألم عليها..
××
ناظرت القصر الواسع بعيون حزينه اعتادت على الدموع..
"كـل هالعز مايساوي نظره من عيونك يا نايف"..
كان ابوها ماسكها وسلمى ماسكتها مع الجهه الثانيه..
سلمى بأبتسامه:الحمد الله على سلامته آنسه فاتن..
فاتن ناظرتها بألم وماردت عليها..بعدت يد ابوها وسلمى عنها..
ابواحمد بخوف:وين يابوي وين رايحه..
فاتن مشت بخطوات ثقيله ولمحة الحزن في عيونها..ماردت عليه وكملت طريقها لفوق..
ابواحمد لف على سلمى:اسمعــــي خلك معها ولاتفارقينها ولا لحظه فاهمه..
سلمى بسرعه:إنت بتأمر..<<وطلعت لها فوق..
دخلت لجناحها وهي تعبانه وهلكانه..فسخت عبايتها و رمتها وفكت شعرها وطاحت على السرير..
تكورت على نفسها وضمت المخده لصدرها وبكت من قلب..
دخلت وسمعت فاتن صوت خطواتها..عدلت جلستها وصرخت وهي تشد شعرها:انتــــــــي وش تبين مني اطلعي برا اطلعــــــــــي..
سلمى خافت:حبيبتي شو بيك..
فاتن وقفت ودفتها برا الغرفه وهي تصرخ بعصبيه وتبكي بهستيريا:انقلعـي عني..<<وخبطت بالباب..قفلته قفلتين و رمت المفتاح على الارض..
تسندت على الباب وهي تبكي وتشد شعرها وترتجف..
تقدمت للمرايه و رفعت زجاجة عطر و رمتها على المرايه بقووووه وصدرها يرتفع وينزل بسرعه..
××
حطت بوكيه الورد على الطاوله وتقدمت له وهي تبتسم وهو رد لها الأبتسامه..
باست راسه وقالت بفرحه:الحمد الله على سلامتك يبه..
ابوراكان:الله يسلمك هاه بشريني كيف الحمل معاك..
هيفاء ابتسمت من قلب وهي تناظر فيصل:الحمد لله..
فيصل باس راسه:ماتشوف شر ان شاء الله..
ابوراكان:الشر مايجيك..
ام راكان كانت جالسه جنب ابوراكان وماسكه يده وقلبها طاير من الفرحه..
هيفاء:ماما كيفك..
ام راكان ناظرت ابوراكان وهي تبتسم:دام ابوك بخير انا بخير..
فيصل بمزح:لا خــلاص بنطلع إنا مالنا داعي..
الكل:ههههههههههههههههههههههههههههههه..
××
جرت شنطتها وناظرت الطياره اللي بتتجه لنيويورك..خلاص ارتاحت والحزن اللي في قلبها انزاح..سامحها وطلقها ومشاعل سامحتها..وسوت اللي عليها في احمد واللي كانوا في الاستراحه معاه..و نوف قبل ماتروح للمطار ودعتها وفرحت من قلب يوم قال لها انها تزوجت وانها حامل..
ابتسمت من قلب ومشت للطياره وقررت تبدى حياتها من جديد..
××
كان رافعها بين يدينه وهي تصرخ:و ربـــــــــــي لو مانزلتني بوريك شغلك..
طلال:هههههههههههههههههههههه يعني وش بتسوين..
مها:بعضك انت ماجربت عضتي..
طلال:مستعد اجرب يله عضيني..<<قرب وجهه منها وهي قربت وطبعت بوسه على خده..
طلال خق من جد:لا ما اقدر على كذا..
مها:هههههههههههههههههههه اقول انتبه بس لانخبط على الارض..
طلال:ههههههههههههههههههههههههه..<<حطها على الكنبه..
مها عدلت جلستها وبمزح:والله لو شافك ابوي هنا بيدفنك في مكانك..
طلال ابتسم:مستعد اموت واندفن علشانك ياقلبي..
مها مسكت يده وضغطت عليها:بسـم الله عليك بعد عمر طويل ان شاء الله..
كانت طالعه من المطبخ بعبايتها و تاكل تفاحه وتغني برواق:ليك الواوا بوس الواوا خل الواوا يصح..لما بست الواوا شفتوه صار الواوا بح..
طلال ومها:ههههههههههههههههههههههههههههههههههه..
لمى شهقت ونطت من مكانها:بسـم الله (فجأه صرخت وهي تركض لها) مهــــــــا..
مها ابتسمت وحظنتها:كيفك يالدبا..
لمى:تمام نورتي الحته..
مها:هههههههههههههههههههههههههههه الحته منوره بأهلها..
طلال وقف:يله انا استأذن..
مها:وين تغدى معي..
طلال:لا تغدي انتي ولمى بالعافيه على قلبكم..
مها ابتسمت:اوكي الله يحفظك..
طلال قرب منها وباسها مع خدها وهمس:احبك..
لمى غطت وجهها:وجعووووووه ان شاء الله وقدامي بعد..
طلال ومها:هههههههههههههههههههههههه..
طلال:يله سلام..
مها وهي تبتسم:باي..<<بعد ماطلع طلال..جلست لمى على الكنبه جنب مها وتربعت..
:هاه كيفك..
مها:بخير بس ليه لابسه عبايتك بتطلعين..
لمى:بروح ازور ابوراكان ابشرك صحى..
مها بفرحه:جـــــــد..
لمى:ايه والله (وبفرحه وهي تضغط على يد مها) و تركــي رجع..
مها بصدمه:احلفي..
لمى شوي وبتبكي من الفرحه:والله العظيــم..
مها وهي تحظنها:هههههههههههههههههههههه مبرووووووك واخيراً رجع مابغى..
لمى نزلت دموعها وهي تبتسم:الله يبارك فيك..
مها بعدت عنها وبحماس وهي توقف:طيب بروح اتحمم وابدل ملابسي ونروح نزور ابوراكان واتحمد لتركي بالسلامه..
لمى:من جدك انتي توك طالعه من المستشفى..
مها:مو مشكله..
لمى:متأكده مايعورك شي..
مها وهي تمشي بخطوات سريعه للدرج:ايه متأكده..
لمى:طيـــب شوي شوي لاتطيرين..
××
كانوا يتمشون في الشانزيليزيه..وهو يسولف عليها وهي رايحه لبعيـــد..
هذا ثاني يوم لها معه..وكأنه دهر..كله حزن و دموع..كانت تفكر كانه للحين يحبها وإلا نساها..
شالت هالأفكار عن بالها هي الحين متزوجه ومايجوز تفكر بواحد ثاني..
صحاها من افكارها صوته:حبيبتي وين رايحه..
دانا انتبهت:هلا انا معاك..
رياض:وش رايك نروح لمتحف اللوفر وإلا برج ايفل..
دانا ابتسمت:على راحتك..
رياض حط يده حول رقبتها وباس خدها:فديــت قلبك..
حمر وجهها..و ارتفعت حرارة جسمها..قالت وهي تبتسم بخجل:شف خلق الله يناظرونا..
رياض التفت شاف الناس يناظرونهم ويبتسمون..جت عجوز لهم وعطتهم بوكيه ورد وهي تبتسم بفرحه..
:bonne nuit..<<ليله سعيده..
رياض ابتسم وهو ياخذ البوكيه:merçi beaucoup..<<شكراً جزيلاً..
العجوز:au revoir..<<مع السلامه..
رياض كان بينفجر من الضحك:اوروفوار..<<لف على دانا وهو يبتسم ابتسامه وسيعه ويمد لها بوكيه الورد..
:سيل فوبليه..<<من فضلك..
دانا وهي تاخذ البوكيه:هههههههههههههههههههههههه ميغسي..
رياض تنهد:و ربـي كل كلمه تطلع من فمك عســــــل (قال بصوت عالـي) احبها يا عالـــم..
دانا تقدمت عنه بخطوات سريعه وهي تضحك ولفت عليه:والله بيحسبونا مجانين..
رياض:مجنون في حبك ياقلبـي..
دانا تنهدت بفرحه وتقدمت له وعيونها مدمعه..رمت نفسها عليـه وحظنته بأقوى ماعندها..
رياض ابتسـم من قلب وغمض عيونه وهو يسمع كلمتها اللي طيرت قلبه من الفرحه..
:احبـــك..
دانا بعدت عنه وهي تمسح دموعها اللي نزلت غصب عنها..قالت وهي تبتسم:هاه وش رايك نروح لبرج ايفل..
رياض مسك يدها:يلـه..
××
مسح عرق جبينه وفتح ازارير قميصه..يحس نفسه مخنوق..وهموم الدنيا على قلبـه..
صديق عمره واخوه اللي ماجابته امه في العنايه المركزه..ومايقدر يتطمن عليه..
ناظره من ورا الزجاج..كانت الاجهزه مغطيته..وتشوهت اغلب مناطق جسمه..
كان شكلـه يقطع القلب..ناظره وهو يبكي"الله يقومك بالسلامه"..<<حط راسه على الزجاج وبكـــى..
وقفت جنبه وهي تشهق وتبكي من قلـــــب..
استغرب و رفع راسه..لف عليها..كانت لابسه عبايه وحاطه الطرحه على كتفها وشعرها الاشقر طايح على وجهها..وشافها تناظر احمد وهي حاطه يدها على فمها وتشهق..
راكان بحزن:تعرفينه..
جانيت بصوت مرتجف:هيدا ابني..
راكان انصدم:إيـــــش..
جانيت بحزن:متل ماسمعت انا امو لأحمد (لفت عليه) طمني شو حكى لك الدكتور..
راكان ناظر في عيونها الرماديه..و وجهها فيها ملامح من احمد..قال بدون تصديق:لا تضيعين الموضوع قولي انتي ام احمد وإلا تكذبين علي..
جانيت وهي منهاره من البكي:لشو اكزب عليك انا امو لأحمد (بقهـر) الله لايوفئ بيوه حرمني منوه...
"ليه اكذب عليك انا ام احمد (بقهـر) الله لايوفق ابوه حرمني منه"..
راكان لف يناظر احمد..وتنهد بضيق:ادعي له الله يقومه بالسلامه..
جانيت وهي ترفع يدها تمسح دموعها:آمين الله يسمع منك..
××
باس جبينه وهو يبتسم:الحمد الله على سلامتك..
ابوراكان ابتسم:والحمد الله على سلامتك انت بعد..
تركي:الله يسلمك ان شاء الله..
ابوراكان كان يناظر اللي حوله..زوجته وبناته جنبه وهذا شي عنده يسوى الدنيـا كلها ومافيها..
قال بأستغراب:وين راكان سلم علي وطلع..
مشاعل:والله مدري (رفعت جوالها) بتصل عليه..<<دقت عليه اكثر من مره بس مايرد..
:افف رد عاد..<<وصلها صوته المبحوح..
:هلا مشاعل..
مشاعل:من ساعه وانا ادق ليه ماترد..
راكان بحزن وهو يتنهد بضيق:مشاعل اذا عندك شي ضروري قوليه ماعندك سكري مو رايق لأحد..
مشاعل حست ان فيه شي..طلعت برا وبخوف:راكان فيك شي صوتك متغير..
راكان غصب نزلت دموعه:خلاص بعدين اكلمك..<<وسكر السماعه بدون مايسمع رد منها..
مشاعل ناظرت الجوال بأستغراب:وش فيه هذا..
كان يمشي وجنبه ابوه وامه..وعقله مو معه..
ابونايف:مطول إنت على هالحاله..
بندر انتبه:هاه..
ابونايف:لا سلامة قلبك ولاشي..
كمل طريقه وطاحت عيونه على مشاعل..عض شفايفه بقهـر..يكرهها و وده يقتلها..
ابونايف:مشاعل..
مشاعل ابتسمت وهي تبوس راسه:هلا خالي وش اخبارك..
ابونايف:الحمد الله بخير..
مشاعل لفت على ام نايف وابتسمت وهي تبوسها خد بخد:خالتي كيفك..
ام نايف استغربت..مشاعل متغيـره واسلوبها متغيـر"ان شاء الله دوم":بخير الحمد الله على سلامة الوالد..
مشاعل:الله يسلمك تفضلوا..<<دخل ابونايف وام نايف وراه..بس بندر تم واقف..
مشاعل:الحمد الله على سلامتك..
بندر بدون نفس:الله لايسلمك..
مشاعل بلعت غصاتها ونزلت راسها..
بندر ابتسم بأستهزاء:غريبه ما رديتي..
مشاعل تفرك يدينها بتوتر:بنـدر مو وقته..
بندر:والله مو إنتي اللي تحددين وقته وإلا مو وقته فاهمـه..
مشاعل تنهدت بضيق:فاهمه..
بندر رفع حاجبه بأستغراب:اشك انك مشاعـل..
مشاعل:وليه تشك..
بندر بأحتقار:لان مشاعل قليلـــة ادب و وقحه بس اللي قدامي العكس..
مشاعل غمضت عيونها ودمعتها اللي بطرف رمشها نزلت وبصوت مرتجف:إنسـى مشاعل الاولى انا مشاعل ثانيه..
بندر بأستهزاء:جد والله ومشاعل الثانيه مو اللي تمسك رجال وتمشي قدام خلق الله مشاعل الثانيه تجيب رجال عندها في غرفتها صح وإلا انا غلطان..
كلامه يجرح وطعن قلبها..رفعت راسها وبعصبيه:لا إنت تعديت حدودك..
بندر مسك يدها و لواها وسند جسمها على الجدار..قال وهو يضغط على اسنانه بقهـر:بـــس و لاكلمه..
مشاعل دفته عنها وهي تتنفس بسرعه وبدى صوتها يعلى:خيـــر وش تبي انت وش سويت لك انا..
بندر وهو يقبض و يرخي يده..وبقهر:قولي لي انتي اللي مفبركه صوري وعطيتيها لدانا..
:
ناظرته ودموعها تسيـل انهار على خدها..وقلبها من الخوف يضرب بقوووه..لو قالت له"ايه انا" وش بيسوي فيها يمكن يقتلها..
قال وهو يقرب منها والشرار يتطاير من عيونه:تكلـمـي..
مشاعل تتراجع لورا وصدمت في الجدار وهي تتنفس بسرعه..بعدت وجهها عنه وهي ترتجف..لازم تقوله وتمحي احساس الذنب اللي في قلبها..وتخليه يسامحها على اللي سوته فيه..
قالت وهي ترتجف وخايفه من ردة فعله:ايه انا..
كـان بيطيح على الارض من قوة الصدمه..هو كان متوقع انها هي اللي مفبركه الصور.لكن مو متوقع ان عندها شجاعه تعترف له..
قالت وهي تبكي وتعض شفايفها بقهـر:آسفه كان عقلي مو معاي..
قال وهو في قمة عصبيته وسندها على الجدار وحط يده على رقبتها وضغط عليها بقووووه:انتـــــــــي متى كان عقلك معاك..
شافهم من بعيد و ركض لهم..قال وهو يلهث ويبعد بندر عن مشاعل:مجنون إنت وش تسوي..
كانت عيونه حمــرا..وصدره يرتفع وينزل بسرعه..قال بصوت مرتجف وهو يصرخ:بعــد عني إنت الثاني..
نايف مسك بندر عن مشاعل وبعصبيه:خيـر إن شاء الله..
كانت مشاعل منزله راسها وتشهق من البكي..
بندر يحاول يفك يد نايف عنه..قال بعصبيه وعيونه حمرا ومتجمعه بدموعه:ياخـــــي بعد..
نايف ناظر مشاعل بأحتقار:روحي انتي..
مشاعل كانت واقفه..جامده في مكانها ماتحرك لها رمش..كانت تناظر نايف بصدمه..بعد كل اللي سوته فيه يدافع عنها..وهو المفروض يوقف مع اخوه ويهزئها..
كانت دموعها تنزل حاره تحرق خدها..وتشهق بصوت عالي..
قال بعصبيه انتفضت منها:تحركــــــــــي..
بلعت غصاتها وتجاوزتهم بعد ماضربت كتف بندر بدون قصد..ناظرها نظره ماقدرت تفسرها..إلا بأنها نظرة إحتقار..حقد..كره..
كانت ندمانه قد شعر راسها..ومستعده تسوي اي شي علشان بندر يسامحها..
مسحت دموعها وكملت طريقها بخطوات سريعه مرعوبه..
قال وهو يضرب صدره..ويضغط على اسنانه:وش تبي منها..
قال بقهر وهو يتنفس بسرعه..:هــــي اللي فبركت الصور و عطتها لدانا..
نايف صرخ في وجهه بعصبيه:دانـــــا تزوجت تفهم وش معنى تزوجت خلاص انساها..
بندر بألم:واذا ريم تزوجت بتقدر تنساها..
انصدم و ارتخت عضلاته وهدت انفاسه وبهدوء:من ريم..
بندر:من غيرها على بالك يعني ما ادري انك تحبها..
قال وهو يبلع غصاته:وانت وش دراك..
بندر:انت اخوي واكثر واحد يعرفك انا..
نايف سند جسمه على الجدار و رفع راسه وغمض عيونه:اكذب عليك يابندر اذا قلت بنساها وشلون بنسى انسانه اغلى من روحي و دنيتي وعمري كله..
بندر ابتسم بألم:اللـــــــه هالكثر تحبها..
نايف فتح عيونه وابتسم على جنب:اكثر مما تتصور..
بندر بضيق:قبل شوي متصل علي تركي يقول ان ملكتها يوم الخميس..
احسـاس مر..عذبه وقتله..كلمات بندر طعنته وجرحته..يعنـي خلاص بتروح منه..بترتبط بأنسان غيره..
ردة فعله كانت دموع نزلت غصب عنه على خده..
لف ومشى وهو ينزل شماغه على كتفه ونبضات قلبــــه سريعه..
خلاه في حاله..عارف انه اذا تضايق ما يحب يشوف ولا يتكلم مع اي احد..
توجه لغرفة ابوراكان ودق الباب ودخل..
تصنع الابتسامه وتقدم له:الحمد الله على سلامتك..
::
طلع من المستشفى وهو يعض على شفايفه بقهر..وقلبه ينعصر من الألم..تنهـد بضيق وهو مغمض عيونه..
الناس يطالعونه يحسبون ان له احد متوفي من كثر الدموع اللي سالت على خده..تقدم لسيارته و ركب وخبط بالباب
حط يده على الدركسون"و ربـي لو يمس شعره منك بقتلــــــه انتي لي يا ريم"..<<ضرب الدركسون وصرخ..
:فاهمــــــــــــه..
××
كان يناظر الطريق..وعلى شفاته اكبـر ابتسامة خبث..بكره بيدمرها..وبيخلي راسها في التراب..بكره بيخليها تندم على كل كلمه قالتها له..
"والله لأوريك شغلك واكسر خشمك يابنت اللذين واخلي راس ابوك في التراب ونهايته هالشايب على يدي هههههههههههههههههههه"..
××
كانت تمسح الارض وهي تلهث..سمعت صوت الجرس خافت تروح تفتح ويشوفها ناصر وقتها ماتدري وش بيسوي فيها..
طلعت من المطبخ بكرسيها:يمه روحي شوفي من عند الباب..
نجود بخوف:ما ابي خلي ساره تروح..
ام ناصر:ساره راحت مع ناصر السوق يجيبون اغراض يله روحي افتحي الباب يمكن انها ام حمد..
نجود وقفت وبأرتباك:طيب تعالي معي..
ام ناصر فتحت عيونها على الأخر:انتي وش سالفتك..
نجود رمت الفوطه في سطل المويه:و لاشي..<<لفت وطلعت وهي تتأفف وتوجهت للباب..
:مين..
حمد:انا حمد..
نجود كشرت..حمد ولد جيرانهم يحبها ويموت فيها بس هي تكرهه ومو معطيته وجه..وبدون نفس
:نعم وش بغيت..
حمد:موجود ناصر..
نجود:لا والله مو موجود..
حمد جته فكره وابتسم بخبث:طيب افتحي الباب..
نجود"وش يحس به ذا":قلتلك ناصر مو موجود وش تبي..
حمد ابتسم بخبث:ودي اشوف من ملكت قلبي بصوتها..
رجع لها اللي صار معها قدام عينها..يوم كانت في الاستراحه ودخل ناصر..يوم ناظرت وجهه المصدوم..يوم سحبها مع شعرها قدام خلق الله وضربها..يوم نزلها للصحراء وضربها بوحشيه..يوم دخلها على امها وهي منهاره من البكي والضرب..
ارتجفت كل خليه في جسمها وبلعت غصاتها..ضمت يدينها لصدرها بخوف..
وقالت بصوت مرتجف:رح قبل ما اصرخ والم عليك الجيران..
حمد ابتسم بخبث:اي شي يجي منك اتقبله..
سمعت صوت سيارة ناصر..من الخوف ماقدرت تتحرك..سمعت صوته اللي يخلي قلبها يرتجف..
:هــــــلا حمد..
حمد بأرتباك:هلا بك وش اخبارك..
ناصر:حمد الله تفضل تقهوى..
حمد:لا مشكور..
ناصر:ياخي فنجال..
حمد:والله وراي اشغال مع السلامه..
ناصر وهو يتوجه للباب ويفتحه:الله معك..<<فتح الباب واشر لساره تدخل..دخلت و رفعت الغطا عن وجهها وهو دخل وراها وسكر الباب..
شاف نجود واقفه وترتجف من الخوف..
قال بعصبيه:انــــــتي وش موقفك هنا مو قلتلك ماتعتبين باب غرفتك..
ساره:ناصر شوي شوي على البنت..
ناصر وهوفي قمة عصبيته..شد شعر نجود وهي صرخت:آآآآآآآآآه..
ناصر ناظر ساره وعيونه بتطلع من مكانها:انتـــــي انطمي لاتتدخلين..<<سحبها مع شعرها ودخلها للبيت ودفها على الارض..كانت الارض فيها مويه تزحلقت وصدمت في الجدار:آآآآآآه..
××
تذكرت اللي صار لها معه آخر مره..وكانت دمعتها قريبه..بس حاولت تمسك نفسها قد ماتقدر..واكيد بتشوفه هناك بس بتكابر على مشاعرها وبتدوس على قلبها..
اول ما شافته كل اللي كانت مقررته نسته..والعالم والناس نستهم..حتى نست نفسها..
تحبه..تعشقه..تموت فيه..هالكلمات شويه عليه وماتقدر تعبر على اللي في قلبها..
تذكرت يوم كان يصرخ ويعصب عليها..تذكرت يوم ساعدها و وقف معها يوم طاحت ناديه..تذكرت يوم داخ ودخل للبيت معها..
كان احسـاسها ماينوصف..وقلبها طاير في السما..
تقدمت بخطوات متردده..وعيونها ما فارقته و لالحظه..ويدينها اللي ماسكه فيها شنطتها عرقت..وحرارة جسمها تحرقهاآآ..
حاولت تكون طبيعيه..وحطت يدها على قلبها وغمضت عيونها"يااااربي ساعدني دخيلك لاتضعف قلبي قدامه"..
ناظرت في الحرمه الشقرا اللي جنبه..خافت تكون..هي اللي ملكت قلبه و تزوجها..وقتها بتموووووت..
تقدمت وهي تفرك يدينها والشنطه في يدها تقول ارحميني..قال بصوت مبحوح:راكان..
راكان كان لاف يناظر احمد..بس لما سمع صوتها لف بسرعه وانصدم وبهمس:جنا..
جنا نزلت راسها وبلعت غصاتها..ودقات قلبها مو راضيه تهدى..:ايه جنا كيف احمد الحين..
راكان يمسح عرق رقبته..وبلع ريقه وهو يناظرها من فوق لتحت..مو مصدق ان هي قدامه وشافها من جديد..
جنا بأرتباك واضح:راكان تسمعني..
راكان رفع راسه والتقت عيونهم..جنـا كانت شوي وبتطيح..كانت عيونه ناعسـه..عسليه..شعره طويل لتحت اذنه ولونه اسود..بشرته لونها حنطـي وله غميزات..
جذااااب..وقلبها ذاب مابين ضلوعها وهي تشوفه..<<وهــ بس وهـ..
قال بأرتباك وهو يحك دقنه:ا..ا..امم حمد الله بخير هو في العنايه المركزه الحين..
جنا ناظرت في جانيت بأستغراب وهي رافعه حاجبها..كانت جانيت ماسكه قرآن وتقرا بخشوع وترتيل..وآثار دموعها على خدها..
قالت بأستغراب:من هاذي..
راكان:ام احمد..
جنا زاااد استغرابها..احمد قايل لها ان امه توفت وهي تولده..ابتسمت على تفكيرها الغبـي..متى اصلاً كان بينها وبين احمد شي صادق..
ناظرته من ورا الزجاج..كان شكلـه يقطع القلب..وبجد رحمته..رغم كل اللي سواه فيها..
قال وعلامة استفهام كبيره فوق راسها:انتي وش جابك..
من نبرة صوته حست كأنه يقولها"انقلعـي"..قالت بقهر:جيت اشوفك..
راكان انصـدم:انا..
جنا ناظرته بعيون مدمعه:ايه انت..اول ماقريت الخبر في الجريده جيت ركض لهنا لاني عارفه انك معه..
راكان"وش تحس به ذي":جنا انتي وش تبين بالضبط..
جنا بأرتباك وتردد:جيت اقولك اني قلت لفيصل كل شي..
راكان طاح قلبه:وش قلتي..
جنا:قلت انو هيفاء مالها علاقه باللي صار لها والحمد الله احس ان علاقتهم تحسنت..
راكان تنهد بأرتياح:ايوه وش بعد..
جنا رفعت كتوفها:بس..
راكان:بس هذا اللي بتقولينه..
جنا نزلت راسها وفركت يدينها بتوتر وبلعت غصاتها:راكان انا آسفه (رفعت راسها وعيونها غرقت بدموعها) على اللي صار ذاك اليوم في المستشفى بس هاذي اختي و لازم استر عليها (بعدت وجهها عنه وبصوت مرتجف) انت اللي ماتقرب لي ولا اعرفك ولاتعرفني سترت علي وماقلت لأحد اني....(ماكملت كلمتها شهقت من البكي) وشلون ماتبيني استر على اختي..
عوره قلبه عليها وقال بحزن:من قال اني ما ابيك تسترين عليها بس انصدمت من اللي سواه احمد فيكم..
جنا وهي تشهق وتبكي بشكل يقطع القلب:طـ..يب انا وش ذنـ..بي ليه تركتني و رحت حرام عليك ماتدري وش سويت بغيابك احس اني ميته بدون روح ولا نبض..
راكان انصدم من كل كلمه تقولها..
كملت وهي تشهق:عارفه اني ما استاهلك بس انا انـ..ا (رفعت راسها وبصوت مجروح متقطع) احـ..(سكتت وهي تناظر عيونه وشهقت وقلبها ينزف..مسحت دموعها وبسرعه) و لاشي..<<لفت ومشت بس هو مسكها مع يدها وضغط عليها..
:انتي ايش..
جنا لفت راسها عليه ونزلت دموعها من جديد:قلتلك ولاشي (تنهدت بضيق وسحبت يدها) قل لهيفاء تسامحني وتحللني وانت الله يوفقك وين ماتروح يله مع السلامه..<<لفت عنه وهي تبكي من قلب وتمشي بخطوات سريعه وصوت شهقاتها ملى الممر..
ناظرها لما اختفت عنه وبلع غصاته وتنهد بضيـق..كلامها غريــــب واحساسه وهو يسمعه اغــرب..مايدري وشو بالضبط..
::
؛؛..يادهري لاتحملني البلاوي..انا المجروح ما الآقي اللي يداوي..؛؛
ركبت السياره وانهارت من البكي..حطت راسها على الشباك وغمضت عيونها..كان ودها يكون اللي صار لها اليوم كابـوس وتصحى منه..
مسحت دموعها بيدها المرتجفه وهي تشهق وتبلع غصاتها..
قالت بصوت مرتجف مخنوق:يله على البيت..
××
كانت جالسه على كرسي في البلكونه وحاطه كرسي ثاني قدامها ومدده رجلينها عليه..وماسكه الورده وتناظرها وتنزل عليها دموعها..
ماتتخيل تكون مع محمد..وماتتخيل يدينها ماسكه يديه..تتمنى تموت ولاترتبط فيه..تكرهه وهالكلمه شويه عليه..
تذكرت نايف..كل اللحظات اللي كانت معها فيها تمر قدام عيونها..
عضت شفايفها بقهـر..وشهقت وهي تضم الورده لصدرها..
صحاها من افكارها صوت جوالها يرن..رفعته من على الطاوله ومسحت دموعها وردت..
:هلا لمى..
لمى:هلا فيك وينك انتي..
ريم:في البيت..
لمى:ماراح تزورين ابوراكان..
ريم بألم وحزن:لا قاعده اجهز نفسي (قالت والعبره خانقتها) ملكتي الخميس..
لمى انصدمت وتحس ان الدم في عروقها نشف..:إيـــــش..
مها:خير لمى وش صاير (بخوف سحبت الجوال وحطته على اذنها سمعت صوت شهقات ريم وقالت وهي مرعوبه) ريـم وش صاير لك..
ريم وهي تشهق وترتجف وبصوت مرتجف:خلي لمى تقولك باي..<<سكرت بدون ماتسمع رد منها..وانحنت على نفسها وبكت بحرقــه والم..
::
وصلت حدها وقالت بعصبيه:لمــــــى تكلمي وش صاير ترى رفعتوا ضغطي انتي وياها..
لمى بحزن وهي تحت تأثير الصدمه:ملكتها الخميس..
مها بأستغراب:طيب وش اللي مزعلكم هذا شي يفرح مو يزعل..
لمى بكت وما بين دموعها:هي ماتبيه مغصوبه عليه..
مها انصدمت:من اللي غاصبها..
لمى:عمي مين يعني..
مها حطت يدها على فمها من قوة الصدمه..كانت اخر شي تتوقعه عمها يسوي مع ريم كذا..
قالت بصوت مرتجف والدموع من عينها قريبه:شوبار روح لبيت عمي فهد..
لمى لفت عليها:ما احنا رايحين لأبوراكان..
مها بضيق:بروح اشوف ريم خايفه عليها بصراحه..
لمى لفت عنها وهزت راسها بضيق:طيب..
××
قالت وهي تبتسم بفرحه:بكره في الاستراحه بنحتفل برجعة تركي ونايف وسلامتك يابوراكان..
ابوراكان ابتسم:الله يسلمك ان شاء الله بس ليه تعبتي نفسك وجيتي..
الجده نوره:تعبك راحه اهم شي انك قمت بالسلامه المهم بكره كلكم تعالوا..
الكل:ان شاء الله..
ابومشعل:اجل بتصل على ابومحمد اقوله يجي..
تركي كشر وبصوت واطي:يا ذا الابومحمد مدري وش مسوي فيه ساحره..
بندر عطاه كوع:انطم لو سمحت..
تركي لف عليه:لو كانت اختك اللي بتتزوج مغصوبه كان قتلت خطيبها..
بندر بألم:حبيبتي تزوجت وماسويت شي..
تركي:يكفي انك داخل القصر بخلاقين..
بندر بقهر:والله كان ودي ادخل بسروال خباز وطاقيه مخططه علشان يتفشل..
تركي:هههههههههههههههههههههههههههههههههه..
قاطع كلامهم ام راكان:وش اخبارك ياتركي..
تركي ناظرها مستغرب:الحمد الله بخير..
ام راكان:وش اخبار رجولك بعد العمليه ان شاء الله احسن..
تركي رفع حاجبه:صباااااح الليل..
بندر عطاه كوع وبأرتباك:ايه احسن بكثيـر..
ام راكان بألم:اسفه اني ماسألت عنك..
تركي ابتسم وباس راسها:مسموحه يالغاليه..
ام راكان ابتسمت ومشت عنهم..
تركي لف على بندر وبأستغراب:وش صاير في الدنيا..
بندر رفع كتوفه:علمي علمك..
كانت رافعه رجلها وتلبس صندلها وشعرها طايح على وجهها:يله يله..
في بقهر:من ساعه وانتي تقولين يله بعدين تقولين انتظري شوي افففففف ياليـــــل ابو اللمبات..
غاده نزلت رجلها ورفعت شعرها عن وجهها وهي تضحك:عليك مصطلحات..
في بدون نفس:اقول يله خلصينا وانتي ساكته..
غاده تمشي بخطوات سريعه للمرايه وتعدل شعرها:دقيقه..
في:ياربيـــــه ترى تأخرنا على رائد..
غاده بصدمه:رائد هو اللي بوصلنا..
في ابتسمت:ايه..
غاده ركضت وخذت شنطتها وعبايتها وطلعت بخطوات سريعه وبصوت عالي:يلـــــه في تأخرنا..
في:هههههههههههههههههههههههه..
نزلت وهي تنط درجتين وبغت تطيح لكن بس تمسكت في الدرابزين:يمـــــــه..
رائد ركض لها ومسك يدها:صار لك شي..
غاده تتنفس بسرعه وسحبت يدها وبأرتباك:لا..
رائد:الله يهديك ليه تنزلين بسرعه مو خايفه تطيحين..
غاده:اسأل بنت خالتك..
في وهي تنزل:الحين حطيتيها علي من قلتلك رائد بيوصلنا طرتي تنزلين..
رائد ناظرها وابتسم..وهي انقلب وجهها مية لووون وحرارة جسمها ارتفعت..لفت وجهها على في وهي تتوعدها في نفسها..
رائد ابتسم وعض على شفايفه:آآآخ ياقلبي فديتك انا..
طلعت وهي تسكر عبايتها:هاه خلصتوا..
في شوي وتنفجر من الضحك:ايه خلصنا..
ام في:يله رائد..
رائد كان متنح يناظر غاده وهو يبتسم..وغاده تتمنى تنشق الارض وتبلعها وتدعي على (في) في نفسها..
ام في علت صوتها:رائـــــــد..
رائد ارتاع ولف عليها:سمي..
ام في:ههههههههههههههههه وش فيك..
رائد حط يده ورا رقبته وابتسم:مافيني شي هاه خلصتوا..
ام في:وانا من ساعه وش اقول..
رائد خذ مفتاحه من على الطاوله بأرتباك:ايه طيب يله نمشي..
ام في سحبت في وبهمس:وش السالفه..
في:ههههههههههههههههههههههههه مدري..
ام في سحبت اذنها وهي تبتسم:وش مسويه يا الخبله..
في:آي آي هههههههههههههههههههههههه والله ماسويت شي ماما ترى اذني ابيها..
ام في ضربت ظهرها بخفه:طيب البسي عبايتك..<<طلعت ام في و في قعدت تلبس عبايتها وغاده ركضت لها ونطت عليها..
غاده:يالدوووووووووووووووبا..
في طاحت على الكنب وغاده فوقها:ههههههههههههههههههههههههههههه..
غاده وهي تضرب الوساده على وجهها بقهر:اكرهــــــك..
في بخبث:من حبيتي رائد سحبتي علينا ياحركتات انتي..
غاده حمر وجهها وصرخت:كلـــــي تبن..
في:ههههههههههههههههههههههههههههههه..
××
دخلت وخبطت بالباب ومشت بخطوات سريعه لفوق وطنشت ناديه اللي تناديها..
نوف ارتاعت و وقفت:وش فيها..
ناديه وقفت وتوجهت للدرج:ارتاحي انتي بروح اشوف وش فيها..<<طلعت فوق وقبل ماتسكر جنا الباب دفته ودخلت..
:خير جنا وش فيك..
جنا وهي تشهق وتبكي:مافيني شي اطلعي عني..<<لفت عنها وتوجهت للشباك وعضت شفايفها بقهر ودموعها تسيل على خدها..
ناديه بضيق:كل هذا ومافيك شي..
جنا نزلت راسها وصوت بكاها يعلى..
ناديه لفتها عليه:قولي لي وش فيك..
جنا شهقت بقوه وحظنتها..
::
نوف تهز رجولها وتفرك يدينها بتوتر..وقفت:بروح اشوفها..
ماجد مسك يدها:اجلسـي ناديه راحت تشوفها..
نوف جلست وهي مكشره:من امس وحالها مو عاجبني..
ماجد:ان شاء الله مايكون فيها إلا العافيه..
نوف تنهدت بضيق:ان شاء الله..
::
كانت منزله راسها وتشهق:احبه..
ناديه حطت يدها على يد جنا وضغطت عليها:جنا انتي تدرين انك..
جنا قاطعتها بصوت مرتجف:ايه ادري حسبـــي الله عليك يا احمد الله ياخذك..
ناديه:هاذي غلطتك انتي هو ماضربك على يدك وقالك تعالي معي انتي اللي رحتي له..
جنا غمضت عيونها وتنهدت بضيق:لاتذكريني..
ناديه:طيب خلاص انسيه وادعي له الله يوفقه مع وحده تسـ..
قاطعتها بأنفعال:ما اقــدر بموووت لو شفته مع وحده غيري..
ناديه:إنا وش قلنا قبل شوي جنا لاتسوين بنفسك كذا هو لايمكن..
جنا قاطعتها وهي تبكي:خـــــــــلاص تكفين اسكتي..
ناديه بضيق:جنا لاتزعلين مني وحاولي تنسينه..
جنا هزت راسها وهي تبتسم بألم وحظنتها..
××
نزل عليه الخبـر مثل الطامه..خبر دمر كل شي فيه..يحس ان تفكيره مشلول..
حط يده المرتجفه يفرك جبينه..والعرق ينزل من راسه..
.."للأسف الفحوصات بينت ان احمد معاه الايدز"..
كانت جانيت تبكي بهستيريا وتصرخ..وتنوح:لاااااااااااا كزااااب هوا عم يكزب عم يكزب..
راكان صرخ ودموعه على خده:خلااااااااااااااص انطمي..<<شهق وحط راسه على الجدار وصوت بكاه يعلى..
جانيت لفته عليها وهزته وهي تصرخ ودموعها تنزل انهار على خدها:إبنــــــــي اشرف منكم كلكـــــم سامـــــــع (ضعفت ونزلت راسها وهي تشهق) بترجاك إل لي انو هوا عم يمزح عم يكزب بـس احمد مافيه شِي بترجااااااك..
راكان صرخ عليها وهو يدفها:انتـــــي اخر وحده تتكلمين عن الشرف بعدين وش جابـــك وش تبين تركتي احمد يوم كان صغير ومحتاجلك وجايه الحين يوم كبر ليه..؟؟
جانيت وهي تنحني بتبوس يده:لاتحرمني منو متل ماحرمني بيوه بترجاك..
راكان سحب يده وتكتف وهو يشهق ويعض شفايفه بقهر..
××
كانوا واقفين في الحديقه..و اول ماشافتهم وقفت و ركضت لهم وحظنتهم وهي تبكي بألم وحرقة قلب محد يقدر يطفيها..
مها وهي تبعد عنها:خلاص تكفين..
ريم تشهق:ما ابيــــه تكفووون حاولوا مع ابوي تكفووووون..
لمى كانت تبكي وما قالت ولاحرف..كان شكل ريم يطعن القلب ويطعنه..
ريم مسكت يد لمى وبرجا:تكفيـن حاولي معه (لفت على مها) إنتـي تقدرين تقنعينه هو يسمع منك..<<نزلت راسها وشهقت بقوووه..
مها رفعت راسها بأصبعها ودموعها تنزل على خدها وبصوت مبحوح:ريـم لاتشيلين هم بكلمه وبحاول معه حتى بخلي امي نوره تكلمه..
ريم بدون تصديق:جــــد..
مها هزت راسها وحظنتها بأقوى ماعندها..
××
طاحت السماعه من يده..وهو يرتجف..وحط يده على صدره..
يحـس ان قلبه عليه جبـل من الهموم..حابسه انفاسه..
ولـده معاه الايدز..وبنته حاولت تنتحــــر..
اخوه تخلـى عنه..
باااع دينه علشان دنياه..علشان يصير في مكانه ممتازه..والكل يحترمه..
الحيــن..ما يملكه ما صار يسوى شـي..
لا مكانته..و لافلوسه اللي يشتري بها اعراض الناس..
قال تعآلى:..((وجآءت سكرة الموت بالحق..ذلك ما كنت منه تحيد))..
حس ان نهايته قربــــت..حاول ينطق الشهاده..لكن انربط لسانه..
قبــــــض الله روحه..وطاح على الارض..
::
طلعت من اللفت..وهي تناظر اظافرها وتنفخ عليها..قررت تسافر لكندا وبتعيش فيها..
دقت الباب..ماسمعت رد..دقته مره ثانيه وبأستغراب:بابا..
فتحت الباب وشهقـــــــت بصدمه:بــــــــــــــابـا..
××
قالت وهي ترتجف والسماعه شوي وبتطيح من يدها:انخطبت..
هديل بفرحه:من مين..
ريناد بلعت غصاتها ودقااات قلبها تزيد:من زوج اختك الله يرحمها..
هديل انصدمت:سعــــــــــد..
ريناد:ايه (فركت جبينها بيدين مرتجفه) اليوم كلمت ام سعد امي وقالت لها إنا بنجيكم اليوم (قالت وهي تتنفس بسرعه) ما راح اوافق..
هديل:ليه..
ريناد:انا ما ابي اتزوج الحين توني على الزواج اصلاً اصلاً ما ابي اتزوج خلقــــــه..
هديل:مجنووووونه انتي اسمعيني سعد مافيه مثله ما شاء الله عليه اخلاق وطيب ومحترم وماعنده خرابيط وسوالف بنات..
ريناد:ما اقــدر اقولك انا كارهه الزواج بكبره..
هديل:علشان دانا..
ريناد:تقدرين تقولين كذا..
هديل:لاتتعقدين شوفي رهف الخبله كانت ماتبي تتزوج والحين ميتـــــــه على الزواج..
ريناد:شكلها لقت لها من يحبها..
هديل بفرحه:ايه مشاري قلتلك بينهم علاقة حب والحين بتتوج بالزواج (بحماس) باركـــــي لي بصير عمه مستقبلاً..
ريناد بدون نفس:هاهاها تنكتين حظرتك والله انك رايقه..
هديل:إنتـي وش فيك كذا معقده ياختي وافقي علشان تصيرين مرة ابو ولد اختي..
ريناد:مدري وشلون ركبتي هالجمله مرة ابو ولد اختي..
هديل تربعت على السرير وبحماس:المهم تركبت وخلاص هاه قولي لي موافقه علشان ازغرط مشتهيه ازغرط..
ريناد:زغرطي لبنت عمك واخوك وبأذن الله ما راح تزغرطين لي لاني ماراح اتزوج..
هديل كشرت وبقهر:رينـــــــاد ترى شوي وبكفخك حرام عليك خلينا نفرح فيك..
ريناد:افرحي بأخوك وبنت عمك..
هديل:الحين انتي وش فيك معلقه على اخوي وبنت عمي انا ابي افرح فيك إنتي..
ريناد:وش يقول رشود..
هديل بطفش:يا ذا الرشود اللي ذبحتينا فيه..
ريناد طنشت كلامها:يقول بلا زواج بلا وجع قلب..
هديل:يقول بلا حب لاتألفين من عندك بعدين ماقلتلك حبي قلت تزوجي والحب بعدين يحله الف حلال هاه قولي لي موافقه..
ريناد:لا..
هديل عصبت من جد وصرخت:عمـــــــــرك ما وافقتي..<<سكرت السماعه على وجهها..
طووط..طوووط..<<ناظرت الجوال وهي مكشره وتأففت..
رمت الجوال على سريرها..وحطت راسها على الوساده وغمضت عيونها..
"ليــــه انا..وش معنى اختارني..وبعدين هو اكبر مني بكثيـر وعنده ولد ويمووت في خلود الله يرحمها..مستحيـــل يتقبلني في حياته اكيد امه هي اللي اصرت عليه يتزوج علشان ولده..آآآه ياربي وش اسوي"..<<انفتح الباب وفتحت عيونها..
ام دانا:للحين ما لبستي..
ريناد عدلت جلستها:متى بتجي..
ام دانا:بعد صلاة العشاء يله قومي مافيه وقت..<<وطلعت..
ريناد كشرت وقفت بس رن جوالها..ناظرت الرقم والتكشيره تحولت لبسمه وسيعه وردت..
:هلا وغلا..
دانا وهي تبتسم:بونسوار..
ريناد بفرحه:امووووووت على الفرنسي انا كيفك..
دانا:هههههههههههههههههههه بخير انتي كيفك..
ريناد كشرت:زفت..
دانا:افااا ليه..
ريناد بضيق:انخطبت..
دانا بفرحه صرخت:والــــــــــله..
رياض ارتاع:خير وش صاير..
دانا بعدت السماعه عن اذنها وهي تبتسم:اختي انخطبت (رجعت السماعه لأذنها) مين..
ريناد:سعد..
دانا انصدمت:سعد زوج خلود..
ريناد:ايه..
دانا وهي تحت تأثير الصدمه:من جدك..
ريناد:ايه والله..
دانا ابتسمت من جديد وبفرحه قالت:من حسن حظك يا بــــــت مبروووووك..
ريناد:اللي يسمعك يقول وافقت الحين..
دانا:شكلك ناويه ماتوافقين ترى بذبحك سعد اي بنت تتمناه..
رياض:احـــــم احم..
دانا ابتسمت:إلا انا ابي ريوووض ههههههههههههههههههههههههههه..
رياض عض شفايفه وقرب وجهه من خدها بيبوسها:امووت فيك انا..
دانا انصبغ وجهها وبسرعه:يله باي..<<وسكرت السماعه..
ريناد ناظرت جوالها:وجــــــع ان شاء الله وش فيهم ذولي يسكرون السماعه في وجهي اففففف..
××
كان يناظرها من المرايه الاماميه ويبتسم..وهي بين فتره وفتره ترفع عيونها وتشوفه وقلبها يدق بسـرعه..
في بهمس:اعصابك انتي وياه..
غاده بقهر:إنطمي انتي تراك رافعه ضغطي..
في:ههههههههههههههههههههههههههه..
ام في بأستغراب لفت عليها:انتي وش شاربه اليوم..
في:بايسن..
ام في:وانا اقول فيوزاتك ضاربه اليوم ليه اثرك شاربه ذا اللي مدري وش يسمونه..
في:هههههههههههههههههههههه تبين تهبلين في ابوي اشربيه..
ام في:بجرب مره وبشوف..
غاده بقهر:خالتـي لاتسمعين لذي اللي مخها منسم..
في:منسم اتفخيه هههههههههههههههههههههههههههه..
غاده كشرت:ياشيـــــن السماجه بعد..
رائد يناظر غاده ويبتسم:ايه والله ياشينها وخاصه على في..
في:إنت محد كلمك..
غاده:إلا انا..
ام في:اقووول اهجدي انتي وياه اشوفكم اتفقتوا على بنتي..
الكل:هههههههههههههههههههههههههههه..
نزلوا للمستشفى..وام في وفي يمشون قدام غاده و رائد ورا غاده..
قرب منها وهمس:احبــــك..
غاده تقدمت بخطوات سريعه و وجهها احمــــــر:خلاص رائد..
رائد:هههههههههههههههههههههه..
في لفت على امها:انا بروح للحمامات ((الله يعزكم)) بضبط مكياجي..
ام في:روحي..
